Ngāue 16
16
Ko e Ngāue Fakataha ‘a Paula mo Sailosi pea mo Tīmote
1Na‘e foki ‘a Paula mo Sailosi ki Teape mo Līsita. Pea na‘e nofo he feitu‘u ko iá ha toko taha ko Tīmote na‘e tui kia Sīsū. Pea ko ‘ene fa‘eé, ko e fefine Siu, na‘e tui mo ia kia Sīsū. Ka ko e tamai ‘a Tīmoté ko e Kalisi. 2Na‘e fakaongoongolelei‘i ange ‘a Tīmote ‘e he kāinga lotu Līsitá kia Paula mo Sailosi, 3pea loto ai ‘a Paula ke nau ō mo ia. Ka na‘e tomu‘a ‘ai ‘e Paula ke kamu ia, koe‘uhí he na‘e ‘ilo ‘ene tamai Kalisí ‘e he kakai Siu kotoa pē he feitu‘u ko iá.
4Na‘e fononga holo ‘a Paula mo hono toé he tukui koló, ‘o fanongonongo ai pē ki he ngaahi kāinga lotú ‘a e tu‘utu‘uni ‘a e kau ‘apōsitoló mo e kau taki ‘i Selusalemá, mo tapou kiate kinautolu ke nau fai ki ai. 5Pea na‘e tupulekina ai pē he ‘aho kotoa e kaukaua e tui ‘a e kakai ‘o e ngaahi siasí, pea mo honau tokolahí.
Ko e Misi ‘a Paula ‘i Taloasi
6Na‘e fou ‘a Paula mo hono kaungāfonongá ‘i Filisia mo Kalētia. Ka na‘e ‘ikai ke tuku ‘e he Laumālie Mā‘oni‘oní ke nau lea’aki e Folofola ‘i ‘Ēsia. 7Pea faifaí pea nau tau ki Mīsia, ‘o feinga ke ō ai ki Pitinia. Ka na‘e ‘ikai ke faka‘atā ‘e he Laumālie ‘o Sīsuú, 8pea talu ai pē ‘enau fou atu ‘i Mīsia ki Taloasi.
9Na‘e hā mai kia Paula he pō ko iá ha taha Masitōnia ‘oku tu‘u mai ‘o kole, “Ha‘u ki Masitōnia ‘o tokoni‘i kimautolu.” 10Pea hili pē ‘a e mamata ‘a Paula ki he me‘a ko iá, na‘a mau feinga leva ke ō ki Masitōnia. He na‘a mau tui pau kuo ui mai ‘a e ‘Otuá kiate kimautolu ke mau malanga‘i ai ‘a e Ongoongo Leleí.
Ko e Tafoki ‘a Litia
11Na‘a mau tuku folau leva mei Taloasi ‘o taloa ki Samōtesia, ‘o tau ki Neapolisi he ‘aho ‘e tahá. 12Na‘a mau ō ai ki Filipai, ko e kolo ‘i he vahefonua Masitōnia na‘e pule‘i ‘e Loma, ‘o mau nofo ai ‘i ha ngaahi ‘aho. 13Pea a‘u ki he Sāpaté, pea mau ō leva ki tu‘a kolo ki ha feitu‘u he ve‘e vaitafé, ko ‘emau ‘amanakí ‘oku tu‘u ai ha fai‘anga lotu ‘o e kakai Siú. Pea mau ta‘utu ai ‘o talanoa mo ha kau fefine na‘e ō ange. 14Ko e toko taha ai ko Litia, ko e fefine mei he kolo ko Taiataila. Pea ko ‘ene ma‘u‘anga mo‘uí ko e tu‘uaki fakatau tupenu kulokula, ko e fa‘ahinga tupenu mahu‘inga ‘aupito. Ko e fefine eni na‘e lotu ki he ‘Otuá, pea kuo ‘ai ia ‘e he ‘Eikí ke ne fie tali ‘a e fakamatala ‘a Paulá. 15Pea hili hono papitaiso ia mo e kāinga kotoa na‘e nofo ‘i hono ‘apí, ne toutou kole mai kiate kimautolu, “Kapau ‘oku mou pehē ko e toko taha tui mo‘oni au ki he ‘Eikí, pea mou omi mu‘a ‘o nofo ‘i homau ‘api.” Pea iku ai pē ‘o mau tali ‘ene kolé.
Ko e Puke Pōpula ‘o Paula mo Sailosi
16Na‘a mau ō atu ki he fai‘anga lotú he ‘aho ‘e taha, kuo fakafetaulaki mai ha ta‘ahine na’e fakapopula’i ‘a ia na‘e ma‘u ‘e ha fa‘ahikehe. Na‘e lava ai e ta‘ahiné ‘o vavalo‘i e kaha‘ú, ‘o ma‘u ai e pa‘anga lahi ‘a e kaume‘a na‘e ‘anautolu e ta‘ahiné. 17Na‘e muimui holo e ta‘ahiné ‘ia Paula mo kaikaila, “Ko e ongo tangatá ni, ko e ongo tamaio‘eiki ‘a e ‘Otua Fungani Mā‘olungá. Ko ‘ena me‘a ‘oku faí, ko e fakamatala atu e me‘a te mou mo‘ui aí!”
18Na‘e laulau ‘aho eni. Pea faifaí, pea hake ‘a e kātaki ‘a Paulá, peá ne tafoki atu ‘o valoki‘i e fa‘ahikehé, “‘Oku ou fekau koe ‘i he huafa ‘o Sīsū Kalaisí ke ke mahu‘i mei he ta‘ahine ko ená!” Pea mahu‘i leva mei ai e fa‘ahikehé.
19Na‘e ‘ilo ‘e he kaume‘a na‘e ‘anautolu e ta‘ahiné ‘a e mole honau ma‘u‘anga pa‘angá, pea nau puke leva ‘a Paula mo Sailosi ‘o fau atu ki fale hopo. 20Na‘a nau tala ange ki he kau takí, “Ko e ongo tangata Siu ko ení, kuó na fakatupu moveuveu ‘i hotau koló. 21Ko ‘ena me‘a ‘oku faí, ko e tala mai ke tau fai ha ngaahi me‘a ‘oku tapu ke fai ‘e kitautolu e kakai Lomá.”
22Na‘e kau mai mo e kakaí hono ‘ohofi ‘o Paula mo Sailosí. Pea toki hanga ‘e he kau pulé ‘o hae hifo e vala ‘o e ongo tangatá, pea nau fekau ke haha kinaua ‘aki ha maea. 23Pea hili hona hahá, na‘e fakahū pilīsone kinaua, pea fekau ke le‘ohi fakalelei ‘e he pule pilīsoné. 24Na‘e fai ia ‘e he pule pilīsoné. Na‘á ne tuku kinaua ki he loto pilīsoné, peá ne ha‘i sēini hona ongo va‘é ki ha ngaahi kupu‘i ‘akau lalahi. 25Kae lotu mo hiva fakafeta‘i pē ‘a Paula mo Sailosi, ‘o fanongo mai ki ai e kau pōpula kehé. Pea lolotonga iá, ‘i he vaeuapoó nai, 26na‘e fakafokifā pē kuo mofuike lahi, ‘o ngalulu ai e pilīsoné ‘o a‘u hifo ki hono ngaahi makatu‘ungá. Na‘e ava ai e ngaahi matapaá, pea ngangana e ngaahi sēini na‘e ha‘i ‘aki e kau pōpulá.
27Pea ‘ā ai e pule pilīsoné ‘o ‘ilo kuo ava e ngaahi matapaá, peá ne ‘amanaki kuo hola e kau pōpulá, peá ne unuhi ‘ene heletaá ke ne tāmate‘i ia. 28Kae kaila mai ‘a Paula, “‘Oua te ke fai ha me‘a kiate koe. ‘Oku ‘ikai ha taha ia ‘e hola!”
29Na‘e fekau ‘e he pule pilīsoné ke ‘omi ha maama, peá ne hū atu ki loto pilīsone ‘o tō tū‘ulutui kia Paula mo Sailosi mo e tetetete. 30Peá ne toki taki kinaua mei loto pilīsone, mo ne ‘eke ange, “Ko e hā te u fai ka u mo‘uí?”
31Pea tali ‘e Paula mo Sailosi, “Tui ki he ‘Eiki ko Sīsuú, pea te ke mo‘ui. Pea ‘e mo‘ui ai pē mo e kāinga kotoa ‘i homou ‘apí.”
32Na‘e fakamatala ange leva ‘e Paula mo Sailosi ‘a e ‘Eikí kiate ia, pea mo e kaume‘a kotoa na‘e nofo ‘i honau ‘apí. 33Pea lolotonga ‘ene kei po‘ulí, na‘e taki atu kinaua ‘e he pule pilīsoné ki ha feitu‘u, ‘o fufulu ai hona lavelaveá. Pea na‘e toki papitaiso ia mo e kaume‘a kotoa pē na‘e nofo ‘i honau ‘apí. 34Na’e fiefia lahi honau lotó ‘i he‘enau a‘usia ‘a e tui ki he ‘Otuá. Pea hili ia, na‘e taki ‘e he pule pilīsoné ‘a Paula mo Sailosi ki hono ‘apí ‘o ne ‘oange ha me‘atokoni ke na kai.
35Pea pongipongi haké, pea fekau ‘e he kau pulé ha kau sōtia ke ō ki he pule pilīsoné mo e tu‘utu‘uni ke tukuange ā ‘a Paula mo Sailosi ke na ō. 36Pea tala ange ‘e he pule pilīsoné kia Paula, “Kuo tu‘utu‘uni mai ‘e he kau pulé kiate au ke u tukuange kimoua ke mo ō. Mo ō ā. Pea mo fiemālie ā homo lotó.”
37Kae pehē ange ‘e Paula kiate kinautolu, “Ko e ongo tangata Loma kimaua ia. Ka kuo hanga ‘e he kau pule Lomá ‘o tu‘utu‘uni ke haha kimaua ke sio mai ki ai e kakai kotoa pē, pea ‘āsili aí mo e ‘ikai ke tuku mai ha faingamālie ke ma hopo. Pea ‘ikai ngata ai, ka nau toe fakahū pilīsone kimaua. He ko e ‘ai koā ke tuku ange fakafufū pē kimaua? Tuku ‘aupito ia. Fekau ke nau omi ki heni ‘o tuku ange kimaua ‘e kinautolu tonu.”
38Pea ko ‘ene fakahā ange pē ‘e he kau polisí ki he kau pulé ko e ongo tangata‘i fonua Loma ‘a Paula mo Sailosí, pea nau manavahē ‘aupito, 39‘o nau omi ‘o kole fakamolemole kia Paula mo Sailosi. Na‘a nau taki atu kinaua mei he pilīsoné ‘o kole ke na kātaki ā mu‘a kae mavahe mei honau koló. 40Kae hangatonu atu pē ‘a Paula mo Sailosi ki he ‘api ‘o Litiá, ‘o fe‘iloaki ai mo e kāinga lotú, mo lea fakalotolahi kiate kinautolu. Peá na toki ō kinaua.
Currently Selected:
Ngāue 16: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Ngāue 16
16
Ko e Ngāue Fakataha ‘a Paula mo Sailosi pea mo Tīmote
1Na‘e foki ‘a Paula mo Sailosi ki Teape mo Līsita. Pea na‘e nofo he feitu‘u ko iá ha toko taha ko Tīmote na‘e tui kia Sīsū. Pea ko ‘ene fa‘eé, ko e fefine Siu, na‘e tui mo ia kia Sīsū. Ka ko e tamai ‘a Tīmoté ko e Kalisi. 2Na‘e fakaongoongolelei‘i ange ‘a Tīmote ‘e he kāinga lotu Līsitá kia Paula mo Sailosi, 3pea loto ai ‘a Paula ke nau ō mo ia. Ka na‘e tomu‘a ‘ai ‘e Paula ke kamu ia, koe‘uhí he na‘e ‘ilo ‘ene tamai Kalisí ‘e he kakai Siu kotoa pē he feitu‘u ko iá.
4Na‘e fononga holo ‘a Paula mo hono toé he tukui koló, ‘o fanongonongo ai pē ki he ngaahi kāinga lotú ‘a e tu‘utu‘uni ‘a e kau ‘apōsitoló mo e kau taki ‘i Selusalemá, mo tapou kiate kinautolu ke nau fai ki ai. 5Pea na‘e tupulekina ai pē he ‘aho kotoa e kaukaua e tui ‘a e kakai ‘o e ngaahi siasí, pea mo honau tokolahí.
Ko e Misi ‘a Paula ‘i Taloasi
6Na‘e fou ‘a Paula mo hono kaungāfonongá ‘i Filisia mo Kalētia. Ka na‘e ‘ikai ke tuku ‘e he Laumālie Mā‘oni‘oní ke nau lea’aki e Folofola ‘i ‘Ēsia. 7Pea faifaí pea nau tau ki Mīsia, ‘o feinga ke ō ai ki Pitinia. Ka na‘e ‘ikai ke faka‘atā ‘e he Laumālie ‘o Sīsuú, 8pea talu ai pē ‘enau fou atu ‘i Mīsia ki Taloasi.
9Na‘e hā mai kia Paula he pō ko iá ha taha Masitōnia ‘oku tu‘u mai ‘o kole, “Ha‘u ki Masitōnia ‘o tokoni‘i kimautolu.” 10Pea hili pē ‘a e mamata ‘a Paula ki he me‘a ko iá, na‘a mau feinga leva ke ō ki Masitōnia. He na‘a mau tui pau kuo ui mai ‘a e ‘Otuá kiate kimautolu ke mau malanga‘i ai ‘a e Ongoongo Leleí.
Ko e Tafoki ‘a Litia
11Na‘a mau tuku folau leva mei Taloasi ‘o taloa ki Samōtesia, ‘o tau ki Neapolisi he ‘aho ‘e tahá. 12Na‘a mau ō ai ki Filipai, ko e kolo ‘i he vahefonua Masitōnia na‘e pule‘i ‘e Loma, ‘o mau nofo ai ‘i ha ngaahi ‘aho. 13Pea a‘u ki he Sāpaté, pea mau ō leva ki tu‘a kolo ki ha feitu‘u he ve‘e vaitafé, ko ‘emau ‘amanakí ‘oku tu‘u ai ha fai‘anga lotu ‘o e kakai Siú. Pea mau ta‘utu ai ‘o talanoa mo ha kau fefine na‘e ō ange. 14Ko e toko taha ai ko Litia, ko e fefine mei he kolo ko Taiataila. Pea ko ‘ene ma‘u‘anga mo‘uí ko e tu‘uaki fakatau tupenu kulokula, ko e fa‘ahinga tupenu mahu‘inga ‘aupito. Ko e fefine eni na‘e lotu ki he ‘Otuá, pea kuo ‘ai ia ‘e he ‘Eikí ke ne fie tali ‘a e fakamatala ‘a Paulá. 15Pea hili hono papitaiso ia mo e kāinga kotoa na‘e nofo ‘i hono ‘apí, ne toutou kole mai kiate kimautolu, “Kapau ‘oku mou pehē ko e toko taha tui mo‘oni au ki he ‘Eikí, pea mou omi mu‘a ‘o nofo ‘i homau ‘api.” Pea iku ai pē ‘o mau tali ‘ene kolé.
Ko e Puke Pōpula ‘o Paula mo Sailosi
16Na‘a mau ō atu ki he fai‘anga lotú he ‘aho ‘e taha, kuo fakafetaulaki mai ha ta‘ahine na’e fakapopula’i ‘a ia na‘e ma‘u ‘e ha fa‘ahikehe. Na‘e lava ai e ta‘ahiné ‘o vavalo‘i e kaha‘ú, ‘o ma‘u ai e pa‘anga lahi ‘a e kaume‘a na‘e ‘anautolu e ta‘ahiné. 17Na‘e muimui holo e ta‘ahiné ‘ia Paula mo kaikaila, “Ko e ongo tangatá ni, ko e ongo tamaio‘eiki ‘a e ‘Otua Fungani Mā‘olungá. Ko ‘ena me‘a ‘oku faí, ko e fakamatala atu e me‘a te mou mo‘ui aí!”
18Na‘e laulau ‘aho eni. Pea faifaí, pea hake ‘a e kātaki ‘a Paulá, peá ne tafoki atu ‘o valoki‘i e fa‘ahikehé, “‘Oku ou fekau koe ‘i he huafa ‘o Sīsū Kalaisí ke ke mahu‘i mei he ta‘ahine ko ená!” Pea mahu‘i leva mei ai e fa‘ahikehé.
19Na‘e ‘ilo ‘e he kaume‘a na‘e ‘anautolu e ta‘ahiné ‘a e mole honau ma‘u‘anga pa‘angá, pea nau puke leva ‘a Paula mo Sailosi ‘o fau atu ki fale hopo. 20Na‘a nau tala ange ki he kau takí, “Ko e ongo tangata Siu ko ení, kuó na fakatupu moveuveu ‘i hotau koló. 21Ko ‘ena me‘a ‘oku faí, ko e tala mai ke tau fai ha ngaahi me‘a ‘oku tapu ke fai ‘e kitautolu e kakai Lomá.”
22Na‘e kau mai mo e kakaí hono ‘ohofi ‘o Paula mo Sailosí. Pea toki hanga ‘e he kau pulé ‘o hae hifo e vala ‘o e ongo tangatá, pea nau fekau ke haha kinaua ‘aki ha maea. 23Pea hili hona hahá, na‘e fakahū pilīsone kinaua, pea fekau ke le‘ohi fakalelei ‘e he pule pilīsoné. 24Na‘e fai ia ‘e he pule pilīsoné. Na‘á ne tuku kinaua ki he loto pilīsoné, peá ne ha‘i sēini hona ongo va‘é ki ha ngaahi kupu‘i ‘akau lalahi. 25Kae lotu mo hiva fakafeta‘i pē ‘a Paula mo Sailosi, ‘o fanongo mai ki ai e kau pōpula kehé. Pea lolotonga iá, ‘i he vaeuapoó nai, 26na‘e fakafokifā pē kuo mofuike lahi, ‘o ngalulu ai e pilīsoné ‘o a‘u hifo ki hono ngaahi makatu‘ungá. Na‘e ava ai e ngaahi matapaá, pea ngangana e ngaahi sēini na‘e ha‘i ‘aki e kau pōpulá.
27Pea ‘ā ai e pule pilīsoné ‘o ‘ilo kuo ava e ngaahi matapaá, peá ne ‘amanaki kuo hola e kau pōpulá, peá ne unuhi ‘ene heletaá ke ne tāmate‘i ia. 28Kae kaila mai ‘a Paula, “‘Oua te ke fai ha me‘a kiate koe. ‘Oku ‘ikai ha taha ia ‘e hola!”
29Na‘e fekau ‘e he pule pilīsoné ke ‘omi ha maama, peá ne hū atu ki loto pilīsone ‘o tō tū‘ulutui kia Paula mo Sailosi mo e tetetete. 30Peá ne toki taki kinaua mei loto pilīsone, mo ne ‘eke ange, “Ko e hā te u fai ka u mo‘uí?”
31Pea tali ‘e Paula mo Sailosi, “Tui ki he ‘Eiki ko Sīsuú, pea te ke mo‘ui. Pea ‘e mo‘ui ai pē mo e kāinga kotoa ‘i homou ‘apí.”
32Na‘e fakamatala ange leva ‘e Paula mo Sailosi ‘a e ‘Eikí kiate ia, pea mo e kaume‘a kotoa na‘e nofo ‘i honau ‘apí. 33Pea lolotonga ‘ene kei po‘ulí, na‘e taki atu kinaua ‘e he pule pilīsoné ki ha feitu‘u, ‘o fufulu ai hona lavelaveá. Pea na‘e toki papitaiso ia mo e kaume‘a kotoa pē na‘e nofo ‘i honau ‘apí. 34Na’e fiefia lahi honau lotó ‘i he‘enau a‘usia ‘a e tui ki he ‘Otuá. Pea hili ia, na‘e taki ‘e he pule pilīsoné ‘a Paula mo Sailosi ki hono ‘apí ‘o ne ‘oange ha me‘atokoni ke na kai.
35Pea pongipongi haké, pea fekau ‘e he kau pulé ha kau sōtia ke ō ki he pule pilīsoné mo e tu‘utu‘uni ke tukuange ā ‘a Paula mo Sailosi ke na ō. 36Pea tala ange ‘e he pule pilīsoné kia Paula, “Kuo tu‘utu‘uni mai ‘e he kau pulé kiate au ke u tukuange kimoua ke mo ō. Mo ō ā. Pea mo fiemālie ā homo lotó.”
37Kae pehē ange ‘e Paula kiate kinautolu, “Ko e ongo tangata Loma kimaua ia. Ka kuo hanga ‘e he kau pule Lomá ‘o tu‘utu‘uni ke haha kimaua ke sio mai ki ai e kakai kotoa pē, pea ‘āsili aí mo e ‘ikai ke tuku mai ha faingamālie ke ma hopo. Pea ‘ikai ngata ai, ka nau toe fakahū pilīsone kimaua. He ko e ‘ai koā ke tuku ange fakafufū pē kimaua? Tuku ‘aupito ia. Fekau ke nau omi ki heni ‘o tuku ange kimaua ‘e kinautolu tonu.”
38Pea ko ‘ene fakahā ange pē ‘e he kau polisí ki he kau pulé ko e ongo tangata‘i fonua Loma ‘a Paula mo Sailosí, pea nau manavahē ‘aupito, 39‘o nau omi ‘o kole fakamolemole kia Paula mo Sailosi. Na‘a nau taki atu kinaua mei he pilīsoné ‘o kole ke na kātaki ā mu‘a kae mavahe mei honau koló. 40Kae hangatonu atu pē ‘a Paula mo Sailosi ki he ‘api ‘o Litiá, ‘o fe‘iloaki ai mo e kāinga lotú, mo lea fakalotolahi kiate kinautolu. Peá na toki ō kinaua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.