ACTS 1
1
Níłch'i Diyinii bee nihoot'ą́
1Thiyáfilas yinílyéii, ts'ídá áłtséedi Jesus yaa naayáhígíí áádóó yee na'neeztą́'ígíí naaltsoos áłtséhígíí#Lk. 1:1-4. bikáá' íishłaa 2áádóó wóshdę́ę́' dadool'aałii bitadziizlá'ígíí bee hodzis'áanii Níłch'i Diyinii bee baazhdiní'ą́ áádóó índa yá'ąąshgóó aho'dooltį́įjį', éí t'áá ałtso naaltsoos bikáá' íishłaa. 3Áko ti'hodzooznii'dóó dízdiin yiską́ąjį' hódahooł'aahii bich'į' yit'íní ánízh'diil'įįhgo, t'áá aaníí jiináago bee bééhózinii lą'ídi bee bich'į' ízh'diilyaa, áádóó Diyin God bee bóhólníihgo bił haz'áanii baa yájíłti'. 4Bił nidzíiztą́ągo hach'į' haadzíi'go áhodííniid, T'ááká Jerúsalem bits'ą́ąjį' dah doohkááh yíila', nidi aTaa' eidiní'ánígíí#Lk. 24:49. biba' ádanoht'ée dooleeł, éí bee nihił hweeshne'go dasidoots'ą́ą́'. 5Háálá John éí t'áá aaníí tó yee asį́į́h nít'éé', nidi kodóó t'áadoo lą'í yiłkaahí Níłch'i Diyinii bee nihidi'doolzįh.#Mt. 3:11; Mk. 1:8; Lk. 3:16; Jn. 1:33.
Jesus yá'ąąshgóó anáádzá
6Hódahooł'aahii ahíikaigo, nidahódééłkidgo ádadííniid, Bóhólníihii, da' k'adísh Ízrel bee bóhólníihgo bił haz'áanii bá hasht'éédíídlííł? 7Áko ábizhdííniid, Ałkéé' bee dahwéelzhíishii índa dayíłkaahii nihił béédahózin doogo doo nihaa deet'ą́ą da, éíyee' aTaa' t'áá bí bee bóhólníihgo yee nihoní'ą́. 8Nidi nihí Níłch'i Diyinii nihik'i hoole'go bee adziilii nihee dahodooleeł, áko Jerúsalemgi, índa Judíyagi t'áá át'éé nít'éé' áádóó Samériyagi, índa nahasdzáán nidanees'ą́ą́góó shá dahołne' dooleeł.#Mt. 28:19; Mk. 16:15; Lk. 24:47,48. 9Áko díidí yee hahaasdzíi'go t'áá dazhníł'į́įgo, dego dah bi'diiltį́ áádóó k'os biyaa aaldohgo bee doo yit'į́į da silį́į́'.#Mk. 16:19; Lk. 24:50,51. 10De hooleełgo yá biyi' góde hazhó'ó dazdéez'į́į́' nít'éé', jó'akon, diné naaki algaigo hadít'éego hwíighahgi yiizį', 11áko áhodííniid, Gáliliidóó hastóí danohłíinii, ha'át'íísh biniyé yá biyi' góde dasídóo'į́į'go nisoozį́? Díí Jesus nihits'ą́ą́' yá'ąąsh góde abi'dooltínígíí, t'áá yá'ąąsh góde hooleełgo daołtsánígi át'éego nínáádoodááł.
Júdas yitsásk'ehjį' ííyáii
12Áádóó Dził Álivet hoolyéhídóó Jerúsalemjį' níjíkai, éí Jerúsalemdóó áyídíyee' háá'áyį́į́h jį́ na'adáhígi ánízah.#1:12 Háá'áyį́į́h jį́ na'adáhígi ánízah, nínígíí éí táadi mííl daats'í ké silá bíighahgo ánízah. 13Ákwii níjíkaigo, ná'ádeídi nidzíiztání góne' yah aníjookai, éí díí ádaat'į́, Peter áádóó John áádóó James áádóó Andrew, Philip áádóó Thomas, Barthálemew áádóó Matthew, James éidí Alfíyas biye', áádóó Sáíman Zélat yolyéhígíí índa Júdas éí James yił háá'áázh#1:13 Éí doodago kót'é, biye'. nilínígíí.#Mt. 10:2-4; Mk. 3:16-19; Lk. 6:14-16. 14Díí t'áá ádzíłtso aheełt'éego nitsídadzikeesgo, Jesus bimá Mary áádóó sáanii náádaała', índa Jesus bitsilíké éí bił t'áadoo ádahozdiilzéhí sodazdilzingo hoolzhish.
15Áko ákwii neiłka' yę́ędą́ą́' ałk'isóó danilíinii (t'ááłáhídi neeznádiindóó ba'aan naadiin daats'í yilt'é áłah silį́į'go), biníi'gi Peter yiizį'go ání, 16Shik'isóó, Júdas éí Jesus dayiiłtsoodii bá hojoo'į́įgo jiní'eezhígíí, éí Níłch'i Diyinii t'áá átséedi David binahjį' Diyin God bizaad bee ak'e'ashchíinii yee yaa ch'íhoní'áanii ts'ídá bohodoolnííł biniyé ádzaa.#Lk. 22:47. 17Háálá Júdas éí hoł nihi'déélta', díidí Jesus bá nideiil'a'ígíí łahjį' ałdó' haa deet'ą́ą́ nít'éé'. 18Éí Júdas doo ákǫ́ǫ́ áát'įįdii bik'é bich'į' naalyáii yee kéyah nayiisnii'; ákwii bitsii' ha'yaago, hadáágo'go biníí' gónaa yisdoh, áádóó bich'íí' t'áá át'é hááłhęęzh. 19Áko Jerúsalemgi kéédahat'íinii t'áá ałtso bił béédahoozingo biniinaa t'áá bí dabizaadígíí bik'ehgo éí kéyah Akéldama hoosye', éí kéyah diłii jiníigo óolyé.#Mt. 27:3-8. 20Háálá naaltsoos Sin yolyéhígíí biyi' bee bik'e'ashchį́,
Bíni'dii bighangi doo naagháhí da doo,
índa doo ła' yii' kééhat'íní da doo.#Ps. 69:25.
Áádóó,
Bee bóhólnííh nít'é'ígi náánáła' hatsásk'ehjį' anáádoodááł.#Ps. 109:8.
21Éí biniinaa diné ła' náho'didooltééł. Bóhólníihii Jesus nihitah naaghá yę́ędą́ą́' t'áá nihił tázhdookaígíí éí 22John tó yee asį́į́h#Mt. 3:16; Mk. 1:9; Lk. 3:21. yę́ędóó wóshdę́ę́' nihits'ą́ą́' Jesus dego abi'dooltį́ bijį́įjį'#Mk. 16:19; Lk. 24:51. nihił tázhdidookah biniyé ła' náho'didooltééł, áko Jesus daaztsą́ą́dę́ę́' náábi'diilzáhígíí nihitahdóó atah baa hojilne' doo. 23Áko naaki nídazhdiinil, Jóseph éí Barsábas yolyéego akéédę́ę́' bízhi'ígíí éí Jústas yolyé, áádóó Matháíyas ałdó'. 24Áádóó sodazdilzingo ádazhdííniid, Bóhólníihii nílíinii, diné t'áá ałtso bijéí ádaat'éegi nił bééhózin, áko díí diné nidilt'éego, háidíígíí nídiniłtį́ nihił bééhonísįįh, 25áko éí Júdas t'áá bí bá haz'ą́ąjį' dah didoogáałgo díí naanish bich'į' danihi'dool'aadígíí yits'ąą ádił asiihii bitsásk'ehjį' azhdoogááł. 26Áko nídidooltéełii biniyé yáá'iilt'e' ádajiilaa, nít'éé' Matháíyas nídiiltį́, áko éí daal'aadii ła'ts'áadahígíí bił ho'déélta'.
Currently Selected:
ACTS 1: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 1
1
Níłch'i Diyinii bee nihoot'ą́
1Thiyáfilas yinílyéii, ts'ídá áłtséedi Jesus yaa naayáhígíí áádóó yee na'neeztą́'ígíí naaltsoos áłtséhígíí#Lk. 1:1-4. bikáá' íishłaa 2áádóó wóshdę́ę́' dadool'aałii bitadziizlá'ígíí bee hodzis'áanii Níłch'i Diyinii bee baazhdiní'ą́ áádóó índa yá'ąąshgóó aho'dooltį́įjį', éí t'áá ałtso naaltsoos bikáá' íishłaa. 3Áko ti'hodzooznii'dóó dízdiin yiską́ąjį' hódahooł'aahii bich'į' yit'íní ánízh'diil'įįhgo, t'áá aaníí jiináago bee bééhózinii lą'ídi bee bich'į' ízh'diilyaa, áádóó Diyin God bee bóhólníihgo bił haz'áanii baa yájíłti'. 4Bił nidzíiztą́ągo hach'į' haadzíi'go áhodííniid, T'ááká Jerúsalem bits'ą́ąjį' dah doohkááh yíila', nidi aTaa' eidiní'ánígíí#Lk. 24:49. biba' ádanoht'ée dooleeł, éí bee nihił hweeshne'go dasidoots'ą́ą́'. 5Háálá John éí t'áá aaníí tó yee asį́į́h nít'éé', nidi kodóó t'áadoo lą'í yiłkaahí Níłch'i Diyinii bee nihidi'doolzįh.#Mt. 3:11; Mk. 1:8; Lk. 3:16; Jn. 1:33.
Jesus yá'ąąshgóó anáádzá
6Hódahooł'aahii ahíikaigo, nidahódééłkidgo ádadííniid, Bóhólníihii, da' k'adísh Ízrel bee bóhólníihgo bił haz'áanii bá hasht'éédíídlííł? 7Áko ábizhdííniid, Ałkéé' bee dahwéelzhíishii índa dayíłkaahii nihił béédahózin doogo doo nihaa deet'ą́ą da, éíyee' aTaa' t'áá bí bee bóhólníihgo yee nihoní'ą́. 8Nidi nihí Níłch'i Diyinii nihik'i hoole'go bee adziilii nihee dahodooleeł, áko Jerúsalemgi, índa Judíyagi t'áá át'éé nít'éé' áádóó Samériyagi, índa nahasdzáán nidanees'ą́ą́góó shá dahołne' dooleeł.#Mt. 28:19; Mk. 16:15; Lk. 24:47,48. 9Áko díidí yee hahaasdzíi'go t'áá dazhníł'į́įgo, dego dah bi'diiltį́ áádóó k'os biyaa aaldohgo bee doo yit'į́į da silį́į́'.#Mk. 16:19; Lk. 24:50,51. 10De hooleełgo yá biyi' góde hazhó'ó dazdéez'į́į́' nít'éé', jó'akon, diné naaki algaigo hadít'éego hwíighahgi yiizį', 11áko áhodííniid, Gáliliidóó hastóí danohłíinii, ha'át'íísh biniyé yá biyi' góde dasídóo'į́į'go nisoozį́? Díí Jesus nihits'ą́ą́' yá'ąąsh góde abi'dooltínígíí, t'áá yá'ąąsh góde hooleełgo daołtsánígi át'éego nínáádoodááł.
Júdas yitsásk'ehjį' ííyáii
12Áádóó Dził Álivet hoolyéhídóó Jerúsalemjį' níjíkai, éí Jerúsalemdóó áyídíyee' háá'áyį́į́h jį́ na'adáhígi ánízah.#1:12 Háá'áyį́į́h jį́ na'adáhígi ánízah, nínígíí éí táadi mííl daats'í ké silá bíighahgo ánízah. 13Ákwii níjíkaigo, ná'ádeídi nidzíiztání góne' yah aníjookai, éí díí ádaat'į́, Peter áádóó John áádóó James áádóó Andrew, Philip áádóó Thomas, Barthálemew áádóó Matthew, James éidí Alfíyas biye', áádóó Sáíman Zélat yolyéhígíí índa Júdas éí James yił háá'áázh#1:13 Éí doodago kót'é, biye'. nilínígíí.#Mt. 10:2-4; Mk. 3:16-19; Lk. 6:14-16. 14Díí t'áá ádzíłtso aheełt'éego nitsídadzikeesgo, Jesus bimá Mary áádóó sáanii náádaała', índa Jesus bitsilíké éí bił t'áadoo ádahozdiilzéhí sodazdilzingo hoolzhish.
15Áko ákwii neiłka' yę́ędą́ą́' ałk'isóó danilíinii (t'ááłáhídi neeznádiindóó ba'aan naadiin daats'í yilt'é áłah silį́į'go), biníi'gi Peter yiizį'go ání, 16Shik'isóó, Júdas éí Jesus dayiiłtsoodii bá hojoo'į́įgo jiní'eezhígíí, éí Níłch'i Diyinii t'áá átséedi David binahjį' Diyin God bizaad bee ak'e'ashchíinii yee yaa ch'íhoní'áanii ts'ídá bohodoolnííł biniyé ádzaa.#Lk. 22:47. 17Háálá Júdas éí hoł nihi'déélta', díidí Jesus bá nideiil'a'ígíí łahjį' ałdó' haa deet'ą́ą́ nít'éé'. 18Éí Júdas doo ákǫ́ǫ́ áát'įįdii bik'é bich'į' naalyáii yee kéyah nayiisnii'; ákwii bitsii' ha'yaago, hadáágo'go biníí' gónaa yisdoh, áádóó bich'íí' t'áá át'é hááłhęęzh. 19Áko Jerúsalemgi kéédahat'íinii t'áá ałtso bił béédahoozingo biniinaa t'áá bí dabizaadígíí bik'ehgo éí kéyah Akéldama hoosye', éí kéyah diłii jiníigo óolyé.#Mt. 27:3-8. 20Háálá naaltsoos Sin yolyéhígíí biyi' bee bik'e'ashchį́,
Bíni'dii bighangi doo naagháhí da doo,
índa doo ła' yii' kééhat'íní da doo.#Ps. 69:25.
Áádóó,
Bee bóhólnííh nít'é'ígi náánáła' hatsásk'ehjį' anáádoodááł.#Ps. 109:8.
21Éí biniinaa diné ła' náho'didooltééł. Bóhólníihii Jesus nihitah naaghá yę́ędą́ą́' t'áá nihił tázhdookaígíí éí 22John tó yee asį́į́h#Mt. 3:16; Mk. 1:9; Lk. 3:21. yę́ędóó wóshdę́ę́' nihits'ą́ą́' Jesus dego abi'dooltį́ bijį́įjį'#Mk. 16:19; Lk. 24:51. nihił tázhdidookah biniyé ła' náho'didooltééł, áko Jesus daaztsą́ą́dę́ę́' náábi'diilzáhígíí nihitahdóó atah baa hojilne' doo. 23Áko naaki nídazhdiinil, Jóseph éí Barsábas yolyéego akéédę́ę́' bízhi'ígíí éí Jústas yolyé, áádóó Matháíyas ałdó'. 24Áádóó sodazdilzingo ádazhdííniid, Bóhólníihii nílíinii, diné t'áá ałtso bijéí ádaat'éegi nił bééhózin, áko díí diné nidilt'éego, háidíígíí nídiniłtį́ nihił bééhonísįįh, 25áko éí Júdas t'áá bí bá haz'ą́ąjį' dah didoogáałgo díí naanish bich'į' danihi'dool'aadígíí yits'ąą ádił asiihii bitsásk'ehjį' azhdoogááł. 26Áko nídidooltéełii biniyé yáá'iilt'e' ádajiilaa, nít'éé' Matháíyas nídiiltį́, áko éí daal'aadii ła'ts'áadahígíí bił ho'déélta'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).