MARKKC 5
5
Jisubv Aima:nc Yalo kanc Tani:ko Aimokunam
(Met 8.28-34; Lu:k 8.26-39)
1Siycng asidok kekonpc bulu gvko:to, Gerasinkvdv:dok amo:do:pc. 2Odokkc cdvlo Bv ollu:dokkc gvlentonc, odo Bvm agolokkc gvlenna aima:nc uiyyc pa:nam tani:konc rvgsuto sc:kobv ago golu:do dungaji; 3odokkc bvm sc:kosin yc:tumla lc:la:mangabong; ikoli:kokkisinci; 4Kapila:nc bvm koggabnanc yogvr ikoli:kokki yc:tumtvla du:dungai, ckvdaggom ikoli:kvdv:dcm butu:-buru:to, odokkc kognanc yogvrdcmsin intung intu:pc idopc butungamto; odokkc sckkcsin bvm motapnanc tornamc kamangai. 5Yummcm odokkc longgcm ago golu:do odokkc vlvngkokki ayvdc tubjogsudagai.
6Odokkc cdvlo Jisumc bv motc:lokkc ka:begtonc, bv duga:la kumto Bvm; 7Odokkc bottapakpc bc:dopc jc:la, bv luto, “Okkom no ngom inaycn, Jisua, Appvngcm Bottcya:nc Ru:ncpvnna? Ngo Ru:ncpvncmc petomna nom pesubidung, ngom mogvtmomatyoka.” 8Kapila:nc Bv bvm luto, “Tani:dokkc gvlentok, c:i aima:nc yalla!” Odokkc Jisubv bvm tawuto, 9“Nok amincm okkomtang?” Bv lubisuto, “Ngok amincm kcrcng cmtag; kapila:nc ngolu bojcrungko dung.” 10Odokkc bv airu:pc kumya:sula odo amo:dokkcm bulum mcnma:dopc luto. 11Cdcmpc idodcm odo adi: ru:yido bottaru:nc e:g kcrcngko dogo:sumola du:motagai; 12Odokkc bulu Bvm kumto, “Ngolum e:g kvdv:do:pci mclvgteipcn, ngolum e:g kvdvngolo gva:motei.” 13Cdcmpila Bv bulum gva:moto odokkc aima:nc uikvdv:dc gvlenamkang, odokkc e:g kvdv:do angapkang; odokkc e:g kcrc:dc, lv:ying anyikvramkopc, siycng asidok ledyi:nc among ru:yido dugjvngamkang, odokkc siycng asido jvnga:la singapkang.
14E:g kcrc:dcm ka:sv:nc kvdv:dc dugamkangku, odokkc nogordo cdcm lubitoku odokkc do:lungkvdv:do. Odokkc tani:kvdv:dc okko cdcmpc ika:ji kangkapc gvlenamto. 15Odokkc bulu Jisu kolo:pc gva:la, odokkc uipa:namdcm odo tedla du:dopc ka:begto, mcngkinsulangkula bcdugasor gcla:bomna du:dopc, oko tani:do uikcrcngc dunganc; odokkc bulu pcsokang. 16Odokkc sc:kobulu cdcm ka:tonc uipa:namdc odokkc e:g kvdv:dc kapc ingapka:nc lungabbito. 17Odokkc bulu Jisumc kumna lurobbomkang buluk dunggo:-ycgo:dokkc gvpakdokupc.
18Odokkc Bv ollu:do a:dokudo, uipa:nam tani:dc Bvk lcdulo du:mvnpc cmna kumna luto.
19Cmpige:la Bv lupaksuto, odokkc bvm luto, “Nok okumppc ajonkvdvngolo:pc gvkangkuk, odokkc Ru:tumbv nok lcgangc okkom itonc, odokkc Bv nom cddvko aya:tonc lubita:kuk.”
20Odokkc bv gvkangku odokkc Dekapolisdo lugo:birobkang cddvko pc Jisubv bvk lcganc itonc; odokkc appvng tani:yc tadla tadngaksukang.
Jairuskc Omcdc:lang Jisukc Attar Gcnamdcm Upkvnc Nc:dc
(Met 9.18-26; Lu:k 8.40-56)
21Odokkc cdvlo Jisubv ollungki lckoda kekonpc kongko:tokunc, bojcrungko tani:yc yadkumsukang bvk dungkodo; odokkc Bv siycng asi ru:yido dungai. 22Odo kumko okumkolok ka:dapbomnc Jair cmna minnamkonc gvdo; odokkc Bvm ka:begge:la, bv Bvk alcdo tunga:to, odokkc Bvm kumna luto, scmpc lula, 23“ngok omcdc sipc cmna idu:bong. Gvla nok alakki bvm ri:yitbimvlo, odomvlo bv csa:yckupc, odokkc turycpc.”
24Odokkc Bv bvk lcdulo gvmvnkang. Odokkc bojcrungko yadkumsunc tani:yc bvk lcdulo gvmvnna kcra:do nv:rumbomkang.
25Odokkc dv:tak vyvngkolang anyikopc i:yc bidla du:nc nc:ng ako dungai, 26sc:kobv bojcrungko kinam ka:ncm ka:mola:sin aikumanganc, odokkc bvkkc okko dungaji cdc appv:dcm bingapto, odokkc aiyyckusong ya:dango:pc aima:pc: ibomkangai. 27Bv Jisukc agomcm tadbegla, odokkc Bvk lamkudok gva:to yadkumsunc tani: ara:dok odokkc bvk gcnam attardcm gakkvto. 28Kapila:nc bv luto, “Ngo Bvk gcnam attaro:dcmci gakkvpa:mvlo, ngom csa:moyyckupc.”
29Odokkc vgcmpc cdc i:bidla kinamdc bidngasukang; odokkc bv amvrdc anpa:suto bv:jc bvk kinamdokkc aikangku cmna. 30Odokkc Jisubv, avdc tornamc Bvkkolokkc gvlenkang cmna anpa:sula, vgcmpc ngenkutsuto tani:kcrcng arangv:do, odokkc luto, “Sc:ko ngok gcnam attarcm gakkvton?”
31Odokkc Bvk agom tadjvgla gvmvnnc tani:kvdv:dc Bvm luto, “No ka:dagci yadkumsunc tani:kvdv:scm nom nv:rumbomnamcm, odokkc ckvdaggom no tawudung, ‘Sc:ko ngom gakkvton cmna?’ ” 32Odokkc Bv appv:dcm kango:suto sc:ko cdcm iton ka:pc cmna. 33Cmpige:la cdc nc:dc, bvm okkom itonc cdcm kinsula, pcsola jinna gva:la Bvk kcra:do tunga:to, odokkc cdc aro agom appv:dcm Bvm lubito. 34Odokkc Bv bvm luto, “Omcsa, nok mc:jvgnamdc nom csa:motoku. Mc:po:pc gvkangkuk, odokkc nok kinam csangkangkulangka.”
35Bv agom lula du:dodcm ka:sv:ncdok okumdokkc tani:ckkc gvdo sc:kobulu luka:ji, “Nok omcdc sipakkang. Kapila luyirncdcm cmmumpc gvdvr gvso:pc gvmodu:n?” 36Ckvdaggom buluk lunamdcm tadma:pc, Jisubv kumko okumdok ka:sv: mosv:ncdcm luto, “Pcsoyoka, mc:jvgo:tok.” 37Odokkc Bv sc:komsin lcdulo gvmvnmotomang Pitormclang Jakobmmc odokkc Jo:nmc Jakobkc bvrodcmmong gvmvnmoge:la. 38Cdvlo bulu kumko okumdcm ka:svmosv:ncdok okumpc gvpv:tonc, Bv uru:sare: cmnam ka:begto, odokkc tani:kvdv:dc kaptak-ri:takla bottcru:pc jc:taksula dungai. 39Odokkc cdvlo Bv gva:tonc, Bv bulum luto, “Nolu kapila kaptaksula du:n? Ko:nc:sc simang cmpige:la yubla dung.”
40Odokkc bulu Bvm yirka:to, cmpige:la Bv buluk appv:dcm moro:pc mclenamlvgto, odokkc ko:nc:dok abudcm odokkc ancdcm odokkc Bvk lcdulo cdc du:mvnnckvdv:dcm gva:bola, odokkc okolo ko:nc:dc dunganc odopc gva:boto. 41Bvk alagdok sogabge:la Bvm bv luto, “Talita kumi;” cdcmpc lunamdc, “Adjo:nc ko:ncnga, Ngo nom ludung, darobtok.”
42Odokkc vgcmpc cdc ko:ncdc darobkang odokkc lambc gvgongkangku (bv dv:tak vyvngkolang anyikopc onamc idagaboi,) odokkc bulu vgcmpc mc:la mcngapla:ma:pc ingapkang, 43Odokkc kvnggv:pc bulum lujvgla luto sc:kosin cdcm kinpa:ma:yc, odokkc bvm o:kaiko dodopc bitok cmna bulum lulvgto.
Currently Selected:
MARKKC 5: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
MARKKC 5
5
Jisubv Aima:nc Yalo kanc Tani:ko Aimokunam
(Met 8.28-34; Lu:k 8.26-39)
1Siycng asidok kekonpc bulu gvko:to, Gerasinkvdv:dok amo:do:pc. 2Odokkc cdvlo Bv ollu:dokkc gvlentonc, odo Bvm agolokkc gvlenna aima:nc uiyyc pa:nam tani:konc rvgsuto sc:kobv ago golu:do dungaji; 3odokkc bvm sc:kosin yc:tumla lc:la:mangabong; ikoli:kokkisinci; 4Kapila:nc bvm koggabnanc yogvr ikoli:kokki yc:tumtvla du:dungai, ckvdaggom ikoli:kvdv:dcm butu:-buru:to, odokkc kognanc yogvrdcmsin intung intu:pc idopc butungamto; odokkc sckkcsin bvm motapnanc tornamc kamangai. 5Yummcm odokkc longgcm ago golu:do odokkc vlvngkokki ayvdc tubjogsudagai.
6Odokkc cdvlo Jisumc bv motc:lokkc ka:begtonc, bv duga:la kumto Bvm; 7Odokkc bottapakpc bc:dopc jc:la, bv luto, “Okkom no ngom inaycn, Jisua, Appvngcm Bottcya:nc Ru:ncpvnna? Ngo Ru:ncpvncmc petomna nom pesubidung, ngom mogvtmomatyoka.” 8Kapila:nc Bv bvm luto, “Tani:dokkc gvlentok, c:i aima:nc yalla!” Odokkc Jisubv bvm tawuto, 9“Nok amincm okkomtang?” Bv lubisuto, “Ngok amincm kcrcng cmtag; kapila:nc ngolu bojcrungko dung.” 10Odokkc bv airu:pc kumya:sula odo amo:dokkcm bulum mcnma:dopc luto. 11Cdcmpc idodcm odo adi: ru:yido bottaru:nc e:g kcrcngko dogo:sumola du:motagai; 12Odokkc bulu Bvm kumto, “Ngolum e:g kvdv:do:pci mclvgteipcn, ngolum e:g kvdvngolo gva:motei.” 13Cdcmpila Bv bulum gva:moto odokkc aima:nc uikvdv:dc gvlenamkang, odokkc e:g kvdv:do angapkang; odokkc e:g kcrc:dc, lv:ying anyikvramkopc, siycng asidok ledyi:nc among ru:yido dugjvngamkang, odokkc siycng asido jvnga:la singapkang.
14E:g kcrc:dcm ka:sv:nc kvdv:dc dugamkangku, odokkc nogordo cdcm lubitoku odokkc do:lungkvdv:do. Odokkc tani:kvdv:dc okko cdcmpc ika:ji kangkapc gvlenamto. 15Odokkc bulu Jisu kolo:pc gva:la, odokkc uipa:namdcm odo tedla du:dopc ka:begto, mcngkinsulangkula bcdugasor gcla:bomna du:dopc, oko tani:do uikcrcngc dunganc; odokkc bulu pcsokang. 16Odokkc sc:kobulu cdcm ka:tonc uipa:namdc odokkc e:g kvdv:dc kapc ingapka:nc lungabbito. 17Odokkc bulu Jisumc kumna lurobbomkang buluk dunggo:-ycgo:dokkc gvpakdokupc.
18Odokkc Bv ollu:do a:dokudo, uipa:nam tani:dc Bvk lcdulo du:mvnpc cmna kumna luto.
19Cmpige:la Bv lupaksuto, odokkc bvm luto, “Nok okumppc ajonkvdvngolo:pc gvkangkuk, odokkc Ru:tumbv nok lcgangc okkom itonc, odokkc Bv nom cddvko aya:tonc lubita:kuk.”
20Odokkc bv gvkangku odokkc Dekapolisdo lugo:birobkang cddvko pc Jisubv bvk lcganc itonc; odokkc appvng tani:yc tadla tadngaksukang.
Jairuskc Omcdc:lang Jisukc Attar Gcnamdcm Upkvnc Nc:dc
(Met 9.18-26; Lu:k 8.40-56)
21Odokkc cdvlo Jisubv ollungki lckoda kekonpc kongko:tokunc, bojcrungko tani:yc yadkumsukang bvk dungkodo; odokkc Bv siycng asi ru:yido dungai. 22Odo kumko okumkolok ka:dapbomnc Jair cmna minnamkonc gvdo; odokkc Bvm ka:begge:la, bv Bvk alcdo tunga:to, odokkc Bvm kumna luto, scmpc lula, 23“ngok omcdc sipc cmna idu:bong. Gvla nok alakki bvm ri:yitbimvlo, odomvlo bv csa:yckupc, odokkc turycpc.”
24Odokkc Bv bvk lcdulo gvmvnkang. Odokkc bojcrungko yadkumsunc tani:yc bvk lcdulo gvmvnna kcra:do nv:rumbomkang.
25Odokkc dv:tak vyvngkolang anyikopc i:yc bidla du:nc nc:ng ako dungai, 26sc:kobv bojcrungko kinam ka:ncm ka:mola:sin aikumanganc, odokkc bvkkc okko dungaji cdc appv:dcm bingapto, odokkc aiyyckusong ya:dango:pc aima:pc: ibomkangai. 27Bv Jisukc agomcm tadbegla, odokkc Bvk lamkudok gva:to yadkumsunc tani: ara:dok odokkc bvk gcnam attardcm gakkvto. 28Kapila:nc bv luto, “Ngo Bvk gcnam attaro:dcmci gakkvpa:mvlo, ngom csa:moyyckupc.”
29Odokkc vgcmpc cdc i:bidla kinamdc bidngasukang; odokkc bv amvrdc anpa:suto bv:jc bvk kinamdokkc aikangku cmna. 30Odokkc Jisubv, avdc tornamc Bvkkolokkc gvlenkang cmna anpa:sula, vgcmpc ngenkutsuto tani:kcrcng arangv:do, odokkc luto, “Sc:ko ngok gcnam attarcm gakkvton?”
31Odokkc Bvk agom tadjvgla gvmvnnc tani:kvdv:dc Bvm luto, “No ka:dagci yadkumsunc tani:kvdv:scm nom nv:rumbomnamcm, odokkc ckvdaggom no tawudung, ‘Sc:ko ngom gakkvton cmna?’ ” 32Odokkc Bv appv:dcm kango:suto sc:ko cdcm iton ka:pc cmna. 33Cmpige:la cdc nc:dc, bvm okkom itonc cdcm kinsula, pcsola jinna gva:la Bvk kcra:do tunga:to, odokkc cdc aro agom appv:dcm Bvm lubito. 34Odokkc Bv bvm luto, “Omcsa, nok mc:jvgnamdc nom csa:motoku. Mc:po:pc gvkangkuk, odokkc nok kinam csangkangkulangka.”
35Bv agom lula du:dodcm ka:sv:ncdok okumdokkc tani:ckkc gvdo sc:kobulu luka:ji, “Nok omcdc sipakkang. Kapila luyirncdcm cmmumpc gvdvr gvso:pc gvmodu:n?” 36Ckvdaggom buluk lunamdcm tadma:pc, Jisubv kumko okumdok ka:sv: mosv:ncdcm luto, “Pcsoyoka, mc:jvgo:tok.” 37Odokkc Bv sc:komsin lcdulo gvmvnmotomang Pitormclang Jakobmmc odokkc Jo:nmc Jakobkc bvrodcmmong gvmvnmoge:la. 38Cdvlo bulu kumko okumdcm ka:svmosv:ncdok okumpc gvpv:tonc, Bv uru:sare: cmnam ka:begto, odokkc tani:kvdv:dc kaptak-ri:takla bottcru:pc jc:taksula dungai. 39Odokkc cdvlo Bv gva:tonc, Bv bulum luto, “Nolu kapila kaptaksula du:n? Ko:nc:sc simang cmpige:la yubla dung.”
40Odokkc bulu Bvm yirka:to, cmpige:la Bv buluk appv:dcm moro:pc mclenamlvgto, odokkc ko:nc:dok abudcm odokkc ancdcm odokkc Bvk lcdulo cdc du:mvnnckvdv:dcm gva:bola, odokkc okolo ko:nc:dc dunganc odopc gva:boto. 41Bvk alagdok sogabge:la Bvm bv luto, “Talita kumi;” cdcmpc lunamdc, “Adjo:nc ko:ncnga, Ngo nom ludung, darobtok.”
42Odokkc vgcmpc cdc ko:ncdc darobkang odokkc lambc gvgongkangku (bv dv:tak vyvngkolang anyikopc onamc idagaboi,) odokkc bulu vgcmpc mc:la mcngapla:ma:pc ingapkang, 43Odokkc kvnggv:pc bulum lujvgla luto sc:kosin cdcm kinpa:ma:yc, odokkc bvm o:kaiko dodopc bitok cmna bulum lulvgto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.