Luke 10
10
Ko e Fekau ‘e Si̇̄sū Hono Kaungāngāue ‘e Toko Fitungofulu mā ua
1Pea hili ʻa e ngaahi meʻa ko iā, pea fili ‘e he ʻEiki̇́, haʻane kau ako ‘e toko fitungofulu mā ua kehe, ʻo ne fekau ke nau tautau toko ua ʻo muʻomuʻa atu ʻiate ia, ki he ngaahi koló pea mo e ngaahi feitu‘u, na‘e ʻamanaki ke ne fou atu ai̇́.
2Pea naʻe pehēange kiate kinautolu: ‟Kuo ‘osi lahi ʻa e ta‘u ke utu, ka ‘oku kaungatāmaki ʻa e kau utú. Mou kole ki he ʻEiki ‘oku ʻaʻana ʻa e ta‘ú, ke fakatokolahi mai ʻa e kau ngāue ke utu hono taʻú. 3Mou ʻalu atu. Ko eni, ʻoku ou fekau atu kimoutolu ke mou hangē ha fanga lami he lotolotonga ‘o ha fanga ulofi̇́.
4ʻOua naʻa mou to‘o ha kato pa‘anga, pē ko ha kato meʻakai, pē ko ha sū. Pea ‘oua te mou toe fepōpoaki ʻaki mo ha taha he halá. 5ʻOka moú ka afe ki ha ʻapi, pea mou tomuʻa fai atu ki ai ʻa e lea ko eni̇́, ‛Ke tāpuaki‘i mai ‘e he ‘Otuá ʻa e ‘api̇́ ni.’ 6Pea kapau ko e kakai ʻo e ʻapi ko iā ko e faʻahinga ‘oku mo‘ui ʻaki ʻa e melinó, pea ‘e tāpuaki‘i kinautolu ‘e he ‘Otuá. Pea kapau ‘oku ʻikai, pea ‘e toe foki atu pē ʻa e tāpuaki̇́ kiate kimoutolu.
7Pea mou nofo pē ʻi he ʻapi ko iā, ʻo kai mo inu ai he meʻa ‘oku nau ma‘ú. He ‘oku taau ke maʻu ʻe he taha ngāué, ʻene totongi̇́. ʻOua naʻa mou hikihiki holo he tukui ‘api̇́. 8Pea kapau te mou aʻu atu ki ha kolo pea talitali lelei ai kimoutolu ‘e ha ʻapi ʻi he koló, pea mou kai pē ʻa e meʻakai te nau ʻoatú. 9Pea mou fakamo‘ui ha faʻahinga ‘iate kinautolu ‘oku mahakiʻia, pea mou tala kiate kinautolu, ‛Kuo vave pē ke hoko mai ʻa e Pule‘anga ‘o e ‘Otuá.’
10Pea kapau te mou hūatu ki ha kolo, pea ʻikai ke talitali lelei ai kimoutolu, pea mou ʻalu atu ki honau ngaahi halá, ʻo mou pehē: 11‛Naʻa mo e efu kuo pipiki homau va‘é, ‘oku mau tuʻu‘i atu heni, ko e fakaʻilonga kiate kimoutolu. He ‘oku mau fakapapau atu: Kuo vave pē ke hoko mai ʻa e Pule‘anga ‘o e ‘Otuá!’ 12Ko ʻeni ‘oku ou talaatu, ‘oka hoko mai ʻa e ʻAho Fakamāaú, ‘e ala faka‘atu‘i ange ‘e he ‘Otuá ʻa Sōtoma, ʻi he kolo ko iā!
Ko e Ngaahi Kolo Ta‘e Tui
(Mātiu 11:20-24)
13ʻOku malaʻia ʻa koe Kolesini! ʻOku malaʻia foki mo koe Petesaita! He kapau na‘e fai ʻi Taia mo Saitoni ʻa e ngaahi mana na‘e fai ʻi homou ongo koló, pehē kuo fuoloa ʻa e fakatomala ʻa e kakai ‘o e ongo kolo ko iā, ʻo nau ‘ai tauangaʻa mo fakaefuefu. 14Ka ʻoka hoko mai ʻa e ʻAho Fakamāaú, ‘e faka‘atu‘i ange ‘e he ‘Otuá ʻa e kakai ‘o Taia mo Saitoni̇́, ‘iate kimoutolu.
15Pea ko koe foki Kāpaneume! ‘Okú ke pehē koā ʻe hiki hake koe ki he ngaahi langi̇́? ʻE ʻikai ʻaupito! Ka te mou tō hifo ki Heli!
16Ka ʻilonga ha taha ‘e fakaongo kiate kimoutolu, ko ʻene fakaongo ia kiate aú. Peá ka ʻilonga ha taha te ne fakasi̇̄tuʻaʻi kimoutolu, ko ʻene taʻetali ai pē ia aú. Pea ko ia te ne fakasi̇̄tuʻaʻi aú, ko ʻene fakasi̇̄tuʻaʻi ai pē ia ʻa e Toko Taha naʻá ne fekau mai aú.”
Ko e Foki Mai ʻa e Toko Fitu ngofulu Mā Uá
17Pea foki fiefia mai ʻa e toko fitungofulu mā uá, ‘o tala kia Si̇̄sū: ‟ʻEiki, naʻa mo e fanga tēvoló, naʻa nau fakaongo kiate kimautolu, ʻi he‘emau lea‘aki ho hingoá.”
18Pea talaange ‘e Si̇̄sū kiate kinautolu: ‟Naʻá ku sio kia Sētane ‘oku tū‘ulu hifo mei̇́ he langi̇́, ʻo hangē ko e tapa ʻa e ʻuhilá. 19Ko eni, kuo u tuku kiate kimoutolu ʻa e mafai ke tāmoloki ʻa e fanga ngata mo e manu huhu kona, pea mo e kotoa ʻo e mālohi ʻo homou fili̇́, ka he‘ikai faifai ange pea mou lavea ai ʻi ha meʻa. 20Kaekehe, ‘oua te mou fiefia he fakavaivai kiate kimoutolu ʻa e ngaahi faʻahikehé, ka mou fiefia ʻi he tohi homou hingoá ʻi he Tohi ʻi Langi̇́.”
Ko e Fakamālō ʻa Si̇̄sū ki Heʻene Tamaí
(Mātiu 11:25-27; 13:16,17)
21ʻI he taimi ko iā, naʻe mātuʻaki fiefia ʻa Si̇̄sū mei he Laumālie Mā‘oni‘oni̇́, pea naʻe lotu ai, ‘o pehē: ‟‘Oku ou fakamālō atu kiate koe, ‘e Tamai, ko e ʻEiki ‘o langi mo māmani, koe‘uhi̇̄ ko ho‘o fufū ʻa e ngaahi meʻa ko ʻeni̇́ mei he kakai poto mo ʻiloʻiló, ka ke fakahā ia ki he lāauvale ʻo e fonuá. ‘ʻio, ‘e Tamai, pea naʻe hā lelei kiate koe, ke pehē ho finangaló.
22Kuo tuku kiate au ‘e he‘eku Tamai̇́ ʻa e meʻa kotoa pē pea ʻoku ʻikai ʻiloʻi ʻe ha taha ʻa e Fohá, ka ko e Tamai̇́ toko taha pē. Pea ʻoku ʻikai ʻiloʻi ʻe ha taha ʻa e Tamai̇́, ka ko e Fohá toko taha pē, pea mo ha taha ʻe loto ʻa e Fohá ke fakahāaʻi ange ia ki .”
23Pea tafoki ange ʻa Si̇̄sū ki heʻene kau akó, ‘o naʻe lea ange fakaekinautolu pē, ʻo pehē: ‟ʻOku monūʻia ʻakinautolu ʻoku mamata ki he ngaahi meʻa ʻoku mou mamata ki ai̇́. 24He ʻoku ou talaatu kiate kimoutolu, naʻe tokolahi ʻa e kau palōfita mo e ngaahi Tuʻi naʻa nau fie mamata ki he ngaahi meʻa kuo mou mamata ki ai̇́, ka naʻe ʻikai te nau mamata ki ai, mo fanongo ki he ngaahi meʻa kuo mou fanongo ki ai̇́, ka na‘e ʻikai hanau faingamālie.”
Ko e Samēlia Loto ‘Ofa
25Pea ko eni, na‘e tu‘u hake ha tangata faiako he Lao ʻa Mōsese, ko ʻene fie tauheleʻi ʻa Si̇̄sū, ʻo ne ʻeke kiate ia, ʻo pehē: ‟Tangata‘eiki, Ko e hā te u fai, ka u ma‘u ai ʻa e mo‘ui ta‘engatá?”
26Pea pehēange ‘e Si̇̄sū: ‟Ko e hā ʻa e meʻa kuo tohi he Laó? Ko e hā ho‘o ma‘u ki ai̇́?”
27Pea tali ‘e he tangatá, ʻo pehē: ‟Te ke ʻofa ki he ʻEiki ko ho ‘Otuá, ʻaki ʻa e kotoa ʻo ho lotó, mo e kotoa ʻo ho laumālié, mo e kotoa ʻo ho ivi̇́, pea mo e kotoa ʻo ho ʻatamai. Peá mo ʻeni foki, ‛Te ke ʻofa ki ho kaungā‘api̇́ ‘o hangē ko ho‘o ‘ofa kiate koé.’”
28Pea pehēange ‘e Si̇̄sū kiate ia: ‟ʻOku tonu ho‘o tali̇́. ʻAlu ʻo fai pehē: pea te ke mo‘ui.”
29Ka ʻi heʻene fie fakatonuhiaʻi iá, naʻá ne toe ʻeke ange kia Si̇̄sū: ‟He ko hai ia koā ʻa hoku kaungā‘api̇́?”
30Pea tali ‘e Sīsū, ʻo pehē: ‟Lau tokua na‘e ʻi ai ha tangata na‘e fononga hifo mei Selusalema ki Sēlikō. Pea fakafokifā, naʻe ‘ohofi ia ‘e ha kau kaihaʻa, ‘o nau fa‘ao ʻene meʻa kotoa pē pea nau taaʻi ia, pea nau toki hola leva kae li̇̄ ʻaki ʻa e tangatá he ve‘ehalá kuo meimei mate.
31Pea naʻe fou atu ha faifekau, he hala ko iā. Ka ʻi heʻene sio ki he tangatá, naʻá ne afe ki he kauhala ‘e tahá, ‘o hoko atu ai ʻene fonongá. 32Pehē foki, naʻe fou atu ai mo ha tangata na‘e ngāue fakataula‘eiki. Ka ʻi heʻene mamata ki he tangatá, naʻá ne afe ki he kauhala ‘e tahá ʻo fai atu ai hono fononga.
33Ka naʻe fononga mai ha tangata Samēlia he hala ko iā. Pea ʻi heʻene mamata ki he tangatá, na‘e fonu hono lotó ʻi he ʻofa kiate ia. 34Ko ia, naʻá ne afe atu ‘o haʻihaʻi hono ngaahi laveá ʻo ne tuluʻiʻaki ha lolo mo ha uaine. Pea naʻe toki fakaheka ʻa e tangatá ki heʻene ʻasi̇́ ‘o ‘ave ki he fale tali-fononga ‘o tauhi ia ai. 35Pea maʻa hake ʻa e ʻaho ‘e tahá, naʻá ne ‘oange ki he tauhi fale tali-fonongá ha pa‘anga siliva ‘e ua, mo ne talaange ki ai, ‛Tauhi pē muʻa ʻa e tangatá, pea kapau ‘e toe lahi ange ho‘o fakamolé ʻi he pa‘anga ko eni̇́, pea te u totongi atu ia ʻi ha‘aku foki mai.’”
36‟Ko hai ʻi he toko tolu ko ʻeni̇́ ‘okú ke pehē: ko e kaungā‘api mo‘oni ia ‘o e tangata na‘e ‘ohofi ‘e he kau kaihaʻá?”
37Pea talaange ‘e he faiako Laó: ‟Ko e tangata na‘e ʻaloʻofa kiate iá.” Pea tali ‘e Si̇̄sū ki ai: ‟ʻAlu mo koe foki ʻo fai pehē!”
Ko Mā‘ʻata mo Mele
38Pea ʻi he fononga atu ʻa Si̇̄sū mo ʻene kau akó he halá, naʻa nau aʻu ki ha kolo ʻa ia na‘e nofo ai ha fefine ko Mā‘ata, pea talitali ‘e Mā‘ʻata ʻa Si̇̄sū ki hono ‘api̇́.
39Pea na‘e ʻi ai ha tehina ‘o Mā‘ata, ko Mele hono hingoá, ʻa ia na‘e fāite atu ia he vaʻe ʻo Si̇̄suú ‘o fanongo ki heʻene ngaahi folofolá. 40Ka na‘e femo‘uekina pē ʻa Mā‘ʻata hono teu ʻa e talitali maʻae ʻEiki̇́. Pea ha‘u ia ‘o fakalea ange kia Si̇̄sū: ‟ʻEiki, ‘oku ʻikai te ke tokanga koā ki he nofo pē ʻa hoku tokouá, ka u fai toko taha pē ʻa e meʻa kotoa? Ko ia, ke ke fekau ki ai, ke ha‘u ‘o tokoni mai!”
41Ka naʻe tali ʻe Si̇̄sū kiate ia ʻo pehē: ‟‘E Mā‘ata, ʻE Mā‘ʻata! ‘Okú ke lotomo‘ua mo hohaʻa ki ha ngaahi meʻa kehekehe ke fai. 42Ka ko e meʻa pē ‘e taha ‘oku mahu‘ingá. Pea ko e meʻa ia kuo fili ‘e Melé, ʻa ia ʻe ʻikai ke toe to‘o meiate ia.”
Currently Selected:
Luke 10: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Luke 10
10
Ko e Fekau ‘e Si̇̄sū Hono Kaungāngāue ‘e Toko Fitungofulu mā ua
1Pea hili ʻa e ngaahi meʻa ko iā, pea fili ‘e he ʻEiki̇́, haʻane kau ako ‘e toko fitungofulu mā ua kehe, ʻo ne fekau ke nau tautau toko ua ʻo muʻomuʻa atu ʻiate ia, ki he ngaahi koló pea mo e ngaahi feitu‘u, na‘e ʻamanaki ke ne fou atu ai̇́.
2Pea naʻe pehēange kiate kinautolu: ‟Kuo ‘osi lahi ʻa e ta‘u ke utu, ka ‘oku kaungatāmaki ʻa e kau utú. Mou kole ki he ʻEiki ‘oku ʻaʻana ʻa e ta‘ú, ke fakatokolahi mai ʻa e kau ngāue ke utu hono taʻú. 3Mou ʻalu atu. Ko eni, ʻoku ou fekau atu kimoutolu ke mou hangē ha fanga lami he lotolotonga ‘o ha fanga ulofi̇́.
4ʻOua naʻa mou to‘o ha kato pa‘anga, pē ko ha kato meʻakai, pē ko ha sū. Pea ‘oua te mou toe fepōpoaki ʻaki mo ha taha he halá. 5ʻOka moú ka afe ki ha ʻapi, pea mou tomuʻa fai atu ki ai ʻa e lea ko eni̇́, ‛Ke tāpuaki‘i mai ‘e he ‘Otuá ʻa e ‘api̇́ ni.’ 6Pea kapau ko e kakai ʻo e ʻapi ko iā ko e faʻahinga ‘oku mo‘ui ʻaki ʻa e melinó, pea ‘e tāpuaki‘i kinautolu ‘e he ‘Otuá. Pea kapau ‘oku ʻikai, pea ‘e toe foki atu pē ʻa e tāpuaki̇́ kiate kimoutolu.
7Pea mou nofo pē ʻi he ʻapi ko iā, ʻo kai mo inu ai he meʻa ‘oku nau ma‘ú. He ‘oku taau ke maʻu ʻe he taha ngāué, ʻene totongi̇́. ʻOua naʻa mou hikihiki holo he tukui ‘api̇́. 8Pea kapau te mou aʻu atu ki ha kolo pea talitali lelei ai kimoutolu ‘e ha ʻapi ʻi he koló, pea mou kai pē ʻa e meʻakai te nau ʻoatú. 9Pea mou fakamo‘ui ha faʻahinga ‘iate kinautolu ‘oku mahakiʻia, pea mou tala kiate kinautolu, ‛Kuo vave pē ke hoko mai ʻa e Pule‘anga ‘o e ‘Otuá.’
10Pea kapau te mou hūatu ki ha kolo, pea ʻikai ke talitali lelei ai kimoutolu, pea mou ʻalu atu ki honau ngaahi halá, ʻo mou pehē: 11‛Naʻa mo e efu kuo pipiki homau va‘é, ‘oku mau tuʻu‘i atu heni, ko e fakaʻilonga kiate kimoutolu. He ‘oku mau fakapapau atu: Kuo vave pē ke hoko mai ʻa e Pule‘anga ‘o e ‘Otuá!’ 12Ko ʻeni ‘oku ou talaatu, ‘oka hoko mai ʻa e ʻAho Fakamāaú, ‘e ala faka‘atu‘i ange ‘e he ‘Otuá ʻa Sōtoma, ʻi he kolo ko iā!
Ko e Ngaahi Kolo Ta‘e Tui
(Mātiu 11:20-24)
13ʻOku malaʻia ʻa koe Kolesini! ʻOku malaʻia foki mo koe Petesaita! He kapau na‘e fai ʻi Taia mo Saitoni ʻa e ngaahi mana na‘e fai ʻi homou ongo koló, pehē kuo fuoloa ʻa e fakatomala ʻa e kakai ‘o e ongo kolo ko iā, ʻo nau ‘ai tauangaʻa mo fakaefuefu. 14Ka ʻoka hoko mai ʻa e ʻAho Fakamāaú, ‘e faka‘atu‘i ange ‘e he ‘Otuá ʻa e kakai ‘o Taia mo Saitoni̇́, ‘iate kimoutolu.
15Pea ko koe foki Kāpaneume! ‘Okú ke pehē koā ʻe hiki hake koe ki he ngaahi langi̇́? ʻE ʻikai ʻaupito! Ka te mou tō hifo ki Heli!
16Ka ʻilonga ha taha ‘e fakaongo kiate kimoutolu, ko ʻene fakaongo ia kiate aú. Peá ka ʻilonga ha taha te ne fakasi̇̄tuʻaʻi kimoutolu, ko ʻene taʻetali ai pē ia aú. Pea ko ia te ne fakasi̇̄tuʻaʻi aú, ko ʻene fakasi̇̄tuʻaʻi ai pē ia ʻa e Toko Taha naʻá ne fekau mai aú.”
Ko e Foki Mai ʻa e Toko Fitu ngofulu Mā Uá
17Pea foki fiefia mai ʻa e toko fitungofulu mā uá, ‘o tala kia Si̇̄sū: ‟ʻEiki, naʻa mo e fanga tēvoló, naʻa nau fakaongo kiate kimautolu, ʻi he‘emau lea‘aki ho hingoá.”
18Pea talaange ‘e Si̇̄sū kiate kinautolu: ‟Naʻá ku sio kia Sētane ‘oku tū‘ulu hifo mei̇́ he langi̇́, ʻo hangē ko e tapa ʻa e ʻuhilá. 19Ko eni, kuo u tuku kiate kimoutolu ʻa e mafai ke tāmoloki ʻa e fanga ngata mo e manu huhu kona, pea mo e kotoa ʻo e mālohi ʻo homou fili̇́, ka he‘ikai faifai ange pea mou lavea ai ʻi ha meʻa. 20Kaekehe, ‘oua te mou fiefia he fakavaivai kiate kimoutolu ʻa e ngaahi faʻahikehé, ka mou fiefia ʻi he tohi homou hingoá ʻi he Tohi ʻi Langi̇́.”
Ko e Fakamālō ʻa Si̇̄sū ki Heʻene Tamaí
(Mātiu 11:25-27; 13:16,17)
21ʻI he taimi ko iā, naʻe mātuʻaki fiefia ʻa Si̇̄sū mei he Laumālie Mā‘oni‘oni̇́, pea naʻe lotu ai, ‘o pehē: ‟‘Oku ou fakamālō atu kiate koe, ‘e Tamai, ko e ʻEiki ‘o langi mo māmani, koe‘uhi̇̄ ko ho‘o fufū ʻa e ngaahi meʻa ko ʻeni̇́ mei he kakai poto mo ʻiloʻiló, ka ke fakahā ia ki he lāauvale ʻo e fonuá. ‘ʻio, ‘e Tamai, pea naʻe hā lelei kiate koe, ke pehē ho finangaló.
22Kuo tuku kiate au ‘e he‘eku Tamai̇́ ʻa e meʻa kotoa pē pea ʻoku ʻikai ʻiloʻi ʻe ha taha ʻa e Fohá, ka ko e Tamai̇́ toko taha pē. Pea ʻoku ʻikai ʻiloʻi ʻe ha taha ʻa e Tamai̇́, ka ko e Fohá toko taha pē, pea mo ha taha ʻe loto ʻa e Fohá ke fakahāaʻi ange ia ki .”
23Pea tafoki ange ʻa Si̇̄sū ki heʻene kau akó, ‘o naʻe lea ange fakaekinautolu pē, ʻo pehē: ‟ʻOku monūʻia ʻakinautolu ʻoku mamata ki he ngaahi meʻa ʻoku mou mamata ki ai̇́. 24He ʻoku ou talaatu kiate kimoutolu, naʻe tokolahi ʻa e kau palōfita mo e ngaahi Tuʻi naʻa nau fie mamata ki he ngaahi meʻa kuo mou mamata ki ai̇́, ka naʻe ʻikai te nau mamata ki ai, mo fanongo ki he ngaahi meʻa kuo mou fanongo ki ai̇́, ka na‘e ʻikai hanau faingamālie.”
Ko e Samēlia Loto ‘Ofa
25Pea ko eni, na‘e tu‘u hake ha tangata faiako he Lao ʻa Mōsese, ko ʻene fie tauheleʻi ʻa Si̇̄sū, ʻo ne ʻeke kiate ia, ʻo pehē: ‟Tangata‘eiki, Ko e hā te u fai, ka u ma‘u ai ʻa e mo‘ui ta‘engatá?”
26Pea pehēange ‘e Si̇̄sū: ‟Ko e hā ʻa e meʻa kuo tohi he Laó? Ko e hā ho‘o ma‘u ki ai̇́?”
27Pea tali ‘e he tangatá, ʻo pehē: ‟Te ke ʻofa ki he ʻEiki ko ho ‘Otuá, ʻaki ʻa e kotoa ʻo ho lotó, mo e kotoa ʻo ho laumālié, mo e kotoa ʻo ho ivi̇́, pea mo e kotoa ʻo ho ʻatamai. Peá mo ʻeni foki, ‛Te ke ʻofa ki ho kaungā‘api̇́ ‘o hangē ko ho‘o ‘ofa kiate koé.’”
28Pea pehēange ‘e Si̇̄sū kiate ia: ‟ʻOku tonu ho‘o tali̇́. ʻAlu ʻo fai pehē: pea te ke mo‘ui.”
29Ka ʻi heʻene fie fakatonuhiaʻi iá, naʻá ne toe ʻeke ange kia Si̇̄sū: ‟He ko hai ia koā ʻa hoku kaungā‘api̇́?”
30Pea tali ‘e Sīsū, ʻo pehē: ‟Lau tokua na‘e ʻi ai ha tangata na‘e fononga hifo mei Selusalema ki Sēlikō. Pea fakafokifā, naʻe ‘ohofi ia ‘e ha kau kaihaʻa, ‘o nau fa‘ao ʻene meʻa kotoa pē pea nau taaʻi ia, pea nau toki hola leva kae li̇̄ ʻaki ʻa e tangatá he ve‘ehalá kuo meimei mate.
31Pea naʻe fou atu ha faifekau, he hala ko iā. Ka ʻi heʻene sio ki he tangatá, naʻá ne afe ki he kauhala ‘e tahá, ‘o hoko atu ai ʻene fonongá. 32Pehē foki, naʻe fou atu ai mo ha tangata na‘e ngāue fakataula‘eiki. Ka ʻi heʻene mamata ki he tangatá, naʻá ne afe ki he kauhala ‘e tahá ʻo fai atu ai hono fononga.
33Ka naʻe fononga mai ha tangata Samēlia he hala ko iā. Pea ʻi heʻene mamata ki he tangatá, na‘e fonu hono lotó ʻi he ʻofa kiate ia. 34Ko ia, naʻá ne afe atu ‘o haʻihaʻi hono ngaahi laveá ʻo ne tuluʻiʻaki ha lolo mo ha uaine. Pea naʻe toki fakaheka ʻa e tangatá ki heʻene ʻasi̇́ ‘o ‘ave ki he fale tali-fononga ‘o tauhi ia ai. 35Pea maʻa hake ʻa e ʻaho ‘e tahá, naʻá ne ‘oange ki he tauhi fale tali-fonongá ha pa‘anga siliva ‘e ua, mo ne talaange ki ai, ‛Tauhi pē muʻa ʻa e tangatá, pea kapau ‘e toe lahi ange ho‘o fakamolé ʻi he pa‘anga ko eni̇́, pea te u totongi atu ia ʻi ha‘aku foki mai.’”
36‟Ko hai ʻi he toko tolu ko ʻeni̇́ ‘okú ke pehē: ko e kaungā‘api mo‘oni ia ‘o e tangata na‘e ‘ohofi ‘e he kau kaihaʻá?”
37Pea talaange ‘e he faiako Laó: ‟Ko e tangata na‘e ʻaloʻofa kiate iá.” Pea tali ‘e Si̇̄sū ki ai: ‟ʻAlu mo koe foki ʻo fai pehē!”
Ko Mā‘ʻata mo Mele
38Pea ʻi he fononga atu ʻa Si̇̄sū mo ʻene kau akó he halá, naʻa nau aʻu ki ha kolo ʻa ia na‘e nofo ai ha fefine ko Mā‘ata, pea talitali ‘e Mā‘ʻata ʻa Si̇̄sū ki hono ‘api̇́.
39Pea na‘e ʻi ai ha tehina ‘o Mā‘ata, ko Mele hono hingoá, ʻa ia na‘e fāite atu ia he vaʻe ʻo Si̇̄suú ‘o fanongo ki heʻene ngaahi folofolá. 40Ka na‘e femo‘uekina pē ʻa Mā‘ʻata hono teu ʻa e talitali maʻae ʻEiki̇́. Pea ha‘u ia ‘o fakalea ange kia Si̇̄sū: ‟ʻEiki, ‘oku ʻikai te ke tokanga koā ki he nofo pē ʻa hoku tokouá, ka u fai toko taha pē ʻa e meʻa kotoa? Ko ia, ke ke fekau ki ai, ke ha‘u ‘o tokoni mai!”
41Ka naʻe tali ʻe Si̇̄sū kiate ia ʻo pehē: ‟‘E Mā‘ata, ʻE Mā‘ʻata! ‘Okú ke lotomo‘ua mo hohaʻa ki ha ngaahi meʻa kehekehe ke fai. 42Ka ko e meʻa pē ‘e taha ‘oku mahu‘ingá. Pea ko e meʻa ia kuo fili ‘e Melé, ʻa ia ʻe ʻikai ke toe to‘o meiate ia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.