MARKA 11
11
Isua Jerusalem ge Pengêudi ze Gutbe
(Mat 21.1-11; Luk 19.28-40; Jhn 12.12-19)
1Zai Bethphage benai Bethani zai Jerusalem hiage penui wangchang dege, Olib Loa ge penui wang gai de lei, chige pa ne pe gu kenieme hangna je lang gai ze, 2penai je, “Ningnai je teidabe keloa ge tatchu lau, zai chige ningnai gutgap dezai hekunmerângne mî de mâdau chuagaimakbe kau keî ze bambe ningnai ngau gu lei; chize heipat lu gauwang lau. 3Zai mige ne ningnai je, ‘Ndaitew ze ningnai aigum ze tew lau?’ ze acheu lêuzai â, ‘Heguang ne betâu ka’nnang lei, zai kelua ze aige lang gai dai gu lei,’ acheu be lau,” ze kacheu de lei. 4Dadege penai tat ti de lei, hekunmerângne ze kemuiki hela ge keîlaleube ngau de lei; dadege penai ne chize heipat kai de lei. 5Zai chige sapme ne penai je, “’Ndaitew ze hekunmerângne je heipat lau?” kacheu de lei. 6Dadege Isua ne ranggaibeibe sam ze penui je salia bei de lei; dadege penui ne penai je teitat ra lun bei de lei. 7Zai penai ne hekunmerângne je Isua tailam gauwang de lei, zai pe peireige penui paî ramme kâm gai de lei, dadege chipau peireige Isua ’ntau gai de lei. 8Zai misonggame ne penui paî ramme ’mpuîki ge kâm gai de lei, zai hanggesame ne helu gene tenûngbuâ ramme kiak lu kâm gai de lei. 9Dadege pe suage tatme benai pe chaige suime ne, “Hosanna! Tingwang ji gene wangkeupeu je peize yi lau! 10Anui peu Dabidbe gu heguangram wangkeube je peize yi lau! Hulangbe ge Hosanna!” ze ka’nrung de lei.
11Zai Jerusalem ge pa gut ti de lei, zai kellumki lungge pa gut ti de lei; zai mâgetaleine pa pierua gai lu, rîdibe ziegene hangkereu ze kename je ngua lu Bethani ’mbe tatpat ti de lei.
Isua ne ’Mbeuchîbang je Desetkaibe
(Mat 21.18,19)
12Zai bechai mai ge Bethani ’mbene penui wang dege, pa ’njei di de lei. 13Zai kedeu ’mbene ’mbeuchîbang peneu bambe ngau lu ze, chige mâge â bam lêu gu lei, ze pie ra pa tat ti de lei. Chige pa wangchang dege peneu ramme runne zangno, mâ de pa ngau mak lei, ’mbeuchî ka’nchibe ting mak tadegeu. 14Dadege pa ne chipau bang je, “Peize mî ne du ning rachî ning dagene raiteu ta ra de lei,” acheu bei de lei. Zai chize pe gu kenieme seu de lei.
Isua Kellumki ’mbe Tatbe
(Mat 21.12-17; Luk 19.45-48; Jhn 2.13-22)
15Zai Jerusalem ge penui wangchang gai de lei. Zai pa kellumki lungge gut lu, chige kezuame benai keluime je kelituachu di de lei, zai rangkânghiakme gu leisi-kaira ramme benai depeine zuame gu bâmra ramme chuikautuarang gai wak bei de lei; 16zai pa ne mî je de kellumki lung gene merua mâ de pua’nzutpela ra lun mak lei. 17Dadege pa ne geteilia ze, penui je, “‘A ki â heramzatme leine hangge kakellumbeki ze kû gu lei,’ ze acheu raw gai mak semei? Kane ningnui ne chize hegasut-teume ki hangge tew gai bei zeu,” kacheu de lei. 18Dadege tingkugechîngme benai leisirawme ne chize seu lu, pechu tew’nsiarabe ’mpuî peu de lei; pa geteiliabe sam ze baudime ’nningdaulaktibe ziegene penui pechu hing di dadegeu. 19Hegî dege â penui namdi hela ’mbe tat ti de lei.
’Mbeuchîbang gene Mâchî ra Geteiliabe
(Mat 21.20-22)
20Hechua ge penui tatpat dege chi ’mbeuchîbang ze pema riâ chang ze chaikeudibe penui ngau de lei. 21Dadege Peterbe ne ’nningdau lu ze pechu, “Geteiliapeu gau, pie le lau ni! ’Mbeuchîbang nang ne desetkaibeibe ze chaikeu de lei,” kacheu de lei. 22Dadege Isua ne penui je kak ze, “Hera ge keneibe bam le lau. 23Pelingsing ze ningnui je I rang lei, mi-mige ne aipau kedeiloa je, ‘Ning runne pat ze sungkling ge tuâ gai de lau,’ ze acheu ranggaibe ge mâ de pe lung ge ’nnumpuipakbe bam mak ze, kane pa rangbe ze wangchang gu lei be ’nnum’mmi dizai â, chize pe hangge tew gai bu lei. 24Chidaze ningnui je I rang lei, kakellumbe ge ningnui mâ-mâ kiebe ze chize ningnui ngaube hang ’nnum gai le lau, dezai chize ningnui ngau gu lei. 25Zai ningnui sapchu ze kakellum tânege mi-mige de ningnui ne miramme peireige kesiatewbe lazai â, chize lun le lau; chidezai ningnui Peu tinggîm ge bambepeu ne ningnui tewmaube ramme ze lun gu lei,” ze kacheu de lei. 26“Kane ningnui ne lun mak tizai â, ningnui Peu tinggîm ge bambepeu ne ningnui mâ-tewmaube ramme ze lun ra mak lei,” kacheu de lei.
Isua rezieteibe Deu ge Samka’nneube
(Mat 21.23-27; Luk 20.1-8)
27Zai Jerusalem ge penui wang kadai de lei. Zai kellumki lungge pa tatrua bambe luage, tingkugechîngme zai leisirawme zai gechîngme pe dage wang de lei, 28zai penui ne pechu, “’Ndaikau gu rezie ne airamme nang tew lau, nune châu ne ningchu aipau rezie pei bei ze airamme nang tew lau?” kacheu de lei. 29Isua ne penui je, “Sam kat ningnui je I ’nneu gu lei; achu kak kai lau, chidezai I ’ndaikau gu rezie ne airamme tew mei be ningnui je I ranglia gu lei. 30Johanbe gu baptisma ze tinggîm gu gene mei, nune ziemmename gu gene lau? Achu kak kai lau,” kacheu de lei. 31Dadege penui karai tu ze, “Anui ne, ‘Tinggîm gu gene lei,’ acheu bei zai â pa ne, ‘Acheuzai ’ndaitew ze ningnui pechu ’nnum’mmi mak lau?’ ze acheu gu rei de lei. 32Kane anui ne, ‘Ziemmename gu rezie gene mei?’ ze acheu ra zaidu chang mak lei,” ze kacheu de lei—Johanbe â kemeu’mpeu sing de lei be ’nteumena ne chîteibe ziegene penui baudime je hing dadegeu. 33Chidadege penui ne Isua je kak ze, “Anui â chî me lei,” acheu bei de lei. Dadege Isua ne penui je, “I du ’ndaikau gu rezie ne airamme I tew mei be ningnui je rang ra mak lei,” acheu bei de lei.
Currently Selected:
MARKA 11: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
MARKA 11
11
Isua Jerusalem ge Pengêudi ze Gutbe
(Mat 21.1-11; Luk 19.28-40; Jhn 12.12-19)
1Zai Bethphage benai Bethani zai Jerusalem hiage penui wangchang dege, Olib Loa ge penui wang gai de lei, chige pa ne pe gu kenieme hangna je lang gai ze, 2penai je, “Ningnai je teidabe keloa ge tatchu lau, zai chige ningnai gutgap dezai hekunmerângne mî de mâdau chuagaimakbe kau keî ze bambe ningnai ngau gu lei; chize heipat lu gauwang lau. 3Zai mige ne ningnai je, ‘Ndaitew ze ningnai aigum ze tew lau?’ ze acheu lêuzai â, ‘Heguang ne betâu ka’nnang lei, zai kelua ze aige lang gai dai gu lei,’ acheu be lau,” ze kacheu de lei. 4Dadege penai tat ti de lei, hekunmerângne ze kemuiki hela ge keîlaleube ngau de lei; dadege penai ne chize heipat kai de lei. 5Zai chige sapme ne penai je, “’Ndaitew ze hekunmerângne je heipat lau?” kacheu de lei. 6Dadege Isua ne ranggaibeibe sam ze penui je salia bei de lei; dadege penui ne penai je teitat ra lun bei de lei. 7Zai penai ne hekunmerângne je Isua tailam gauwang de lei, zai pe peireige penui paî ramme kâm gai de lei, dadege chipau peireige Isua ’ntau gai de lei. 8Zai misonggame ne penui paî ramme ’mpuîki ge kâm gai de lei, zai hanggesame ne helu gene tenûngbuâ ramme kiak lu kâm gai de lei. 9Dadege pe suage tatme benai pe chaige suime ne, “Hosanna! Tingwang ji gene wangkeupeu je peize yi lau! 10Anui peu Dabidbe gu heguangram wangkeube je peize yi lau! Hulangbe ge Hosanna!” ze ka’nrung de lei.
11Zai Jerusalem ge pa gut ti de lei, zai kellumki lungge pa gut ti de lei; zai mâgetaleine pa pierua gai lu, rîdibe ziegene hangkereu ze kename je ngua lu Bethani ’mbe tatpat ti de lei.
Isua ne ’Mbeuchîbang je Desetkaibe
(Mat 21.18,19)
12Zai bechai mai ge Bethani ’mbene penui wang dege, pa ’njei di de lei. 13Zai kedeu ’mbene ’mbeuchîbang peneu bambe ngau lu ze, chige mâge â bam lêu gu lei, ze pie ra pa tat ti de lei. Chige pa wangchang dege peneu ramme runne zangno, mâ de pa ngau mak lei, ’mbeuchî ka’nchibe ting mak tadegeu. 14Dadege pa ne chipau bang je, “Peize mî ne du ning rachî ning dagene raiteu ta ra de lei,” acheu bei de lei. Zai chize pe gu kenieme seu de lei.
Isua Kellumki ’mbe Tatbe
(Mat 21.12-17; Luk 19.45-48; Jhn 2.13-22)
15Zai Jerusalem ge penui wangchang gai de lei. Zai pa kellumki lungge gut lu, chige kezuame benai keluime je kelituachu di de lei, zai rangkânghiakme gu leisi-kaira ramme benai depeine zuame gu bâmra ramme chuikautuarang gai wak bei de lei; 16zai pa ne mî je de kellumki lung gene merua mâ de pua’nzutpela ra lun mak lei. 17Dadege pa ne geteilia ze, penui je, “‘A ki â heramzatme leine hangge kakellumbeki ze kû gu lei,’ ze acheu raw gai mak semei? Kane ningnui ne chize hegasut-teume ki hangge tew gai bei zeu,” kacheu de lei. 18Dadege tingkugechîngme benai leisirawme ne chize seu lu, pechu tew’nsiarabe ’mpuî peu de lei; pa geteiliabe sam ze baudime ’nningdaulaktibe ziegene penui pechu hing di dadegeu. 19Hegî dege â penui namdi hela ’mbe tat ti de lei.
’Mbeuchîbang gene Mâchî ra Geteiliabe
(Mat 21.20-22)
20Hechua ge penui tatpat dege chi ’mbeuchîbang ze pema riâ chang ze chaikeudibe penui ngau de lei. 21Dadege Peterbe ne ’nningdau lu ze pechu, “Geteiliapeu gau, pie le lau ni! ’Mbeuchîbang nang ne desetkaibeibe ze chaikeu de lei,” kacheu de lei. 22Dadege Isua ne penui je kak ze, “Hera ge keneibe bam le lau. 23Pelingsing ze ningnui je I rang lei, mi-mige ne aipau kedeiloa je, ‘Ning runne pat ze sungkling ge tuâ gai de lau,’ ze acheu ranggaibe ge mâ de pe lung ge ’nnumpuipakbe bam mak ze, kane pa rangbe ze wangchang gu lei be ’nnum’mmi dizai â, chize pe hangge tew gai bu lei. 24Chidaze ningnui je I rang lei, kakellumbe ge ningnui mâ-mâ kiebe ze chize ningnui ngaube hang ’nnum gai le lau, dezai chize ningnui ngau gu lei. 25Zai ningnui sapchu ze kakellum tânege mi-mige de ningnui ne miramme peireige kesiatewbe lazai â, chize lun le lau; chidezai ningnui Peu tinggîm ge bambepeu ne ningnui tewmaube ramme ze lun gu lei,” ze kacheu de lei. 26“Kane ningnui ne lun mak tizai â, ningnui Peu tinggîm ge bambepeu ne ningnui mâ-tewmaube ramme ze lun ra mak lei,” kacheu de lei.
Isua rezieteibe Deu ge Samka’nneube
(Mat 21.23-27; Luk 20.1-8)
27Zai Jerusalem ge penui wang kadai de lei. Zai kellumki lungge pa tatrua bambe luage, tingkugechîngme zai leisirawme zai gechîngme pe dage wang de lei, 28zai penui ne pechu, “’Ndaikau gu rezie ne airamme nang tew lau, nune châu ne ningchu aipau rezie pei bei ze airamme nang tew lau?” kacheu de lei. 29Isua ne penui je, “Sam kat ningnui je I ’nneu gu lei; achu kak kai lau, chidezai I ’ndaikau gu rezie ne airamme tew mei be ningnui je I ranglia gu lei. 30Johanbe gu baptisma ze tinggîm gu gene mei, nune ziemmename gu gene lau? Achu kak kai lau,” kacheu de lei. 31Dadege penui karai tu ze, “Anui ne, ‘Tinggîm gu gene lei,’ acheu bei zai â pa ne, ‘Acheuzai ’ndaitew ze ningnui pechu ’nnum’mmi mak lau?’ ze acheu gu rei de lei. 32Kane anui ne, ‘Ziemmename gu rezie gene mei?’ ze acheu ra zaidu chang mak lei,” ze kacheu de lei—Johanbe â kemeu’mpeu sing de lei be ’nteumena ne chîteibe ziegene penui baudime je hing dadegeu. 33Chidadege penui ne Isua je kak ze, “Anui â chî me lei,” acheu bei de lei. Dadege Isua ne penui je, “I du ’ndaikau gu rezie ne airamme I tew mei be ningnui je rang ra mak lei,” acheu bei de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.