AGER KVDVNG 9
9
Soulkc Mc:jvgla Gvmvnnam
(Ager 22.6-16; 26.12-18)
1Cmpige:la Soulbv, Ru:tumkc agom tadjvgla gvmvnnc kvdv:dcm mokepc cmna odokkc ngaputngalatsula, kumnam ager gernckvdv:dok bottarya:nckvdv:do:pc 2gvkang odokkc Damasku:dok kumko okum kvdv:do:pc do:jvgko jvgdopc koto, odomvlojen cdc Lambcdok gvnc tani: pa:namdcmci, milbo:daggom nc:daggom, bv bulum Jerusalempc yc:bomla:dokupc.
3Cdcmpc gvladu:namc bv Jerusalem aninpc pvnga:to, odokkc vgcmpc taycngtokkc bvkkolo:pc ruadko aryi:kang. 4Odo bv amo:bo kcdtabkang odokkc bvm lunam gomugkko tadbegto, “Soula, Soula, kapila no ngom ipusire:ycm id:un?”
5Odo bv luto, “Sc:kon no, Ru:tuma?” Odo bv luto, “Ngo Jisubv, no sc:kom ipusire:ycm idu:ji; 6ckvdaggom darobtoka odokkc nogordo:pc gva:la gvtok; nom lubiycpc no okkom ipcnammcji.”
7Bvk lcdulo gvmvnnc tani:kvdv:dc agom luma:pc dagamkang, gomugdcm tadbegto cmpige:la sc:komsin ka:begma:la. 8Soulbv amo:bokkc darobtoku; odokkc bvk amigcm darnamc, bv okkomsin ka:begtomang; cdcmpila bulu bvm alagdok sobomna gvto odokkc bvm Damasku:pc gva:boto. 9Odokkc lowumkopc bv okkomsin ka:begla:tomang, odokkc dola:sintomang tv:lasintomang.
10Odokkc odo Damsaku:dok agom tadjvgla gvmvnncko Anania cmnamko dungai. Kangorla ka:namkolo Ru:tumbv bvm luto, “Ananianga.” Odo bv gogtadsuto, “Sc:na ngo Ru:tuma.”
11Odokkc Ru:tumbv bvm luto, “Darobtok Yvg cmnam nogor ali:do:pc gvkang, odokkc Tarsulok tani:ko Soul cmnamko Juda:kc okumdok mala ka:langka; kapila:nc ka:toka, bv kumna dung, 12Odokkc bv Anania cmnam tani: akoncm ka:begto gva:la bv alagcm pigabdopc bv:jen bvk amig ka:pa:yckupc cmna.”
13Cmpige:la Anania:bv lubito, “Ru:tuma, cdc amidok agomcm bojcrungko ngo tadtung, nok Jerusalemolok kumnc tani:kvdv:dcm cddvkopc okkom itoji; 14odokkc sc:na bvkkc dormo ager gerncdokkcm ilang gvla:namlok jvgnamc dung nok amincm minnc appv:dcm ycnggabampc.”
15Cmpige:la Ru:tumbv bvm luto, “Gvkang, kapila:nc bvk ngok balennamko ngok amincm Angu opvn kvdvdcmna: migomkvdv:dcm odokkc Israeldok ommang kvdv:dcm, lutadbigo:dopc; 16kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”
17Cdcmpila Anania:bv gvkang odokkc okumdo:pc gvangkang. Odokkc bvk tayc:do bvk alagcm pigabge:la bv luto, “Bvro Soula, no oko lambcdokki gvkanc cdc odo Ru:tum Jisubv sc:kobv nom lcngkansukaji, bv ngom mclvgtung no:jen nok amigc ka:begyckupc odokkc Angunnc Yalodcm pa:ycpc.” 18Odokkc vgcmpc akurkoncmpc bvk amigdokkc o:kai kcdledkang odokkc bvk amigc ka:pangkangku. 19Odokkc bv darobkang odokkc baptismongcm la:to, odokkc donamcm dolangkula kvnggvng kangku.
Damasku:do Soulbv Lutadgo:nam
Bojcrung longckopc Damasku:do bv agom tadjvgla gvmvnnc kvdv:dok lcdulo gvmvnto. 20Odokkc kumko okumkvdv:do oddung bv Jisumc lutadgo:to, scmpc lula, “Bv Ru:ncpvnckc Aowo.”
21Odokkc sc:kobulu bvk agomdcm tadtoji tadngagamsukang, odokkc luto, “Sc tani:sc:ma:lang Jerusalemolo mopit-moyitncdc sc aminscm minnckvdv:dcm? Odokkc bv odok lcgangv:pc gvdu:nc, bulum dormo ager gerncdok kcra:do:pc ycnggabam bomkupc cmna.”
22Ckvdaggom Soulbv ilang gvla:namlok kvnggv:barbomkang, odokkc Damaskudok du:nc Jiwukvdv:dcm mcngkin-mc:para: ma:dopc ingapto Jisubv:jc Kristobvai cmnamdcm lulenlua:bila.
23Bojcko bojcrungko longgc gvnamc Jiwukvdv:dc bvm mokepc cmna togo:bomkang, 24cmpige:la buluk togo:bomnamdcm Soulbv kinto. Bulu longgcm yummcm yabgo kvdv:dcm ka:bomkang, bvm mokepc cmna; 25ckvdaggom agom tadjvgla gvmvnnc kvdv:dc bvm yummcm gvbola sekomnam bare:dok gvidopc mcilvgto, gempakolo lvgge:la ledyi:lvgla.
Jerusalemdo Soulbv
26Odokkc bv cdvlo Jerusalempc gvpv:tokuji bv agom tadjvgla gvmvnnc kvdv:dok lckopc du:pc anka:la ka:to, odokkc bulu appv:dc bvm pcsokangai, kapila:nc bv agom tadjvgla gvmvnncko cmna mc:jvgmangai. 27Ckvdaggom Barnaba:bv bvm torvgsuto, odokkc bvk mclvgla ager gernam kvdv:do:pc gva:boto, odokkc, bv kapc ali:lambcdo Ru:tummc ka:toji lubito, sc:kobv bvm lubitoji, odokkc Jisukc aminno kapc bv Damasku:do lutad lubikaji. 28Cdcmpila bv Jerusalemolo ara:pc ru:yipc buluk dungkod gvgo:to odokkc 29kvnggv:pc Ru:tumkc aminno lutad lubigo:to. Odokkc bv Helleni: kvdv:dcm lupakluyakto; cmpige:la bulu bvm mokepc cmna mago:to. 30Odokkc cdvlo bvrokvdv:dc cdcm kintoji, bulu bvm Kaesariapc gvbotoku, odokkc bvm Tarsupc mclvgto.
31Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.
Pitorbv Lidda:do:lang Joppa:do
32Cdcmpc idodcm Pitorbv buluk appv:dok dungkodo olo-tolopc gvgo:nammc bv Lidda:dok mc:jvgnc tani:kvdv:do:pcsin gvto. 33Odo bv Aeneas cmnam tani:ko rvgsuto, sc:kobv dv:tak pi:nyikopc asublo kcdla dungai odokkc intakko sipakdagai. 34Odokkc Pitorbv bvm luto, “Aeneasa, Jisu Kristobv nom csa:modakku; darobtok odokkc nok asubcm yedsa:tok.” Odokkc vgcmpc bv oddung darobkang. 35Odokkc Lidda:dok odokkc Sharondok du:nc appv:dc bvm ka:begto, odokkc bulu Ru:tumkolo:pc gvladamtoku.
36Cdcmpidodcm Joppa:do Tabitang cmnam agom tadjvgla gvmvnncko, okodcm Dorka cmdagaji dungai. Bvkkc ainc agerongc odokkc ammem aipc ager gerbidungai. 37Odo longckvdv:do bv ramkang odokkc sipakkang; odokkc cdvlo bulu bvm vrpu:toji, bulu bvm taycngkc soyarkolo jo:la lc:to. 38Lidda:dc Joppa:dok aninna:yam, agom tadjvgla gvmvnnc kvdv:dc, Pitorbv cdc dung cmna tadla, tani: anyiko bvkkolo:pc kumna:sola: lula mclvgto, “aya:pc mc:la ngolukkoso:pc du:tedma:pc gvpo:tok.” 39Cdcmpila Pitorbv darobto odokkc buluk lcdulo gvmvnto. Odokkc bv gvpv:nammc, bulu bvm talcngkc soyardo:pc gvsa:boto. Bvk kcra:do tumbo nc:ng appv:dc kabla dungai, odokkc buluk lcdulo du:mvndodcm Dorka:bv oko oko galugcm odokkc ake attarkvdv:dcm omtungaji cdcmbulum lcngkan lcngkanna. 40Cmpige:la Pitorbv bulum appv:dcm urrenamlvgto odokkc lcbvng tuma:ngge:la kumto; odokkc sima:do:pc kangkutsuge:la bv luto, “Tabitanga, darobtok.” Odo bvk amigcm bv pongge:la tedtungkang. 41Odokkc bvk alagcm laglenbito odokkc bvm sosa:to. Odo aipc agom tadjvgla kumnc kvdv:dcmnang tumbo nc:ng kvdv:dcm gogangge:la bvm turpc bilattoku. 42Odokkc cdcm Joppa appv:do kinapto, odokkc bojcrungc Ru:tummc mc:jvgto. 43Odo bv Joppa:do bojcru: longcko du:to Simonmc, suktung ager gerncko du:jonna.
Currently Selected:
AGER KVDVNG 9: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
AGER KVDVNG 9
9
Soulkc Mc:jvgla Gvmvnnam
(Ager 22.6-16; 26.12-18)
1Cmpige:la Soulbv, Ru:tumkc agom tadjvgla gvmvnnc kvdv:dcm mokepc cmna odokkc ngaputngalatsula, kumnam ager gernckvdv:dok bottarya:nckvdv:do:pc 2gvkang odokkc Damasku:dok kumko okum kvdv:do:pc do:jvgko jvgdopc koto, odomvlojen cdc Lambcdok gvnc tani: pa:namdcmci, milbo:daggom nc:daggom, bv bulum Jerusalempc yc:bomla:dokupc.
3Cdcmpc gvladu:namc bv Jerusalem aninpc pvnga:to, odokkc vgcmpc taycngtokkc bvkkolo:pc ruadko aryi:kang. 4Odo bv amo:bo kcdtabkang odokkc bvm lunam gomugkko tadbegto, “Soula, Soula, kapila no ngom ipusire:ycm id:un?”
5Odo bv luto, “Sc:kon no, Ru:tuma?” Odo bv luto, “Ngo Jisubv, no sc:kom ipusire:ycm idu:ji; 6ckvdaggom darobtoka odokkc nogordo:pc gva:la gvtok; nom lubiycpc no okkom ipcnammcji.”
7Bvk lcdulo gvmvnnc tani:kvdv:dc agom luma:pc dagamkang, gomugdcm tadbegto cmpige:la sc:komsin ka:begma:la. 8Soulbv amo:bokkc darobtoku; odokkc bvk amigcm darnamc, bv okkomsin ka:begtomang; cdcmpila bulu bvm alagdok sobomna gvto odokkc bvm Damasku:pc gva:boto. 9Odokkc lowumkopc bv okkomsin ka:begla:tomang, odokkc dola:sintomang tv:lasintomang.
10Odokkc odo Damsaku:dok agom tadjvgla gvmvnncko Anania cmnamko dungai. Kangorla ka:namkolo Ru:tumbv bvm luto, “Ananianga.” Odo bv gogtadsuto, “Sc:na ngo Ru:tuma.”
11Odokkc Ru:tumbv bvm luto, “Darobtok Yvg cmnam nogor ali:do:pc gvkang, odokkc Tarsulok tani:ko Soul cmnamko Juda:kc okumdok mala ka:langka; kapila:nc ka:toka, bv kumna dung, 12Odokkc bv Anania cmnam tani: akoncm ka:begto gva:la bv alagcm pigabdopc bv:jen bvk amig ka:pa:yckupc cmna.”
13Cmpige:la Anania:bv lubito, “Ru:tuma, cdc amidok agomcm bojcrungko ngo tadtung, nok Jerusalemolok kumnc tani:kvdv:dcm cddvkopc okkom itoji; 14odokkc sc:na bvkkc dormo ager gerncdokkcm ilang gvla:namlok jvgnamc dung nok amincm minnc appv:dcm ycnggabampc.”
15Cmpige:la Ru:tumbv bvm luto, “Gvkang, kapila:nc bvk ngok balennamko ngok amincm Angu opvn kvdvdcmna: migomkvdv:dcm odokkc Israeldok ommang kvdv:dcm, lutadbigo:dopc; 16kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”
17Cdcmpila Anania:bv gvkang odokkc okumdo:pc gvangkang. Odokkc bvk tayc:do bvk alagcm pigabge:la bv luto, “Bvro Soula, no oko lambcdokki gvkanc cdc odo Ru:tum Jisubv sc:kobv nom lcngkansukaji, bv ngom mclvgtung no:jen nok amigc ka:begyckupc odokkc Angunnc Yalodcm pa:ycpc.” 18Odokkc vgcmpc akurkoncmpc bvk amigdokkc o:kai kcdledkang odokkc bvk amigc ka:pangkangku. 19Odokkc bv darobkang odokkc baptismongcm la:to, odokkc donamcm dolangkula kvnggvng kangku.
Damasku:do Soulbv Lutadgo:nam
Bojcrung longckopc Damasku:do bv agom tadjvgla gvmvnnc kvdv:dok lcdulo gvmvnto. 20Odokkc kumko okumkvdv:do oddung bv Jisumc lutadgo:to, scmpc lula, “Bv Ru:ncpvnckc Aowo.”
21Odokkc sc:kobulu bvk agomdcm tadtoji tadngagamsukang, odokkc luto, “Sc tani:sc:ma:lang Jerusalemolo mopit-moyitncdc sc aminscm minnckvdv:dcm? Odokkc bv odok lcgangv:pc gvdu:nc, bulum dormo ager gerncdok kcra:do:pc ycnggabam bomkupc cmna.”
22Ckvdaggom Soulbv ilang gvla:namlok kvnggv:barbomkang, odokkc Damaskudok du:nc Jiwukvdv:dcm mcngkin-mc:para: ma:dopc ingapto Jisubv:jc Kristobvai cmnamdcm lulenlua:bila.
23Bojcko bojcrungko longgc gvnamc Jiwukvdv:dc bvm mokepc cmna togo:bomkang, 24cmpige:la buluk togo:bomnamdcm Soulbv kinto. Bulu longgcm yummcm yabgo kvdv:dcm ka:bomkang, bvm mokepc cmna; 25ckvdaggom agom tadjvgla gvmvnnc kvdv:dc bvm yummcm gvbola sekomnam bare:dok gvidopc mcilvgto, gempakolo lvgge:la ledyi:lvgla.
Jerusalemdo Soulbv
26Odokkc bv cdvlo Jerusalempc gvpv:tokuji bv agom tadjvgla gvmvnnc kvdv:dok lckopc du:pc anka:la ka:to, odokkc bulu appv:dc bvm pcsokangai, kapila:nc bv agom tadjvgla gvmvnncko cmna mc:jvgmangai. 27Ckvdaggom Barnaba:bv bvm torvgsuto, odokkc bvk mclvgla ager gernam kvdv:do:pc gva:boto, odokkc, bv kapc ali:lambcdo Ru:tummc ka:toji lubito, sc:kobv bvm lubitoji, odokkc Jisukc aminno kapc bv Damasku:do lutad lubikaji. 28Cdcmpila bv Jerusalemolo ara:pc ru:yipc buluk dungkod gvgo:to odokkc 29kvnggv:pc Ru:tumkc aminno lutad lubigo:to. Odokkc bv Helleni: kvdv:dcm lupakluyakto; cmpige:la bulu bvm mokepc cmna mago:to. 30Odokkc cdvlo bvrokvdv:dc cdcm kintoji, bulu bvm Kaesariapc gvbotoku, odokkc bvm Tarsupc mclvgto.
31Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.
Pitorbv Lidda:do:lang Joppa:do
32Cdcmpc idodcm Pitorbv buluk appv:dok dungkodo olo-tolopc gvgo:nammc bv Lidda:dok mc:jvgnc tani:kvdv:do:pcsin gvto. 33Odo bv Aeneas cmnam tani:ko rvgsuto, sc:kobv dv:tak pi:nyikopc asublo kcdla dungai odokkc intakko sipakdagai. 34Odokkc Pitorbv bvm luto, “Aeneasa, Jisu Kristobv nom csa:modakku; darobtok odokkc nok asubcm yedsa:tok.” Odokkc vgcmpc bv oddung darobkang. 35Odokkc Lidda:dok odokkc Sharondok du:nc appv:dc bvm ka:begto, odokkc bulu Ru:tumkolo:pc gvladamtoku.
36Cdcmpidodcm Joppa:do Tabitang cmnam agom tadjvgla gvmvnncko, okodcm Dorka cmdagaji dungai. Bvkkc ainc agerongc odokkc ammem aipc ager gerbidungai. 37Odo longckvdv:do bv ramkang odokkc sipakkang; odokkc cdvlo bulu bvm vrpu:toji, bulu bvm taycngkc soyarkolo jo:la lc:to. 38Lidda:dc Joppa:dok aninna:yam, agom tadjvgla gvmvnnc kvdv:dc, Pitorbv cdc dung cmna tadla, tani: anyiko bvkkolo:pc kumna:sola: lula mclvgto, “aya:pc mc:la ngolukkoso:pc du:tedma:pc gvpo:tok.” 39Cdcmpila Pitorbv darobto odokkc buluk lcdulo gvmvnto. Odokkc bv gvpv:nammc, bulu bvm talcngkc soyardo:pc gvsa:boto. Bvk kcra:do tumbo nc:ng appv:dc kabla dungai, odokkc buluk lcdulo du:mvndodcm Dorka:bv oko oko galugcm odokkc ake attarkvdv:dcm omtungaji cdcmbulum lcngkan lcngkanna. 40Cmpige:la Pitorbv bulum appv:dcm urrenamlvgto odokkc lcbvng tuma:ngge:la kumto; odokkc sima:do:pc kangkutsuge:la bv luto, “Tabitanga, darobtok.” Odo bvk amigcm bv pongge:la tedtungkang. 41Odokkc bvk alagcm laglenbito odokkc bvm sosa:to. Odo aipc agom tadjvgla kumnc kvdv:dcmnang tumbo nc:ng kvdv:dcm gogangge:la bvm turpc bilattoku. 42Odokkc cdcm Joppa appv:do kinapto, odokkc bojcrungc Ru:tummc mc:jvgto. 43Odo bv Joppa:do bojcru: longcko du:to Simonmc, suktung ager gerncko du:jonna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.