LUK 17
17
Jesu’n khelna thu ahilna
1Tuachi’n Jesu’n anuazuite kungah, “Puanate ahing tunglou thei ahi sih hi, hinanleh puana um sahpa tung agih hi! 2Tam mi neute laha khat apuasah sangin angawng ah bu hehna suongsum awsahin tuipi sungah kipailut leh ama a dingin ahoizaw ding hi. 3#Mat. 18.15Pilvang un, na sanggampa’n na tunga sil abawlkhiel leh phawhhil inlen, akisia leh ngaidam in. 4Ni khat sunga sagi vei na tunga sil abawlkhiel a, sagivei na kunga ka kisia hi achi a, nanglam a ahing kihei kia leh na ngaidam ding ahi.” 5Tualeh sawltahten Mangpa kungah, “Ka ginna uh khangsah in,” achi uhi. 6Tuachi’n Mangpa’n “Ankam tang khat chie ginna na nei uleh tam kawlsathau kung kungah, hing kiphungkal inlen tuipi sungah pouin, na chi ding ua, na thu uh amang mai ding hi.
7“Noute lah a koi ahiei in, loukai ahiei, ahisihleh belamching ahiei, suoh khat nei henlen, lou apat ahing vaitun chieng a, Ann va kineh pai aw, chi ding koi na hi uoi? 8Tualemahin, ka neh ding bawl inlen, puon teng inlen, ka neh a ka dawn zou masangsie ka neh kataah bawl in, tuazou chiengin nangman na nein na dawn na ding hi, chizaw lou ding na hi uoi mah? 9Tua suohpan abawl ding thu kipete banga abawl ziehin kipah thu na gen ei le? Ka gingta sih hi. 10Tuachimabangin nouten zong na kung ua thupieh zousie na bawl zou chiengun, suoh phatuomlou ka hi uh ka bawl ding mawnguh bawl ka hi uh, chi un,” achi hi.
Jesu’n phah sawm a suhdamna
11Jesu Jerusalem zuon a apei lai in, Samaria leh Galili gamgi zuul atuon suoh a; 12Tuachi’n khuo khat a alut kuon in, pha ngentang mi sawm in ana dawn ua, amaute gamlapi ah ading ua, 13Tualeh aw ngaitah in akikou ua, “Siepa Jesu aw, koute hing khotuoin,” achi uhi.
14 #
Siempu. 14.1-32
Tuachi’n amauh amu tahin, Aman akung uah, “Pei unlen siemputen va ki en sah un,” achi hi. Tuachia apei lai un ahing siengthouta uhi. 15Tualeh alah ua khat in adamta chi akithei tahin anuakia kia a, aw ngaitah in Pasian apahtawita hi. 16Tuachi’n Jesu kengbul ah akhupboh a, kipah thu agen a, tua mipa khu Samari mi ahi. 17Tuachi’n Jesu’n adawnga, “Mi sawm hing siengthouta na hisih uh amah? Hinanleh kuote hei a umta? 18Tam gamdang mipa chilou, Pasian pahtawi ding a hing kinualekia koima kimu khatalou hiven maw?” achi hi. 19Tualeh Aman akungah, “Thou inlen peita’n, na ginna in ahing damsahta hi,” achi hi.
Jesu’n ahing peikiana ding agenna
20Tualeh Pharisaiten Pasian gam hing tun hun ding adoh u’leh, Aman adawng a akung uah, “Pasian gam pen mu theiin ahing tung sih hi. 21En un, tanah, ahisihleh En un, khunah, zong achi sih ding uhi, Aziehpen ngai un, Pasian gam khu na lah uah a um hi,” achi hi. 22Tuachi’n Aman anuazuite kungah, “Mihing Tapa damlai nite ni khatbeh na mu nop ni uh ahing um ding, hinanleh na mu sih ding uhi. 23Tualeh amaun na kung uah, En un, khunah, En un, tanah, ahing chi ding ua, pei sih unlen, anua u’zong zui sih un. 24Aziehpen tunphie vannuoi langkhat a aphiet a vannuoi langkhat tandong asalvah mabangin Mihing Tapa ahing pei ni chiengin tuabang ahi ding hi. 25Hinanleh Aman sil tampi athuoh masa ding a, tulai khangthate deilouin a um ding hi. 26#Siem. 6.5-8Noah damlai a sil umdan bangin, Mihing Tapa hing peikia chiengin zong a um ding hi. 27#Siem. 7.6-24Noah kuonga alut a tui ahing let a, a unpi ua amanthai ni uh atun masangsie, ane un, adawn ua, zi leh tain akinei ua, akiteng uhi. 28#Siem. 18.20—19.25Tuachimabangin Lot damlai in zong a um a, ane un, adawn ua, alei un azua ua, tualeh a suon ua, alam uhi. 29Hinanleh Sodom khuo apat Lot apawt niin van akipat in meilekat azu a, abawn un asumangthai siengta hi. 30Tuamabangin Mihing Tapa ahing kilah ni chiengin a um ding hi.
31 #
Mat. 24.17,18; Mak. 13.15,16 Tua ni chiengin koipou inntunga um in innsung a neitah umte la dingin kumsuh sih heh; tuamabangin koipou lou a um zong hing nuakia sih heh. 32#Siem. 19.26Lot zi thei zing un. 33#Mat. 10.39; 16.25; Mak. 8.35; Luk. 9.24; Jn. 12.25Mi koipou ahinna humbitna sui in ataan ding a; tualeh koipou ahinna taan in ahumbit ding uhi. 34Ka hing hil ahi, tua zanin lupna khat ah mi ni alum khawm ding ua, khat lahmangin a um dinga, khat nuasie in a um ding hi. 35Nu mei ni ann sukhawm in a um ding ua; khat lahmangin a um dinga, khat nuasiein aum ding hi.” 36“Mi ni loulai ah aum khawm ding ua, khatpen lahmangin a um dinga, khat nuasie in a um ding,” achi hi.
37Tuachi’n amaun adawng ua, akungah, “Heisungah e, Mangpa?” achi ua; Aman akung uah, “Shiluong umna phot ah langtate zong a um khawm ding uhi” achi hi.
Currently Selected:
LUK 17: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
LUK 17
17
Jesu’n khelna thu ahilna
1Tuachi’n Jesu’n anuazuite kungah, “Puanate ahing tunglou thei ahi sih hi, hinanleh puana um sahpa tung agih hi! 2Tam mi neute laha khat apuasah sangin angawng ah bu hehna suongsum awsahin tuipi sungah kipailut leh ama a dingin ahoizaw ding hi. 3#Mat. 18.15Pilvang un, na sanggampa’n na tunga sil abawlkhiel leh phawhhil inlen, akisia leh ngaidam in. 4Ni khat sunga sagi vei na tunga sil abawlkhiel a, sagivei na kunga ka kisia hi achi a, nanglam a ahing kihei kia leh na ngaidam ding ahi.” 5Tualeh sawltahten Mangpa kungah, “Ka ginna uh khangsah in,” achi uhi. 6Tuachi’n Mangpa’n “Ankam tang khat chie ginna na nei uleh tam kawlsathau kung kungah, hing kiphungkal inlen tuipi sungah pouin, na chi ding ua, na thu uh amang mai ding hi.
7“Noute lah a koi ahiei in, loukai ahiei, ahisihleh belamching ahiei, suoh khat nei henlen, lou apat ahing vaitun chieng a, Ann va kineh pai aw, chi ding koi na hi uoi? 8Tualemahin, ka neh ding bawl inlen, puon teng inlen, ka neh a ka dawn zou masangsie ka neh kataah bawl in, tuazou chiengin nangman na nein na dawn na ding hi, chizaw lou ding na hi uoi mah? 9Tua suohpan abawl ding thu kipete banga abawl ziehin kipah thu na gen ei le? Ka gingta sih hi. 10Tuachimabangin nouten zong na kung ua thupieh zousie na bawl zou chiengun, suoh phatuomlou ka hi uh ka bawl ding mawnguh bawl ka hi uh, chi un,” achi hi.
Jesu’n phah sawm a suhdamna
11Jesu Jerusalem zuon a apei lai in, Samaria leh Galili gamgi zuul atuon suoh a; 12Tuachi’n khuo khat a alut kuon in, pha ngentang mi sawm in ana dawn ua, amaute gamlapi ah ading ua, 13Tualeh aw ngaitah in akikou ua, “Siepa Jesu aw, koute hing khotuoin,” achi uhi.
14 #
Siempu. 14.1-32
Tuachi’n amauh amu tahin, Aman akung uah, “Pei unlen siemputen va ki en sah un,” achi hi. Tuachia apei lai un ahing siengthouta uhi. 15Tualeh alah ua khat in adamta chi akithei tahin anuakia kia a, aw ngaitah in Pasian apahtawita hi. 16Tuachi’n Jesu kengbul ah akhupboh a, kipah thu agen a, tua mipa khu Samari mi ahi. 17Tuachi’n Jesu’n adawnga, “Mi sawm hing siengthouta na hisih uh amah? Hinanleh kuote hei a umta? 18Tam gamdang mipa chilou, Pasian pahtawi ding a hing kinualekia koima kimu khatalou hiven maw?” achi hi. 19Tualeh Aman akungah, “Thou inlen peita’n, na ginna in ahing damsahta hi,” achi hi.
Jesu’n ahing peikiana ding agenna
20Tualeh Pharisaiten Pasian gam hing tun hun ding adoh u’leh, Aman adawng a akung uah, “Pasian gam pen mu theiin ahing tung sih hi. 21En un, tanah, ahisihleh En un, khunah, zong achi sih ding uhi, Aziehpen ngai un, Pasian gam khu na lah uah a um hi,” achi hi. 22Tuachi’n Aman anuazuite kungah, “Mihing Tapa damlai nite ni khatbeh na mu nop ni uh ahing um ding, hinanleh na mu sih ding uhi. 23Tualeh amaun na kung uah, En un, khunah, En un, tanah, ahing chi ding ua, pei sih unlen, anua u’zong zui sih un. 24Aziehpen tunphie vannuoi langkhat a aphiet a vannuoi langkhat tandong asalvah mabangin Mihing Tapa ahing pei ni chiengin tuabang ahi ding hi. 25Hinanleh Aman sil tampi athuoh masa ding a, tulai khangthate deilouin a um ding hi. 26#Siem. 6.5-8Noah damlai a sil umdan bangin, Mihing Tapa hing peikia chiengin zong a um ding hi. 27#Siem. 7.6-24Noah kuonga alut a tui ahing let a, a unpi ua amanthai ni uh atun masangsie, ane un, adawn ua, zi leh tain akinei ua, akiteng uhi. 28#Siem. 18.20—19.25Tuachimabangin Lot damlai in zong a um a, ane un, adawn ua, alei un azua ua, tualeh a suon ua, alam uhi. 29Hinanleh Sodom khuo apat Lot apawt niin van akipat in meilekat azu a, abawn un asumangthai siengta hi. 30Tuamabangin Mihing Tapa ahing kilah ni chiengin a um ding hi.
31 #
Mat. 24.17,18; Mak. 13.15,16 Tua ni chiengin koipou inntunga um in innsung a neitah umte la dingin kumsuh sih heh; tuamabangin koipou lou a um zong hing nuakia sih heh. 32#Siem. 19.26Lot zi thei zing un. 33#Mat. 10.39; 16.25; Mak. 8.35; Luk. 9.24; Jn. 12.25Mi koipou ahinna humbitna sui in ataan ding a; tualeh koipou ahinna taan in ahumbit ding uhi. 34Ka hing hil ahi, tua zanin lupna khat ah mi ni alum khawm ding ua, khat lahmangin a um dinga, khat nuasie in a um ding hi. 35Nu mei ni ann sukhawm in a um ding ua; khat lahmangin a um dinga, khat nuasiein aum ding hi.” 36“Mi ni loulai ah aum khawm ding ua, khatpen lahmangin a um dinga, khat nuasie in a um ding,” achi hi.
37Tuachi’n amaun adawng ua, akungah, “Heisungah e, Mangpa?” achi ua; Aman akung uah, “Shiluong umna phot ah langtate zong a um khawm ding uhi” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.