یوحنا ۱۳
۱۳
شاگردأنٚ پایٚ شوستن
۱ ایروز قبل از عیدٚ پِسَخ، عیسی دأنستی اونٚ وأگردستنٚ موقع از اَ دونیا به پئرٚ ورجه فأرسه، خو کسأنَ کی اَ دونیا میأن دوست دأشتی، تا حدٚ کمال محبت بوکوده.
۲ وختٚ شام بو، ابلیس قبلاً یهودایٚ اسخریوطی، شمعونٚ پسرٚ دیلٚ میأن بنَه‌بو کی عیسایَ تسلیمٚ دوشمن بوکونه. ۳ عیسی کی دأنستی پئر همه چیزَ اونٚ دس بیسپرده و از اونٚ ورجه بمو، و اونٚ ورجه شوئون دره، ۴ از شامٚ سر ویریشته و خو ردایَ از تن بیرون بأورده و ایتأ حوله اوسَده و به خو کمر دوٚسته. ۵ بعد ایتأ لگنٚ میأن آب دوکوده و شروع بوکوده خو شاگردأنٚ پایَ شوستن و اوشأنٚ پایَ او حوله اَمرأ کی خو کمرٚ دور، دوسته‌بو خوشکَ کوده. ۶ وختی به شمعونٚ پطرس فأرسه، اون عیسایَ بوگفته: «اَی سرور، تو خوأیی می پایَ بوشوری؟»
۷ عیسی جواب بدَه: «الأن از درکٚ اونچی کی کودن درم، ناتوانی، امّا بعداً فهمی.»
۸ پطرس اونَ بوگفته: «هرگز! تو هرگز می پایأنَ نوشوری!»
عیسی جواب بدَه: «تا ترَ نوشورم، از من سهمی نَبری.»
۹ پس شمعونٚ پطرس بوگفته: «اَی سرور، نه فقط می پایأنَ، بلکی می دسأن و می سرَ هم بوشور!»
۱۰ عیسی جواب بدَه: «اونی کی حمام بوکوده، سر تا پا تمیزه، دِه شوستن احتیاج نأره، به جز اونٚ پایأن. بله، شومأن پاکیدی، امّا نه همه.» ۱۱ چونکی دأنستی چه کسی اونَ تسلیمٚ دوشمن کونه و بخاطرٚ اَن بوگفته: «شومأن همه پاک نی‌ییدی.»
۱۲ بعد از اَنکی عیسی اوشأنٚ پایأنَ بوشوسته، خو ردایَ دوکوده و بازم شامٚ سُفره سر بینیشته. او وخت از اوشأن وَورسه: «آیا بفهمستیدی کی شِمره چه کاری انجام بدَم؟ ۱۳ شومأن مرَ اوستاد و سرور دوخوأنیدی، و دوروستم گیدی، چونکی هَطو ایسم. ۱۴ پس اگه من کی شیمی اوستاد و سرورم، شیمی پایأنَ بوشوستم، شومأن هم بأید همدیگرٚ پایأنَ بوشورید. ۱۵ من اَ کارٚ اَمرأ شمرَ سرمشق بنَم تا شومأنم هَطو رفتار بوکونید کی من شیمی اَمرأ بوکودم. ۱۶ آمین، آمین، شمرَ گم، نه غولام از خو ارباب بزرگتره، نه فرستاده، از خودشٚ فرستنده! ۱۷ الأن اَشأنَ دأنیدی، خوش بحالٚ شومأن کی اگه اَشأنَ انجام بدید.
پیشگویی‌یٚ یهودا خیانت
۱۸ «اونچی کی گفتن درم درباره‌یٚ همه‌یٚ شومأن نی‌یه. من اوشأنی کی اینتخاب بوکودم، شنأسم. امّا اَ گفته‌یٚ کیتابٚ موقدّس بأید ثابت ببه کی: ‹می همسفره می اَمرأ به دشمنی ویریزه.› ۱۹ پس الأن قبل از اَنکی ایتفاق دکفه، شمرَ گم تا زمانی کی ایتفاق دکفه، ایمأن بأورید کی من ایسم. #۱۳:۱۹ به بابٚ ۸ آیه ۲۴ نیگاه بوکونید. ۲۰ آمین، آمین، شمرَ گم، هر کی، کسی‌یَ کی من اوسه کونم قوبیل بوکونه، مرَ قوبیل بوکوده، و هر کی مرَ قوبیل بوکونه، اونَ کی مرَ اوسه کوده، قوبیل بوکوده.»
۲۱ عیسی بعد از اَنکی اَنَ بوگفته، در روح منقلبَ بوسته و آشکارا بوگفته: «آمین، آمین، شمرَ گم، ایتأ از شومأن مرَ به دوشمن تسلیم کونه.»
۲۲ شاگردأن همدیگرَ نیگاه بوکودیدی و در تعجب بید کی اَ حرفأنَ درباره‌یٚ کی گفتن دره. ۲۳ ایتأ از شاگردأن کی عیسی اونَ دوست دأشتی، اونٚ سینه ورجه تکیه بدَه‌بو. ۲۴ شمعونٚ پطرس ایشاره اَمرأ از اون بخوأسته تا از عیسی وَورسه اونٚ منظور کی‌یه. ۲۵ پس اون کمی عقب بوشو و به عیسی سینه تکیه بدَه و بوگفته: «اَی سرور، اون کی‌یه؟»
۲۶ عیسی جواب بدَه: «اونی‌یَ کی اَ لقمه نانَ بعد از اَنکی کاسه میأن زنم و اونَ فدم.» و او وخت، لقمه‌یَ کاسه میأن بزه و اونَ به یهودا، شمعونٚ اسخریوطی پسر فدَه. ۲۷ یهودا وختی لقمه‌یَ فیگیفته، او لحظه شیطأن واردٚ اون بوبوسته. او وخت عیسی اونَ بوگفته: «اونچی کی خوأیی انجام بدی، زودتر انجام بدن.» ۲۸ امّا هیکس از کسأنی کی سُفره سر نیشته بید، عیسی منظورَ نفهمستیدی. ۲۹ بعضی‌یأن فیکر کودیدی چونکی یهودا مسئولٚ دخل و خرجه، عیسی اونَ گه کی اونچی کی عیدٚ‌ره لازمه بیهینه، یا اَنکی فقیرأنَ چیزی فدَه. ۳۰ بعد از فیگیفتنٚ لقمه، یهودا بدونٚ معطلی بیرون بوشو و شب بو.
پیشگویی‌یٚ پِطرُسٚ انکار
۳۱ بعد از اَنکی یهودا بیرون بوشو، عیسی بوگفته: «الأن اینسانٚ پسر جلال پیدا بوکوده، و خودا هم در اون جلال پیدا بوکوده. ۳۲ اگه خودا در اون جلال پیدا کوده، پس خودایم اونَ در خودش جلال دهه و اونَ بدونٚ معطلی جلال دهه. ۳۳ عزیزأن، مدتٚ کمی شیمی اَمرأ ایسم. می دونبأل گردیدی، هوطو کی یهودیأنَ بوگفتم، الأنم شمرَ گم کی او جایی کی من شوئون درم، شومأن نتأنیدی بأیید. ۳۴ شمرَ ایتأ حکمٚ جدید فدم، و اون اَنه کی همدیگرَ دوست بدأرید؛ هوطویی کی من شمرَ دوست دأشتیم، شومأنم وأ همدیگرَ دوست بدأرید. ۳۵ از هَه محبتی کی شومأن همدیگرَ کونیدی، همه فهمیدی کی شومأن می شاگردیدی.»
۳۶ شمعونٚ پطرس بوگفته: «اَی سرور، کویه شوئون دری؟»
عیسی جواب بدَه: «تو الأن جایی کی من شوئون درم نتأنی می دونبأل بأیی، امّا بعداً می دونبأل اَیی.»
۳۷ پطرس بوگفته: «اَی سرور، چره الأن نتأنم تی دونبأل بأیم؟ من می جانَ تی رایٚ وستی نَهم.»
۳۸ عیسی بوگفته: «آیا در رایٚ من تی جانَ نهَه‌یی؟ آمین، آمین، ترَ گم، قبل از اَنکی خروس بخوأنه، تو مرَ سه بار انکار کونی.»
Currently Selected:
یوحنا ۱۳: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
یوحنا ۱۳
۱۳
شاگردأنٚ پایٚ شوستن
۱ ایروز قبل از عیدٚ پِسَخ، عیسی دأنستی اونٚ وأگردستنٚ موقع از اَ دونیا به پئرٚ ورجه فأرسه، خو کسأنَ کی اَ دونیا میأن دوست دأشتی، تا حدٚ کمال محبت بوکوده.
۲ وختٚ شام بو، ابلیس قبلاً یهودایٚ اسخریوطی، شمعونٚ پسرٚ دیلٚ میأن بنَه‌بو کی عیسایَ تسلیمٚ دوشمن بوکونه. ۳ عیسی کی دأنستی پئر همه چیزَ اونٚ دس بیسپرده و از اونٚ ورجه بمو، و اونٚ ورجه شوئون دره، ۴ از شامٚ سر ویریشته و خو ردایَ از تن بیرون بأورده و ایتأ حوله اوسَده و به خو کمر دوٚسته. ۵ بعد ایتأ لگنٚ میأن آب دوکوده و شروع بوکوده خو شاگردأنٚ پایَ شوستن و اوشأنٚ پایَ او حوله اَمرأ کی خو کمرٚ دور، دوسته‌بو خوشکَ کوده. ۶ وختی به شمعونٚ پطرس فأرسه، اون عیسایَ بوگفته: «اَی سرور، تو خوأیی می پایَ بوشوری؟»
۷ عیسی جواب بدَه: «الأن از درکٚ اونچی کی کودن درم، ناتوانی، امّا بعداً فهمی.»
۸ پطرس اونَ بوگفته: «هرگز! تو هرگز می پایأنَ نوشوری!»
عیسی جواب بدَه: «تا ترَ نوشورم، از من سهمی نَبری.»
۹ پس شمعونٚ پطرس بوگفته: «اَی سرور، نه فقط می پایأنَ، بلکی می دسأن و می سرَ هم بوشور!»
۱۰ عیسی جواب بدَه: «اونی کی حمام بوکوده، سر تا پا تمیزه، دِه شوستن احتیاج نأره، به جز اونٚ پایأن. بله، شومأن پاکیدی، امّا نه همه.» ۱۱ چونکی دأنستی چه کسی اونَ تسلیمٚ دوشمن کونه و بخاطرٚ اَن بوگفته: «شومأن همه پاک نی‌ییدی.»
۱۲ بعد از اَنکی عیسی اوشأنٚ پایأنَ بوشوسته، خو ردایَ دوکوده و بازم شامٚ سُفره سر بینیشته. او وخت از اوشأن وَورسه: «آیا بفهمستیدی کی شِمره چه کاری انجام بدَم؟ ۱۳ شومأن مرَ اوستاد و سرور دوخوأنیدی، و دوروستم گیدی، چونکی هَطو ایسم. ۱۴ پس اگه من کی شیمی اوستاد و سرورم، شیمی پایأنَ بوشوستم، شومأن هم بأید همدیگرٚ پایأنَ بوشورید. ۱۵ من اَ کارٚ اَمرأ شمرَ سرمشق بنَم تا شومأنم هَطو رفتار بوکونید کی من شیمی اَمرأ بوکودم. ۱۶ آمین، آمین، شمرَ گم، نه غولام از خو ارباب بزرگتره، نه فرستاده، از خودشٚ فرستنده! ۱۷ الأن اَشأنَ دأنیدی، خوش بحالٚ شومأن کی اگه اَشأنَ انجام بدید.
پیشگویی‌یٚ یهودا خیانت
۱۸ «اونچی کی گفتن درم درباره‌یٚ همه‌یٚ شومأن نی‌یه. من اوشأنی کی اینتخاب بوکودم، شنأسم. امّا اَ گفته‌یٚ کیتابٚ موقدّس بأید ثابت ببه کی: ‹می همسفره می اَمرأ به دشمنی ویریزه.› ۱۹ پس الأن قبل از اَنکی ایتفاق دکفه، شمرَ گم تا زمانی کی ایتفاق دکفه، ایمأن بأورید کی من ایسم. #۱۳:۱۹ به بابٚ ۸ آیه ۲۴ نیگاه بوکونید. ۲۰ آمین، آمین، شمرَ گم، هر کی، کسی‌یَ کی من اوسه کونم قوبیل بوکونه، مرَ قوبیل بوکوده، و هر کی مرَ قوبیل بوکونه، اونَ کی مرَ اوسه کوده، قوبیل بوکوده.»
۲۱ عیسی بعد از اَنکی اَنَ بوگفته، در روح منقلبَ بوسته و آشکارا بوگفته: «آمین، آمین، شمرَ گم، ایتأ از شومأن مرَ به دوشمن تسلیم کونه.»
۲۲ شاگردأن همدیگرَ نیگاه بوکودیدی و در تعجب بید کی اَ حرفأنَ درباره‌یٚ کی گفتن دره. ۲۳ ایتأ از شاگردأن کی عیسی اونَ دوست دأشتی، اونٚ سینه ورجه تکیه بدَه‌بو. ۲۴ شمعونٚ پطرس ایشاره اَمرأ از اون بخوأسته تا از عیسی وَورسه اونٚ منظور کی‌یه. ۲۵ پس اون کمی عقب بوشو و به عیسی سینه تکیه بدَه و بوگفته: «اَی سرور، اون کی‌یه؟»
۲۶ عیسی جواب بدَه: «اونی‌یَ کی اَ لقمه نانَ بعد از اَنکی کاسه میأن زنم و اونَ فدم.» و او وخت، لقمه‌یَ کاسه میأن بزه و اونَ به یهودا، شمعونٚ اسخریوطی پسر فدَه. ۲۷ یهودا وختی لقمه‌یَ فیگیفته، او لحظه شیطأن واردٚ اون بوبوسته. او وخت عیسی اونَ بوگفته: «اونچی کی خوأیی انجام بدی، زودتر انجام بدن.» ۲۸ امّا هیکس از کسأنی کی سُفره سر نیشته بید، عیسی منظورَ نفهمستیدی. ۲۹ بعضی‌یأن فیکر کودیدی چونکی یهودا مسئولٚ دخل و خرجه، عیسی اونَ گه کی اونچی کی عیدٚ‌ره لازمه بیهینه، یا اَنکی فقیرأنَ چیزی فدَه. ۳۰ بعد از فیگیفتنٚ لقمه، یهودا بدونٚ معطلی بیرون بوشو و شب بو.
پیشگویی‌یٚ پِطرُسٚ انکار
۳۱ بعد از اَنکی یهودا بیرون بوشو، عیسی بوگفته: «الأن اینسانٚ پسر جلال پیدا بوکوده، و خودا هم در اون جلال پیدا بوکوده. ۳۲ اگه خودا در اون جلال پیدا کوده، پس خودایم اونَ در خودش جلال دهه و اونَ بدونٚ معطلی جلال دهه. ۳۳ عزیزأن، مدتٚ کمی شیمی اَمرأ ایسم. می دونبأل گردیدی، هوطو کی یهودیأنَ بوگفتم، الأنم شمرَ گم کی او جایی کی من شوئون درم، شومأن نتأنیدی بأیید. ۳۴ شمرَ ایتأ حکمٚ جدید فدم، و اون اَنه کی همدیگرَ دوست بدأرید؛ هوطویی کی من شمرَ دوست دأشتیم، شومأنم وأ همدیگرَ دوست بدأرید. ۳۵ از هَه محبتی کی شومأن همدیگرَ کونیدی، همه فهمیدی کی شومأن می شاگردیدی.»
۳۶ شمعونٚ پطرس بوگفته: «اَی سرور، کویه شوئون دری؟»
عیسی جواب بدَه: «تو الأن جایی کی من شوئون درم نتأنی می دونبأل بأیی، امّا بعداً می دونبأل اَیی.»
۳۷ پطرس بوگفته: «اَی سرور، چره الأن نتأنم تی دونبأل بأیم؟ من می جانَ تی رایٚ وستی نَهم.»
۳۸ عیسی بوگفته: «آیا در رایٚ من تی جانَ نهَه‌یی؟ آمین، آمین، ترَ گم، قبل از اَنکی خروس بخوأنه، تو مرَ سه بار انکار کونی.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media