GENESIS 21
21
Áízak bi'dizhchį́
1Áko Bóhólníihii t'áá ádííniidígi át'éego Sárah yaa naneeztą́ą́', áko t'áá haadzí'ígi át'éego Sárah yá yi'iilaa. 2Áko Sárah i'niiltsąąd,#Heb. 11:11. áádóó Éíbraham haastihdi índa biye' bá jishchį́; t'áá Diyin God hach'į' haadzí'íjį' ahoolzhiizhgo bohoolyaa. 3Áádóó Éíbraham haye' Sárah há yishchínígíí Áízak bee jíízhi'. 4Áko Diyin God t'áá áhodííniidígi át'éego Éíbraham haye' Áízak tseebíí biiską́ągo bąąh náhizhneeshgizh.#Gen. 17:12; Acts 7:8. 5Éíbraham neeznádiin binááhaigo haye' Áízak há yizhchį́. 6Áko Sárah ádííniid, Diyin God yishdlohgo áshiilaa, áádóó t'áá ałtso deidiizts'ą́'ígíí shił daadloh dooleeł. 7Áádóó ánáázhdoo'niid, Háíyee', Sárah be'awéé' yi'iiłt'o' dooleeł, Éíbraham yididooniił? Jó'akon, haastihdi índa biye' bá shéłchį́.
Héígar áádóó Íshmeiyel yóó'abi'dool'a'
8Áádóó awéé' dínéesą́ągo i'díít'óód, áko Éíbraham éí Áízak i'díít'óód bijį́ ayóó át'éego áda'íísįįd. 9Áko Sárah éí Ííjip dine'é asdzání Héígar wolyéii biyáázh éí Éíbraham yá yishchínígíí t'óó há nahałt'i'go baa ákoniizį́į́'. 10Éí bąą Éíbraham ábizhdííniid, Díí naalte' asdzání biyáázh t'áá bił ch'íninołchééh, háálá díí naalte' asdzání biyáázh éí shí shiyáázh Áízak bíí' dooleełii doo bił ałts'ą́ą́' adzíłk'iiz da doo.#Gal. 4:29,30. 11Díí biniinaa Éíbraham biye' t'áá íiyisí yąąh bíni'. 12Nidi Diyin God éí Éíbraham áyidííniid, Ashkii índa naalte' asdzání biniinaa t'áadoo yínííł nílíní; Sárah áníłnínígíí t'áá ałtso yísíníłts'ą́ą́', háálá Áízak bits'ą́ą́dóó na'áłchíní náás ahoolchíiłii bíká ádahodoo'niid.#Rom. 9:7; Heb. 11:18. 13Asdzání naalte' nilínígíí ałdó' biyáázh ła' dine'é ádeeshłííł, háálá éí niye' át'é. 14Áko Éíbraham t'áá íiyisí abínígo nízhdii'na'go bááh áádóó tó abid bił nízhdiinilgo Héígar baazhnínilgo nihiiníłjid, áádóó ashkii bił dashdiił'a'go dah dii'áázh, áádóó Bíyer-shííba hoolyéedi kéyah bii' doo naagháhídi niji'aash.
15Áko tó abid bii' tó ásdįįdgo ashkii ch'il nitsaa léi' biyaagi nizhníłtį́. 16Áádóó dashdiiyáago adilt'oh bíighah ánízahgi dzineezdá; ashkii doo shinááł dadootsaał da jiníigo bits'áhwiiní'ą́ądi dzizdáago yéego jííchah. 17Áko Diyin God nilíinii ashkii yichago yidiizts'ą́ą́', áko Diyin God bidiyingo naal'a'í yá'ąąsh biyi'dę́ę́' Héígar yiyíízhi'go áyidííniid, Héígar, haashą' yinidzaa? T'áadoo nił yé'í; Diyin God éí ashkii sitínígíí yichago yidiizts'ą́ą́'. 18Nídiidááh, ashkii nídiiłteehgo dah yíłtééł, háálá ła' dine'é ayóó át'éii áhodeeshłííł. 19Ákohgo Diyin God hahoyííłhalgo tó hahaasnilgo dziiłtsą́; ákǫ́ǫ́ jiníyáago tó abid bii' tó hazhdééłbįįdgo ashkii baazhníłtsoozgo yoodlą́ą́'. 20Áko Diyin God éí ashkii yaa áhályą́ągo dínéesą́; kéyah bii' doo naagháhídi kééhat'į́, áádóó t'áá íiyisí doo na'asi'góó k'aa' yee adiłt'oh silį́į́'. 21Péran hoolyéedi kéyah bii' doo naagháhídi kééhat'į́; Ííjip kéyahdę́ę́' asdzání hwe'asdzą́ą́ dooleełígíí hamá há yił nát'áázh.
Éíbraham éí Abímelek yił aha'deet'ą́
22Íídą́ą́' Abímelek#Gen. 26:26. áádóó bisiláo binanit'a'í Fáíkal wolyéii Éíbraham yich'į' haadzíi'go ání, T'áá ha'át'íhída t'áá ałtso baa nanináago Diyin God nił hólǫ́. 23Éí bąą k'ad Diyin God binááł shich'į' ádee hadídziihgo t'áadoo shina'ílo'í doo; shiye' ałdó' dooda, shinálí ałdó' dooda; naa jooshba'ígi át'éego ni ałdó' shich'į' t'áá ákónít'ée doo, áádóó kéyah bikáá' níínínánígi ałdó' bich'į' ákónít'ée dooleeł. 24Éíbraham ádííniid, Ádee hadideesdzih.
25Áádóó Éíbraham tó hahaas'nilígíí biniinaa Abímelek yideezteh, háálá Abímelek bá nidaal' a'í t'áá na'níle'dii haghadeideest'ą́, 26áko Abímelek ádííniid, Doo shił bééhózin da; háí shį́į́ át'ínígíí t'áadoo bee shił hwíínílne' da; doo diists'a' da nít'éé'; díí jį́ índa yínii'. 27Áko Éíbraham éí dibé índa béégashii ałdó' Abímelek yeinínil, áádóó ahazhdeet'ą́. 28Áko Éíbraham éí hadibé yázhí dabi'ádígíí tsosts'idgo t'áá sahdii ats'ázhnínil. 29Áádóó Abímelek éí Éíbraham áyidííniid, Ha'át'íishą' biniyé díí dibé yázhí dabi'ádígíí ats'éinínil? 30Áko ázhdííniid, Díí dibé yázhí dabi'ádígíí tsostsidgo shits'ą́ą́dóó nídidíínił; éí díí tó hahánilígíí shí ásht'į́įgo shá bee bééhózin doo. 31Díí biniinaa ákwe'é Bíyer-shííba#21:31 Bíyer-shííba jiníigo éí Hííbrew k'ehjígo aha'deet'ą́ yę́ęgi tó hahadleeh, doodaii' tsosts'idígíí bitó hahadleeh jiníigo óolyé. hoosye', háálá ákwe'é ałch'į' ádee hazdoodzíí'. 32Kót'éego Bíyer-shííba hoolyéegi ahazhdeet'ą́, ákohgo Abímelek índa hasiláo binanit'a'í Fáíkal wolyéii Filístiya dine'é bikéyahgóó dah nízhdiit'áázh. 33Áádóó Éíbraham éí Bíyer-shííba hoolyéegi k'ai' łichíí' k'izhdíílá; ákwe'é Bóhólníihii éí hool'áágóó Diyin God nilíinii bízhi' józhíigo sozdoolzin. 34Éíbraham éí Filístiya dine'é bikéyahgi t'óó átsééd kééhojit'į́įgo lą'í yiską́.
Currently Selected:
GENESIS 21: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 21
21
Áízak bi'dizhchį́
1Áko Bóhólníihii t'áá ádííniidígi át'éego Sárah yaa naneeztą́ą́', áko t'áá haadzí'ígi át'éego Sárah yá yi'iilaa. 2Áko Sárah i'niiltsąąd,#Heb. 11:11. áádóó Éíbraham haastihdi índa biye' bá jishchį́; t'áá Diyin God hach'į' haadzí'íjį' ahoolzhiizhgo bohoolyaa. 3Áádóó Éíbraham haye' Sárah há yishchínígíí Áízak bee jíízhi'. 4Áko Diyin God t'áá áhodííniidígi át'éego Éíbraham haye' Áízak tseebíí biiską́ągo bąąh náhizhneeshgizh.#Gen. 17:12; Acts 7:8. 5Éíbraham neeznádiin binááhaigo haye' Áízak há yizhchį́. 6Áko Sárah ádííniid, Diyin God yishdlohgo áshiilaa, áádóó t'áá ałtso deidiizts'ą́'ígíí shił daadloh dooleeł. 7Áádóó ánáázhdoo'niid, Háíyee', Sárah be'awéé' yi'iiłt'o' dooleeł, Éíbraham yididooniił? Jó'akon, haastihdi índa biye' bá shéłchį́.
Héígar áádóó Íshmeiyel yóó'abi'dool'a'
8Áádóó awéé' dínéesą́ągo i'díít'óód, áko Éíbraham éí Áízak i'díít'óód bijį́ ayóó át'éego áda'íísįįd. 9Áko Sárah éí Ííjip dine'é asdzání Héígar wolyéii biyáázh éí Éíbraham yá yishchínígíí t'óó há nahałt'i'go baa ákoniizį́į́'. 10Éí bąą Éíbraham ábizhdííniid, Díí naalte' asdzání biyáázh t'áá bił ch'íninołchééh, háálá díí naalte' asdzání biyáázh éí shí shiyáázh Áízak bíí' dooleełii doo bił ałts'ą́ą́' adzíłk'iiz da doo.#Gal. 4:29,30. 11Díí biniinaa Éíbraham biye' t'áá íiyisí yąąh bíni'. 12Nidi Diyin God éí Éíbraham áyidííniid, Ashkii índa naalte' asdzání biniinaa t'áadoo yínííł nílíní; Sárah áníłnínígíí t'áá ałtso yísíníłts'ą́ą́', háálá Áízak bits'ą́ą́dóó na'áłchíní náás ahoolchíiłii bíká ádahodoo'niid.#Rom. 9:7; Heb. 11:18. 13Asdzání naalte' nilínígíí ałdó' biyáázh ła' dine'é ádeeshłííł, háálá éí niye' át'é. 14Áko Éíbraham t'áá íiyisí abínígo nízhdii'na'go bááh áádóó tó abid bił nízhdiinilgo Héígar baazhnínilgo nihiiníłjid, áádóó ashkii bił dashdiił'a'go dah dii'áázh, áádóó Bíyer-shííba hoolyéedi kéyah bii' doo naagháhídi niji'aash.
15Áko tó abid bii' tó ásdįįdgo ashkii ch'il nitsaa léi' biyaagi nizhníłtį́. 16Áádóó dashdiiyáago adilt'oh bíighah ánízahgi dzineezdá; ashkii doo shinááł dadootsaał da jiníigo bits'áhwiiní'ą́ądi dzizdáago yéego jííchah. 17Áko Diyin God nilíinii ashkii yichago yidiizts'ą́ą́', áko Diyin God bidiyingo naal'a'í yá'ąąsh biyi'dę́ę́' Héígar yiyíízhi'go áyidííniid, Héígar, haashą' yinidzaa? T'áadoo nił yé'í; Diyin God éí ashkii sitínígíí yichago yidiizts'ą́ą́'. 18Nídiidááh, ashkii nídiiłteehgo dah yíłtééł, háálá ła' dine'é ayóó át'éii áhodeeshłííł. 19Ákohgo Diyin God hahoyííłhalgo tó hahaasnilgo dziiłtsą́; ákǫ́ǫ́ jiníyáago tó abid bii' tó hazhdééłbįįdgo ashkii baazhníłtsoozgo yoodlą́ą́'. 20Áko Diyin God éí ashkii yaa áhályą́ągo dínéesą́; kéyah bii' doo naagháhídi kééhat'į́, áádóó t'áá íiyisí doo na'asi'góó k'aa' yee adiłt'oh silį́į́'. 21Péran hoolyéedi kéyah bii' doo naagháhídi kééhat'į́; Ííjip kéyahdę́ę́' asdzání hwe'asdzą́ą́ dooleełígíí hamá há yił nát'áázh.
Éíbraham éí Abímelek yił aha'deet'ą́
22Íídą́ą́' Abímelek#Gen. 26:26. áádóó bisiláo binanit'a'í Fáíkal wolyéii Éíbraham yich'į' haadzíi'go ání, T'áá ha'át'íhída t'áá ałtso baa nanináago Diyin God nił hólǫ́. 23Éí bąą k'ad Diyin God binááł shich'į' ádee hadídziihgo t'áadoo shina'ílo'í doo; shiye' ałdó' dooda, shinálí ałdó' dooda; naa jooshba'ígi át'éego ni ałdó' shich'į' t'áá ákónít'ée doo, áádóó kéyah bikáá' níínínánígi ałdó' bich'į' ákónít'ée dooleeł. 24Éíbraham ádííniid, Ádee hadideesdzih.
25Áádóó Éíbraham tó hahaas'nilígíí biniinaa Abímelek yideezteh, háálá Abímelek bá nidaal' a'í t'áá na'níle'dii haghadeideest'ą́, 26áko Abímelek ádííniid, Doo shił bééhózin da; háí shį́į́ át'ínígíí t'áadoo bee shił hwíínílne' da; doo diists'a' da nít'éé'; díí jį́ índa yínii'. 27Áko Éíbraham éí dibé índa béégashii ałdó' Abímelek yeinínil, áádóó ahazhdeet'ą́. 28Áko Éíbraham éí hadibé yázhí dabi'ádígíí tsosts'idgo t'áá sahdii ats'ázhnínil. 29Áádóó Abímelek éí Éíbraham áyidííniid, Ha'át'íishą' biniyé díí dibé yázhí dabi'ádígíí ats'éinínil? 30Áko ázhdííniid, Díí dibé yázhí dabi'ádígíí tsostsidgo shits'ą́ą́dóó nídidíínił; éí díí tó hahánilígíí shí ásht'į́įgo shá bee bééhózin doo. 31Díí biniinaa ákwe'é Bíyer-shííba#21:31 Bíyer-shííba jiníigo éí Hííbrew k'ehjígo aha'deet'ą́ yę́ęgi tó hahadleeh, doodaii' tsosts'idígíí bitó hahadleeh jiníigo óolyé. hoosye', háálá ákwe'é ałch'į' ádee hazdoodzíí'. 32Kót'éego Bíyer-shííba hoolyéegi ahazhdeet'ą́, ákohgo Abímelek índa hasiláo binanit'a'í Fáíkal wolyéii Filístiya dine'é bikéyahgóó dah nízhdiit'áázh. 33Áádóó Éíbraham éí Bíyer-shííba hoolyéegi k'ai' łichíí' k'izhdíílá; ákwe'é Bóhólníihii éí hool'áágóó Diyin God nilíinii bízhi' józhíigo sozdoolzin. 34Éíbraham éí Filístiya dine'é bikéyahgi t'óó átsééd kééhojit'į́įgo lą'í yiską́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).