اعمالٚ رسولأن ۵
۵
حَنانیا و سَفیره
۱ اینفر کی حَنانیا نام دأشتی خو زن سَفیره مره، مِلکی‌یَ بوفروختیدی. ۲ خو زنٚ اَمرأ دس به یکی بوکوده، ایپچه جٚه او پول اوسأده، الباقی‌یَ بأورده فوکوده رسولأنٚ پا جیر. ۳ پطرس اونَ بوگفته: «اَی حَنانیا، چره وَهَشتی شیطأن ترَ گول بزنه کی روح‌القدسَ دوروغ بیگی و ایپچه جٚه او پولٚ فروشٚ باغَ ترَ اوسأدی؟ ۴ مگر قبلٚ اونکی اونَ بوفروشی، او باغ تی‌شین نوبو؟ بأزین کی اونَ بوفروختی او پولم تی‌شین بو. پس چی ترَ وادار بوکوده کی اَ کارَ بوکونی؟ تو نه تنها مردومأنٚ ورجأ دوروغ بوگفتی، بلکی خودایم دوروغ بوگفتی!»
۵ وختی حَنانیا اَ گبأنَ بیشنأوسته، در جا بکفته، بمرده! همه‌یٚ اوشأنی‌یم کی اَ ایتفاقَ بیشتأوستیدی، خیلی بترسه‌ییدی. ۶ هو وخت، جوانأن جُلُو بموییدی، اونَ کفن دوکودیدی، ببردیدی بیرون و دفنَ کودیدی.
۷ حدودٚ سه ساعت جٚه اَ ماجرا بوگوذشته‌بو کی اونٚ زنای سَفیره اَیه بودورون، بی‌خبر جٚه اونچی پیش بمو بو. ۸ پطرس اونٚ جأ وَورسه: «مرَ بوگو، آیا زیمینَ به هَه قیمت بوفروختیدی؟» سَفیره جواب بده: «بله، به هَه قیمت.» ۹ پطرس اونَ بوگفته: «چره همدیگرٚ مره دس به یکی بوکودیدی کی روح‌القدسَ ایمتحان بوکونید؟ هسأ اوشأنی کی تی مردأکَ دفنَ کودیدی درٚ جُلُو ایسَه‌ییدی تا ترَ هم بأیید ببرید.» ۱۰ هو لحظه، سَفیره بکفته پِطرُسٚ پا جیر، بمرده. وختی جوانأن بموییدی بودورون، اونم بمرده بو. پس اونَ اوسأدیدی ببردیدی بیرون و اونٚ مردٚ ورجأ دفنَ کودیدی. ۱۱ تومامی‌یٚ ایماندارأن، و مردومأنی کی اَ ماجرایَ بیشتأوستیدی وحشت بوکودید.
رسولأن مریضأنَ شفا دهیدی
۱۲ نیشأنه‌یأن و معجزاتٚ فراوانی جٚه رسولأنٚ دس، مردومأنٚ رِه آشکارَ بوستی و ایماندارأن همه‌تأن یکدیل سلیمانٚ ایوانٚ میأن، دورٚ هم جمَ بوستیدی. ۱۳ ولی هیچکی جز خودشأن جرأت نوکودی اوشأن نزدیکَ به، هرچند تومامٚ مردوم، اوشأنَ خیلی ایحترام قائل بوستیدی ۱۴ و مردأکأن و زنأکأنٚ فراوانی به خوداوندْ عیسی ایمأن بأوردیدی، ۱۵ تا اویه کی مریضأنَ، شهرٚ میدانأنٚ میأن اَوردیدی و اوشأنَ رختخوابأن و تختأنٚ سر خوسأنه‌ییدی تا اَ امیدٚ اَمرأ وختی پطرس او رأه دوأرستی، جٚه قودرتٚ خوداوند، اقلکن اونٚ سایه بعضی‌یأنٚ سر دکفه تا شفا فیگیرید. ۱۶ مردومم دسته دسته جٚه شهرأنٚ اطرافٚ اورشلیم اَموییدی و خوشأنٚ مریضأنَ و اوشأنی‌یَ کی جٚه پلیدٚ روحأن در عذاب بید، اَوردیدی و همه‌تأن شفا پیدا کودیدی.
رسولأنٚ دسگیری و زندانی بوستن
۱۷ کاهنٚ اعظم و تومامٚ اونٚ همکارأن کی جٚه صدوقیأنٚ فرقه بید، حسادتٚ جأ پورَ بوستیدی و ویریشتیدی ۱۸ رسولأنَ دسگیر بوکودیدی و شهرٚ زندانٚ عمومی میأن تأودَه‌ییدی. ۱۹ ولی هو شب خوداوندٚ فرشته، زندانٚ درأنَ وأکوده و اوشأنَ بیرون بأورده ۲۰ و بوگفته: «بیشید معبدٚ میأن و اویه خوداوندٚ کلامٚ حیات‌بخشَ مردومٚ‌ره گب بزنید.»
۲۱ بأزین صُبٚ دم، هَطو کی خودا فرشته رسولأنَ بوگفته‌بو، بوشوییدی معبد و مردومَ تعلیم بدَه‌ییدی. بأزین کاهنٚ اعظم خو همکارأنٚ اَمرأ بمو، شورا اعضا و تومامی‌یٚ ایسرائیلٚ مشایخَ دوخوأدیدی و چند نفرَ اوسه کودیدی تا رسولأنَ زندانٚ جأ بأورید. ۲۲ ولی وختی مأمورأن بوشوییدی زندانٚ میأن، رسولأن نِیسه‌بید. پس وأگردستیدی، خبر بدَه‌ییدی ۲۳ و بوگفتیدی: «زندانٚ در خُب دٚوٚسته بو، نگهبانأنم زندانٚ درٚ سر ایسَه‌بید ولی وختی درَ وأکودیم هیکسَ زندانٚ میأن پیدا نوکودیم.» ۲۴ وختی معبدٚ نگهبانأنٚ فرمانده و پیله کاهنأن اَ خبرَ بیشتأوستیدی، پریشأنَ بوستیدی و خوشأنٚ پهلو فیکر بوکودیدی «اَ کارٚ آخر عاقبت چی به؟» ۲۵ کی اینفر اَیه و اوشأنَ خبر دهه، گه: «مردأکأنی کی زندانی بوکوده‌بید، معبدٚ میأن ایسَه‌ییدی و مردومأنَ تعلیم دَهن درید.» ۲۶ پس معبدٚ نگهبانأنٚ فرمانده، مأمورأنٚ اَمرأ بوشو و رسولأنَ بأوردیدی ولی نه زورٚ اَمرأ، چونکی ترسه‌ییدی مردوم اوشأنَ سنگ واران بوکونید.
۲۷ بأزین کی رسولأنَ بأوردیدی، اوشأنَ شورا جُلُو به پا بدأشتیدی. او وخت کاهنٚ اعظم اوشأنٚ جأ وَورسه: ۲۸ «مگر شمرَ قدغن نوکوده‌بیم کی دِه به عیسی نام موعظه نوکونید؟ ولی شومأن اورشلیمَ شیمی تعلیمٚ اَمرأ پورَ کودیدی و خوأییدی اَ مردأکٚ خونَ تأودید اَمی گردن.»
۲۹ پطرس و بقیه‌یٚ رسولأن جواب بدَه‌ییدی: «اَمأن وأ خودا جأ ویشتر ایطاعت بوکونیم تا آدمی جأ. ۳۰ اَمی پئرأنٚ خودا، عیسایَ کی شومأن به صلیب فأکشه‌ییدی و بوکوشتیدی، مورده‌یأنٚ جأ ویریزأنه. ۳۱ بأزین خودا عیسایَ آسمانٚ جور ببرده و خو راستٚ دس بینیشأنه و سرور و نجات‌دهنده چأکوده کی قومٚ ایسرائیل فرصت بدأرید تا توبه بوکونید و اوشأنٚ گونایأنم ببخشه ببه. ۳۲ اَمأن رسولأن اَ واقعه‌یَ شاهدیم هَطو کی روح‌القدسم شاهده، هو روحٚ پاکی کی خودا خو ایطاعت‌کننده‌یأنَ فدَه.»
۳۳ وختی شورا اعضا اَ گبأنَ بیشتأوستیدی، اَنقدر اوشأنَ غیظَ گیفته کی خوأستیدی رسولأنَ بوکوشید. ۳۴ ولی اینفر جٚه فریسیأن، گامالائیل نام، کی شریعتٚ معلّم و تومامٚ قومٚ میأن محترم بو، شورا مجلسٚ دورون ویریشته، دستور بده رسولأنَ چند لحظه اویه جأ بیرون ببرید. ۳۵ بأزین اوشأنَ بوگفته: «اَی ایسرائیلی‌یأن، مواظب بیبید کی اَشأنٚ رِه چی تصمیمی گیفتن دریدی. ۳۶ چونکی پیشترم، ایتأ مردای تِئوداس نامی ویریشته‌بو و گفتی کی من مِره کسی ایسم و حدودٚ چهارصد نفرم اونٚ طرفدار بوبوستید. دولتم اونَ بوکوشته، او طرفدارأنم همه پخش و پلا بوبوستیدی و تومامی‌یٚ اونٚ نقشه‌یأن، نقش بر آب بوبوسته. ۳۷ بعدٚ اون، سرشماری موقع، یهودایٚ جلیلی ویریشته کی طرفدارأنی هم دأشتی. اونم بوکوشتیدی، اونٚ طرفدارأنم پخش و پلا بوبوستیدی. ۳۸ هَنٚ وأسی شَمَرَ گم کی جٚه اَشأن دس بکشید و اَشأنَ به خوشأنٚ حال بنید. اگه هرچی گیدی و هر کاری کونیدی، خودا اراده اَمرأ نبه، نتأنیدی موفق بیبید. ۳۹ ولی اگه جٚه خودا طرف ببه، شومأن نتأنیدی اوشأنَ جٚه میأن ببرید، چونکی در اَ صورت خودا اَمرأ جنگستأن دریدی!»
۴۰ اوشأن قوبیل بوکودیدی و رسولأنَ دوخوأدیدی، شلاق بزه‌ییدی و قدغن بوکودیدی کی دِه به عیسی نام گب نزنید. بأزین وَهَشتیدی کی اوشأن بیشید. ۴۱ رسولأن شورا جأ بیرون بوشوییدی و خوشحال بید کی اینتخاب بوبوسته‌بید کی عیسی نامٚ وأسی توهین بیبید. ۴۲ تومامی‌یٚ روزأن، چی معبدٚ میأن و چی خانه‌یأنٚ میأن، تعلیم و بشارت دَییدی کی عیسی هو مسیحٚ موعوده.
Currently Selected:
اعمالٚ رسولأن ۵: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
اعمالٚ رسولأن ۵
۵
حَنانیا و سَفیره
۱ اینفر کی حَنانیا نام دأشتی خو زن سَفیره مره، مِلکی‌یَ بوفروختیدی. ۲ خو زنٚ اَمرأ دس به یکی بوکوده، ایپچه جٚه او پول اوسأده، الباقی‌یَ بأورده فوکوده رسولأنٚ پا جیر. ۳ پطرس اونَ بوگفته: «اَی حَنانیا، چره وَهَشتی شیطأن ترَ گول بزنه کی روح‌القدسَ دوروغ بیگی و ایپچه جٚه او پولٚ فروشٚ باغَ ترَ اوسأدی؟ ۴ مگر قبلٚ اونکی اونَ بوفروشی، او باغ تی‌شین نوبو؟ بأزین کی اونَ بوفروختی او پولم تی‌شین بو. پس چی ترَ وادار بوکوده کی اَ کارَ بوکونی؟ تو نه تنها مردومأنٚ ورجأ دوروغ بوگفتی، بلکی خودایم دوروغ بوگفتی!»
۵ وختی حَنانیا اَ گبأنَ بیشنأوسته، در جا بکفته، بمرده! همه‌یٚ اوشأنی‌یم کی اَ ایتفاقَ بیشتأوستیدی، خیلی بترسه‌ییدی. ۶ هو وخت، جوانأن جُلُو بموییدی، اونَ کفن دوکودیدی، ببردیدی بیرون و دفنَ کودیدی.
۷ حدودٚ سه ساعت جٚه اَ ماجرا بوگوذشته‌بو کی اونٚ زنای سَفیره اَیه بودورون، بی‌خبر جٚه اونچی پیش بمو بو. ۸ پطرس اونٚ جأ وَورسه: «مرَ بوگو، آیا زیمینَ به هَه قیمت بوفروختیدی؟» سَفیره جواب بده: «بله، به هَه قیمت.» ۹ پطرس اونَ بوگفته: «چره همدیگرٚ مره دس به یکی بوکودیدی کی روح‌القدسَ ایمتحان بوکونید؟ هسأ اوشأنی کی تی مردأکَ دفنَ کودیدی درٚ جُلُو ایسَه‌ییدی تا ترَ هم بأیید ببرید.» ۱۰ هو لحظه، سَفیره بکفته پِطرُسٚ پا جیر، بمرده. وختی جوانأن بموییدی بودورون، اونم بمرده بو. پس اونَ اوسأدیدی ببردیدی بیرون و اونٚ مردٚ ورجأ دفنَ کودیدی. ۱۱ تومامی‌یٚ ایماندارأن، و مردومأنی کی اَ ماجرایَ بیشتأوستیدی وحشت بوکودید.
رسولأن مریضأنَ شفا دهیدی
۱۲ نیشأنه‌یأن و معجزاتٚ فراوانی جٚه رسولأنٚ دس، مردومأنٚ رِه آشکارَ بوستی و ایماندارأن همه‌تأن یکدیل سلیمانٚ ایوانٚ میأن، دورٚ هم جمَ بوستیدی. ۱۳ ولی هیچکی جز خودشأن جرأت نوکودی اوشأن نزدیکَ به، هرچند تومامٚ مردوم، اوشأنَ خیلی ایحترام قائل بوستیدی ۱۴ و مردأکأن و زنأکأنٚ فراوانی به خوداوندْ عیسی ایمأن بأوردیدی، ۱۵ تا اویه کی مریضأنَ، شهرٚ میدانأنٚ میأن اَوردیدی و اوشأنَ رختخوابأن و تختأنٚ سر خوسأنه‌ییدی تا اَ امیدٚ اَمرأ وختی پطرس او رأه دوأرستی، جٚه قودرتٚ خوداوند، اقلکن اونٚ سایه بعضی‌یأنٚ سر دکفه تا شفا فیگیرید. ۱۶ مردومم دسته دسته جٚه شهرأنٚ اطرافٚ اورشلیم اَموییدی و خوشأنٚ مریضأنَ و اوشأنی‌یَ کی جٚه پلیدٚ روحأن در عذاب بید، اَوردیدی و همه‌تأن شفا پیدا کودیدی.
رسولأنٚ دسگیری و زندانی بوستن
۱۷ کاهنٚ اعظم و تومامٚ اونٚ همکارأن کی جٚه صدوقیأنٚ فرقه بید، حسادتٚ جأ پورَ بوستیدی و ویریشتیدی ۱۸ رسولأنَ دسگیر بوکودیدی و شهرٚ زندانٚ عمومی میأن تأودَه‌ییدی. ۱۹ ولی هو شب خوداوندٚ فرشته، زندانٚ درأنَ وأکوده و اوشأنَ بیرون بأورده ۲۰ و بوگفته: «بیشید معبدٚ میأن و اویه خوداوندٚ کلامٚ حیات‌بخشَ مردومٚ‌ره گب بزنید.»
۲۱ بأزین صُبٚ دم، هَطو کی خودا فرشته رسولأنَ بوگفته‌بو، بوشوییدی معبد و مردومَ تعلیم بدَه‌ییدی. بأزین کاهنٚ اعظم خو همکارأنٚ اَمرأ بمو، شورا اعضا و تومامی‌یٚ ایسرائیلٚ مشایخَ دوخوأدیدی و چند نفرَ اوسه کودیدی تا رسولأنَ زندانٚ جأ بأورید. ۲۲ ولی وختی مأمورأن بوشوییدی زندانٚ میأن، رسولأن نِیسه‌بید. پس وأگردستیدی، خبر بدَه‌ییدی ۲۳ و بوگفتیدی: «زندانٚ در خُب دٚوٚسته بو، نگهبانأنم زندانٚ درٚ سر ایسَه‌بید ولی وختی درَ وأکودیم هیکسَ زندانٚ میأن پیدا نوکودیم.» ۲۴ وختی معبدٚ نگهبانأنٚ فرمانده و پیله کاهنأن اَ خبرَ بیشتأوستیدی، پریشأنَ بوستیدی و خوشأنٚ پهلو فیکر بوکودیدی «اَ کارٚ آخر عاقبت چی به؟» ۲۵ کی اینفر اَیه و اوشأنَ خبر دهه، گه: «مردأکأنی کی زندانی بوکوده‌بید، معبدٚ میأن ایسَه‌ییدی و مردومأنَ تعلیم دَهن درید.» ۲۶ پس معبدٚ نگهبانأنٚ فرمانده، مأمورأنٚ اَمرأ بوشو و رسولأنَ بأوردیدی ولی نه زورٚ اَمرأ، چونکی ترسه‌ییدی مردوم اوشأنَ سنگ واران بوکونید.
۲۷ بأزین کی رسولأنَ بأوردیدی، اوشأنَ شورا جُلُو به پا بدأشتیدی. او وخت کاهنٚ اعظم اوشأنٚ جأ وَورسه: ۲۸ «مگر شمرَ قدغن نوکوده‌بیم کی دِه به عیسی نام موعظه نوکونید؟ ولی شومأن اورشلیمَ شیمی تعلیمٚ اَمرأ پورَ کودیدی و خوأییدی اَ مردأکٚ خونَ تأودید اَمی گردن.»
۲۹ پطرس و بقیه‌یٚ رسولأن جواب بدَه‌ییدی: «اَمأن وأ خودا جأ ویشتر ایطاعت بوکونیم تا آدمی جأ. ۳۰ اَمی پئرأنٚ خودا، عیسایَ کی شومأن به صلیب فأکشه‌ییدی و بوکوشتیدی، مورده‌یأنٚ جأ ویریزأنه. ۳۱ بأزین خودا عیسایَ آسمانٚ جور ببرده و خو راستٚ دس بینیشأنه و سرور و نجات‌دهنده چأکوده کی قومٚ ایسرائیل فرصت بدأرید تا توبه بوکونید و اوشأنٚ گونایأنم ببخشه ببه. ۳۲ اَمأن رسولأن اَ واقعه‌یَ شاهدیم هَطو کی روح‌القدسم شاهده، هو روحٚ پاکی کی خودا خو ایطاعت‌کننده‌یأنَ فدَه.»
۳۳ وختی شورا اعضا اَ گبأنَ بیشتأوستیدی، اَنقدر اوشأنَ غیظَ گیفته کی خوأستیدی رسولأنَ بوکوشید. ۳۴ ولی اینفر جٚه فریسیأن، گامالائیل نام، کی شریعتٚ معلّم و تومامٚ قومٚ میأن محترم بو، شورا مجلسٚ دورون ویریشته، دستور بده رسولأنَ چند لحظه اویه جأ بیرون ببرید. ۳۵ بأزین اوشأنَ بوگفته: «اَی ایسرائیلی‌یأن، مواظب بیبید کی اَشأنٚ رِه چی تصمیمی گیفتن دریدی. ۳۶ چونکی پیشترم، ایتأ مردای تِئوداس نامی ویریشته‌بو و گفتی کی من مِره کسی ایسم و حدودٚ چهارصد نفرم اونٚ طرفدار بوبوستید. دولتم اونَ بوکوشته، او طرفدارأنم همه پخش و پلا بوبوستیدی و تومامی‌یٚ اونٚ نقشه‌یأن، نقش بر آب بوبوسته. ۳۷ بعدٚ اون، سرشماری موقع، یهودایٚ جلیلی ویریشته کی طرفدارأنی هم دأشتی. اونم بوکوشتیدی، اونٚ طرفدارأنم پخش و پلا بوبوستیدی. ۳۸ هَنٚ وأسی شَمَرَ گم کی جٚه اَشأن دس بکشید و اَشأنَ به خوشأنٚ حال بنید. اگه هرچی گیدی و هر کاری کونیدی، خودا اراده اَمرأ نبه، نتأنیدی موفق بیبید. ۳۹ ولی اگه جٚه خودا طرف ببه، شومأن نتأنیدی اوشأنَ جٚه میأن ببرید، چونکی در اَ صورت خودا اَمرأ جنگستأن دریدی!»
۴۰ اوشأن قوبیل بوکودیدی و رسولأنَ دوخوأدیدی، شلاق بزه‌ییدی و قدغن بوکودیدی کی دِه به عیسی نام گب نزنید. بأزین وَهَشتیدی کی اوشأن بیشید. ۴۱ رسولأن شورا جأ بیرون بوشوییدی و خوشحال بید کی اینتخاب بوبوسته‌بید کی عیسی نامٚ وأسی توهین بیبید. ۴۲ تومامی‌یٚ روزأن، چی معبدٚ میأن و چی خانه‌یأنٚ میأن، تعلیم و بشارت دَییدی کی عیسی هو مسیحٚ موعوده.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media