Luke 16
16
Ko e Pule Kākā
1Pea toe fai foki ‘e Si̇̄sū mo e talanoa fakatātā ko ʻeni̇́ ki heʻene kau akó: ‟Na‘e ʻi ai ha tangata koloaʻia, ʻa ia naʻe lāunga‘i mai ki ai, ‘oku kai ‘e heʻene tangata tauhi koloá, ʻene koloá. 2Ko ia, naʻe ui mai ʻe he tangata koloaʻiá ʻene tauhi koloá, pea naʻe ʻeke ange, ʻo pehē: ‛Ko e hā ʻa e meʻa ko ʻeni kuo fakahā mai kiate au, ‘o kau kiate koé? ʻOmai ha fakamatala hoʻo ngaué, he ko eni, he‘ikai te ke kei hoko ko ʻeku tauhi koloa.’
3Pea pehē ‘e he tauhi koloá ʻi hono lotó, ‛Ko e hā nai ʻeku meʻa ‘e fai he taimi ni̇́? He ko ʻeni ‘e tuli au, ʻe hoko pulé, mei̇́ he ngāué! Ka ‘oku ou nima mamahi he ngoué, pea ʻoku ou mā foki he kolekolé.’ 4Ko eni, ‘oku ou ʻiloʻeku meʻa ke fai̇́, koeʻuhi̇̄ ka tuli au he ngāué, pea ʻe kei tali lelei pē au ‘e he kakai̇́, ki honau ngaahi ‘api̇́.
5Ko ia, naʻá ne ui tahataha mai leva ʻa e kakai na‘e mo‘ua ki he tangata koloa‘iá, ʻo ne fehu‘i ange ki he ‘uluaki̇́, ‛Naʻe fiha ho mo‘ua ki hoku pulé?’ 6Pea talaange ‘e he toko taha ko iā, ‛Ko e hina lolo ‘ōlive ‘e teau.’ Pea naʻe talaange kiate ia, ‛Ha‘u vave ‘o ‘atu ʻa e tohi mo‘uá, peá ke nofo hifo ʻo tohi ai, ko e hina pē ‘e nimangofulu!’
7Hili ia, pea naʻe toe fehu‘i ange ki ha tangata ko hono uá, ‛‘Oku fiha ho mo‘uá ‘ou?’
Pea naʻe tali, ‛Ko e tangai uite ‘e teau.’ Pea pehēange ‘e he tauhi koloá, ‛Ko ʻena ho‘o tohi mo‘uá. Tohi ai, ko e tangai pē ‘e valungofulu!’
8Pea mālie‘ia ʻaupito ʻa e tangata koloʻiá heʻene tauhi koloa kākaá, koe‘uhi̇̄ ko ʻene poto he fakakaukaú. He ʻoku poto ange ʻa e kakai ‘o maama ko ʻeni̇́ he kakai ‘o e māama kahaʻú, ʻi hono fakakaukauʻi ʻo e kahaʻú!
9Ko ia ʻoku tala moʻoni atu kiate kimoutolu, Mou faka‘aonga‘i ʻa e koloa fakamāmani̇́ ke ma‘u ʻaki mai ha mou ngaahi kaungāmeʻa koeʻuhi̇̄ ʻoka ‘osi ʻa e koloa ko iā, pea talitali fiefia kimoutolu ki he nofoʻanga ta‘engatá.
10Ka ai ha taha ‘oku falala‘anga ʻi ha meʻa si‘isi‘i̇, ‘e falala‘anga foki ia ʻi ha meʻa lahi peá ka ai ha taha ‘oku faihala ʻi ha meʻa siʻi̇, ‘e faihala foki ia ʻi ha meʻa lahi. 11Ko ia, kapau ‘oku ‘ikai ke mou falala‘anga ʻi hono ngāueʻaki ʻa e koloa fakamāmani̇́, pea ko hai te ne fie fakafalala atu ʻa e koloa mo‘oni̇́?
12Pea kapau ‘oku ‘ikai ke mou falalaʻanga ʻi he tauhi ʻo e koloa kehé, pea ko hai te ne fie foaki atu ha koloa ma‘amoutolu pē?
13‘E ‘ikai lava ‘e ha tamaio‘eiki ‘o fakaongoongo ki ha ongo ʻeiki ‘e toko ua. He kuo pau ke ne fehiʻa ki he taha kae ʻofa ki he taha, pea te ne faimoʻoni ki he taha kae faikākā ki he taha. ‘Oku taʻemalava ke mou fakatou tauhi ki he ‘Otuá pea mo e koloá.”
Ko ha Toe Ngaahi Fakahinohino ʻa Si̇̄sū
(Mātiu 11:12,13; 5:31,32; Ma‘ake 10:11,12)
14Pea kau Fālesi, ʻa ia naʻa nau ʻofa ki he paʻanga, naʻa nau fanongo ki he lau ko ia ʻa Sīsuú, pea nau manuki ki ai. 15Pea pehēange ‘e Si̇̄sū kiate kinautolu: ‟‘Oku mou fai maʻu pē ke hā lelei ki he sio ʻa e kakai̇́, ka ‘oku ʻafioʻi ʻe he ‘Otuá ia ʻa e anga homou lotó. He ko e ngaahi meʻa ‘oku hā mahu‘inga ki he sio ʻa e kakai̇́ ‘oku ‘ikai hano mahu‘inga ʻoʻona ki he ʻafio mai ʻa e ‘Otuá.
16Ko e Lao ʻa Mōsesé mo e ngaahi Tohi ʻa e kau Palōfitá naʻa nau lea ʻo aʻu mai kia Sione. Pea hili ʻa e taimi ko iā, kuo malanga ʻaki ʻeni ʻa e Pule‘anga ‘o e ‘Otuá, pea ʻoku nimamoeva‘e ʻa e taha kotoa ke hū ki ai. 17‘E faingofua ange ke mole ʻa e langi̇́ mo māmani ʻi ha mole ha foʻi koma pē piliote ‘e taha ‘o e Folofolá.
18Ko ia kotoa pē ʻe vete mo hono mali̇́ pea naʻe toe mali mo ha taha kehe, ʻokú ne feʻauaki, pea ko e tangata ʻe toe mali mo ha fefine kuo vete mo hono mali̇́, ʻokú ne feʻauaki.”
Ko e Tangata Kolekole mo e Tangata Tu‘umālie
19Pea na‘e ʻi ai ha tangata tu‘umālie pea teunga fakaʻofoʻofa mo kai kātoanga he ʻaho kotoa pē. 20Pea ai foki mo ha motuʻa masiva, ko Lāsalosi hono hingoá, naʻe faʻa nofo atu ʻi he veʻe matapā ki hono ʻapi̇́, ʻa ia naʻe papala kotoa siʻono sinó. 21Pea faka‘amu ʻa Lāsalosi ke kai mai he ngaahi momo naʻe ngangana ki he lalo tēpile ʻa e tangata tu‘umālié. He ko e fanga kulii̇́ foki naʻa nau ʻemo hono papalá.
22Pea faifai, pea mate ʻa e tangata masivá, pea naʻe ‘ave ia ‘e he kau ʻāngeló ke nofo ʻi he tafatafa ʻaki ‘o ʻĒpalahamé. Pea mate mo e tangata tu‘umālié foki, pea tanu ia. 23Pea ʻi heʻene ʻi heli̇́, ‘o faingataʻaʻia lahi ai̇́, naʻá ne sio hake, ‘oku ʻasi mama‘o mai ʻa ʻĒpalahame pea mo Lāsalosi ʻoku nofo ʻi hono tafatafa‘aki̇́. 24Pea naʻe kaila atu ia kia ʻĒpalahame: ‟Tangataʻeiki ʻĒpalahame, ʻaloʻofa mai kiate au! Fekau ange muʻa ʻa Lāsalosi ke unu hono muʻatuhú he vai̇́ ‘o ʻai mai ke fakamokomoko ʻaki hoku ʻeleló ni, he ‘oku ou faingataʻaʻia ‘aupito he afi ko eni̇́.”
25Ka naʻe tali ʻa ʻĒpalahamé ki ai: ‟Tangata, manatu‘i naʻá ke ma‘u ʻe koe ʻa e meʻa lelei kotoa pē, ʻi ho‘o kei mo‘ui̇́! Pea ko Lāsalosi, naʻá ne ma‘u ʻa e ngaahi kovi̇́. Ka ko eni, ʻi he feituʻu ni, kuo maʻu nonga ia ka ke maʻu ʻe koe ʻa e mamahi̇́. 26Pea ʻāsili ai̇́, he kuo ʻosi fokotuʻu ha fuʻu lilifa ʻi hotau vahaʻá koeʻuhi̇̄ ke ʻoua pē naʻa toe lava ha taha ia ‘o laka atu mei heni ki hena, pē laka mai mei hena ki heni.”
27Pea pehē mai ‘e he tangata tu‘umālié: ‟Tangataʻeiki, kapau ko iā pea ʻoku ou kole ke ke fekau atu muʻa ʻa Lāsalosi ke ʻalu ki homau ‘api̇́, 28He ʻoku ʻi ai hoku ngaahi tokoua ai ‘e toko nima, ke ne fakatokanga kiate kinautolu ke ‘oua naʻá nau toe haʻu mo kinautolu foki ki he feitu‘u fakamamahi ko eni̇́.”
29Ka naʻe pehē ange ‘e ʻĒpalahame: ‟‘Oku nau maʻu pē ʻa e ngaahi Tohi ʻa Mōsesé pea mo e kau Palōfitá. ʻOku taau ke nau tokanga muʻa ʻo fakaongo ki ai.”
30Pea pehēange ‘e he tangata tu‘umālié: ‟‘Ikai! ‘E Tangataʻeiki ʻĒpalahame, ka ‘okapau ‘e toefoki atu ha taha mei he maté kiate kinautolu, te nau fakatomala ʻo tafoki ki he ‘Otuá.”
31Ka naʻe pehēange ‘e ʻĒpalahame ki ai: ‟Kapau ‘e ‘ikai ke nau tokanga ki he lau ʻa Mōsese mo e kau palōfitá, he‘ikai ‘aupito lava ke fakalotoʻi kinautolu neongo ʻe toetuʻu ha taha mei he maté.”
Currently Selected:
Luke 16: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Luke 16
16
Ko e Pule Kākā
1Pea toe fai foki ‘e Si̇̄sū mo e talanoa fakatātā ko ʻeni̇́ ki heʻene kau akó: ‟Na‘e ʻi ai ha tangata koloaʻia, ʻa ia naʻe lāunga‘i mai ki ai, ‘oku kai ‘e heʻene tangata tauhi koloá, ʻene koloá. 2Ko ia, naʻe ui mai ʻe he tangata koloaʻiá ʻene tauhi koloá, pea naʻe ʻeke ange, ʻo pehē: ‛Ko e hā ʻa e meʻa ko ʻeni kuo fakahā mai kiate au, ‘o kau kiate koé? ʻOmai ha fakamatala hoʻo ngaué, he ko eni, he‘ikai te ke kei hoko ko ʻeku tauhi koloa.’
3Pea pehē ‘e he tauhi koloá ʻi hono lotó, ‛Ko e hā nai ʻeku meʻa ‘e fai he taimi ni̇́? He ko ʻeni ‘e tuli au, ʻe hoko pulé, mei̇́ he ngāué! Ka ‘oku ou nima mamahi he ngoué, pea ʻoku ou mā foki he kolekolé.’ 4Ko eni, ‘oku ou ʻiloʻeku meʻa ke fai̇́, koeʻuhi̇̄ ka tuli au he ngāué, pea ʻe kei tali lelei pē au ‘e he kakai̇́, ki honau ngaahi ‘api̇́.
5Ko ia, naʻá ne ui tahataha mai leva ʻa e kakai na‘e mo‘ua ki he tangata koloa‘iá, ʻo ne fehu‘i ange ki he ‘uluaki̇́, ‛Naʻe fiha ho mo‘ua ki hoku pulé?’ 6Pea talaange ‘e he toko taha ko iā, ‛Ko e hina lolo ‘ōlive ‘e teau.’ Pea naʻe talaange kiate ia, ‛Ha‘u vave ‘o ‘atu ʻa e tohi mo‘uá, peá ke nofo hifo ʻo tohi ai, ko e hina pē ‘e nimangofulu!’
7Hili ia, pea naʻe toe fehu‘i ange ki ha tangata ko hono uá, ‛‘Oku fiha ho mo‘uá ‘ou?’
Pea naʻe tali, ‛Ko e tangai uite ‘e teau.’ Pea pehēange ‘e he tauhi koloá, ‛Ko ʻena ho‘o tohi mo‘uá. Tohi ai, ko e tangai pē ‘e valungofulu!’
8Pea mālie‘ia ʻaupito ʻa e tangata koloʻiá heʻene tauhi koloa kākaá, koe‘uhi̇̄ ko ʻene poto he fakakaukaú. He ʻoku poto ange ʻa e kakai ‘o maama ko ʻeni̇́ he kakai ‘o e māama kahaʻú, ʻi hono fakakaukauʻi ʻo e kahaʻú!
9Ko ia ʻoku tala moʻoni atu kiate kimoutolu, Mou faka‘aonga‘i ʻa e koloa fakamāmani̇́ ke ma‘u ʻaki mai ha mou ngaahi kaungāmeʻa koeʻuhi̇̄ ʻoka ‘osi ʻa e koloa ko iā, pea talitali fiefia kimoutolu ki he nofoʻanga ta‘engatá.
10Ka ai ha taha ‘oku falala‘anga ʻi ha meʻa si‘isi‘i̇, ‘e falala‘anga foki ia ʻi ha meʻa lahi peá ka ai ha taha ‘oku faihala ʻi ha meʻa siʻi̇, ‘e faihala foki ia ʻi ha meʻa lahi. 11Ko ia, kapau ‘oku ‘ikai ke mou falala‘anga ʻi hono ngāueʻaki ʻa e koloa fakamāmani̇́, pea ko hai te ne fie fakafalala atu ʻa e koloa mo‘oni̇́?
12Pea kapau ‘oku ‘ikai ke mou falalaʻanga ʻi he tauhi ʻo e koloa kehé, pea ko hai te ne fie foaki atu ha koloa ma‘amoutolu pē?
13‘E ‘ikai lava ‘e ha tamaio‘eiki ‘o fakaongoongo ki ha ongo ʻeiki ‘e toko ua. He kuo pau ke ne fehiʻa ki he taha kae ʻofa ki he taha, pea te ne faimoʻoni ki he taha kae faikākā ki he taha. ‘Oku taʻemalava ke mou fakatou tauhi ki he ‘Otuá pea mo e koloá.”
Ko ha Toe Ngaahi Fakahinohino ʻa Si̇̄sū
(Mātiu 11:12,13; 5:31,32; Ma‘ake 10:11,12)
14Pea kau Fālesi, ʻa ia naʻa nau ʻofa ki he paʻanga, naʻa nau fanongo ki he lau ko ia ʻa Sīsuú, pea nau manuki ki ai. 15Pea pehēange ‘e Si̇̄sū kiate kinautolu: ‟‘Oku mou fai maʻu pē ke hā lelei ki he sio ʻa e kakai̇́, ka ‘oku ʻafioʻi ʻe he ‘Otuá ia ʻa e anga homou lotó. He ko e ngaahi meʻa ‘oku hā mahu‘inga ki he sio ʻa e kakai̇́ ‘oku ‘ikai hano mahu‘inga ʻoʻona ki he ʻafio mai ʻa e ‘Otuá.
16Ko e Lao ʻa Mōsesé mo e ngaahi Tohi ʻa e kau Palōfitá naʻa nau lea ʻo aʻu mai kia Sione. Pea hili ʻa e taimi ko iā, kuo malanga ʻaki ʻeni ʻa e Pule‘anga ‘o e ‘Otuá, pea ʻoku nimamoeva‘e ʻa e taha kotoa ke hū ki ai. 17‘E faingofua ange ke mole ʻa e langi̇́ mo māmani ʻi ha mole ha foʻi koma pē piliote ‘e taha ‘o e Folofolá.
18Ko ia kotoa pē ʻe vete mo hono mali̇́ pea naʻe toe mali mo ha taha kehe, ʻokú ne feʻauaki, pea ko e tangata ʻe toe mali mo ha fefine kuo vete mo hono mali̇́, ʻokú ne feʻauaki.”
Ko e Tangata Kolekole mo e Tangata Tu‘umālie
19Pea na‘e ʻi ai ha tangata tu‘umālie pea teunga fakaʻofoʻofa mo kai kātoanga he ʻaho kotoa pē. 20Pea ai foki mo ha motuʻa masiva, ko Lāsalosi hono hingoá, naʻe faʻa nofo atu ʻi he veʻe matapā ki hono ʻapi̇́, ʻa ia naʻe papala kotoa siʻono sinó. 21Pea faka‘amu ʻa Lāsalosi ke kai mai he ngaahi momo naʻe ngangana ki he lalo tēpile ʻa e tangata tu‘umālié. He ko e fanga kulii̇́ foki naʻa nau ʻemo hono papalá.
22Pea faifai, pea mate ʻa e tangata masivá, pea naʻe ‘ave ia ‘e he kau ʻāngeló ke nofo ʻi he tafatafa ʻaki ‘o ʻĒpalahamé. Pea mate mo e tangata tu‘umālié foki, pea tanu ia. 23Pea ʻi heʻene ʻi heli̇́, ‘o faingataʻaʻia lahi ai̇́, naʻá ne sio hake, ‘oku ʻasi mama‘o mai ʻa ʻĒpalahame pea mo Lāsalosi ʻoku nofo ʻi hono tafatafa‘aki̇́. 24Pea naʻe kaila atu ia kia ʻĒpalahame: ‟Tangataʻeiki ʻĒpalahame, ʻaloʻofa mai kiate au! Fekau ange muʻa ʻa Lāsalosi ke unu hono muʻatuhú he vai̇́ ‘o ʻai mai ke fakamokomoko ʻaki hoku ʻeleló ni, he ‘oku ou faingataʻaʻia ‘aupito he afi ko eni̇́.”
25Ka naʻe tali ʻa ʻĒpalahamé ki ai: ‟Tangata, manatu‘i naʻá ke ma‘u ʻe koe ʻa e meʻa lelei kotoa pē, ʻi ho‘o kei mo‘ui̇́! Pea ko Lāsalosi, naʻá ne ma‘u ʻa e ngaahi kovi̇́. Ka ko eni, ʻi he feituʻu ni, kuo maʻu nonga ia ka ke maʻu ʻe koe ʻa e mamahi̇́. 26Pea ʻāsili ai̇́, he kuo ʻosi fokotuʻu ha fuʻu lilifa ʻi hotau vahaʻá koeʻuhi̇̄ ke ʻoua pē naʻa toe lava ha taha ia ‘o laka atu mei heni ki hena, pē laka mai mei hena ki heni.”
27Pea pehē mai ‘e he tangata tu‘umālié: ‟Tangataʻeiki, kapau ko iā pea ʻoku ou kole ke ke fekau atu muʻa ʻa Lāsalosi ke ʻalu ki homau ‘api̇́, 28He ʻoku ʻi ai hoku ngaahi tokoua ai ‘e toko nima, ke ne fakatokanga kiate kinautolu ke ‘oua naʻá nau toe haʻu mo kinautolu foki ki he feitu‘u fakamamahi ko eni̇́.”
29Ka naʻe pehē ange ‘e ʻĒpalahame: ‟‘Oku nau maʻu pē ʻa e ngaahi Tohi ʻa Mōsesé pea mo e kau Palōfitá. ʻOku taau ke nau tokanga muʻa ʻo fakaongo ki ai.”
30Pea pehēange ‘e he tangata tu‘umālié: ‟‘Ikai! ‘E Tangataʻeiki ʻĒpalahame, ka ‘okapau ‘e toefoki atu ha taha mei he maté kiate kinautolu, te nau fakatomala ʻo tafoki ki he ‘Otuá.”
31Ka naʻe pehēange ‘e ʻĒpalahame ki ai: ‟Kapau ‘e ‘ikai ke nau tokanga ki he lau ʻa Mōsese mo e kau palōfitá, he‘ikai ‘aupito lava ke fakalotoʻi kinautolu neongo ʻe toetuʻu ha taha mei he maté.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.