Luka 9
9
Yesu atuma abasole
(Mateo 10:5-15; Mako 6:7-13)
1Kabili Yesu alongenye abasole ikumi limo na babili. Abapeele amaka ne nsambu shakutamfya imipashi yakowela yonse no kuposha amalwele. 2Elyo abatuma kukubila imbila ya Bufumu bwakwa Lesa no kuposha amalwele. 3Kabili abeba ati, “Pa lwendo mwilasenda nelyo cimo, nelyo ni nkonto, nelyo icola, nelyo icakulya, nelyo indalama. Mwilasenda imingila ibili. 4Elyo mu ŋanda yonse umo mwaingila, mwikale umo mwine mpaka nelyo mukafumamo. 5Kabinge konse uko bakaana ukumusekelela, fumeni mu musumba wabo, mukunte no lukungu ku makasa yenu pakubashinina.” 6Awe abasole baima, balapitana mu mishi balebila Imbila Nsuma, baleposha na balwele bonse uko baleya.
Herodi asakamana
(Mateo 14:1-12; Mako 6:14-29)
7Imfumu Herodi yati yumfwe ifyalecitika, fyaipeseshe amano. Pantu abantu bamo baleti, “Ni Yoani eubuukile ku bafwa.” 8Bambi nabo baleti, “Ni Eliya#9:8 Eliya: Abena Israeli abengi balesubila ukuti kasesema Eliya akabwela ku kwisa pekanya ukwisa kwakwa Kristu. eubwelele,” bambi nabo baleti, “Ala ni kasesema umo pali bakasesema bakale eushukwike ku bafwa.” 9Herodi ena epakuti, “Yoani nalimuputulako umutwe. Nga kanshi uulecita ifi fintu ndeumfwa nani?” Kanshi Herodi alafwaisha ukumona Yesu.
Yesu afusha imikate
(Mateo 14:13-21; Mako 6:30-44; Yoani 6:1-14)
10Ilyo abasole babwelele, bashimikile Yesu fyonse ifyo bacitile. Yesu nao epakubasenda ukwakuti bali beka lwa ku musumba wa Betisaida. 11Nomba cilya amabumba yaumfwako, yamukonka. Yesu nao ayasekelela, alayafunda na pa Bufumu bwakwa Lesa. Aposha na bonse abalekabila ukuposhiwa.
12Cilya akasuba kaba kukuwa, abasole ikumi limo na babili baisa kuli Yesu. Balamweba abati, “Eba amabumba yaleya mu mishi ya mumbali na mu mitanda, pakuti yamone ukwakusendama ne cakulya. Pantu kuno tuli ni mu matololo.” 13Yesu abasuka ati, “Nimwe bapeeleni icakulya.” Nabo bamwasuka abati, “Ifwe tukwetepofye imikate isano ne sabi libili. Bushe nifwe tuli nokuya shitila aba bantu bonse ifyakulya?” 14Pantu mwibumba mwali abaume ni cikanga amakana yasano. Yesu elyo aeba abasambi bakwe ati, “Ebeni abantu bekale, mu mpuka imo mube abantu amakumi yasano.” 15Awe efyo bacita na bantu baikala panshi. 16Elyo Yesu abuula imikate isano ne sabi libili, alosha amenso ku mulu, atasha Lesa. Elyo amokaula imikate, apeela na basambi bakwe, pakuti baakanye abantu. 17Awe abantu balya no kwikuta baikuta. Elyo abasambi balonganya ifipandwa fisheleko, baisusha imiseke ikumi limo na ibili.
Petelo alumbula ukuti Yesu e Kristu
(Mateo 16:13-19; Mako 8:27-29)
18Ubushiku bumo Yesu alepepa eka, ninshi abasambi bakwe nabo epo bali. Elyo abepwishe ati, “Bushe abantu batila nine ani?” 19Nabo bayasuka abati, “Bamo batila ni Yoani Kabatisha, bambi nabo batila ni Eliya, bambi bena batila ni kasesema pali bakasesema bakale uwabuuka ku bafwa.” 20Elyo Yesu abepusha ati, “Nga imwe mutila nine ani?” Petelo ayasuka ati, “Niwe Kristu wakwa Lesa.” 21Yesu ena abakonkomesha ati, “Tecakwesha ukwebako umuntu nelyo umo.”
Yesu asobela amacushi ne mfwa yakwe
(Mateo 16:20-23; Mako 8:31-33)
22Kabili alabeba ati, “Umwana wa muntu ali nokuculisha nganshi. Abakalamba na bashimapepo bacindami na bakafundisha bamafunde bakamusuula no kumwipaya. Lelo mu bushiku bwalenga shitatu akabuuka ku bafwa.”
Pakuba umusambi wakwa Yesu
(Mateo 16:24-28; Mako 8:34—9:1)
23Elyo Yesu alaeba bonse ati, “Umuntu nga alefwaya ukulankonka, aleikaanya umwine, alesenda no musalaba wakwe, elyo alenkonka. 24Pantu uyo onse uufwaya ukupususha umweo wakwe, akaulofya. Lelo uyo onse uulofya umweo wakwe pa mulandu wa ine, ena akaupususha. 25Bushe umuntu kuti amwenamo nshi, nga cakuti anonka ifyuma fyonse ifya calo, elyo aonaikilapo nangu alufishapo umweo wakwe? 26Pantu onse uwakwatila ine insoni na mashiwi yandi, Umwana wa muntu nao akamukwatila insoni ilyo akesa mu bucindami bwakwe na mu bucindami bwakwa Wishi no bwa bamalaika bamushilo. 27Ndemweba icine cine, bamo pali imwe mwe beminine pano, tabakafwe mpaka bakasuke bakamone Ubufumu bwakwa Lesa.”
Yesu alanga abasole ubucindami bwakwe
(Mateo 17:1-8; Mako 9:2-8)
28Patile cilya papita inshiku cine konse konse apo alandile ifi, Yesu asendele Petelo na Yoani na Yakobo. Elyo anina nabo ulupili kukupepa. 29Awe cilya alepepa, pa menso yakwe payaluka, ne nsalu shalabengeshimafye kukubuuta. 30Awe apopene abantu babili Mose na Eliya bamoneka no bucindami, balelanda na Yesu. 31Balelanda pa mfwa Yesu ali nokufikilisha mu Yerusalemu. 32Petelo na banankwe baleshipula, lelo tabali mu tulo. Kanshi epakumona ubucindami bwakwa Yesu na bantu babili beminine nankwe. 33Cilya aba bantu baba mukuya, Petelo aeba Yesu ati, “Shikulu, kuti cawama twaikala pano pene! Lekafye tupangepo insakwe shitatu, imo yobe, imbi yakwa Mose, elyo na imbi iyakwa Eliya.” Alesabailafye, taishibe nefyo alelanda. 34Ilyo acili alelanda, paisa ikumbi lyabakupa mu cinshingwa. Ilyo ikumbi lyakupa apo bali, abasambi umwenso wabekata. 35Elyo ishiwi lyafuma mwikumbi aliti, “Uyu e Mwana wandi, Umusalwa wandi, mulemumfwa.” 36Nomba cilya ishiwi lyaleka ukulanda, awe bamona Yesu alifye eka. Abasambi pa nshita ilya tabalelandapo, kabili tabashimikileko nelyo umo pa fintu bamwene.
Yesu aposha akalumendo akali no mupashi wakowela
(Mateo 17:14-18; Mako 9:14-27)
37Ubushiku bwakonkelepo, ilyo baletentemuka ulupili, kwaisa ibumba ilikalamba kukubakumanya. 38Awe umuntu umo mwibumba alapunda ati, “Kafundisha! Nakupapata, lolesha pa mwana wandi umwaume, e mwanafye umo mpo nakwata. 39Ala umupashi wakowela utila nga wamwikata, no kupunda alapunda apopene. Elyo walamufulumfunsha, alafumya ne fulo ku kanwa. Kabili taumuleka bwangu, lelo nga waisa muleka, ninshi umwana nanaka nganshi. 40Nacilomba abasambi bobe ukuti baufumyemo, nomba nabafilwa.” 41Yesu epakwasuka ati, “Mwe nkulo yabula icisumino, iyaumalala imitima! Bushe ndi nokuba na imwe no kushipikisha mpaka lilali? Leta umwana obe kuno.” 42Ilyo akalumendo kali mukwisa kuli Yesu, awe umupashi wakowela wakawisha panshi, walakafulumfunsha. Elyo Yesu akalipila umupashi wakowela, aposha na kalumendo, akabwesesha na kuli wishi. 43Awe bonse balapapa ifyo Lesa aba na maka.
Yesu abwekeshapo ukusobela imfwa yakwe
(Mateo 17:22-23; Mako 9:30-32)
Ilyo bonse balesunguka pali fyonse ifyo alecita, Yesu ena alaeba abasambi bakwe ati, 44“Imwe mumfwikishe bwino aya mashiwi. Umwana wa muntu akaposwa mu minwe ya bantu.” 45Nomba tabaumfwile umwalolele aya mashiwi. Bafililwe ukumfwa, ico yali yankaama. Kabili baletiina no kumwipusha pali aya mashiwi.
Umukalamba pali bonse nani?
(Mateo 18:1-5; Mako 9:33-37)
46Elyo abasambi bakwa Yesu balebikana ifikansa palwa kwishiba umukalamba apo bali. 47Nomba Yesu ico eshibe ifyo baletontonkanya, abula akaice, akeminika na lubali apo ali. 48Elyo alabeba ati, “Umuntu onse uwasekelela akaice pa mulandu wa ine, ninshi nine asekelela. Kabili onse uwansekelela, ninshi asekelela no wantuma. Kanshi uwaicefya pali imwe bonse, e mukalamba.”
Uushili mulwani wesu ninshi munensu
(Mako 9:38-40)
49Elyo Yoani aebele Yesu ati, “Shikulu, twamwene umuntu umo alebomfya ishina lyobe pakutamfya imipashi yakowela. Lelo ifwe twalimulesha, pantu tatwaba nankwe pamo.” 50Yesu ena amweba ati, “Mwilamulesha, ala onse uushilemulwisha, ninshi munenu.”
Bakaana ukupokelela Yesu mu mushi umo uwa bena Samaria
51Ilyo inshiku sha kubwelelamo ku mulu shalepalama, Yesu abikilefye nomba umutima wakwe pakuya ku Yerusalemu. 52Elyo atuma inkombe ishakumutangilila. Awe ishi nkombe shaya ingila mu mushi umo uwa bena Samaria, pakuti shimupekanishishe ukwakufikilila. 53Nomba abantu ba muli uyu mushi bakaana ukumupokelela, ico ali pa bulendo bwakuya ku Yerusalemu. 54#2 Isham 1:9-16Ilyo abasambi bakwe Yakobo na Yoani bamona ifi, baipusha Yesu abati, “We Mfumu bushe ulefwaya tulombe umulilo ukufuma ku mulu wise uboce?” 55Yesu ena apilibuka, alabakalipila.#9:55 Bamo ba Baibele balundapo ukuti: [Ati, “Bushe mwalishiba umupashi mwakwata? Ala umwana wa muntu taisa kukulofya imyeo ya bantu, lelo ni kukuipususha”]. 56Awe baima, baya na ku mushi umbi.
Ubwafya bwaba mukuba umusambi wakwa Yesu
(Mateo 8:19-22)
57Cilya baleya mu nshila, umuntu umo aebele Yesu ati, “Nakulakukonka konse uko wakulaya.” 58Yesu amwasuka ati, “Bamumbwe balikwata imimba, ifyuni fya mu mulu nafyo fyalikwata ifisansala. Lelo Umwana wa muntu wena takwata na pakusaila umutwe.” 59Kabili Yesu aeba umbi ati, “Nkonka.” Nomba umuntu ati, “We Mfumu, leka ntale nje shiika batata.” 60Yesu amwasuka ati, “Leka abafwa baleshiika abafwa babo. Lelo iwe kabiye, uye ulebila imbila ya Bufumu bwakwa Lesa.” 61#1 Isham 19:20Kabili umbi asosa ati, “We Mfumu nalaisa kukonka, lelo kantale nje shalikapo ba lupwa lwandi.” 62Yesu amweba ati, “Umuntu uwabuula ulukasu, alalima kabili alaceba kunuma, ninshi talingile Ubufumu bwakwa Lesa.”
Currently Selected:
Luka 9: ILL15
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Luka 9
9
Yesu atuma abasole
(Mateo 10:5-15; Mako 6:7-13)
1Kabili Yesu alongenye abasole ikumi limo na babili. Abapeele amaka ne nsambu shakutamfya imipashi yakowela yonse no kuposha amalwele. 2Elyo abatuma kukubila imbila ya Bufumu bwakwa Lesa no kuposha amalwele. 3Kabili abeba ati, “Pa lwendo mwilasenda nelyo cimo, nelyo ni nkonto, nelyo icola, nelyo icakulya, nelyo indalama. Mwilasenda imingila ibili. 4Elyo mu ŋanda yonse umo mwaingila, mwikale umo mwine mpaka nelyo mukafumamo. 5Kabinge konse uko bakaana ukumusekelela, fumeni mu musumba wabo, mukunte no lukungu ku makasa yenu pakubashinina.” 6Awe abasole baima, balapitana mu mishi balebila Imbila Nsuma, baleposha na balwele bonse uko baleya.
Herodi asakamana
(Mateo 14:1-12; Mako 6:14-29)
7Imfumu Herodi yati yumfwe ifyalecitika, fyaipeseshe amano. Pantu abantu bamo baleti, “Ni Yoani eubuukile ku bafwa.” 8Bambi nabo baleti, “Ni Eliya#9:8 Eliya: Abena Israeli abengi balesubila ukuti kasesema Eliya akabwela ku kwisa pekanya ukwisa kwakwa Kristu. eubwelele,” bambi nabo baleti, “Ala ni kasesema umo pali bakasesema bakale eushukwike ku bafwa.” 9Herodi ena epakuti, “Yoani nalimuputulako umutwe. Nga kanshi uulecita ifi fintu ndeumfwa nani?” Kanshi Herodi alafwaisha ukumona Yesu.
Yesu afusha imikate
(Mateo 14:13-21; Mako 6:30-44; Yoani 6:1-14)
10Ilyo abasole babwelele, bashimikile Yesu fyonse ifyo bacitile. Yesu nao epakubasenda ukwakuti bali beka lwa ku musumba wa Betisaida. 11Nomba cilya amabumba yaumfwako, yamukonka. Yesu nao ayasekelela, alayafunda na pa Bufumu bwakwa Lesa. Aposha na bonse abalekabila ukuposhiwa.
12Cilya akasuba kaba kukuwa, abasole ikumi limo na babili baisa kuli Yesu. Balamweba abati, “Eba amabumba yaleya mu mishi ya mumbali na mu mitanda, pakuti yamone ukwakusendama ne cakulya. Pantu kuno tuli ni mu matololo.” 13Yesu abasuka ati, “Nimwe bapeeleni icakulya.” Nabo bamwasuka abati, “Ifwe tukwetepofye imikate isano ne sabi libili. Bushe nifwe tuli nokuya shitila aba bantu bonse ifyakulya?” 14Pantu mwibumba mwali abaume ni cikanga amakana yasano. Yesu elyo aeba abasambi bakwe ati, “Ebeni abantu bekale, mu mpuka imo mube abantu amakumi yasano.” 15Awe efyo bacita na bantu baikala panshi. 16Elyo Yesu abuula imikate isano ne sabi libili, alosha amenso ku mulu, atasha Lesa. Elyo amokaula imikate, apeela na basambi bakwe, pakuti baakanye abantu. 17Awe abantu balya no kwikuta baikuta. Elyo abasambi balonganya ifipandwa fisheleko, baisusha imiseke ikumi limo na ibili.
Petelo alumbula ukuti Yesu e Kristu
(Mateo 16:13-19; Mako 8:27-29)
18Ubushiku bumo Yesu alepepa eka, ninshi abasambi bakwe nabo epo bali. Elyo abepwishe ati, “Bushe abantu batila nine ani?” 19Nabo bayasuka abati, “Bamo batila ni Yoani Kabatisha, bambi nabo batila ni Eliya, bambi bena batila ni kasesema pali bakasesema bakale uwabuuka ku bafwa.” 20Elyo Yesu abepusha ati, “Nga imwe mutila nine ani?” Petelo ayasuka ati, “Niwe Kristu wakwa Lesa.” 21Yesu ena abakonkomesha ati, “Tecakwesha ukwebako umuntu nelyo umo.”
Yesu asobela amacushi ne mfwa yakwe
(Mateo 16:20-23; Mako 8:31-33)
22Kabili alabeba ati, “Umwana wa muntu ali nokuculisha nganshi. Abakalamba na bashimapepo bacindami na bakafundisha bamafunde bakamusuula no kumwipaya. Lelo mu bushiku bwalenga shitatu akabuuka ku bafwa.”
Pakuba umusambi wakwa Yesu
(Mateo 16:24-28; Mako 8:34—9:1)
23Elyo Yesu alaeba bonse ati, “Umuntu nga alefwaya ukulankonka, aleikaanya umwine, alesenda no musalaba wakwe, elyo alenkonka. 24Pantu uyo onse uufwaya ukupususha umweo wakwe, akaulofya. Lelo uyo onse uulofya umweo wakwe pa mulandu wa ine, ena akaupususha. 25Bushe umuntu kuti amwenamo nshi, nga cakuti anonka ifyuma fyonse ifya calo, elyo aonaikilapo nangu alufishapo umweo wakwe? 26Pantu onse uwakwatila ine insoni na mashiwi yandi, Umwana wa muntu nao akamukwatila insoni ilyo akesa mu bucindami bwakwe na mu bucindami bwakwa Wishi no bwa bamalaika bamushilo. 27Ndemweba icine cine, bamo pali imwe mwe beminine pano, tabakafwe mpaka bakasuke bakamone Ubufumu bwakwa Lesa.”
Yesu alanga abasole ubucindami bwakwe
(Mateo 17:1-8; Mako 9:2-8)
28Patile cilya papita inshiku cine konse konse apo alandile ifi, Yesu asendele Petelo na Yoani na Yakobo. Elyo anina nabo ulupili kukupepa. 29Awe cilya alepepa, pa menso yakwe payaluka, ne nsalu shalabengeshimafye kukubuuta. 30Awe apopene abantu babili Mose na Eliya bamoneka no bucindami, balelanda na Yesu. 31Balelanda pa mfwa Yesu ali nokufikilisha mu Yerusalemu. 32Petelo na banankwe baleshipula, lelo tabali mu tulo. Kanshi epakumona ubucindami bwakwa Yesu na bantu babili beminine nankwe. 33Cilya aba bantu baba mukuya, Petelo aeba Yesu ati, “Shikulu, kuti cawama twaikala pano pene! Lekafye tupangepo insakwe shitatu, imo yobe, imbi yakwa Mose, elyo na imbi iyakwa Eliya.” Alesabailafye, taishibe nefyo alelanda. 34Ilyo acili alelanda, paisa ikumbi lyabakupa mu cinshingwa. Ilyo ikumbi lyakupa apo bali, abasambi umwenso wabekata. 35Elyo ishiwi lyafuma mwikumbi aliti, “Uyu e Mwana wandi, Umusalwa wandi, mulemumfwa.” 36Nomba cilya ishiwi lyaleka ukulanda, awe bamona Yesu alifye eka. Abasambi pa nshita ilya tabalelandapo, kabili tabashimikileko nelyo umo pa fintu bamwene.
Yesu aposha akalumendo akali no mupashi wakowela
(Mateo 17:14-18; Mako 9:14-27)
37Ubushiku bwakonkelepo, ilyo baletentemuka ulupili, kwaisa ibumba ilikalamba kukubakumanya. 38Awe umuntu umo mwibumba alapunda ati, “Kafundisha! Nakupapata, lolesha pa mwana wandi umwaume, e mwanafye umo mpo nakwata. 39Ala umupashi wakowela utila nga wamwikata, no kupunda alapunda apopene. Elyo walamufulumfunsha, alafumya ne fulo ku kanwa. Kabili taumuleka bwangu, lelo nga waisa muleka, ninshi umwana nanaka nganshi. 40Nacilomba abasambi bobe ukuti baufumyemo, nomba nabafilwa.” 41Yesu epakwasuka ati, “Mwe nkulo yabula icisumino, iyaumalala imitima! Bushe ndi nokuba na imwe no kushipikisha mpaka lilali? Leta umwana obe kuno.” 42Ilyo akalumendo kali mukwisa kuli Yesu, awe umupashi wakowela wakawisha panshi, walakafulumfunsha. Elyo Yesu akalipila umupashi wakowela, aposha na kalumendo, akabwesesha na kuli wishi. 43Awe bonse balapapa ifyo Lesa aba na maka.
Yesu abwekeshapo ukusobela imfwa yakwe
(Mateo 17:22-23; Mako 9:30-32)
Ilyo bonse balesunguka pali fyonse ifyo alecita, Yesu ena alaeba abasambi bakwe ati, 44“Imwe mumfwikishe bwino aya mashiwi. Umwana wa muntu akaposwa mu minwe ya bantu.” 45Nomba tabaumfwile umwalolele aya mashiwi. Bafililwe ukumfwa, ico yali yankaama. Kabili baletiina no kumwipusha pali aya mashiwi.
Umukalamba pali bonse nani?
(Mateo 18:1-5; Mako 9:33-37)
46Elyo abasambi bakwa Yesu balebikana ifikansa palwa kwishiba umukalamba apo bali. 47Nomba Yesu ico eshibe ifyo baletontonkanya, abula akaice, akeminika na lubali apo ali. 48Elyo alabeba ati, “Umuntu onse uwasekelela akaice pa mulandu wa ine, ninshi nine asekelela. Kabili onse uwansekelela, ninshi asekelela no wantuma. Kanshi uwaicefya pali imwe bonse, e mukalamba.”
Uushili mulwani wesu ninshi munensu
(Mako 9:38-40)
49Elyo Yoani aebele Yesu ati, “Shikulu, twamwene umuntu umo alebomfya ishina lyobe pakutamfya imipashi yakowela. Lelo ifwe twalimulesha, pantu tatwaba nankwe pamo.” 50Yesu ena amweba ati, “Mwilamulesha, ala onse uushilemulwisha, ninshi munenu.”
Bakaana ukupokelela Yesu mu mushi umo uwa bena Samaria
51Ilyo inshiku sha kubwelelamo ku mulu shalepalama, Yesu abikilefye nomba umutima wakwe pakuya ku Yerusalemu. 52Elyo atuma inkombe ishakumutangilila. Awe ishi nkombe shaya ingila mu mushi umo uwa bena Samaria, pakuti shimupekanishishe ukwakufikilila. 53Nomba abantu ba muli uyu mushi bakaana ukumupokelela, ico ali pa bulendo bwakuya ku Yerusalemu. 54#2 Isham 1:9-16Ilyo abasambi bakwe Yakobo na Yoani bamona ifi, baipusha Yesu abati, “We Mfumu bushe ulefwaya tulombe umulilo ukufuma ku mulu wise uboce?” 55Yesu ena apilibuka, alabakalipila.#9:55 Bamo ba Baibele balundapo ukuti: [Ati, “Bushe mwalishiba umupashi mwakwata? Ala umwana wa muntu taisa kukulofya imyeo ya bantu, lelo ni kukuipususha”]. 56Awe baima, baya na ku mushi umbi.
Ubwafya bwaba mukuba umusambi wakwa Yesu
(Mateo 8:19-22)
57Cilya baleya mu nshila, umuntu umo aebele Yesu ati, “Nakulakukonka konse uko wakulaya.” 58Yesu amwasuka ati, “Bamumbwe balikwata imimba, ifyuni fya mu mulu nafyo fyalikwata ifisansala. Lelo Umwana wa muntu wena takwata na pakusaila umutwe.” 59Kabili Yesu aeba umbi ati, “Nkonka.” Nomba umuntu ati, “We Mfumu, leka ntale nje shiika batata.” 60Yesu amwasuka ati, “Leka abafwa baleshiika abafwa babo. Lelo iwe kabiye, uye ulebila imbila ya Bufumu bwakwa Lesa.” 61#1 Isham 19:20Kabili umbi asosa ati, “We Mfumu nalaisa kukonka, lelo kantale nje shalikapo ba lupwa lwandi.” 62Yesu amweba ati, “Umuntu uwabuula ulukasu, alalima kabili alaceba kunuma, ninshi talingile Ubufumu bwakwa Lesa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia