San Mateo 7
7
Chikham jaaupiba jaautarr
(Lc. 6:37-38,41-42)
1’Chikham ĩgkham khõchgaupai chan oob chikham pekau phemiet, eeu Ẽwandamau pãach chach nʉm ed magʉm iek pãachig igdukham ajim anʉm Jesuu. 2Pãrauta chikham jaaum khõchgau “Jãan magta sĩerrʉm” amʉn, pãachdeu chikham jaau nʉmjo aju Ẽwandamaujã pãar dʉi. Pãachdeu chikham jaau nʉmjo ich ag jaautarr iekhau Ẽwandamaujã pãach khĩir pãar jaau thʉnʉʉujugui ajim anaabá. 3Mag simta ¿jãgwi pua sĩi pʉch khapeer dau ee pasurdam wai simta eerpa nʉʉ aajẽma, pʉch dau eejã agjo pasur pomkham wai sim khaugba? Maachin nacha dich khĩirjunaata iekha nʉmgui ajim anʉm. 4¿Jãga pua pʉch khaperag, “Daai kake, mua pʉ dau eem pasur noi aukhim” aju, pʉch dau eejã ag khãyau nem pom sim joothʉ thʉnʉm noi auba simta? 5Khĩirjug chukdam, nacha dich dau eem pasurta noi auba aajeeb ajim anʉm, wajapha oog; maimuan chadau jũrr dich khapeer dau eemjã agjo noipʉi nʉm. Magua dichta nacha khĩirjuba aajeeb chikham jawaag. Dichjã agjo chirʉm chan pod dich khapeen jaauju khabam ajim anʉm.
6Magnaa mag jajawagmamua ichdeupai, —Saak khõriimjo sĩsidʉm khʉʉnag oob mʉg pãach peerdʉajem iek jaaumiet, eeu magbam jãgʉm khʉʉnau warag pãach gaai mas adukham ajim anaabá. Mʉg iekta nem thumaam khãai chi wajapcharam aawai khũsnaanjo nem wajaphamjã aai abam khʉʉnagjã oob mʉg iek jaaumiet, eeu warag sĩi nem parhoobamta jaau nʉmjo ag igwia khaigba iyʉʉ adukhamgui ajim anʉm.
Jãga aju aajẽ Ẽwandamag jeeuwai
(Lc. 11:9-13; 6:31)
7Maimua ĩchab ich Jesuupai magjim anʉm: —Pʉaba jeeubat; pãachdeu nem igbarm Ẽwandamau deeju. Pãrau i jʉrmʉn, i baauju; i sim aar dubaag pãach weeu aupi jeeumʉn, irua pãar weeu auju ajim anʉm. 8Pãrau khaphʉ nʉmgui ajim anʉm, ar õor nem jeeu paraam khʉʉnagan deeb khaba deejem; ar amachdeu nem inag ig nʉm pʉaba jʉr nʉm khʉʉnau baaujem; maagwai ĩchab chi puertdi sirbaichem khʉjã weeu auwia dubpiejem a jaaumajim aajem.
9’Pãrau ãbmua khãijã pãach chaairau thachdam jeeubaawai, ¿mokdauta phedeeju khai, thach awi? 10Wa magbam khai, chaairau ãwarrdam khãijã jeeu khitaawai, ¿nemkhõrta ãwarr awi thõo deeju khai? Ni ãbmuajã mag chan abajugui ajim anʉm ichdeupai. 11Magnaa, Pãar jãg o ãkhãraa khitheem khʉʉnaujã pãach chaainau nem jeeuwai, ¿nem wajaphamjã ĩgkhaba deeba aajẽ? ajim anʉm. Pãrau jãg deejem khai, pãar Aai ʉ̃gthar simua chará pãrau pãach chaainag nem deejem khãaijã wajapcharamta deebajup ajim anʉm, ichig jeeu nʉm khʉʉnag.
12’Magua mua pãrag ĩchab mag chirʉmgui ajim anʉm: Chikhamnau pãach dʉi khaigba apimapha nʉm khai, pãach garmuajã oob chikham dʉi khaigba amiet. Õrau pãach dʉi apim khõsimjota pãach garmuajã am dʉi abat ajim anʉm. Moiseeu ley phã pʉatarr gaaijã magta jaaunaa ĩchab Ẽwandamau ich iek jaaupiejerr khʉʉnaujã ich magta jaaujerr aawai, magta aju aai nʉmgui ajim anaabá.
Ʉ̃gthar maajem khʉdan phĩrkhi khitʉm aajem
(Lc. 13:24)
13’Ʉ̃gthar oberm khõsi nʉm khai, puertdi phĩrkhim garta dubju ẽkhabat ajim anʉm Jesuu. ¿Jãgwi? Dosãt aar maajem khʉdta khʉdjã pomnaa chi puertdijã nem wäg sĩejeewaima. Mag sim garta õor pom erereu aajem. 14Pari jũrr ʉ̃gthar arrjem khʉdan phĩrkhinaa chi dub nʉm aram puertdijã phĩrkhi khitʉm. Mag sim aawai chadcha dubju phithur sĩerrʉmgui ajim anʉm. Magua ĩchab mag gar chan õor pom wetba aajem ajim anaabá.
Jãga õor o ajaug khaphʉ aajẽ
(Lc. 6:43-44)
15’Kharin Ẽwandamau ich iek jaaupibaawaita i iek jaau wenʉrrʉm aajem khʉʉnan chi seumienta mag wenʉrraajem. Magʉm khʉʉn dʉi khĩir khaphʉ abat ajim anʉm. Mag sĩsidʉmta pãar khũguraag sĩi ovejadamjo daumeraa pãar aig beejem. Pari am odiin sĩi khum nem oo wai simjota sĩsidʉmgui ajim anʉm, pãarjã amachjo amkhĩir amach gar thereu awaag. 16Ich jãg miu gayam uva phierrba ni higojã ag bʉ gayam khabam phierrba aajemjo, amau nem wau nʉm gaaimua pãrau am khaphʉ aju aai nʉm, õor wajapham khʉʉná wa õor khaigbam khʉʉná. 17Pãrau khaphʉ nʉm, nemjĩir bʉʉn ich che sim gaaimuata khaphʉ aajem, nemjõ ajaphamʉ́ wa nemjõ khaigbamʉ́. 18Nemjõ ajapham chan mie neeme cheba ni nemjõ ãkhãraamjã mie chukkhu khaba sĩerrʉm. 19Pãrau khaphʉ nʉmgui ajim anʉm ĩchab, nemjõ ãkhãraa cheejemʉn thu werpnaa jʉʉubaadee orpäaijem. 20Ich agjota ajugui ajim anʉm Ẽwandamau mag seukha nʉrrjeem khʉʉn dʉijã, mag nemjõ ãkhãraamjota naawai. Magua khaphʉ abat: Õran amachdeu nem wau nʉm gaaimuata amachdeupai amach jaaujem, õor wäjäauná wa õor khaigbam khʉʉná.
Õor thum chan ʉ̃gthar oberbam aajem
(Lc. 13:25-27)
21Mag iekhakhagmamua Jesuu magjim anʉm ĩchab: —Ar mʉrʉg “Señor, Señor” aajem khʉʉnjã thum chan Ẽwandamta thumaam khʉʉn Porkha sim aar oberbam. Chi oberju khʉʉnan, ar mʉ Aai ʉ̃gthar simua nem jaau sim ipierraa aajem khʉʉnpaita i sim aar oberjugui ajim anʉm. 22Mag ed paawai õor pom thʉnʉm eemua mʉrʉg par amach iphithur, “Señor, pua maar khaugbata sĩeba. Pʉ thʉ̃r gaai marau pʉ iek õrag jaauba aajeejieb. Pʉ juapaau khabajieb, marau õor mor eem mepeerjã jʉr werpnaa ag na õrau ooba aajem nempa waaujerr. ¿Magtarrta pua maar khaugba chirʉ́?” ajurau ajim anʉm. 23Pari magbaawai mua amag, “Mua chan bʉ̃ʉrjã pãar khaugba chitʉm. Pãach sĩi pãach khõchagpierr nem khaigbampai wau sĩerrjee arr khap, pãade warag pãachta mʉ aigmua ereubaadet” aju a jaaumajim anʉm, ich Jesuu.
Wounaan numí di eutarr khʉʉn
(Mr. 1:22; Lc. 6:47-49)
24’Magua, ãbmiecha paawai pãrag mag chirʉmgui ajim anʉm, ich Jesuu: Chi mʉg mʉ iek ũrnaa mua jaaumam ipierraa nem wau sim wounan, woun ãb khĩirjug khaug sĩerrau durrkhudau ee ich dibʉ jukhanaa di eutarrjota simgui ajim anʉm. 25Mag durrkhu ee eu sĩerr aawai, noseg pom chewia, do pom beewia, phũhãd pom wetarrjã, chʉababa ich mag sĩsijim anʉm, durrkhu eeta wajapha jukha dʉnarr aawai. 26Pari jũrr ar sĩi par jʉ̃gʉupai mʉ iek ũrnaa mua nem jaau chirʉmjã mʉ ipierraa wauba sim wounan, jũrr agjo woun ãb khĩirjugjã chukhu sĩi khõmarii mosjã ee di eutarrjota simgui ajim anʉm. 27Ya eu dʉnʉisim ee noseg pom chewia, do pom aadem dʉi phũpa webaadeewai, sĩi aphebaadejim anʉm. Mag, nem thumaa okhoojim aajem.
28Chadcha Jesuu mag nem khĩir pogkhe jaaubarm ũrwia sĩita õor jʉ̃gderraa naajim anaabá, 29amachdeu ũurwai Jesuu Moiseeu ley phã pʉarr jawaag chi khaphʉm khaphʉm aajem khʉʉn khãyaujã jaau khaphʉcha jaaumatarr aawai.
Currently Selected:
San Mateo 7: noaA
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
San Mateo 7
7
Chikham jaaupiba jaautarr
(Lc. 6:37-38,41-42)
1’Chikham ĩgkham khõchgaupai chan oob chikham pekau phemiet, eeu Ẽwandamau pãach chach nʉm ed magʉm iek pãachig igdukham ajim anʉm Jesuu. 2Pãrauta chikham jaaum khõchgau “Jãan magta sĩerrʉm” amʉn, pãachdeu chikham jaau nʉmjo aju Ẽwandamaujã pãar dʉi. Pãachdeu chikham jaau nʉmjo ich ag jaautarr iekhau Ẽwandamaujã pãach khĩir pãar jaau thʉnʉʉujugui ajim anaabá. 3Mag simta ¿jãgwi pua sĩi pʉch khapeer dau ee pasurdam wai simta eerpa nʉʉ aajẽma, pʉch dau eejã agjo pasur pomkham wai sim khaugba? Maachin nacha dich khĩirjunaata iekha nʉmgui ajim anʉm. 4¿Jãga pua pʉch khaperag, “Daai kake, mua pʉ dau eem pasur noi aukhim” aju, pʉch dau eejã ag khãyau nem pom sim joothʉ thʉnʉm noi auba simta? 5Khĩirjug chukdam, nacha dich dau eem pasurta noi auba aajeeb ajim anʉm, wajapha oog; maimuan chadau jũrr dich khapeer dau eemjã agjo noipʉi nʉm. Magua dichta nacha khĩirjuba aajeeb chikham jawaag. Dichjã agjo chirʉm chan pod dich khapeen jaauju khabam ajim anʉm.
6Magnaa mag jajawagmamua ichdeupai, —Saak khõriimjo sĩsidʉm khʉʉnag oob mʉg pãach peerdʉajem iek jaaumiet, eeu magbam jãgʉm khʉʉnau warag pãach gaai mas adukham ajim anaabá. Mʉg iekta nem thumaam khãai chi wajapcharam aawai khũsnaanjo nem wajaphamjã aai abam khʉʉnagjã oob mʉg iek jaaumiet, eeu warag sĩi nem parhoobamta jaau nʉmjo ag igwia khaigba iyʉʉ adukhamgui ajim anʉm.
Jãga aju aajẽ Ẽwandamag jeeuwai
(Lc. 11:9-13; 6:31)
7Maimua ĩchab ich Jesuupai magjim anʉm: —Pʉaba jeeubat; pãachdeu nem igbarm Ẽwandamau deeju. Pãrau i jʉrmʉn, i baauju; i sim aar dubaag pãach weeu aupi jeeumʉn, irua pãar weeu auju ajim anʉm. 8Pãrau khaphʉ nʉmgui ajim anʉm, ar õor nem jeeu paraam khʉʉnagan deeb khaba deejem; ar amachdeu nem inag ig nʉm pʉaba jʉr nʉm khʉʉnau baaujem; maagwai ĩchab chi puertdi sirbaichem khʉjã weeu auwia dubpiejem a jaaumajim aajem.
9’Pãrau ãbmua khãijã pãach chaairau thachdam jeeubaawai, ¿mokdauta phedeeju khai, thach awi? 10Wa magbam khai, chaairau ãwarrdam khãijã jeeu khitaawai, ¿nemkhõrta ãwarr awi thõo deeju khai? Ni ãbmuajã mag chan abajugui ajim anʉm ichdeupai. 11Magnaa, Pãar jãg o ãkhãraa khitheem khʉʉnaujã pãach chaainau nem jeeuwai, ¿nem wajaphamjã ĩgkhaba deeba aajẽ? ajim anʉm. Pãrau jãg deejem khai, pãar Aai ʉ̃gthar simua chará pãrau pãach chaainag nem deejem khãaijã wajapcharamta deebajup ajim anʉm, ichig jeeu nʉm khʉʉnag.
12’Magua mua pãrag ĩchab mag chirʉmgui ajim anʉm: Chikhamnau pãach dʉi khaigba apimapha nʉm khai, pãach garmuajã oob chikham dʉi khaigba amiet. Õrau pãach dʉi apim khõsimjota pãach garmuajã am dʉi abat ajim anʉm. Moiseeu ley phã pʉatarr gaaijã magta jaaunaa ĩchab Ẽwandamau ich iek jaaupiejerr khʉʉnaujã ich magta jaaujerr aawai, magta aju aai nʉmgui ajim anaabá.
Ʉ̃gthar maajem khʉdan phĩrkhi khitʉm aajem
(Lc. 13:24)
13’Ʉ̃gthar oberm khõsi nʉm khai, puertdi phĩrkhim garta dubju ẽkhabat ajim anʉm Jesuu. ¿Jãgwi? Dosãt aar maajem khʉdta khʉdjã pomnaa chi puertdijã nem wäg sĩejeewaima. Mag sim garta õor pom erereu aajem. 14Pari jũrr ʉ̃gthar arrjem khʉdan phĩrkhinaa chi dub nʉm aram puertdijã phĩrkhi khitʉm. Mag sim aawai chadcha dubju phithur sĩerrʉmgui ajim anʉm. Magua ĩchab mag gar chan õor pom wetba aajem ajim anaabá.
Jãga õor o ajaug khaphʉ aajẽ
(Lc. 6:43-44)
15’Kharin Ẽwandamau ich iek jaaupibaawaita i iek jaau wenʉrrʉm aajem khʉʉnan chi seumienta mag wenʉrraajem. Magʉm khʉʉn dʉi khĩir khaphʉ abat ajim anʉm. Mag sĩsidʉmta pãar khũguraag sĩi ovejadamjo daumeraa pãar aig beejem. Pari am odiin sĩi khum nem oo wai simjota sĩsidʉmgui ajim anʉm, pãarjã amachjo amkhĩir amach gar thereu awaag. 16Ich jãg miu gayam uva phierrba ni higojã ag bʉ gayam khabam phierrba aajemjo, amau nem wau nʉm gaaimua pãrau am khaphʉ aju aai nʉm, õor wajapham khʉʉná wa õor khaigbam khʉʉná. 17Pãrau khaphʉ nʉm, nemjĩir bʉʉn ich che sim gaaimuata khaphʉ aajem, nemjõ ajaphamʉ́ wa nemjõ khaigbamʉ́. 18Nemjõ ajapham chan mie neeme cheba ni nemjõ ãkhãraamjã mie chukkhu khaba sĩerrʉm. 19Pãrau khaphʉ nʉmgui ajim anʉm ĩchab, nemjõ ãkhãraa cheejemʉn thu werpnaa jʉʉubaadee orpäaijem. 20Ich agjota ajugui ajim anʉm Ẽwandamau mag seukha nʉrrjeem khʉʉn dʉijã, mag nemjõ ãkhãraamjota naawai. Magua khaphʉ abat: Õran amachdeu nem wau nʉm gaaimuata amachdeupai amach jaaujem, õor wäjäauná wa õor khaigbam khʉʉná.
Õor thum chan ʉ̃gthar oberbam aajem
(Lc. 13:25-27)
21Mag iekhakhagmamua Jesuu magjim anʉm ĩchab: —Ar mʉrʉg “Señor, Señor” aajem khʉʉnjã thum chan Ẽwandamta thumaam khʉʉn Porkha sim aar oberbam. Chi oberju khʉʉnan, ar mʉ Aai ʉ̃gthar simua nem jaau sim ipierraa aajem khʉʉnpaita i sim aar oberjugui ajim anʉm. 22Mag ed paawai õor pom thʉnʉm eemua mʉrʉg par amach iphithur, “Señor, pua maar khaugbata sĩeba. Pʉ thʉ̃r gaai marau pʉ iek õrag jaauba aajeejieb. Pʉ juapaau khabajieb, marau õor mor eem mepeerjã jʉr werpnaa ag na õrau ooba aajem nempa waaujerr. ¿Magtarrta pua maar khaugba chirʉ́?” ajurau ajim anʉm. 23Pari magbaawai mua amag, “Mua chan bʉ̃ʉrjã pãar khaugba chitʉm. Pãach sĩi pãach khõchagpierr nem khaigbampai wau sĩerrjee arr khap, pãade warag pãachta mʉ aigmua ereubaadet” aju a jaaumajim anʉm, ich Jesuu.
Wounaan numí di eutarr khʉʉn
(Mr. 1:22; Lc. 6:47-49)
24’Magua, ãbmiecha paawai pãrag mag chirʉmgui ajim anʉm, ich Jesuu: Chi mʉg mʉ iek ũrnaa mua jaaumam ipierraa nem wau sim wounan, woun ãb khĩirjug khaug sĩerrau durrkhudau ee ich dibʉ jukhanaa di eutarrjota simgui ajim anʉm. 25Mag durrkhu ee eu sĩerr aawai, noseg pom chewia, do pom beewia, phũhãd pom wetarrjã, chʉababa ich mag sĩsijim anʉm, durrkhu eeta wajapha jukha dʉnarr aawai. 26Pari jũrr ar sĩi par jʉ̃gʉupai mʉ iek ũrnaa mua nem jaau chirʉmjã mʉ ipierraa wauba sim wounan, jũrr agjo woun ãb khĩirjugjã chukhu sĩi khõmarii mosjã ee di eutarrjota simgui ajim anʉm. 27Ya eu dʉnʉisim ee noseg pom chewia, do pom aadem dʉi phũpa webaadeewai, sĩi aphebaadejim anʉm. Mag, nem thumaa okhoojim aajem.
28Chadcha Jesuu mag nem khĩir pogkhe jaaubarm ũrwia sĩita õor jʉ̃gderraa naajim anaabá, 29amachdeu ũurwai Jesuu Moiseeu ley phã pʉarr jawaag chi khaphʉm khaphʉm aajem khʉʉn khãyaujã jaau khaphʉcha jaaumatarr aawai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.