Sione 11
11
Ko e Mate ‘a Lāsalosí
1Pea naʻe ‘i ai ha tangata ko Lāsalosi he kolo ko Pētani̇́, ʻa e kolo na‘e nofo ai ʻa Mele mo hono tokouá, ko Māʻata 2Ko Mele ko iā, ʻa ē naʻe puke hono tuongaʻane ko Lāsalosi̇́, ko ia naʻá ne tākai lolo ʻa e ‘Eiki̇́ mo holo ʻaki hono lou‘ulú ‘a hono va‘é. 3Ko ia naʻe fekau atu ʻe he ongo tuofāfiné kia Si̇̄sū, ʻo na pehē kiate ia: ‟‘Eiki, ko eni, ko ho kaumeʻá, ‘a Lāsalosi, ‘oku siʻi puke.”
4Pea ʻi he fanongo ki ai Sīsuú, naʻá ne folofola: ‟Ko e mahaki ko eni̇́, ‘e ‘ikai te ne mate ai. Ka koeʻuhi̇̄ ke fakalāngilangi‘i ai ʻa e ‘Otuá, peá ke fakalāngilangiʻi foki ʻa e ʻAlo ʻo e ʻOtuá, ʻiate ia.”
5Pea naʻe ‘ofa ‘a Si̇̄sū ‘ia Mā‘ʻata mo hono tokouá, pea mo Lāsalosi foki. 6Ko ia, ʻi heʻene fanongo ʻoku puke iá, naʻá ne nofo atu pē ʻi he feitu‘u naʻá ne ʻi ai̇́, ‘i ha toe ʻaho ‘e ua. 7Kae hili ʻa e meʻa ko iā, naʻá ne toki folofola ki heʻene kau akó: ‟Tau toe foki ki Siutea.”
8Pea pehēange ‘e heʻene kau akó kiate ia: ‟Tangata‘eiki, ko ʻeni naʻe toki ʻosi pē ʻa e feinga ʻa e kau Siú ke tolomaka‘i koe, pea ko e hā hono ‘uhinga hoʻo toe foki ki ai̇́?” 9Pea folofola ʻa Si̇̄sū: ‟‘Ikai ‘oku houa ‘e hongofulumāua ‘a e ʻahó? Kapau ʻe ʻalu holo ha taha he taimi ʻahó, ‘e ʻikai te ne humu, he ʻokú ne mamata ki he maamaʻanga ʻo māmani. 10Ka ʻoka ‘alu holo ha taha he poʻuli̇́, te ne humu. He ‘oku ‘ikai ha maamaʻanga ʻiate ia.” 11Naʻá ne folofolaʻaki ʻa e ngaahi meʻa ko iā, pea hili iá pea naʻe toki pehēange kiate kinautolu: ‟Ko hotau kaume‘a ko Lāsalosi̇́, kuó ne mohe, ka ko ‘eku ‘alu atu ʻeni ke fafangu ia.” 12Ko ia naʻe pehēange ʻe heʻene kau akó kiate ia: ‟ʻEiki, kapau ‘okú ne mohe, te ne moʻui ai.” 13Ka ko e folofola ‘a Sīsuú, naʻe kau ki heʻene pekiá, kae pehē ‘e he kau akó, ko ʻene ʻuhingá, ‘oku mohe pē ia. 14Ko ia, naʻe toki folofola ʻa Si̇̄sū ʻo fakamahino kiate kinautolu: ‟Ko Lāsalosi̇́, kuo pekia. 15Ka ‘oku ou fiefia ‘i he ʻikai te u ʻi ai̇́ koeʻuhi̇̄ ko kimoutolu, ke mou tui ai. Ka tau ō ā ki ai.”
16Ko ia, naʻe pehēange ‘e Tōmasi (‘a ē na‘e ui ko Titimasi̇́) ki he toenga ʻo e kau akó: ‟Tau ō mo kitautolu foki, koeʻuhi̇̄ ke tau mate fakataha mo ia.”
Ko e Fakamo‘ui ‘e Si̇̄sū ‘a Lāsalosí
17Ko ia, ʻi he a‘u atu ‘a Sīsuú, naʻá ne ʻilo ai, tā kuo ʻosi ha ʻaho ʻe fā, hono tanu ‘o Lāsalosi̇ ʻi he fonualotó.
18Pea naʻe ofi pē ʻa Pētani ki Selusalemá, he ko hono mamaʻó, naʻe feʻunga nai mo e kilomita ʻe tolu. 19Pea kuo tokolahi ʻa e kau Siu naʻe omi kia Mele mo Maʻata, ko ʻenau fie kaungāmamahi mo kinaua, ‘i he mole hona tuongaʻané.
20Pea ʻi he fanongo leva ‘a Mā‘ʻata kuo meʻa mai ‘a Sīsuú, naʻá ne ʻalu atu ke fakafe‘iloaki kiate ia. Ka ko Mele, naʻá ne nofo pē ‘i fale. 21Pea pehēange ‘e Māʻata kia Si̇̄sū: ‟‘Eiki, kapau naʻá ke ‘i heni, na‘e ‘ikai ke mei pekia siʻoku tuongaʻané! 22Ka neongo iá, ‘oku ou ‘iloʻi pē ‘e au, ko e hā pē ha me‘a te ke kole ki he ʻOtuá, ʻe foaki atu ia maʻau ʻe he ʻOtuá.”
23Pea folofola ʻa Si̇̄sū kiate ia: ‟ʻE toetuʻu ho tuongaʻané.” 24Pea pehēange ‘e Ma‘ata kiate ia: ‟‘Oku ou ʻiloʻi pē, te ne toetuʻu ʻi he ʻaho fakamui̇́.”
25Pea folofola ‘a Si̇̄sū kiate ia: ‟Ko au pē ko e toetuʻu mo e mo‘ui. Ko ia ʻe tui kiate aú, neongo te ne mate, ka te ne toe moʻui. 26Pea ko ia kotoa pē ʻe moʻui mo tui kiate aú, ʻe ʻikai ʻaupito te ne mate ʻo taʻengata. ‘Okú ke tui ki he meʻa ni?”
27Pea naʻa ne pehē ange kiate ia: ‟‘Io, ‘Eiki! ‘Oku ou tui ko e Mi̇̄saiá koe, ko e ‘Alo ‘o e ‘Otuá, ʻa ia naʻe pau ke hokomai ki māmani̇́.”
Ko e Tangi ‘a Si̇̄sū
28Pea hili ʻene lea ko iā, pea naʻe ʻalu atu ‘o ui mai hono tokouá, ko Mele, ʻo ne fafana kiate ia ʻo pehē: ‟Ko e Tangata‘eiki̇́ eni, kuo meʻa mai, pea ‘okú ne fiemaʻu koe.” 29Pea ʻi heʻene fanongo ki he meʻa ko iā, naʻá ne tu‘u hake leva ‘o fakatovave atu ke ʻalu kiate ia. 30Pea kuo teʻeki ke aʻu atu ‘a Si̇̄sū ki he koló, ka naʻá ne kei ‘i he feitu‘u naʻá na fe‘iloaki ai mo Mā‘atá. 31Ko ia, ko e kau Siú, ʻa ia naʻa nau nofo fakataha mo ia ʻi he falé, ko e kaungāmamahi mo iá, na‘a nau fakatokanga‘i ʻa e fakavave atu ʻa Mele mei falé, pea nau tutuʻu hake ʻo ʻalu atu, ʻo nau muimui kiate ia, he naʻa nau pehē: ko ʻene ʻalu atu ki he fonualotó, ke tangi ai. 32Ko ia, ʻi he aʻu atu ‘a Mele ki he feitu‘u na‘e ‘i ai ‘a Sīsuú, naʻá ne mamata kiate ia ʻo ne tū‘ulutui atu ki hono va‘é, ʻo ne pehē kiate ia: ‟‘Eiki, kapau pē naʻá ke ‘i heni, pehē na‘e ‘ikai ke pekia siʻoku tuongaʻané.”
33Pea ʻi he meʻa atu Si̇̄sū ki heʻene tangi̇́ pea mo e fetāngihi ʻa e kau Siu na‘e omi fakataha mo iá, na‘e tangi hono laumālié ʻo ne mamahi ʻaupito ʻiate ia. 34Pea naʻe folofola: ‟Ko e fē ʻa e feitu‘u naʻa mou tanu ai iá?”
Pea nau talaange kiate ia: ‟‘Eiki, meʻa mai ʻo mamata ki ai.” 35Naʻe tutulu ‘a Si̇̄sū. 36Ko ia naʻe pehē ‘e he kau Siú: ‟Vakaiangeā ki he lahi ʻene ‘ofa kiate iá.”
37Kae pehē ‘e he ni‘ihi ʻo kinautolu: ‟‘Ikai ʻoku mafai ʻe he Toko Taha naʻá ne faka‘ā ʻa e kui̇́, ke ne ta‘ofi foki ʻa e tangatá ni, mei haʻane pekia?”
Ko e Fokotu‘u ‘o Lāsalosi ki he Mo‘uí
38Ko ia, naʻe toe tangi ʻa e loto ʻo Si̇̄suú, pea naʻe ‘alu leva ki he fonualotó.
Ka ko e fonualotó, ko ha ‘ana na‘e tāpuni‘i ʻaki pē ha fu‘u maka. 39Pea folofola ‘a Si̇̄sū: ‟Mou to‘o ʻa e fuʻu maká.” Ka naʻe talaange ‘e Māʻata, ʻa e tuofefine ʻo ia kuo pekiá: ‟‘Eiki, kuo ʻi ai hono anga, he ko hono ʻaho fā ʻeni ai.”
40Pea folofola ʻa Si̇̄sū kiate ia: ‟‘Ikai naʻá ku talaatu kiate koe, kapau te ke tui, te ke mamata ki he lāngilangi ‘o e ‘Otuá?” 41Ko ia, naʻa nau to‘o ʻa e maká. Pea toki hanga hake ‘a e fofonga ʻo Si̇̄sū ki langi, ‘o ne folofola: ‟ʻE Tamai, ʻoku ou fakafetaʻi kiate koe, ʻi ho‘o tali ‘eku lotú. 42He ʻoku ou ʻilo, ʻokú ke tali ma‘u pē ‘eku lotú, ka ʻoku ou lea atú, ko e meʻa ʻi he fuʻu kakai ʻoku tutuʻu takai ko eni̇́, koeʻuhi̇̄ ke nau tui ko koe ia naʻá ke fekau mai aú.” 43Pea ‘i heʻene folofola pehē: naʻá ne kalanga leʻolahi atu: ‟‘E Lāsalosi, hūmai kitu‘a.” 44Pea hū mai leva kitu‘a ʻa e tangata naʻe pekiá, ‘oku kei haʻiʻaki ʻa e kafa hono vaʻé mo hono nimá, pea kei haʻi mo hono matá foki ʻaki ha konga tupenu.
Pea folofola ‘a Si̇̄sū kiate kinautolu: ‟Veteange ia, pea tuku ia ke ne ‘alu.”
Ko e Fa‘ufa‘u ke Fakapoongi ‘a Si̇̄sū
(Mātiu 26:1-5; Ma‘ake 14:1,2; Luke 22:1-2)
45Ko ia, ko e tokolahi ʻo e kau Siu naʻe haʻu ke kaungā kaungā mamahi mo Melé, na‘a nau mamata tonu he me‘a na‘e fai ʻe Si̇̄suú, pea nau tui ai kiate ia. 46Ka naʻe ō hanau ni‘ihi ki he kau Fālesi̇́, ‘o tala kiate kinautolu ʻa e me‘a na‘e fai ‘e Sīsuú. 47Ko ia, naʻe ui ‘e he kau Fālesi̇́ mo e kau taula‘eiki lahi̇́ ha fakataha ʻa e Fakamaauʻanga faka-Siú, ‘o nau fehu‘i ai: ‟Ko e hā ha‘atau me‘a ‘e fai̇́, he ko e tangata ko eni̇́, kuo lahi ʻa e ngaahi ngāue mana kuó ne fai̇́? 48Kapau te tau tuku ai pē ia ke pehē: ʻe faifai pea tui ʻa e kakai kotoa pē kiate ia, pea ʻe haʻu ʻa e kau Lomá ‘o faka‘auha fakataha pē hotau fonuá mo hotau puleʻangá.”
49Pea ko honau toko taha, ko Kaiafasi, ko e taulaʻeiki lahi ia he ta‘u ko iā, naʻá ne pehē kiate kinautolu: ‟ʻOku ‘ikai te mou ‘ilo ʻe kimoutolu ha me‘a ʻe taha. 50Kuo te‘eki koā ke mou fakakaukau, ‘oku sai ange kiate kimoutolu ke mate ha toko taha maʻae kakai̇́, ‘i hano faka‘auha kotoa hotau puleʻangá?” 51Ka na‘e ‘ikai ko ‘ene leá meiate ia pē, ka koeʻuhi̇̄ ko e Taula‘eiki Lahi ia he ta‘u ko iā, naʻá ne kikiteʻi ‘a e teu ke pekia ‘a Si̇̄sū maʻae puleʻangá. 52Ka na‘e ‘ikai koeʻuhi̇̄ ko e puleʻangá pē ka ko e meʻa ʻi he fānau kotoa ʻa e ‘Otuá, ‘a ia kuo movetevete holo ‘i māmani, ke fakatahatahaʻi kinautolu ke nau taha. 53Pea talu ai pē mei he ʻaho ko iā, mo ʻenau fa‘ufa‘u ke tāmateʻi ia. 54Ko ia, na‘e ‘ikai ke toe fononga tau‘atāina holo ‘a Si̇̄sū ‘i Siutea, ka naʻá ne ‘alu atu ki he feituʻu ʻutá, ofi atu ki he toafá, ki ha kolo naʻe ui ko ʻIfalemi, ‘o ne nofo ai mo ‘ene kau akó. 55Pea ʻi he ofi ʻa e Kātoanga Pāsova ʻa e kau Siú, naʻe ʻalu hake ha tokolahi mei ʻuta ki Selusalema, ke kau he ouau fakamaʻa na‘e fai, ko e teu ki he kātoanga ko iā. 56Pea na‘a nau kumi holo ‘a Si̇̄sū, ʻi heʻenau fakataha atu ki he Temipalé, ʻo nau fe‘ekenaki: ‟Ko e hā haʻamou lau, ʻoku mou pehē te ne ha‘u ki he kātoangá?” 57He kuo fekau ‘e he kau taula‘eiki lahi̇́ mo e kau Fālesi̇́, ka faifai pea ‘ilo ʻe ha taha ʻa e feitu‘u ‘oku ʻi ai ‘a Sīsuú, pea fakahā ange kiate kinautolu, ka nau puke ia ‘o fakahū pili̇̄sone.
Currently Selected:
Sione 11: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Sione 11
11
Ko e Mate ‘a Lāsalosí
1Pea naʻe ‘i ai ha tangata ko Lāsalosi he kolo ko Pētani̇́, ʻa e kolo na‘e nofo ai ʻa Mele mo hono tokouá, ko Māʻata 2Ko Mele ko iā, ʻa ē naʻe puke hono tuongaʻane ko Lāsalosi̇́, ko ia naʻá ne tākai lolo ʻa e ‘Eiki̇́ mo holo ʻaki hono lou‘ulú ‘a hono va‘é. 3Ko ia naʻe fekau atu ʻe he ongo tuofāfiné kia Si̇̄sū, ʻo na pehē kiate ia: ‟‘Eiki, ko eni, ko ho kaumeʻá, ‘a Lāsalosi, ‘oku siʻi puke.”
4Pea ʻi he fanongo ki ai Sīsuú, naʻá ne folofola: ‟Ko e mahaki ko eni̇́, ‘e ‘ikai te ne mate ai. Ka koeʻuhi̇̄ ke fakalāngilangi‘i ai ʻa e ‘Otuá, peá ke fakalāngilangiʻi foki ʻa e ʻAlo ʻo e ʻOtuá, ʻiate ia.”
5Pea naʻe ‘ofa ‘a Si̇̄sū ‘ia Mā‘ʻata mo hono tokouá, pea mo Lāsalosi foki. 6Ko ia, ʻi heʻene fanongo ʻoku puke iá, naʻá ne nofo atu pē ʻi he feitu‘u naʻá ne ʻi ai̇́, ‘i ha toe ʻaho ‘e ua. 7Kae hili ʻa e meʻa ko iā, naʻá ne toki folofola ki heʻene kau akó: ‟Tau toe foki ki Siutea.”
8Pea pehēange ‘e heʻene kau akó kiate ia: ‟Tangata‘eiki, ko ʻeni naʻe toki ʻosi pē ʻa e feinga ʻa e kau Siú ke tolomaka‘i koe, pea ko e hā hono ‘uhinga hoʻo toe foki ki ai̇́?” 9Pea folofola ʻa Si̇̄sū: ‟‘Ikai ‘oku houa ‘e hongofulumāua ‘a e ʻahó? Kapau ʻe ʻalu holo ha taha he taimi ʻahó, ‘e ʻikai te ne humu, he ʻokú ne mamata ki he maamaʻanga ʻo māmani. 10Ka ʻoka ‘alu holo ha taha he poʻuli̇́, te ne humu. He ‘oku ‘ikai ha maamaʻanga ʻiate ia.” 11Naʻá ne folofolaʻaki ʻa e ngaahi meʻa ko iā, pea hili iá pea naʻe toki pehēange kiate kinautolu: ‟Ko hotau kaume‘a ko Lāsalosi̇́, kuó ne mohe, ka ko ‘eku ‘alu atu ʻeni ke fafangu ia.” 12Ko ia naʻe pehēange ʻe heʻene kau akó kiate ia: ‟ʻEiki, kapau ‘okú ne mohe, te ne moʻui ai.” 13Ka ko e folofola ‘a Sīsuú, naʻe kau ki heʻene pekiá, kae pehē ‘e he kau akó, ko ʻene ʻuhingá, ‘oku mohe pē ia. 14Ko ia, naʻe toki folofola ʻa Si̇̄sū ʻo fakamahino kiate kinautolu: ‟Ko Lāsalosi̇́, kuo pekia. 15Ka ‘oku ou fiefia ‘i he ʻikai te u ʻi ai̇́ koeʻuhi̇̄ ko kimoutolu, ke mou tui ai. Ka tau ō ā ki ai.”
16Ko ia, naʻe pehēange ‘e Tōmasi (‘a ē na‘e ui ko Titimasi̇́) ki he toenga ʻo e kau akó: ‟Tau ō mo kitautolu foki, koeʻuhi̇̄ ke tau mate fakataha mo ia.”
Ko e Fakamo‘ui ‘e Si̇̄sū ‘a Lāsalosí
17Ko ia, ʻi he a‘u atu ‘a Sīsuú, naʻá ne ʻilo ai, tā kuo ʻosi ha ʻaho ʻe fā, hono tanu ‘o Lāsalosi̇ ʻi he fonualotó.
18Pea naʻe ofi pē ʻa Pētani ki Selusalemá, he ko hono mamaʻó, naʻe feʻunga nai mo e kilomita ʻe tolu. 19Pea kuo tokolahi ʻa e kau Siu naʻe omi kia Mele mo Maʻata, ko ʻenau fie kaungāmamahi mo kinaua, ‘i he mole hona tuongaʻané.
20Pea ʻi he fanongo leva ‘a Mā‘ʻata kuo meʻa mai ‘a Sīsuú, naʻá ne ʻalu atu ke fakafe‘iloaki kiate ia. Ka ko Mele, naʻá ne nofo pē ‘i fale. 21Pea pehēange ‘e Māʻata kia Si̇̄sū: ‟‘Eiki, kapau naʻá ke ‘i heni, na‘e ‘ikai ke mei pekia siʻoku tuongaʻané! 22Ka neongo iá, ‘oku ou ‘iloʻi pē ‘e au, ko e hā pē ha me‘a te ke kole ki he ʻOtuá, ʻe foaki atu ia maʻau ʻe he ʻOtuá.”
23Pea folofola ʻa Si̇̄sū kiate ia: ‟ʻE toetuʻu ho tuongaʻané.” 24Pea pehēange ‘e Ma‘ata kiate ia: ‟‘Oku ou ʻiloʻi pē, te ne toetuʻu ʻi he ʻaho fakamui̇́.”
25Pea folofola ‘a Si̇̄sū kiate ia: ‟Ko au pē ko e toetuʻu mo e mo‘ui. Ko ia ʻe tui kiate aú, neongo te ne mate, ka te ne toe moʻui. 26Pea ko ia kotoa pē ʻe moʻui mo tui kiate aú, ʻe ʻikai ʻaupito te ne mate ʻo taʻengata. ‘Okú ke tui ki he meʻa ni?”
27Pea naʻa ne pehē ange kiate ia: ‟‘Io, ‘Eiki! ‘Oku ou tui ko e Mi̇̄saiá koe, ko e ‘Alo ‘o e ‘Otuá, ʻa ia naʻe pau ke hokomai ki māmani̇́.”
Ko e Tangi ‘a Si̇̄sū
28Pea hili ʻene lea ko iā, pea naʻe ʻalu atu ‘o ui mai hono tokouá, ko Mele, ʻo ne fafana kiate ia ʻo pehē: ‟Ko e Tangata‘eiki̇́ eni, kuo meʻa mai, pea ‘okú ne fiemaʻu koe.” 29Pea ʻi heʻene fanongo ki he meʻa ko iā, naʻá ne tu‘u hake leva ‘o fakatovave atu ke ʻalu kiate ia. 30Pea kuo teʻeki ke aʻu atu ‘a Si̇̄sū ki he koló, ka naʻá ne kei ‘i he feitu‘u naʻá na fe‘iloaki ai mo Mā‘atá. 31Ko ia, ko e kau Siú, ʻa ia naʻa nau nofo fakataha mo ia ʻi he falé, ko e kaungāmamahi mo iá, na‘a nau fakatokanga‘i ʻa e fakavave atu ʻa Mele mei falé, pea nau tutuʻu hake ʻo ʻalu atu, ʻo nau muimui kiate ia, he naʻa nau pehē: ko ʻene ʻalu atu ki he fonualotó, ke tangi ai. 32Ko ia, ʻi he aʻu atu ‘a Mele ki he feitu‘u na‘e ‘i ai ‘a Sīsuú, naʻá ne mamata kiate ia ʻo ne tū‘ulutui atu ki hono va‘é, ʻo ne pehē kiate ia: ‟‘Eiki, kapau pē naʻá ke ‘i heni, pehē na‘e ‘ikai ke pekia siʻoku tuongaʻané.”
33Pea ʻi he meʻa atu Si̇̄sū ki heʻene tangi̇́ pea mo e fetāngihi ʻa e kau Siu na‘e omi fakataha mo iá, na‘e tangi hono laumālié ʻo ne mamahi ʻaupito ʻiate ia. 34Pea naʻe folofola: ‟Ko e fē ʻa e feitu‘u naʻa mou tanu ai iá?”
Pea nau talaange kiate ia: ‟‘Eiki, meʻa mai ʻo mamata ki ai.” 35Naʻe tutulu ‘a Si̇̄sū. 36Ko ia naʻe pehē ‘e he kau Siú: ‟Vakaiangeā ki he lahi ʻene ‘ofa kiate iá.”
37Kae pehē ‘e he ni‘ihi ʻo kinautolu: ‟‘Ikai ʻoku mafai ʻe he Toko Taha naʻá ne faka‘ā ʻa e kui̇́, ke ne ta‘ofi foki ʻa e tangatá ni, mei haʻane pekia?”
Ko e Fokotu‘u ‘o Lāsalosi ki he Mo‘uí
38Ko ia, naʻe toe tangi ʻa e loto ʻo Si̇̄suú, pea naʻe ‘alu leva ki he fonualotó.
Ka ko e fonualotó, ko ha ‘ana na‘e tāpuni‘i ʻaki pē ha fu‘u maka. 39Pea folofola ‘a Si̇̄sū: ‟Mou to‘o ʻa e fuʻu maká.” Ka naʻe talaange ‘e Māʻata, ʻa e tuofefine ʻo ia kuo pekiá: ‟‘Eiki, kuo ʻi ai hono anga, he ko hono ʻaho fā ʻeni ai.”
40Pea folofola ʻa Si̇̄sū kiate ia: ‟‘Ikai naʻá ku talaatu kiate koe, kapau te ke tui, te ke mamata ki he lāngilangi ‘o e ‘Otuá?” 41Ko ia, naʻa nau to‘o ʻa e maká. Pea toki hanga hake ‘a e fofonga ʻo Si̇̄sū ki langi, ‘o ne folofola: ‟ʻE Tamai, ʻoku ou fakafetaʻi kiate koe, ʻi ho‘o tali ‘eku lotú. 42He ʻoku ou ʻilo, ʻokú ke tali ma‘u pē ‘eku lotú, ka ʻoku ou lea atú, ko e meʻa ʻi he fuʻu kakai ʻoku tutuʻu takai ko eni̇́, koeʻuhi̇̄ ke nau tui ko koe ia naʻá ke fekau mai aú.” 43Pea ‘i heʻene folofola pehē: naʻá ne kalanga leʻolahi atu: ‟‘E Lāsalosi, hūmai kitu‘a.” 44Pea hū mai leva kitu‘a ʻa e tangata naʻe pekiá, ‘oku kei haʻiʻaki ʻa e kafa hono vaʻé mo hono nimá, pea kei haʻi mo hono matá foki ʻaki ha konga tupenu.
Pea folofola ‘a Si̇̄sū kiate kinautolu: ‟Veteange ia, pea tuku ia ke ne ‘alu.”
Ko e Fa‘ufa‘u ke Fakapoongi ‘a Si̇̄sū
(Mātiu 26:1-5; Ma‘ake 14:1,2; Luke 22:1-2)
45Ko ia, ko e tokolahi ʻo e kau Siu naʻe haʻu ke kaungā kaungā mamahi mo Melé, na‘a nau mamata tonu he me‘a na‘e fai ʻe Si̇̄suú, pea nau tui ai kiate ia. 46Ka naʻe ō hanau ni‘ihi ki he kau Fālesi̇́, ‘o tala kiate kinautolu ʻa e me‘a na‘e fai ‘e Sīsuú. 47Ko ia, naʻe ui ‘e he kau Fālesi̇́ mo e kau taula‘eiki lahi̇́ ha fakataha ʻa e Fakamaauʻanga faka-Siú, ‘o nau fehu‘i ai: ‟Ko e hā ha‘atau me‘a ‘e fai̇́, he ko e tangata ko eni̇́, kuo lahi ʻa e ngaahi ngāue mana kuó ne fai̇́? 48Kapau te tau tuku ai pē ia ke pehē: ʻe faifai pea tui ʻa e kakai kotoa pē kiate ia, pea ʻe haʻu ʻa e kau Lomá ‘o faka‘auha fakataha pē hotau fonuá mo hotau puleʻangá.”
49Pea ko honau toko taha, ko Kaiafasi, ko e taulaʻeiki lahi ia he ta‘u ko iā, naʻá ne pehē kiate kinautolu: ‟ʻOku ‘ikai te mou ‘ilo ʻe kimoutolu ha me‘a ʻe taha. 50Kuo te‘eki koā ke mou fakakaukau, ‘oku sai ange kiate kimoutolu ke mate ha toko taha maʻae kakai̇́, ‘i hano faka‘auha kotoa hotau puleʻangá?” 51Ka na‘e ‘ikai ko ‘ene leá meiate ia pē, ka koeʻuhi̇̄ ko e Taula‘eiki Lahi ia he ta‘u ko iā, naʻá ne kikiteʻi ‘a e teu ke pekia ‘a Si̇̄sū maʻae puleʻangá. 52Ka na‘e ‘ikai koeʻuhi̇̄ ko e puleʻangá pē ka ko e meʻa ʻi he fānau kotoa ʻa e ‘Otuá, ‘a ia kuo movetevete holo ‘i māmani, ke fakatahatahaʻi kinautolu ke nau taha. 53Pea talu ai pē mei he ʻaho ko iā, mo ʻenau fa‘ufa‘u ke tāmateʻi ia. 54Ko ia, na‘e ‘ikai ke toe fononga tau‘atāina holo ‘a Si̇̄sū ‘i Siutea, ka naʻá ne ‘alu atu ki he feituʻu ʻutá, ofi atu ki he toafá, ki ha kolo naʻe ui ko ʻIfalemi, ‘o ne nofo ai mo ‘ene kau akó. 55Pea ʻi he ofi ʻa e Kātoanga Pāsova ʻa e kau Siú, naʻe ʻalu hake ha tokolahi mei ʻuta ki Selusalema, ke kau he ouau fakamaʻa na‘e fai, ko e teu ki he kātoanga ko iā. 56Pea na‘a nau kumi holo ‘a Si̇̄sū, ʻi heʻenau fakataha atu ki he Temipalé, ʻo nau fe‘ekenaki: ‟Ko e hā haʻamou lau, ʻoku mou pehē te ne ha‘u ki he kātoangá?” 57He kuo fekau ‘e he kau taula‘eiki lahi̇́ mo e kau Fālesi̇́, ka faifai pea ‘ilo ʻe ha taha ʻa e feitu‘u ‘oku ʻi ai ‘a Sīsuú, pea fakahā ange kiate kinautolu, ka nau puke ia ‘o fakahū pili̇̄sone.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.