GENESIS 48
48
Jéíkab éí Íífreiyim áádóó Manáseh yik'ijisdli'
1Ákódzaadóó bik'ijį' diné ła' Jóseph yił hoolne'go ání, Shoo, nizhé'é daatsaah, áko Jóseph biye'ké naakidilt'éhígíí Manáseh índa Íífreiyim wolyéii dashdii'eezh. 2Áko diné ła' Jéíkab yił hoolne'go ádííniid, Shoo, niye' Jóseph aadę́ę́' nich'į' yigááł. Áko Ízrel t'áá hazááká dzíłdzil ízh'diilyaago dzideesdzilgo tsásk'eh bikáá' dzineezdá. 3Áko Jéíkab éí Jóseph ábizhdííniid, Diyin God Aláahgo Ayóó'ábóodziilii éí Luz hoolyéedi Kéínan kéyahgi shaa honíle'go shik'ijisdli'go 4áshíłní, Ííłchíiłgo k'ee'ąą nídí'nóot'į́įłgo na'áłchíní náás da'ahílchíihii t'óó ahayóigo ádeeshłííł; nits'ą́ą́dóó diné t'óó ahayóí k'ee'ąą danéet' įįhgo ádeeshłííł, índa díí kéyah éí na'áłchíní náás da'ahílchíhígíí hool'áágóó daabí dooleeł biniyé baa dideesh'ááł.#Gen. 28:13,14. 5Ákohgo t'ah doo Ííjip kéyahgi naa nishááh yę́ędą́ą́' niye' naaki Ííjip kéyahgi ná yizhchínígíí éí shí; Rúben índa Símiyan shíhígi át'éego Íífreiyim índa Manáseh shí dooleeł. 6Áádóó na'áłchíní ná náádoochíłígíí éí t'áá ni doo, áádóó bik'isóó dabízhi' bik'ehgo kéédahat'ínígi bee dabi'dójíi doo. 7Áko shí éí Péídan hoolyéédę́ę́' yishááł yę́ędą́ą́' Kéínan kéyahdi yii'néełgo Éfrath hoolyéhíjį' t'áá áyídí hadziihgo Réíchel shąąh daaztsą́, áko Éfrath t'ah bich'į' yii'néełgo yóó'áhooshłaa;#Gen. 35:16-19. ákwe'é Béthlehem hoolyé.
8Áko Ízrel éí Jóseph biye'ké dziiłtsą́ągo ázhdííniid, Díishą' háí át'į́? 9Nít'éé' Jóseph hazhé'é ábizhdííniid, Shiye'ké kwe'é shá ho'dizhchį́įgo Diyin God shaa honínilígíí ájít'į́, áko ázhdííniid, T'áá shǫǫdí, shaa ní'éeshgo bik'izhdeeshdliił. 10Áko Ízrel t'áá íiyisí hadzistihgo biniinaa t'áá yéego haná'oh hooba', áko bíighahgi nizhní'eezhgo yizts'ǫs áádóó ádíyiiltsood. 11Áko Ízrel éí Jóseph áyidííniid, Doo hanii náániideestséeł da nisin nít'éé', nidi Diyin God na'áłchíní ałdó' yideestséełgo yee shá hooł'a'. 12Áko Jóseph éí Jéíkab bigodta'gi ashiiké sizínígíí nahjį' kójiilaago hazhé'é bich'į' ni'jį' yaa ádziidzaa. 13Áko Jóseph t'áá áłah dashdii'eezhgo Íífreiyim honish'náájígoígíí Jéíkab binishtł'ají bidziisį', áádóó Manáseh honishtł'ajíígíí Jéíkab binish'náájí bidziisį', áko bidááhdę́ę́' nizhní'eezh. 14Áko Ízrel nish'náájí bee k'ízdeesnii'go Íífreiyim bitsii't'áagi dasdees'nii'; éí akéédę́ę́' yizhchíinii jílį́. Áádóó nishtł'ají bee Manáseh bitsii't'áagi dasdees'nii', áko éí ahidiníłnáago bik'i dasdees'nii', azhą́ Manáseh éí alą́ąjį' yizhchį́įgo hoł bééhózin nidi ájít'į́. 15Áko Jóseph bik'ijiidzisdli'go ázhdííniid,
Shizhé'é yę́ę Éíbraham índa Áízak biDiyin God yinááł tádíí'áazhii,
T'áá éí Diyin God shíiníłką́ą́dę́ę́' díí jį́į́góó nidi sha'ałtso'.
16Ach'į' nahwii'náanii t'áá ałtso bits'ą́ąjį' diyingo naal'a'í nááshiisnii'ígíí éí ashiiké yik'ijidlíi le';
Shí áádóó shizhé'é Éíbraham índa Áízak danihízhi'go bee dahodó'jíi doo,
Áádóó nahasdzáán bikáa'gi t'óó ahayóí doo.
17Áko Jóseph hazhé'é éí Íífreiyim bitsii't'áagi dah deesnii'go dziiłtsą́ągo doo hoł aaníígóó Íífreiyim bitsii't'áádóó Manáseh bitsii't'áajį' hazhé'é dah bizhdidoołnih biniyé dah bizdees'nii'. 18Jóseph hazhé'é ábizhdííniid, Doo ákót'ée da, shizhé'é, dííyee' alą́ąjį' yizhchį́; éidígo nish'náájí bee bitsii't'áagi dah dílnííh. 19Nít'éé' hazhé'é doo íinízingóó ádííniid, Shí shił bééhózin, shiye', shił bééhózin; éí ałdó' ła' dine'é dooleeł; éí ałdó' ayóó át'é dooleeł; azhą́ ákót'ée nidi bitsilí biláahdi ayóó át'ée doo, áádóó ba'áłchíní náás da'ahílchíihii t'óó ahayóí ał'ąą dine'é dadooleeł. 20Áko éí bijį́ kóníigo yik'ijisdli',#Heb. 11:21.
Ninahjį' Ízrel dine'é ałk'idajidlíigo ádaaníi doo,
Diyin God éí Íífreiyimgi áádóó Manásehgi ánít'éego ándoolííł;
kót'éego Íífreiyim éí Manáseh yitsijį' sizį́įgo áyiilaa. 21Áko Ízrel éí Jóseph áyidííniid, Jó'akon, dadeestsaał, nidi Diyin God nił hólǫ́ǫgo danizhé'é yę́ę bikéyahgóó nánihidoo'ish. 22Índída kéyah ła' nik'isóó biláahdi t'ááłá'í bee aláahgo naa diní'ą́; éidí shidiltłish bee índa she'ałtį́į́' bee Ámor dine'é bighadinisht'ą́.
Currently Selected:
GENESIS 48: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 48
48
Jéíkab éí Íífreiyim áádóó Manáseh yik'ijisdli'
1Ákódzaadóó bik'ijį' diné ła' Jóseph yił hoolne'go ání, Shoo, nizhé'é daatsaah, áko Jóseph biye'ké naakidilt'éhígíí Manáseh índa Íífreiyim wolyéii dashdii'eezh. 2Áko diné ła' Jéíkab yił hoolne'go ádííniid, Shoo, niye' Jóseph aadę́ę́' nich'į' yigááł. Áko Ízrel t'áá hazááká dzíłdzil ízh'diilyaago dzideesdzilgo tsásk'eh bikáá' dzineezdá. 3Áko Jéíkab éí Jóseph ábizhdííniid, Diyin God Aláahgo Ayóó'ábóodziilii éí Luz hoolyéedi Kéínan kéyahgi shaa honíle'go shik'ijisdli'go 4áshíłní, Ííłchíiłgo k'ee'ąą nídí'nóot'į́įłgo na'áłchíní náás da'ahílchíihii t'óó ahayóigo ádeeshłííł; nits'ą́ą́dóó diné t'óó ahayóí k'ee'ąą danéet' įįhgo ádeeshłííł, índa díí kéyah éí na'áłchíní náás da'ahílchíhígíí hool'áágóó daabí dooleeł biniyé baa dideesh'ááł.#Gen. 28:13,14. 5Ákohgo t'ah doo Ííjip kéyahgi naa nishááh yę́ędą́ą́' niye' naaki Ííjip kéyahgi ná yizhchínígíí éí shí; Rúben índa Símiyan shíhígi át'éego Íífreiyim índa Manáseh shí dooleeł. 6Áádóó na'áłchíní ná náádoochíłígíí éí t'áá ni doo, áádóó bik'isóó dabízhi' bik'ehgo kéédahat'ínígi bee dabi'dójíi doo. 7Áko shí éí Péídan hoolyéédę́ę́' yishááł yę́ędą́ą́' Kéínan kéyahdi yii'néełgo Éfrath hoolyéhíjį' t'áá áyídí hadziihgo Réíchel shąąh daaztsą́, áko Éfrath t'ah bich'į' yii'néełgo yóó'áhooshłaa;#Gen. 35:16-19. ákwe'é Béthlehem hoolyé.
8Áko Ízrel éí Jóseph biye'ké dziiłtsą́ągo ázhdííniid, Díishą' háí át'į́? 9Nít'éé' Jóseph hazhé'é ábizhdííniid, Shiye'ké kwe'é shá ho'dizhchį́įgo Diyin God shaa honínilígíí ájít'į́, áko ázhdííniid, T'áá shǫǫdí, shaa ní'éeshgo bik'izhdeeshdliił. 10Áko Ízrel t'áá íiyisí hadzistihgo biniinaa t'áá yéego haná'oh hooba', áko bíighahgi nizhní'eezhgo yizts'ǫs áádóó ádíyiiltsood. 11Áko Ízrel éí Jóseph áyidííniid, Doo hanii náániideestséeł da nisin nít'éé', nidi Diyin God na'áłchíní ałdó' yideestséełgo yee shá hooł'a'. 12Áko Jóseph éí Jéíkab bigodta'gi ashiiké sizínígíí nahjį' kójiilaago hazhé'é bich'į' ni'jį' yaa ádziidzaa. 13Áko Jóseph t'áá áłah dashdii'eezhgo Íífreiyim honish'náájígoígíí Jéíkab binishtł'ají bidziisį', áádóó Manáseh honishtł'ajíígíí Jéíkab binish'náájí bidziisį', áko bidááhdę́ę́' nizhní'eezh. 14Áko Ízrel nish'náájí bee k'ízdeesnii'go Íífreiyim bitsii't'áagi dasdees'nii'; éí akéédę́ę́' yizhchíinii jílį́. Áádóó nishtł'ají bee Manáseh bitsii't'áagi dasdees'nii', áko éí ahidiníłnáago bik'i dasdees'nii', azhą́ Manáseh éí alą́ąjį' yizhchį́įgo hoł bééhózin nidi ájít'į́. 15Áko Jóseph bik'ijiidzisdli'go ázhdííniid,
Shizhé'é yę́ę Éíbraham índa Áízak biDiyin God yinááł tádíí'áazhii,
T'áá éí Diyin God shíiníłką́ą́dę́ę́' díí jį́į́góó nidi sha'ałtso'.
16Ach'į' nahwii'náanii t'áá ałtso bits'ą́ąjį' diyingo naal'a'í nááshiisnii'ígíí éí ashiiké yik'ijidlíi le';
Shí áádóó shizhé'é Éíbraham índa Áízak danihízhi'go bee dahodó'jíi doo,
Áádóó nahasdzáán bikáa'gi t'óó ahayóí doo.
17Áko Jóseph hazhé'é éí Íífreiyim bitsii't'áagi dah deesnii'go dziiłtsą́ągo doo hoł aaníígóó Íífreiyim bitsii't'áádóó Manáseh bitsii't'áajį' hazhé'é dah bizhdidoołnih biniyé dah bizdees'nii'. 18Jóseph hazhé'é ábizhdííniid, Doo ákót'ée da, shizhé'é, dííyee' alą́ąjį' yizhchį́; éidígo nish'náájí bee bitsii't'áagi dah dílnííh. 19Nít'éé' hazhé'é doo íinízingóó ádííniid, Shí shił bééhózin, shiye', shił bééhózin; éí ałdó' ła' dine'é dooleeł; éí ałdó' ayóó át'é dooleeł; azhą́ ákót'ée nidi bitsilí biláahdi ayóó át'ée doo, áádóó ba'áłchíní náás da'ahílchíihii t'óó ahayóí ał'ąą dine'é dadooleeł. 20Áko éí bijį́ kóníigo yik'ijisdli',#Heb. 11:21.
Ninahjį' Ízrel dine'é ałk'idajidlíigo ádaaníi doo,
Diyin God éí Íífreiyimgi áádóó Manásehgi ánít'éego ándoolííł;
kót'éego Íífreiyim éí Manáseh yitsijį' sizį́įgo áyiilaa. 21Áko Ízrel éí Jóseph áyidííniid, Jó'akon, dadeestsaał, nidi Diyin God nił hólǫ́ǫgo danizhé'é yę́ę bikéyahgóó nánihidoo'ish. 22Índída kéyah ła' nik'isóó biláahdi t'ááłá'í bee aláahgo naa diní'ą́; éidí shidiltłish bee índa she'ałtį́į́' bee Ámor dine'é bighadinisht'ą́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).