SOERA MOZE II. FAZA 6.
FAZA 6.
I. Ifoeli ifaboeʼoe wangefa Lowalangi ba ifoeli ibeʼe goroisa chõ Moze. II. Ngaʼõtõ ndra Roebeno, Simeoni, Lewi. Mose ba Aʼaroni.
1I. Ba imane Jehowa chõ Mose: Iadaʼe dania õʼila hadia nilaoegoe chõ Waraʼo andrõ: niʼanõsõʼõ tanga sabeʼe ifofanõ ira, ba niʼanõsõʼõ tanga sabeʼe itimba ira, iheta ira ba danõnia. (F. 12, 33). 2Ba hoemede Lowalangi chõ Moze, imane chõnia: Jehowa ndraʼodo! 3No oeʼoromaʼõ ndraʼodo no, Lowalangi si lõ ambõ faʼabõlõ, chõ ndra Aberahamo, Izaʼaki, Jakobo; ba tenga Jehowa dõigoe ba wangoromaʼõgoe jaʼodo chõra. (Moz. I. 17, 1, F. 3, 14). 4Ba noa naʼi oelaoe fawoeʼoe li chõra, wa oebeʼe chõra danõ Ganaʼana andrõ, tanõ andrõ ba zi fatewoe ira mege (Moz. I. 17, 8). 5Ba ijaʼe, ba no oefondrodrongo wangarõngarõ Ndraono Gizeraëli andrõ ba wangosawoejoe Ndrawa Miseraji andrõ jaʼira, ba no itõrõ tõdõgoe gamaboeʼoela ligoe andrõ. 6Andrõ õmane ba Ndraono Gizeraëli: Jehowa ndraʼodo, oeʼefaʼõ ami ba halõw̃õ zawoejoe andrõ, halõw̃õmi ba Ndrawa Miseraji, oesõbi ami, wameta jaʼami ba halõw̃õmi andrõ, halõw̃õ zawoejoe, oeʼefaʼõ ami tangagoe niʼoroʼõ andrõ ba fao wangoromaʼõ faʼabõlõ si lõ ambõ. 7Ba oetoejoe ami banoeagoe, ba Lowalangimi ndraʼodo ba jaʼaboto dania ba dõdõmi, wa no Jehowa ndraʼodo, Lowalangimi, sangefaʼõ jaʼami ba halõw̃õ zawoejoe andrõ, ba danõ Miseraji. 8Ba oeʼohe ami ba danõ andrõ nifaboeʼoegoe fahõloesa chõ ndra Aberahamo, Izaʼaki, Jakobo, fameʼe chõra; ba oebeʼe ochõtami, jaʼodo, Jehowa andre! 9Ba ifaʼema daʼõ ba Ndraono Gizeraëli Moze. Ba lõ lafondrondrongo chõ Moze, ba waʼalangoe dõdõra andrõ ba me no si manõ waʼabeʼe halõw̃õra. 10Ba hoemede Jehowa chõ Moze, imane: 11Ae w̃aʼõ chõ Waraʼo andrõ, razo Miseraji, jamoefofanõ Ndraono Gizeraëli, jaʼaheta ba danõnia. 12Ba hoemede Moze chõ Jehowa, imane: Me lõ nifondrondrongo Ndraono Gizeraëli chõgoe, ba he moroi ifondrondrongo Faraʼo? ba mendroea manõ, me tenga si toʼõlõ ba wahoehoeosa ndraʼodo. (F. 4, 1). 13Ba hoemede Jehowa chõ ndra Moze Aʼaroni, ifatenge ira ba Ndraono Gizeraëli ba chõ Waraʼo, razo Miseraji, ba wangeheta Iraono Gizeraëli ba danõ Miseraji.
14II. Daʼe zatoea baomo, ira toeara: Ono Roebeno andrõ, si aʼa ndraono Gizeraëli, ba Hanochi ba Fáloe ba Heseroni ba Charimi; daʼõ ngaʼõtõ Roebeno. (Moz. I. 46, 9 b. t. Moz. I. 26, 5 b. t. Ngaʼõt. I. 5, 3). 15Ba ono Zimeoni, ba Jemoeëli ba Jamini ba Ohadi ba Jachino ba Sohara, ba Saoelo, ono ndrongania Dawa Ganaʼana andrõ; daʼõ ngaʼõtõ Zimeoni. 16Ba tõi nono Lewi ba ngaʼõtõra, ba Gereso ba Kahati ba Merari. Ba 137 fache waʼanaoe noso Lewi. (Moz. I. 46, 11). 17Ono Gereso andrõ, ba Libini ba Simei, ba ngaʼõtõra. 18Ba ono Gahati, ba Ameramo ba Jeseari ba Heberona ba Oeziëli. Ba 133 fache waʼanaoe noso Gahati. 19Ba ono Merari, ba Maheli ba Moesi. Daʼõ maʼoewoe Lewi, ba ngaʼõtõra andrõ. 20Ba Ameramo andrõ, ba ihalõ Jochebe, inania si achi; ba moʼono daʼõ chõnia, Aʼaroni ba Moze nononia. Ba 137 fache waʼanaoe noso Gameramo. (Moz. IV. 26, 59). 21Ba ono Jeseari andrõ, ba Kora ba Nefegi ba Sichiri. 22Ba ono Goeziëli, ba Mizaëli ba Elisafa ba Sitiri. 23Ba Aʼaroni andrõ, ba ihalõ Gelizabe, ono Gaminadabi, talifoesõ Nahaso. Ba moʼono daʼõ chõnia; jaʼia Nadabi ba Abihoe ba Eleazari ba Itamaro. 24Ba ono Gora andrõ, ba Asiri ba Elikana ba Abiazafi; daʼõ ngaʼõtõ Gora andrõ. 25Ba Eleazari andrõ ono Gaʼaroni, ba ihalõ nono Woetiëli samboea; ba moʼono daʼõ chõnia; jaʼia Wineha andrõ. Daʼõ woeroegõ nono Lewi, ba ngaʼõtõra andrõ. (Moz. IV. 25, 7). 26Daʼõ Gaʼaroni andrõ ba Moze andrõ, ba niw̃aʼõ Jehowa: Miheta ba danõ Miseraji ngahõnõ Ndraono Gizeraëli andrõ. 27Daʼõ ira, samaʼema chõ Waraʼo, razo Miseraji, wa edõna laheta ba danõ Miseraji Ndraono Gizeraëli — Mose ba Aʼaroni. 28Ba me hoemede Jehowa chõ Moze ba danõ Miseraji, ba imane Jehowa chõ Moze: 29Faʼema chõ Waraʼo, razo Miseraji, fefoe hadia ia, niw̃aʼõgoe chõoe. 30Ba imane Moze chõ Jehowa: Ba si lõ toʼõlõ ba wahoehoeosa ndraʼodo; he moroi ifondrondrongo chõgoe Faraʼo?
Currently Selected:
SOERA MOZE II. FAZA 6.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
SOERA MOZE II. FAZA 6.
FAZA 6.
I. Ifoeli ifaboeʼoe wangefa Lowalangi ba ifoeli ibeʼe goroisa chõ Moze. II. Ngaʼõtõ ndra Roebeno, Simeoni, Lewi. Mose ba Aʼaroni.
1I. Ba imane Jehowa chõ Mose: Iadaʼe dania õʼila hadia nilaoegoe chõ Waraʼo andrõ: niʼanõsõʼõ tanga sabeʼe ifofanõ ira, ba niʼanõsõʼõ tanga sabeʼe itimba ira, iheta ira ba danõnia. (F. 12, 33). 2Ba hoemede Lowalangi chõ Moze, imane chõnia: Jehowa ndraʼodo! 3No oeʼoromaʼõ ndraʼodo no, Lowalangi si lõ ambõ faʼabõlõ, chõ ndra Aberahamo, Izaʼaki, Jakobo; ba tenga Jehowa dõigoe ba wangoromaʼõgoe jaʼodo chõra. (Moz. I. 17, 1, F. 3, 14). 4Ba noa naʼi oelaoe fawoeʼoe li chõra, wa oebeʼe chõra danõ Ganaʼana andrõ, tanõ andrõ ba zi fatewoe ira mege (Moz. I. 17, 8). 5Ba ijaʼe, ba no oefondrodrongo wangarõngarõ Ndraono Gizeraëli andrõ ba wangosawoejoe Ndrawa Miseraji andrõ jaʼira, ba no itõrõ tõdõgoe gamaboeʼoela ligoe andrõ. 6Andrõ õmane ba Ndraono Gizeraëli: Jehowa ndraʼodo, oeʼefaʼõ ami ba halõw̃õ zawoejoe andrõ, halõw̃õmi ba Ndrawa Miseraji, oesõbi ami, wameta jaʼami ba halõw̃õmi andrõ, halõw̃õ zawoejoe, oeʼefaʼõ ami tangagoe niʼoroʼõ andrõ ba fao wangoromaʼõ faʼabõlõ si lõ ambõ. 7Ba oetoejoe ami banoeagoe, ba Lowalangimi ndraʼodo ba jaʼaboto dania ba dõdõmi, wa no Jehowa ndraʼodo, Lowalangimi, sangefaʼõ jaʼami ba halõw̃õ zawoejoe andrõ, ba danõ Miseraji. 8Ba oeʼohe ami ba danõ andrõ nifaboeʼoegoe fahõloesa chõ ndra Aberahamo, Izaʼaki, Jakobo, fameʼe chõra; ba oebeʼe ochõtami, jaʼodo, Jehowa andre! 9Ba ifaʼema daʼõ ba Ndraono Gizeraëli Moze. Ba lõ lafondrondrongo chõ Moze, ba waʼalangoe dõdõra andrõ ba me no si manõ waʼabeʼe halõw̃õra. 10Ba hoemede Jehowa chõ Moze, imane: 11Ae w̃aʼõ chõ Waraʼo andrõ, razo Miseraji, jamoefofanõ Ndraono Gizeraëli, jaʼaheta ba danõnia. 12Ba hoemede Moze chõ Jehowa, imane: Me lõ nifondrondrongo Ndraono Gizeraëli chõgoe, ba he moroi ifondrondrongo Faraʼo? ba mendroea manõ, me tenga si toʼõlõ ba wahoehoeosa ndraʼodo. (F. 4, 1). 13Ba hoemede Jehowa chõ ndra Moze Aʼaroni, ifatenge ira ba Ndraono Gizeraëli ba chõ Waraʼo, razo Miseraji, ba wangeheta Iraono Gizeraëli ba danõ Miseraji.
14II. Daʼe zatoea baomo, ira toeara: Ono Roebeno andrõ, si aʼa ndraono Gizeraëli, ba Hanochi ba Fáloe ba Heseroni ba Charimi; daʼõ ngaʼõtõ Roebeno. (Moz. I. 46, 9 b. t. Moz. I. 26, 5 b. t. Ngaʼõt. I. 5, 3). 15Ba ono Zimeoni, ba Jemoeëli ba Jamini ba Ohadi ba Jachino ba Sohara, ba Saoelo, ono ndrongania Dawa Ganaʼana andrõ; daʼõ ngaʼõtõ Zimeoni. 16Ba tõi nono Lewi ba ngaʼõtõra, ba Gereso ba Kahati ba Merari. Ba 137 fache waʼanaoe noso Lewi. (Moz. I. 46, 11). 17Ono Gereso andrõ, ba Libini ba Simei, ba ngaʼõtõra. 18Ba ono Gahati, ba Ameramo ba Jeseari ba Heberona ba Oeziëli. Ba 133 fache waʼanaoe noso Gahati. 19Ba ono Merari, ba Maheli ba Moesi. Daʼõ maʼoewoe Lewi, ba ngaʼõtõra andrõ. 20Ba Ameramo andrõ, ba ihalõ Jochebe, inania si achi; ba moʼono daʼõ chõnia, Aʼaroni ba Moze nononia. Ba 137 fache waʼanaoe noso Gameramo. (Moz. IV. 26, 59). 21Ba ono Jeseari andrõ, ba Kora ba Nefegi ba Sichiri. 22Ba ono Goeziëli, ba Mizaëli ba Elisafa ba Sitiri. 23Ba Aʼaroni andrõ, ba ihalõ Gelizabe, ono Gaminadabi, talifoesõ Nahaso. Ba moʼono daʼõ chõnia; jaʼia Nadabi ba Abihoe ba Eleazari ba Itamaro. 24Ba ono Gora andrõ, ba Asiri ba Elikana ba Abiazafi; daʼõ ngaʼõtõ Gora andrõ. 25Ba Eleazari andrõ ono Gaʼaroni, ba ihalõ nono Woetiëli samboea; ba moʼono daʼõ chõnia; jaʼia Wineha andrõ. Daʼõ woeroegõ nono Lewi, ba ngaʼõtõra andrõ. (Moz. IV. 25, 7). 26Daʼõ Gaʼaroni andrõ ba Moze andrõ, ba niw̃aʼõ Jehowa: Miheta ba danõ Miseraji ngahõnõ Ndraono Gizeraëli andrõ. 27Daʼõ ira, samaʼema chõ Waraʼo, razo Miseraji, wa edõna laheta ba danõ Miseraji Ndraono Gizeraëli — Mose ba Aʼaroni. 28Ba me hoemede Jehowa chõ Moze ba danõ Miseraji, ba imane Jehowa chõ Moze: 29Faʼema chõ Waraʼo, razo Miseraji, fefoe hadia ia, niw̃aʼõgoe chõoe. 30Ba imane Moze chõ Jehowa: Ba si lõ toʼõlõ ba wahoehoeosa ndraʼodo; he moroi ifondrondrongo chõgoe Faraʼo?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.