ܠܘܩܐ 7
7
ܗܲܝܡܵܢܘܼܬܵܐ ܕܪܲܒ ܐܸܡܵܐܐ ܪܗ݇ܘܿܡܵܝܵܐ
ܡܬܝ 8:5‐13؛ ܝܘܚܢܢ 4:43‐54
1ܐܝܼܡܲܢ ܕܦܪܝܼܩ ܠܹܗ ܝܼܫܘܿܥ ܡ̣ܢ ܗܲܡܙܘܼܡܹܐ ܩܵܐ ܥܲܡܵܐ، ܥܒ݂ܝܼܪܹܗ ܠܟܦܲܪܢܵܚܘܿܡ. 2ܘܐܝܼܬ ܗ݇ܘܵܐ ܪܹܓܵܐ ܕܚܲܕ ܪܲܒ ܐܸܡܵܐܐ ܕܡܪܝܼܥܵܐ ܝܗ݇ܘܵܐ ܩܘܼܪܒܵܐ ܠܡܵܘܬܵܐ. ܘܪܲܒ ܐܸܡܵܐܐ ܟܹܐ ܡܲܚܸܒ ܗ݇ܘܵܐ ܠܹܗ ܪܵܒܵܐ. 3ܫܡܝܼܥ ܠܹܗ ܪܲܒ ܐܸܡܵܐܐ ܒܘܼܬ ܝܼܫܘܿܥ، ܘܫܘܼܕܸܪܹܗ ܠܟܸܣ ܠܹܗ ܚܘܵܪ̈ܕܸܩܢܹܐ ܕܝܗܘܼܕܵܝܹ̈ܐ، ܒܸܛܠܵܒܵܐ ܡܸܢܹܗ ܕܐܵܬܹܐ ܘܒܲܣܸܡ ܠܪܹܓܹܗ. 4ܐܲܢܹܐ ܐ݇ܬܹܐ ܠܗܘܿܢ ܠܟܸܣ ܝܼܫܘܿܥ ܘܛܠܝܼܒ ܠܗܘܿܢ ܡܸܢܹܗ ܚܦܝܼܛܵܐܝܼܬ ܘܐ݇ܡܝܼܪܗܘܿܢ، ”ܚܫܝܼܚܵܐ ܝܠܹܗ ܕܥܵܒ݂ܕܹܬ ܐܸܠܹܗ ܐܵܗܵܐ ܫܘܼܠܵܐ، 5”ܣܵܒܵܒ ܟܹܐ ܡܲܚܸܒ ܠܛܵܝܸܦܲܢ، ܘܐܘܼܦ ܒܢܹܐ ܠܹܗ ܐܸܠܲܢ ܚܕܵܐ ܟܢܘܼܫܬܵܐ.“ 6ܘܐ݇ܙܝܼܠ ܠܹܗ ܝܼܫܘܿܥ ܥܲܡܲܝܗܝ.
ܐܝܼܢܵܐ ܗܹܫ ܠܹܐ ܝܗ݇ܘܵܐ ܪܚܝܼܩܵܐ ܡ̣ܢ ܒܲܝܬܵܐ، ܫܘܼܕܸܪܹܗ ܠܟܸܣ ܠܹܗ ܪܲܒ ܐܸܡܵܐܐ ܐ݇ܢܵܫܘܼ̈ܗܝ، ܒܹܐܡܵܪܵܐ، ”ܡܵܪܝܼ، ܠܵܐ ܥܲܓ̰ܸܙ ܓܵܢܘܼܟ݂، ܣܵܒܵܒ ܠܹܐ ܝܘܸܢ ܚܫܝܼܚܵܐ ܕܥܵܒ݂ܪܹܬ ܓܵܘ ܒܲܝܬܝܼ. 7”ܒܘܼܬ ܐܵܗܵܐ ܐܵܢܵܐ ܒܓܵܢܝܼ ܠܵܐ ܐ݇ܬܹܐ ܠܝܼ ܠܟܸܣ ܠܘܼܟ݂، ܐܸܠܵܐ ܐ݇ܡܘܿܪ ܗܹܡܸܙܡܵܢ ܘܒܸܬ ܒܵܣܹܡ ܪܹܓܝܼ. 8”ܣܵܒܵܒ ܐܘܼܦ ܐܵܢܵܐ ܚܲܕ ܐ݇ܢܵܫܵܐ ܝܘܸܢ ܬܚܘܿܬ ܫܘܼܠܛܵܢܵܐ، ܘܐܝܼܬ ܬܚܘܿܬ ܐܝܼܕܝܼ ܕܲܚܫܹ̈ܐ، ܟܹܐ ܐܵܡܪܹܢ ܠܐܵܗܵܐ، ’ܙܹܠ݇، ܘܟܹܐ ܐܵܙܹܠ؛ ܘܠܗ̇ܘ ܐ݇ܚܹܪ݇ܢܵܐ، ’ܬܵܐ،‘ ܘܟܹܐ ܐܵܬܹܐ؛ ܘܠܪܹܓܝܼ، ’ܥܒ݂ܘܿܕ ܐܵܗܵܐ،‘ ܘܟܹܐ ܥܵܒܹܕ.“ 9ܐܝܼܡܲܢ ܕܫܡܝܼܥ ܠܹܗ ܝܼܫܘܿܥ ܐܲܢܹܐ، ܥܘܼܓ̰ܸܒ ܠܹܗ ܒܝܼܹܗ. ܕܝܼܪܹܗ ܘܐ݇ܡܝܼܪܹܗ ܠܟܸܢܫܵܐ ܕܒܹܐܬܵܝܵܐ ܝܗ݇ܘܵܐ ܒܵܬ݇ܪܹܗ، ”ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܐܘܼܦ ܓܵܘ ܝܼܣܪܵܝܹܠ ܠܵܐ ܚܙܹܐ ܠܝܼ ܗܲܝܡܵܢܘܼܬܵܐ ܐܲܝܟ݂ ܕܐܵܗܵܐ.“ 10ܘܕܝܼܪܗܘܿܢ ܠܒܲܝܬܵܐ ܐܵܢܝܼ ܕܝܼܗ݇ܘܵܘ ܫܘܼܕܪܹܐ، ܘܡܘܼܫ݇ܟ̰ܸܚ ܠܗܘܿܢ ܒܣܝܼܡܵܐ ܗ̇ܘ ܪܹܓܵܐ ܕܝܼܗ݇ܘܵܐ ܡܪܝܼܥܵܐ.
ܝܼܫܘܿܥ ܡܲܚܘܼܝܹܐ ܒܪܘܿܢܵܐ ܕܐܲܪܡܸܠܬܵܐ
11ܘܒܝܵܘܡܵܐ ܐ݇ܚܹܪ݇ܢܵܐ، ܒܹܐܙܵܠܵܐ ܝܗ݇ܘܵܐ ܝܼܫܘܿܥ ܠܡܕܝܼܢ݇ܬܵܐ ܫܸܡܘܼܗ̇ ܢܵܐܹܝܢ، ܘܬܲܠܡܝܼܕܘܼ̈ܗܝ ܥܲܡܹܗ، ܘܟܸܢܫܵܐ ܪܵܒܵܐ. 12ܟܲܕ ܩܘܼܪܒܸܢܹܗ ܠܬܲܪܥܵܐ ܕܡܕܝܼܢ݇ܬܵܐ، ܚܙܹܐ ܠܹܗ ܐ݇ܢܵܫܹ̈ܐ ܦܲܠܘܼܛܹܐ ܚܲܕ ܡܝܼܬܵܐ، ܒܪܘܿܢܵܐ ܝܼܚܝܼܕܵܝܵܐ ܠܝܸܡܹܗ، ܗ̇ܝ ܕܐܲܪܡܸܠܬܵܐ ܝܗ݇ܘܵܐ، ܘܟܸܢܫܵܐ ܪܵܒܵܐ ܐܝܼܬ ܗ݇ܘܵܐ ܥܲܡܘܼܗ̇. 13ܐܝܼܡܲܢ ܕܚܸܙܝܵܐ ܠܹܗ ܝܼܫܘܿܥ ܪܘܼܚܸܡ ܠܹܗ ܥܲܠܘܼܗ̇، ܘܐ݇ܡܝܼܪܹܗ ܐܸܠܘܼܗ̇، ”ܠܵܐ ܒܵܟ݂ܝܲܬܝ.“ 14ܐ݇ܙܝܼܠ ܠܹܗ ܘܕܩܝܼܪܹܗ ܒܫܘܝܼܬܵܐ. ܘܐܵܢܝܼ ܕܛܥܝܼܢܘܼܗ̇ ܝܗ݇ܘܵܘ ܟܠܹܐ ܠܗܘܿܢ. ܘܐ݇ܡܝܼܪܹܗ ܝܼܫܘܿܥ، ”ܓ̰ܘܲܢܩܵܐ، ܐܸܠܘܼܟ݂ ܒܹܐܡܵܪܵܐ ܝܘܸܢ، ܩܘܼܡ.“ 15ܘܝ݇ܬܝܼܒ݂ ܠܹܗ ܗ̇ܘ ܡܝܼܬܵܐ، ܘܫܘܼܪܹܐ ܠܹܗ ܠܗܲܡܙܘܼܡܹܐ، ܘܝܘܼܗ݇ܒܸܠ ܠܹܗ ܝܼܫܘܿܥ ܠܝܸܡܹܗ. 16ܕܒ݂ܝܼܩ ܠܵܗ̇ ܙܕܘܼܥܬܵܐ ܠܟܠܲܝܗܝ ܐ݇ܢܵܫܹ̈ܐ، ܘܫܲܒܚܝܼ ܗ݇ܘܵܘ ܠܐܲܠܵܗܵܐ، ܒܹܐܡܵܪܵܐ، ”ܢܒ݂ܝܼܵܐ ܓܘܼܪܵܐ ܩܝܼܡ ܠܹܗ ܓܵܘܲܢ، ܘܣܘܼܚܒܸܪܹܗ ܐܲܠܵܗܵܐ ܠܥܲܡܹܗ.“ 17ܘܦܠܝܼܛ ܠܵܗ̇ ܒܘܼܬ ܕܝܼܹܗ ܐܵܗܵܐ ܗܹܡܸܙܡܵܢ ܒܟܠܵܗ̇ ܝܼܗܘܼܕ ܘܒܟܠܲܝܗܝ ܚܵܕܸܪ̈ܘܵܢܹܐ ܕܐܲܬܪܵܐ.
ܝܘܿܚܲܢܵܢ ܡܲܥܡܕܵܢܵܐ ܫܲܕܘܼܪܹܐ ܬܲܠܡܝܼܕܘܼ̈ܗܝ ܠܟܸܣ ܡܫܝܼܚܵܐ
ܡܬܝ 11:2‐19
18ܗܘܼܩܹܐ ܠܗܘܿܢ ܬܲܠܡܝܼ̈ܕܹܐ ܕܝܘܿܚܲܢܵܢ ܐܸܠܹܗ ܟܠܲܝܗܝ ܐܲܢܹܐ ܕܥܒ݂ܝܼܕܲܝ ܠܹܗ ܝܼܫܘܿܥ. 19ܘܩܪܹܐ ܠܹܗ ܝܘܿܚܲܢܵܢ ܠܬܪܹܝ ܡ̣ܢ ܬܲܠܡܝܼܕܘܼ̈ܗܝ ܘܫܘܼܕܪܲܝ ܠܹܗ ܠܟܸܣ ܝܼܫܘܿܥ ܕܒܲܩܪܝܼ ܠܹܗ، ”ܐܲܢ݇ܬ ܝܼܘܸܬ ܗ̇ܘ ܕܐܵܬܹܐ، ܝܲܢ ܣܵܦܪܲܚ ܠܚܲܕ ܐ݇ܚܹܪ݇ܢܵܐ؟“ 20ܘܐ݇ܬܹܐ ܠܗܘܿܢ ܐܵܢܝܼ ܬܲܠܡܝܼ̈ܕܹܐ ܠܟܸܣ ܝܼܫܘܿܥ ܘܐ݇ܡܝܼܪܗܘܿܢ ܐܸܠܹܗ، ”ܝܘܿܚܲܢܵܢ ܡܲܥܡܕܵܢܵܐ ܩܲܡ ܫܲܕܸܪܲܢ ܠܟܸܣ ܠܘܼܟ݂ ܕܒܲܩܪܲܚ ܠܘܼܟ݂، ’ܐܲܢ݇ܬ ܝܼܘܸܬ ܗ̇ܘ ܕܐܵܬܹܐ ܝܲܢ ܣܵܦܪܲܚ ܠܚܲܕ ܐ݇ܚܹܪ݇ܢܵܐ؟‘“
21ܒܗ̇ܝ ܥܕܵܢܵܐ ܝܼܫܘܿܥ ܒܲܣܘܼܡܹܐ ܝܗ݇ܘܵܐ ܪܵܒܵܐ ܐ݇ܢܵܫܹ̈ܐ ܡ̣ܢ ܡܲܪ̈ܥܹܐ ܘܡ̣ܢ ܡܲܚܘܵܬܹ̈ܐ ܘܡ̣ܢ ܪ̈ܘܼܚܵܬܹܐ ܒܝܼܫܹ̈ܐ، ܘܥܒ݂ܝܼܕ ܠܹܗ ܪܵܒܵܐ ܣܸܡܝܹ̈ܐ ܕܚܵܙܝܼ ܗ݇ܘܵܘ. 22ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ ܠܬܲܠܡܝܼ̈ܕܹܐ ܕܝܘܿܚܲܢܵܢ، ”ܙܹܠ݇ܡܘܼܢ ܘܐ݇ܡܘܿܪܘܼܢ ܠܝܘܿܚܲܢܵܢ ܡܸܢܕܝܼ ܕܚܙܹܐ ܠܵܘܟ݂ܘܿܢ ܘܫܡܝܼܥ ܠܵܘܟ݂ܘܿܢ، ܕܣܸܡܝܹ̈ܐ ܒܸܚܙܵܝܵܐ ܝܢܵܐ، ܫܦܝܼܠܹ̈ܐ ܒܸܚܕܵܪܵܐ ܝܢܵܐ، ܘܓܸܪ̈ܒ݂ܵܢܹܐ ܦܝܵܫܵܐ ܝܢܵܐ ܕܘܼܟ݂ܝܹܐ، ܘܚܲܪ̈ܫܹܐ ܒܸܫܡܵܥܵܐ ܝܢܵܐ، ܘܡܝܼܬܹ̈ܐ ܦܝܵܫܵܐ ܝܢܵܐ ܡܘܼܩܸܡܹܐ، ܘܡܸܣܟܹܢܹ̈ܐ ܦܝܵܫܵܐ ܝܢܵܐ ܡܘܼܟܪܸܙܹܐ.#ܐܫܥܝܐ 35:5‐6، 61:1 23ܛܘܼܒ݂ܵܐ ܠܡ̇ܢ ܕܠܵܐ ܣܵܪܹܒ݂ ܠܝܼ.“
24ܡ̣ܢ ܒܵܬ݇ܪ ܕܐ݇ܙܝܼܠ ܠܗܘܿܢ ܬܲܠܡܝܼ̈ܕܹܐ ܕܝܘܿܚܲܢܵܢ، ܗܘܼܡܙܸܡ ܠܹܗ ܝܼܫܘܿܥ ܠܟܸܢܫܵܐ ܒܘܼܬ ܝܘܿܚܲܢܵܢ ܘܐ݇ܡܝܼܪܹܗ، ”ܡܘܿܕܝܼ ܦܠܝܼܛ ܠܵܘܟ݂ܘܿܢ ܠܒܲܪܝܼܵܐ ܠܸܚܙܵܝܵܐ، ܙܹܠܵܐ ܫܥܝܼܫܵܐ ܒܝܲܕ ܦܵܘܚܵܐ؟ 25”ܝܲܢ ܡܘܿܕܝܼ ܦܠܝܼܛ ܠܵܘܟ݂ܘܿܢ ܠܸܚܙܵܝܵܐ، ܐ݇ܢܵܫܵܐ ܠܒ݂ܝܼܫܵܐ ܓ̰ܘܼܠܹ̈ܐ ܪ̈ܲܟܝܼܟܹܐ؟ ܐܵܢܝܼ ܕܟܹܐ ܠܵܒ݂ܫܝܼ ܓ̰ܘܼܠܹ̈ܐ ܪ̈ܲܟܝܼܟܹܐ ܘܕܝܼܢܵܐ ܓܵܘ ܒܘܼܣܵܡܹ̈ܐ، ܓܵܘ ܒܵܬܹ̈ܐ ܕܡܲܠܟܹ̈ܐ ܝܢܵܐ. 26”ܝܲܢ ܡܘܿܕܝܼ ܦܠܝܼܛ ܠܵܘܟ݂ܘܿܢ ܠܸܚܙܵܝܵܐ، ܢܒ݂ܝܼܵܐ؟ ܗܹܐ، ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܒܘܼܫ ܙܵܘܕܵܐ ܝܠܹܗ ܡ̣ܢ ܢܒ݂ܝܼܵܐ. 27”ܐܵܗܵܐ ܝܠܹܗ ܗ̇ܘ ܕܝܼܠܹܗ ܦܝܼܫܵܐ ܟܬܝܼܒ݂ܵܐ ܒܘܼܬ ܕܝܼܹܗ:
ܗܵܐ ܐܵܢܵܐ ܫܲܕܘܼܪܹܐ ܝܘܸܢ ܐܝܼܙܓܲܕܝܼ ܩܵܕ݇ܡܘܼܟ݂ ܕܗܲܕܸܪ ܐܘܼܪܚܘܼܟ݂ ܩܵܕ݇ܡܘܼܟ݂.#ܡܠܐܟ݂ܝ 3:1
28”ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܠܲܝܬ ܢܒ݂ܝܼܵܐ ܝ݇ܠܝܼܕܵܐ ܡ̣ܢ ܒܲܟ݂ܬܵܐ ܒܘܼܫ ܓܘܼܪܵܐ ܡ̣ܢ ܝܘܿܚܲܢܵܢ ܡܲܥܡܕܵܢܵܐ. ܐܝܼܢܵܐ ܗ̇ܘ ܒܘܼܫ ܙܥܘܿܪܵܐ ܓܵܘ ܡܲܠܟܘܼܬܵܐ ܕܐܲܠܵܗܵܐ ܒܘܼܫ ܓܘܼܪܵܐ ܝܠܹܗ ܡܸܢܹܗ.“
29ܐܝܼܡܲܢ ܕܫܡܝܼܥ ܠܹܗ ܟܠܹܗ ܥܲܡܵܐ، ܐܘܼܦ ܡܵܟ݂ܣܹ̈ܐ، ܡܘܼܕܹܐ ܠܗܘܿܢ ܒܙܲܕܝܼܩܘܼܬܵܐ ܕܐܲܠܵܗܵܐ ܕܥܡܝܼܕܹܐ ܝܗ݇ܘܵܘ ܒܡܲܥܡܘܿܕܝܼܬܵܐ ܕܝܘܿܚܲܢܵܢ. 30ܐܝܼܢܵܐ ܦܪ̈ܝܼܫܹܐ ܘܢܵܡܘܿܣܵܝܹ̈ܐ ܡܘܼܣܠܹܐ ܠܗܘܿܢ ܒܓܵܢܲܝܗܝ ܨܸܒ݂ܝܵܢܵܐ ܕܐܲܠܵܗܵܐ ܕܠܵܐ ܦܝܼܫ ܠܗܘܿܢ ܥܡܝܼܕܹܐ ܡܸܢܹܗ.
31ܘܐ݇ܡܝܼܪܹܗ ܡܵܪܲܢ، ”ܠܡ̇ܢ ܡܲܕܡܹܝܢܗܘܿܢ ܐ݇ܢܵܫܹ̈ܐ ܕܐܵܗܵܐ ܫܲܪܒܬܵܐ، ܘܠܡ̇ܢ ܟܹܐ ܕܵܡܝܼ؟ 32”ܟܹܐ ܕܵܡܝܼ ܠܝܵܠܹ̈ܕ݇ܐ ܝ݇ܬܝܼܒܹܐ ܒܫܘܼܩܵܐ ܘܡܲܩܘܘܼܚܹܐ ܠܚܲܒ݂ܪ̈ܵܘܵܬܲܝܗܝ ܘܒܹܐܡܵܪܵܐ، ’ܙܡܝܼܪܲܢ ܐܸܠܵܘܟ݂ܘܿܢ ܘܠܵܐ ܪܩܝܼܕ ܠܵܘܟ݂ܘܿܢ، ܘܝ݇ܠܹܐ ܠܲܢ ܐܸܠܵܘܟ݂ܘܿܢ ܘܠܵܐ ܒܟܹܐ ܠܵܘܟ݂ܘܿܢ.‘ 33”ܣܵܒܵܒ ܐ݇ܬܹܐ ܠܹܗ ܝܘܿܚܲܢܵܢ ܡܲܥܡܕܵܢܵܐ ܠܵܐ ܒܹܐܟ݂ܵܠܵܐ ܠܲܚܡܵܐ ܘܠܵܐ ܒܸܫܬܵܝܵܐ ܚܲܡܪܵܐ، ܘܒܹܐܡܵܪܵܐ ܝܬܘܿܢ، ’ܫܹܐܕܵܐ ܐܝܼܬ ܒܝܼܹܗ.‘ 34”ܐ݇ܬܹܐ ܠܹܗ ܒܪܘܿܢܵܐ ܕܐ݇ܢܵܫܵܐ ܒܹܐܟ݂ܵܠܵܐ ܘܒܸܫܬܵܝܵܐ، ܘܒܹܐܡܵܪܵܐ ܝܬܘܿܢ، ’ܗܵܐ ܐ݇ܢܵܫܵܐ ܐܵܟ݂ܠܵܢܵܐ ܘܫܵܬܝܵܢܵܐ ܕܚܲܡܪܵܐ، ܘܚܲܒ݂ܪܵܐ ܕܡܵܟ݂ܣܹ̈ܐ ܘܚܲܛܵܝܹ̈ܐ.‘ 35”ܦܝܼܫ ܠܵܗ̇ ܡܘܼܟܫܸܛܬܵܐ ܚܸܟ݂ܡܬܵܐ ܒܟܠܲܝܗܝ ܒܢܘܿܢܘܼ̈ܗ̇.“
ܡܲܪܝܲܡ ܒܸܡܫܵܚܵܐ ܠܝܼܫܘܿܥ
36ܘܛܠܝܼܒ ܠܹܗ ܚܲܕ ܡ̣ܢ ܦܪ̈ܝܼܫܹܐ ܡ̣ܢ ܝܼܫܘܿܥ ܕܐܵܟܹܠ ܗ݇ܘܵܐ ܠܲܚܡܵܐ ܥܲܡܹܗ. ܘܥܒ݂ܝܼܪܹܗ ܠܒܲܝܬܵܐ ܕܗ̇ܘ ܦܪܝܼܫܵܐ ܘܝ݇ܬܝܼܒ݂ ܠܹܗ. 37ܘܝ݇ܕܝܼܥ ܠܵܗ̇ ܚܕܵܐ ܒܲܟ݂ܬܵܐ ܚܲܛܵܝܬܵܐ ܒܗ̇ܝ ܡܕܝܼܢ݇ܬܵܐ ܕܝ݇ܬܝܼܒ݂ܵܐ ܝܗ݇ܘܵܐ ܓܵܘ ܒܲܝܬܵܐ ܕܗ̇ܘ ܦܪܝܼܫܵܐ، ܫܩܝܼܠ ܠܵܗ̇ ܫܵܛܝܼܦܬܵܐ ܕܒܸܣܡܵܐ، 38ܐ݇ܬܹܐ ܠܵܗ̇ ܘܟܠܹܐ ܠܵܗ̇ ܒܵܬ݇ܪ ܚܲܨܹܗ ܠܟܸܣ ܐܲܩܠܵܬܹ̈ܗ ܒܸܒܟ݂ܵܝܵܐ. ܫܘܼܪܹܐ ܠܵܗ̇ ܒܕܸܡܥܘܼ̈ܗ̇ ܡܲܬܪܘܼܝܹܐ ܠܐܲܩܠܵܬܹ̈ܗ، ܘܒܟܵܘܣܘܼܗ̇ ܒܸܡܫܵܝܲܝ، ܘܢܵܫܩܵܐ ܗ݇ܘܵܐ ܠܗܘܿܢ، ܘܡܵܫܚܵܐ ܗ݇ܘܵܐ ܠܗܘܿܢ ܒܒܸܣܡܵܐ.
39ܐܝܼܡܲܢ ܕܚܙܹܐ ܠܹܗ ܗ̇ܘ ܦܪܝܼܫܵܐ ܕܟ̰ܝܼܕܵܐ ܝܗ݇ܘܵܐ ܠܝܼܫܘܿܥ ܐܵܗܵܐ ܡܸܢܕܝܼ ܕܥܒ݂ܝܼܕ ܠܵܗ̇ ܗ̇ܝ ܒܲܟ݂ܬܵܐ، ܐ݇ܡܝܼܪܹܗ ܓܵܘ ܓܵܢܹܗ، ”ܐܸܢ ܐܵܗܵܐ ܐ݇ܢܵܫܵܐ ܗܵܘܹܐ ܗ݇ܘܵܐ ܢܒ݂ܝܼܵܐ، ܒܸܬ ܝܵܕܹܥ ܗ݇ܘܵܐ ܡܵܢܝܼ ܝܠܵܗ̇ ܘܡܘܿܕܝܼ ܒܲܟ݂ܬܵܐ ܝܠܵܗ̇ ܕܕܩܝܼܪܵܗ̇ ܒܝܼܹܗ، ܒܲܟ݂ܬܵܐ ܚܲܛܵܝܬܵܐ ܝܠܵܗ̇.“ 40ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ ܐܸܠܹܗ، ”ܫܸܡܥܘܿܢ، ܒܵܥܹܝܢ ܕܐܵܡܪܹܢܘܼܟ݂ ܚܲܕ ܡܸܢܕܝܼ.“ ܘܐ݇ܡܝܼܪܹܗ ܐܸܠܹܗ، ”ܐ݇ܡܘܿܪ ܪܲܒܝܼ.“ ܐ݇ܡܝܼܪܹܗ ܐܸܠܹܗ ܝܼܫܘܿܥ، 41”ܚܲܕ ܡܵܪܵܐ ܕܕܲܝܢܵܐ ܐܝܼܬ ܗ݇ܘܵܐ ܠܹܗ ܬܪܹܝ ܕܲܝܢܵܢܹ̈ܐ. ܚܲܕ ܡܸܢܲܝܗܝ ܕܲܝܢܵܢܵܐ ܝܗ݇ܘܵܐ ܐܸܠܹܗ ܚܲܡܸܫܡܵܐܐ ܕܝܼܢܵܪܹ̈ܐ، ܘܗ̇ܘ ܐ݇ܚܹܪ݇ܢܵܐ ܚܲܡܫܝܼ ܕܝܼܢܵܪܹ̈ܐ. 42”ܘܠܲܝܬ ܗ݇ܘܵܐ ܠܗܘܿܢ ܡܨܵܝܬܵܐ ܠܸܦܪܵܥܵܐ، ܘܦܘܼܚܸܠ ܠܹܗ ܠܬܸܪܘܲܝܗܝ. ܐ݇ܡܘܿܪ ܐܸܠܝܼ، ܐܲܝܢܝܼ ܡ̣ܢ ܐܲܢܹܐ ܬܪܹܝ ܕܲܝܢܵܢܹ̈ܐ ܒܘܼܫ ܙܵܘܕܵܐ ܒܸܬ ܡܲܚܸܒ ܠܡܵܪܵܐ ܕܕܲܝܢܵܐ؟“ 43ܓ̰ܘܼܘܸܒ ܠܹܗ ܫܸܡܥܘܿܢ ܘܐ݇ܡܝܼܪܹܗ، ”ܒܸܚܫܵܒ݂ܵܐ ܝܘܸܢ ܗ̇ܘ ܕܦܘܼܚܸܠ ܠܹܗ ܐܸܠܹܗ ܙܵܘܕܵܐ.“ ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܒܫܲܪܝܼܪܘܼܬܵܐ ܕܝܼܢܘܼܟ݂.“
44ܦܬܝܼܠ ܠܹܗ ܠܓܹܒܵܐ ܕܒܲܟ݂ܬܵܐ ܘܐ݇ܡܝܼܪܹܗ ܠܫܸܡܥܘܿܢ، ”ܒܸܚܙܵܝܵܐ ܝܘܸܬ ܐܵܗܵܐ ܒܲܟ݂ܬܵܐ؟ ܥܒ݂ܝܼܪܝܼ ܠܒܲܝܬܘܼܟ݂، ܡ̈ܝܼܵܐ ܩܵܐ ܐܲܩܠܵܬܝܼ̈ ܠܵܐ ܝܘܼܗ݇ܒܸܠ ܠܘܼܟ݂. ܐܝܼܢܵܐ ܐܵܗܵܐ ܒܲܟ݂ܬܵܐ ܒܕܸܡܥܘܼ̈ܗ̇ ܡܘܼܬܪܹܐ ܠܵܗ̇ ܐܲܩܠܵܬܝܼ̈، ܘܒܟܵܘܣܘܼܗ̇ ܡܸܫܝܲܝ ܠܵܗ̇. 45”ܐܲܢ݇ܬ ܠܵܐ ܢܫܝܼܩܸܢܘܼܟ݂، ܐܝܼܢܵܐ ܐܵܗܵܐ ܒܲܟ݂ܬܵܐ ܗܵܐ ܡ̣ܢ ܕܥܒ݂ܝܼܪܝܼ ܠܵܐ ܫܠܹܐ ܠܵܗ̇ ܡ̣ܢ ܠܸܢܫܵܩܵܐ ܐܲܩܠܵܬܝܼ̈. 46”ܐܲܢ݇ܬ ܒܡܸܫܚܵܐ ܠܵܐ ܡܫܝܼܚ ܠܘܼܟ݂ ܠܪܹܫܝܼ، ܐܝܼܢܵܐ ܐܵܗܵܐ ܒܲܟ݂ܬܵܐ ܒܡܸܫܚܵܐ ܕܒܸܣܡܵܐ ܡܫܝܼܚ ܠܵܗ̇ ܐܲܩܠܵܬܝܼ̈. 47”ܒܘܼܬ ܐܵܗܵܐ ܒܹܐܡܵܪܵܐ ܝܘܸܢ ܐܸܠܘܼܟ݂ ܕܦܘܼܚܠܹܐ ܝܢܵܐ ܐܸܠܘܼܗ̇ ܚܛܝܼܵܬܘܼ̈ܗ̇ ܪܵܒܵܐ، ܣܵܒܵܒ ܡܘܼܚܸܒ ܠܵܗ̇ ܪܵܒܵܐ. ܐܝܼܢܵܐ ܗ̇ܘ ܕܒܵܨܘܿܪܵܐ ܦܵܐܹܫ ܫܒ݂ܝܼܩܵܐ ܐܸܠܹܗ، ܒܵܨܘܿܪܵܐ ܟܹܐ ܡܲܚܸܒ.“ 48ܘܐ݇ܡܝܼܪܹܗ ܝܼܫܘܿܥ ܠܗ̇ܝ ܒܲܟ݂ܬܵܐ، ”ܦܘܼܚܠܹܐ ܝܢܵܐ ܐܸܠܵܟ݂ܝ ܚܛܝܼܵܬܵܟ݂ܝ̈.“ 49ܐܝܼܢܵܐ ܐܵܢܝܼ ܕܝܼܗ݇ܘܵܘ ܝ݇ܬܝܼܒܹܐ ܥܲܡܹܗ ܫܘܼܪܹܐ ܠܗܘܿܢ ܠܹܐܡܵܪܵܐ ܒܓܵܢܲܝܗܝ، ”ܡܵܢܝܼ ܝܠܹܗ ܐܵܗܵܐ ܕܐܘܼܦ ܚܛܝܼܵܬܹ̈ܐ ܦܲܚܘܼܠܹܐ ܝܠܹܗ؟“ 50ܐ݇ܡܝܼܪܹܗ ܝܼܫܘܿܥ ܠܗ̇ܝ ܒܲܟ݂ܬܵܐ، ”ܗܲܝܡܵܢܘܼܬܵܟ݂ܝ ܩܲܡ ܒܵܣܡܵܐ ܠܵܟ݂ܝ، ܙܹܠ݇ܝ ܒܫܠܵܡܵܐ.“
Currently Selected:
ܠܘܩܐ 7: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܠܘܩܐ 7
7
ܗܲܝܡܵܢܘܼܬܵܐ ܕܪܲܒ ܐܸܡܵܐܐ ܪܗ݇ܘܿܡܵܝܵܐ
ܡܬܝ 8:5‐13؛ ܝܘܚܢܢ 4:43‐54
1ܐܝܼܡܲܢ ܕܦܪܝܼܩ ܠܹܗ ܝܼܫܘܿܥ ܡ̣ܢ ܗܲܡܙܘܼܡܹܐ ܩܵܐ ܥܲܡܵܐ، ܥܒ݂ܝܼܪܹܗ ܠܟܦܲܪܢܵܚܘܿܡ. 2ܘܐܝܼܬ ܗ݇ܘܵܐ ܪܹܓܵܐ ܕܚܲܕ ܪܲܒ ܐܸܡܵܐܐ ܕܡܪܝܼܥܵܐ ܝܗ݇ܘܵܐ ܩܘܼܪܒܵܐ ܠܡܵܘܬܵܐ. ܘܪܲܒ ܐܸܡܵܐܐ ܟܹܐ ܡܲܚܸܒ ܗ݇ܘܵܐ ܠܹܗ ܪܵܒܵܐ. 3ܫܡܝܼܥ ܠܹܗ ܪܲܒ ܐܸܡܵܐܐ ܒܘܼܬ ܝܼܫܘܿܥ، ܘܫܘܼܕܸܪܹܗ ܠܟܸܣ ܠܹܗ ܚܘܵܪ̈ܕܸܩܢܹܐ ܕܝܗܘܼܕܵܝܹ̈ܐ، ܒܸܛܠܵܒܵܐ ܡܸܢܹܗ ܕܐܵܬܹܐ ܘܒܲܣܸܡ ܠܪܹܓܹܗ. 4ܐܲܢܹܐ ܐ݇ܬܹܐ ܠܗܘܿܢ ܠܟܸܣ ܝܼܫܘܿܥ ܘܛܠܝܼܒ ܠܗܘܿܢ ܡܸܢܹܗ ܚܦܝܼܛܵܐܝܼܬ ܘܐ݇ܡܝܼܪܗܘܿܢ، ”ܚܫܝܼܚܵܐ ܝܠܹܗ ܕܥܵܒ݂ܕܹܬ ܐܸܠܹܗ ܐܵܗܵܐ ܫܘܼܠܵܐ، 5”ܣܵܒܵܒ ܟܹܐ ܡܲܚܸܒ ܠܛܵܝܸܦܲܢ، ܘܐܘܼܦ ܒܢܹܐ ܠܹܗ ܐܸܠܲܢ ܚܕܵܐ ܟܢܘܼܫܬܵܐ.“ 6ܘܐ݇ܙܝܼܠ ܠܹܗ ܝܼܫܘܿܥ ܥܲܡܲܝܗܝ.
ܐܝܼܢܵܐ ܗܹܫ ܠܹܐ ܝܗ݇ܘܵܐ ܪܚܝܼܩܵܐ ܡ̣ܢ ܒܲܝܬܵܐ، ܫܘܼܕܸܪܹܗ ܠܟܸܣ ܠܹܗ ܪܲܒ ܐܸܡܵܐܐ ܐ݇ܢܵܫܘܼ̈ܗܝ، ܒܹܐܡܵܪܵܐ، ”ܡܵܪܝܼ، ܠܵܐ ܥܲܓ̰ܸܙ ܓܵܢܘܼܟ݂، ܣܵܒܵܒ ܠܹܐ ܝܘܸܢ ܚܫܝܼܚܵܐ ܕܥܵܒ݂ܪܹܬ ܓܵܘ ܒܲܝܬܝܼ. 7”ܒܘܼܬ ܐܵܗܵܐ ܐܵܢܵܐ ܒܓܵܢܝܼ ܠܵܐ ܐ݇ܬܹܐ ܠܝܼ ܠܟܸܣ ܠܘܼܟ݂، ܐܸܠܵܐ ܐ݇ܡܘܿܪ ܗܹܡܸܙܡܵܢ ܘܒܸܬ ܒܵܣܹܡ ܪܹܓܝܼ. 8”ܣܵܒܵܒ ܐܘܼܦ ܐܵܢܵܐ ܚܲܕ ܐ݇ܢܵܫܵܐ ܝܘܸܢ ܬܚܘܿܬ ܫܘܼܠܛܵܢܵܐ، ܘܐܝܼܬ ܬܚܘܿܬ ܐܝܼܕܝܼ ܕܲܚܫܹ̈ܐ، ܟܹܐ ܐܵܡܪܹܢ ܠܐܵܗܵܐ، ’ܙܹܠ݇، ܘܟܹܐ ܐܵܙܹܠ؛ ܘܠܗ̇ܘ ܐ݇ܚܹܪ݇ܢܵܐ، ’ܬܵܐ،‘ ܘܟܹܐ ܐܵܬܹܐ؛ ܘܠܪܹܓܝܼ، ’ܥܒ݂ܘܿܕ ܐܵܗܵܐ،‘ ܘܟܹܐ ܥܵܒܹܕ.“ 9ܐܝܼܡܲܢ ܕܫܡܝܼܥ ܠܹܗ ܝܼܫܘܿܥ ܐܲܢܹܐ، ܥܘܼܓ̰ܸܒ ܠܹܗ ܒܝܼܹܗ. ܕܝܼܪܹܗ ܘܐ݇ܡܝܼܪܹܗ ܠܟܸܢܫܵܐ ܕܒܹܐܬܵܝܵܐ ܝܗ݇ܘܵܐ ܒܵܬ݇ܪܹܗ، ”ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܐܘܼܦ ܓܵܘ ܝܼܣܪܵܝܹܠ ܠܵܐ ܚܙܹܐ ܠܝܼ ܗܲܝܡܵܢܘܼܬܵܐ ܐܲܝܟ݂ ܕܐܵܗܵܐ.“ 10ܘܕܝܼܪܗܘܿܢ ܠܒܲܝܬܵܐ ܐܵܢܝܼ ܕܝܼܗ݇ܘܵܘ ܫܘܼܕܪܹܐ، ܘܡܘܼܫ݇ܟ̰ܸܚ ܠܗܘܿܢ ܒܣܝܼܡܵܐ ܗ̇ܘ ܪܹܓܵܐ ܕܝܼܗ݇ܘܵܐ ܡܪܝܼܥܵܐ.
ܝܼܫܘܿܥ ܡܲܚܘܼܝܹܐ ܒܪܘܿܢܵܐ ܕܐܲܪܡܸܠܬܵܐ
11ܘܒܝܵܘܡܵܐ ܐ݇ܚܹܪ݇ܢܵܐ، ܒܹܐܙܵܠܵܐ ܝܗ݇ܘܵܐ ܝܼܫܘܿܥ ܠܡܕܝܼܢ݇ܬܵܐ ܫܸܡܘܼܗ̇ ܢܵܐܹܝܢ، ܘܬܲܠܡܝܼܕܘܼ̈ܗܝ ܥܲܡܹܗ، ܘܟܸܢܫܵܐ ܪܵܒܵܐ. 12ܟܲܕ ܩܘܼܪܒܸܢܹܗ ܠܬܲܪܥܵܐ ܕܡܕܝܼܢ݇ܬܵܐ، ܚܙܹܐ ܠܹܗ ܐ݇ܢܵܫܹ̈ܐ ܦܲܠܘܼܛܹܐ ܚܲܕ ܡܝܼܬܵܐ، ܒܪܘܿܢܵܐ ܝܼܚܝܼܕܵܝܵܐ ܠܝܸܡܹܗ، ܗ̇ܝ ܕܐܲܪܡܸܠܬܵܐ ܝܗ݇ܘܵܐ، ܘܟܸܢܫܵܐ ܪܵܒܵܐ ܐܝܼܬ ܗ݇ܘܵܐ ܥܲܡܘܼܗ̇. 13ܐܝܼܡܲܢ ܕܚܸܙܝܵܐ ܠܹܗ ܝܼܫܘܿܥ ܪܘܼܚܸܡ ܠܹܗ ܥܲܠܘܼܗ̇، ܘܐ݇ܡܝܼܪܹܗ ܐܸܠܘܼܗ̇، ”ܠܵܐ ܒܵܟ݂ܝܲܬܝ.“ 14ܐ݇ܙܝܼܠ ܠܹܗ ܘܕܩܝܼܪܹܗ ܒܫܘܝܼܬܵܐ. ܘܐܵܢܝܼ ܕܛܥܝܼܢܘܼܗ̇ ܝܗ݇ܘܵܘ ܟܠܹܐ ܠܗܘܿܢ. ܘܐ݇ܡܝܼܪܹܗ ܝܼܫܘܿܥ، ”ܓ̰ܘܲܢܩܵܐ، ܐܸܠܘܼܟ݂ ܒܹܐܡܵܪܵܐ ܝܘܸܢ، ܩܘܼܡ.“ 15ܘܝ݇ܬܝܼܒ݂ ܠܹܗ ܗ̇ܘ ܡܝܼܬܵܐ، ܘܫܘܼܪܹܐ ܠܹܗ ܠܗܲܡܙܘܼܡܹܐ، ܘܝܘܼܗ݇ܒܸܠ ܠܹܗ ܝܼܫܘܿܥ ܠܝܸܡܹܗ. 16ܕܒ݂ܝܼܩ ܠܵܗ̇ ܙܕܘܼܥܬܵܐ ܠܟܠܲܝܗܝ ܐ݇ܢܵܫܹ̈ܐ، ܘܫܲܒܚܝܼ ܗ݇ܘܵܘ ܠܐܲܠܵܗܵܐ، ܒܹܐܡܵܪܵܐ، ”ܢܒ݂ܝܼܵܐ ܓܘܼܪܵܐ ܩܝܼܡ ܠܹܗ ܓܵܘܲܢ، ܘܣܘܼܚܒܸܪܹܗ ܐܲܠܵܗܵܐ ܠܥܲܡܹܗ.“ 17ܘܦܠܝܼܛ ܠܵܗ̇ ܒܘܼܬ ܕܝܼܹܗ ܐܵܗܵܐ ܗܹܡܸܙܡܵܢ ܒܟܠܵܗ̇ ܝܼܗܘܼܕ ܘܒܟܠܲܝܗܝ ܚܵܕܸܪ̈ܘܵܢܹܐ ܕܐܲܬܪܵܐ.
ܝܘܿܚܲܢܵܢ ܡܲܥܡܕܵܢܵܐ ܫܲܕܘܼܪܹܐ ܬܲܠܡܝܼܕܘܼ̈ܗܝ ܠܟܸܣ ܡܫܝܼܚܵܐ
ܡܬܝ 11:2‐19
18ܗܘܼܩܹܐ ܠܗܘܿܢ ܬܲܠܡܝܼ̈ܕܹܐ ܕܝܘܿܚܲܢܵܢ ܐܸܠܹܗ ܟܠܲܝܗܝ ܐܲܢܹܐ ܕܥܒ݂ܝܼܕܲܝ ܠܹܗ ܝܼܫܘܿܥ. 19ܘܩܪܹܐ ܠܹܗ ܝܘܿܚܲܢܵܢ ܠܬܪܹܝ ܡ̣ܢ ܬܲܠܡܝܼܕܘܼ̈ܗܝ ܘܫܘܼܕܪܲܝ ܠܹܗ ܠܟܸܣ ܝܼܫܘܿܥ ܕܒܲܩܪܝܼ ܠܹܗ، ”ܐܲܢ݇ܬ ܝܼܘܸܬ ܗ̇ܘ ܕܐܵܬܹܐ، ܝܲܢ ܣܵܦܪܲܚ ܠܚܲܕ ܐ݇ܚܹܪ݇ܢܵܐ؟“ 20ܘܐ݇ܬܹܐ ܠܗܘܿܢ ܐܵܢܝܼ ܬܲܠܡܝܼ̈ܕܹܐ ܠܟܸܣ ܝܼܫܘܿܥ ܘܐ݇ܡܝܼܪܗܘܿܢ ܐܸܠܹܗ، ”ܝܘܿܚܲܢܵܢ ܡܲܥܡܕܵܢܵܐ ܩܲܡ ܫܲܕܸܪܲܢ ܠܟܸܣ ܠܘܼܟ݂ ܕܒܲܩܪܲܚ ܠܘܼܟ݂، ’ܐܲܢ݇ܬ ܝܼܘܸܬ ܗ̇ܘ ܕܐܵܬܹܐ ܝܲܢ ܣܵܦܪܲܚ ܠܚܲܕ ܐ݇ܚܹܪ݇ܢܵܐ؟‘“
21ܒܗ̇ܝ ܥܕܵܢܵܐ ܝܼܫܘܿܥ ܒܲܣܘܼܡܹܐ ܝܗ݇ܘܵܐ ܪܵܒܵܐ ܐ݇ܢܵܫܹ̈ܐ ܡ̣ܢ ܡܲܪ̈ܥܹܐ ܘܡ̣ܢ ܡܲܚܘܵܬܹ̈ܐ ܘܡ̣ܢ ܪ̈ܘܼܚܵܬܹܐ ܒܝܼܫܹ̈ܐ، ܘܥܒ݂ܝܼܕ ܠܹܗ ܪܵܒܵܐ ܣܸܡܝܹ̈ܐ ܕܚܵܙܝܼ ܗ݇ܘܵܘ. 22ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ ܠܬܲܠܡܝܼ̈ܕܹܐ ܕܝܘܿܚܲܢܵܢ، ”ܙܹܠ݇ܡܘܼܢ ܘܐ݇ܡܘܿܪܘܼܢ ܠܝܘܿܚܲܢܵܢ ܡܸܢܕܝܼ ܕܚܙܹܐ ܠܵܘܟ݂ܘܿܢ ܘܫܡܝܼܥ ܠܵܘܟ݂ܘܿܢ، ܕܣܸܡܝܹ̈ܐ ܒܸܚܙܵܝܵܐ ܝܢܵܐ، ܫܦܝܼܠܹ̈ܐ ܒܸܚܕܵܪܵܐ ܝܢܵܐ، ܘܓܸܪ̈ܒ݂ܵܢܹܐ ܦܝܵܫܵܐ ܝܢܵܐ ܕܘܼܟ݂ܝܹܐ، ܘܚܲܪ̈ܫܹܐ ܒܸܫܡܵܥܵܐ ܝܢܵܐ، ܘܡܝܼܬܹ̈ܐ ܦܝܵܫܵܐ ܝܢܵܐ ܡܘܼܩܸܡܹܐ، ܘܡܸܣܟܹܢܹ̈ܐ ܦܝܵܫܵܐ ܝܢܵܐ ܡܘܼܟܪܸܙܹܐ.#ܐܫܥܝܐ 35:5‐6، 61:1 23ܛܘܼܒ݂ܵܐ ܠܡ̇ܢ ܕܠܵܐ ܣܵܪܹܒ݂ ܠܝܼ.“
24ܡ̣ܢ ܒܵܬ݇ܪ ܕܐ݇ܙܝܼܠ ܠܗܘܿܢ ܬܲܠܡܝܼ̈ܕܹܐ ܕܝܘܿܚܲܢܵܢ، ܗܘܼܡܙܸܡ ܠܹܗ ܝܼܫܘܿܥ ܠܟܸܢܫܵܐ ܒܘܼܬ ܝܘܿܚܲܢܵܢ ܘܐ݇ܡܝܼܪܹܗ، ”ܡܘܿܕܝܼ ܦܠܝܼܛ ܠܵܘܟ݂ܘܿܢ ܠܒܲܪܝܼܵܐ ܠܸܚܙܵܝܵܐ، ܙܹܠܵܐ ܫܥܝܼܫܵܐ ܒܝܲܕ ܦܵܘܚܵܐ؟ 25”ܝܲܢ ܡܘܿܕܝܼ ܦܠܝܼܛ ܠܵܘܟ݂ܘܿܢ ܠܸܚܙܵܝܵܐ، ܐ݇ܢܵܫܵܐ ܠܒ݂ܝܼܫܵܐ ܓ̰ܘܼܠܹ̈ܐ ܪ̈ܲܟܝܼܟܹܐ؟ ܐܵܢܝܼ ܕܟܹܐ ܠܵܒ݂ܫܝܼ ܓ̰ܘܼܠܹ̈ܐ ܪ̈ܲܟܝܼܟܹܐ ܘܕܝܼܢܵܐ ܓܵܘ ܒܘܼܣܵܡܹ̈ܐ، ܓܵܘ ܒܵܬܹ̈ܐ ܕܡܲܠܟܹ̈ܐ ܝܢܵܐ. 26”ܝܲܢ ܡܘܿܕܝܼ ܦܠܝܼܛ ܠܵܘܟ݂ܘܿܢ ܠܸܚܙܵܝܵܐ، ܢܒ݂ܝܼܵܐ؟ ܗܹܐ، ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܒܘܼܫ ܙܵܘܕܵܐ ܝܠܹܗ ܡ̣ܢ ܢܒ݂ܝܼܵܐ. 27”ܐܵܗܵܐ ܝܠܹܗ ܗ̇ܘ ܕܝܼܠܹܗ ܦܝܼܫܵܐ ܟܬܝܼܒ݂ܵܐ ܒܘܼܬ ܕܝܼܹܗ:
ܗܵܐ ܐܵܢܵܐ ܫܲܕܘܼܪܹܐ ܝܘܸܢ ܐܝܼܙܓܲܕܝܼ ܩܵܕ݇ܡܘܼܟ݂ ܕܗܲܕܸܪ ܐܘܼܪܚܘܼܟ݂ ܩܵܕ݇ܡܘܼܟ݂.#ܡܠܐܟ݂ܝ 3:1
28”ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܠܲܝܬ ܢܒ݂ܝܼܵܐ ܝ݇ܠܝܼܕܵܐ ܡ̣ܢ ܒܲܟ݂ܬܵܐ ܒܘܼܫ ܓܘܼܪܵܐ ܡ̣ܢ ܝܘܿܚܲܢܵܢ ܡܲܥܡܕܵܢܵܐ. ܐܝܼܢܵܐ ܗ̇ܘ ܒܘܼܫ ܙܥܘܿܪܵܐ ܓܵܘ ܡܲܠܟܘܼܬܵܐ ܕܐܲܠܵܗܵܐ ܒܘܼܫ ܓܘܼܪܵܐ ܝܠܹܗ ܡܸܢܹܗ.“
29ܐܝܼܡܲܢ ܕܫܡܝܼܥ ܠܹܗ ܟܠܹܗ ܥܲܡܵܐ، ܐܘܼܦ ܡܵܟ݂ܣܹ̈ܐ، ܡܘܼܕܹܐ ܠܗܘܿܢ ܒܙܲܕܝܼܩܘܼܬܵܐ ܕܐܲܠܵܗܵܐ ܕܥܡܝܼܕܹܐ ܝܗ݇ܘܵܘ ܒܡܲܥܡܘܿܕܝܼܬܵܐ ܕܝܘܿܚܲܢܵܢ. 30ܐܝܼܢܵܐ ܦܪ̈ܝܼܫܹܐ ܘܢܵܡܘܿܣܵܝܹ̈ܐ ܡܘܼܣܠܹܐ ܠܗܘܿܢ ܒܓܵܢܲܝܗܝ ܨܸܒ݂ܝܵܢܵܐ ܕܐܲܠܵܗܵܐ ܕܠܵܐ ܦܝܼܫ ܠܗܘܿܢ ܥܡܝܼܕܹܐ ܡܸܢܹܗ.
31ܘܐ݇ܡܝܼܪܹܗ ܡܵܪܲܢ، ”ܠܡ̇ܢ ܡܲܕܡܹܝܢܗܘܿܢ ܐ݇ܢܵܫܹ̈ܐ ܕܐܵܗܵܐ ܫܲܪܒܬܵܐ، ܘܠܡ̇ܢ ܟܹܐ ܕܵܡܝܼ؟ 32”ܟܹܐ ܕܵܡܝܼ ܠܝܵܠܹ̈ܕ݇ܐ ܝ݇ܬܝܼܒܹܐ ܒܫܘܼܩܵܐ ܘܡܲܩܘܘܼܚܹܐ ܠܚܲܒ݂ܪ̈ܵܘܵܬܲܝܗܝ ܘܒܹܐܡܵܪܵܐ، ’ܙܡܝܼܪܲܢ ܐܸܠܵܘܟ݂ܘܿܢ ܘܠܵܐ ܪܩܝܼܕ ܠܵܘܟ݂ܘܿܢ، ܘܝ݇ܠܹܐ ܠܲܢ ܐܸܠܵܘܟ݂ܘܿܢ ܘܠܵܐ ܒܟܹܐ ܠܵܘܟ݂ܘܿܢ.‘ 33”ܣܵܒܵܒ ܐ݇ܬܹܐ ܠܹܗ ܝܘܿܚܲܢܵܢ ܡܲܥܡܕܵܢܵܐ ܠܵܐ ܒܹܐܟ݂ܵܠܵܐ ܠܲܚܡܵܐ ܘܠܵܐ ܒܸܫܬܵܝܵܐ ܚܲܡܪܵܐ، ܘܒܹܐܡܵܪܵܐ ܝܬܘܿܢ، ’ܫܹܐܕܵܐ ܐܝܼܬ ܒܝܼܹܗ.‘ 34”ܐ݇ܬܹܐ ܠܹܗ ܒܪܘܿܢܵܐ ܕܐ݇ܢܵܫܵܐ ܒܹܐܟ݂ܵܠܵܐ ܘܒܸܫܬܵܝܵܐ، ܘܒܹܐܡܵܪܵܐ ܝܬܘܿܢ، ’ܗܵܐ ܐ݇ܢܵܫܵܐ ܐܵܟ݂ܠܵܢܵܐ ܘܫܵܬܝܵܢܵܐ ܕܚܲܡܪܵܐ، ܘܚܲܒ݂ܪܵܐ ܕܡܵܟ݂ܣܹ̈ܐ ܘܚܲܛܵܝܹ̈ܐ.‘ 35”ܦܝܼܫ ܠܵܗ̇ ܡܘܼܟܫܸܛܬܵܐ ܚܸܟ݂ܡܬܵܐ ܒܟܠܲܝܗܝ ܒܢܘܿܢܘܼ̈ܗ̇.“
ܡܲܪܝܲܡ ܒܸܡܫܵܚܵܐ ܠܝܼܫܘܿܥ
36ܘܛܠܝܼܒ ܠܹܗ ܚܲܕ ܡ̣ܢ ܦܪ̈ܝܼܫܹܐ ܡ̣ܢ ܝܼܫܘܿܥ ܕܐܵܟܹܠ ܗ݇ܘܵܐ ܠܲܚܡܵܐ ܥܲܡܹܗ. ܘܥܒ݂ܝܼܪܹܗ ܠܒܲܝܬܵܐ ܕܗ̇ܘ ܦܪܝܼܫܵܐ ܘܝ݇ܬܝܼܒ݂ ܠܹܗ. 37ܘܝ݇ܕܝܼܥ ܠܵܗ̇ ܚܕܵܐ ܒܲܟ݂ܬܵܐ ܚܲܛܵܝܬܵܐ ܒܗ̇ܝ ܡܕܝܼܢ݇ܬܵܐ ܕܝ݇ܬܝܼܒ݂ܵܐ ܝܗ݇ܘܵܐ ܓܵܘ ܒܲܝܬܵܐ ܕܗ̇ܘ ܦܪܝܼܫܵܐ، ܫܩܝܼܠ ܠܵܗ̇ ܫܵܛܝܼܦܬܵܐ ܕܒܸܣܡܵܐ، 38ܐ݇ܬܹܐ ܠܵܗ̇ ܘܟܠܹܐ ܠܵܗ̇ ܒܵܬ݇ܪ ܚܲܨܹܗ ܠܟܸܣ ܐܲܩܠܵܬܹ̈ܗ ܒܸܒܟ݂ܵܝܵܐ. ܫܘܼܪܹܐ ܠܵܗ̇ ܒܕܸܡܥܘܼ̈ܗ̇ ܡܲܬܪܘܼܝܹܐ ܠܐܲܩܠܵܬܹ̈ܗ، ܘܒܟܵܘܣܘܼܗ̇ ܒܸܡܫܵܝܲܝ، ܘܢܵܫܩܵܐ ܗ݇ܘܵܐ ܠܗܘܿܢ، ܘܡܵܫܚܵܐ ܗ݇ܘܵܐ ܠܗܘܿܢ ܒܒܸܣܡܵܐ.
39ܐܝܼܡܲܢ ܕܚܙܹܐ ܠܹܗ ܗ̇ܘ ܦܪܝܼܫܵܐ ܕܟ̰ܝܼܕܵܐ ܝܗ݇ܘܵܐ ܠܝܼܫܘܿܥ ܐܵܗܵܐ ܡܸܢܕܝܼ ܕܥܒ݂ܝܼܕ ܠܵܗ̇ ܗ̇ܝ ܒܲܟ݂ܬܵܐ، ܐ݇ܡܝܼܪܹܗ ܓܵܘ ܓܵܢܹܗ، ”ܐܸܢ ܐܵܗܵܐ ܐ݇ܢܵܫܵܐ ܗܵܘܹܐ ܗ݇ܘܵܐ ܢܒ݂ܝܼܵܐ، ܒܸܬ ܝܵܕܹܥ ܗ݇ܘܵܐ ܡܵܢܝܼ ܝܠܵܗ̇ ܘܡܘܿܕܝܼ ܒܲܟ݂ܬܵܐ ܝܠܵܗ̇ ܕܕܩܝܼܪܵܗ̇ ܒܝܼܹܗ، ܒܲܟ݂ܬܵܐ ܚܲܛܵܝܬܵܐ ܝܠܵܗ̇.“ 40ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ ܐܸܠܹܗ، ”ܫܸܡܥܘܿܢ، ܒܵܥܹܝܢ ܕܐܵܡܪܹܢܘܼܟ݂ ܚܲܕ ܡܸܢܕܝܼ.“ ܘܐ݇ܡܝܼܪܹܗ ܐܸܠܹܗ، ”ܐ݇ܡܘܿܪ ܪܲܒܝܼ.“ ܐ݇ܡܝܼܪܹܗ ܐܸܠܹܗ ܝܼܫܘܿܥ، 41”ܚܲܕ ܡܵܪܵܐ ܕܕܲܝܢܵܐ ܐܝܼܬ ܗ݇ܘܵܐ ܠܹܗ ܬܪܹܝ ܕܲܝܢܵܢܹ̈ܐ. ܚܲܕ ܡܸܢܲܝܗܝ ܕܲܝܢܵܢܵܐ ܝܗ݇ܘܵܐ ܐܸܠܹܗ ܚܲܡܸܫܡܵܐܐ ܕܝܼܢܵܪܹ̈ܐ، ܘܗ̇ܘ ܐ݇ܚܹܪ݇ܢܵܐ ܚܲܡܫܝܼ ܕܝܼܢܵܪܹ̈ܐ. 42”ܘܠܲܝܬ ܗ݇ܘܵܐ ܠܗܘܿܢ ܡܨܵܝܬܵܐ ܠܸܦܪܵܥܵܐ، ܘܦܘܼܚܸܠ ܠܹܗ ܠܬܸܪܘܲܝܗܝ. ܐ݇ܡܘܿܪ ܐܸܠܝܼ، ܐܲܝܢܝܼ ܡ̣ܢ ܐܲܢܹܐ ܬܪܹܝ ܕܲܝܢܵܢܹ̈ܐ ܒܘܼܫ ܙܵܘܕܵܐ ܒܸܬ ܡܲܚܸܒ ܠܡܵܪܵܐ ܕܕܲܝܢܵܐ؟“ 43ܓ̰ܘܼܘܸܒ ܠܹܗ ܫܸܡܥܘܿܢ ܘܐ݇ܡܝܼܪܹܗ، ”ܒܸܚܫܵܒ݂ܵܐ ܝܘܸܢ ܗ̇ܘ ܕܦܘܼܚܸܠ ܠܹܗ ܐܸܠܹܗ ܙܵܘܕܵܐ.“ ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܒܫܲܪܝܼܪܘܼܬܵܐ ܕܝܼܢܘܼܟ݂.“
44ܦܬܝܼܠ ܠܹܗ ܠܓܹܒܵܐ ܕܒܲܟ݂ܬܵܐ ܘܐ݇ܡܝܼܪܹܗ ܠܫܸܡܥܘܿܢ، ”ܒܸܚܙܵܝܵܐ ܝܘܸܬ ܐܵܗܵܐ ܒܲܟ݂ܬܵܐ؟ ܥܒ݂ܝܼܪܝܼ ܠܒܲܝܬܘܼܟ݂، ܡ̈ܝܼܵܐ ܩܵܐ ܐܲܩܠܵܬܝܼ̈ ܠܵܐ ܝܘܼܗ݇ܒܸܠ ܠܘܼܟ݂. ܐܝܼܢܵܐ ܐܵܗܵܐ ܒܲܟ݂ܬܵܐ ܒܕܸܡܥܘܼ̈ܗ̇ ܡܘܼܬܪܹܐ ܠܵܗ̇ ܐܲܩܠܵܬܝܼ̈، ܘܒܟܵܘܣܘܼܗ̇ ܡܸܫܝܲܝ ܠܵܗ̇. 45”ܐܲܢ݇ܬ ܠܵܐ ܢܫܝܼܩܸܢܘܼܟ݂، ܐܝܼܢܵܐ ܐܵܗܵܐ ܒܲܟ݂ܬܵܐ ܗܵܐ ܡ̣ܢ ܕܥܒ݂ܝܼܪܝܼ ܠܵܐ ܫܠܹܐ ܠܵܗ̇ ܡ̣ܢ ܠܸܢܫܵܩܵܐ ܐܲܩܠܵܬܝܼ̈. 46”ܐܲܢ݇ܬ ܒܡܸܫܚܵܐ ܠܵܐ ܡܫܝܼܚ ܠܘܼܟ݂ ܠܪܹܫܝܼ، ܐܝܼܢܵܐ ܐܵܗܵܐ ܒܲܟ݂ܬܵܐ ܒܡܸܫܚܵܐ ܕܒܸܣܡܵܐ ܡܫܝܼܚ ܠܵܗ̇ ܐܲܩܠܵܬܝܼ̈. 47”ܒܘܼܬ ܐܵܗܵܐ ܒܹܐܡܵܪܵܐ ܝܘܸܢ ܐܸܠܘܼܟ݂ ܕܦܘܼܚܠܹܐ ܝܢܵܐ ܐܸܠܘܼܗ̇ ܚܛܝܼܵܬܘܼ̈ܗ̇ ܪܵܒܵܐ، ܣܵܒܵܒ ܡܘܼܚܸܒ ܠܵܗ̇ ܪܵܒܵܐ. ܐܝܼܢܵܐ ܗ̇ܘ ܕܒܵܨܘܿܪܵܐ ܦܵܐܹܫ ܫܒ݂ܝܼܩܵܐ ܐܸܠܹܗ، ܒܵܨܘܿܪܵܐ ܟܹܐ ܡܲܚܸܒ.“ 48ܘܐ݇ܡܝܼܪܹܗ ܝܼܫܘܿܥ ܠܗ̇ܝ ܒܲܟ݂ܬܵܐ، ”ܦܘܼܚܠܹܐ ܝܢܵܐ ܐܸܠܵܟ݂ܝ ܚܛܝܼܵܬܵܟ݂ܝ̈.“ 49ܐܝܼܢܵܐ ܐܵܢܝܼ ܕܝܼܗ݇ܘܵܘ ܝ݇ܬܝܼܒܹܐ ܥܲܡܹܗ ܫܘܼܪܹܐ ܠܗܘܿܢ ܠܹܐܡܵܪܵܐ ܒܓܵܢܲܝܗܝ، ”ܡܵܢܝܼ ܝܠܹܗ ܐܵܗܵܐ ܕܐܘܼܦ ܚܛܝܼܵܬܹ̈ܐ ܦܲܚܘܼܠܹܐ ܝܠܹܗ؟“ 50ܐ݇ܡܝܼܪܹܗ ܝܼܫܘܿܥ ܠܗ̇ܝ ܒܲܟ݂ܬܵܐ، ”ܗܲܝܡܵܢܘܼܬܵܟ݂ܝ ܩܲܡ ܒܵܣܡܵܐ ܠܵܟ݂ܝ، ܙܹܠ݇ܝ ܒܫܠܵܡܵܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation