Ma‘ake 4
4
Ko e Talanoa ki he Tangata Ngoue
(Mātiu 13:1-9; Luke 8:4-8)
1Pea toe fai ‘e Si̇̄sū ʻene faiako ʻi he matātahi ʻo e Tahi Kāleli̇́. Pea kuo fakataha mai kiate ia ha fu‘u kakai tokolahi. Ko ia, naʻe heka ʻa Si̇̄sū ki ha vaka ‘o nofo mei tahi, kae tutuʻu pē ʻa e kakai̇́ mei he matātahi̇́.
2Pea na‘e lahi ʻa e ngaahi talanoa fakatātā na‘á ne ako‘i ʻaki kinautolu. ʻI heʻene faiakó, naʻá ne pehē kiate kinautolu, 3‟Mou fanongo mai! Tokua na‘e ʻi ai ha tangata na‘e ʻalu ko e fai ʻene ngoue. 4Pea ʻi he laku atu ʻene pulopulá, naʻe ngangana ʻa e ni‘ihi ki he veʻehalá, pea puna mai ʻa e fanga manupuná ‘o kai ia ‘o ‘osi.
5Pea ngangana ʻa e pulopula ‘e ni‘ihi ki ha feitu‘u makamaka, ʻaʻa ia na‘e manifi ai ʻa e kelekelé, pea vave ʻene tupú koeʻuhi̇̄ ko e ʻikai matolu ai ʻa e kelekelé. 6Ka ʻi he hopo hake ʻa e laʻaá, naʻe mae leva ia, he naʻe te‘eki ke loloto hono aká.
7Pea ngangana ʻa e pulopula ‘e ni‘ihi ki ha loto vao talatala, pea tupu hake ia. Kae faifai̇́ pea kāsia ia ʻi he vao talatalá, ‘o ‘ikai ke fua.
8Pea ngangana ʻa e pulopula ‘e ni‘ihi ki he kelekele lelei̇́. Pea fisiki hake ia ‘o tupu, pea fua lahi, ‘o fua tolungofulu ʻa e ni‘ihi, pea onongofulu ʻa e ni‘ihi, pea teau ʻa e ni‘ihi.”
9Pea toki folofola ʻa Si̇̄sū kiate kinautolu, ‟Ko kimoutolu ‘oku maʻu telingá, ke mou fanongo mai!”
Ko e ‘Uhinga naʻe ngāueʻaki ai ‘e Sisu ʻa e ngaahi Talanoa Fakatātā
(Mātiu 13:10-17; Luke 8:9-10)
10Pea ʻi he nofo pē ʻa Si̇̄sū mo e toko hongofulu mā uá mo ʻene kau ako kehé, naʻa nau kole ange ki ai ke ne faka‘uhinga‘i ange mu‘a ʻene ngaahi talanoa fakatātā kuo fai̇́. 11Pea pehē ange ‘e Si̇̄sū, ‟Kuo tuku kiate kimoutolu ke mou ‘ilo ʻa e meʻa fufū ‘o e Pule‘anga ‘o e ‘Otuá. Ka ki he kakai ʻoku ʻi tuʻá, ‘oku tala fakatātā pē kiate kinautolu ʻa e me‘a kotoa; 12Koeʻuhi̇̄ he,
‛Te nau moʻusioa aipē,
kae ‘ikai te nau ‘ilo ha me‘a,
Te nau moʻu fanongo aipē,
kae ‘ikai te nau ongoʻi ha me‘a.
Telia na‘a mahino kiate kinautolu ha meʻa,
Pea nau tafoki ki he ‘Otuá,
koeʻuhi̇̄ ka ne fakamolemole‘i kinautolu.’”
Ko e Fakamatala‘i ‘e Si̇̄sū ʻa e Talanoa Fakatātā ki he Tangata Ngoué
(Mātiu 13:18-23; Luke 8:11-15)
13Na‘e toki talaange ‘e Si̇̄sū kiate kinautolu, ‟Kuo ʻikai koā ke mahino ʻa e talanoá ni? Kapau ‘oku ‘ikai ‘uhinga kiate kimoutolu ʻa e tala fakatātā ko eni̇́, pea ‘e toe mahino fēfē ai kiate kimoutolu ha talanoa fakatātā? 14Ko ʻeni, ko e tangata ngoué, ‘okú ne laku atu ʻa e pulopulá, ʻa ia ko e Folofola ʻa e ʻOtuá.
15Pea ko e kakai ‘e ni‘ihi, ‘oku nau hangē ko e pulopula na‘e ngangana ki he veʻehalá. Ko ʻenau fanongo pē ki he Folofolá, kuo ha‘u leva ʻa Sētane ‘o fa‘ao ia meiate kinautolu.
16Ko e ni‘ihi, ‘oku nau hangē ko e pulopula ko ē na‘e ngangana ki he feitu‘u makamaká. Ko ʻenau fanongo pē ki he Folofolá, pea nau tali fiefia. 17Ka ‘oku ‘ikai aka loloto ia ʻi heʻenau moʻui̇́, pea ko ia, ‘oku ‘ikai tolonga. Ka tō mai ha faingata‘a pē ha fakatanga, pea vave leva ʻenau fo‘i̇́.
18Ko e ni‘ihi, ‘oku nau hangē ko e pulopula na‘e laku ki he loto vao talatalá. ‘Oku nau fanongo ki he Folofolá. 19Ka ko e lotomoʻua ki he ngaahi me‘a ‘o māmani̇́, mo e mānumanu ki he koloá mo e ngaahi me‘a kehekehé, ʻokú ne kāsia ʻa e Folofolá ‘o ‘ikai ai hano fua.
20Ka ‘oku ʻi ai leva mo e kakai, ‘oku nau hangē ko e pulopula na‘e ngangana ki he kelekele lelei̇́. ‘Oku nau fanongo ki he Folofolá ʻo nau tali fiefia, pea toki fua ia he‘enau moʻui̇́. ‘Oku fua tolungofulu ʻa e ni‘ihi, pea fua onongofulu ʻa e ni‘ihi, pea a‘u pē ‘o fua teau ʻa e ni‘ihi.”
Ko e Maama
(Luke 8:16-18)
21Pea folofola ʻa Sisu kiate kinautolu, ‘o pehē: ‟‘E tutu koā ‘e ha taha ha maama pea naʻe fakafo‘ohifo ai ha ngeʻesi puha? Pē te ne tuku ki ha lalo mohenga? ‘Ikai kuo pau te ne fokotu‘u ia ki he tuʻunga maamá? 22‘Ilonga ha me‘a ‘oku fufū, ‘e ‘ilo. ‘Ilonga ha me‘a ‘e ʻufiʻufiʻi, ‘e toʻo hono ʻufiʻufiʻi. 23Ko kimoutolu ʻoku maʻu telingá, ke mou fanongo mai!”
24Pea naʻe hoko atu ʻo ne pehē kiate kinautolu, ‟Mou tokanga ki he ngaahi me‘a ‘oku mou fanongo ki ai̇́! He ko e meʻafua te mou fua ʻaki ki ha taha kehe, ko ia pē ‘e fua ʻaki kimoutolu, pea ʻe toe lahi hake ai. 25He ko ia ‘oku ʻi ai ha‘ane me‘á, ‘e toe ‘oange ki ai mo ha me‘a. Pea ko ia ‘oku ‘ikai ha‘ane me‘á, na‘á mo ʻene ki‘i me‘a ‘okú ne maʻú, ‘e fa‘ao meiate ia.”
Ko e Talanoa Pulopula ‘e Taha
26Pea naʻe toe folofola, ‟Ko e Pule‘anga ‘o e ‘Otuá, ‘oku hangē ko ha tangata na‘á ne tō ha pulopula heʻene ngoué. 27Pea mohe pē ʻa e tangatá mo ʻā hake, kae fisiki hake pē ʻa e pulopulá ‘o tupu, ka ‘oku ‘ikai ‘ilo ‘e he tangatá pē ʻoku anga fēfē ʻene tupú. 28‘Oku ‘ai pē ‘e he kelekelé ʻiate ia pē, ʻa e pulopulá, ke tupu hake ‘o fua; he ‘oku fuofua ʻasi ʻa e laú, pea fisi, pea toki fua leva.
29Pea ʻi heʻene a‘u ki he ututaʻú, kuo motu‘a ʻa e fuá, pea toki hanga leva ‘e he tangatá, ‘o toli.”
Ko e Pulopula‘i Mūsita
(Mātiu 13:31-32,34; Luke 13:18-19)
30Pea toe folofola ‘e Si̇̄sū kiate kinautolu, ‟Te tau fakatatau ki he hā ʻa e Pule‘anga ‘o e ‘Otuá? Te tau fakatātā ʻaki ia ʻa e hā? 31‘Oku hangē ia ko ha tenga‘i mūsitá, ʻa ia ko e tenga fuosi‘i taha ia, ʻe ala tō ki he kelekelé. 32Ka ‘oka to‘o ia ‘e ha taha ‘o tō ki he kelekelé, pea fuoloa si‘i pē kuo tupu ia ‘o lahi ange he ʻakau kotoa pē ʻi hono fa‘ahingá, pea toki puna mai ʻa e fanga manupuná ‘o nofo ʻi he malumalu hono ngaahi va‘á.”
Ko e Taumu‘a ‘o e Ngaahi Talanoa Fakatātā ʻa Si̇̄suú
(Mātiu 13:34-35)
33Na‘e lahi foki ʻa e ngaahi talanoa fakatātā pehē na‘e fai ‘e Si̇̄sū ki he kakai̇́, ka na‘á ne ngāue‘aki pē ‘o fakatatau ki he‘enau lava ke maaʻusia hono ‘uhingá. 34Na‘á ne ngāueʻaki ma‘u pē ʻa e ngaahi talanoa fakatātā ʻi heʻene malangá. Pea ko ʻene nofo pē mo ʻene kau akó, pea naʻe toki faka‘uhingaʻi kiate kinautolu ʻa e me‘a kotoa pē.
Ko e Matangi Mālohi
(Mātiu 8:23-27; Luke 8:22-25)
35Pea ʻi he efiafi hifo ʻa e ʻaho ko iā, pea folofola ʻa Si̇̄sū ki he‘ene kau akó, ‟Tau ō ki he kauvai ʻe tahá.” 36Pea nau tukuange leva ʻa e kakai̇́ ke mātuku atu, ka nau heka ai pē mo Si̇̄sū ʻi he vaká, pea naʻe ai foki mo ha ngaahi vaka kehe naʻe folau fakataha mo ia. 37Kae fakafokifā, naʻe tō mai ha matangi mālohi, pea fasi ʻa e peaú ‘o hake ki vaka, pea kamata ke ngoto ʻa e vaká. 38Ka ‘oku mohe pē ʻa Si̇̄sū ʻo ʻolunga ki ha meʻa fakamolū, he taumuli̇́. Pea fafangu ia ‘e he kau akó, ʻo nau pehē kiate ia, ‟Tangata‘eiki! ‘Oku ‘ikai te ke tokanga koā ki he‘etau mei maté!”
39Pea tuʻu hake ʻa Si̇̄sū ‘o ne taʻofi ʻa e matangi̇́ pea mo e tahi̇́, ʻo ne folofola ki he peaú, ‟Nonga ā ʻoua ʻe toe ngaue.” Pea nonga leva ʻa e matangi̇́, pea malū mo e tahi̇́.
40Pea toki pehē ‘e Si̇̄sū ki he kau akó, ‟Ko e hā naʻe pehē fau ai̇ hoʻomou manavaheé? Kuo teʻeki pē koā ke mou tui̇?”
41Ka naʻa nau fu‘u manavahē ʻaupito, ‘o nau fepehēʻaki, ‟Ko hai nai ʻa e tangata ko ʻeni̇́? He na‘a mo e matangi̇́ mo e peaú ‘oku nau fakaongo kiate ia?”
Currently Selected:
Ma‘ake 4: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Ma‘ake 4
4
Ko e Talanoa ki he Tangata Ngoue
(Mātiu 13:1-9; Luke 8:4-8)
1Pea toe fai ‘e Si̇̄sū ʻene faiako ʻi he matātahi ʻo e Tahi Kāleli̇́. Pea kuo fakataha mai kiate ia ha fu‘u kakai tokolahi. Ko ia, naʻe heka ʻa Si̇̄sū ki ha vaka ‘o nofo mei tahi, kae tutuʻu pē ʻa e kakai̇́ mei he matātahi̇́.
2Pea na‘e lahi ʻa e ngaahi talanoa fakatātā na‘á ne ako‘i ʻaki kinautolu. ʻI heʻene faiakó, naʻá ne pehē kiate kinautolu, 3‟Mou fanongo mai! Tokua na‘e ʻi ai ha tangata na‘e ʻalu ko e fai ʻene ngoue. 4Pea ʻi he laku atu ʻene pulopulá, naʻe ngangana ʻa e ni‘ihi ki he veʻehalá, pea puna mai ʻa e fanga manupuná ‘o kai ia ‘o ‘osi.
5Pea ngangana ʻa e pulopula ‘e ni‘ihi ki ha feitu‘u makamaka, ʻaʻa ia na‘e manifi ai ʻa e kelekelé, pea vave ʻene tupú koeʻuhi̇̄ ko e ʻikai matolu ai ʻa e kelekelé. 6Ka ʻi he hopo hake ʻa e laʻaá, naʻe mae leva ia, he naʻe te‘eki ke loloto hono aká.
7Pea ngangana ʻa e pulopula ‘e ni‘ihi ki ha loto vao talatala, pea tupu hake ia. Kae faifai̇́ pea kāsia ia ʻi he vao talatalá, ‘o ‘ikai ke fua.
8Pea ngangana ʻa e pulopula ‘e ni‘ihi ki he kelekele lelei̇́. Pea fisiki hake ia ‘o tupu, pea fua lahi, ‘o fua tolungofulu ʻa e ni‘ihi, pea onongofulu ʻa e ni‘ihi, pea teau ʻa e ni‘ihi.”
9Pea toki folofola ʻa Si̇̄sū kiate kinautolu, ‟Ko kimoutolu ‘oku maʻu telingá, ke mou fanongo mai!”
Ko e ‘Uhinga naʻe ngāueʻaki ai ‘e Sisu ʻa e ngaahi Talanoa Fakatātā
(Mātiu 13:10-17; Luke 8:9-10)
10Pea ʻi he nofo pē ʻa Si̇̄sū mo e toko hongofulu mā uá mo ʻene kau ako kehé, naʻa nau kole ange ki ai ke ne faka‘uhinga‘i ange mu‘a ʻene ngaahi talanoa fakatātā kuo fai̇́. 11Pea pehē ange ‘e Si̇̄sū, ‟Kuo tuku kiate kimoutolu ke mou ‘ilo ʻa e meʻa fufū ‘o e Pule‘anga ‘o e ‘Otuá. Ka ki he kakai ʻoku ʻi tuʻá, ‘oku tala fakatātā pē kiate kinautolu ʻa e me‘a kotoa; 12Koeʻuhi̇̄ he,
‛Te nau moʻusioa aipē,
kae ‘ikai te nau ‘ilo ha me‘a,
Te nau moʻu fanongo aipē,
kae ‘ikai te nau ongoʻi ha me‘a.
Telia na‘a mahino kiate kinautolu ha meʻa,
Pea nau tafoki ki he ‘Otuá,
koeʻuhi̇̄ ka ne fakamolemole‘i kinautolu.’”
Ko e Fakamatala‘i ‘e Si̇̄sū ʻa e Talanoa Fakatātā ki he Tangata Ngoué
(Mātiu 13:18-23; Luke 8:11-15)
13Na‘e toki talaange ‘e Si̇̄sū kiate kinautolu, ‟Kuo ʻikai koā ke mahino ʻa e talanoá ni? Kapau ‘oku ‘ikai ‘uhinga kiate kimoutolu ʻa e tala fakatātā ko eni̇́, pea ‘e toe mahino fēfē ai kiate kimoutolu ha talanoa fakatātā? 14Ko ʻeni, ko e tangata ngoué, ‘okú ne laku atu ʻa e pulopulá, ʻa ia ko e Folofola ʻa e ʻOtuá.
15Pea ko e kakai ‘e ni‘ihi, ‘oku nau hangē ko e pulopula na‘e ngangana ki he veʻehalá. Ko ʻenau fanongo pē ki he Folofolá, kuo ha‘u leva ʻa Sētane ‘o fa‘ao ia meiate kinautolu.
16Ko e ni‘ihi, ‘oku nau hangē ko e pulopula ko ē na‘e ngangana ki he feitu‘u makamaká. Ko ʻenau fanongo pē ki he Folofolá, pea nau tali fiefia. 17Ka ‘oku ‘ikai aka loloto ia ʻi heʻenau moʻui̇́, pea ko ia, ‘oku ‘ikai tolonga. Ka tō mai ha faingata‘a pē ha fakatanga, pea vave leva ʻenau fo‘i̇́.
18Ko e ni‘ihi, ‘oku nau hangē ko e pulopula na‘e laku ki he loto vao talatalá. ‘Oku nau fanongo ki he Folofolá. 19Ka ko e lotomoʻua ki he ngaahi me‘a ‘o māmani̇́, mo e mānumanu ki he koloá mo e ngaahi me‘a kehekehé, ʻokú ne kāsia ʻa e Folofolá ‘o ‘ikai ai hano fua.
20Ka ‘oku ʻi ai leva mo e kakai, ‘oku nau hangē ko e pulopula na‘e ngangana ki he kelekele lelei̇́. ‘Oku nau fanongo ki he Folofolá ʻo nau tali fiefia, pea toki fua ia he‘enau moʻui̇́. ‘Oku fua tolungofulu ʻa e ni‘ihi, pea fua onongofulu ʻa e ni‘ihi, pea a‘u pē ‘o fua teau ʻa e ni‘ihi.”
Ko e Maama
(Luke 8:16-18)
21Pea folofola ʻa Sisu kiate kinautolu, ‘o pehē: ‟‘E tutu koā ‘e ha taha ha maama pea naʻe fakafo‘ohifo ai ha ngeʻesi puha? Pē te ne tuku ki ha lalo mohenga? ‘Ikai kuo pau te ne fokotu‘u ia ki he tuʻunga maamá? 22‘Ilonga ha me‘a ‘oku fufū, ‘e ‘ilo. ‘Ilonga ha me‘a ‘e ʻufiʻufiʻi, ‘e toʻo hono ʻufiʻufiʻi. 23Ko kimoutolu ʻoku maʻu telingá, ke mou fanongo mai!”
24Pea naʻe hoko atu ʻo ne pehē kiate kinautolu, ‟Mou tokanga ki he ngaahi me‘a ‘oku mou fanongo ki ai̇́! He ko e meʻafua te mou fua ʻaki ki ha taha kehe, ko ia pē ‘e fua ʻaki kimoutolu, pea ʻe toe lahi hake ai. 25He ko ia ‘oku ʻi ai ha‘ane me‘á, ‘e toe ‘oange ki ai mo ha me‘a. Pea ko ia ‘oku ‘ikai ha‘ane me‘á, na‘á mo ʻene ki‘i me‘a ‘okú ne maʻú, ‘e fa‘ao meiate ia.”
Ko e Talanoa Pulopula ‘e Taha
26Pea naʻe toe folofola, ‟Ko e Pule‘anga ‘o e ‘Otuá, ‘oku hangē ko ha tangata na‘á ne tō ha pulopula heʻene ngoué. 27Pea mohe pē ʻa e tangatá mo ʻā hake, kae fisiki hake pē ʻa e pulopulá ‘o tupu, ka ‘oku ‘ikai ‘ilo ‘e he tangatá pē ʻoku anga fēfē ʻene tupú. 28‘Oku ‘ai pē ‘e he kelekelé ʻiate ia pē, ʻa e pulopulá, ke tupu hake ‘o fua; he ‘oku fuofua ʻasi ʻa e laú, pea fisi, pea toki fua leva.
29Pea ʻi heʻene a‘u ki he ututaʻú, kuo motu‘a ʻa e fuá, pea toki hanga leva ‘e he tangatá, ‘o toli.”
Ko e Pulopula‘i Mūsita
(Mātiu 13:31-32,34; Luke 13:18-19)
30Pea toe folofola ‘e Si̇̄sū kiate kinautolu, ‟Te tau fakatatau ki he hā ʻa e Pule‘anga ‘o e ‘Otuá? Te tau fakatātā ʻaki ia ʻa e hā? 31‘Oku hangē ia ko ha tenga‘i mūsitá, ʻa ia ko e tenga fuosi‘i taha ia, ʻe ala tō ki he kelekelé. 32Ka ‘oka to‘o ia ‘e ha taha ‘o tō ki he kelekelé, pea fuoloa si‘i pē kuo tupu ia ‘o lahi ange he ʻakau kotoa pē ʻi hono fa‘ahingá, pea toki puna mai ʻa e fanga manupuná ‘o nofo ʻi he malumalu hono ngaahi va‘á.”
Ko e Taumu‘a ‘o e Ngaahi Talanoa Fakatātā ʻa Si̇̄suú
(Mātiu 13:34-35)
33Na‘e lahi foki ʻa e ngaahi talanoa fakatātā pehē na‘e fai ‘e Si̇̄sū ki he kakai̇́, ka na‘á ne ngāue‘aki pē ‘o fakatatau ki he‘enau lava ke maaʻusia hono ‘uhingá. 34Na‘á ne ngāueʻaki ma‘u pē ʻa e ngaahi talanoa fakatātā ʻi heʻene malangá. Pea ko ʻene nofo pē mo ʻene kau akó, pea naʻe toki faka‘uhingaʻi kiate kinautolu ʻa e me‘a kotoa pē.
Ko e Matangi Mālohi
(Mātiu 8:23-27; Luke 8:22-25)
35Pea ʻi he efiafi hifo ʻa e ʻaho ko iā, pea folofola ʻa Si̇̄sū ki he‘ene kau akó, ‟Tau ō ki he kauvai ʻe tahá.” 36Pea nau tukuange leva ʻa e kakai̇́ ke mātuku atu, ka nau heka ai pē mo Si̇̄sū ʻi he vaká, pea naʻe ai foki mo ha ngaahi vaka kehe naʻe folau fakataha mo ia. 37Kae fakafokifā, naʻe tō mai ha matangi mālohi, pea fasi ʻa e peaú ‘o hake ki vaka, pea kamata ke ngoto ʻa e vaká. 38Ka ‘oku mohe pē ʻa Si̇̄sū ʻo ʻolunga ki ha meʻa fakamolū, he taumuli̇́. Pea fafangu ia ‘e he kau akó, ʻo nau pehē kiate ia, ‟Tangata‘eiki! ‘Oku ‘ikai te ke tokanga koā ki he‘etau mei maté!”
39Pea tuʻu hake ʻa Si̇̄sū ‘o ne taʻofi ʻa e matangi̇́ pea mo e tahi̇́, ʻo ne folofola ki he peaú, ‟Nonga ā ʻoua ʻe toe ngaue.” Pea nonga leva ʻa e matangi̇́, pea malū mo e tahi̇́.
40Pea toki pehē ‘e Si̇̄sū ki he kau akó, ‟Ko e hā naʻe pehē fau ai̇ hoʻomou manavaheé? Kuo teʻeki pē koā ke mou tui̇?”
41Ka naʻa nau fu‘u manavahē ʻaupito, ‘o nau fepehēʻaki, ‟Ko hai nai ʻa e tangata ko ʻeni̇́? He na‘a mo e matangi̇́ mo e peaú ‘oku nau fakaongo kiate ia?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.