Ngāue 14
14
Ko Paula mo Pānepasa ‘i ‘Aikoniumé
1Na‘e hoko e me‘a tatau ‘i ‘Aikoniume. Na‘e hū ‘a Paula mo Pānepasa ki he fai‘anga-lotu ‘o e kakai Siu ‘i ‘Aikoniumé, ‘o lea ai, pea tui ai e kakai Siu mo e kakai Kalisi tokolahi. 2Ka ko e kakai Siu na‘e ‘ikai ke tuí, na‘a nau fakakovi‘i e loto ‘o e kau muli ki he kakai tui.
3Na‘e nofo ai ‘a Paula mo Pānepasa, ‘o na tu‘uaki mālohi ‘a e ‘Eikí. Pea ‘oange ‘e he ‘Eikí hona mafai ke fai e ngaahi mana mo e ngaahi me‘a fakaofo, ‘o fakamo‘oni‘i ‘aki ‘ena malanga‘i ‘ene ‘ofa lahí.
4Na‘e mavaeua ‘a e kakai ‘Aikoniumé, ‘o kau e ni‘ihi mo e kakai Siú, kae kau e ni‘ihi mo e ongo ‘apōsitoló. 5Faifaí, kuo alea ha kau muli mo ha kau Siu ‘e ni‘ihi, pea mo honau kau takí, ke ngaohikovi‘i ‘a Paula mo Pānepasa, mo tolomaka‘i ke na mate.
6-7Kae ‘ilo ki ai ‘a Paula mo Pānepasa, peá na hola ki he feitu‘u Laikoniá, ‘o malanga‘i ai ‘a e ongoongo leleí ‘i he ongo kolo ko Līsita mo Teape pea mo e feitu‘u fonua atu ko iá.
Ko Paula mo Pānepasa ‘i Līsita mo Teape
8Na‘e ‘i ai ha tangata ‘i Līsita na‘e heke talu hono fā‘ele‘i. 9Pea nofo pē ‘a e tangatá ni ‘o fanongo ki he malanga ‘a Paulá. Na‘e fakatokanga‘i ‘e Paula ‘oku tui e tangatá, pea ‘e lava ai ke fakamo‘ui ai ia, ‘o ne sio fakamama‘u kiate ia. 10Peá ne lea malohi ki ai, “Tu‘u ki ‘olunga!” Pea puna hake leva ki ‘olunga e tangatá, ‘o kamata ‘alu holo.
11Pea sio e kakaí ki he me‘a kuo fai ‘e Paulá, pea nau fekaila’i ‘i he lea faka-Laikōniá, “Kuo liliu ‘a ha‘a ‘otua ia ‘o hangē ha tangatá ‘o hifo mai kiate kitautolu!” 12Pea nau fakahingoa ai ‘a Pānepasa ko Siupita, pea Heamasi ‘a Paula, he ko Paula na‘á ne fa‘a fai ‘ena leá.
13Na‘e tu‘u e Temipale ‘o Siupitá he ve‘e hū‘anga ki he koló. Pea na‘e fakakaukau ha kau taula‘eiki fai fatongia ‘o e koló, mo e kakaí, ke fai feilaulau kia Pānepasa mo Paula. Na‘a nau ‘omi ha fanga pulu mo ha ngaahi kahoa kakala ki he matapā ‘o e koló. 14Na‘e ‘ilo ki ai ‘a e ongo ‘apōsitoló, peá na hae hona valá ‘o lele ki he kakaí mo e kaikaila,
15“Ko e hā fuá ia? Ko e ongo tangata tatau pē kimaua mo kimoutolu. Ta‘ofi e fakavalevale ko ení. Mou tafoki ki he ‘Otua mo‘uí. He ko ia na‘á ne fakatupu e langí mo māmani, ‘a e tahí mo e me‘a kotoa pē ‘oku ‘i aí. 16‘I he kuo hilí, na‘e tuku ‘e he ‘Otuá ke taki taha fou pē ‘a e matakali ‘i he‘ene founga tukufakaholo. 17Ka na‘á ne fakahā mai ‘ene ‘i aí ‘aki ‘ene ‘ofa kehekehé. ‘Okú ne fakatō e ‘uhá mei he langí ke mo‘ui ai ho‘omou ngoué. ‘Okú ne ‘oatu ho‘omou me‘akaí mo fakafiefia‘i homou lotó.”
18Ka neongo kotoa ‘a e ngaahi me‘a na‘e lea ‘aki ‘e Paula mo Pānepasá, ka na‘e ‘ikai ke meimei lava ke ta‘ofi ‘a e fie fai feilaulau kiate kinaua ‘a e kakaí.
19Na‘e omi leva ha kau Siu mei ‘Aniteoke, ‘o fakaangatu‘u e kakaí kia Paula. Pea nau tolomaka‘i ia, ‘o toho ki tu‘a kolo, ko ‘enau ‘amanakí kuo mate. 20Ka ko ‘ene a‘u mai pē kia Paula ‘a e kakai na‘e tui kia Sīsuú, kuo mālanga ia ki ‘olunga ‘o foki ki loto kolo. Pea pongipongi hake, pea ō leva ‘a Paula mo Pānepasa ki Teape.
Ko e Foki ‘a Paula mo Pānepasa ki ‘Aniteoke ‘i Sīlia
21Na‘e malanga‘i ‘e Paula mo Pānepasa ‘a e ongoongo leleí ‘i Teape, ‘o ului mai ai ha ni‘ihi ki he ‘Eikí. Peá na toki foki ki Līsita, mo ‘Aikōniume, mo ‘Aniteoke ‘i Pisitia. 22Na‘á na fakalotolahi‘i e kakai na‘e tui kia Sīsuú, mo fakakouna kinautolu ke tui ai pē ki he ‘Eikí. Na‘á na tala ange kiate kinautolú, “Kuo pau pē ke tau fepaki mo ha ngaahi faingata‘a lahi pea tau toki a‘u ki he Pule‘anga ‘o e ‘Otuá.”
23Na‘e hanga ‘e Paula mo Pānepasa ‘o fili ha ni‘ihi ke taki he siasi tāutaha. Peá nau fai ‘enau ‘aukai mo ‘enau lotu ki he ‘Eikí ke ne tauhi mo tokoni‘i e kau taki ko iá.
24Pea toki hoko atu ai pē ‘a e fononga ‘a Paula mo Pānepasá ‘o a‘u ki Pisitia mo Pamifilia, 25‘o na malanga‘i e folofola ‘i he kolo ko Peaka, peá na toki fou atu ai ‘i ‘Atalia 26‘o tuku folau ki ‘Aniteoke ‘i Sīlia. Ko e feitu‘u ia na‘e fuofua tuku ai kinaua ki he ‘Otuá ke ne tauhi mo tokoni‘i, koe‘uhí ko e ngāue kuó na toki lavá.
27‘I he‘ena a‘u ki ‘Aniteoké, na‘á na ui leva e kakai ‘o e siasí ke kātoa mai. Peá na fakamatala ange kiate kinautolu e anga ‘o e tokoni mai ‘a e ‘Otuá kiate kinauá, pea mo e anga ‘o ‘ene fakaava ange ki he kakai mulí ke nau tuí.
28Na‘e nofo fuoloa ‘a Paula mo Pānepasa ‘i ‘Anitioke mo e kakai na‘e tui kia Sīsuú.
Currently Selected:
Ngāue 14: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Ngāue 14
14
Ko Paula mo Pānepasa ‘i ‘Aikoniumé
1Na‘e hoko e me‘a tatau ‘i ‘Aikoniume. Na‘e hū ‘a Paula mo Pānepasa ki he fai‘anga-lotu ‘o e kakai Siu ‘i ‘Aikoniumé, ‘o lea ai, pea tui ai e kakai Siu mo e kakai Kalisi tokolahi. 2Ka ko e kakai Siu na‘e ‘ikai ke tuí, na‘a nau fakakovi‘i e loto ‘o e kau muli ki he kakai tui.
3Na‘e nofo ai ‘a Paula mo Pānepasa, ‘o na tu‘uaki mālohi ‘a e ‘Eikí. Pea ‘oange ‘e he ‘Eikí hona mafai ke fai e ngaahi mana mo e ngaahi me‘a fakaofo, ‘o fakamo‘oni‘i ‘aki ‘ena malanga‘i ‘ene ‘ofa lahí.
4Na‘e mavaeua ‘a e kakai ‘Aikoniumé, ‘o kau e ni‘ihi mo e kakai Siú, kae kau e ni‘ihi mo e ongo ‘apōsitoló. 5Faifaí, kuo alea ha kau muli mo ha kau Siu ‘e ni‘ihi, pea mo honau kau takí, ke ngaohikovi‘i ‘a Paula mo Pānepasa, mo tolomaka‘i ke na mate.
6-7Kae ‘ilo ki ai ‘a Paula mo Pānepasa, peá na hola ki he feitu‘u Laikoniá, ‘o malanga‘i ai ‘a e ongoongo leleí ‘i he ongo kolo ko Līsita mo Teape pea mo e feitu‘u fonua atu ko iá.
Ko Paula mo Pānepasa ‘i Līsita mo Teape
8Na‘e ‘i ai ha tangata ‘i Līsita na‘e heke talu hono fā‘ele‘i. 9Pea nofo pē ‘a e tangatá ni ‘o fanongo ki he malanga ‘a Paulá. Na‘e fakatokanga‘i ‘e Paula ‘oku tui e tangatá, pea ‘e lava ai ke fakamo‘ui ai ia, ‘o ne sio fakamama‘u kiate ia. 10Peá ne lea malohi ki ai, “Tu‘u ki ‘olunga!” Pea puna hake leva ki ‘olunga e tangatá, ‘o kamata ‘alu holo.
11Pea sio e kakaí ki he me‘a kuo fai ‘e Paulá, pea nau fekaila’i ‘i he lea faka-Laikōniá, “Kuo liliu ‘a ha‘a ‘otua ia ‘o hangē ha tangatá ‘o hifo mai kiate kitautolu!” 12Pea nau fakahingoa ai ‘a Pānepasa ko Siupita, pea Heamasi ‘a Paula, he ko Paula na‘á ne fa‘a fai ‘ena leá.
13Na‘e tu‘u e Temipale ‘o Siupitá he ve‘e hū‘anga ki he koló. Pea na‘e fakakaukau ha kau taula‘eiki fai fatongia ‘o e koló, mo e kakaí, ke fai feilaulau kia Pānepasa mo Paula. Na‘a nau ‘omi ha fanga pulu mo ha ngaahi kahoa kakala ki he matapā ‘o e koló. 14Na‘e ‘ilo ki ai ‘a e ongo ‘apōsitoló, peá na hae hona valá ‘o lele ki he kakaí mo e kaikaila,
15“Ko e hā fuá ia? Ko e ongo tangata tatau pē kimaua mo kimoutolu. Ta‘ofi e fakavalevale ko ení. Mou tafoki ki he ‘Otua mo‘uí. He ko ia na‘á ne fakatupu e langí mo māmani, ‘a e tahí mo e me‘a kotoa pē ‘oku ‘i aí. 16‘I he kuo hilí, na‘e tuku ‘e he ‘Otuá ke taki taha fou pē ‘a e matakali ‘i he‘ene founga tukufakaholo. 17Ka na‘á ne fakahā mai ‘ene ‘i aí ‘aki ‘ene ‘ofa kehekehé. ‘Okú ne fakatō e ‘uhá mei he langí ke mo‘ui ai ho‘omou ngoué. ‘Okú ne ‘oatu ho‘omou me‘akaí mo fakafiefia‘i homou lotó.”
18Ka neongo kotoa ‘a e ngaahi me‘a na‘e lea ‘aki ‘e Paula mo Pānepasá, ka na‘e ‘ikai ke meimei lava ke ta‘ofi ‘a e fie fai feilaulau kiate kinaua ‘a e kakaí.
19Na‘e omi leva ha kau Siu mei ‘Aniteoke, ‘o fakaangatu‘u e kakaí kia Paula. Pea nau tolomaka‘i ia, ‘o toho ki tu‘a kolo, ko ‘enau ‘amanakí kuo mate. 20Ka ko ‘ene a‘u mai pē kia Paula ‘a e kakai na‘e tui kia Sīsuú, kuo mālanga ia ki ‘olunga ‘o foki ki loto kolo. Pea pongipongi hake, pea ō leva ‘a Paula mo Pānepasa ki Teape.
Ko e Foki ‘a Paula mo Pānepasa ki ‘Aniteoke ‘i Sīlia
21Na‘e malanga‘i ‘e Paula mo Pānepasa ‘a e ongoongo leleí ‘i Teape, ‘o ului mai ai ha ni‘ihi ki he ‘Eikí. Peá na toki foki ki Līsita, mo ‘Aikōniume, mo ‘Aniteoke ‘i Pisitia. 22Na‘á na fakalotolahi‘i e kakai na‘e tui kia Sīsuú, mo fakakouna kinautolu ke tui ai pē ki he ‘Eikí. Na‘á na tala ange kiate kinautolú, “Kuo pau pē ke tau fepaki mo ha ngaahi faingata‘a lahi pea tau toki a‘u ki he Pule‘anga ‘o e ‘Otuá.”
23Na‘e hanga ‘e Paula mo Pānepasa ‘o fili ha ni‘ihi ke taki he siasi tāutaha. Peá nau fai ‘enau ‘aukai mo ‘enau lotu ki he ‘Eikí ke ne tauhi mo tokoni‘i e kau taki ko iá.
24Pea toki hoko atu ai pē ‘a e fononga ‘a Paula mo Pānepasá ‘o a‘u ki Pisitia mo Pamifilia, 25‘o na malanga‘i e folofola ‘i he kolo ko Peaka, peá na toki fou atu ai ‘i ‘Atalia 26‘o tuku folau ki ‘Aniteoke ‘i Sīlia. Ko e feitu‘u ia na‘e fuofua tuku ai kinaua ki he ‘Otuá ke ne tauhi mo tokoni‘i, koe‘uhí ko e ngāue kuó na toki lavá.
27‘I he‘ena a‘u ki ‘Aniteoké, na‘á na ui leva e kakai ‘o e siasí ke kātoa mai. Peá na fakamatala ange kiate kinautolu e anga ‘o e tokoni mai ‘a e ‘Otuá kiate kinauá, pea mo e anga ‘o ‘ene fakaava ange ki he kakai mulí ke nau tuí.
28Na‘e nofo fuoloa ‘a Paula mo Pānepasa ‘i ‘Anitioke mo e kakai na‘e tui kia Sīsuú.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.