LUKE 4:5-8

Nít'éé' níłch'i bida'iiníziinii binanit'a'í hoł híi'áázh, áko nahasdzáán bikáa'gi bee ídahólníihgo bił nahaz'áanii t'áá ałtso dzineesk'oł nahalingo bik'izhdooghał biniyé hach'į' yit'íní áyiilaa, áko níłch'i bida'iiníziinii binanit'a'í áhodííniid, Díí bee ídahólníihgo bił nahaz'áanii índa yee ayóó ádaat'éii t'áá át'é naa dideesh'ááł, háálá éí shaa deet'ą́, áádóó t'áá háiida baa dideesh'ááł niizį́'ígíí éí baa dideesh'ááł. Áko shich'į' nahosínísáago, díí t'áá át'é ni dooleeł. Áádóó Jesus hanáánáádzíi'go ííłní, [Séítan nílíinii, shidinínáágóó aninááh, háálá] kót'éego bee ak'e'ashchį́: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.