ܒܪܝܬܐ 5
5
ܟܬܵܒ݂ܵܐ ܕܬܵܘܠܕܵܬܹ̈ܐ ܕܐܵܕܵܡ
1ܐܵܗܵܐ ܝܠܹܗ ܟܬܵܒ݂ܵܐ ܕܬܵܘܠܕܵܬܹ̈ܐ ܕܐܵܕܵܡ، ܒܝܵܘܡܵܐ ܕܐܲܠܵܗܵܐ ܒܪܹܐ ܠܹܗ ܠܒܲܪܢܵܫܵܐ؛ ܒܕܡܘܼܬܵܐ ܕܐܲܠܵܗܵܐ ܥܒ݂ܝܼܕ ܠܹܗ ܐܸܠܹܗ. 2ܐܘܼܪܙܵܐ ܘܢܸܩܒ݂ܵܐ ܒܸܪܝܲܝ ܠܹܗ، ܘܒܘܼܪܟܲܝ ܠܹܗ. ܩܪܹܐ ܠܹܗ ܫܸܡܲܝܗܝ ܐܵܕܵܡ ܒܝܵܘܡܵܐ ܕܦܝܼܫ ܠܗܘܿܢ ܒܸܪܝܹܐ.
3ܘܚܝܹܐ ܠܹܗ ܐܵܕܵܡ ܐܸܡܵܐܐ ܘܬܠܵܬܝܼ ܫܸܢܹ̈ܐ، ܘܡܘܼܠܸܕ ܠܹܗ ܒܪܘܿܢܵܐ ܒܨܲܠܡܹܗ ܘܒܕܡܘܼܬܹܗ، ܘܩܪܹܐ ܠܹܗ ܫܸܡܹܗ، ܫܹܝܬ. 4ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܫܹܝܬ، ܚܝܹܐ ܠܹܗ ܐܵܕܵܡ ܬܡܵܢܹܡܵܐܐ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 5ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܐܵܕܵܡ ܬܫܲܥܡܵܐܐ ܘܬܠܵܬܝܼ ܫܸܢܹ̈ܐ، ܘܡܝܼܬ ܠܹܗ.
6ܘܚܝܹܐ ܠܹܗ ܫܹܝܬ ܐܸܡܵܐܐ ܘܚܲܡܸܫ ܫܸܢܹ̈ܐ، ܘܡܘܼܠܸܕ ܠܹܗ ܠܐܵܢܘܿܫ. 7ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܐܵܢܘܿܫ، ܚܝܹܐ ܠܹܗ ܫܹܝܬ ܬܡܵܢܹܡܵܐܐ ܘܫܒܲܥ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 8ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܫܹܝܬ ܬܫܲܥܡܵܐܐ ܘܬܪܸܥܣܲܪ ܫܸܢܹ̈ܐ، ܘܡܝܼܬ ܠܹܗ. 9ܘܚܝܹܐ ܠܹܗ ܐܵܢܘܿܫ ܬܸܫܥܝܼ ܫܸܢܹ̈ܐ، ܘܡܘܼܠܸܕ ܠܹܗ ܠܩܲܝܢܵܢ. 10ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܩܲܝܢܵܢ، ܚܝܹܐ ܠܹܗ ܐܵܢܘܿܫ ܬܡܵܢܹܡܵܐܐ ܘܚܲܡܫܲܥܣܲܪ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 11ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܐܵܢܘܿܫ ܬܫܲܥܡܵܐܐ ܘܚܲܡܸܫ ܫܸܢܹ̈ܐ، ܘܡܝܼܬ ܠܹܗ.
12ܘܚܝܹܐ ܠܹܗ ܩܲܝܢܵܢ ܫܲܒ݂ܥܝܼ ܫܸܢܹ̈ܐ، ܘܡܘܼܠܸܕ ܠܹܗ ܠܡܲܗܠܵܠܵܐܹܝܠ. 13ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܡܲܗܠܵܠܵܐܹܝܠ، ܚܝܹܐ ܠܹܗ ܩܲܝܢܵܢ ܬܡܵܢܹܡܵܐܐ ܘܐܲܪܒܥܝܼ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 14ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܩܲܝܢܵܢ ܬܫܲܥܡܵܐܐ ܘܥܣܲܪ ܫܸܢܹ̈ܐ، ܘܡܝܼܬ ܠܹܗ.
15ܘܚܝܹܐ ܠܹܗ ܡܲܗܠܵܠܵܐܹܝܠ ܐܸܫܬܝܼ ܘܚܲܡܸܫ ܫܸܢܹ̈ܐ، ܘܡܘܼܠܸܕ ܠܹܗ ܠܝܲܪܕ. 16ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܝܲܪܕ، ܚܝܹܐ ܠܹܗ ܡܲܗܠܵܠܵܐܹܝܠ ܬܡܵܢܹܡܵܐܐ ܘܬܠܵܬܝܼ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 17ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܡܲܗܠܵܠܵܐܹܝܠ ܬܡܵܢܹܡܵܐܐ ܘܬܸܫܥܝܼ ܘܚܲܡܸܫ ܫܸܢܹ̈ܐ، ܘܡܝܼܬ ܠܹܗ.
18ܘܚܝܹܐ ܠܹܗ ܝܲܪܕ ܐܸܡܵܐܐ ܘܐܸܫܬܝܼ ܘܬܲܪܬܹܝ ܫܸܢܹ̈ܐ، ܘܡܘܼܠܸܕ ܠܹܗ ܠܚܢܘܿܟ݂. 19ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܚܢܘܿܟ݂، ܚܝܹܐ ܠܹܗ ܝܲܪܕ ܬܡܵܢܹܡܵܐܐ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 20ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܝܲܪܕ ܬܫܲܥܡܵܐܐ ܘܐܸܫܬܝܼ ܘܬܲܪܬܹܝ ܫܸܢܹ̈ܐ، ܘܡܝܼܬ ܠܹܗ. 21ܘܚܝܹܐ ܠܹܗ ܚܢܘܿܟ݂ ܐܸܫܬܝܼ ܘܚܲܡܸܫ ܫܸܢܹ̈ܐ، ܘܡܘܼܠܸܕ ܠܹܗ ܠܡܲܬܘܼܫܠܲܚ. 22ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܡܲܬܘܼܫܠܲܚ، ܚܕܝܼܪܹܗ ܚܢܘܿܟ݂ ܥܲܡ ܐܲܠܵܗܵܐ ܬܠܵܬܡܵܐܐ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 23ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܚܢܘܿܟ݂ ܬܠܵܬܡܵܐܐ ܘܐܸܫܬܝܼ ܘܚܲܡܸܫ ܫܸܢܹ̈ܐ. 24ܚܕܝܼܪܹܗ ܚܢܘܿܟ݂ ܥܲܡ ܐܲܠܵܗܵܐ، ܘܠܵܐ ܦܝܼܫ ܠܹܗ ܚܸܙܝܵܐ، ܣܵܒܵܒ ܫܩܝܼܠ ܠܹܗ ܐܲܠܵܗܵܐ.
25ܘܚܝܹܐ ܠܹܗ ܡܲܬܘܼܫܠܲܚ ܐܸܡܵܐܐ ܘܬܡܵܢܝܼ ܘܫܲܒ݂ܥܵܐ ܫܸܢܹ̈ܐ، ܘܡܘܼܠܸܕ ܠܹܗ ܠܠܲܡܟ. 26ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܠܲܡܟ، ܚܝܹܐ ܠܹܗ ܡܲܬܘܼܫܠܲܚ ܫܒܲܥܡܵܐܐ ܘܬܡܵܢܝܼ ܘܬܪܹܝ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 27ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܡܲܬܘܼܫܠܲܚ ܬܫܲܥܡܵܐܐ ܘܐܸܫܬܝܼ ܘܬܫܲܥ ܫܸܢܹ̈ܐ، ܘܡܝܼܬ ܠܹܗ.
28ܘܚܝܹܐ ܠܹܗ ܠܲܡܟ ܐܸܡܵܐܐ ܘܬܡܵܢܝܼ ܘܬܲܪܬܹܝ ܫܸܢܹ̈ܐ، ܘܡܘܼܠܸܕ ܠܹܗ ܒܪܘܿܢܵܐ. 29ܩܪܹܐ ܠܹܗ ܫܸܡܵܐ ܕܒܪܘܿܢܹܗ، ܢܘܿܚ،#5:29 ܫܸܡܵܐ ܕܢܘܿܚ ܩܵܠܹܗ ܒܸܕܡܵܝܵܐ ܝܠܹܗ ܠܚܲܒܪܵܐ ܕܢܝܵܚܵܐ ܒܠܸܫܵܢܵܐ ܥܸܒ݂ܪܵܝܵܐ ܒܹܐܡܵܪܵܐ، ”ܐܵܗܵܐ ܒܸܬ ܡܲܢܝܸܚ ܠܲܢ ܡ̣ܢ ܦܘܼܠܚܵܢܲܢ ܘܡ̣ܢ ܓ̰ܘܼܢܓ̰ܵܪܹ̈ܐ ܕܐܝܼܕܵܬܲܢ̈، ܡ̣ܢ ܐܲܪܥܵܐ ܕܠܝܼܛܵܐ ܝܠܹܗ ܡܵܪܝܵܐ.“ 30ܡ̣ܢ ܒܵܬ݇ܪ ܕܡܘܼܠܸܕ ܠܹܗ ܠܢܘܿܚ، ܚܝܹܐ ܠܹܗ ܠܲܡܟ ܚܲܡܸܫܡܵܐܐ ܘܬܸܫܥܝܼ ܘܚܲܡܸܫ ܫܸܢܹ̈ܐ، ܘܡܘܼܠܸܕ ܠܹܗ ܒܢܘܿܢܹ̈ܐ ܘܒܢܵܬܹ̈ܐ ܐ݇ܚܹܪ̈݇ܢܹܐ. 31ܘܗܘܹܐ ܠܗܘܿܢ ܟܠܲܝܗܝ ܚܲܝܹ̈ܐ ܕܠܲܡܟ ܫܒܲܥܡܵܐܐ، ܘܫܲܒ݂ܥܝܼ ܘܫܒܲܥ ܫܸܢܹ̈ܐ، ܘܡܝܼܬ ܠܹܗ.
32ܘܗܘܹܐ ܠܹܗ ܢܘܿܚ ܒܲܪ ܚܲܡܸܫܡܵܐܐ ܫܸܢܹ̈ܐ، ܘܡܘܼܠܸܕ ܠܹܗ ܠܫܹܝܡ، ܠܚܵܡ، ܘܠܝܲܦ̮ܬ.
Currently Selected:
ܒܪܝܬܐ 5: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
