Sione 19
19
1Pea toki fekau leva ‘e Pailato ke taaʻi ‘a Si̇̄sū ‘aki ha maea. 2Pea na‘e hanga ‘e he kau sōtiá ‘o fi̇̄ ha kalauni ʻaki ha ngaahi vaʻa ʻo ha ʻakau talatala, ‘o nau ‘ai ki hono ‘ulú. Pea nau toe ‘ai kiate ia mo ha pulupulu lanu kulokula fakapoʻupoʻuli. 3Pea nau pehēange: ‟Ke lākoifie ʻa e tu‘i ‘o e kakai Siú!” Pea nau ʻai hano tākituʻa ia.
4Pea toe hūmai ‘a Pailato ‘o talaange ki he kakai̇́: ‟Ko eni, te u fekau ke taki mai ia ki heni kiate kimoutolu, pea ‘e toki mahino ai kiate kimoutolu ‘oku ‘ikai te u ‘ilo ‘e au haʻane kovi.” 5Pea hūmai ‘a Si̇̄sū ki tu‘a kuo kalauni talatala mo pulupulu lanu kulokula fakapoʻupoʻuli. Pea pehēange ‘e Pailato ki he kakai̇́: ‟Ko ena, ko e tangatá ena!”
6Pea ʻi he sio leva ki ai ʻa e kau taula‘eiki lahi̇́ mo e kau ʻōfisa ʻo e Temipalé, naʻa nau fekailangakiʻi leva: ‟Tukifaʻo ia ki ha kolosi! Tukifaʻo ia!”
Ka naʻe pehēatu ‘e Pailato kiate kinautolu: ‟Mou ‘ave ia ‘ekimoutolu ‘o tukifaʻo. He ko au ia, ‘oku ‘ikai te u ‘ilo ‘e au haʻane hia.”
7Pea tali ʻe he kakai̇́: ‟‘Oku ‘i ai ‘emau lao, pea ‘oku tu‘utu‘uni ai ke tāmate‘i ia, koe‘uhi̇̄ he kuó ne tala, ko e ‘Alo ia ‘o e ‘Otuá.”
8Pea manavahē lahi ‘a Pailato ‘i he‘enau lau ko iā. 9Pea naʻe toe hū ki loto‘ā ‘o ‘eke ange kia Si̇̄sū: ‟Ko ho‘o ha‘ú mei fē?”
Ka naʻe fakalongolongo pē ‘a Si̇̄sū ia. 10Pea pehēange ‘e Pailato: ‟Ko e hā ‘oku ‘ikai te ke lea mai ai̇́? ʻOku ʻikai koā te ke ʻilo, ‘oku ʻiate au ʻa e mafai ke tukuange koe, mo e mafai ke tukifaʻo koe ki ha kolosi?”
11Pea tali ‘e Si̇̄sū kiate ia: ‟Na‘e ‘ikai te ke mei ma‘u ha mafai ‘e taha ke fai ha meʻa kiate au, ka ko hono foaki atu kiate koe mei he ʻOtuá. Ko hono ʻuhinga ia, ‘oku halaia lahi ange ai ʻa e toko taha naʻá ne tuku atu au kiate koé.”
12‘I he lau pehē ‘a Sīsuú, na‘e feinga leva ‘a Pailato ke tukuange ia. Ka naʻe kaikaila atu pē ʻa e kakai̇́ kia Pailato: ‟Kapau te ke tukuange ʻa e tangata ko ená, ‘oku ‘ikai te ke kau koe mo Sisa! He ka pehē ‘e ha taha ko e tu‘i ia, ko ʻene fakafepaki ia kia Sisa.” 13Pea ‘i he fanongo ʻe Pailato ki he kaikaila pehē ʻa e kakai̇́, naʻá ne taki atu leva ‘a Si̇̄sū kitu‘a, ʻo ne toki nofo hifo he sea fai‘anga fakamaau, ʻa ia ko ‟Falikimaka,” ‘a ia ko hono faka-Hepeluú, ko ‟Kāpata.”
14Pea fe‘unga mo iá, kuo ofi ki he ho‘atā mālie ʻo e ʻaho naʻa nau tokonaki ai ʻo teu ki he ʻaho Pāsová.
Pea pehēange ‘e Pailato ki he kakai̇́: ‟Ko eni, ko homou Tuʻi̇́ ʻeni!”
15Ka naʻa nau kaikaila: ‟Tāmate‘i ia! Tāmate‘i ia! Tukifaʻo ia ki ha kolosi!”
Pea fehu‘i ange ‘e Pailato kiate kinautolu: ‟Ke u tukifaʻo koā homou tu‘i̇́?”
Pea tali mai ʻa e kau taula‘eiki lahi̇́: ‟Ko homau Tuʻi̇́ pē ‘a Sisa.” 16Pea toki tukuange ‘e Pailato ‘a Si̇̄sū kiate kinautolu, ke nau ‘ave ia ‘o tukifaʻo ki he kolosi̇́.
Ko Hono Tutuki ‘o Si̇̄sū ki he Kolosí
(Mātiu 27:32-44; Ma‘ake 15:21-32; Luke 23:26-43)
17Pea nau taki atu ‘a Si̇̄sū ‘okú naʻe fua atu hono kolosi̇́, pea nau a‘u ki he feitu‘u ko ‟‘Ulupoko,” ʻa ia ko hono faka-Hepeluú, ko ‟Kolokota.” 18Pea naʻa nau tutuki ai ia ki he kolosi̇́, fakataha mo ha ongo tangata ‘e toko ua, ‘o na taki taha ʻa e ongo tafatafa ʻaki ‘o Sīsuú.
19Pea naʻe tohi ʻe Pailato ‘i ha konga papa ‘a ia naʻe fakapipiki ki he funga kolosi̇́, ʻo pehē: ‟Ko Si̇̄sū mei Nāsaleti̇́, ko e Tu‘i ‘o e kakai Siú.” 20Pea na‘e tohi ia ‘i he lea faka-Hepeluú, faka-Latiná mo e faka-Kalisi̇́.
Pea koeʻuhi̇̄ ko e feitu‘u na‘e tutuki ai ‘a Sīsuú, na‘e ‘ikai ke loko mama‘o mei kolo, ko ia na‘e lau ‘e he tokolahi ʻa e me‘a na‘e tohi ‘i he konga papá. 21Ko ia, naʻe ō ʻa e kau taula‘eiki lahi̇́ kia Pailato ‘o talaange: ‟Ko e hā naʻá ke tohi ai he konga papá, ko e Tuʻi ia ‘o e kakai Siú? Na‘e tonú ke ke tohi, ‛Na‘e lau ‘e he tangatá ni, ko e Tu‘i ia ‘o e kakai Siú.’”
22Kae talaange ‘e Pailato kiate kinautolu: ‟Ko e me‘a kuo u tohi̇́, ko e meʻa pē ia ʻe tohi̇́.”
23Pea hili hono tukifaʻo ‘e he kau sōtiá ‘a Sīsuú, naʻa nau vahe fā hono valá ke nau taki taha ha tuʻunga. Pea ko e anga ʻo hono pulupulú, na‘e lālanga to‘ofua pē, ‘o ‘ikai ke ai hano hokoʻanga. 24Pea pehē ‘e he kau sōtiá: ‟‘Oua te tau hae ia, ka tau toho ke vakaiʻi pē ko hai ‘iate kitautolu te ne ma‘ú.” Naʻa nau fai pehē: ke fakamoʻoni ai ki he lau ʻa e Tohitapu, ‘oku pehē:
‟Na‘a nau vahevahe hoku valá,
mo tohoʻi pē ko hai te ne maʻu hoku pulupulú.”
25Pea na‘e tutuʻu ofi atu ki he ve‘e kolosi̇́ ʻa e fa‘ē ‘a Sīsuú, mo e tokoua ‘o ʻene fa‘eé, mo Mele ko e uaifi ‘o Kaliopasi̇́, pea mo Mele Makitaline. 26Pea ʻi he sio atu leva ‘a Si̇̄sū ki heʻene fa‘eé mo e toko taha naʻá ne ‘ofa taha ai ‘i heʻene kau akó, naʻá ne pehē ange ki heʻene fa‘eé: ‟Siʻeku faʻē, ko ena hoʻo tama.” 27Pea naʻe pehēange ki heʻene akongá: ‟Tangata, ko ena hoʻo faʻē.” Pea talu mei ai, mo e nofo ʻa e fa‘ē ‘a Sīsuú, he ‘api ‘o e tangata ako ko iā.
Ko e Pekia ‘a Si̇̄suú
(Mātiu 27:45-56; Ma‘ake 15:33-41; Luke 23:44-49)
28Pea hili iá, ʻi he ʻafioʻi ‘e Si̇̄sū kuo kakato ʻa e meʻa kotoa pē, pea koeʻuhi̇̄ ke fakamoʻoniʻi ʻa e lau ʻa e Tohitapú, naʻá ne folofola: ‟‘Oku ou fieinua.”
29Pea na‘e tu‘u ai ha hina uaine mahimahi, ko ia, na‘e hanga ‘e he toko taha ‘o unu ai ha konga oma ‘o velo hake ‘aki ha va‘a ‘i̇̄sope ke inu mei ai ‘a Si̇̄sū. 30Pea ʻi he inu leva ‘e Si̇̄sū ʻa e uainé, pea naʻe toki pehē: ‟Kuo kakato!”
Pea naʻe punou hifo hono fofongá, ‘o naʻe tukuange hono laumālié.
Ko Hono Hoka‘i e Vakavaka ‘o Si̇̄suú
31Pea ko e ʻaho ia naʻa nau tokonaki ai ʻo teuteu ki ha Sāpate mahuʻinga ʻo haʻa Siú, pea koeʻuhi̇̄ na‘e ‘ikai te nau loto ke tautau ha sino ʻi he kolosi̇́ he Sāpaté, ko ia, naʻa nau kole kia Pailato, ke fesiʻi ʻa e vaʻe ʻokinautolu naʻe tutuki ki he kolosi̇́, pea toki ʻohifo honau sinó ke tanu. 32Ko ia, naʻe omi ʻa e kau sōtia ʻo nau ‘uluaki fesi‘i ʻa e va‘e ‘o e ongo tangata na‘e tukifaʻo fakataha mo Sīsuú. 33Ka ʻi heʻenau a‘u atu kia Sīsuú, naʻa nau ʻilo kuo ‘osi pekia ia, ko ia, na‘e ‘ikai te nau fesi‘i hono va‘é. 34Kae hanga ‘e he sōtia ‘e taha, ‘o hoka‘i ʻa e vakavaka ‘o Si̇̄suú ʻaki hono taó, pea na‘e tafe leva mei ai ʻa e taʻataʻa mo e vai. 35Pea ko e toko taha na‘e mamata tonu ki ai̇́, ko ia ʻeni ʻokú ne fakamoʻoni atu, pea ʻoku mo‘oni̇ ʻene fakamoʻoni̇́. ‘Okú naʻe fakapapauʻi ʻa e mo‘oni ʻene fakamatalá, pea ko ʻene fakamoʻoni̇́ koeʻuhi̇̄ ke mou tui ki ai.
36He naʻe hoko ʻa e ngaahi me‘a ko ʻeni̇́ koeʻuhi̇̄ ke fakamoʻoni ki he lau ʻa e Tohitapú, ‘oku pehē: ‟‘E ‘ikai fesiʻi hano hui ‘e taha.” 37Mo e Folofola ʻe taha ʻoku pehē: ‟Te nau toki sio ki ai, ki he toko taha na‘a nau hoka‘i̇́.”
Ko Hono Telio ‘o Si̇̄suú
(Mātiu 27:57-61; Ma‘ake 15:42-47; Luke 23:50-56)
38Pea hili iá, na‘e ‘i ai ha tangata mei ‘Alematea, ko Siosifa, ʻa ia na‘e muimui fakafufū pē ‘ia Sīsū, koe‘uhi̇̄ ko ʻene ilifia ki he kau taki ‘o e kakai Siú. Pea ‘alu ʻa e tangata ko iā kia Pailato ‘o kole ke tukuange mu‘a ke ne ‘ave ʻa e sino ‘o Sīsuú. Pea naʻe loto ki ai ‘a Pailato, ko ia, naʻe ‘ave leva ‘e Siosifa ʻa e sino ‘o Sīsuú.
39Na‘e ‘alu atu fakataha ‘a Siosifa mo Nikotimasi, ʻa e tangata na‘e ‘alu poʻuli atu kia Sīsuú. Pea naʻe haʻu ‘a Nikotimasi mo ha ngaahi me‘a fakanamulelei, ko e mula mo e ‘ālosi na‘e fe‘unga nai mo e kilo ‘e tolungofulu. 40Pea hanga ‘e he ongo tangatá ‘o kofu ʻa e sino ‘o Si̇̄suú ʻaki ha tupenu li̇̄neni, fakataha mo e ngaahi me‘a fakanamulelei̇́, ‘o fakatatau ki he founga ʻa e kakai Siú, ‘i hono teuteu ha taha ke telio. 41Pea na‘e ‘i ai ha ngouetapu na‘e tu‘u he feitu‘u na‘e tukifaʻo ai ‘a Sīsuú, pea na‘e ‘i ai ha fonualoto ai na‘e te‘eki ke tanu ai ha taha. 42Pea koe‘uhi̇̄ ko e vave ʻa e kamata ʻa e Sāpaté, pea mo ʻene ofi mai̇́, naʻa nau telio ai ʻa Si̇̄sū. #19:42 Ko e ʻaho Tokonakí ia ‘i onopooni. Ko e ʻaho tapu ia ‘a e kakai Siú.
Currently Selected:
Sione 19: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Sione 19
19
1Pea toki fekau leva ‘e Pailato ke taaʻi ‘a Si̇̄sū ‘aki ha maea. 2Pea na‘e hanga ‘e he kau sōtiá ‘o fi̇̄ ha kalauni ʻaki ha ngaahi vaʻa ʻo ha ʻakau talatala, ‘o nau ‘ai ki hono ‘ulú. Pea nau toe ‘ai kiate ia mo ha pulupulu lanu kulokula fakapoʻupoʻuli. 3Pea nau pehēange: ‟Ke lākoifie ʻa e tu‘i ‘o e kakai Siú!” Pea nau ʻai hano tākituʻa ia.
4Pea toe hūmai ‘a Pailato ‘o talaange ki he kakai̇́: ‟Ko eni, te u fekau ke taki mai ia ki heni kiate kimoutolu, pea ‘e toki mahino ai kiate kimoutolu ‘oku ‘ikai te u ‘ilo ‘e au haʻane kovi.” 5Pea hūmai ‘a Si̇̄sū ki tu‘a kuo kalauni talatala mo pulupulu lanu kulokula fakapoʻupoʻuli. Pea pehēange ‘e Pailato ki he kakai̇́: ‟Ko ena, ko e tangatá ena!”
6Pea ʻi he sio leva ki ai ʻa e kau taula‘eiki lahi̇́ mo e kau ʻōfisa ʻo e Temipalé, naʻa nau fekailangakiʻi leva: ‟Tukifaʻo ia ki ha kolosi! Tukifaʻo ia!”
Ka naʻe pehēatu ‘e Pailato kiate kinautolu: ‟Mou ‘ave ia ‘ekimoutolu ‘o tukifaʻo. He ko au ia, ‘oku ‘ikai te u ‘ilo ‘e au haʻane hia.”
7Pea tali ʻe he kakai̇́: ‟‘Oku ‘i ai ‘emau lao, pea ‘oku tu‘utu‘uni ai ke tāmate‘i ia, koe‘uhi̇̄ he kuó ne tala, ko e ‘Alo ia ‘o e ‘Otuá.”
8Pea manavahē lahi ‘a Pailato ‘i he‘enau lau ko iā. 9Pea naʻe toe hū ki loto‘ā ‘o ‘eke ange kia Si̇̄sū: ‟Ko ho‘o ha‘ú mei fē?”
Ka naʻe fakalongolongo pē ‘a Si̇̄sū ia. 10Pea pehēange ‘e Pailato: ‟Ko e hā ‘oku ‘ikai te ke lea mai ai̇́? ʻOku ʻikai koā te ke ʻilo, ‘oku ʻiate au ʻa e mafai ke tukuange koe, mo e mafai ke tukifaʻo koe ki ha kolosi?”
11Pea tali ‘e Si̇̄sū kiate ia: ‟Na‘e ‘ikai te ke mei ma‘u ha mafai ‘e taha ke fai ha meʻa kiate au, ka ko hono foaki atu kiate koe mei he ʻOtuá. Ko hono ʻuhinga ia, ‘oku halaia lahi ange ai ʻa e toko taha naʻá ne tuku atu au kiate koé.”
12‘I he lau pehē ‘a Sīsuú, na‘e feinga leva ‘a Pailato ke tukuange ia. Ka naʻe kaikaila atu pē ʻa e kakai̇́ kia Pailato: ‟Kapau te ke tukuange ʻa e tangata ko ená, ‘oku ‘ikai te ke kau koe mo Sisa! He ka pehē ‘e ha taha ko e tu‘i ia, ko ʻene fakafepaki ia kia Sisa.” 13Pea ‘i he fanongo ʻe Pailato ki he kaikaila pehē ʻa e kakai̇́, naʻá ne taki atu leva ‘a Si̇̄sū kitu‘a, ʻo ne toki nofo hifo he sea fai‘anga fakamaau, ʻa ia ko ‟Falikimaka,” ‘a ia ko hono faka-Hepeluú, ko ‟Kāpata.”
14Pea fe‘unga mo iá, kuo ofi ki he ho‘atā mālie ʻo e ʻaho naʻa nau tokonaki ai ʻo teu ki he ʻaho Pāsová.
Pea pehēange ‘e Pailato ki he kakai̇́: ‟Ko eni, ko homou Tuʻi̇́ ʻeni!”
15Ka naʻa nau kaikaila: ‟Tāmate‘i ia! Tāmate‘i ia! Tukifaʻo ia ki ha kolosi!”
Pea fehu‘i ange ‘e Pailato kiate kinautolu: ‟Ke u tukifaʻo koā homou tu‘i̇́?”
Pea tali mai ʻa e kau taula‘eiki lahi̇́: ‟Ko homau Tuʻi̇́ pē ‘a Sisa.” 16Pea toki tukuange ‘e Pailato ‘a Si̇̄sū kiate kinautolu, ke nau ‘ave ia ‘o tukifaʻo ki he kolosi̇́.
Ko Hono Tutuki ‘o Si̇̄sū ki he Kolosí
(Mātiu 27:32-44; Ma‘ake 15:21-32; Luke 23:26-43)
17Pea nau taki atu ‘a Si̇̄sū ‘okú naʻe fua atu hono kolosi̇́, pea nau a‘u ki he feitu‘u ko ‟‘Ulupoko,” ʻa ia ko hono faka-Hepeluú, ko ‟Kolokota.” 18Pea naʻa nau tutuki ai ia ki he kolosi̇́, fakataha mo ha ongo tangata ‘e toko ua, ‘o na taki taha ʻa e ongo tafatafa ʻaki ‘o Sīsuú.
19Pea naʻe tohi ʻe Pailato ‘i ha konga papa ‘a ia naʻe fakapipiki ki he funga kolosi̇́, ʻo pehē: ‟Ko Si̇̄sū mei Nāsaleti̇́, ko e Tu‘i ‘o e kakai Siú.” 20Pea na‘e tohi ia ‘i he lea faka-Hepeluú, faka-Latiná mo e faka-Kalisi̇́.
Pea koeʻuhi̇̄ ko e feitu‘u na‘e tutuki ai ‘a Sīsuú, na‘e ‘ikai ke loko mama‘o mei kolo, ko ia na‘e lau ‘e he tokolahi ʻa e me‘a na‘e tohi ‘i he konga papá. 21Ko ia, naʻe ō ʻa e kau taula‘eiki lahi̇́ kia Pailato ‘o talaange: ‟Ko e hā naʻá ke tohi ai he konga papá, ko e Tuʻi ia ‘o e kakai Siú? Na‘e tonú ke ke tohi, ‛Na‘e lau ‘e he tangatá ni, ko e Tu‘i ia ‘o e kakai Siú.’”
22Kae talaange ‘e Pailato kiate kinautolu: ‟Ko e me‘a kuo u tohi̇́, ko e meʻa pē ia ʻe tohi̇́.”
23Pea hili hono tukifaʻo ‘e he kau sōtiá ‘a Sīsuú, naʻa nau vahe fā hono valá ke nau taki taha ha tuʻunga. Pea ko e anga ʻo hono pulupulú, na‘e lālanga to‘ofua pē, ‘o ‘ikai ke ai hano hokoʻanga. 24Pea pehē ‘e he kau sōtiá: ‟‘Oua te tau hae ia, ka tau toho ke vakaiʻi pē ko hai ‘iate kitautolu te ne ma‘ú.” Naʻa nau fai pehē: ke fakamoʻoni ai ki he lau ʻa e Tohitapu, ‘oku pehē:
‟Na‘a nau vahevahe hoku valá,
mo tohoʻi pē ko hai te ne maʻu hoku pulupulú.”
25Pea na‘e tutuʻu ofi atu ki he ve‘e kolosi̇́ ʻa e fa‘ē ‘a Sīsuú, mo e tokoua ‘o ʻene fa‘eé, mo Mele ko e uaifi ‘o Kaliopasi̇́, pea mo Mele Makitaline. 26Pea ʻi he sio atu leva ‘a Si̇̄sū ki heʻene fa‘eé mo e toko taha naʻá ne ‘ofa taha ai ‘i heʻene kau akó, naʻá ne pehē ange ki heʻene fa‘eé: ‟Siʻeku faʻē, ko ena hoʻo tama.” 27Pea naʻe pehēange ki heʻene akongá: ‟Tangata, ko ena hoʻo faʻē.” Pea talu mei ai, mo e nofo ʻa e fa‘ē ‘a Sīsuú, he ‘api ‘o e tangata ako ko iā.
Ko e Pekia ‘a Si̇̄suú
(Mātiu 27:45-56; Ma‘ake 15:33-41; Luke 23:44-49)
28Pea hili iá, ʻi he ʻafioʻi ‘e Si̇̄sū kuo kakato ʻa e meʻa kotoa pē, pea koeʻuhi̇̄ ke fakamoʻoniʻi ʻa e lau ʻa e Tohitapú, naʻá ne folofola: ‟‘Oku ou fieinua.”
29Pea na‘e tu‘u ai ha hina uaine mahimahi, ko ia, na‘e hanga ‘e he toko taha ‘o unu ai ha konga oma ‘o velo hake ‘aki ha va‘a ‘i̇̄sope ke inu mei ai ‘a Si̇̄sū. 30Pea ʻi he inu leva ‘e Si̇̄sū ʻa e uainé, pea naʻe toki pehē: ‟Kuo kakato!”
Pea naʻe punou hifo hono fofongá, ‘o naʻe tukuange hono laumālié.
Ko Hono Hoka‘i e Vakavaka ‘o Si̇̄suú
31Pea ko e ʻaho ia naʻa nau tokonaki ai ʻo teuteu ki ha Sāpate mahuʻinga ʻo haʻa Siú, pea koeʻuhi̇̄ na‘e ‘ikai te nau loto ke tautau ha sino ʻi he kolosi̇́ he Sāpaté, ko ia, naʻa nau kole kia Pailato, ke fesiʻi ʻa e vaʻe ʻokinautolu naʻe tutuki ki he kolosi̇́, pea toki ʻohifo honau sinó ke tanu. 32Ko ia, naʻe omi ʻa e kau sōtia ʻo nau ‘uluaki fesi‘i ʻa e va‘e ‘o e ongo tangata na‘e tukifaʻo fakataha mo Sīsuú. 33Ka ʻi heʻenau a‘u atu kia Sīsuú, naʻa nau ʻilo kuo ‘osi pekia ia, ko ia, na‘e ‘ikai te nau fesi‘i hono va‘é. 34Kae hanga ‘e he sōtia ‘e taha, ‘o hoka‘i ʻa e vakavaka ‘o Si̇̄suú ʻaki hono taó, pea na‘e tafe leva mei ai ʻa e taʻataʻa mo e vai. 35Pea ko e toko taha na‘e mamata tonu ki ai̇́, ko ia ʻeni ʻokú ne fakamoʻoni atu, pea ʻoku mo‘oni̇ ʻene fakamoʻoni̇́. ‘Okú naʻe fakapapauʻi ʻa e mo‘oni ʻene fakamatalá, pea ko ʻene fakamoʻoni̇́ koeʻuhi̇̄ ke mou tui ki ai.
36He naʻe hoko ʻa e ngaahi me‘a ko ʻeni̇́ koeʻuhi̇̄ ke fakamoʻoni ki he lau ʻa e Tohitapú, ‘oku pehē: ‟‘E ‘ikai fesiʻi hano hui ‘e taha.” 37Mo e Folofola ʻe taha ʻoku pehē: ‟Te nau toki sio ki ai, ki he toko taha na‘a nau hoka‘i̇́.”
Ko Hono Telio ‘o Si̇̄suú
(Mātiu 27:57-61; Ma‘ake 15:42-47; Luke 23:50-56)
38Pea hili iá, na‘e ‘i ai ha tangata mei ‘Alematea, ko Siosifa, ʻa ia na‘e muimui fakafufū pē ‘ia Sīsū, koe‘uhi̇̄ ko ʻene ilifia ki he kau taki ‘o e kakai Siú. Pea ‘alu ʻa e tangata ko iā kia Pailato ‘o kole ke tukuange mu‘a ke ne ‘ave ʻa e sino ‘o Sīsuú. Pea naʻe loto ki ai ‘a Pailato, ko ia, naʻe ‘ave leva ‘e Siosifa ʻa e sino ‘o Sīsuú.
39Na‘e ‘alu atu fakataha ‘a Siosifa mo Nikotimasi, ʻa e tangata na‘e ‘alu poʻuli atu kia Sīsuú. Pea naʻe haʻu ‘a Nikotimasi mo ha ngaahi me‘a fakanamulelei, ko e mula mo e ‘ālosi na‘e fe‘unga nai mo e kilo ‘e tolungofulu. 40Pea hanga ‘e he ongo tangatá ‘o kofu ʻa e sino ‘o Si̇̄suú ʻaki ha tupenu li̇̄neni, fakataha mo e ngaahi me‘a fakanamulelei̇́, ‘o fakatatau ki he founga ʻa e kakai Siú, ‘i hono teuteu ha taha ke telio. 41Pea na‘e ‘i ai ha ngouetapu na‘e tu‘u he feitu‘u na‘e tukifaʻo ai ‘a Sīsuú, pea na‘e ‘i ai ha fonualoto ai na‘e te‘eki ke tanu ai ha taha. 42Pea koe‘uhi̇̄ ko e vave ʻa e kamata ʻa e Sāpaté, pea mo ʻene ofi mai̇́, naʻa nau telio ai ʻa Si̇̄sū. #19:42 Ko e ʻaho Tokonakí ia ‘i onopooni. Ko e ʻaho tapu ia ‘a e kakai Siú.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.