SAN JUAN 15
15
La planta de uva y sus ramas
1Jesú jãare buio majio, oco bairo ca-ĩiwĩ tunu:
—Yʉ jicã wʉ ʉje wʉre bairona yʉ ãa. Yʉ Pacʉ ti wʉre ca-coteire bairo ca-ãcʉ̃ ãmi. 2Yʉre ca-api nʉcʉbʉgonucurã ti wʉ rʉpʉrire bairona ãma. Ʉje wʉre ca-otericʉ ca-rica mani rʉpʉrire pajure reecõaʉmi. Ape rʉpʉri ca-ricacʉti rʉpʉri macare capee to rica cʉtinemoato ĩi pajure rʉgoboʉmi. To bairo cʉ̃ cá-átore bairona yʉre ca-api nʉcʉbʉgo quetinucurãre na reegʉmi Dio. Yʉre ca-api nʉcʉbʉgorã macare netobʉjaro caroare na áparo ĩi caroorije na cá-átinucurijere na reebojagʉmi Dio. 3Yʉ ca-buiorijere ca-api nʉcʉbʉgorã aniri caroorije mʉja cá-átinucurijere Dio cʉ̃ ca-majirio bojaricarãpʉ mʉja ani tʉga. 4Mʉja menapʉ yʉ ca-anicõa aninucurore bairona mʉja quena yʉ mena anicõa aninucuña. Ʉje wʉ ca-rʉpʉ jetona ricacʉti majiquẽe tie majuuna. Ca-rupa wʉpʉre ca-putirica rʉpʉ jeto ricacʉti maji. Ti rʉpʉ ca-bairore bairona yʉ menapʉ mʉja ca-aniquẽpata caroare mʉja áti majiquetiborã.
5’To bairi ʉje wʉre bairona ca-ãcʉ̃ yʉ ãa. Mʉja maca ca-rʉpʉrire bairo ca-ãna mʉja ãa. Ti wʉpʉre ca-rʉpʉri ca-ricacʉtore bairona caroare átinucuma yʉ mena macana ca-anicõa aninucurã. Yʉ mena mʉja ca-anicõa aniquẽpata caroare mʉja áti majiquetiborã. 6Yʉ mena ca-anicõa aninucuquẽna pajure reerica rʉpʉrire bairona ãma. Ti rʉpʉrire jee, peeropʉ joe reerique ãno. Tiere bairona yʉ mena macana ca-aniqueticõa aninucurãre na reegʉmi Dio peeropʉre yua.
7’Yʉ mena macana mʉja ca-anicõa aninucuata yʉ ca-buiorijere majiritiquẽnana Diore mʉja ca-boorijere cʉ̃ jeniya. Tiere mʉja ca-jeniro tiere mʉja átibojagʉmi Dio. 8Aperã camaja quena capee caroare mʉja cá-áto tʉjʉrã Diore api nʉcʉbʉgogarãma. “Cariapena Jesú yarã, Jesú cʉ̃ ca-buericarã ãma,” mʉja ĩi tʉjʉ majigarãma. 9Yʉ Pacʉ yʉre cʉ̃ ca-mairore bairona yʉ quena mʉjaare yʉ mai. To bairi mʉjaare yʉ ca-mairore bairona mʉja quena ame mairi anicõa aninucuña. 10Yʉ Pacʉ cʉ̃ ca-rotirijere cá-ácʉ yʉ ca-ano yʉre maimi. Mʉja quena yʉ ca-rotirijere cá-áticõa aninucurã mʉja ca-ãmata yʉ ca-mairã mʉja anicõagarã.
11’Tiere mʉjaare yʉ buio, yʉ ca-ani wariñuurore bairo na quena na ani wariñuato ĩi. To bairi mʉja ani wariñuu netogarã. 12Yʉ ca-rotirije oco bairo ãa: Ame maiña, mʉjaare yʉ ca-mairore bairona. 13Jicãʉ cʉ̃ yarãre mai netori na bai yajibojaboʉmi. Ape wame mani yarãre mairica wame netoro ca-ani wame maa. 14Yʉ ca-rotirijere cá-ána mʉja ca-ãmata yʉ mena macana majuu mʉja anigarã. 15“Yʉre ca-paabojarã mʉja ãa,” mʉjaare yʉ ĩiquẽe. Cʉ̃ paabojari maja na ʉpaʉ cʉ̃ cá-átiere majiquẽnama. Yʉ mena macana majuu ca-ãna mʉja ãa. To bairi mʉjaare yʉ buio peocõawʉ yʉ Pacʉ yʉre cʉ̃ ca-ĩrique nipetirije. 16Mʉja majuuna, “Cʉ̃ mena macana jã anigarã,” yʉre mʉja ca-ĩiquẽpʉ. Yʉ maca, yʉ mena macana anigarãma ĩi, mʉjaare yʉ ca-bejewʉ. Capee caroare na áparo ĩi, mʉjaare yʉ ca-bejewʉ. Caroaro mʉja cá-átie to ca-petiquetiparore bairo ĩi, mʉjaare yʉ ca-bejewʉ. To bairi yʉ jʉgori, yʉ wame mena noo mʉja ca-boorije Diore mʉja ca-jeniro mʉja joogʉmi. 17Ame maiña mʉjaa. Ti wame ãa mʉjaare yʉ cá-áti rotiri wame.
El mundo odia a Jesús y a los suyos
18’Ati yepa macana yʉre ca-apiʉjaquẽna maca mʉjaare na ca-tʉjʉteero yʉre na ca-tʉjʉtee jʉgoriquere tʉgooñaña. 19Ati yepa macana yʉre ca-apiʉjaquẽna mʉja ca-ãmata na mena macanare nare na ca-mairore bairona mʉja maiborãma mʉja quenare. Mʉjaare yʉ ca-bejewʉ na mena ca-anibatanare. To bairi ati yepa macana majuu mee mʉja ãa. To bairi mʉjaare tʉjʉteema. 20Tʉgooñaña mepʉ mʉjaare yʉ ca-ĩiejere. Jicãʉ maca paa coteri majocʉ, “Yʉ ʉpaʉ netoro ca-ãcʉ̃ yʉ ãa,” ĩi majiquẽemi. To bairi rooro yʉre cá-ána mʉja quenare to bairona rooro átigarãma. Yʉ ca-buiorijere ca-apiʉjarã maca mʉja quenare apiʉjagarãma. 21Yʉ yarã mʉja ãa. To bairi yʉre ca-apiʉjaquẽna maca rooro mʉjaare átigarãma, ati yepapʉ yʉre ca-jooricʉre ca-majiquẽna aniri.
22’Ati yepapʉre nare yʉ ca-buioʉ ejaquẽpata bui pacooquetiborãma. Yucʉacãre ca-bui pacoorã ãma, yʉ ca-buiorijere ca-apigaquẽna aniri. “Ca-bui pacooquẽna jã ãa,” ĩi majiquẽema. 23Yʉre ca-tʉjʉteerã yʉ Pacʉ quenare tʉjʉteema. 24Jicãʉ maca apeĩ cʉ̃ cá-áti iñooquetajere capee caroare yʉ cá-áti iñoobapʉ. Yʉ cá-áti iñooquẽpata ca-bui pacoorã aniquetiborãma. Yʉ cá-áti iñooriquere ca-tʉjʉwã. Tiere tʉjʉbana quena yʉre ca-tʉjʉteewã. Yʉ Pacʉ quenare cʉ̃ ca-tʉjʉteewã. 25Tirʉmʉpʉ macana na ca-ucaricarore bairona bai. To bairi Dio ye queti ucarica pũuripʉ to ca-ĩirore bairona bai. Oco bairo ĩi: “Ñee wapa mano majuu yʉre ca-tʉjʉteewã.”
26’Espíritu Santo, cariape ca-ĩi buioʉ mʉjaare átinemoʉ atígʉmi. Yʉ Pacʉ cʉ̃ ca-rotiro mena cʉ̃ yʉ joogʉ. To bairi Espíritu Santo mʉja tʉpʉ acʉ́ cariape yʉ ca-aniere buiogʉmi. 27Mʉja quena yʉ ca-aniere mʉja buiogarã aperãre. Nemoopʉna yʉ mena mʉja ca-ani tʉgawʉ. To bairi mʉja quena yʉ ca-aniere mʉja buiogarã aperã quenare.
Currently Selected:
SAN JUAN 15: TAVNT2
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
SAN JUAN 15
15
La planta de uva y sus ramas
1Jesú jãare buio majio, oco bairo ca-ĩiwĩ tunu:
—Yʉ jicã wʉ ʉje wʉre bairona yʉ ãa. Yʉ Pacʉ ti wʉre ca-coteire bairo ca-ãcʉ̃ ãmi. 2Yʉre ca-api nʉcʉbʉgonucurã ti wʉ rʉpʉrire bairona ãma. Ʉje wʉre ca-otericʉ ca-rica mani rʉpʉrire pajure reecõaʉmi. Ape rʉpʉri ca-ricacʉti rʉpʉri macare capee to rica cʉtinemoato ĩi pajure rʉgoboʉmi. To bairo cʉ̃ cá-átore bairona yʉre ca-api nʉcʉbʉgo quetinucurãre na reegʉmi Dio. Yʉre ca-api nʉcʉbʉgorã macare netobʉjaro caroare na áparo ĩi caroorije na cá-átinucurijere na reebojagʉmi Dio. 3Yʉ ca-buiorijere ca-api nʉcʉbʉgorã aniri caroorije mʉja cá-átinucurijere Dio cʉ̃ ca-majirio bojaricarãpʉ mʉja ani tʉga. 4Mʉja menapʉ yʉ ca-anicõa aninucurore bairona mʉja quena yʉ mena anicõa aninucuña. Ʉje wʉ ca-rʉpʉ jetona ricacʉti majiquẽe tie majuuna. Ca-rupa wʉpʉre ca-putirica rʉpʉ jeto ricacʉti maji. Ti rʉpʉ ca-bairore bairona yʉ menapʉ mʉja ca-aniquẽpata caroare mʉja áti majiquetiborã.
5’To bairi ʉje wʉre bairona ca-ãcʉ̃ yʉ ãa. Mʉja maca ca-rʉpʉrire bairo ca-ãna mʉja ãa. Ti wʉpʉre ca-rʉpʉri ca-ricacʉtore bairona caroare átinucuma yʉ mena macana ca-anicõa aninucurã. Yʉ mena mʉja ca-anicõa aniquẽpata caroare mʉja áti majiquetiborã. 6Yʉ mena ca-anicõa aninucuquẽna pajure reerica rʉpʉrire bairona ãma. Ti rʉpʉrire jee, peeropʉ joe reerique ãno. Tiere bairona yʉ mena macana ca-aniqueticõa aninucurãre na reegʉmi Dio peeropʉre yua.
7’Yʉ mena macana mʉja ca-anicõa aninucuata yʉ ca-buiorijere majiritiquẽnana Diore mʉja ca-boorijere cʉ̃ jeniya. Tiere mʉja ca-jeniro tiere mʉja átibojagʉmi Dio. 8Aperã camaja quena capee caroare mʉja cá-áto tʉjʉrã Diore api nʉcʉbʉgogarãma. “Cariapena Jesú yarã, Jesú cʉ̃ ca-buericarã ãma,” mʉja ĩi tʉjʉ majigarãma. 9Yʉ Pacʉ yʉre cʉ̃ ca-mairore bairona yʉ quena mʉjaare yʉ mai. To bairi mʉjaare yʉ ca-mairore bairona mʉja quena ame mairi anicõa aninucuña. 10Yʉ Pacʉ cʉ̃ ca-rotirijere cá-ácʉ yʉ ca-ano yʉre maimi. Mʉja quena yʉ ca-rotirijere cá-áticõa aninucurã mʉja ca-ãmata yʉ ca-mairã mʉja anicõagarã.
11’Tiere mʉjaare yʉ buio, yʉ ca-ani wariñuurore bairo na quena na ani wariñuato ĩi. To bairi mʉja ani wariñuu netogarã. 12Yʉ ca-rotirije oco bairo ãa: Ame maiña, mʉjaare yʉ ca-mairore bairona. 13Jicãʉ cʉ̃ yarãre mai netori na bai yajibojaboʉmi. Ape wame mani yarãre mairica wame netoro ca-ani wame maa. 14Yʉ ca-rotirijere cá-ána mʉja ca-ãmata yʉ mena macana majuu mʉja anigarã. 15“Yʉre ca-paabojarã mʉja ãa,” mʉjaare yʉ ĩiquẽe. Cʉ̃ paabojari maja na ʉpaʉ cʉ̃ cá-átiere majiquẽnama. Yʉ mena macana majuu ca-ãna mʉja ãa. To bairi mʉjaare yʉ buio peocõawʉ yʉ Pacʉ yʉre cʉ̃ ca-ĩrique nipetirije. 16Mʉja majuuna, “Cʉ̃ mena macana jã anigarã,” yʉre mʉja ca-ĩiquẽpʉ. Yʉ maca, yʉ mena macana anigarãma ĩi, mʉjaare yʉ ca-bejewʉ. Capee caroare na áparo ĩi, mʉjaare yʉ ca-bejewʉ. Caroaro mʉja cá-átie to ca-petiquetiparore bairo ĩi, mʉjaare yʉ ca-bejewʉ. To bairi yʉ jʉgori, yʉ wame mena noo mʉja ca-boorije Diore mʉja ca-jeniro mʉja joogʉmi. 17Ame maiña mʉjaa. Ti wame ãa mʉjaare yʉ cá-áti rotiri wame.
El mundo odia a Jesús y a los suyos
18’Ati yepa macana yʉre ca-apiʉjaquẽna maca mʉjaare na ca-tʉjʉteero yʉre na ca-tʉjʉtee jʉgoriquere tʉgooñaña. 19Ati yepa macana yʉre ca-apiʉjaquẽna mʉja ca-ãmata na mena macanare nare na ca-mairore bairona mʉja maiborãma mʉja quenare. Mʉjaare yʉ ca-bejewʉ na mena ca-anibatanare. To bairi ati yepa macana majuu mee mʉja ãa. To bairi mʉjaare tʉjʉteema. 20Tʉgooñaña mepʉ mʉjaare yʉ ca-ĩiejere. Jicãʉ maca paa coteri majocʉ, “Yʉ ʉpaʉ netoro ca-ãcʉ̃ yʉ ãa,” ĩi majiquẽemi. To bairi rooro yʉre cá-ána mʉja quenare to bairona rooro átigarãma. Yʉ ca-buiorijere ca-apiʉjarã maca mʉja quenare apiʉjagarãma. 21Yʉ yarã mʉja ãa. To bairi yʉre ca-apiʉjaquẽna maca rooro mʉjaare átigarãma, ati yepapʉ yʉre ca-jooricʉre ca-majiquẽna aniri.
22’Ati yepapʉre nare yʉ ca-buioʉ ejaquẽpata bui pacooquetiborãma. Yucʉacãre ca-bui pacoorã ãma, yʉ ca-buiorijere ca-apigaquẽna aniri. “Ca-bui pacooquẽna jã ãa,” ĩi majiquẽema. 23Yʉre ca-tʉjʉteerã yʉ Pacʉ quenare tʉjʉteema. 24Jicãʉ maca apeĩ cʉ̃ cá-áti iñooquetajere capee caroare yʉ cá-áti iñoobapʉ. Yʉ cá-áti iñooquẽpata ca-bui pacoorã aniquetiborãma. Yʉ cá-áti iñooriquere ca-tʉjʉwã. Tiere tʉjʉbana quena yʉre ca-tʉjʉteewã. Yʉ Pacʉ quenare cʉ̃ ca-tʉjʉteewã. 25Tirʉmʉpʉ macana na ca-ucaricarore bairona bai. To bairi Dio ye queti ucarica pũuripʉ to ca-ĩirore bairona bai. Oco bairo ĩi: “Ñee wapa mano majuu yʉre ca-tʉjʉteewã.”
26’Espíritu Santo, cariape ca-ĩi buioʉ mʉjaare átinemoʉ atígʉmi. Yʉ Pacʉ cʉ̃ ca-rotiro mena cʉ̃ yʉ joogʉ. To bairi Espíritu Santo mʉja tʉpʉ acʉ́ cariape yʉ ca-aniere buiogʉmi. 27Mʉja quena yʉ ca-aniere mʉja buiogarã aperãre. Nemoopʉna yʉ mena mʉja ca-ani tʉgawʉ. To bairi mʉja quena yʉ ca-aniere mʉja buiogarã aperã quenare.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.