JENESIS 25
25
Abrahambe Chana Kêdame
(1 Kr 1.32-33)
1Abrahambe pe nâu hangge kêdapui, pe ji Keturale kacheupui je lu kadai de lei. 2Chipaupui dagene Zimran, Jokshan, Medan, Midian, Ishbak, zai Shuah je lungkeu de lei. 3Jokshan â Sheba benai Dedanbe peu de lei. Zai Dedanbe chaname â Asshurme, Letushme, zai Le-umme, aime bau de lei. 4Midian name â Epha, Epher, Hanok, Abida zai Eldaa de lei. Aime leine Keturale chaname de lei. 5Abrahambe ne pe gu kebambe leine Isaakbe je pei bei de lei. 6Kane pa ring ze bambe luage pe nâu nausîpui ne pe dage pe name lungkeugaime hangge pe gu kela ramme pei de lei. Chidadege aime pe name je pe na Isaakbe dagene kedeu ’mbe naimik pat ’mbia ge heram bam ’mbe langtua ’ndi de lei.
Abrahambe Chaibe benai pechu Baibe
7Abrahambe chîng-kezuzie di ze gechipau riâ chang ze pa ringbe tingkum ze haî kat ze riaksena ze mengeu lei. 8Abrahambe chîng-kezuzie di pe chuilutud kai ze chai di de lei. Zai pe ting wangchang dege pe paume raw ge bai gai ’ndi de lei. 9Pe na kena Isaakbe benai Ishmaelbe ne pechu Zoharbe Het’mpeu na Ephronbe gu helu Mamre gene naimik pat ’mbia bambe ge Mak-pela hekâuki ge bai gai bei de lei. 10Aipau bâm ze â Abrahambe ne Hethme dagene luilube bâm de lei; Abrahambe benai pe nâu Sarale je chige bai gai de lei. 11Abrahambe chaidibe chângge Hera ne pe na Isaakbe je ’nnam gai bei de lei. Zai Isaakbe â Beer-lahai-roi ge bam de lei.
Ishmaelbe Chaname
(1 Kr 1.28-31)
12Sarale lângtewpui Ijip’mpui, Hagarle dagene lungkeube, zai Abrahambe na Ishmaelbe 13name â aime de lei, meraibe gene henalangbe riâ pesin-perin rawkeu gai de lei: Nebaiothbe, Kedarbe, Adbeelbe, Mibsambe, 14Mishmabe, Dumabe, Massabe, 15Hadadbe, Temabe, Jeturbe, Naphisbe, zai Kedemabe. 16Penui dagene zat kereu ze kena rehei piakeu de lei, zai penui ji ramme gene penui gu keloa ramme benai penui rêugaileube bâm ji ramme hangge ’ntak kai bei de lei. 17Ishmaelbe â pa chaibe ting ge pe tingkum haî kat ze himreu ze sena riâ chîngchang di de lei. 18Ishmaelbe chaname â Habila gene Shur heram kena kakge Ijip gene naimik pat ’mbia Assiriaram tatbe ’mpuî ge lung ze bam de lei. Penui â Abrahambe chaname kêdame dagene bamchâmcheî ze bam de lei.
Esaube benai Jakobbe je Lungbe
19Aize Abrahambe na Isaakbe rasam de lei. 20Mesopotamia ge bampeu Aram’mpeu Bethuelbe na heleu’mpui zai Labanbe sipui Rebekale je pe nâu hang lube ting ge Isaakbe â pe tingkum hedai chang di de lei. 21Rebekale hena lung mak ze bambe ziegene Tingwang dage pe nâu deu hanggene Isaakbe â kie de lei, Tingwang ne pa gekiebe kak bei ze pe nâu Rebekale ’mpung di de lei. 22Pe na hangna pe lung gene penai kat-kat je timpheu ze bam di dadege Rebekale ne, “Aigum dizai â, ’ndaigum ze I ringchi ra lau?” kacheu de lei. Dadege Tingwang dagene ’mmêt ra pa tat te lei. 23Tingwang ne pechu,
“Ning gu nebâm lungge heram zat kena la de lei;
ziemmena zat kena châmcheîbe kau je nang lungkeu gu lei.
Hangkatpeu ne kêdapeu sua â peranchi bi gu lei;
pe sipeu ne pe kinapeu guâ ’nggua gu lei,” ze rang gai de lei.
24Pa hena lungrabe ting chang di de lei, zai pe na ’mpeumi kena ’mpinlungrabe ze nebâm ge bam de lei. 25Meraibe â gierebeu zai pe pum du mâ-gêu mechua kaibe gum ze lungkeu lei, chidadege pe ji hang Esaube ze ’ntak kai de lei. 26Pakenabe poine â Esaube pîmesui zamgit lu ze lungkeu de lei, chipauziegene pe ji hang Jakobbe ze ’ntak kai de lei. Penai je lungbe ting ge Isaakbe â kum riakseruk chang di de lei.
Esaube ne Pa Gechîngbe Dam Zuabe
27Penai hangna chîngchu di de lei, zai Esaube â heteu tewchibe kau zai hela ’mpuangruanei kau chang di de lei, kane Jakobbe â pe kuâneu-neimakbe kau, zai pe kilûng kahekuîbe kau chang di de lei. 28Isaakbe ne Esaube je hung de lei, pa ne heteu tewkauwangbe ji ramme pa teu ra ngauchi dadegeu. Kane Rebekale ne Jakobbe je hung de lei.
29Mai kat â Jakobbe kunra lang bam ze Esaube hênam ’mbene wang de lei. Zai pa ’njei-desang di de lei. 30Zai Esaube ne Jakobbe je, “I ’njei-desang de lei, chi ning gu hegi giebe gêsa I teu ra pei lau,” kacheu de lei. (Chipauziegene pechu Edom ze ku de lei). 31Jakobbe ne, “Railangbe ge nang meraibe changbe gu hedam zua gai raî lau,” acheu bei de lei. 32Esaube ne, “I chai ra chang di bam ze a hangge gechîngbe dam ze ’ndaikau tâu la lau?” ze acheu bei lei. 33Jakobbe ne, “A dage hat kai raî lau,” ze acheu bei de lei; chidadege pa hat kai de lei, zai pe gu meraibe changbe dam ze Jakobbe je zua gai bei de lei. 34Chidadege â Jakobbe ne Esaube je tingku benai pa kunra langbe pei bei de lei. Pa teu ze sak kai lu dege, zuachu dai lu pa tatrabe ’mpuî ’mbe tat ti de lei. Aigum ze Esaube â pe gu meraibe gu hedam ze ’nning’nna gai nan tai de lei.
Currently Selected:
JENESIS 25: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
JENESIS 25
25
Abrahambe Chana Kêdame
(1 Kr 1.32-33)
1Abrahambe pe nâu hangge kêdapui, pe ji Keturale kacheupui je lu kadai de lei. 2Chipaupui dagene Zimran, Jokshan, Medan, Midian, Ishbak, zai Shuah je lungkeu de lei. 3Jokshan â Sheba benai Dedanbe peu de lei. Zai Dedanbe chaname â Asshurme, Letushme, zai Le-umme, aime bau de lei. 4Midian name â Epha, Epher, Hanok, Abida zai Eldaa de lei. Aime leine Keturale chaname de lei. 5Abrahambe ne pe gu kebambe leine Isaakbe je pei bei de lei. 6Kane pa ring ze bambe luage pe nâu nausîpui ne pe dage pe name lungkeugaime hangge pe gu kela ramme pei de lei. Chidadege aime pe name je pe na Isaakbe dagene kedeu ’mbe naimik pat ’mbia ge heram bam ’mbe langtua ’ndi de lei.
Abrahambe Chaibe benai pechu Baibe
7Abrahambe chîng-kezuzie di ze gechipau riâ chang ze pa ringbe tingkum ze haî kat ze riaksena ze mengeu lei. 8Abrahambe chîng-kezuzie di pe chuilutud kai ze chai di de lei. Zai pe ting wangchang dege pe paume raw ge bai gai ’ndi de lei. 9Pe na kena Isaakbe benai Ishmaelbe ne pechu Zoharbe Het’mpeu na Ephronbe gu helu Mamre gene naimik pat ’mbia bambe ge Mak-pela hekâuki ge bai gai bei de lei. 10Aipau bâm ze â Abrahambe ne Hethme dagene luilube bâm de lei; Abrahambe benai pe nâu Sarale je chige bai gai de lei. 11Abrahambe chaidibe chângge Hera ne pe na Isaakbe je ’nnam gai bei de lei. Zai Isaakbe â Beer-lahai-roi ge bam de lei.
Ishmaelbe Chaname
(1 Kr 1.28-31)
12Sarale lângtewpui Ijip’mpui, Hagarle dagene lungkeube, zai Abrahambe na Ishmaelbe 13name â aime de lei, meraibe gene henalangbe riâ pesin-perin rawkeu gai de lei: Nebaiothbe, Kedarbe, Adbeelbe, Mibsambe, 14Mishmabe, Dumabe, Massabe, 15Hadadbe, Temabe, Jeturbe, Naphisbe, zai Kedemabe. 16Penui dagene zat kereu ze kena rehei piakeu de lei, zai penui ji ramme gene penui gu keloa ramme benai penui rêugaileube bâm ji ramme hangge ’ntak kai bei de lei. 17Ishmaelbe â pa chaibe ting ge pe tingkum haî kat ze himreu ze sena riâ chîngchang di de lei. 18Ishmaelbe chaname â Habila gene Shur heram kena kakge Ijip gene naimik pat ’mbia Assiriaram tatbe ’mpuî ge lung ze bam de lei. Penui â Abrahambe chaname kêdame dagene bamchâmcheî ze bam de lei.
Esaube benai Jakobbe je Lungbe
19Aize Abrahambe na Isaakbe rasam de lei. 20Mesopotamia ge bampeu Aram’mpeu Bethuelbe na heleu’mpui zai Labanbe sipui Rebekale je pe nâu hang lube ting ge Isaakbe â pe tingkum hedai chang di de lei. 21Rebekale hena lung mak ze bambe ziegene Tingwang dage pe nâu deu hanggene Isaakbe â kie de lei, Tingwang ne pa gekiebe kak bei ze pe nâu Rebekale ’mpung di de lei. 22Pe na hangna pe lung gene penai kat-kat je timpheu ze bam di dadege Rebekale ne, “Aigum dizai â, ’ndaigum ze I ringchi ra lau?” kacheu de lei. Dadege Tingwang dagene ’mmêt ra pa tat te lei. 23Tingwang ne pechu,
“Ning gu nebâm lungge heram zat kena la de lei;
ziemmena zat kena châmcheîbe kau je nang lungkeu gu lei.
Hangkatpeu ne kêdapeu sua â peranchi bi gu lei;
pe sipeu ne pe kinapeu guâ ’nggua gu lei,” ze rang gai de lei.
24Pa hena lungrabe ting chang di de lei, zai pe na ’mpeumi kena ’mpinlungrabe ze nebâm ge bam de lei. 25Meraibe â gierebeu zai pe pum du mâ-gêu mechua kaibe gum ze lungkeu lei, chidadege pe ji hang Esaube ze ’ntak kai de lei. 26Pakenabe poine â Esaube pîmesui zamgit lu ze lungkeu de lei, chipauziegene pe ji hang Jakobbe ze ’ntak kai de lei. Penai je lungbe ting ge Isaakbe â kum riakseruk chang di de lei.
Esaube ne Pa Gechîngbe Dam Zuabe
27Penai hangna chîngchu di de lei, zai Esaube â heteu tewchibe kau zai hela ’mpuangruanei kau chang di de lei, kane Jakobbe â pe kuâneu-neimakbe kau, zai pe kilûng kahekuîbe kau chang di de lei. 28Isaakbe ne Esaube je hung de lei, pa ne heteu tewkauwangbe ji ramme pa teu ra ngauchi dadegeu. Kane Rebekale ne Jakobbe je hung de lei.
29Mai kat â Jakobbe kunra lang bam ze Esaube hênam ’mbene wang de lei. Zai pa ’njei-desang di de lei. 30Zai Esaube ne Jakobbe je, “I ’njei-desang de lei, chi ning gu hegi giebe gêsa I teu ra pei lau,” kacheu de lei. (Chipauziegene pechu Edom ze ku de lei). 31Jakobbe ne, “Railangbe ge nang meraibe changbe gu hedam zua gai raî lau,” acheu bei de lei. 32Esaube ne, “I chai ra chang di bam ze a hangge gechîngbe dam ze ’ndaikau tâu la lau?” ze acheu bei lei. 33Jakobbe ne, “A dage hat kai raî lau,” ze acheu bei de lei; chidadege pa hat kai de lei, zai pe gu meraibe changbe dam ze Jakobbe je zua gai bei de lei. 34Chidadege â Jakobbe ne Esaube je tingku benai pa kunra langbe pei bei de lei. Pa teu ze sak kai lu dege, zuachu dai lu pa tatrabe ’mpuî ’mbe tat ti de lei. Aigum ze Esaube â pe gu meraibe gu hedam ze ’nning’nna gai nan tai de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.