JOHN 7
7
Jesus bitsilíké doo da'oodlą́ą da
1Ákódzaadóó bik'ijį' Gáliliigi Jesus nijighá, háálá Jew dine'é dahodiyiilyééł dahó'níigo biniinaa Judíyajį' t'éí doo t'áá k'ad jideeyáa da. 2Ákohgo Jew dine'é éí chaha'ohgi hodílzingo áłah nída'ałeeh#Lev. 23:34; Deut. 16:13. baa hoolzhiizh. 3Áko Jesus hatsilíké ádahodííniid, Nídahooł'aahii éí baa nanináhígíí deidoołtsééł biniyé kodóó Judíyagóó dínááh. 4Háálá diné ła' shéého'dílzin dooleeł nízingo t'áá nant'inee t'áadoo le'é doo yaa naagháa da. Díidí baa nanináago nihokáá' dine'é bił ííshją́ą́ í'dílnééh. 5Háálá azhą́ hatsilíké nidi doo dahoodlą́ągo haa dadzólíi da. 6Áko Jesus áhodííniid, Baa nideeshaałígíí t'ah doo shá baa hoolzhíish da, nidi nihí t'áá áłahjį' nihá ashja hoot'é. 7Nihí nihokáá' dine'é doo danihijoołá daole' át'ée da, nidi shí t'éí dashijoołá, háálá ádaaníłígíí éí doo yá'ádaat'éeh da dishníigo baa hashne'. 8T'áá nihí díí hodílzingo áłah ná'ádleehígóó dadohkááh; shí t'éí díí hodílzingo áłah ná'ádleehí góde doo t'áá k'ad déyáa da, háálá shí baa nideeshaałii t'ah doo ałtso shá baa hoolzhíish da. 9Kót'éego hadzoodzíi'go t'áá Gáliliigi nijigháá nít'éé'.
Jesus hodílzingo áłah ná'ádleehgi naaghá
10Nidi hatsilíké hodílzingo áłah ná'ádleeh góde eekaidóó bik'ijį' hó éí doo t'áadoo bahat'aadí jiníyáa da, nidi t'áá nahont'inee jiníyá. 11Áko díí hodílzingo áłah ná'ádleehí Jew dine'é, Háadishą' nijighá? daaníigo hádahodéez'į́į́'. 12Áko diné bitahgi t'áá hazhó'ó haa saad aghą́. Ła' éí, Diné yá'át'éehii nilį́, daaní, náádaała' éí, Dooda, éíyee' t'áá ádzaagóó diné iinii'áahii nilį́, daaní. 13Ákondi Jew dine'é yéédaaldzidgo biniinaa hasłą́ągi doo haa nídaat'į́į da.
14Áko díí hodílzingo áłah ná'ádleehí ałníí'góó daats'í hoolzhishgo kin bii' sohodizin bił haz'ą́ą́ góne' Jesus yah ajííyáago naz'neeztą́ą́'. 15Áko éí bik'ee Jew dine'é t'óó bił adahóóyóigo ádadííniid, Hait'éegoshą' díí diné bił ééhózin, t'áadoo hazhó'ó ííłta' da nidi? 16Áko Jesus áhodííniid, Shina'nitin doo t'áá shí shina'nitin át'ée da, nidi shiníł'a'ígíí bina'nitin át'é, 17áko diné t'áá háiida Diyin God íinízinígíí bi'deeshłííł jiniizį́į'go, éí shina'nitin daats'í Diyin God bits'ą́ą́dę́ę́' át'éego, doodaii' t'áá shí shóhólníihgo daats'í hahasdziihgo hoł bééhodoozįįł. 18T'áá háiida t'áá hó ádíhojólníihgo yájíłti'ígíí aa ha'niih ádá hájít'į́, nidi t'áá háiida biníł'a'ígíí baa ha'niih dooleełgo yá hát'ínígíí éí t'áá aaníígóó át'į́ áádóó doo t'áá ákogi ádaat'éhígíí éí doo bii' hólǫ́ǫ da. 19Da' bee haz'áaniísh doo Mózes nihaidiní'ą́ą da? Ákondi nihí ła' t'ááłá'í nidi bee haz'áanii doo bida'oł'į́į da. Ákoshą' ha'át'íí biniyé shida'noołhį́? 20Áko diné yíl'áhígíí ánáádahodoo'niid, Níłch'i bi'iiníziinii nii' hólǫ́ǫ́ lá! Háíyee' ni'niiłhį́įgo ádíní? 21Áko Jesus ánááhodoo'niid, T'ááłáhígo haz'ą́ áshłaa, áko éí bik'ee t'óó nihił adahayóí. 22Mózes ąąh náhinilgishgo bee haz'áanii nihá niinílá#Lev. 12:3. (nidi éí doo íiyisí Mózes bits'ą́ą́dę́ę' da, nidi danihizhé'é yę́ę bits'ą́ą́dę́ę́'#Gen. 17:10. hazlį́į́'), áko háá'áyį́į́h jį́ biyi' nidi diné bąąh nídahinołgish. 23Háá'áyį́į́h jį́ aleeh góne' diné bąąh náhineeshgizhgo, ákondi Mózes yee has'áanii doo k'éti' da nilį́įgo, da' ákoósh háá'áyį́į́h jį́ aleeh góne' diné hazhó'ó hadaałt'é ánáshdlaaígíí#Jn. 5:9. biniinaa shich'į' nihádahazhchįįd? 24T'óó dzólníígóó t'áadoo ándahoyoh'aahí, nidi t'áá ákogi át'éego ándahoyoh'aah.
Da' díísh Christ át'į́?
25Áko diné ła' Jerúsalemdóó nidaakaígíí ádadííniid, Eiísh bidazh'niiłhínígíí át'į́? 26Ákondi t'áadoosti'ee yáłti'go naaghá, nidi doo ádabijiníní da! Naat'áanii dajílíinii daats'í díí t'áá aaníí Christ át'į́įgo hoł béédahoozin. 27Jó nidi, díí diné naagháádę́ę́' nihił béédahózin, nidi Christ yit'íní í'diilyaago, níyáádę́ę́' diné ła'í nidi doo bił béédahózin da dooleeł. 28Áko kin bii' sohodizin bił haz'ą́ą́ góne' Jesus nazh'nitingo yéego hadzoodzíi'go ájíní, Shéédahonohsin áádóó naasháádę́ę́' ałdó' nihił béédahózin. Nidi doo t'áá shíniik'eh níyáa da; shizhníł'a'ígíí éí t'áá aaníinii jílį́, áko éí doo hwéédahonohsin da. 29Nidi shí hwééhasin, háálá hats'ą́ą́dę́ę́' naashá, áko éí shizhníł'a'. 30Ákohgo hodi'dooltsoł daniizį́į́', nidi ła'da t'áadoo hoołtsoodí da, háálá t'ah doo áajį' há ahalzhíish da. 31Ákondi diné t'óó ahayóí dahoodlą́ągo haa dadzólíigo ádaaní, Da' Christ níyáago bibee adziilii bee béédahózinii ayóó ádaat'éii díí diné yaa naayáhígíísh biláahdi ánéelą́ą'go yaa nináádoodaał?
Siláo éí Jesus deidoołtsoł biniyé adabi'diis'a'
32Áko diné yíl'áhígíí ákót'éego saad bighą́ągo éí Férisii danilíinii deidiizts'ą́ą'go, aláahgo nááda'iiłniihii áádóó Férisii danilíinii éí Jesus deidoołtsoł biniyé siláo adeis'a'. 33Jesus áhodííniid, T'óó kónízahíjį' nihił honishłǫ́ǫ doo, áádóó shiníł'a'ígíí bich'į' nídeeshdááł; 34hadashinohtáa doo, nidi doo shik'ídadoohkah da, áko naasháa dooleełígóó doo dadohkááh át'ée da. 35Jew dine'é áda'ahidi'ní, Háágóoshą' jideeyáago doo hak'ídadiikah da? Da' Gríik dine'é bitahgóó Jew dine'é tadaooskaígíísh bich'į' jideeyáago Gríik dine'é nídízhníitą́ą́'? 36Hadashinohtáa doo nidi doo shik'ídadoohkah da, áádóó, Naasháa dooleełígóó doo dadohkááh át'ée da, níigo yee haadzí'ígíishą' ha'át'íí ááhyiłní?
Tooh dahináanii
37Áádóó hodílzingo áłah ná'ádleeh bee nihooghááh bijį́į́ góne',#Lev. 23:36. Jesus yiizį'go yéego haadzíi'go ádííniid, Diné t'áá háiida dibáá' nilį́įgo, bíni'dii shaa doogáałgo adoodlį́į́ł. 38T'áá háiida shoodlą́ągo shaa dzólíhígíí, Diyin God bizaad bee ak'e'ashchį́įgo ádííniidígíigi át'éego, Éí hwii'dę́ę́' tooh dahináanii hadaazlį́į dooleeł.#Ezek. 47:1; Zech. 14:8. 39Áko díí hadzoodzí'ígíí Níłch'i Diyinii baa hojilne'go ájíní, éí dahoodlą́ągo haa dadzólíii bíí' dadooleełígíí ááhjiní; jó, íídą́ą́' Níłch'i Diyinii t'ah doo aa deet'aah da, háálá Jesus t'ah doo ayóó át'éii ábi'dilnéeh da.
Diné bitahgóó ałts'á'áldah
40Díí saadígíí deidiizts'ą́ą'go diné ła' ádadííniid, Díí diné t'áá aaníí Diyin God yá halne'ii át'į́į́ lá. 41Náádaała' ádaaní, Díí Christ át'į́. Nidi ła' ádaaní, Da' Christísh Gáliliidę́ę́' doogááł? 42Da' doósh Diyin God bizaad bee ak'e'ashchínígíí áníi da, Christ éí David bits'ą́ą́dóó oochíiłii jílį́į doo, t'áá David kééhat'į́į́ nít'é'ídóó, Béthlehem kin haal'áhídóó?#2Sam. 7:12; Mic. 5:2. 43Áko diné haniinaa ałts'ákah. 44Áko ła' hodi'dooltsoł daniizį́į́', nidi t'áadoo ła' hwiiłtsoodí da.
Aląąjį' naazíinii doo da'oodlánígíí
45Áko siláo éí aláahgo nááda'iiłniihii áádóó Férisii danilíinii baa níjíkai, nít'éé' ádahodííniid, Haash yit'éego t'áadoo bił nánoohkai da? 46Siláo ádazhdííniid, Diné ła'da díí diné yáłti'ígi át'éego t'áadoo yáłti'í da! 47Áko Férisii danilíinii ánáádahodoo'niid, Da' nihíísh ałdó' t'áá ádzaagóó ádanihi'di'niist'aa'? 48Da' naat'áanii danilíinii áádóó Férisii danilíiniísh ła' daboosdląądgo baa dadzoozlíí'? 49Nidi díí diné yíl'áhígíí, bee haz'áanii doo bił béédahózinígíí yee', atídadoolníiłgo bá hada'iisdzíí', náádadoo'niid. 50Nít'éé' Nikodíímas, éí t'óó yę́ędą́ą́' [tł'ée'go] Jesus baazhníyáhígíí,#Jn. 3:1,2. Férisii danilíinii ła' atah jílį́įgo, t'áá ałtso ábizhdííniid, 51Da' nihibee haz'áaniísh diné ła' t'áadoo yidiits'į́hí índída yaa naayáii t'áadoo bił bééhoozįįhí yá nihodoo'ááł? 52Áko hach'į' hadaasdzíi'go ánáádahodoo'niid, Da' niísh ałdó' Gáliliidę́ę́' naniná? Diyin God bizaad naniłkaah, jó, Gáliliidóó Diyin God yá halne'ii doo hodooleełgóó nił bééhodoozįįł. 53[Áko diné t'áá ádzíłtso dahaghangóó táádzooskai.
Currently Selected:
JOHN 7: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
JOHN 7
7
Jesus bitsilíké doo da'oodlą́ą da
1Ákódzaadóó bik'ijį' Gáliliigi Jesus nijighá, háálá Jew dine'é dahodiyiilyééł dahó'níigo biniinaa Judíyajį' t'éí doo t'áá k'ad jideeyáa da. 2Ákohgo Jew dine'é éí chaha'ohgi hodílzingo áłah nída'ałeeh#Lev. 23:34; Deut. 16:13. baa hoolzhiizh. 3Áko Jesus hatsilíké ádahodííniid, Nídahooł'aahii éí baa nanináhígíí deidoołtsééł biniyé kodóó Judíyagóó dínááh. 4Háálá diné ła' shéého'dílzin dooleeł nízingo t'áá nant'inee t'áadoo le'é doo yaa naagháa da. Díidí baa nanináago nihokáá' dine'é bił ííshją́ą́ í'dílnééh. 5Háálá azhą́ hatsilíké nidi doo dahoodlą́ągo haa dadzólíi da. 6Áko Jesus áhodííniid, Baa nideeshaałígíí t'ah doo shá baa hoolzhíish da, nidi nihí t'áá áłahjį' nihá ashja hoot'é. 7Nihí nihokáá' dine'é doo danihijoołá daole' át'ée da, nidi shí t'éí dashijoołá, háálá ádaaníłígíí éí doo yá'ádaat'éeh da dishníigo baa hashne'. 8T'áá nihí díí hodílzingo áłah ná'ádleehígóó dadohkááh; shí t'éí díí hodílzingo áłah ná'ádleehí góde doo t'áá k'ad déyáa da, háálá shí baa nideeshaałii t'ah doo ałtso shá baa hoolzhíish da. 9Kót'éego hadzoodzíi'go t'áá Gáliliigi nijigháá nít'éé'.
Jesus hodílzingo áłah ná'ádleehgi naaghá
10Nidi hatsilíké hodílzingo áłah ná'ádleeh góde eekaidóó bik'ijį' hó éí doo t'áadoo bahat'aadí jiníyáa da, nidi t'áá nahont'inee jiníyá. 11Áko díí hodílzingo áłah ná'ádleehí Jew dine'é, Háadishą' nijighá? daaníigo hádahodéez'į́į́'. 12Áko diné bitahgi t'áá hazhó'ó haa saad aghą́. Ła' éí, Diné yá'át'éehii nilį́, daaní, náádaała' éí, Dooda, éíyee' t'áá ádzaagóó diné iinii'áahii nilį́, daaní. 13Ákondi Jew dine'é yéédaaldzidgo biniinaa hasłą́ągi doo haa nídaat'į́į da.
14Áko díí hodílzingo áłah ná'ádleehí ałníí'góó daats'í hoolzhishgo kin bii' sohodizin bił haz'ą́ą́ góne' Jesus yah ajííyáago naz'neeztą́ą́'. 15Áko éí bik'ee Jew dine'é t'óó bił adahóóyóigo ádadííniid, Hait'éegoshą' díí diné bił ééhózin, t'áadoo hazhó'ó ííłta' da nidi? 16Áko Jesus áhodííniid, Shina'nitin doo t'áá shí shina'nitin át'ée da, nidi shiníł'a'ígíí bina'nitin át'é, 17áko diné t'áá háiida Diyin God íinízinígíí bi'deeshłííł jiniizį́į'go, éí shina'nitin daats'í Diyin God bits'ą́ą́dę́ę́' át'éego, doodaii' t'áá shí shóhólníihgo daats'í hahasdziihgo hoł bééhodoozįįł. 18T'áá háiida t'áá hó ádíhojólníihgo yájíłti'ígíí aa ha'niih ádá hájít'į́, nidi t'áá háiida biníł'a'ígíí baa ha'niih dooleełgo yá hát'ínígíí éí t'áá aaníígóó át'į́ áádóó doo t'áá ákogi ádaat'éhígíí éí doo bii' hólǫ́ǫ da. 19Da' bee haz'áaniísh doo Mózes nihaidiní'ą́ą da? Ákondi nihí ła' t'ááłá'í nidi bee haz'áanii doo bida'oł'į́į da. Ákoshą' ha'át'íí biniyé shida'noołhį́? 20Áko diné yíl'áhígíí ánáádahodoo'niid, Níłch'i bi'iiníziinii nii' hólǫ́ǫ́ lá! Háíyee' ni'niiłhį́įgo ádíní? 21Áko Jesus ánááhodoo'niid, T'ááłáhígo haz'ą́ áshłaa, áko éí bik'ee t'óó nihił adahayóí. 22Mózes ąąh náhinilgishgo bee haz'áanii nihá niinílá#Lev. 12:3. (nidi éí doo íiyisí Mózes bits'ą́ą́dę́ę' da, nidi danihizhé'é yę́ę bits'ą́ą́dę́ę́'#Gen. 17:10. hazlį́į́'), áko háá'áyį́į́h jį́ biyi' nidi diné bąąh nídahinołgish. 23Háá'áyį́į́h jį́ aleeh góne' diné bąąh náhineeshgizhgo, ákondi Mózes yee has'áanii doo k'éti' da nilį́įgo, da' ákoósh háá'áyį́į́h jį́ aleeh góne' diné hazhó'ó hadaałt'é ánáshdlaaígíí#Jn. 5:9. biniinaa shich'į' nihádahazhchįįd? 24T'óó dzólníígóó t'áadoo ándahoyoh'aahí, nidi t'áá ákogi át'éego ándahoyoh'aah.
Da' díísh Christ át'į́?
25Áko diné ła' Jerúsalemdóó nidaakaígíí ádadííniid, Eiísh bidazh'niiłhínígíí át'į́? 26Ákondi t'áadoosti'ee yáłti'go naaghá, nidi doo ádabijiníní da! Naat'áanii dajílíinii daats'í díí t'áá aaníí Christ át'į́įgo hoł béédahoozin. 27Jó nidi, díí diné naagháádę́ę́' nihił béédahózin, nidi Christ yit'íní í'diilyaago, níyáádę́ę́' diné ła'í nidi doo bił béédahózin da dooleeł. 28Áko kin bii' sohodizin bił haz'ą́ą́ góne' Jesus nazh'nitingo yéego hadzoodzíi'go ájíní, Shéédahonohsin áádóó naasháádę́ę́' ałdó' nihił béédahózin. Nidi doo t'áá shíniik'eh níyáa da; shizhníł'a'ígíí éí t'áá aaníinii jílį́, áko éí doo hwéédahonohsin da. 29Nidi shí hwééhasin, háálá hats'ą́ą́dę́ę́' naashá, áko éí shizhníł'a'. 30Ákohgo hodi'dooltsoł daniizį́į́', nidi ła'da t'áadoo hoołtsoodí da, háálá t'ah doo áajį' há ahalzhíish da. 31Ákondi diné t'óó ahayóí dahoodlą́ągo haa dadzólíigo ádaaní, Da' Christ níyáago bibee adziilii bee béédahózinii ayóó ádaat'éii díí diné yaa naayáhígíísh biláahdi ánéelą́ą'go yaa nináádoodaał?
Siláo éí Jesus deidoołtsoł biniyé adabi'diis'a'
32Áko diné yíl'áhígíí ákót'éego saad bighą́ągo éí Férisii danilíinii deidiizts'ą́ą'go, aláahgo nááda'iiłniihii áádóó Férisii danilíinii éí Jesus deidoołtsoł biniyé siláo adeis'a'. 33Jesus áhodííniid, T'óó kónízahíjį' nihił honishłǫ́ǫ doo, áádóó shiníł'a'ígíí bich'į' nídeeshdááł; 34hadashinohtáa doo, nidi doo shik'ídadoohkah da, áko naasháa dooleełígóó doo dadohkááh át'ée da. 35Jew dine'é áda'ahidi'ní, Háágóoshą' jideeyáago doo hak'ídadiikah da? Da' Gríik dine'é bitahgóó Jew dine'é tadaooskaígíísh bich'į' jideeyáago Gríik dine'é nídízhníitą́ą́'? 36Hadashinohtáa doo nidi doo shik'ídadoohkah da, áádóó, Naasháa dooleełígóó doo dadohkááh át'ée da, níigo yee haadzí'ígíishą' ha'át'íí ááhyiłní?
Tooh dahináanii
37Áádóó hodílzingo áłah ná'ádleeh bee nihooghááh bijį́į́ góne',#Lev. 23:36. Jesus yiizį'go yéego haadzíi'go ádííniid, Diné t'áá háiida dibáá' nilį́įgo, bíni'dii shaa doogáałgo adoodlį́į́ł. 38T'áá háiida shoodlą́ągo shaa dzólíhígíí, Diyin God bizaad bee ak'e'ashchį́įgo ádííniidígíigi át'éego, Éí hwii'dę́ę́' tooh dahináanii hadaazlį́į dooleeł.#Ezek. 47:1; Zech. 14:8. 39Áko díí hadzoodzí'ígíí Níłch'i Diyinii baa hojilne'go ájíní, éí dahoodlą́ągo haa dadzólíii bíí' dadooleełígíí ááhjiní; jó, íídą́ą́' Níłch'i Diyinii t'ah doo aa deet'aah da, háálá Jesus t'ah doo ayóó át'éii ábi'dilnéeh da.
Diné bitahgóó ałts'á'áldah
40Díí saadígíí deidiizts'ą́ą'go diné ła' ádadííniid, Díí diné t'áá aaníí Diyin God yá halne'ii át'į́į́ lá. 41Náádaała' ádaaní, Díí Christ át'į́. Nidi ła' ádaaní, Da' Christísh Gáliliidę́ę́' doogááł? 42Da' doósh Diyin God bizaad bee ak'e'ashchínígíí áníi da, Christ éí David bits'ą́ą́dóó oochíiłii jílį́į doo, t'áá David kééhat'į́į́ nít'é'ídóó, Béthlehem kin haal'áhídóó?#2Sam. 7:12; Mic. 5:2. 43Áko diné haniinaa ałts'ákah. 44Áko ła' hodi'dooltsoł daniizį́į́', nidi t'áadoo ła' hwiiłtsoodí da.
Aląąjį' naazíinii doo da'oodlánígíí
45Áko siláo éí aláahgo nááda'iiłniihii áádóó Férisii danilíinii baa níjíkai, nít'éé' ádahodííniid, Haash yit'éego t'áadoo bił nánoohkai da? 46Siláo ádazhdííniid, Diné ła'da díí diné yáłti'ígi át'éego t'áadoo yáłti'í da! 47Áko Férisii danilíinii ánáádahodoo'niid, Da' nihíísh ałdó' t'áá ádzaagóó ádanihi'di'niist'aa'? 48Da' naat'áanii danilíinii áádóó Férisii danilíiniísh ła' daboosdląądgo baa dadzoozlíí'? 49Nidi díí diné yíl'áhígíí, bee haz'áanii doo bił béédahózinígíí yee', atídadoolníiłgo bá hada'iisdzíí', náádadoo'niid. 50Nít'éé' Nikodíímas, éí t'óó yę́ędą́ą́' [tł'ée'go] Jesus baazhníyáhígíí,#Jn. 3:1,2. Férisii danilíinii ła' atah jílį́įgo, t'áá ałtso ábizhdííniid, 51Da' nihibee haz'áaniísh diné ła' t'áadoo yidiits'į́hí índída yaa naayáii t'áadoo bił bééhoozįįhí yá nihodoo'ááł? 52Áko hach'į' hadaasdzíi'go ánáádahodoo'niid, Da' niísh ałdó' Gáliliidę́ę́' naniná? Diyin God bizaad naniłkaah, jó, Gáliliidóó Diyin God yá halne'ii doo hodooleełgóó nił bééhodoozįįł. 53[Áko diné t'áá ádzíłtso dahaghangóó táádzooskai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).