San Lucas 17:1-2

Jesuu magjim haajem hich dʌ̈i wënʌrraajerr k'ʌʌnag: —Mʌg jẽb gaai hichiita hich jãg hõor pekau waupiejem nem paraa haju, mamʌ ¡hëh, hapk'it! hajim hanʌm, chi magʌm nem paraa sim woun. Hirua magʌm gaaimua chi mʌ hiek hʌ̈k'a k'ërʌmta pekau hee burrpimʌn, hichta Hẽwandam dʌ̈i hiekk'õr pöoma sĩsiju. Mamʌ mag Hẽwandam dʌ̈ita hiekk'õr paarpaju k'ãai hichdëupai hich hö gaai mokpör pömk'am jʌ̃naa p'ũas hee baudʌk'iin hʌ̈ucha hajugui hajim hanʌm Jesuu.