GENESIS 10
10
Nóah biye'ké bits'ą́ą́dóó adideezhchíinii
(1Chr. 1:5-23)
1Díí éí Nóah biye'ké Shem áádóó Ham índa Jéífeth bits'ą́ą́dę́ę́' náás oochíłígíí ádaat'į́. Tó nahwéskaidóó bik'ijį' dabiye'ké nidahaazhchį́. 2Jéífeth biye'ké éí Gómar áádóó Méígag áádóó Madéíyai áádóó Jéívan áádóó Túbal áádóó Mííshek índa Tíras daolyé. 3Gómar biye'ké éí Áshkenaz áádóó Ráífath índa Togármah daolyé. 4Jéívan biye'ké éí Iiláísha áádóó Társhish áádóó Kítim índa Dódanim daolyé. 5Áko díí oochíiłii tónteel bibąąhgóó ał'ąą dine'é hodideezlį́į'go da'níłts'ą́ą́'góó dah dadiiná; t'áá bí dabizaadjí yee yádaałti'go, áádóó ał'ąą dadóone'é t'áá bí bikédaayahgóó kéédahat'į́.
6Ham biye'ké éí Kush áádóó Mízreiyim áádóó Put índa Kéínan daolyé. 7Kush biye'ké éí Sííba áádóó Hávilah áádóó Sábta áádóó Réíyamah índa Sábtiika daolyé. Réíyamah biye'ké éí Shííba áádóó Díídan wolyé. 8Kush éí Nímrad há yizhchį́, éí nahasdzáán bikáa'gi diné bidziilii silį́į́'. 9Éí Bóhólníihii binááł ayóó át'éego naalzheehii dzizlį́į́', éí bąą Nímrad áát'įįdígi át'éego Bóhólníihii binááł ayóó át'éego nijilzheeh, hodi'ní. 10Kéyah Sháínar biyi' kin hadaas'áhígíí Béíbel áádóó Íírek áádóó Ákad índa Kálneh dahoolyéegi bee hóhólníihgo hahoolzhiizh. 11Éí kéyahdóó Asíriya hoolyéejį' ajííyáago ákwii kin hadaas'áago ájiilaa. Níneveh áádóó Riihóbath índa Kéílah yee yiyíízhi'. 12Díí Níneveh áádóó Kéílah bita'gi Ríísen hoolyéii ayóó át'é kin haal'áii ájiilaa. 13Mízreiyim há niheezhchíinii kódaolyé: Lúdim áádóó Ánamim áádóó Liihéíbim áádóó Naftúhim 14áádóó Pathrúsim áádóó Kaslúhim (Kaslúhim hats'ą́ą́dóó Filístiya dine'é ch'íbítiin) índa Kaftórim ałdó'.
15Kéínan éí Sáídan alą́ąjį' há yizhchį́, áádóó Het 16ákóne' índa Jííbas dine'é áádóó Ámor dine'é áádóó Gírgas dine'é 17áádóó Háíva dine'é áádóó Árka dine'é áádóó Sin dine'é 18áádóó Árva dine'é áádóó Zémar dine'é índa Héíma dine'é éí Kéínan bá niheezhchį́. Áádóó bik'ijį' Kéínan dine'é ałts'ádahaazná. 19Áko Sáídan kin haal'áádóó Géízagi Jíírar kin haal'áhíjį' áádóó Sádam áádóó Gomárah áádóó Ádmah índa Ziibówim kin hadaas'áajį' éí Léísha hoolyéejį' Kéínan dine'é bikéyah nineel'ą́. 20Díí éí Ham biye'ké ba'áłchíní ádaat'į́; ał'ąą dadóone'é t'áá hó hazaadjí bee yádajiłti'go t'áá hó hakédaayahgóó hadine'é bił hoł nahaz'ą́.
21Jéífeth bínaaí, Shem ałdó' ba'áłchíní bá niheezhchį́; Shem éí Ííber ba'áłchíní t'áá ałtso binálí jílį́. 22Shem ba'áłchíní éí Íílam áádóó Ásher áádóó Arfáksad áádóó Lud índa Áram daolyé. 23Áram ba'áłchíní éí Uz áádóó Hul áádóó Gííther índa Mash daolyé. 24Arfáksad éí Shíílah há yizhchį́, áádóó Shíílah éí Ííber há yizhchį́. 25Ííber naaki haye' há yizhchį́, ła' Pííleg#10:25 Pííleg jiníigo Hííbrew k'ehjígo ałts'á da'iizná jinínígi át'éego diits'a'. wolyé, háálá Pííleg t'ah hiná yę́ędą́ą́' nahasdzáán bikáa'gi ałts'áda'iizná; bitsilí éí Jáktan wolyé. 26Jáktan há niheezhchíinii éí Almódad áádóó Shíílef áádóó Héízar-méíveth áádóó Jíírah 27áádóó Hadóram áádóó Yúzal áádóó Díklah 28áádóó Óbal áádóó Abímeiyel áádóó Shííba 29áádóó Ófer áádóó Hávilah índa Jóbab daolyé. Díí t'áá ałtso Jáktan biye'ké danilį́. 30Áko Mííshah hoolyéédóó ha'a'aahjígo Dził Síífar bich'į'go kéédahat'į́. 31Díí éí Shem biye'ké ba'áłchíní ádaat'į́; ał'ąą dadóone'é t'áá hó hazaadjí bee yádajiłti'go t'áá hó hakédaayahgóó hadine'é bił hoł nahaz'ą́.
32Díidí Nóah biye'ké bada'áłchíní náás da'ahílchíihgo bił nahaz'ą́ą́ nít'éé'; tó nahwéskaidóó bik'ijį' díí t'áá ałtso nahasdzáán bikáá'góó da'níłts'ą́ą́'góó tadaozná.
Currently Selected:
GENESIS 10: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 10
10
Nóah biye'ké bits'ą́ą́dóó adideezhchíinii
(1Chr. 1:5-23)
1Díí éí Nóah biye'ké Shem áádóó Ham índa Jéífeth bits'ą́ą́dę́ę́' náás oochíłígíí ádaat'į́. Tó nahwéskaidóó bik'ijį' dabiye'ké nidahaazhchį́. 2Jéífeth biye'ké éí Gómar áádóó Méígag áádóó Madéíyai áádóó Jéívan áádóó Túbal áádóó Mííshek índa Tíras daolyé. 3Gómar biye'ké éí Áshkenaz áádóó Ráífath índa Togármah daolyé. 4Jéívan biye'ké éí Iiláísha áádóó Társhish áádóó Kítim índa Dódanim daolyé. 5Áko díí oochíiłii tónteel bibąąhgóó ał'ąą dine'é hodideezlį́į'go da'níłts'ą́ą́'góó dah dadiiná; t'áá bí dabizaadjí yee yádaałti'go, áádóó ał'ąą dadóone'é t'áá bí bikédaayahgóó kéédahat'į́.
6Ham biye'ké éí Kush áádóó Mízreiyim áádóó Put índa Kéínan daolyé. 7Kush biye'ké éí Sííba áádóó Hávilah áádóó Sábta áádóó Réíyamah índa Sábtiika daolyé. Réíyamah biye'ké éí Shííba áádóó Díídan wolyé. 8Kush éí Nímrad há yizhchį́, éí nahasdzáán bikáa'gi diné bidziilii silį́į́'. 9Éí Bóhólníihii binááł ayóó át'éego naalzheehii dzizlį́į́', éí bąą Nímrad áát'įįdígi át'éego Bóhólníihii binááł ayóó át'éego nijilzheeh, hodi'ní. 10Kéyah Sháínar biyi' kin hadaas'áhígíí Béíbel áádóó Íírek áádóó Ákad índa Kálneh dahoolyéegi bee hóhólníihgo hahoolzhiizh. 11Éí kéyahdóó Asíriya hoolyéejį' ajííyáago ákwii kin hadaas'áago ájiilaa. Níneveh áádóó Riihóbath índa Kéílah yee yiyíízhi'. 12Díí Níneveh áádóó Kéílah bita'gi Ríísen hoolyéii ayóó át'é kin haal'áii ájiilaa. 13Mízreiyim há niheezhchíinii kódaolyé: Lúdim áádóó Ánamim áádóó Liihéíbim áádóó Naftúhim 14áádóó Pathrúsim áádóó Kaslúhim (Kaslúhim hats'ą́ą́dóó Filístiya dine'é ch'íbítiin) índa Kaftórim ałdó'.
15Kéínan éí Sáídan alą́ąjį' há yizhchį́, áádóó Het 16ákóne' índa Jííbas dine'é áádóó Ámor dine'é áádóó Gírgas dine'é 17áádóó Háíva dine'é áádóó Árka dine'é áádóó Sin dine'é 18áádóó Árva dine'é áádóó Zémar dine'é índa Héíma dine'é éí Kéínan bá niheezhchį́. Áádóó bik'ijį' Kéínan dine'é ałts'ádahaazná. 19Áko Sáídan kin haal'áádóó Géízagi Jíírar kin haal'áhíjį' áádóó Sádam áádóó Gomárah áádóó Ádmah índa Ziibówim kin hadaas'áajį' éí Léísha hoolyéejį' Kéínan dine'é bikéyah nineel'ą́. 20Díí éí Ham biye'ké ba'áłchíní ádaat'į́; ał'ąą dadóone'é t'áá hó hazaadjí bee yádajiłti'go t'áá hó hakédaayahgóó hadine'é bił hoł nahaz'ą́.
21Jéífeth bínaaí, Shem ałdó' ba'áłchíní bá niheezhchį́; Shem éí Ííber ba'áłchíní t'áá ałtso binálí jílį́. 22Shem ba'áłchíní éí Íílam áádóó Ásher áádóó Arfáksad áádóó Lud índa Áram daolyé. 23Áram ba'áłchíní éí Uz áádóó Hul áádóó Gííther índa Mash daolyé. 24Arfáksad éí Shíílah há yizhchį́, áádóó Shíílah éí Ííber há yizhchį́. 25Ííber naaki haye' há yizhchį́, ła' Pííleg#10:25 Pííleg jiníigo Hííbrew k'ehjígo ałts'á da'iizná jinínígi át'éego diits'a'. wolyé, háálá Pííleg t'ah hiná yę́ędą́ą́' nahasdzáán bikáa'gi ałts'áda'iizná; bitsilí éí Jáktan wolyé. 26Jáktan há niheezhchíinii éí Almódad áádóó Shíílef áádóó Héízar-méíveth áádóó Jíírah 27áádóó Hadóram áádóó Yúzal áádóó Díklah 28áádóó Óbal áádóó Abímeiyel áádóó Shííba 29áádóó Ófer áádóó Hávilah índa Jóbab daolyé. Díí t'áá ałtso Jáktan biye'ké danilį́. 30Áko Mííshah hoolyéédóó ha'a'aahjígo Dził Síífar bich'į'go kéédahat'į́. 31Díí éí Shem biye'ké ba'áłchíní ádaat'į́; ał'ąą dadóone'é t'áá hó hazaadjí bee yádajiłti'go t'áá hó hakédaayahgóó hadine'é bił hoł nahaz'ą́.
32Díidí Nóah biye'ké bada'áłchíní náás da'ahílchíihgo bił nahaz'ą́ą́ nít'éé'; tó nahwéskaidóó bik'ijį' díí t'áá ałtso nahasdzáán bikáá'góó da'níłts'ą́ą́'góó tadaozná.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).