EXODUS Agháadi Ádaat'éii Bik'eh Áhálnéehii

Agháadi Ádaat'éii Bik'eh Áhálnéehii

Exodus óolyéhígíí éí ch'í'nínáago, áádóó Ízrel dine'é baa hane' ts'ídá ílį́įgo nákéé'jí ádahóót'įįdígíí baa hane'. Jó éí díí naaltsoos biyi' baa ch'íhoot'ą́—Ííjip kéyahdi Ízrel dine'é naalte' danilį́į́ nít'éé' yę́ędóó ch'íníná. Díí naaltsoos éí táá'góó ałts'áádzoh: 1) Hííbrew dine'é éí naalte' bits'ą́ą́dóó hwéédadeeshchid áádóó Dził Sáínaijį' jiníná. 2) Dził Sáínaidi Diyin God éí bidine'é yił ałghada'deest'ą́. Ts'ídá ayi' dibídaasdzilę́ę t'áá ákóne' át'éii haa deet'ą́, áádóó bik'ehgo hwe'oodlą' bee dajiináa dooígíí haa deet'ą́. 3) Ízrel dine'é kin biyi'dóó Diyin God bich'į' nidahojiłáa dooígíí áádóó bii' choo'į́į dooígíí, bee haz'áanii bídéét'i'go alą́ąjį' náá'iiłniihii áádóó Diyin God bich'į' nahagháa doogo ályaa.

Díí naaltsoos éí ts'ídá agháadi Diyin God bidine'é yá áát'įįdígíí yeinít'į́; kót'éego Diyin God bidine'é naalté bits'ą́ą́dóó béédadeeshchid áádóó diné ayóó át'éego dah yildahgo áyiilaa; ił chohoo'į́ t'áá náásgóó bá ahóót'i'go Diyin God áyiilaa.

Díí naaltsoos éí Mózes be'iina' ts'ídá atł'ááh siláii bii' yisdzoh; éí Diyin God ats'ábiníłtį́įgo bidine'é Ííjip kéyahdę́ę́' ch'íiní'eezh. Ts'ídá aláahgo t'áá níłtéél nít'éé' díí naaltsoos bii' yisdzohígíí éí neeznáá bik'eh ó'oo'níiłii wólta'ii naadiiní góne' bikáá' yisdzoh.

Ádahoodzaaígíí Ałkéé' Sinil

Ízrel dine'é Ííjipdę́ę́' ch'íhodeet'eezh 1:1—15:21

a. Ííjipdi naalte' danilį́ 1:1-22

b. Mózes bi'dizhchį́ áádóó neeyánígíí 2:1—4:31

c. Mózes áádóó Éran éí Féro yidááhdóó niní'áázh 5:1—11:10

d. Atis'adeesdzá áádóó Ííjipdę́ę́' ch'í'ídééh 12:1—15:21

Tónteel Łichí'ídę́ę́' Dził Sáínaijį' 15:22—18:27

Bee haz'áanii áádóó bee aha'deet'áanii 19:1—24:18

Níbaal bii' hodílzinii áádóó Bóhólníihii bich'į' nahadlá yína'niłtin 25:1—40:38

Currently Selected:

EXODUS Agháadi Ádaat'éii Bik'eh Áhálnéehii: NVJOB

Highlight

Copy

Want to have your highlights saved across all your devices? Sign up or sign in

Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).

Learn More About Navajo Bible