JOHAN 9
9
Apien apat mitto suhdamna
1Tualeh Jesu lampi a apei laiin, apien apat mitto khat amu hi. 2Anuazuiten akungah, “Siepa tam mipa mittosa a apien, koi khelna ahiei? Ama khiel ahiei, ahisihleh anu leh apa’n?” chiin adong uhi. 3Jesu’n adawnga, “Tam mipa lah akhiel sih a, anu leh apa’n zong akhiel sih uhi, hinanleh Pasian nasepte ama tunga akilat na dinga tam sil tung ahi zaw hi. 4Sun ahilaiin Ama kei hing sawlpa na ka sep ngeingei ding ahi; zan hing tung ding ahita, khum hun chiengin koima’n na asem thei sih ding uhi. 5#Mat. 5.14; Jn. 8.12Leitunga ka um sungteng, leitung adingin vah ka hi,” achi hi.
6Tam silte agen zouin, lei ah achil asie a, achil in tungman abawl a, tua tungmanin mitto pa mitte anu a, 7Mittopa kungah, “Pei inlen Siloam dil ah vasil in” achi hi. (Siloam khu sawl china ahi.) Tuachi’n apei a avasilta a, mitvah in ahing kilekiata hi. 8Tuaziehin a innvengte leh masang lai a amittot lai na musaten, “Tam mipa khutdaw a touzelpa hilou amah?” achi uhi. 9Pawlkhatte’n “Ama ahina hi” achi ua, pawl dangten “Hilaizang sih akisutpi hibou” achi uhi, hinanleh amapa’n, “Kei ama ka hi,” achi hi. 10Tuaziehin amaun akungah, “Na mitte bang hing chi vah ahiei?” achi uhi. 11Aman adawnga, “Jesu kichi mi khat in tungman abawl a ka mitte ahing nu pieh a, ka kungah Siloam dil ah pei inlen vasil in, ahingchi a, tuachi’n ka pei a, ka sil a, tuachi’n ka mu thei ta hi,” achi hi. 12Tuachi’n amaun akungah, “Ama hei ah a um ei “achi ua; Aman “Ka thei sih,” achi hi.
13Amaun masang lai a mittopa khu Pharisaite kungah ahing zawpi uhi. 14Jesu’n tungman abawla amit avahsah ni khu khawlni ahi hi. 15Tuachi’n Pharisaiten zong amitte hing vah dan akungah adong kia uhi. Aman akung uah, “Ka mit ah tungman anu a, ka vasil a, tuachi’n ka muta hi,” achi hi. 16Tuaziehin Pharisaite Pawlkhat in, “Tam mipa Pasian a pat a hing kipan ahi sih, aziehpen khawlni atang sih hi,” achi uhi. Midangte’n “Bangchidan in mi khiel in tambang sillamdang abawl thei diei?” achi ua, tuachi’n alah uah kikhenna a umta hi. 17Amaun mittopa kungah, “Na mit hing vahsahpa tungtang ah nang Ama bangchi mi hiva” na chi ei? Nang mit hiven avahsah, achi uhi. Aman “Guolnei hiva,” achi hi.
18Hinanleh Judaten amit hing vahpa nu leh pa ahat masangsie uh, tua mipa mittosa a pieng ahia, tu a khuo hing muthei ahi, chi atungtang thu agingta sih uhi. 19Tualeh amaun anule pa kungah, “Tam mipa na tapa uh mittosa a pieng na chipa uh ahi nai mah? Bangchidan a tua hing mu theita ahiei?” achi uhi. 20Anu leh paten amauh adawng ua, “Tam mipa ka tapa uh ahi a, mittosa a pieng ahi chi ka thei uhi. 21Hinanleh bangchidan a tu a khuo hing muthei ahiei, ahisihleh koi ahiei amit suhvahpieh chivang ka thei sih uhi. Ama dongun, mi piching ahita, ama tungthu kigen thei ahita,” achi uhi. 22Mittopa nulepaten tambanga thu agen u’khu Judate agiin zieh uh ahi; aziehpen koizong Ama Khrist ahi chi a gen pouma kikhopna inn apata nawdoh ding ahi chiin Judaten kithukimna khat aneisa uh ahi. 23Tuaziehin ahi anulepate’n mi piching ahita, “Ama dongun,” achi uh.
24Tuachi’n amauten mittopa khu ahan kia ua, akungah, “Thupina Pasian pie in, kouten tam mipa mikhiel ahi chi ka thei uhi,” achi uhi. 25Aman adawnga, “Mikhiel ahileh hilou ka thei sih, sil khat ka thei hi, mitto kana hi a, tuin ka mu theita hi,” achi hi. 26Tuachi’n amaun akungah, “Aman na tunga bang ahiei abawl? Na mit bang ahing chi suhvahpieh ahiei?” achi kia uhi. 27Aman “Ka hing hil zouta hi, na ngai nuom sih uhi. Bangdinga na zah ut kia uh ahiei? Nou zong anuazui hi na ut uh amah?” chiin adawng hi.
28Tuachi’n ama aphawh ua, “Nang Ama nuazui na hi a, Koute pen Mosi nuazui ka hi uh. 29Pasian in Mosi kungah, thu agen chi ka thei uh, Tam mipa ahileh hei a hing kipan a hing pei ahiei chi ka thei sih uh,” achi uhi.
30Amapa’n adawnga, akung uah, “Tami ahi vele alamdanna! Hei a hing kipan ahiei na theilou uh, hinapi a, Aman lah ka mit ahing suhvah pieh hi! 31Pasian in mikhielte thu angaikhe sih chi ithei uhi, hinanleh mi koizong Pasian bieh ngaisah a adeilam bawl mi khu angaikhie hi. 32Leitung pien chiil akipat in mittosa a pieng mitte akisuhvah pieh chi koiman aza ngai sih. 33Tam mipa. Pasian a hing kipan hisih leh bangma abawl thei sih ding hi,” achi hi. 34Amaun adawng ua, akungah, “Nang khelna bukim apieng in koute na hing hil ngam viel maw?” achi ua; ama anotdohta uhi.
35Jesu’n tua mipa anotdoh uh chi aza a, tualeh ama amu tahin, akungah, “Pasian Tapa na gingta ei?” achi hi.#Mihing Tapa ‘Jesu’ china (Pasian Tapa achina ahi) na gingta ei? achi hi. 36Aman adawnga akungah, “Mangpa Ama koi ahiei? Ka gintat theina dingin,” achi hi. 37Jesu’n akungah, “Ama na muta a, nang hing houpipa ahi,” achi hi.
38Tuabepin aman “Mangpa ka gingta hi,” achi a, Ama abeta hi. 39Tuachi’n “Mu theilouten ahing mutheina ding u’leh, mitvahte mit ahing tawt theina dinga vaihawm dingin leitunga hing pei ka hi,” achi hi. 40Akunga um Pharisai pawlkhatten tam thute azah tahun, akungah, “Koute zong mitto ka hi uoi mah?” achi uhi. 41Jesu’n akung uah, “Mitto hi u’lachin khelna neilou ding hi ve uchin, hinanleh tuin mu thei na kichi ua, tuaziehin na khelna uh a umden hi,” achi hi.
Currently Selected:
JOHAN 9: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
JOHAN 9
9
Apien apat mitto suhdamna
1Tualeh Jesu lampi a apei laiin, apien apat mitto khat amu hi. 2Anuazuiten akungah, “Siepa tam mipa mittosa a apien, koi khelna ahiei? Ama khiel ahiei, ahisihleh anu leh apa’n?” chiin adong uhi. 3Jesu’n adawnga, “Tam mipa lah akhiel sih a, anu leh apa’n zong akhiel sih uhi, hinanleh Pasian nasepte ama tunga akilat na dinga tam sil tung ahi zaw hi. 4Sun ahilaiin Ama kei hing sawlpa na ka sep ngeingei ding ahi; zan hing tung ding ahita, khum hun chiengin koima’n na asem thei sih ding uhi. 5#Mat. 5.14; Jn. 8.12Leitunga ka um sungteng, leitung adingin vah ka hi,” achi hi.
6Tam silte agen zouin, lei ah achil asie a, achil in tungman abawl a, tua tungmanin mitto pa mitte anu a, 7Mittopa kungah, “Pei inlen Siloam dil ah vasil in” achi hi. (Siloam khu sawl china ahi.) Tuachi’n apei a avasilta a, mitvah in ahing kilekiata hi. 8Tuaziehin a innvengte leh masang lai a amittot lai na musaten, “Tam mipa khutdaw a touzelpa hilou amah?” achi uhi. 9Pawlkhatte’n “Ama ahina hi” achi ua, pawl dangten “Hilaizang sih akisutpi hibou” achi uhi, hinanleh amapa’n, “Kei ama ka hi,” achi hi. 10Tuaziehin amaun akungah, “Na mitte bang hing chi vah ahiei?” achi uhi. 11Aman adawnga, “Jesu kichi mi khat in tungman abawl a ka mitte ahing nu pieh a, ka kungah Siloam dil ah pei inlen vasil in, ahingchi a, tuachi’n ka pei a, ka sil a, tuachi’n ka mu thei ta hi,” achi hi. 12Tuachi’n amaun akungah, “Ama hei ah a um ei “achi ua; Aman “Ka thei sih,” achi hi.
13Amaun masang lai a mittopa khu Pharisaite kungah ahing zawpi uhi. 14Jesu’n tungman abawla amit avahsah ni khu khawlni ahi hi. 15Tuachi’n Pharisaiten zong amitte hing vah dan akungah adong kia uhi. Aman akung uah, “Ka mit ah tungman anu a, ka vasil a, tuachi’n ka muta hi,” achi hi. 16Tuaziehin Pharisaite Pawlkhat in, “Tam mipa Pasian a pat a hing kipan ahi sih, aziehpen khawlni atang sih hi,” achi uhi. Midangte’n “Bangchidan in mi khiel in tambang sillamdang abawl thei diei?” achi ua, tuachi’n alah uah kikhenna a umta hi. 17Amaun mittopa kungah, “Na mit hing vahsahpa tungtang ah nang Ama bangchi mi hiva” na chi ei? Nang mit hiven avahsah, achi uhi. Aman “Guolnei hiva,” achi hi.
18Hinanleh Judaten amit hing vahpa nu leh pa ahat masangsie uh, tua mipa mittosa a pieng ahia, tu a khuo hing muthei ahi, chi atungtang thu agingta sih uhi. 19Tualeh amaun anule pa kungah, “Tam mipa na tapa uh mittosa a pieng na chipa uh ahi nai mah? Bangchidan a tua hing mu theita ahiei?” achi uhi. 20Anu leh paten amauh adawng ua, “Tam mipa ka tapa uh ahi a, mittosa a pieng ahi chi ka thei uhi. 21Hinanleh bangchidan a tu a khuo hing muthei ahiei, ahisihleh koi ahiei amit suhvahpieh chivang ka thei sih uhi. Ama dongun, mi piching ahita, ama tungthu kigen thei ahita,” achi uhi. 22Mittopa nulepaten tambanga thu agen u’khu Judate agiin zieh uh ahi; aziehpen koizong Ama Khrist ahi chi a gen pouma kikhopna inn apata nawdoh ding ahi chiin Judaten kithukimna khat aneisa uh ahi. 23Tuaziehin ahi anulepate’n mi piching ahita, “Ama dongun,” achi uh.
24Tuachi’n amauten mittopa khu ahan kia ua, akungah, “Thupina Pasian pie in, kouten tam mipa mikhiel ahi chi ka thei uhi,” achi uhi. 25Aman adawnga, “Mikhiel ahileh hilou ka thei sih, sil khat ka thei hi, mitto kana hi a, tuin ka mu theita hi,” achi hi. 26Tuachi’n amaun akungah, “Aman na tunga bang ahiei abawl? Na mit bang ahing chi suhvahpieh ahiei?” achi kia uhi. 27Aman “Ka hing hil zouta hi, na ngai nuom sih uhi. Bangdinga na zah ut kia uh ahiei? Nou zong anuazui hi na ut uh amah?” chiin adawng hi.
28Tuachi’n ama aphawh ua, “Nang Ama nuazui na hi a, Koute pen Mosi nuazui ka hi uh. 29Pasian in Mosi kungah, thu agen chi ka thei uh, Tam mipa ahileh hei a hing kipan a hing pei ahiei chi ka thei sih uh,” achi uhi.
30Amapa’n adawnga, akung uah, “Tami ahi vele alamdanna! Hei a hing kipan ahiei na theilou uh, hinapi a, Aman lah ka mit ahing suhvah pieh hi! 31Pasian in mikhielte thu angaikhe sih chi ithei uhi, hinanleh mi koizong Pasian bieh ngaisah a adeilam bawl mi khu angaikhie hi. 32Leitung pien chiil akipat in mittosa a pieng mitte akisuhvah pieh chi koiman aza ngai sih. 33Tam mipa. Pasian a hing kipan hisih leh bangma abawl thei sih ding hi,” achi hi. 34Amaun adawng ua, akungah, “Nang khelna bukim apieng in koute na hing hil ngam viel maw?” achi ua; ama anotdohta uhi.
35Jesu’n tua mipa anotdoh uh chi aza a, tualeh ama amu tahin, akungah, “Pasian Tapa na gingta ei?” achi hi.#Mihing Tapa ‘Jesu’ china (Pasian Tapa achina ahi) na gingta ei? achi hi. 36Aman adawnga akungah, “Mangpa Ama koi ahiei? Ka gintat theina dingin,” achi hi. 37Jesu’n akungah, “Ama na muta a, nang hing houpipa ahi,” achi hi.
38Tuabepin aman “Mangpa ka gingta hi,” achi a, Ama abeta hi. 39Tuachi’n “Mu theilouten ahing mutheina ding u’leh, mitvahte mit ahing tawt theina dinga vaihawm dingin leitunga hing pei ka hi,” achi hi. 40Akunga um Pharisai pawlkhatten tam thute azah tahun, akungah, “Koute zong mitto ka hi uoi mah?” achi uhi. 41Jesu’n akung uah, “Mitto hi u’lachin khelna neilou ding hi ve uchin, hinanleh tuin mu thei na kichi ua, tuaziehin na khelna uh a umden hi,” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.