ܠܘܩܐ 9
9
ܫܵܕܲܪܬܵܐ ܕܬܪܸܥܣܲܪܬܲܠܡܝܼ̈ܕܹܐ ܠܡܲܟܪܘܼܙܹܐ
ܡܬܝ 10:5‐15؛ ܡܪܩܘܣ 6:7‐13
1ܩܪܹܐ ܠܹܗ ܝܼܫܘܿܥ ܠܬܪܸܥܣܲܪ ܬܲܠܡܝܼܕܘܼ̈ܗܝ ܘܝܘܼܗ݇ܒܸܠ ܠܹܗ ܐܸܠܲܝܗܝ ܚܲܝܠܵܐ ܘܫܘܼܠܛܵܢܵܐ ܥܲܠ ܟܠܲܝܗܝ ܫܹܐܕܹ̈ܐ ܘܠܒܲܣܘܼܡܹܐ ܡܲܪ̈ܥܹܐ. 2ܫܘܼܕܪܲܝ ܠܹܗ ܠܡܲܟܪܘܼܙܹܐ ܡܲܠܟܘܼܬܵܐ ܕܐܲܠܵܗܵܐ ܘܠܒܲܣܘܼܡܹܐ ܡܪ̈ܝܼܥܹܐ. 3ܘܐ݇ܡܝܼܪܹܗ ܐܸܠܲܝܗܝ، ”ܡܸܢܕܝܼ ܠܵܐ ܫܵܩܠܝܼܬܘܿܢ ܒܐܘܼܪܚܵܐ، ܠܵܐ ܚܘܼܛܪܵܐ، ܘܠܵܐ ܬܲܪܡܵܠܵܐ، ܘܠܵܐ ܠܲܚܡܵܐ ܘܠܵܐ ܙܘܼܙܹ̈ܐ، ܘܠܵܐ ܗܵܘܹܐ ܠܵܘܟ݂ܘܿܢ ܬܲܪܬܹܝ ܨܘܼܕܪ̈ܵܬܹܐ. 4”ܘܠܒܲܝܬܵܐ ܕܥܵܒ݂ܪܝܼܬܘܿܢ ܓܵܘܹܗ، ܦܘܼܫܘܼܢ ܬܵܡܵܐ، ܗܲܠ ܕܦܵܠܛܝܼܬܘܿܢ ܡ̣ܢ ܬܵܡܵܐ. 5”ܘܐܸܢ ܐ݇ܢܵܫܹ̈ܐ ܠܵܐ ܩܲܒܠܝܼ ܠܵܘܟ݂ܘܿܢ، ܐܝܼܡܲܢ ܕܦܵܠܛܝܼܬܘܿܢ ܡ̣ܢ ܗ̇ܝ ܡܕܝܼܢ݇ܬܵܐ، ܐܘܼܦ ܬܵܘܙ ܡ̣ܢ ܐܲܩܠܵܬܵܘ̈ܟ݂ܘܿܢ ܢܵܦܨܝܼܬܘܿܢ ܠܵܗ̇ ܠܣܵܗܕܘܼܬܵܐ ܥܲܠܲܝܗܝ.“ 6ܘܦܠܝܼܛ ܠܗܘܿܢ ܫܠܝܼܚܹ̈ܐ، ܒܸܚܕܵܪܵܐ ܡ̣ܢ ܡܵܬܵܐ ܠܡܵܬܵܐ، ܡܲܟܪܘܼܙܹܐ ܘܒܲܣܘܼܡܹܐ ܒܟܠ ܕܘܼܟܵܐ.
ܗܹܪܘܿܕܸܣ ܒܸܫܓ݂ܵܫܵܐ
ܡܬܝ 14:1‐12؛ ܡܪܩܘܣ 6:14‐29
7ܐܝܼܡܲܢ ܕܫܡܝܼܥ ܠܹܗ ܗܹܪܘܿܕܸܣ ܛܸܛܪܲܪܟܵܐ ܟܠܲܝܗܝ ܐܲܢܹܐ، ܫܓ݂ܝܼܫ ܠܗܘܿܢ ܚܘܼܫܵܒ݂ܘܼ̈ܗܝ ܣܵܒܵܒ ܐ݇ܢܵܫܹ̈ܐ ܐܵܡܪܝܼ ܗ݇ܘܵܘ، ”ܐܵܗܵܐ ܝܘܿܚܲܢܵܢ ܝܼܠܹܗ، ܩܝܼܡܵܐ ܝܠܹܗ ܡ̣ܢ ܓܵܘ ܡܝܼܬܹ̈ܐ.“ 8ܘܐ݇ܚܹܪ̈݇ܢܹܐ ܐܵܡܪܝܼ ܗ݇ܘܵܘ ܕܐܹܠܝܼܵܐ ܦܝܼܫ ܠܹܗ ܚܸܙܝܵܐ، ܘܐ݇ܚܹܪ̈݇ܢܹܐ ܐܵܡܪܝܼ ܗ݇ܘܵܘ، ܐܵܗܵܐ ܝܠܹܗ ܢܒ݂ܝܼܵܐ ܡ̣ܢ ܢܒ݂ܝܼܹ̈ܐ ܩܲܕ݇ܡܵܝܹ̈ܐ ܕܩܝܼܡܵܐ ܝܠܹܗ ܡ̣ܢ ܓܵܘ ܡܝܼܬܹ̈ܐ. 9ܐ݇ܡܝܼܪܹܗ ܗܹܪܘܿܕܸܣ، ”ܪܹܫܵܐ ܕܝܘܿܚܲܢܵܢ ܐܵܢܵܐ ܦܪܝܼܡ ܠܝܼ، ܘܡܵܢܝܼ ܝܠܹܗ ܐܵܗܵܐ ܕܒܸܫܡܵܥܲܝ ܝܘܸܢ ܐܲܢܹܐ ܒܘܼܬ ܕܝܼܹܗ؟“ ܘܒܵܥܹܐ ܗ݇ܘܵܐ ܕܚܵܙܹܐ ܗ݇ܘܵܐ ܠܹܗ.
ܬܲܪܣܵܝܬܵܐ ܕܚܲܡܫܵܐ ܐܲܠܦܹ̈ܐ
ܡܬܝ 14:13‐21؛ ܡܪܩܘܣ 6:30‐44؛ ܝܘܚܢܢ 6:1‐14
10ܘܕܝܼܪܗܘܿܢ ܫܠܝܼܚܹ̈ܐ ܘܗܘܼܩܹܐ ܠܗܘܿܢ ܠܝܼܫܘܿܥ ܟܠ ܡܸܢܕܝܼ ܕܥܒ݂ܝܼܕ ܠܗܘܿܢ. ܘܠܘܼܒܠܲܝ ܠܹܗ ܝܼܫܘܿܥ ܒܢܲܦ̮ܫܲܝܗܝ ܠܚܕܵܐ ܡܕܝܼܢ݇ܬܵܐ ܕܟܹܐ ܦܵܝܫܵܐ ܩܪܝܼܬܵܐ ܒܹܝܬ ܨܲܝܵܕܵܐ. 11ܝ݇ܕܝܼܥ ܠܗܘܿܢ ܟܸܢܫܹ̈ܐ ܘܐ݇ܙܝܼܠ ܠܗܘܿܢ ܒܵܬ݇ܪܹܗ. ܘܩܘܼܒܠܲܝ ܠܹܗ، ܘܗܲܡܙܸܡ ܗ݇ܘܵܐ ܥܲܡܲܝܗܝ ܒܘܼܬ ܡܲܠܟܘܼܬܵܐ ܕܐܲܠܵܗܵܐ. ܘܐܵܢܝܼ ܕܝܼܗ݇ܘܵܘ ܣܢܝܼܩܹܐ ܠܒܵܣܲܡܬܵܐ ܒܘܼܣܡܲܝ ܠܹܗ.
12ܘܟܲܕ ܩܘܼܪܒܸܢܹܗ ܝܵܘܡܵܐ ܠܸܓܢܵܝܵܐ، ܐ݇ܬܹܐ ܠܗܘܿܢ ܬܪܸܥܣܲܪ ܬܲܠܡܝܼܕܘܼ̈ܗܝ ܘܐ݇ܡܝܼܪܗܘܿܢ ܠܝܼܫܘܿܥ، ”ܫܪܝܼ ܠܟܸܢܫܹ̈ܐ ܕܐܵܙܠ݇ܝܼ ܠܡܵܬܘܵܬܹ̈ܐ ܘܠܟܲܦܪ̈ܘܿܢܹܐ ܕܚܵܕܸܪ̈ܘܵܢܲܢ، ܕܫܵܪܝܼ ܓܵܘܲܝܗܝ، ܘܡܲܫ݇ܟ̰ܚܝܼ ܠܗܘܿܢ ܡܹܐܟ݂ܘܼܠܬܵܐ، ܣܵܒܵܒ ܒܕܘܼܟܵܐ ܒܲܪܝܼܵܐ ܝܘܲܚ.“ 13ܐ݇ܡܝܼܪܹܗ ܐܸܠܲܝܗܝ ܝܼܫܘܿܥ، ”ܗܲܒ݂݇ܠܘܼܢ ܠܗܘܿܢ ܐܲܚܬܘܿܢ ܡܹܐܟ݂ܘܼܠܬܵܐ.“ ܘܐܵܢܝܼ ܓ̰ܘܼܘܸܒ ܠܗܘܿܢ، ”ܠܲܝܬ ܠܲܢ ܙܵܘܕܵܐ ܡ̣ܢ ܚܲܡܫܵܐ ܠܲܚܡܹ̈ܐ ܘܬܲܪܬܹܝ ܢܘܼܢܹ̈ܐ، ܐܸܠܵܐ ܕܐܵܙܲܠ݇ܚ ܘܙܵܒ݂ܢܲܚ ܡܹܐܟ݂ܘܼܠܬܵܐ ܩܵܐ ܟܠܹܗ ܐܵܗܵܐ ܛܵܝܸܦܵܐ.“ 14ܐܝܼܬ ܗ݇ܘܵܐ ܬܵܡܵܐ ܡܐܲܝܟ݂ ܚܲܡܫܵܐ ܐܲܠܦܹ̈ܐ ܐ݇ܢܵܫܹ̈ܐ، ܘܐ݇ܡܝܼܪܹܗ ܠܬܲܠܡܝܼܕܘܼ̈ܗܝ، ”ܡܲܬܒ݂ܘܼܢ ܠܗܘܿܢ ܒܣܝܼܥܵܬܹ̈ܐ، ܚܲܡܫܝܼ ܒܟܠ ܣܝܼܥܬܵܐ.“ 15ܘܥܒ݂ܝܼܕ ܠܗܘܿܢ ܗܲܕܟ݂ܵܐ ܬܲܠܡܝܼ̈ܕܹܐ، ܘܡܘܼܬܸܒ݂ ܠܗܘܿܢ ܠܟܠܲܝܗܝ. 16ܘܫܩܝܼܠ ܠܹܗ ܝܼܫܘܿܥ ܐܵܢܝܼ ܚܲܡܫܵܐ ܠܲܚܡܹ̈ܐ ܘܬܲܪܬܹܝ ܢܘܼܢܹ̈ܐ، ܚܝܼܪܹܗ ܠܫܡܲܝܵܐ ܘܒܘܼܪܸܟ݂ ܠܹܗ ܘܩܨܹܐ ܠܹܗ ܘܝܘܼܗ݇ܒܸܠ ܠܹܗ ܠܬܲܠܡܝܼܕܘܼ̈ܗܝ، ܘܐܵܢܝܼ ܡܘܼܬܸܒ݂ ܠܗܘܿܢ ܩܵܕ݇ܡ ܟܸܢܫܹ̈ܐ. 17ܘܐ݇ܟ݂ܝܼܠ ܠܗܘܿܢ ܟܠܲܝܗܝ ܘܣܒ݂ܝܼܥ ܠܗܘܿܢ، ܘܫܩܝܼܠ ܠܗܘܿܢ ܩܸܛܥܵܛܹ̈ܐ ܕܙܝܼܕ ܠܗܘܿܢ، ܬܪܸܥܣܲܪ ܩܘܼܦܹ̈ܐ.
ܡܵܘܕܵܝܬܵܐ ܕܫܸܡܥܘܿܢ ܟܹܐܦܵܐ
ܡܬܝ 16:13‐19؛ ܡܪܩܘܣ 8:27‐29
18ܗܘܹܐ ܠܵܗ̇ ܟܲܕ ܨܲܠܘܼܝܹܐ ܝܗ݇ܘܵܐ ܝܼܫܘܿܥ ܒܢܲܦ̮ܫܹܗ، ܐ݇ܬܹܐ ܠܗܘܿܢ ܠܟܸܣ ܠܹܗ ܬܲܠܡܝܼܕܘܼ̈ܗܝ. ܒܘܼܩܸܪܹܗ ܡܸܢܲܝܗܝ، ”ܡܵܢܝܼ ܟܹܐ ܐܵܡܪܝܼ ܟܸܢܫܹ̈ܐ ܕܐܵܢܵܐ ܝܼܘܸܢ؟“ 19ܓ̰ܘܼܘܸܒ ܠܗܘܿܢ ܘܐ݇ܡܝܼܪܗܘܿܢ، ”ܟܹܐ ܐܵܡܪܝܼ ܕܐܲܢ݇ܬ ܝܼܘܸܬ ܝܘܿܚܲܢܵܢ ܡܲܥܡܕܵܢܵܐ، ܘܐ݇ܚܹܪ̈݇ܢܹܐ ܟܹܐ ܐܵܡܪܝܼ ܐܹܠܝܼܵܐ ܝܘܸܬ، ܘܐ݇ܚܹܪ̈݇ܢܹܐ ܟܹܐ ܐܵܡܪܝܼ ܚܲܕ ܡ̣ܢ ܢܒ݂ܝܼܹ̈ܐ ܩܲܕ݇ܡܵܝܹ̈ܐ ܩܝܼܡܵܐ ܝܠܹܗ.“ 20ܐܝܼܢܵܐ ܗ̇ܘ ܒܘܼܩܸܪܹܗ ܡܸܢܲܝܗܝ، ”ܘܐܲܚܬܘܿܢ، ܡܵܢܝܼ ܒܹܐܡܵܪܵܐ ܝܬܘܿܢ ܕܐܵܢܵܐ ܝܼܘܸܢ؟“ ܓ̰ܘܼܘܸܒ ܠܹܗ ܫܸܡܥܘܿܢ ܟܹܐܦܵܐ ܘܐ݇ܡܝܼܪܹܗ، ”ܐܲܢ݇ܬ ܝܼܘܸܬ ܡܫܝܼܚܵܐ ܕܐܲܠܵܗܵܐ.“ 21ܐܝܼܢܵܐ ܝܼܫܘܿܥ ܦܩܝܼܕܲܝ ܠܹܗ ܕܠܐ݇ܢܵܫܵܐ ܠܵܐ ܐܵܡܪܝܼ.
ܝܼܫܘܿܥ ܡܲܚܒܘܼܪܹܐ ܒܘܼܬ ܡܵܘܬܹܗ ܘܩܝܵܡܬܹܗ
ܡܬܝ 16:21‐28؛ ܡܪܩܘܣ 8:30–9:1
22ܐ݇ܡܝܼܪܹܗ ܝܼܫܘܿܥ ܠܬܲܠܡܝܼܕܘܼ̈ܗܝ، ”ܐܵܢܲܢܩܵܝܬܵܐ ܝܠܵܗ̇ ܕܒܪܘܿܢܵܐ ܕܐ݇ܢܵܫܵܐ ܩܲܒܸܠ ܪܵܒܵܐ ܚܲܫܵܐ ܘܦܵܐܹܫ ܡܘܼܣܠܝܼܵܐ ܡ̣ܢ ܚܘܵܪ̈ܕܸܩܢܹܐ ܘܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ. ܒܸܬ ܩܵܛܠܝܼ ܠܹܗ ܘܒܝܵܘܡܵܐ ܕܬܠܵܬܵܐ ܒܸܬ ܩܵܐܹܡ.“
ܣܪܵܒ݂ܬܵܐ ܕܓܵܢܵܐ ܘܫܩܵܠܬܵܐ ܕܙܩܝܼܦܵܐ
ܡܬܝ 16:24‐27؛ ܡܪܩܘܣ 8:34‐38
23ܘܐ݇ܡܝܼܪܹܗ ܠܟܠܲܝܗܝ، ”ܡ̇ܢ ܕܒܵܥܹܐ ܐܵܬܹܐ ܒܵܬ݇ܪܝܼ، ܣܵܪܹܒ݂ ܓܵܢܹܗ، ܘܫܵܩܹܠ ܙܩܝܼܦܹܗ ܝܵܘܡܵܐܝܼܬ ܘܐܵܬܹܐ ܒܵܬ݇ܪܝܼ. 24”ܣܵܒܵܒ ܡ̇ܢ ܕܒܵܥܹܐ ܦܲܪܸܩ ܓܵܢܹܗ ܒܸܬ ܛܲܠܸܩ ܠܵܗ̇، ܐܝܼܢܵܐ ܡ̇ܢ ܕܛܲܠܸܩ ܓܵܢܹܗ ܒܘܼܬ ܕܝܼܝܼ، ܗ̇ܘ ܒܸܬ ܦܲܪܸܩ ܠܵܗ̇. 25”ܣܵܒܵܒ ܡܘܿܕܝܼ ܝܘܼܬܪܵܢܵܐ ܐܝܼܬ ܠܒܲܪܢܵܫܵܐ ܐܸܢ ܩܵܢܹܐ ܠܹܗ ܟܠܵܗ̇ ܕܘܼܢܝܹܐ ܐܝܼܢܵܐ ܓܵܢܹܗ ܛܲܠܸܩ ܠܵܗ̇ ܝܲܢ ܚܵܣܹܪܵܗ̇؟ 26”ܡ̇ܢ ܕܢܵܟܹܦ ܒܝܼܝܼ ܘܒܗܹܡܸܙܡܵܢܝܼ̈، ܒܸܬ ܢܵܟܹܦ ܒܝܼܹܗ ܒܪܘܿܢܵܐ ܕܐ݇ܢܵܫܵܐ ܐܝܼܡܲܢ ܕܐܵܬܹܐ ܒܫܘܼܒ݂ܚܵܐ ܕܒܵܒܘܼܗܝ، ܥܲܡ ܡܲܠܲܐܟ݂ܘܼ̈ܗܝ ܩܲܕܝܼܫܹ̈ܐ. 27”ܫܲܪܝܼܪܵܐܝܼܬ ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܕܐܝܼܬ ܐ݇ܢܵܫܹ̈ܐ ܟܸܠܝܹܐ ܠܐܲܟ݂ܵܐ ܕܠܹܐ ܚܵܙܝܼ ܡܵܘܬܵܐ ܗܲܠ ܕܚܵܙܝܼ ܡܲܠܟܘܼܬܵܐ ܕܐܲܠܵܗܵܐ.“
ܫܘܼܚܠܵܦܵܐ ܕܝܼܫܘܿܥܥܲܠ ܛܘܼܪܵܐ
ܡܬܝ 17:1‐8؛ ܡܪܩܘܣ 9:2‐8
28ܐܲܝܟ݂ ܬܡܵܢܝܵܐ ܝܵܘܡܵܢܹ̈ܐ ܡ̣ܢ ܒܵܬ݇ܪ ܐܲܢܹܐ ܗܹܡܸܙܡܵܢܹ̈ܐ، ܠܘܼܒܸܠ ܠܹܗ ܝܼܫܘܿܥ ܠܫܸܡܥܘܿܢ ܟܹܐܦܵܐ ܘܠܝܲܥܩܘܿܒ݂ ܘܠܝܘܿܚܲܢܵܢ، ܘܐ݇ܣܝܼܩ ܠܹܗ ܠܛܘܼܪܵܐ ܠܨܲܠܘܼܝܹܐ ܨܠܘܿܬܵܐ. 29ܘܟܲܕ ܨܲܠܘܼܝܹܐ ܝܗ݇ܘܵܐ، ܦܝܼܫ ܠܹܗ ܫܘܼܚܠܸܦܵܐ ܚܸܙܘܵܐ ܕܦܵܬܹܗ، ܘܠܒ݂ܝܼܫܬܹܗ ܚܘܝܼܪܵܗ̇ ܘܡܘܼܒܪܸܩ ܠܵܗ̇. 30ܘܗܵܐ ܬܪܹܝ ܐ݇ܢܵܫܹ̈ܐ، ܡܘܼܫܹܐ ܘܐܹܠܝܼܵܐ، ܗܲܡܙܘܼܡܹܐ ܥܲܡܹܗ. 31ܦܝܼܫ ܠܗܘܿܢ ܚܸܙܝܹܐ ܒܫܘܼܒ݂ܚܵܐ، ܘܗܲܡܙܘܼܡܹܐ ܝܗ݇ܘܵܘ ܒܘܼܬ ܫܲܢܵܝܬܹܗ ܗ̇ܝ ܕܗܕܝܼܪܵܐ ܝܗ݇ܘܵܐ ܠܬܲܡܘܼܡܘܼܗ̇ ܒܐܘܿܪܸܫܠܸܡ. 32ܫܸܡܥܘܿܢ ܟܹܐܦܵܐ ܘܐܵܢܝܼ ܕܥܲܡܹܗ ܝܘܼܩܪܸܢܹܐ ܝܗ݇ܘܵܘ ܒܫܸܢܬܵܐ. ܘܐܝܼܡܲܢ ܕܪܥܝܼܫ ܠܗܘܿܢ ܚܙܹܐ ܠܗܘܿܢ ܚܸܩܪܹܗ، ܘܠܐܵܢܝܼ ܬܪܹܝ ܐ݇ܢܵܫܹ̈ܐ ܟܸܠܝܹܐ ܠܟܸܣ ܠܹܗ. 33ܘܟܲܕ ܒܹܐܙܵܠܵܐ ܝܗ݇ܘܵܘ ܡ̣ܢ ܠܟܸܣ ܠܹܗ ܡܘܼܫܹܐ ܘܐܹܠܝܼܵܐ، ܐ݇ܡܝܼܪܹܗ ܫܸܡܥܘܿܢ ܟܹܐܦܵܐ ܠܝܼܫܘܿܥ، ”ܪܲܒܝܼ، ܨܦܵܝܝܼ ܝܠܵܗ̇ ܕܦܵܝܫܲܚ ܠܐܲܟ݂ܵܐ. ܥܵܒ݂ܕܲܚ ܬܠܵܬ ܡܛܲܠܠܹ̈ܐ، ܚܕܵܐ ܩܵܬܘܼܟ݂، ܘܚܕܵܐ ܩܵܐ ܡܘܼܫܹܐ، ܘܚܕܵܐ ܩܵܐ ܐܹܠܝܼܵܐ.“ ܐܝܼܢܵܐ ܠܹܐ ܝܗ݇ܘܵܐ ܒܝܼܕܵܥܵܐ ܡܘܿܕܝܼ ܒܹܐܡܵܪܵܐ ܝܗ݇ܘܵܐ.
34ܘܟܲܕ ܗ̇ܘ ܗܲܡܙܘܼܡܹܐ، ܗܘܹܐ ܠܵܗ̇ ܥܢܵܢܵܐ ܘܥܒ݂ܝܼܕ ܠܵܗ̇ ܛܸܠܵܢܝܼܬܵܐ ܥܲܠܲܝܗܝ. ܘܙܕܝܼܥ ܠܗܘܿܢ ܐܝܼܡܲܢ ܕܚܸܙܝܲܝ ܠܗܘܿܢ ܒܸܥܒ݂ܵܪܵܐ ܓܵܘ ܥܢܵܢܵܐ. 35ܘܩܵܠܵܐ ܗܘܹܐ ܠܹܗ ܡ̣ܢ ܥܢܵܢܵܐ، ܒܹܐܡܵܪܵܐ، ”ܐܵܗܵܐ ܝܠܹܗ ܒܪܘܿܢܝܼ ܡܘܼܚܸܒܵܐ، ܐܸܠܹܗ ܫܡܸܥܡܘܼܢ.“#ܐܫܥܝܐ 42:1 36ܡ̣ܢ ܒܵܬ݇ܪ ܕܗܘܹܐ ܠܹܗ ܩܵܠܵܐ، ܦܝܼܫ ܠܹܗ ܚܸܙܝܵܐ ܝܼܫܘܿܥ ܒܢܲܦ̮ܫܹܗ. ܘܐܵܢܝܼ ܫܬܝܼܩ ܠܗܘܿܢ. ܘܠܐ݇ܢܵܫܵܐ ܠܵܐ ܐ݇ܡܝܼܪܗܘܿܢ ܒܐܵܢܝܼ ܝܵܘܡܵܢܹ̈ܐ ܒܘܼܬ ܡܸܢܕܝܼ ܕܚܙܹܐ ܠܗܘܿܢ.
ܝܼܫܘܿܥ ܦܲܠܘܼܛܹܐ ܪܘܼܚܵܐ ܛܲܡܐܹܐ ܡ̣ܢ ܝܵܠܵܕ݇ܐ
ܡܬܝ 17:14‐18؛ ܡܪܩܘܣ 9:14‐27
37ܒܝܵܘܡܵܐ ܐ݇ܚܹܪ݇ܢܵܐ ܒܸܨܠܵܝܵܐ ܝܗ݇ܘܵܘ ܡ̣ܢ ܛܘܼܪܵܐ، ܐ݇ܬܹܐ ܠܹܗ ܠܟܸܣ ܠܹܗ ܟܸܢܫܵܐ ܪܵܒܵܐ. 38ܘܚܲܕ ܐ݇ܢܵܫܵܐ ܡ̣ܢ ܓܵܘ ܟܸܢܫܵܐ ܡܘܼܩܘܸܚ ܠܹܗ ܘܐ݇ܡܝܼܪܹܗ، ”ܡܲܠܦܵܢܵܐ، ܦܲܪܦܘܼܠܹܐ ܝܘܸܢ ܒܝܼܘܼܟ݂ ܕܪܲܚܡܸܬ ܥܲܠ ܒܪܘܿܢܝܼ ܣܵܒܵܒ ܝܼܚܝܼܕܵܝܵܐ ܝܠܹܗ ܐܸܠܝܼ. 39”ܟܹܐ ܥܵܒ݂ܪܵܐ ܒܝܼܹܗ ܪܘܼܚܵܐ، ܘܡܸܢܫܸܠܬܵܢܹܐ ܟܹܐ ܡܲܩܘܸܚ، ܘܟܹܐ ܪܲܬܪܸܬ ܘܓܲܒܓܸܒ، ܘܒܚܲܝܠܵܐ ܟܹܐ ܦܵܪܩܵܐ ܡܸܢܹܗ ܐܝܼܡܲܢ ܕܟܹܐ ܓ̰ܲܢܓ̰ܸܪܵܐ ܠܹܗ. 40”ܦܘܼܪܦܸܠ ܠܝܼ ܒܬܲܠܡܝܼܕܘܼ̈ܟ݂ ܕܦܲܠܛܝܼ ܠܵܗ̇ ܡܸܢܹܗ ܘܠܵܐ ܡܨܹܐ ܠܗܘܿܢ.“ 41ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ، ”ܝܵܐ ܫܲܪܒܬܵܐ ܦܟ̰ܝܼܠܬܵܐ ܘܠܵܐ ܡܗܘܼܡܸܢܬܵܐ، ܗܲܠ ܐܝܼܡܲܢ ܒܸܬ ܗܵܘܹܝܢ ܠܟܸܣ ܠܵܘܟ݂ܘܿܢ ܘܛܵܥܢܹܢ ܝܘܼܩܪܵܘܟ݂ܘܿܢ؟ ܡܲܝܬܝܼ ܠܹܗ ܠܐܲܟ݂ܵܐ ܒܪܘܿܢܘܼܟ݂.“ 42ܘܟܲܕ ܒܹܐܬܵܝܵܐ ܝܗ݇ܘܵܐ، ܪܘܼܦܹܐ ܠܹܗ ܫܹܐܕܵܐ ܠܗ̇ܘ ܝܵܠܵܕ݇ܐ ܠܐܲܪܥܵܐ ܘܪܘܼܬܪܸܬ ܠܹܗ. ܘܢܓ̰ܝܼܘ ܠܹܗ ܝܼܫܘܿܥ ܒܗ̇ܝ ܪܘܼܚܵܐ ܛܲܡܐܹܐ، ܘܒܘܼܣܸܡ ܠܹܗ ܠܝܵܠܵܕ݇ܐ، ܘܝܘܼܗ݇ܒܸܠ ܠܹܗ ܠܒܵܒܘܼܗܝ. 43ܘܥܘܼܓ̰ܸܒ ܠܗܘܿܢ ܟܠܲܝܗܝ ܒܓܘܼܪܘܼܬܵܐ ܕܐܲܠܵܗܵܐ. ܘܟܲܕ ܟܠܲܝܗܝ ܐ݇ܢܵܫܹ̈ܐ ܥܲܓ̰ܒܝܼ ܗ݇ܘܵܘ ܒܡܸܢܕܝܼ ܕܥܵܒܹܕ ܗ݇ܘܵܐ ܝܼܫܘܿܥ، ܐ݇ܡܝܼܪܹܗ ܠܬܲܠܡܝܼܕܘܼ̈ܗܝ:
ܝܼܫܘܿܥ ܡܸܢܕܪܸܫ ܡܲܚܒܘܼܪܹܐ ܒܘܼܬ ܡܵܘܬܹܗ ܘܩܝܵܡܬܹܗ
ܡܬܝ 17:22‐23؛ ܡܪܩܘܣ 9:30‐32
44”ܕܟ݂ܘܿܪܘܼܢ ܐܲܚܬܘܿܢ ܐܲܢܹܐ ܗܹܡܸܙܡܵܢܹ̈ܐ. ܒܪܘܿܢܵܐ ܕܐ݇ܢܵܫܵܐ ܗܕܝܼܪܵܐ ܝܠܹܗ ܕܦܵܐܹܫ ܣܘܼܦܝܵܐ ܒܐܝܼܕܵܬܹ̈ܐ ܕܒܢܲܝ̈ܢܵܫܵܐ.“ 45ܐܝܼܢܵܐ ܐܵܢܝܼ ܠܵܐ ܦܘܼܪܡܹܐ ܠܗܘܿܢ ܠܐܵܗܵܐ ܗܹܡܸܙܡܵܢ ܘܛܘܼܫܝܼܬܵܐ ܝܗ݇ܘܵܐ ܡܸܢܲܝܗܝ ܕܠܵܐ ܦܲܪܡܝܼ ܗ݇ܘܵܘ ܠܵܗ̇، ܘܒܸܙܕܵܥܵܐ ܝܗ݇ܘܵܘ ܕܒܲܩܪܝܼ ܗ݇ܘܵܘ ܒܘܼܬ ܕܝܼܘܼܗ̇.
ܟܵܪܘܿܙܘܼܬܵܐ ܒܘܼܬܡܲܟܲܦܬܵܐ ܕܓܵܢܵܐ
ܡܬܝ 18:1‐5؛ ܡܪܩܘܣ 9:33‐37
46ܫܘܼܪܹܐ ܠܗܘܿܢ ܬܲܠܡܝܼ̈ܕܹܐ ܡܲܩܪܘܼܨܹܐ ܥܲܡ ܥܘܼܕܵܠܹ̈ܐ ܕܡܵܢܝܼ ܝܠܹܗ ܓܘܼܪܵܐ ܓܵܘܲܝܗܝ. 47ܘܝܼܫܘܿܥ ܝ݇ܕܝܼܥ ܠܹܗ ܚܘܼܫܵܒܹ̈ܐ ܕܠܸܒܲܝܗܝ. ܫܩܝܼܠ ܠܹܗ ܚܲܕ ܝܵܠܵܕ݇ܐ ܙܥܘܿܪܵܐ ܘܡܘܼܟܠܹܐ ܠܹܗ ܠܟܸܣ ܠܹܗ، 48ܘܐ݇ܡܝܼܪܹܗ ܐܸܠܲܝܗܝ، ”ܟܠ ܕܩܲܒܸܠ ܠܐܵܗܵܐ ܝܵܠܵܕ݇ܐ ܒܫܸܡܝܼ، ܐܸܠܝܼ ܩܲܒܘܼܠܹܐ ܝܠܹܗ؛ ܘܡ̇ܢ ܕܐܸܠܝܼ ܩܲܒܸܠ ܩܲܒܘܼܠܹܐ ܝܠܹܗ ܠܗ̇ܘ ܕܫܘܼܕܸܪܹܗ ܐܸܠܝܼ. ܗ̇ܘ ܕܝܼܠܹܗ ܙܥܘܿܪܵܐ ܓܵܘܵܘܟ݂ܘܿܢ، ܗ̇ܘ ܝܼܠܹܗ ܓܘܼܪܵܐ ܕܟܠܵܘܟ݂ܘܿܢ.“
ܡ̇ܢ ܕܠܹܐ ܝܠܹܗ ܠܕܲܠܩܘܼܒ݂ܠܵܘܟ݂ܘܿܢ ܥܲܡܵܘܟ݂ܘܿܢ ܝܼܠܹܗ
ܡܪܩܘܣ 9:38‐40
49ܐ݇ܡܝܼܪܹܗ ܐܸܠܹܗ ܝܘܿܚܲܢܵܢ، ”ܪܲܒܝܼ، ܚܙܹܐ ܠܲܢ ܚܲܕ ܐ݇ܢܵܫܵܐ ܦܲܠܘܼܛܹܐ ܫܹܐܕܹ̈ܐ ܒܫܸܡܘܼܟ݂، ܐܝܼܢܵܐ ܡܘܼܟܠܹܐ ܠܲܢ ܐܸܠܹܗ ܣܵܒܵܒ ܠܵܐ ܐ݇ܬܹܐ ܠܹܗ ܥܲܡܲܢ.“ 50ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܠܵܐ ܡܲܟܠܹܝܬܘܿܢ ܠܹܗ، ܣܵܒܵܒ ܡ̇ܢ ܕܠܹܐ ܝܠܹܗ ܠܕܲܠܩܘܼܒ݂ܠܵܘܟ݂ܘܿܢ ܥܲܡܵܘܟ݂ܘܿܢ ܝܼܠܹܗ.“
ܫܵܡܪ̈ܵܝܹܐ ܡܲܚܦܘܼܠܹܐ ܠܝܼܫܘܿܥ
51ܟܲܕ ܦܝܵܫܵܐ ܝܗ݇ܘܵܘ ܬܘܼܡܸܡܹܐ ܝܵܘܡܵܢܹ̈ܐ ܕܣܘܼܠܵܩܹܗ، ܩܛܝܼܥ ܠܹܗ ܒܚܝܼܵܠܹܗ ܕܐܵܙܹܠ ܠܐܘܿܪܸܫܠܸܡ. 52ܘܫܘܼܕܸܪܹܗ ܐܝܼܙܓܲܕܹ̈ܐ ܡܩܵܕ݇ܡ ܕܝܼܹܗ، ܘܐ݇ܙܝܼܠ ܠܗܘܿܢ ܘܥܒ݂ܝܼܪܗܘܿܢ ܠܡܵܬܵܐ ܕܫܵܡܪ̈ܵܝܹܐ ܕܗܲܕܪܝܼ ܗ݇ܘܵܘ ܩܵܬܹܗ. 53ܐܝܼܢܵܐ ܫܵܡܪ̈ܵܝܹܐ ܠܵܐ ܩܘܼܒܸܠ ܠܗܘܿܢ ܐܸܠܲܝܗܝ ܣܵܒܵܒ ܩܛܝܼܥܵܐ ܝܗ݇ܘܵܐ ܒܚܝܼܵܠܹܗ ܕܐܵܙܹܠ ܠܐܘܿܪܸܫܠܸܡ. 54ܐܝܼܡܲܢ ܕܬܲܠܡܝܼ̈ܕܹܐ، ܝܲܥܩܘܿܒ݂ ܘܝܘܿܚܲܢܵܢ، ܚܙܹܐ ܠܗܘܿܢ ܐܵܗܵܐ، ܐ݇ܡܝܼܪܗܘܿܢ ܐܸܠܹܗ، ”ܡܵܪܲܢ، ܐܸܢ ܒܵܥܹܝܬ ܦܵܩܕܲܚ ܕܨܵܠܹܐ ܢܘܼܪܵܐ ܡ̣ܢ ܫܡܲܝܵܐ ܘܐܵܟܹܠ ܠܗܘܿܢ، ܐܲܝܟ݂ ܕܥܒ݂ܝܼܕ ܠܹܗ ܐܹܠܝܼܵܐ؟“#ܒ. ܡܠܟ̈ܐ 1:9‐16 55ܕܝܼܪܹܗ ܝܼܫܘܿܥ ܘܢܓ̰ܝܼܘ ܠܹܗ ܒܝܼܲܝܗܝ ܘܐ݇ܡܝܼܪܹܗ، ”ܠܹܐ ܝܬܘܿܢ ܒܝܼܕܵܥܵܐ ܡ̣ܢ ܐܲܝܢܝܼ ܪܘܼܚܵܐ ܝܬܘܿܢ. 56”ܒܪܘܿܢܵܐ ܕܐ݇ܢܵܫܵܐ ܠܵܐ ܐ݇ܬܹܐ ܠܹܗ ܕܛܲܠܸܩ ܓܵܢܵܬܹ̈ܐ ܕܒܢܲܝ̈ܢܵܫܵܐ ܐܸܠܵܐ ܕܦܲܪܸܩ ܠܗܘܿܢ.“ ܘܐ݇ܙܝܼܠ ܠܗܘܿܢ ܠܡܵܬܵܐ ܐ݇ܚܹܪ݇ܬܵܐ.
ܨܲܚܨܵܝܬܵܐ ܕܬܲܠܡܝܼ̈ܕܹܐ
ܡܬܝ 8:19‐22
57ܟܲܕ ܒܹܐܙܵܠܵܐ ܝܗ݇ܘܵܘ ܝܼܫܘܿܥ ܘܬܲܠܡܝܼܕܘܼ̈ܗܝ ܒܐܘܼܪܚܵܐ، ܐ݇ܡܝܼܪܹܗ ܚܲܕ ܐ݇ܢܵܫܵܐ ܠܝܼܫܘܿܥ، ”ܡܵܪܝܼ، ܒܸܬ ܐܵܬܹܝܢ ܒܵܬ݇ܪܘܼܟ݂ ܠܐܲܝܟܵܐ ܕܐܵܙܹܠ݇ܬ.“ 58ܓ̰ܘܼܘܸܒ ܠܹܗ ܐܸܠܹܗ ܝܼܫܘܿܥ، ”ܬܲܥܠܹ̈ܐ ܐܝܼܬ ܠܗܘܿܢ ܒܸܙܥܵܙܹ̈ܐ، ܘܛܲܝܪܹ̈ܐ ܕܫܡܲܝܵܐ ܕܘܼܟܵܐ ܕܫܪܵܝܬܵܐ، ܐܝܼܢܵܐ ܒܪܘܿܢܵܐ ܕܐ݇ܢܵܫܵܐ ܠܲܝܬ ܠܹܗ ܕܘܼܟܵܐ ܕܡܲܬܸܒ݂ ܪܹܫܹܗ.“ 59ܘܐ݇ܡܝܼܪܹܗ ܝܼܫܘܿܥ ܠܚܲܕ ܐ݇ܚܹܪ݇ܢܵܐ، ”ܬܵܐ ܒܵܬ݇ܪܝܼ.“ ܐܝܼܢܵܐ ܗ̇ܘ ܐ݇ܡܝܼܪܹܗ ܐܸܠܹܗ، ”ܡܵܪܝܼ، ܫܒ݂ܘܿܩ ܠܝܼ ܩܵܕ݇ܡܵܝܬܵܐ ܕܐܵܙܹܠ݇ܢ ܘܩܵܒ݂ܪܹܢ ܠܒܵܒܝܼ.“ 60ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܫܒ݂ܘܿܩ ܡܝܼܬܹ̈ܐ ܩܵܒ݂ܪܝܼ ܡܝܼܬܲܝ̈ܗܝ، ܐܲܢ݇ܬ ܙܹܠ݇ ܘܡܲܟܪܸܙ ܡܲܠܟܘܼܬܵܐ ܕܐܲܠܵܗܵܐ.“ 61ܐ݇ܡܝܼܪܹܗ ܐܸܠܹܗ ܚܲܕ ܐ݇ܚܹܪ݇ܢܵܐ، ”ܡܵܪܝܼ، ܒܸܬ ܐܵܬܹܝܢ ܒܵܬ݇ܪܘܼܟ݂، ܐܝܼܢܵܐ ܫܒ݂ܘܿܩ ܠܝܼ ܩܵܕ݇ܡܵܝܬܵܐ ܕܐܵܙܹܠ݇ܢ ܘܫܵܒ݂ܩܹܢ ܒܫܲܝܢܵܐ ܠܐ݇ܢܵܫܹ̈ܐ ܕܒܲܝܬܝܼ.“ 62ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܐ݇ܢܵܫܵܐ ܠܹܐ ܕܵܒܹܩ ܐܝܼܕܹܗ ܒܦܕܵܢܵܐ ܘܓܲܫܸܩ ܠܵܒܵܬ݇ܪܹܗ ܘܚܵܫܹܚ ܠܡܲܠܟܘܼܬܵܐ ܕܐܲܠܵܗܵܐ.“
Currently Selected:
ܠܘܩܐ 9: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܠܘܩܐ 9
9
ܫܵܕܲܪܬܵܐ ܕܬܪܸܥܣܲܪܬܲܠܡܝܼ̈ܕܹܐ ܠܡܲܟܪܘܼܙܹܐ
ܡܬܝ 10:5‐15؛ ܡܪܩܘܣ 6:7‐13
1ܩܪܹܐ ܠܹܗ ܝܼܫܘܿܥ ܠܬܪܸܥܣܲܪ ܬܲܠܡܝܼܕܘܼ̈ܗܝ ܘܝܘܼܗ݇ܒܸܠ ܠܹܗ ܐܸܠܲܝܗܝ ܚܲܝܠܵܐ ܘܫܘܼܠܛܵܢܵܐ ܥܲܠ ܟܠܲܝܗܝ ܫܹܐܕܹ̈ܐ ܘܠܒܲܣܘܼܡܹܐ ܡܲܪ̈ܥܹܐ. 2ܫܘܼܕܪܲܝ ܠܹܗ ܠܡܲܟܪܘܼܙܹܐ ܡܲܠܟܘܼܬܵܐ ܕܐܲܠܵܗܵܐ ܘܠܒܲܣܘܼܡܹܐ ܡܪ̈ܝܼܥܹܐ. 3ܘܐ݇ܡܝܼܪܹܗ ܐܸܠܲܝܗܝ، ”ܡܸܢܕܝܼ ܠܵܐ ܫܵܩܠܝܼܬܘܿܢ ܒܐܘܼܪܚܵܐ، ܠܵܐ ܚܘܼܛܪܵܐ، ܘܠܵܐ ܬܲܪܡܵܠܵܐ، ܘܠܵܐ ܠܲܚܡܵܐ ܘܠܵܐ ܙܘܼܙܹ̈ܐ، ܘܠܵܐ ܗܵܘܹܐ ܠܵܘܟ݂ܘܿܢ ܬܲܪܬܹܝ ܨܘܼܕܪ̈ܵܬܹܐ. 4”ܘܠܒܲܝܬܵܐ ܕܥܵܒ݂ܪܝܼܬܘܿܢ ܓܵܘܹܗ، ܦܘܼܫܘܼܢ ܬܵܡܵܐ، ܗܲܠ ܕܦܵܠܛܝܼܬܘܿܢ ܡ̣ܢ ܬܵܡܵܐ. 5”ܘܐܸܢ ܐ݇ܢܵܫܹ̈ܐ ܠܵܐ ܩܲܒܠܝܼ ܠܵܘܟ݂ܘܿܢ، ܐܝܼܡܲܢ ܕܦܵܠܛܝܼܬܘܿܢ ܡ̣ܢ ܗ̇ܝ ܡܕܝܼܢ݇ܬܵܐ، ܐܘܼܦ ܬܵܘܙ ܡ̣ܢ ܐܲܩܠܵܬܵܘ̈ܟ݂ܘܿܢ ܢܵܦܨܝܼܬܘܿܢ ܠܵܗ̇ ܠܣܵܗܕܘܼܬܵܐ ܥܲܠܲܝܗܝ.“ 6ܘܦܠܝܼܛ ܠܗܘܿܢ ܫܠܝܼܚܹ̈ܐ، ܒܸܚܕܵܪܵܐ ܡ̣ܢ ܡܵܬܵܐ ܠܡܵܬܵܐ، ܡܲܟܪܘܼܙܹܐ ܘܒܲܣܘܼܡܹܐ ܒܟܠ ܕܘܼܟܵܐ.
ܗܹܪܘܿܕܸܣ ܒܸܫܓ݂ܵܫܵܐ
ܡܬܝ 14:1‐12؛ ܡܪܩܘܣ 6:14‐29
7ܐܝܼܡܲܢ ܕܫܡܝܼܥ ܠܹܗ ܗܹܪܘܿܕܸܣ ܛܸܛܪܲܪܟܵܐ ܟܠܲܝܗܝ ܐܲܢܹܐ، ܫܓ݂ܝܼܫ ܠܗܘܿܢ ܚܘܼܫܵܒ݂ܘܼ̈ܗܝ ܣܵܒܵܒ ܐ݇ܢܵܫܹ̈ܐ ܐܵܡܪܝܼ ܗ݇ܘܵܘ، ”ܐܵܗܵܐ ܝܘܿܚܲܢܵܢ ܝܼܠܹܗ، ܩܝܼܡܵܐ ܝܠܹܗ ܡ̣ܢ ܓܵܘ ܡܝܼܬܹ̈ܐ.“ 8ܘܐ݇ܚܹܪ̈݇ܢܹܐ ܐܵܡܪܝܼ ܗ݇ܘܵܘ ܕܐܹܠܝܼܵܐ ܦܝܼܫ ܠܹܗ ܚܸܙܝܵܐ، ܘܐ݇ܚܹܪ̈݇ܢܹܐ ܐܵܡܪܝܼ ܗ݇ܘܵܘ، ܐܵܗܵܐ ܝܠܹܗ ܢܒ݂ܝܼܵܐ ܡ̣ܢ ܢܒ݂ܝܼܹ̈ܐ ܩܲܕ݇ܡܵܝܹ̈ܐ ܕܩܝܼܡܵܐ ܝܠܹܗ ܡ̣ܢ ܓܵܘ ܡܝܼܬܹ̈ܐ. 9ܐ݇ܡܝܼܪܹܗ ܗܹܪܘܿܕܸܣ، ”ܪܹܫܵܐ ܕܝܘܿܚܲܢܵܢ ܐܵܢܵܐ ܦܪܝܼܡ ܠܝܼ، ܘܡܵܢܝܼ ܝܠܹܗ ܐܵܗܵܐ ܕܒܸܫܡܵܥܲܝ ܝܘܸܢ ܐܲܢܹܐ ܒܘܼܬ ܕܝܼܹܗ؟“ ܘܒܵܥܹܐ ܗ݇ܘܵܐ ܕܚܵܙܹܐ ܗ݇ܘܵܐ ܠܹܗ.
ܬܲܪܣܵܝܬܵܐ ܕܚܲܡܫܵܐ ܐܲܠܦܹ̈ܐ
ܡܬܝ 14:13‐21؛ ܡܪܩܘܣ 6:30‐44؛ ܝܘܚܢܢ 6:1‐14
10ܘܕܝܼܪܗܘܿܢ ܫܠܝܼܚܹ̈ܐ ܘܗܘܼܩܹܐ ܠܗܘܿܢ ܠܝܼܫܘܿܥ ܟܠ ܡܸܢܕܝܼ ܕܥܒ݂ܝܼܕ ܠܗܘܿܢ. ܘܠܘܼܒܠܲܝ ܠܹܗ ܝܼܫܘܿܥ ܒܢܲܦ̮ܫܲܝܗܝ ܠܚܕܵܐ ܡܕܝܼܢ݇ܬܵܐ ܕܟܹܐ ܦܵܝܫܵܐ ܩܪܝܼܬܵܐ ܒܹܝܬ ܨܲܝܵܕܵܐ. 11ܝ݇ܕܝܼܥ ܠܗܘܿܢ ܟܸܢܫܹ̈ܐ ܘܐ݇ܙܝܼܠ ܠܗܘܿܢ ܒܵܬ݇ܪܹܗ. ܘܩܘܼܒܠܲܝ ܠܹܗ، ܘܗܲܡܙܸܡ ܗ݇ܘܵܐ ܥܲܡܲܝܗܝ ܒܘܼܬ ܡܲܠܟܘܼܬܵܐ ܕܐܲܠܵܗܵܐ. ܘܐܵܢܝܼ ܕܝܼܗ݇ܘܵܘ ܣܢܝܼܩܹܐ ܠܒܵܣܲܡܬܵܐ ܒܘܼܣܡܲܝ ܠܹܗ.
12ܘܟܲܕ ܩܘܼܪܒܸܢܹܗ ܝܵܘܡܵܐ ܠܸܓܢܵܝܵܐ، ܐ݇ܬܹܐ ܠܗܘܿܢ ܬܪܸܥܣܲܪ ܬܲܠܡܝܼܕܘܼ̈ܗܝ ܘܐ݇ܡܝܼܪܗܘܿܢ ܠܝܼܫܘܿܥ، ”ܫܪܝܼ ܠܟܸܢܫܹ̈ܐ ܕܐܵܙܠ݇ܝܼ ܠܡܵܬܘܵܬܹ̈ܐ ܘܠܟܲܦܪ̈ܘܿܢܹܐ ܕܚܵܕܸܪ̈ܘܵܢܲܢ، ܕܫܵܪܝܼ ܓܵܘܲܝܗܝ، ܘܡܲܫ݇ܟ̰ܚܝܼ ܠܗܘܿܢ ܡܹܐܟ݂ܘܼܠܬܵܐ، ܣܵܒܵܒ ܒܕܘܼܟܵܐ ܒܲܪܝܼܵܐ ܝܘܲܚ.“ 13ܐ݇ܡܝܼܪܹܗ ܐܸܠܲܝܗܝ ܝܼܫܘܿܥ، ”ܗܲܒ݂݇ܠܘܼܢ ܠܗܘܿܢ ܐܲܚܬܘܿܢ ܡܹܐܟ݂ܘܼܠܬܵܐ.“ ܘܐܵܢܝܼ ܓ̰ܘܼܘܸܒ ܠܗܘܿܢ، ”ܠܲܝܬ ܠܲܢ ܙܵܘܕܵܐ ܡ̣ܢ ܚܲܡܫܵܐ ܠܲܚܡܹ̈ܐ ܘܬܲܪܬܹܝ ܢܘܼܢܹ̈ܐ، ܐܸܠܵܐ ܕܐܵܙܲܠ݇ܚ ܘܙܵܒ݂ܢܲܚ ܡܹܐܟ݂ܘܼܠܬܵܐ ܩܵܐ ܟܠܹܗ ܐܵܗܵܐ ܛܵܝܸܦܵܐ.“ 14ܐܝܼܬ ܗ݇ܘܵܐ ܬܵܡܵܐ ܡܐܲܝܟ݂ ܚܲܡܫܵܐ ܐܲܠܦܹ̈ܐ ܐ݇ܢܵܫܹ̈ܐ، ܘܐ݇ܡܝܼܪܹܗ ܠܬܲܠܡܝܼܕܘܼ̈ܗܝ، ”ܡܲܬܒ݂ܘܼܢ ܠܗܘܿܢ ܒܣܝܼܥܵܬܹ̈ܐ، ܚܲܡܫܝܼ ܒܟܠ ܣܝܼܥܬܵܐ.“ 15ܘܥܒ݂ܝܼܕ ܠܗܘܿܢ ܗܲܕܟ݂ܵܐ ܬܲܠܡܝܼ̈ܕܹܐ، ܘܡܘܼܬܸܒ݂ ܠܗܘܿܢ ܠܟܠܲܝܗܝ. 16ܘܫܩܝܼܠ ܠܹܗ ܝܼܫܘܿܥ ܐܵܢܝܼ ܚܲܡܫܵܐ ܠܲܚܡܹ̈ܐ ܘܬܲܪܬܹܝ ܢܘܼܢܹ̈ܐ، ܚܝܼܪܹܗ ܠܫܡܲܝܵܐ ܘܒܘܼܪܸܟ݂ ܠܹܗ ܘܩܨܹܐ ܠܹܗ ܘܝܘܼܗ݇ܒܸܠ ܠܹܗ ܠܬܲܠܡܝܼܕܘܼ̈ܗܝ، ܘܐܵܢܝܼ ܡܘܼܬܸܒ݂ ܠܗܘܿܢ ܩܵܕ݇ܡ ܟܸܢܫܹ̈ܐ. 17ܘܐ݇ܟ݂ܝܼܠ ܠܗܘܿܢ ܟܠܲܝܗܝ ܘܣܒ݂ܝܼܥ ܠܗܘܿܢ، ܘܫܩܝܼܠ ܠܗܘܿܢ ܩܸܛܥܵܛܹ̈ܐ ܕܙܝܼܕ ܠܗܘܿܢ، ܬܪܸܥܣܲܪ ܩܘܼܦܹ̈ܐ.
ܡܵܘܕܵܝܬܵܐ ܕܫܸܡܥܘܿܢ ܟܹܐܦܵܐ
ܡܬܝ 16:13‐19؛ ܡܪܩܘܣ 8:27‐29
18ܗܘܹܐ ܠܵܗ̇ ܟܲܕ ܨܲܠܘܼܝܹܐ ܝܗ݇ܘܵܐ ܝܼܫܘܿܥ ܒܢܲܦ̮ܫܹܗ، ܐ݇ܬܹܐ ܠܗܘܿܢ ܠܟܸܣ ܠܹܗ ܬܲܠܡܝܼܕܘܼ̈ܗܝ. ܒܘܼܩܸܪܹܗ ܡܸܢܲܝܗܝ، ”ܡܵܢܝܼ ܟܹܐ ܐܵܡܪܝܼ ܟܸܢܫܹ̈ܐ ܕܐܵܢܵܐ ܝܼܘܸܢ؟“ 19ܓ̰ܘܼܘܸܒ ܠܗܘܿܢ ܘܐ݇ܡܝܼܪܗܘܿܢ، ”ܟܹܐ ܐܵܡܪܝܼ ܕܐܲܢ݇ܬ ܝܼܘܸܬ ܝܘܿܚܲܢܵܢ ܡܲܥܡܕܵܢܵܐ، ܘܐ݇ܚܹܪ̈݇ܢܹܐ ܟܹܐ ܐܵܡܪܝܼ ܐܹܠܝܼܵܐ ܝܘܸܬ، ܘܐ݇ܚܹܪ̈݇ܢܹܐ ܟܹܐ ܐܵܡܪܝܼ ܚܲܕ ܡ̣ܢ ܢܒ݂ܝܼܹ̈ܐ ܩܲܕ݇ܡܵܝܹ̈ܐ ܩܝܼܡܵܐ ܝܠܹܗ.“ 20ܐܝܼܢܵܐ ܗ̇ܘ ܒܘܼܩܸܪܹܗ ܡܸܢܲܝܗܝ، ”ܘܐܲܚܬܘܿܢ، ܡܵܢܝܼ ܒܹܐܡܵܪܵܐ ܝܬܘܿܢ ܕܐܵܢܵܐ ܝܼܘܸܢ؟“ ܓ̰ܘܼܘܸܒ ܠܹܗ ܫܸܡܥܘܿܢ ܟܹܐܦܵܐ ܘܐ݇ܡܝܼܪܹܗ، ”ܐܲܢ݇ܬ ܝܼܘܸܬ ܡܫܝܼܚܵܐ ܕܐܲܠܵܗܵܐ.“ 21ܐܝܼܢܵܐ ܝܼܫܘܿܥ ܦܩܝܼܕܲܝ ܠܹܗ ܕܠܐ݇ܢܵܫܵܐ ܠܵܐ ܐܵܡܪܝܼ.
ܝܼܫܘܿܥ ܡܲܚܒܘܼܪܹܐ ܒܘܼܬ ܡܵܘܬܹܗ ܘܩܝܵܡܬܹܗ
ܡܬܝ 16:21‐28؛ ܡܪܩܘܣ 8:30–9:1
22ܐ݇ܡܝܼܪܹܗ ܝܼܫܘܿܥ ܠܬܲܠܡܝܼܕܘܼ̈ܗܝ، ”ܐܵܢܲܢܩܵܝܬܵܐ ܝܠܵܗ̇ ܕܒܪܘܿܢܵܐ ܕܐ݇ܢܵܫܵܐ ܩܲܒܸܠ ܪܵܒܵܐ ܚܲܫܵܐ ܘܦܵܐܹܫ ܡܘܼܣܠܝܼܵܐ ܡ̣ܢ ܚܘܵܪ̈ܕܸܩܢܹܐ ܘܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ. ܒܸܬ ܩܵܛܠܝܼ ܠܹܗ ܘܒܝܵܘܡܵܐ ܕܬܠܵܬܵܐ ܒܸܬ ܩܵܐܹܡ.“
ܣܪܵܒ݂ܬܵܐ ܕܓܵܢܵܐ ܘܫܩܵܠܬܵܐ ܕܙܩܝܼܦܵܐ
ܡܬܝ 16:24‐27؛ ܡܪܩܘܣ 8:34‐38
23ܘܐ݇ܡܝܼܪܹܗ ܠܟܠܲܝܗܝ، ”ܡ̇ܢ ܕܒܵܥܹܐ ܐܵܬܹܐ ܒܵܬ݇ܪܝܼ، ܣܵܪܹܒ݂ ܓܵܢܹܗ، ܘܫܵܩܹܠ ܙܩܝܼܦܹܗ ܝܵܘܡܵܐܝܼܬ ܘܐܵܬܹܐ ܒܵܬ݇ܪܝܼ. 24”ܣܵܒܵܒ ܡ̇ܢ ܕܒܵܥܹܐ ܦܲܪܸܩ ܓܵܢܹܗ ܒܸܬ ܛܲܠܸܩ ܠܵܗ̇، ܐܝܼܢܵܐ ܡ̇ܢ ܕܛܲܠܸܩ ܓܵܢܹܗ ܒܘܼܬ ܕܝܼܝܼ، ܗ̇ܘ ܒܸܬ ܦܲܪܸܩ ܠܵܗ̇. 25”ܣܵܒܵܒ ܡܘܿܕܝܼ ܝܘܼܬܪܵܢܵܐ ܐܝܼܬ ܠܒܲܪܢܵܫܵܐ ܐܸܢ ܩܵܢܹܐ ܠܹܗ ܟܠܵܗ̇ ܕܘܼܢܝܹܐ ܐܝܼܢܵܐ ܓܵܢܹܗ ܛܲܠܸܩ ܠܵܗ̇ ܝܲܢ ܚܵܣܹܪܵܗ̇؟ 26”ܡ̇ܢ ܕܢܵܟܹܦ ܒܝܼܝܼ ܘܒܗܹܡܸܙܡܵܢܝܼ̈، ܒܸܬ ܢܵܟܹܦ ܒܝܼܹܗ ܒܪܘܿܢܵܐ ܕܐ݇ܢܵܫܵܐ ܐܝܼܡܲܢ ܕܐܵܬܹܐ ܒܫܘܼܒ݂ܚܵܐ ܕܒܵܒܘܼܗܝ، ܥܲܡ ܡܲܠܲܐܟ݂ܘܼ̈ܗܝ ܩܲܕܝܼܫܹ̈ܐ. 27”ܫܲܪܝܼܪܵܐܝܼܬ ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܕܐܝܼܬ ܐ݇ܢܵܫܹ̈ܐ ܟܸܠܝܹܐ ܠܐܲܟ݂ܵܐ ܕܠܹܐ ܚܵܙܝܼ ܡܵܘܬܵܐ ܗܲܠ ܕܚܵܙܝܼ ܡܲܠܟܘܼܬܵܐ ܕܐܲܠܵܗܵܐ.“
ܫܘܼܚܠܵܦܵܐ ܕܝܼܫܘܿܥܥܲܠ ܛܘܼܪܵܐ
ܡܬܝ 17:1‐8؛ ܡܪܩܘܣ 9:2‐8
28ܐܲܝܟ݂ ܬܡܵܢܝܵܐ ܝܵܘܡܵܢܹ̈ܐ ܡ̣ܢ ܒܵܬ݇ܪ ܐܲܢܹܐ ܗܹܡܸܙܡܵܢܹ̈ܐ، ܠܘܼܒܸܠ ܠܹܗ ܝܼܫܘܿܥ ܠܫܸܡܥܘܿܢ ܟܹܐܦܵܐ ܘܠܝܲܥܩܘܿܒ݂ ܘܠܝܘܿܚܲܢܵܢ، ܘܐ݇ܣܝܼܩ ܠܹܗ ܠܛܘܼܪܵܐ ܠܨܲܠܘܼܝܹܐ ܨܠܘܿܬܵܐ. 29ܘܟܲܕ ܨܲܠܘܼܝܹܐ ܝܗ݇ܘܵܐ، ܦܝܼܫ ܠܹܗ ܫܘܼܚܠܸܦܵܐ ܚܸܙܘܵܐ ܕܦܵܬܹܗ، ܘܠܒ݂ܝܼܫܬܹܗ ܚܘܝܼܪܵܗ̇ ܘܡܘܼܒܪܸܩ ܠܵܗ̇. 30ܘܗܵܐ ܬܪܹܝ ܐ݇ܢܵܫܹ̈ܐ، ܡܘܼܫܹܐ ܘܐܹܠܝܼܵܐ، ܗܲܡܙܘܼܡܹܐ ܥܲܡܹܗ. 31ܦܝܼܫ ܠܗܘܿܢ ܚܸܙܝܹܐ ܒܫܘܼܒ݂ܚܵܐ، ܘܗܲܡܙܘܼܡܹܐ ܝܗ݇ܘܵܘ ܒܘܼܬ ܫܲܢܵܝܬܹܗ ܗ̇ܝ ܕܗܕܝܼܪܵܐ ܝܗ݇ܘܵܐ ܠܬܲܡܘܼܡܘܼܗ̇ ܒܐܘܿܪܸܫܠܸܡ. 32ܫܸܡܥܘܿܢ ܟܹܐܦܵܐ ܘܐܵܢܝܼ ܕܥܲܡܹܗ ܝܘܼܩܪܸܢܹܐ ܝܗ݇ܘܵܘ ܒܫܸܢܬܵܐ. ܘܐܝܼܡܲܢ ܕܪܥܝܼܫ ܠܗܘܿܢ ܚܙܹܐ ܠܗܘܿܢ ܚܸܩܪܹܗ، ܘܠܐܵܢܝܼ ܬܪܹܝ ܐ݇ܢܵܫܹ̈ܐ ܟܸܠܝܹܐ ܠܟܸܣ ܠܹܗ. 33ܘܟܲܕ ܒܹܐܙܵܠܵܐ ܝܗ݇ܘܵܘ ܡ̣ܢ ܠܟܸܣ ܠܹܗ ܡܘܼܫܹܐ ܘܐܹܠܝܼܵܐ، ܐ݇ܡܝܼܪܹܗ ܫܸܡܥܘܿܢ ܟܹܐܦܵܐ ܠܝܼܫܘܿܥ، ”ܪܲܒܝܼ، ܨܦܵܝܝܼ ܝܠܵܗ̇ ܕܦܵܝܫܲܚ ܠܐܲܟ݂ܵܐ. ܥܵܒ݂ܕܲܚ ܬܠܵܬ ܡܛܲܠܠܹ̈ܐ، ܚܕܵܐ ܩܵܬܘܼܟ݂، ܘܚܕܵܐ ܩܵܐ ܡܘܼܫܹܐ، ܘܚܕܵܐ ܩܵܐ ܐܹܠܝܼܵܐ.“ ܐܝܼܢܵܐ ܠܹܐ ܝܗ݇ܘܵܐ ܒܝܼܕܵܥܵܐ ܡܘܿܕܝܼ ܒܹܐܡܵܪܵܐ ܝܗ݇ܘܵܐ.
34ܘܟܲܕ ܗ̇ܘ ܗܲܡܙܘܼܡܹܐ، ܗܘܹܐ ܠܵܗ̇ ܥܢܵܢܵܐ ܘܥܒ݂ܝܼܕ ܠܵܗ̇ ܛܸܠܵܢܝܼܬܵܐ ܥܲܠܲܝܗܝ. ܘܙܕܝܼܥ ܠܗܘܿܢ ܐܝܼܡܲܢ ܕܚܸܙܝܲܝ ܠܗܘܿܢ ܒܸܥܒ݂ܵܪܵܐ ܓܵܘ ܥܢܵܢܵܐ. 35ܘܩܵܠܵܐ ܗܘܹܐ ܠܹܗ ܡ̣ܢ ܥܢܵܢܵܐ، ܒܹܐܡܵܪܵܐ، ”ܐܵܗܵܐ ܝܠܹܗ ܒܪܘܿܢܝܼ ܡܘܼܚܸܒܵܐ، ܐܸܠܹܗ ܫܡܸܥܡܘܼܢ.“#ܐܫܥܝܐ 42:1 36ܡ̣ܢ ܒܵܬ݇ܪ ܕܗܘܹܐ ܠܹܗ ܩܵܠܵܐ، ܦܝܼܫ ܠܹܗ ܚܸܙܝܵܐ ܝܼܫܘܿܥ ܒܢܲܦ̮ܫܹܗ. ܘܐܵܢܝܼ ܫܬܝܼܩ ܠܗܘܿܢ. ܘܠܐ݇ܢܵܫܵܐ ܠܵܐ ܐ݇ܡܝܼܪܗܘܿܢ ܒܐܵܢܝܼ ܝܵܘܡܵܢܹ̈ܐ ܒܘܼܬ ܡܸܢܕܝܼ ܕܚܙܹܐ ܠܗܘܿܢ.
ܝܼܫܘܿܥ ܦܲܠܘܼܛܹܐ ܪܘܼܚܵܐ ܛܲܡܐܹܐ ܡ̣ܢ ܝܵܠܵܕ݇ܐ
ܡܬܝ 17:14‐18؛ ܡܪܩܘܣ 9:14‐27
37ܒܝܵܘܡܵܐ ܐ݇ܚܹܪ݇ܢܵܐ ܒܸܨܠܵܝܵܐ ܝܗ݇ܘܵܘ ܡ̣ܢ ܛܘܼܪܵܐ، ܐ݇ܬܹܐ ܠܹܗ ܠܟܸܣ ܠܹܗ ܟܸܢܫܵܐ ܪܵܒܵܐ. 38ܘܚܲܕ ܐ݇ܢܵܫܵܐ ܡ̣ܢ ܓܵܘ ܟܸܢܫܵܐ ܡܘܼܩܘܸܚ ܠܹܗ ܘܐ݇ܡܝܼܪܹܗ، ”ܡܲܠܦܵܢܵܐ، ܦܲܪܦܘܼܠܹܐ ܝܘܸܢ ܒܝܼܘܼܟ݂ ܕܪܲܚܡܸܬ ܥܲܠ ܒܪܘܿܢܝܼ ܣܵܒܵܒ ܝܼܚܝܼܕܵܝܵܐ ܝܠܹܗ ܐܸܠܝܼ. 39”ܟܹܐ ܥܵܒ݂ܪܵܐ ܒܝܼܹܗ ܪܘܼܚܵܐ، ܘܡܸܢܫܸܠܬܵܢܹܐ ܟܹܐ ܡܲܩܘܸܚ، ܘܟܹܐ ܪܲܬܪܸܬ ܘܓܲܒܓܸܒ، ܘܒܚܲܝܠܵܐ ܟܹܐ ܦܵܪܩܵܐ ܡܸܢܹܗ ܐܝܼܡܲܢ ܕܟܹܐ ܓ̰ܲܢܓ̰ܸܪܵܐ ܠܹܗ. 40”ܦܘܼܪܦܸܠ ܠܝܼ ܒܬܲܠܡܝܼܕܘܼ̈ܟ݂ ܕܦܲܠܛܝܼ ܠܵܗ̇ ܡܸܢܹܗ ܘܠܵܐ ܡܨܹܐ ܠܗܘܿܢ.“ 41ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ، ”ܝܵܐ ܫܲܪܒܬܵܐ ܦܟ̰ܝܼܠܬܵܐ ܘܠܵܐ ܡܗܘܼܡܸܢܬܵܐ، ܗܲܠ ܐܝܼܡܲܢ ܒܸܬ ܗܵܘܹܝܢ ܠܟܸܣ ܠܵܘܟ݂ܘܿܢ ܘܛܵܥܢܹܢ ܝܘܼܩܪܵܘܟ݂ܘܿܢ؟ ܡܲܝܬܝܼ ܠܹܗ ܠܐܲܟ݂ܵܐ ܒܪܘܿܢܘܼܟ݂.“ 42ܘܟܲܕ ܒܹܐܬܵܝܵܐ ܝܗ݇ܘܵܐ، ܪܘܼܦܹܐ ܠܹܗ ܫܹܐܕܵܐ ܠܗ̇ܘ ܝܵܠܵܕ݇ܐ ܠܐܲܪܥܵܐ ܘܪܘܼܬܪܸܬ ܠܹܗ. ܘܢܓ̰ܝܼܘ ܠܹܗ ܝܼܫܘܿܥ ܒܗ̇ܝ ܪܘܼܚܵܐ ܛܲܡܐܹܐ، ܘܒܘܼܣܸܡ ܠܹܗ ܠܝܵܠܵܕ݇ܐ، ܘܝܘܼܗ݇ܒܸܠ ܠܹܗ ܠܒܵܒܘܼܗܝ. 43ܘܥܘܼܓ̰ܸܒ ܠܗܘܿܢ ܟܠܲܝܗܝ ܒܓܘܼܪܘܼܬܵܐ ܕܐܲܠܵܗܵܐ. ܘܟܲܕ ܟܠܲܝܗܝ ܐ݇ܢܵܫܹ̈ܐ ܥܲܓ̰ܒܝܼ ܗ݇ܘܵܘ ܒܡܸܢܕܝܼ ܕܥܵܒܹܕ ܗ݇ܘܵܐ ܝܼܫܘܿܥ، ܐ݇ܡܝܼܪܹܗ ܠܬܲܠܡܝܼܕܘܼ̈ܗܝ:
ܝܼܫܘܿܥ ܡܸܢܕܪܸܫ ܡܲܚܒܘܼܪܹܐ ܒܘܼܬ ܡܵܘܬܹܗ ܘܩܝܵܡܬܹܗ
ܡܬܝ 17:22‐23؛ ܡܪܩܘܣ 9:30‐32
44”ܕܟ݂ܘܿܪܘܼܢ ܐܲܚܬܘܿܢ ܐܲܢܹܐ ܗܹܡܸܙܡܵܢܹ̈ܐ. ܒܪܘܿܢܵܐ ܕܐ݇ܢܵܫܵܐ ܗܕܝܼܪܵܐ ܝܠܹܗ ܕܦܵܐܹܫ ܣܘܼܦܝܵܐ ܒܐܝܼܕܵܬܹ̈ܐ ܕܒܢܲܝ̈ܢܵܫܵܐ.“ 45ܐܝܼܢܵܐ ܐܵܢܝܼ ܠܵܐ ܦܘܼܪܡܹܐ ܠܗܘܿܢ ܠܐܵܗܵܐ ܗܹܡܸܙܡܵܢ ܘܛܘܼܫܝܼܬܵܐ ܝܗ݇ܘܵܐ ܡܸܢܲܝܗܝ ܕܠܵܐ ܦܲܪܡܝܼ ܗ݇ܘܵܘ ܠܵܗ̇، ܘܒܸܙܕܵܥܵܐ ܝܗ݇ܘܵܘ ܕܒܲܩܪܝܼ ܗ݇ܘܵܘ ܒܘܼܬ ܕܝܼܘܼܗ̇.
ܟܵܪܘܿܙܘܼܬܵܐ ܒܘܼܬܡܲܟܲܦܬܵܐ ܕܓܵܢܵܐ
ܡܬܝ 18:1‐5؛ ܡܪܩܘܣ 9:33‐37
46ܫܘܼܪܹܐ ܠܗܘܿܢ ܬܲܠܡܝܼ̈ܕܹܐ ܡܲܩܪܘܼܨܹܐ ܥܲܡ ܥܘܼܕܵܠܹ̈ܐ ܕܡܵܢܝܼ ܝܠܹܗ ܓܘܼܪܵܐ ܓܵܘܲܝܗܝ. 47ܘܝܼܫܘܿܥ ܝ݇ܕܝܼܥ ܠܹܗ ܚܘܼܫܵܒܹ̈ܐ ܕܠܸܒܲܝܗܝ. ܫܩܝܼܠ ܠܹܗ ܚܲܕ ܝܵܠܵܕ݇ܐ ܙܥܘܿܪܵܐ ܘܡܘܼܟܠܹܐ ܠܹܗ ܠܟܸܣ ܠܹܗ، 48ܘܐ݇ܡܝܼܪܹܗ ܐܸܠܲܝܗܝ، ”ܟܠ ܕܩܲܒܸܠ ܠܐܵܗܵܐ ܝܵܠܵܕ݇ܐ ܒܫܸܡܝܼ، ܐܸܠܝܼ ܩܲܒܘܼܠܹܐ ܝܠܹܗ؛ ܘܡ̇ܢ ܕܐܸܠܝܼ ܩܲܒܸܠ ܩܲܒܘܼܠܹܐ ܝܠܹܗ ܠܗ̇ܘ ܕܫܘܼܕܸܪܹܗ ܐܸܠܝܼ. ܗ̇ܘ ܕܝܼܠܹܗ ܙܥܘܿܪܵܐ ܓܵܘܵܘܟ݂ܘܿܢ، ܗ̇ܘ ܝܼܠܹܗ ܓܘܼܪܵܐ ܕܟܠܵܘܟ݂ܘܿܢ.“
ܡ̇ܢ ܕܠܹܐ ܝܠܹܗ ܠܕܲܠܩܘܼܒ݂ܠܵܘܟ݂ܘܿܢ ܥܲܡܵܘܟ݂ܘܿܢ ܝܼܠܹܗ
ܡܪܩܘܣ 9:38‐40
49ܐ݇ܡܝܼܪܹܗ ܐܸܠܹܗ ܝܘܿܚܲܢܵܢ، ”ܪܲܒܝܼ، ܚܙܹܐ ܠܲܢ ܚܲܕ ܐ݇ܢܵܫܵܐ ܦܲܠܘܼܛܹܐ ܫܹܐܕܹ̈ܐ ܒܫܸܡܘܼܟ݂، ܐܝܼܢܵܐ ܡܘܼܟܠܹܐ ܠܲܢ ܐܸܠܹܗ ܣܵܒܵܒ ܠܵܐ ܐ݇ܬܹܐ ܠܹܗ ܥܲܡܲܢ.“ 50ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܠܵܐ ܡܲܟܠܹܝܬܘܿܢ ܠܹܗ، ܣܵܒܵܒ ܡ̇ܢ ܕܠܹܐ ܝܠܹܗ ܠܕܲܠܩܘܼܒ݂ܠܵܘܟ݂ܘܿܢ ܥܲܡܵܘܟ݂ܘܿܢ ܝܼܠܹܗ.“
ܫܵܡܪ̈ܵܝܹܐ ܡܲܚܦܘܼܠܹܐ ܠܝܼܫܘܿܥ
51ܟܲܕ ܦܝܵܫܵܐ ܝܗ݇ܘܵܘ ܬܘܼܡܸܡܹܐ ܝܵܘܡܵܢܹ̈ܐ ܕܣܘܼܠܵܩܹܗ، ܩܛܝܼܥ ܠܹܗ ܒܚܝܼܵܠܹܗ ܕܐܵܙܹܠ ܠܐܘܿܪܸܫܠܸܡ. 52ܘܫܘܼܕܸܪܹܗ ܐܝܼܙܓܲܕܹ̈ܐ ܡܩܵܕ݇ܡ ܕܝܼܹܗ، ܘܐ݇ܙܝܼܠ ܠܗܘܿܢ ܘܥܒ݂ܝܼܪܗܘܿܢ ܠܡܵܬܵܐ ܕܫܵܡܪ̈ܵܝܹܐ ܕܗܲܕܪܝܼ ܗ݇ܘܵܘ ܩܵܬܹܗ. 53ܐܝܼܢܵܐ ܫܵܡܪ̈ܵܝܹܐ ܠܵܐ ܩܘܼܒܸܠ ܠܗܘܿܢ ܐܸܠܲܝܗܝ ܣܵܒܵܒ ܩܛܝܼܥܵܐ ܝܗ݇ܘܵܐ ܒܚܝܼܵܠܹܗ ܕܐܵܙܹܠ ܠܐܘܿܪܸܫܠܸܡ. 54ܐܝܼܡܲܢ ܕܬܲܠܡܝܼ̈ܕܹܐ، ܝܲܥܩܘܿܒ݂ ܘܝܘܿܚܲܢܵܢ، ܚܙܹܐ ܠܗܘܿܢ ܐܵܗܵܐ، ܐ݇ܡܝܼܪܗܘܿܢ ܐܸܠܹܗ، ”ܡܵܪܲܢ، ܐܸܢ ܒܵܥܹܝܬ ܦܵܩܕܲܚ ܕܨܵܠܹܐ ܢܘܼܪܵܐ ܡ̣ܢ ܫܡܲܝܵܐ ܘܐܵܟܹܠ ܠܗܘܿܢ، ܐܲܝܟ݂ ܕܥܒ݂ܝܼܕ ܠܹܗ ܐܹܠܝܼܵܐ؟“#ܒ. ܡܠܟ̈ܐ 1:9‐16 55ܕܝܼܪܹܗ ܝܼܫܘܿܥ ܘܢܓ̰ܝܼܘ ܠܹܗ ܒܝܼܲܝܗܝ ܘܐ݇ܡܝܼܪܹܗ، ”ܠܹܐ ܝܬܘܿܢ ܒܝܼܕܵܥܵܐ ܡ̣ܢ ܐܲܝܢܝܼ ܪܘܼܚܵܐ ܝܬܘܿܢ. 56”ܒܪܘܿܢܵܐ ܕܐ݇ܢܵܫܵܐ ܠܵܐ ܐ݇ܬܹܐ ܠܹܗ ܕܛܲܠܸܩ ܓܵܢܵܬܹ̈ܐ ܕܒܢܲܝ̈ܢܵܫܵܐ ܐܸܠܵܐ ܕܦܲܪܸܩ ܠܗܘܿܢ.“ ܘܐ݇ܙܝܼܠ ܠܗܘܿܢ ܠܡܵܬܵܐ ܐ݇ܚܹܪ݇ܬܵܐ.
ܨܲܚܨܵܝܬܵܐ ܕܬܲܠܡܝܼ̈ܕܹܐ
ܡܬܝ 8:19‐22
57ܟܲܕ ܒܹܐܙܵܠܵܐ ܝܗ݇ܘܵܘ ܝܼܫܘܿܥ ܘܬܲܠܡܝܼܕܘܼ̈ܗܝ ܒܐܘܼܪܚܵܐ، ܐ݇ܡܝܼܪܹܗ ܚܲܕ ܐ݇ܢܵܫܵܐ ܠܝܼܫܘܿܥ، ”ܡܵܪܝܼ، ܒܸܬ ܐܵܬܹܝܢ ܒܵܬ݇ܪܘܼܟ݂ ܠܐܲܝܟܵܐ ܕܐܵܙܹܠ݇ܬ.“ 58ܓ̰ܘܼܘܸܒ ܠܹܗ ܐܸܠܹܗ ܝܼܫܘܿܥ، ”ܬܲܥܠܹ̈ܐ ܐܝܼܬ ܠܗܘܿܢ ܒܸܙܥܵܙܹ̈ܐ، ܘܛܲܝܪܹ̈ܐ ܕܫܡܲܝܵܐ ܕܘܼܟܵܐ ܕܫܪܵܝܬܵܐ، ܐܝܼܢܵܐ ܒܪܘܿܢܵܐ ܕܐ݇ܢܵܫܵܐ ܠܲܝܬ ܠܹܗ ܕܘܼܟܵܐ ܕܡܲܬܸܒ݂ ܪܹܫܹܗ.“ 59ܘܐ݇ܡܝܼܪܹܗ ܝܼܫܘܿܥ ܠܚܲܕ ܐ݇ܚܹܪ݇ܢܵܐ، ”ܬܵܐ ܒܵܬ݇ܪܝܼ.“ ܐܝܼܢܵܐ ܗ̇ܘ ܐ݇ܡܝܼܪܹܗ ܐܸܠܹܗ، ”ܡܵܪܝܼ، ܫܒ݂ܘܿܩ ܠܝܼ ܩܵܕ݇ܡܵܝܬܵܐ ܕܐܵܙܹܠ݇ܢ ܘܩܵܒ݂ܪܹܢ ܠܒܵܒܝܼ.“ 60ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܫܒ݂ܘܿܩ ܡܝܼܬܹ̈ܐ ܩܵܒ݂ܪܝܼ ܡܝܼܬܲܝ̈ܗܝ، ܐܲܢ݇ܬ ܙܹܠ݇ ܘܡܲܟܪܸܙ ܡܲܠܟܘܼܬܵܐ ܕܐܲܠܵܗܵܐ.“ 61ܐ݇ܡܝܼܪܹܗ ܐܸܠܹܗ ܚܲܕ ܐ݇ܚܹܪ݇ܢܵܐ، ”ܡܵܪܝܼ، ܒܸܬ ܐܵܬܹܝܢ ܒܵܬ݇ܪܘܼܟ݂، ܐܝܼܢܵܐ ܫܒ݂ܘܿܩ ܠܝܼ ܩܵܕ݇ܡܵܝܬܵܐ ܕܐܵܙܹܠ݇ܢ ܘܫܵܒ݂ܩܹܢ ܒܫܲܝܢܵܐ ܠܐ݇ܢܵܫܹ̈ܐ ܕܒܲܝܬܝܼ.“ 62ܐ݇ܡܝܼܪܹܗ ܐܸܠܹܗ ܝܼܫܘܿܥ، ”ܐ݇ܢܵܫܵܐ ܠܹܐ ܕܵܒܹܩ ܐܝܼܕܹܗ ܒܦܕܵܢܵܐ ܘܓܲܫܸܩ ܠܵܒܵܬ݇ܪܹܗ ܘܚܵܫܹܚ ܠܡܲܠܟܘܼܬܵܐ ܕܐܲܠܵܗܵܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation