SIEMCHILBU 29
29
Jakob Haran ah aum
1Tuachi’n Jakob apei zel a, suolam mite gam ahing tungta a, 2Tuachi’n a enkawi a, lou a tuikhuh um khat amu a, ngaivawi, akungah Belam hon thum alum uhi. Tua tuikhuh apat Belam honte tui a dawnsah zel uhi. Tualeh suong lienpi khat in tuikhuh kam akisin hi. 3Tualeh Belamhon zousie aum khawm ua, tua tuikhuh kam a suong kisin alia khie ua, Belamte tui a dawnsah ua, tualeh suongpen tuikhuh kam ah aumna ngai ah akoi kia zel uhi. 4Tualeh Jakob in a kung uah, “Ka unaute, heilam mi na hi uoi?” achi hi. Amaun, “Haran khuo lam mi ka hi uhi,” a chi uhi.
5Tualeh aman akung uah, “Nahor tapa Laban na theikha uoi?” achi hi, amaun, “Theima ung” achi ua. 6Tualeh aman akung uah, “Adam nai?” achi hi. Amaun, “Adam na hi, tualeh envawi, atanu Rachel zong Belamhon toh ahing pei hi,” achi uhi.
7Tualeh aman, “En un, ni zong asang nalai hi, ganhon pui khawm hun zong ahinai sih hi; Belamte tui dawnsah unlen, tualeh ann vanesah tadi un,” achi hi.
8Hinanleh amaun, “Ka hithei sihding uh, Belam hon zousie akipui khawm a, tuikhuh kam apat suong akiliadoh masang sien, tuazou chiengin Belamten tui ka dawnsah zel uhi,” achi uhi.
9Tualeh amauh a houpi laiin, Rachel in apa belamte puiin, ahing pei a, ama b elam chingmi ahi hi. 10Tualeh hichi ahing hi a, Jakob in anu sanggampa Laban tanu Rachel leh anu sanggampa Laban belamte amu tahin ava nai a, tuikhuh kam apat suong a liadoh a, anu sanggampa belamte tui a dawnsah hi. 11Tuachi’n Jakob in Rachel a tawpa, aw ngaitah a kikou in akapta hi. 12Tualeh Jakob apa tupa ahi chileh Rebekah tapa ahi chi Rachel a hil a, khumin amanu a tai a, apa ava hilta hi. 13Tualeh hichi ahing hi a, Laban in a sanggamnu tapa Jakob tanchin azah tahin adawn dingin a tai a, tualeh angawngkawi a, a tawpa a inn ah ahing peipi hi. Tualeh aman tua thute zousie a un in Laban ahil hi. 14Tualeh Laban in a kungah, “Nangpen ka gu leh ka sa chiet vawt hichie,” achi hi, tuachiin a kungah ha khat aumta hi.
Jakob in Rachel leh Leah thalaw in Laban nna asem
15Tuachi’n Laban in Jakob kungah, “Ka tupa na hi ziehin amawhna’n ka nna nasem ding amah? bang nalaw diei? hing hil vawi in,” achi hi. 16Tualeh Laban in tanu ni a nei a, a uzaw min Leah ahia, anau zaw pen Rachel ahi. 17Leah khu a mit a zuongha a, hinanleh Rachel pen melhoitah leh ngaibang tah ahi.
18Tuachi’n Jakob in Rachel a it a tualeh, “Na tanu naupang zaw Rachel dingin kum sagi na nna ka sem ding,” achi hi.
19Tualeh Laban in amanu pen midang kunga, “Ka pieh sangin nang hing peleng hoizaw naven; ka kungah um in,” achi hi. 20Tuachi’n Jakob in Rachel a kitenpi theina dingin kum sagi a nna asep pieh a, hinanleh amanu a it seng ziehin tomnou kaal sungin a thei giap hi.
21Tuachi’n Jakob in Laban kungah, “Ka pawl theina dingin ka zi hing peta in, ka hun lah achingta ngal a,” achi hi. 22Tualeh Laban in khum mun a mi zousie a hankhawm a, annkuong aluita hi. 23Tualeh hichi ahing hi a, nitah miel in aman atanu Leah a puia, Jakob kungah a hing puilut a, tualeh aman ana luppita hi. 24Tualeh Laban in, a suohnu Zilpah a tanu Leah suohnu dingin apie hi. 25Tuachi’n hichi ahing hi a, zingmawng in ngaivawi, Leah ana hita a, Tuachi’n Jakob in Laban kungah, “Ka tunga na nasep bangchidan ahiei? Rachel dinga na nna ka sep hilou ahiei mah? Bang zieha na hing solbawl ahiei?” achi hi.
26Tuachi’n Laban in, “Ka gam uah tambang a ta upazaw masanga a anaupang zaw pieh ngaina ahisih hi.’ 27‘Amanu hapta suching phot inlen, tuachiin kum sagi dang ka nna nasep man dingin tami nu zong hing peva ung” achi hi.
28Tuachi’n Jakob in tambangin abawlta a; ani sagi asu buching ta hi, tuachiin atanu Rachel zong azi dingin apeta hi. 29Tualeh Laban in a suohnu Bilhah khu a tanu Rachel suohnu dingin apie hi. 30Tualeh Jakob in Rachel zong a pawla, Leah sangin Rachel a it zaw a, tuachiin kum sagi dang Laban na asem hi.
Jakob tate
31Tualeh Mangpa’n Leah pen it ladeuin aum chi amu in, a naubu a honpieh a, hinanleh Rachel pen a chiing hi. 32Tualeh Leah ahing gaita a, tapa khat a nei a, amin dingin Reuben aphuo hi. Aziehpen, “Mangpa’n ka gentheidan ahing muchien hi, tunvang ka pasal in hing it tava” achi hi. 33Tualeh a gai kia a tapa khat aneikia a, huot in ka um chi, “Mangpa’n azata a, tam tapa zong ahing pie hi” achi hi; tuachiin amin dingin Simeon aphuo hi. 34Tualeh agai kia a tapa khat aneikia a, “Tuin tapa thum ka neipieh taah ziehin ka pasal in kei hing beltava” achi hi, tuaziehin amin Levi achi hi. 35Tualeh agai kia a, tapa khat anei kia a; “Tuin vang Mangpa phat tavang,” achi hi. Tuaziehin amin Juda ahisah ta a, tuachiin naunei atawpta hi.
Currently Selected:
SIEMCHILBU 29: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
SIEMCHILBU 29
29
Jakob Haran ah aum
1Tuachi’n Jakob apei zel a, suolam mite gam ahing tungta a, 2Tuachi’n a enkawi a, lou a tuikhuh um khat amu a, ngaivawi, akungah Belam hon thum alum uhi. Tua tuikhuh apat Belam honte tui a dawnsah zel uhi. Tualeh suong lienpi khat in tuikhuh kam akisin hi. 3Tualeh Belamhon zousie aum khawm ua, tua tuikhuh kam a suong kisin alia khie ua, Belamte tui a dawnsah ua, tualeh suongpen tuikhuh kam ah aumna ngai ah akoi kia zel uhi. 4Tualeh Jakob in a kung uah, “Ka unaute, heilam mi na hi uoi?” achi hi. Amaun, “Haran khuo lam mi ka hi uhi,” a chi uhi.
5Tualeh aman akung uah, “Nahor tapa Laban na theikha uoi?” achi hi, amaun, “Theima ung” achi ua. 6Tualeh aman akung uah, “Adam nai?” achi hi. Amaun, “Adam na hi, tualeh envawi, atanu Rachel zong Belamhon toh ahing pei hi,” achi uhi.
7Tualeh aman, “En un, ni zong asang nalai hi, ganhon pui khawm hun zong ahinai sih hi; Belamte tui dawnsah unlen, tualeh ann vanesah tadi un,” achi hi.
8Hinanleh amaun, “Ka hithei sihding uh, Belam hon zousie akipui khawm a, tuikhuh kam apat suong akiliadoh masang sien, tuazou chiengin Belamten tui ka dawnsah zel uhi,” achi uhi.
9Tualeh amauh a houpi laiin, Rachel in apa belamte puiin, ahing pei a, ama b elam chingmi ahi hi. 10Tualeh hichi ahing hi a, Jakob in anu sanggampa Laban tanu Rachel leh anu sanggampa Laban belamte amu tahin ava nai a, tuikhuh kam apat suong a liadoh a, anu sanggampa belamte tui a dawnsah hi. 11Tuachi’n Jakob in Rachel a tawpa, aw ngaitah a kikou in akapta hi. 12Tualeh Jakob apa tupa ahi chileh Rebekah tapa ahi chi Rachel a hil a, khumin amanu a tai a, apa ava hilta hi. 13Tualeh hichi ahing hi a, Laban in a sanggamnu tapa Jakob tanchin azah tahin adawn dingin a tai a, tualeh angawngkawi a, a tawpa a inn ah ahing peipi hi. Tualeh aman tua thute zousie a un in Laban ahil hi. 14Tualeh Laban in a kungah, “Nangpen ka gu leh ka sa chiet vawt hichie,” achi hi, tuachiin a kungah ha khat aumta hi.
Jakob in Rachel leh Leah thalaw in Laban nna asem
15Tuachi’n Laban in Jakob kungah, “Ka tupa na hi ziehin amawhna’n ka nna nasem ding amah? bang nalaw diei? hing hil vawi in,” achi hi. 16Tualeh Laban in tanu ni a nei a, a uzaw min Leah ahia, anau zaw pen Rachel ahi. 17Leah khu a mit a zuongha a, hinanleh Rachel pen melhoitah leh ngaibang tah ahi.
18Tuachi’n Jakob in Rachel a it a tualeh, “Na tanu naupang zaw Rachel dingin kum sagi na nna ka sem ding,” achi hi.
19Tualeh Laban in amanu pen midang kunga, “Ka pieh sangin nang hing peleng hoizaw naven; ka kungah um in,” achi hi. 20Tuachi’n Jakob in Rachel a kitenpi theina dingin kum sagi a nna asep pieh a, hinanleh amanu a it seng ziehin tomnou kaal sungin a thei giap hi.
21Tuachi’n Jakob in Laban kungah, “Ka pawl theina dingin ka zi hing peta in, ka hun lah achingta ngal a,” achi hi. 22Tualeh Laban in khum mun a mi zousie a hankhawm a, annkuong aluita hi. 23Tualeh hichi ahing hi a, nitah miel in aman atanu Leah a puia, Jakob kungah a hing puilut a, tualeh aman ana luppita hi. 24Tualeh Laban in, a suohnu Zilpah a tanu Leah suohnu dingin apie hi. 25Tuachi’n hichi ahing hi a, zingmawng in ngaivawi, Leah ana hita a, Tuachi’n Jakob in Laban kungah, “Ka tunga na nasep bangchidan ahiei? Rachel dinga na nna ka sep hilou ahiei mah? Bang zieha na hing solbawl ahiei?” achi hi.
26Tuachi’n Laban in, “Ka gam uah tambang a ta upazaw masanga a anaupang zaw pieh ngaina ahisih hi.’ 27‘Amanu hapta suching phot inlen, tuachiin kum sagi dang ka nna nasep man dingin tami nu zong hing peva ung” achi hi.
28Tuachi’n Jakob in tambangin abawlta a; ani sagi asu buching ta hi, tuachiin atanu Rachel zong azi dingin apeta hi. 29Tualeh Laban in a suohnu Bilhah khu a tanu Rachel suohnu dingin apie hi. 30Tualeh Jakob in Rachel zong a pawla, Leah sangin Rachel a it zaw a, tuachiin kum sagi dang Laban na asem hi.
Jakob tate
31Tualeh Mangpa’n Leah pen it ladeuin aum chi amu in, a naubu a honpieh a, hinanleh Rachel pen a chiing hi. 32Tualeh Leah ahing gaita a, tapa khat a nei a, amin dingin Reuben aphuo hi. Aziehpen, “Mangpa’n ka gentheidan ahing muchien hi, tunvang ka pasal in hing it tava” achi hi. 33Tualeh a gai kia a tapa khat aneikia a, huot in ka um chi, “Mangpa’n azata a, tam tapa zong ahing pie hi” achi hi; tuachiin amin dingin Simeon aphuo hi. 34Tualeh agai kia a tapa khat aneikia a, “Tuin tapa thum ka neipieh taah ziehin ka pasal in kei hing beltava” achi hi, tuaziehin amin Levi achi hi. 35Tualeh agai kia a, tapa khat anei kia a; “Tuin vang Mangpa phat tavang,” achi hi. Tuaziehin amin Juda ahisah ta a, tuachiin naunei atawpta hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.