San Juan 8
8
Ʉʉi deeum dʉi sim ooimawia Jesús aig aibeetarr
1Mag amach diig ereubaadeewai ich Jesús jũrr Olivo durrsĩig petajim. 2Maimua ag noram edpherre deeu beewi Aai i jeeujem deg sĩeichejim. Mag i maig sĩeichem khaug athaawai i aig õor bee thʉnʉisijim. Magbaawai khʉt jupwi Ẽwandam iek jawaagpajim.
3Pari mag ya irua jaaubaadem eeta, Ẽwandam iek jawaag chi machnaanau fariseonaan dʉimua i aig ʉʉi waibeejierram. Mag ʉʉi ich jaai khabamuata wau wai sim ooimawia mag i aig waibeejierram. Mag waibeewia thumaam khʉʉn jʉ̃g daar 4Jesuug magjierram:
—Maestro, mʉg ʉʉi ich jaai khabamuata wau wai sim ooimajierramgui ajierram. 5Moiseeu ley phã pʉarr gaai jaauwai, mʉgʉm ʉʉinan mokou bar wai nʉmua warreta thõopʉipi jaau sim. ¿Pua oowai jãga aju aai sĩ? ajierram irig.
6Pari amau mag irig jeeu narran, jũrr chaauraapai khãijã jaaubaawai juau ogthom ich magʉm gaaimuapai i khaibag wawaag ajima. Pari ichig mag jeeu nʉmjã ũrbamjo, chi Jesús warag eeg ʉ̃thʉnaa jĩgkhẽúapai jẽb gaai phãpʉi phãpʉi oo sĩejim. 7Pari magʉmjã pʉaba mag ichig phʉʉrba jejeeu khaawaita dʉnʉʉunaa amag, —Pãachdeu khaphʉ jaau naawai pãach ee ar bʉ̃ʉrjã pekau chukhu nʉm khʉʉnauta nacha i barjurauma ajim.
8Mag iekhapʉiwia, deeu eeg ʉ̃thʉ oo sĩsiwi, ũwaai jẽb gaai jĩgkhẽúa phãpʉi phãpʉi oo sĩsijim. 9Mag chi ʉʉi waiberr khʉʉnau Jesuu amachig mag iekhabapʉim ũrbaawai jooiraacharam khʉʉnta nacha okhar ãhãbdo wet ahaugmamua tagam khʉʉnjã khĩrab ereudubjierram. Ãba chi ʉʉi appaita maba aig sĩsijim. Mag ya amach numpai aadeewaita 10deeu dʉnʉʉunaa chi ʉʉiragta, —¿Jam nʉ pʉ aiberr khʉʉn? ¿Ãbmuajã pʉ mokou barba ereubaadejĩ? ajim.
11Magbaawai chi ʉʉirau, —Ʉ̃hʉ̃, ni ãbmuajã mʉ chig abajimgui ajim.
Magbaa deeu ich Jesuupai irig, —Muajã pʉ chig abam. Petá, pari jãimua oob tag pʉch jaai khabam dʉi khapes amgui ajim irig.]
Jesuuta maach atheem õtdauu
12Mag khur deeu aig õor narr khʉʉnag Jesuu magjim:
—Mʉʉta mʉg durr gaai wenʉrrʉm khʉʉn atheem õtdauu; chi mʉ dʉita nʉrrʉm chan tag bʉ̃ʉrjã khĩchag ee nʉrrabamgui ajim, mʉchdeuta i iiupinaa Ẽwandam khĩirjugjã khaugpi chiraawai.
13Magbaawai chi fariseonaanau irig magjierram:
—Puan pʉchdeupaita wir aig pʉch jaau sim. Jãg pua jaau sim chan bʉ̃ʉrjã baleeba simgui ajierram, pʉchdeupaita pʉch jaau sĩewai.
14Magbaawai Jesuu amag magjim:
—Muan mʉchdeupaita mʉch jaau chirab mamʉ, mua nem jaau chirʉmʉn chadcha balee simgui ajim. ¿Khan jãgwi mag chirʉ́? Mua mʉch beetarr khaphʉnaa mʉigmua petaau mʉch chiraimajujã mua khaphʉ chiraawaita mag chirʉmgui ajim. Pari pãach iekhõoin pãachdeun chad mʉ khaugba nʉmta mag mʉ jaau naabma ajim jũrr amag. 15Pãraun pãachdeu oowai magjoo abaawaita sĩi pãach khĩirjug eemuapaita mag chikham jaaujemgui ajim. Pari mua pãar denjo sĩi mag õor jaauba chitʉmgui ajim. 16Muata õor jaau chirakhiin, sĩi mʉch appaimuata jaau chirʉm khaba aawai muan chadcha nem agchata jaaujugui ajim, ich mʉ pʉitarrauta mʉ ipierr jaau sĩewai; ajapcharan ich mʉ Ayauma. 17Pãrag Moiseeu ley phã pʉarr gaai jaauwai, “Destignaan numiim khʉʉnauta chadcha nem ãba jaau nʉmʉn, makhʉʉnau jaau nʉm chadcha balee sim” a sim. 18Mag ley gaai destignaan numiim khʉʉnauta ãba jaauju aai nʉm a sĩewai, maar chi jaau nʉm khʉʉnjã numí naabahab: Dau ãb, mʉchpaiu; maimua ãbakhai, mʉ Ayaugui ajim, chi mʉ pʉitarr. Magua mua mʉch igwia mʉʉta mʉg durr gaai wenʉrrʉm khʉʉn athee õtdauu aawaijã chadcha balee simgui ajim, mʉch Aai dʉimuata mag jaau chiraawai.
19Magbaawai chi fariseonaanau, —Magan ¿jam sĩ pʉ aai? ajierram irig.
Magbaawai Jesuu, —Pãrau chan mʉjã khaugba, ni mʉ Aaijã khaugba nʉmgui ajim. Pãrau mʉ oo naawai mʉ khaphʉ naakhiin, ĩchab mʉ Aaijã khaphʉ naakhamgui ajim, i jãga sĩerrʉ́.
20Jesuu mag iekhamarr, Aai i jeeujem deg ofrenda phewi ag ãkhaajem aigta mag iekhamajim, ichpai jaau simua. Pari agtha i pʉr auju ed khaba arr aawai mag ichpai jaau sĩerr gaaimua i pʉr aum ig narrjã ãbmuajã i pʉr aubajim.
“Pãach pekau ee nʉm chan mʉ chirʉm aar pod barbam”
21Maimua ag khur nʉʉpai awi deeu ich Jesuupai aig narr khʉʉnag magjim:
—Mʉ petaawai pãrau mʉ jʉrju, pari ãbmuajã mʉ baaubamgui ajim. Pãarta pekau ee wenʉrrʉmʉn, ich ag eepai pãar khechwi mʉ mam aarjã pãar pod barbamgui ajim.
22Mamʉ irua mag simjã khaugba, chi judionaanau warag amach khapeenagta, —¿Wa juau ichdeupai ich thõopʉiju khĩirju sĩewaita mag i sĩeimam aar pod maach barbaju a sĩwa? aajeejim.
23Pari sĩi warag mag khaugbata jaau nʉm ũrwia Jesuu amag magjim:
—Mua pãrag mag chirʉmʉn, pãar mʉig eegarm khʉʉn aawai ich mʉig eegarpai nʉisijuuta jaau chirʉm. Pari mʉ ʉ̃gtharm aawai deeu mʉch chirarr aar majugui ajim. Magnaa amag, Pãar mʉg jẽb gayam khʉʉn khabahab, pari mʉ chan pãarjo mʉg jẽb gayam khabamgui ajim. 24Maguata pãrau mʉʉta ich Ẽwandamau pʉiju a jaaujerr khabampii awia mʉ igbam chan, chaig mʉchdeu jaau chirarrjo, pãach pekau eepai khechwi mʉ mam aarjã pãar pod barbamgui ajim amag.
25Mag ũrwia chi judionaanau ichigcha, —¿Magan pʉ khaíuma? abaawai, ich Jesuupai deeu amag iekhamamua magjim:
—Ya mua pãrag mʉch jaaujeewai, ¿khan atcha tag mua jaaubarju? ajim. 26Mʉch garmuan mua pãar jaauju akhiin, jaauju pooma chirʉm. Mamʉ magʉmta jaauba, ãba chi mʉ pʉitarrau jaaupitarrpierrpaita jaau chitʉmgui ajim. Pãrau mʉ iek ʉkhamapha naab mamʉ, mua jaau chirʉmʉn thum chadcharaugui ajim, chi mʉ pʉi simjã chadchata iekhaajeewai.
27Pari mag ich Aai igwia par jajaaukhamjã pod khaugbajierram. Mag ichdeu jajaaukhamjã khaugba abaawaita 28amag magjim:
—Jãg nʉʉ awia ya pãachdeucha mʉch chi Emkhooi Iewaa pakuls gaaicha meerphenaa jiirjop sĩubaawaita pãrau mʉ igwia, “Jãgan chadchata ich Ẽwandamau pʉiju aajerr ajiebma, jãguata jãg sĩi ich khĩrau nem wauba aajeejim” ajurau. Maiguin chadau pãrau khaphʉ ajugui ajim, mua ãba mʉch Ayau mʉchig jaaupimampaita õragjã jaaujerr. 29Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.
30Jesuu mag iekhabarm ũrwia õor pom i iek ʉkhajierram.
Ẽwandam chaain khabamʉn sĩi pekau chognaanau
31Maimua ich Jesuupai judionaan mag ich iek ʉkhatarr khʉʉnag magjim:
—Pãarta jãg cha mua jaau chirʉm iek pãachdeu ʉkhabarmta ogdʉba ich mag mʉ ipierr wenʉrrʉmʉn, magan chadcha pãar mʉ khapeenaugui ajim. 32Mag amʉn magan chadcharam iekta pãrau khaugju. Mag chadam iek pãachdeu ʉkhabarmua ya tag pãar chikham chogkhaba nʉisijugui ajim amag.
33Magbaawaita jũrr tagam khʉʉn agjo aig narr khʉʉnau, —Maran jooi Abrán chaain ewagam khʉʉnau; maar mag sĩi chikhaman chognaanjã khaba nʉmgui ajierram. Mag nʉmta, ¿jãga pʉ iek mag pʉ iek ʉkhabarmuata tag chikham chogkhaba nʉisiju a sĩ? ajierram irig.
34Magbaawai Jesuu jũrr amag, —Ar pekau waaujem khʉʉnan chadcha thum pekau chognaanaugui ajim. 35Pãrau khaphʉ nʉm, sĩi chikham chogkha phidkha sim chan, ich phidkha sim degam khʉʉn chaai khaba aawai, am dʉi sĩerram iek sĩerraba aajem. Pari chi dikhʉ chaai magba, thaababarwe am chaaikha sĩsierr ich mag am dʉi sĩsiejemgui ajim. 36Pekaúa pãar ich chognaanjo wai simta mʉch chi Ẽwandam Iewaauta mag pekau jua eemua pãar obeer athamʉn, ya tag i chog khaba, chadcha oberm iekta ober nʉisijugui ajim. 37Magnaa, Mua khaphʉ chirʉmgui ajim, pãar Abrán chaainkha nʉm. Pari mag i chaain anʉmta pãachdeu mʉ iek ũrmapha nʉm gaaimua warag mʉ thõopʉimjã khõsi nʉm. 38Muan mʉch Aai dʉi chiraawai i dʉi khaugtarrta pãrag jaaujem. Maagwai pãraujã ich agjo pãach ayau pãachig jajaaukhamta waaujemgui ajim.
39Magbaawai deeu amachdeu, —Maar ayan Abranaugui ajierram.
Mamʉ magbaawai ich Jesuu amag, —Pãachdeu jaau nʉmjo pãar chadcha Abrán chaain akhiin, ich Abranau aajerrjota pãraujã aajeekhamgui ajim. 40Pari magba aawai ich Ẽwandamaucha mʉchig jaautarrta meerba jaau chitaawaijã pãrau warag mʉ thõopʉim khõsita aajemgui ajim. Abranau chan jãg pãar denjo chikham thõoju ẽkhaba aajeejimgui ajim. 41Magnaa, Pãar chan Abrán chaain khabamjota nʉmgui ajim. Maguata jãg pãach aai chi ãbakhaíu nem waaujemjota pãachdeujã aajemgui ajim.
Magbaawai amachdeu sereu phobaadewi, —Maar chan noo chaain khabam. Maran aai ãbpaita wai nʉmgui ajierram: Ẽwandam. Ẽwandamta maar Aai charaugui ajierram.
42Magbaawai Jesuu magjim:
—Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim. 43Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim. 44Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag. 45Pãach mag i chaainkha naawaita mua chadcha nem jaau chitʉmjã pãrau ʉkhaba nʉmgui ajim. 46Pãar mʉg thʉnʉm ee, ¿khaíu bʉ̃ʉrjã seukhaba mʉrʉg, “Pʉ pekau wai sim” aju aai sĩ? ajim amag. Mʉ chan bʉ̃ʉrjã pekau chukhu chitʉmgui ajim. Mag chitaawai muan chadcha nem agchata jaau chitʉm. Pari magʉmjã ¿jãgwi pãrau ʉkhaba aajemma? ajim. 47Ar chadcha Ẽwandam chaainkha nʉm khʉʉnaun i iek õrau jaau nʉm ũurwaijã ʉkham khõsi ʉkhaajerram. Pari pãar Ẽwandam chaain khaba aawai pãrau i iek ʉkhaba nʉmgui ajim.
Cristo Abrán thaabaju nawe sĩerrajim
48Mag amachig, “pãar chan Ẽwandam chaain khabamgui” abaawai, chi judionaanau irig, —Chadchata pʉʉn jãgan Samariapierrau, maimua dosãtauta pʉ por meu sĩebahab ajierram ichigcha.
49Magbaawai Jesuu, —Mʉ dosãtau por meuba chirʉmgui ajim. Mʉg chitʉm aiguin mʉʉn sĩi mʉch Aaita tho iekha chitʉm. Pari maagwai jũrr pãrau mʉ Aaijã ogkhaba, warag mʉchta dosãtaujã por meu chirʉm aajemgui ajim. 50Mʉ Ayaun chadcha õraujã mʉrʉgta ee apim khõsi sĩeb mamʉ, mʉchdeu chan mʉrʉgta ee abat aba chitʉmgui ajim. Pari jãg pãrau mʉ iseg nʉm paran ichdeuta pãar dʉi ichdeu khap ajugui ajim. 51Magnaa, Ĩs mua chadcha chi mua jaau chirʉm ipierraa sim woun chan thõbaju a chirʉmgui ajim ich Jesuu.
52Pari magbaawai chará chi judionaanau, —Ĩsta chadcha marau wajapha pʉ khaphʉ nʉm: Pʉʉn chadcha por ee dosãt wai simuata mag iekhapi simgui ajierram. ¿Khani Abranjã meewia maimua tagam khʉʉn agjo Ẽwandam i jaaujerr khʉʉnjã thumaa otarrta mag pʉ ipierraa nʉm khʉʉn chan khechbaju a nʉ? 53¿Wa pʉʉta maar aai Abrán khararr khãaijã atcha chirʉ́wa? ajierram. ¿Pua khaugbata sĩ ajierram, Abrán meewia tagam khʉʉn chi Ẽwandam iek jaaujerr khʉʉnjã thum otarr? Magtarrta, ¿pʉ khai agá ajierram irig, mʉig maar ee mag pʉch tho iekhacheeg?
54Magbaa Jesuu, —Mua mʉchdeupaita mʉch tho iekhakhiin, mua mag mʉch tho chirʉmjã bʉ̃ʉrjã baleeba simgui ajim. Pari chadcha chi mʉ tho iekhanaa mʉchta thumaam khʉʉn khãaijã ʉ̃rpai api simʉn ich mʉ Ayaugui ajim. Wajapcharan ar pãrau i igwia pãar Ẽwandam aajemma, jãguata thumaam khʉʉn khãaijã mʉchta ʉ̃rpai api simgui ajim. 55Mag pãachdeun, iita pãach Ẽwandam anaab mamʉ, pãrau i khaugba nʉmgui ajim. Muan chad i khaphʉ chirʉm. Mua chadcha i khaphʉ chirʉmta i khaugbam akhiin, maiguin mʉʉn seunem pãar dʉi ãbata chirʉm. Pari mua chadcha i khaphʉ chitʉm; magua mua i ipierraata nem waaujemgui ajim. 56Pãar jooi Abrán onee ajim, Ẽwandamau ichig chaai deebarmua jũrr chaain ĩiubaadeeu ewag paawai mʉ beejujã khaphʉ sĩerr aawai. Maimua ya chadcha mʉ pierrum oobaawaijã i onee ajimgui ajim amag.
57Magbaawai chi judionaanau ich Jesuug, —Mag iekha sim chan agtha cincuenta añojã khaba sim. Mag simta, ¿mag pua Abrán oojim a sĩ? ajierram irig.
58Magbaa ich garmua, —Mʉʉn Abrán thaabaju nawe ich mag chirajimgui ajim amag.
59Amachig magbaawai chará ya mokou i baraag ẽkha naajim. Pari mag nʉm ee, sĩi ich iiu aawai, õor ee theerbabag warag ichta daaupabaadejim, Aai i jeeujem degmua.
Currently Selected:
San Juan 8: noaA
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
San Juan 8
8
Ʉʉi deeum dʉi sim ooimawia Jesús aig aibeetarr
1Mag amach diig ereubaadeewai ich Jesús jũrr Olivo durrsĩig petajim. 2Maimua ag noram edpherre deeu beewi Aai i jeeujem deg sĩeichejim. Mag i maig sĩeichem khaug athaawai i aig õor bee thʉnʉisijim. Magbaawai khʉt jupwi Ẽwandam iek jawaagpajim.
3Pari mag ya irua jaaubaadem eeta, Ẽwandam iek jawaag chi machnaanau fariseonaan dʉimua i aig ʉʉi waibeejierram. Mag ʉʉi ich jaai khabamuata wau wai sim ooimawia mag i aig waibeejierram. Mag waibeewia thumaam khʉʉn jʉ̃g daar 4Jesuug magjierram:
—Maestro, mʉg ʉʉi ich jaai khabamuata wau wai sim ooimajierramgui ajierram. 5Moiseeu ley phã pʉarr gaai jaauwai, mʉgʉm ʉʉinan mokou bar wai nʉmua warreta thõopʉipi jaau sim. ¿Pua oowai jãga aju aai sĩ? ajierram irig.
6Pari amau mag irig jeeu narran, jũrr chaauraapai khãijã jaaubaawai juau ogthom ich magʉm gaaimuapai i khaibag wawaag ajima. Pari ichig mag jeeu nʉmjã ũrbamjo, chi Jesús warag eeg ʉ̃thʉnaa jĩgkhẽúapai jẽb gaai phãpʉi phãpʉi oo sĩejim. 7Pari magʉmjã pʉaba mag ichig phʉʉrba jejeeu khaawaita dʉnʉʉunaa amag, —Pãachdeu khaphʉ jaau naawai pãach ee ar bʉ̃ʉrjã pekau chukhu nʉm khʉʉnauta nacha i barjurauma ajim.
8Mag iekhapʉiwia, deeu eeg ʉ̃thʉ oo sĩsiwi, ũwaai jẽb gaai jĩgkhẽúa phãpʉi phãpʉi oo sĩsijim. 9Mag chi ʉʉi waiberr khʉʉnau Jesuu amachig mag iekhabapʉim ũrbaawai jooiraacharam khʉʉnta nacha okhar ãhãbdo wet ahaugmamua tagam khʉʉnjã khĩrab ereudubjierram. Ãba chi ʉʉi appaita maba aig sĩsijim. Mag ya amach numpai aadeewaita 10deeu dʉnʉʉunaa chi ʉʉiragta, —¿Jam nʉ pʉ aiberr khʉʉn? ¿Ãbmuajã pʉ mokou barba ereubaadejĩ? ajim.
11Magbaawai chi ʉʉirau, —Ʉ̃hʉ̃, ni ãbmuajã mʉ chig abajimgui ajim.
Magbaa deeu ich Jesuupai irig, —Muajã pʉ chig abam. Petá, pari jãimua oob tag pʉch jaai khabam dʉi khapes amgui ajim irig.]
Jesuuta maach atheem õtdauu
12Mag khur deeu aig õor narr khʉʉnag Jesuu magjim:
—Mʉʉta mʉg durr gaai wenʉrrʉm khʉʉn atheem õtdauu; chi mʉ dʉita nʉrrʉm chan tag bʉ̃ʉrjã khĩchag ee nʉrrabamgui ajim, mʉchdeuta i iiupinaa Ẽwandam khĩirjugjã khaugpi chiraawai.
13Magbaawai chi fariseonaanau irig magjierram:
—Puan pʉchdeupaita wir aig pʉch jaau sim. Jãg pua jaau sim chan bʉ̃ʉrjã baleeba simgui ajierram, pʉchdeupaita pʉch jaau sĩewai.
14Magbaawai Jesuu amag magjim:
—Muan mʉchdeupaita mʉch jaau chirab mamʉ, mua nem jaau chirʉmʉn chadcha balee simgui ajim. ¿Khan jãgwi mag chirʉ́? Mua mʉch beetarr khaphʉnaa mʉigmua petaau mʉch chiraimajujã mua khaphʉ chiraawaita mag chirʉmgui ajim. Pari pãach iekhõoin pãachdeun chad mʉ khaugba nʉmta mag mʉ jaau naabma ajim jũrr amag. 15Pãraun pãachdeu oowai magjoo abaawaita sĩi pãach khĩirjug eemuapaita mag chikham jaaujemgui ajim. Pari mua pãar denjo sĩi mag õor jaauba chitʉmgui ajim. 16Muata õor jaau chirakhiin, sĩi mʉch appaimuata jaau chirʉm khaba aawai muan chadcha nem agchata jaaujugui ajim, ich mʉ pʉitarrauta mʉ ipierr jaau sĩewai; ajapcharan ich mʉ Ayauma. 17Pãrag Moiseeu ley phã pʉarr gaai jaauwai, “Destignaan numiim khʉʉnauta chadcha nem ãba jaau nʉmʉn, makhʉʉnau jaau nʉm chadcha balee sim” a sim. 18Mag ley gaai destignaan numiim khʉʉnauta ãba jaauju aai nʉm a sĩewai, maar chi jaau nʉm khʉʉnjã numí naabahab: Dau ãb, mʉchpaiu; maimua ãbakhai, mʉ Ayaugui ajim, chi mʉ pʉitarr. Magua mua mʉch igwia mʉʉta mʉg durr gaai wenʉrrʉm khʉʉn athee õtdauu aawaijã chadcha balee simgui ajim, mʉch Aai dʉimuata mag jaau chiraawai.
19Magbaawai chi fariseonaanau, —Magan ¿jam sĩ pʉ aai? ajierram irig.
Magbaawai Jesuu, —Pãrau chan mʉjã khaugba, ni mʉ Aaijã khaugba nʉmgui ajim. Pãrau mʉ oo naawai mʉ khaphʉ naakhiin, ĩchab mʉ Aaijã khaphʉ naakhamgui ajim, i jãga sĩerrʉ́.
20Jesuu mag iekhamarr, Aai i jeeujem deg ofrenda phewi ag ãkhaajem aigta mag iekhamajim, ichpai jaau simua. Pari agtha i pʉr auju ed khaba arr aawai mag ichpai jaau sĩerr gaaimua i pʉr aum ig narrjã ãbmuajã i pʉr aubajim.
“Pãach pekau ee nʉm chan mʉ chirʉm aar pod barbam”
21Maimua ag khur nʉʉpai awi deeu ich Jesuupai aig narr khʉʉnag magjim:
—Mʉ petaawai pãrau mʉ jʉrju, pari ãbmuajã mʉ baaubamgui ajim. Pãarta pekau ee wenʉrrʉmʉn, ich ag eepai pãar khechwi mʉ mam aarjã pãar pod barbamgui ajim.
22Mamʉ irua mag simjã khaugba, chi judionaanau warag amach khapeenagta, —¿Wa juau ichdeupai ich thõopʉiju khĩirju sĩewaita mag i sĩeimam aar pod maach barbaju a sĩwa? aajeejim.
23Pari sĩi warag mag khaugbata jaau nʉm ũrwia Jesuu amag magjim:
—Mua pãrag mag chirʉmʉn, pãar mʉig eegarm khʉʉn aawai ich mʉig eegarpai nʉisijuuta jaau chirʉm. Pari mʉ ʉ̃gtharm aawai deeu mʉch chirarr aar majugui ajim. Magnaa amag, Pãar mʉg jẽb gayam khʉʉn khabahab, pari mʉ chan pãarjo mʉg jẽb gayam khabamgui ajim. 24Maguata pãrau mʉʉta ich Ẽwandamau pʉiju a jaaujerr khabampii awia mʉ igbam chan, chaig mʉchdeu jaau chirarrjo, pãach pekau eepai khechwi mʉ mam aarjã pãar pod barbamgui ajim amag.
25Mag ũrwia chi judionaanau ichigcha, —¿Magan pʉ khaíuma? abaawai, ich Jesuupai deeu amag iekhamamua magjim:
—Ya mua pãrag mʉch jaaujeewai, ¿khan atcha tag mua jaaubarju? ajim. 26Mʉch garmuan mua pãar jaauju akhiin, jaauju pooma chirʉm. Mamʉ magʉmta jaauba, ãba chi mʉ pʉitarrau jaaupitarrpierrpaita jaau chitʉmgui ajim. Pãrau mʉ iek ʉkhamapha naab mamʉ, mua jaau chirʉmʉn thum chadcharaugui ajim, chi mʉ pʉi simjã chadchata iekhaajeewai.
27Pari mag ich Aai igwia par jajaaukhamjã pod khaugbajierram. Mag ichdeu jajaaukhamjã khaugba abaawaita 28amag magjim:
—Jãg nʉʉ awia ya pãachdeucha mʉch chi Emkhooi Iewaa pakuls gaaicha meerphenaa jiirjop sĩubaawaita pãrau mʉ igwia, “Jãgan chadchata ich Ẽwandamau pʉiju aajerr ajiebma, jãguata jãg sĩi ich khĩrau nem wauba aajeejim” ajurau. Maiguin chadau pãrau khaphʉ ajugui ajim, mua ãba mʉch Ayau mʉchig jaaupimampaita õragjã jaaujerr. 29Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.
30Jesuu mag iekhabarm ũrwia õor pom i iek ʉkhajierram.
Ẽwandam chaain khabamʉn sĩi pekau chognaanau
31Maimua ich Jesuupai judionaan mag ich iek ʉkhatarr khʉʉnag magjim:
—Pãarta jãg cha mua jaau chirʉm iek pãachdeu ʉkhabarmta ogdʉba ich mag mʉ ipierr wenʉrrʉmʉn, magan chadcha pãar mʉ khapeenaugui ajim. 32Mag amʉn magan chadcharam iekta pãrau khaugju. Mag chadam iek pãachdeu ʉkhabarmua ya tag pãar chikham chogkhaba nʉisijugui ajim amag.
33Magbaawaita jũrr tagam khʉʉn agjo aig narr khʉʉnau, —Maran jooi Abrán chaain ewagam khʉʉnau; maar mag sĩi chikhaman chognaanjã khaba nʉmgui ajierram. Mag nʉmta, ¿jãga pʉ iek mag pʉ iek ʉkhabarmuata tag chikham chogkhaba nʉisiju a sĩ? ajierram irig.
34Magbaawai Jesuu jũrr amag, —Ar pekau waaujem khʉʉnan chadcha thum pekau chognaanaugui ajim. 35Pãrau khaphʉ nʉm, sĩi chikham chogkha phidkha sim chan, ich phidkha sim degam khʉʉn chaai khaba aawai, am dʉi sĩerram iek sĩerraba aajem. Pari chi dikhʉ chaai magba, thaababarwe am chaaikha sĩsierr ich mag am dʉi sĩsiejemgui ajim. 36Pekaúa pãar ich chognaanjo wai simta mʉch chi Ẽwandam Iewaauta mag pekau jua eemua pãar obeer athamʉn, ya tag i chog khaba, chadcha oberm iekta ober nʉisijugui ajim. 37Magnaa, Mua khaphʉ chirʉmgui ajim, pãar Abrán chaainkha nʉm. Pari mag i chaain anʉmta pãachdeu mʉ iek ũrmapha nʉm gaaimua warag mʉ thõopʉimjã khõsi nʉm. 38Muan mʉch Aai dʉi chiraawai i dʉi khaugtarrta pãrag jaaujem. Maagwai pãraujã ich agjo pãach ayau pãachig jajaaukhamta waaujemgui ajim.
39Magbaawai deeu amachdeu, —Maar ayan Abranaugui ajierram.
Mamʉ magbaawai ich Jesuu amag, —Pãachdeu jaau nʉmjo pãar chadcha Abrán chaain akhiin, ich Abranau aajerrjota pãraujã aajeekhamgui ajim. 40Pari magba aawai ich Ẽwandamaucha mʉchig jaautarrta meerba jaau chitaawaijã pãrau warag mʉ thõopʉim khõsita aajemgui ajim. Abranau chan jãg pãar denjo chikham thõoju ẽkhaba aajeejimgui ajim. 41Magnaa, Pãar chan Abrán chaain khabamjota nʉmgui ajim. Maguata jãg pãach aai chi ãbakhaíu nem waaujemjota pãachdeujã aajemgui ajim.
Magbaawai amachdeu sereu phobaadewi, —Maar chan noo chaain khabam. Maran aai ãbpaita wai nʉmgui ajierram: Ẽwandam. Ẽwandamta maar Aai charaugui ajierram.
42Magbaawai Jesuu magjim:
—Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim. 43Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim. 44Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag. 45Pãach mag i chaainkha naawaita mua chadcha nem jaau chitʉmjã pãrau ʉkhaba nʉmgui ajim. 46Pãar mʉg thʉnʉm ee, ¿khaíu bʉ̃ʉrjã seukhaba mʉrʉg, “Pʉ pekau wai sim” aju aai sĩ? ajim amag. Mʉ chan bʉ̃ʉrjã pekau chukhu chitʉmgui ajim. Mag chitaawai muan chadcha nem agchata jaau chitʉm. Pari magʉmjã ¿jãgwi pãrau ʉkhaba aajemma? ajim. 47Ar chadcha Ẽwandam chaainkha nʉm khʉʉnaun i iek õrau jaau nʉm ũurwaijã ʉkham khõsi ʉkhaajerram. Pari pãar Ẽwandam chaain khaba aawai pãrau i iek ʉkhaba nʉmgui ajim.
Cristo Abrán thaabaju nawe sĩerrajim
48Mag amachig, “pãar chan Ẽwandam chaain khabamgui” abaawai, chi judionaanau irig, —Chadchata pʉʉn jãgan Samariapierrau, maimua dosãtauta pʉ por meu sĩebahab ajierram ichigcha.
49Magbaawai Jesuu, —Mʉ dosãtau por meuba chirʉmgui ajim. Mʉg chitʉm aiguin mʉʉn sĩi mʉch Aaita tho iekha chitʉm. Pari maagwai jũrr pãrau mʉ Aaijã ogkhaba, warag mʉchta dosãtaujã por meu chirʉm aajemgui ajim. 50Mʉ Ayaun chadcha õraujã mʉrʉgta ee apim khõsi sĩeb mamʉ, mʉchdeu chan mʉrʉgta ee abat aba chitʉmgui ajim. Pari jãg pãrau mʉ iseg nʉm paran ichdeuta pãar dʉi ichdeu khap ajugui ajim. 51Magnaa, Ĩs mua chadcha chi mua jaau chirʉm ipierraa sim woun chan thõbaju a chirʉmgui ajim ich Jesuu.
52Pari magbaawai chará chi judionaanau, —Ĩsta chadcha marau wajapha pʉ khaphʉ nʉm: Pʉʉn chadcha por ee dosãt wai simuata mag iekhapi simgui ajierram. ¿Khani Abranjã meewia maimua tagam khʉʉn agjo Ẽwandam i jaaujerr khʉʉnjã thumaa otarrta mag pʉ ipierraa nʉm khʉʉn chan khechbaju a nʉ? 53¿Wa pʉʉta maar aai Abrán khararr khãaijã atcha chirʉ́wa? ajierram. ¿Pua khaugbata sĩ ajierram, Abrán meewia tagam khʉʉn chi Ẽwandam iek jaaujerr khʉʉnjã thum otarr? Magtarrta, ¿pʉ khai agá ajierram irig, mʉig maar ee mag pʉch tho iekhacheeg?
54Magbaa Jesuu, —Mua mʉchdeupaita mʉch tho iekhakhiin, mua mag mʉch tho chirʉmjã bʉ̃ʉrjã baleeba simgui ajim. Pari chadcha chi mʉ tho iekhanaa mʉchta thumaam khʉʉn khãaijã ʉ̃rpai api simʉn ich mʉ Ayaugui ajim. Wajapcharan ar pãrau i igwia pãar Ẽwandam aajemma, jãguata thumaam khʉʉn khãaijã mʉchta ʉ̃rpai api simgui ajim. 55Mag pãachdeun, iita pãach Ẽwandam anaab mamʉ, pãrau i khaugba nʉmgui ajim. Muan chad i khaphʉ chirʉm. Mua chadcha i khaphʉ chirʉmta i khaugbam akhiin, maiguin mʉʉn seunem pãar dʉi ãbata chirʉm. Pari mua chadcha i khaphʉ chitʉm; magua mua i ipierraata nem waaujemgui ajim. 56Pãar jooi Abrán onee ajim, Ẽwandamau ichig chaai deebarmua jũrr chaain ĩiubaadeeu ewag paawai mʉ beejujã khaphʉ sĩerr aawai. Maimua ya chadcha mʉ pierrum oobaawaijã i onee ajimgui ajim amag.
57Magbaawai chi judionaanau ich Jesuug, —Mag iekha sim chan agtha cincuenta añojã khaba sim. Mag simta, ¿mag pua Abrán oojim a sĩ? ajierram irig.
58Magbaa ich garmua, —Mʉʉn Abrán thaabaju nawe ich mag chirajimgui ajim amag.
59Amachig magbaawai chará ya mokou i baraag ẽkha naajim. Pari mag nʉm ee, sĩi ich iiu aawai, õor ee theerbabag warag ichta daaupabaadejim, Aai i jeeujem degmua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.