LUKE 8
8
Sáanii éí Jesus yíká anájah
1Áádóó t'áadoo hózhǫ́ hodíína'í Diyin God bee bóhólníihgo bił haz'áanii baa hane' yá'át'éehii baa nahojilne'go kin hadaas'áágóó índa kin dah naazhjaa'góó Jesus tázhdííyá. Naakits'áadahígíí hoł tádookai, 2áádóó sáanii ła' éí níłch'i bi'iiníziinii biyi' dahólǫ́ǫ́ nít'éé' yę́ę áádóó bąąh dah nahaz'ą́ągo hadaałt'é áńdabi'diilyaaígíí: Mary, Mágdaliin yolyéhígíí, biyi'dę́ę́' níłch'i bi'iiníziinii tsosts'idgo háájé'ígíí, 3áádóó Joána éí Kúza, Hérad bikin yaa áhályáanii be'asdzą́ą́, áádóó Suzána, índa sáanii náádaała' éí binaalye'é yee háká anájahígíí ałdó' hoł tádookai.#Mt. 27:55,56; Mk. 15:40,41; Lk. 23:49.
K'éé'dídléehii binahjį' hane' bee ak'idi'dootį́įłii
(Mt. 13:1-9; Mk. 4:1-9)
4Nít'éé' diné t'óó ahayóí kin hadaas'á t'áá ałtsodę́ę́' ch'íheeskaigo haa áłah silį́į'go hane' bee ak'idi'dootį́įłii bee hadzoodzíí': 5K'éé'dídléehii léi' álástsii' k'iididoolééłgóó ch'íníyá, áko álástsii' ła' nihiyiiłkaad, nít'éé' ła' atiinjį' ahineezdee'go bik'i na'asdee', áko tsídii nidahaast'a'go ałtso yaa nahodeeskai. 6Áádóó náánáła' tsétahjį' ahineezdee', áko hadaneesą́ą nidi t'óó daniiłna', háálá doo bá hoditłée' da. 7Áádóó náánáła' ch'il dadeeníinii bitahgóó ahineezdee', áko ch'il dadeeníinii bilááh daneesą́ągo ałtso bííghą́ą́'. 8Náánáła' éí łeezh yá'át'éehjį' ahineezdee'go dadínéesą́, áko bineest'ą' dahazlį́į'go neeznádiindi bilááh nídaasdlį́į́'. Kót'éego baa nídzíst'įįdgo yéego hadzoodzíi'go ájíní, T'áá hajaa' hólǫ́ǫgo azdiits'a'ígíí háni' ajíists'ą́ą́'.
Hane' bee ak'idi'dootį́įłii biniyé át'éii
(Mt. 13:10-17; Mk. 4:10-12)
9Áádóó hódahooł'aahii nidahódééłkidgo, Díí hane' bee ak'idi'dootį́įłiishą' ha'át'íí yeinít'į́? dahodííniidgo, 10ábijiní, Nihí nihich'į'go, Diyin God bee bóhólníihgo bił haz'áanii bee na'nitinii doo bééhózin da yę́ę éí nihił béédahózin dooleełgo nihaa deet'ą́, nidi náádaała'ígíí bich'į' éí hane' bee ak'idi'dootį́įłii bee na'nitinii át'é,
áko dazhníł'į́į nidi doo deizdoołtséeł da,
dazdiits'a' nidi doo bik'i'dazhdi'dootį́įł da.#Is. 6:9,10.
K'éé'dídléehii binahjį' hane' bee ak'idi'dootį́įłii ááhyiłníinii
(Mt. 13:18-23; Mk. 4:13-20)
11Hane' bee ak'idi'dootį́įłii éí díí yeinít'į́: Álástsii' éí Diyin God bizaad át'é. 12Álástsii' atiinjį' ahineezdee'ígíí éí Diyin God bizaad dazdiizts'ą́'ígíí ádajit'į́; éí doo da'iizhdoodląął da índa doo yisdáhizhdookah da biniyé níłch'i bida'iiníziinii binanit'a'í yigháahgo éí saad dahajéí biyi'dę́ę́' hááyii'nił. 13Áádóó tsétahgóó ahineezdee'ígíí éí saad t'óó dazdiits'į́į́hgóó baa hoł dahózhǫ́ǫgo nídazhdiiléhígíí ádajit'į́, nidi díidíígíí dahayi'di ehétł'óól ádaadin, áko t'óó kónígháníjį' da'joodląąh, índa hódahontaahgo bits'áńjiikááh. 14Áádóó ch'il dadeeníinii bitahgóó ahineezdee'ígíí éí saad dazdiizts'ą́'ígíí ádajit'į́, nidi dajíkááhgóó nahasdzáán bikáa'gi bee da'iináanii baa nitsáhákees áádóó at'į́ índa ił honeeni hak'eh dadeesdlį́į'go haneest'ą' t'áadoo daneest'ą́ą da. 15Índa łeezh yá'át'éehjį' ahineezdee'ígíí éí saad deidiizts'ą́ą'go dabijéí t'áá aaníinii áádóó yá'ádaat'éehii yee saad dayótą', áádóó ha'ahóní bee bineest'ą' bąąh nídahoodleeł.
Adiníłdíinii bił yaa az'ą́
(Mk. 4:21-25)
16Diné doo ła'da bee hool'iní yidiiłtłi'go ásaa' yił yaa nií'aah da, doo nidi tsásk'eh yiyaa ii'aah da, nidi bá ya'ii'áhígi dah yi'ááh,#Mt. 5:15; Lk. 11:33. áko yah adahakáhígíí éí bá adinídíingo da'oo'į́į dooleeł. 17Háálá baa hasti'go dah nool'į́įłii nidi bééhodoozįįłgo át'é, áko ha'át'íhída bik'é'ésti'ii hahgoda báádi'dooltsosgo bééhodoozįįł.#Mt. 10:26; Lk. 12:2. 18Éí bąą da'doohts'a'ígíí hazhó'ó da'íísółts'ą́ą́', háálá t'áá háiida ha'át'íhída hwee hólónígíí biláahgo ła' haa náádoolyééł, áádóó ha'át'íhída hwee ádinígíí éí shee hólǫ́ jinízinígíí nidi haghadoolyééł.#Mt. 25:29; Lk. 19:26.
Jesus bimá índa bitsilíké
(Mt. 12:46-50; Mk. 3:31-35)
19Áko hamá índa hatsilíké haa yíkai, nidi diné t'óó ahayóigo biniinaa doo hach'į' nookááh át'ée da. 20Áko hoł dahoolne'go ádaaní, Nimá índa nitsilíké daniidiiltsééł danízingo tł'óo'di naazį́. 21Nidi ábijiní, Diyin God bizaad deidiits'a' áádóó yik'eh dahół'íinii éí shimá índa shik'isóó danilį́.
Jesus tó náádadiidáahii índa níyol hasht'eidííłt'e'
(Mt. 8:23-27; Mk. 4:35-41)
22Łah hódahooł'aahii bił tsinaa'eeł biih jookaigo ábizhdííniid, Tį', be'ek'id yónaanígóó nihił adoo'oł. Áko dah dazh'diił'éél, 23nidi oo'ołgo ajiiłhaazh. Nít'éé' táłkáá' ayóó át'éego deeyol, áko tsinaa'eeł k'adę́ę tó bii' hadibin, áko t'óó náhóódzííd. 24Áko hach'į' niikaigo ch'éédahasidgo ádaaní, Bóhólníihii, Bóhólníihii, táłtł'ááh yiildaas! Áko nízhdii'na'go níyol índa tó náádadiidáhígíí dzideeztehgo hasht'edíít'e', áko hodiiyeel. 25Nít'éé' ábizhdííniid, Háájíshą' nihida'oodlą' daazlį́į́'? Áko nídadzisdzíidgo t'óó hoł adahóóyóigo áda'ahizhdoo'niid, Ákoshą' díí háí át'į́įgo azhą́ níyol índa tó nidi yich'į' hahadziihgo bik'eh dahół'į́?
Gádara dine'é níłch'i bida'iiníziinii bii' hólónígíí hanoolkaad
(Mt. 8:28-34; Mk. 5:1-20)
26Áko Gálilii binaashiijį' Gádara#8:26 Diyin God bizaad t'áá ałk'idą́ą́' bee ak'eda'ashchínígíí ła' kót'éego dabikáá', Gérgasa dine'é; ła', Gérasa dine'é. dine'é bikéyahdi hoł aní'éél. 27Áádóó tsinaa'eeł biyi'dę́ę́' hajííyáago kin haal'áádóó diné léi' níłch'i bida'iiníziinii biyi' hólǫ́ǫgo hadááh níyá, áko díí diné t'áá shiidą́ą'dii bi'éé' t'áágéedgo naagháá lá, hooghan doo yii' kééhat'į́į da lá, nidi tsé'áán góne' dajishcháa'go ákǫ́ǫ́ t'éí kééhat'į́į́ lá. 28Éí Jesus yiyiiłtsą́ągo, hadoolghaazhgo yiyaajį' nitsidinígo', áádóó yéego ádííniid, Haashą' shíléehgo ánít'į́, Jesus, Diyin God Aláahgo Ayóó'át'éii biYe' nílíinii? Nánooshkąąh, atíshóólééh lágo. 29Jó, níłch'i nichxǫ́'íii t'áá íídą́ą́' ábizhdííniid, Diné bii'dę́ę́' haninááh. Háálá t'áá ahą́ą́h bik'i néilwo' lá, áko baa áháyą́ągo béésh da'ahólzha'í bee béé'átł'óóh áádóó akétsíín niná'niłí bąąh niná'nił, nidi béésh da'ahólzha'ígíí niyiiníísh áádóó honoojíígóó níłch'i bi'iiníziinii anábiniyo' lá. 30Nít'éé' Jesus nabídíłkidgo ábíłní, Haashą' yinílyé? Áko ádííniid, Lą'í, háálá níłch'i bida'iiníziinii t'óó ahayóí hwii' hazlį́į́' lá. 31Áko nídahooskango, T'ááká a'áán doo nihoodzą́ą́ góne' oohjeeh nihidóóne' lágo.#8:31 Ayóó át'éego ánihwiit'aah beiníłką́ąjį' níłch'i bida'iiníziinii éí nahasdzáán biníi'di doo nihodzą́ą́ góne' biniyé awáalyaaí danilį́įgo shijée'go dajoodlą́ą́ nít'éé'. 32Nít'éé' ákwe'é dził binániigi bisóodi da'ałchozhgo lą'í naakai, áko níłch'i bida'iiníziinii nídahookąąhgo ádaaní, Bisóodi biih diijahgo bee niha'di'ní'aah. Áko bazh'di'ní'ą́, 33áko níłch'i bida'iiníziinii diné yii'dę́ę́' hahaazhjée'go bisóodi yiih heezhjéé', áko éí bisóodi bidah ch'ééjée'go be'ek'id yiih heezhjéé', áko tó bííghą́ą́'.
34Nít'éé' bisóodi baa ádahojilyánígíí áhoodzaaígíí dajiiłtsą́ągo dashdiijée'go kin haal'áagi índa binaagóó baa dahojoolne'. 35Áko díí áhóót'įįdígíí nihił béédahodoozįįł danízingo Jesus yaa haazhjée'go diné biyi'dę́ę́' níłch'i bida'iiníziinii hahaazhjé'ígíí bi'éé' hólǫ́ǫgo índa bintsíkees yá'át'éehgo Jesus yíighahgi sidáago bik'íjíkai, áko t'áá ádzíłtso béédadzisdzííd. 36Áádóó dabíínáłígíí éí níłch'i bida'iiníziinii bii' hólǫ́ǫ́ nít'éé' yę́ę hadaałt'é násdlį́'ígíí yee ahił dahoolne'. 37Áko éí haz'ą́ądi áádóó binaagóó Gádara dine'é bikéyahdi diné kéédahat'íinii t'áá ałtso nídahookąąhgo ádaaní, Nílááh nówehdi naniná, háálá t'áá íiyisí nídaasdzííd, áko tsinaa'eeł biih jííyáago hoł dah ní'dii'éél. 38Nidi diné biyi'dę́ę́' níłch'i bida'iiníziinii hahaazhjé'ígíí náhookąąhgo áháłní, Nił honishłǫ́ǫ doo, nidi dahodiił'a'go áháłní, 39Nílááh, nighangóó nídídááh, áádóó ayóó ádaat'éii Diyin God ná yaa naayáhígíí baa hodíílnih. Áko dashdiiyáago kin haal'áágóó t'áá át'éé nít'éé' ayóó ádaat'éii Jesus há yaa naayáhígíí baa nahojilne'go tázhdííyá.
Jéí'iras bitsi' áádóó asdzání Jesus bi'éé' yideelchidii
(Mt. 9:18-26; Mk. 5:21-43)
40Áko Jesus nádzáago diné t'óó ahayóí áłah nilínígíí haa bił dahóózhǫǫd, háálá t'áá ałtso haba' naháaztą́ą́ nít'éé'. 41Áko diné ła' Jéí'iras joolyéhígíí, áłah ná'ádleehgo á dah názhnídaahígíí Jesus baazhníyáago bich'į' nitsizhdinígo'go níjookąąhgo ábijiní, Shighangóó díínááł. 42Háálá hatsi' t'ááłá'íígíí naakits'áadah binááhaigo bi'niitsą́.
Jesus dashdiiyáago diné t'óó ahayóí hoł dinííyił. 43Áko asdzání ła' dił bigháńdiniiltałgo naakits'áadah nááhai lá éí yee hináanii ałtso bik'é azee' bąąh ályaa lá nidi, doo ła'da náábidoołááł át'ée da, 44éí asdzání hane'dę́ę́' niníyáago ha'éé' bijánil yideelchid; t'áá áko dił bighánílínígíí ásdįįd. 45Áko Jesus ájíní, Háishą' shideelchid? Áko t'áá ałtso, Doo nidinishchid da, dadííniidgo, Peter índa hoł naakaígíí ádaaní, Bóhólníihii, jó, diné ninás'áago daniłjizh. 46Nidi Jesus ájíní, Ła' shizhdeelchid, háálá bee adziilii shits'áhoníle'go baa ákoniizį́į́'. 47Áko éí asdzání doo na'ádízhnóół'į́į́' át'éégóó hoł bééhoozingo, hatah hoditłidgo Jesus baazhníyá, áko biyaajį' nitsizhdinígo'go diné t'áá ałtso dabinááł biniinaa bizhdeelchidígíí, áádóó t'áá áko nááho'diilzáhígíí bee bił hojoolne'. 48Áádóó asdzání ábizhdííniid, Shitsi', ne'oodlą' bee doo ánít'éhí da násínídlį́į́'; nił hózhǫ́ǫgo náádááł.
49Áko Jesus t'ah yáłti'go, áłah ná'ádleehgo á dah názhnídaahígíí haghandę́ę́' diné ła' níyáago áháłní, Nitsi' daaztsą́; Na'nitiní éí t'áadoo kót'é náábidi'níní. 50Nidi Jesus díidíígíí yidiizts'ą́ą'go áhodííniid, T'áadoo nił yé'í; t'óó iinídlą́ągo shaa dzíínílí, áko náábidi'doodlááł. 51Áádóó Jéí'iras bighandi jiníyáago, diné náánáła' doo bił yah azhdookahgóó bee hojiił'a', t'áá hazhó'ó Peter áádóó James áádóó John índa at'ééd bizhé'é áádóó bimá t'éiyá. 52Áko t'áá ałtso at'ééd éí yaa ák'idadiit'aahgo daacha, nidi ábizhdííniid, T'áadoo daahchaí, háálá at'ééd doo daaztsą́ą da, nidi t'óó ałhosh. 53Áko daaztsą́ągo bił béédahózingo t'óó haa daadloh. 54Nidi bíla' jiiłtsoodgo hadzoodzíi'go ájíní, At'ééd, nídiidááh. 55Áko bii' sizíinii biih náálwodgo t'áá áko nídii'na', áádóó ba'nołtsóód bizhdííniid. 56Áko ashchíinii t'óó bił ahayóí, nidi ábizhdííniid, Áhóót'įįdígíí t'ááká diné ła' bił hoołne' lágo.
Currently Selected:
LUKE 8: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
LUKE 8
8
Sáanii éí Jesus yíká anájah
1Áádóó t'áadoo hózhǫ́ hodíína'í Diyin God bee bóhólníihgo bił haz'áanii baa hane' yá'át'éehii baa nahojilne'go kin hadaas'áágóó índa kin dah naazhjaa'góó Jesus tázhdííyá. Naakits'áadahígíí hoł tádookai, 2áádóó sáanii ła' éí níłch'i bi'iiníziinii biyi' dahólǫ́ǫ́ nít'éé' yę́ę áádóó bąąh dah nahaz'ą́ągo hadaałt'é áńdabi'diilyaaígíí: Mary, Mágdaliin yolyéhígíí, biyi'dę́ę́' níłch'i bi'iiníziinii tsosts'idgo háájé'ígíí, 3áádóó Joána éí Kúza, Hérad bikin yaa áhályáanii be'asdzą́ą́, áádóó Suzána, índa sáanii náádaała' éí binaalye'é yee háká anájahígíí ałdó' hoł tádookai.#Mt. 27:55,56; Mk. 15:40,41; Lk. 23:49.
K'éé'dídléehii binahjį' hane' bee ak'idi'dootį́įłii
(Mt. 13:1-9; Mk. 4:1-9)
4Nít'éé' diné t'óó ahayóí kin hadaas'á t'áá ałtsodę́ę́' ch'íheeskaigo haa áłah silį́į'go hane' bee ak'idi'dootį́įłii bee hadzoodzíí': 5K'éé'dídléehii léi' álástsii' k'iididoolééłgóó ch'íníyá, áko álástsii' ła' nihiyiiłkaad, nít'éé' ła' atiinjį' ahineezdee'go bik'i na'asdee', áko tsídii nidahaast'a'go ałtso yaa nahodeeskai. 6Áádóó náánáła' tsétahjį' ahineezdee', áko hadaneesą́ą nidi t'óó daniiłna', háálá doo bá hoditłée' da. 7Áádóó náánáła' ch'il dadeeníinii bitahgóó ahineezdee', áko ch'il dadeeníinii bilááh daneesą́ągo ałtso bííghą́ą́'. 8Náánáła' éí łeezh yá'át'éehjį' ahineezdee'go dadínéesą́, áko bineest'ą' dahazlį́į'go neeznádiindi bilááh nídaasdlį́į́'. Kót'éego baa nídzíst'įįdgo yéego hadzoodzíi'go ájíní, T'áá hajaa' hólǫ́ǫgo azdiits'a'ígíí háni' ajíists'ą́ą́'.
Hane' bee ak'idi'dootį́įłii biniyé át'éii
(Mt. 13:10-17; Mk. 4:10-12)
9Áádóó hódahooł'aahii nidahódééłkidgo, Díí hane' bee ak'idi'dootį́įłiishą' ha'át'íí yeinít'į́? dahodííniidgo, 10ábijiní, Nihí nihich'į'go, Diyin God bee bóhólníihgo bił haz'áanii bee na'nitinii doo bééhózin da yę́ę éí nihił béédahózin dooleełgo nihaa deet'ą́, nidi náádaała'ígíí bich'į' éí hane' bee ak'idi'dootį́įłii bee na'nitinii át'é,
áko dazhníł'į́į nidi doo deizdoołtséeł da,
dazdiits'a' nidi doo bik'i'dazhdi'dootį́įł da.#Is. 6:9,10.
K'éé'dídléehii binahjį' hane' bee ak'idi'dootį́įłii ááhyiłníinii
(Mt. 13:18-23; Mk. 4:13-20)
11Hane' bee ak'idi'dootį́įłii éí díí yeinít'į́: Álástsii' éí Diyin God bizaad át'é. 12Álástsii' atiinjį' ahineezdee'ígíí éí Diyin God bizaad dazdiizts'ą́'ígíí ádajit'į́; éí doo da'iizhdoodląął da índa doo yisdáhizhdookah da biniyé níłch'i bida'iiníziinii binanit'a'í yigháahgo éí saad dahajéí biyi'dę́ę́' hááyii'nił. 13Áádóó tsétahgóó ahineezdee'ígíí éí saad t'óó dazdiits'į́į́hgóó baa hoł dahózhǫ́ǫgo nídazhdiiléhígíí ádajit'į́, nidi díidíígíí dahayi'di ehétł'óól ádaadin, áko t'óó kónígháníjį' da'joodląąh, índa hódahontaahgo bits'áńjiikááh. 14Áádóó ch'il dadeeníinii bitahgóó ahineezdee'ígíí éí saad dazdiizts'ą́'ígíí ádajit'į́, nidi dajíkááhgóó nahasdzáán bikáa'gi bee da'iináanii baa nitsáhákees áádóó at'į́ índa ił honeeni hak'eh dadeesdlį́į'go haneest'ą' t'áadoo daneest'ą́ą da. 15Índa łeezh yá'át'éehjį' ahineezdee'ígíí éí saad deidiizts'ą́ą'go dabijéí t'áá aaníinii áádóó yá'ádaat'éehii yee saad dayótą', áádóó ha'ahóní bee bineest'ą' bąąh nídahoodleeł.
Adiníłdíinii bił yaa az'ą́
(Mk. 4:21-25)
16Diné doo ła'da bee hool'iní yidiiłtłi'go ásaa' yił yaa nií'aah da, doo nidi tsásk'eh yiyaa ii'aah da, nidi bá ya'ii'áhígi dah yi'ááh,#Mt. 5:15; Lk. 11:33. áko yah adahakáhígíí éí bá adinídíingo da'oo'į́į dooleeł. 17Háálá baa hasti'go dah nool'į́įłii nidi bééhodoozįįłgo át'é, áko ha'át'íhída bik'é'ésti'ii hahgoda báádi'dooltsosgo bééhodoozįįł.#Mt. 10:26; Lk. 12:2. 18Éí bąą da'doohts'a'ígíí hazhó'ó da'íísółts'ą́ą́', háálá t'áá háiida ha'át'íhída hwee hólónígíí biláahgo ła' haa náádoolyééł, áádóó ha'át'íhída hwee ádinígíí éí shee hólǫ́ jinízinígíí nidi haghadoolyééł.#Mt. 25:29; Lk. 19:26.
Jesus bimá índa bitsilíké
(Mt. 12:46-50; Mk. 3:31-35)
19Áko hamá índa hatsilíké haa yíkai, nidi diné t'óó ahayóigo biniinaa doo hach'į' nookááh át'ée da. 20Áko hoł dahoolne'go ádaaní, Nimá índa nitsilíké daniidiiltsééł danízingo tł'óo'di naazį́. 21Nidi ábijiní, Diyin God bizaad deidiits'a' áádóó yik'eh dahół'íinii éí shimá índa shik'isóó danilį́.
Jesus tó náádadiidáahii índa níyol hasht'eidííłt'e'
(Mt. 8:23-27; Mk. 4:35-41)
22Łah hódahooł'aahii bił tsinaa'eeł biih jookaigo ábizhdííniid, Tį', be'ek'id yónaanígóó nihił adoo'oł. Áko dah dazh'diił'éél, 23nidi oo'ołgo ajiiłhaazh. Nít'éé' táłkáá' ayóó át'éego deeyol, áko tsinaa'eeł k'adę́ę tó bii' hadibin, áko t'óó náhóódzííd. 24Áko hach'į' niikaigo ch'éédahasidgo ádaaní, Bóhólníihii, Bóhólníihii, táłtł'ááh yiildaas! Áko nízhdii'na'go níyol índa tó náádadiidáhígíí dzideeztehgo hasht'edíít'e', áko hodiiyeel. 25Nít'éé' ábizhdííniid, Háájíshą' nihida'oodlą' daazlį́į́'? Áko nídadzisdzíidgo t'óó hoł adahóóyóigo áda'ahizhdoo'niid, Ákoshą' díí háí át'į́įgo azhą́ níyol índa tó nidi yich'į' hahadziihgo bik'eh dahół'į́?
Gádara dine'é níłch'i bida'iiníziinii bii' hólónígíí hanoolkaad
(Mt. 8:28-34; Mk. 5:1-20)
26Áko Gálilii binaashiijį' Gádara#8:26 Diyin God bizaad t'áá ałk'idą́ą́' bee ak'eda'ashchínígíí ła' kót'éego dabikáá', Gérgasa dine'é; ła', Gérasa dine'é. dine'é bikéyahdi hoł aní'éél. 27Áádóó tsinaa'eeł biyi'dę́ę́' hajííyáago kin haal'áádóó diné léi' níłch'i bida'iiníziinii biyi' hólǫ́ǫgo hadááh níyá, áko díí diné t'áá shiidą́ą'dii bi'éé' t'áágéedgo naagháá lá, hooghan doo yii' kééhat'į́į da lá, nidi tsé'áán góne' dajishcháa'go ákǫ́ǫ́ t'éí kééhat'į́į́ lá. 28Éí Jesus yiyiiłtsą́ągo, hadoolghaazhgo yiyaajį' nitsidinígo', áádóó yéego ádííniid, Haashą' shíléehgo ánít'į́, Jesus, Diyin God Aláahgo Ayóó'át'éii biYe' nílíinii? Nánooshkąąh, atíshóólééh lágo. 29Jó, níłch'i nichxǫ́'íii t'áá íídą́ą́' ábizhdííniid, Diné bii'dę́ę́' haninááh. Háálá t'áá ahą́ą́h bik'i néilwo' lá, áko baa áháyą́ągo béésh da'ahólzha'í bee béé'átł'óóh áádóó akétsíín niná'niłí bąąh niná'nił, nidi béésh da'ahólzha'ígíí niyiiníísh áádóó honoojíígóó níłch'i bi'iiníziinii anábiniyo' lá. 30Nít'éé' Jesus nabídíłkidgo ábíłní, Haashą' yinílyé? Áko ádííniid, Lą'í, háálá níłch'i bida'iiníziinii t'óó ahayóí hwii' hazlį́į́' lá. 31Áko nídahooskango, T'ááká a'áán doo nihoodzą́ą́ góne' oohjeeh nihidóóne' lágo.#8:31 Ayóó át'éego ánihwiit'aah beiníłką́ąjį' níłch'i bida'iiníziinii éí nahasdzáán biníi'di doo nihodzą́ą́ góne' biniyé awáalyaaí danilį́įgo shijée'go dajoodlą́ą́ nít'éé'. 32Nít'éé' ákwe'é dził binániigi bisóodi da'ałchozhgo lą'í naakai, áko níłch'i bida'iiníziinii nídahookąąhgo ádaaní, Bisóodi biih diijahgo bee niha'di'ní'aah. Áko bazh'di'ní'ą́, 33áko níłch'i bida'iiníziinii diné yii'dę́ę́' hahaazhjée'go bisóodi yiih heezhjéé', áko éí bisóodi bidah ch'ééjée'go be'ek'id yiih heezhjéé', áko tó bííghą́ą́'.
34Nít'éé' bisóodi baa ádahojilyánígíí áhoodzaaígíí dajiiłtsą́ągo dashdiijée'go kin haal'áagi índa binaagóó baa dahojoolne'. 35Áko díí áhóót'įįdígíí nihił béédahodoozįįł danízingo Jesus yaa haazhjée'go diné biyi'dę́ę́' níłch'i bida'iiníziinii hahaazhjé'ígíí bi'éé' hólǫ́ǫgo índa bintsíkees yá'át'éehgo Jesus yíighahgi sidáago bik'íjíkai, áko t'áá ádzíłtso béédadzisdzííd. 36Áádóó dabíínáłígíí éí níłch'i bida'iiníziinii bii' hólǫ́ǫ́ nít'éé' yę́ę hadaałt'é násdlį́'ígíí yee ahił dahoolne'. 37Áko éí haz'ą́ądi áádóó binaagóó Gádara dine'é bikéyahdi diné kéédahat'íinii t'áá ałtso nídahookąąhgo ádaaní, Nílááh nówehdi naniná, háálá t'áá íiyisí nídaasdzííd, áko tsinaa'eeł biih jííyáago hoł dah ní'dii'éél. 38Nidi diné biyi'dę́ę́' níłch'i bida'iiníziinii hahaazhjé'ígíí náhookąąhgo áháłní, Nił honishłǫ́ǫ doo, nidi dahodiił'a'go áháłní, 39Nílááh, nighangóó nídídááh, áádóó ayóó ádaat'éii Diyin God ná yaa naayáhígíí baa hodíílnih. Áko dashdiiyáago kin haal'áágóó t'áá át'éé nít'éé' ayóó ádaat'éii Jesus há yaa naayáhígíí baa nahojilne'go tázhdííyá.
Jéí'iras bitsi' áádóó asdzání Jesus bi'éé' yideelchidii
(Mt. 9:18-26; Mk. 5:21-43)
40Áko Jesus nádzáago diné t'óó ahayóí áłah nilínígíí haa bił dahóózhǫǫd, háálá t'áá ałtso haba' naháaztą́ą́ nít'éé'. 41Áko diné ła' Jéí'iras joolyéhígíí, áłah ná'ádleehgo á dah názhnídaahígíí Jesus baazhníyáago bich'į' nitsizhdinígo'go níjookąąhgo ábijiní, Shighangóó díínááł. 42Háálá hatsi' t'ááłá'íígíí naakits'áadah binááhaigo bi'niitsą́.
Jesus dashdiiyáago diné t'óó ahayóí hoł dinííyił. 43Áko asdzání ła' dił bigháńdiniiltałgo naakits'áadah nááhai lá éí yee hináanii ałtso bik'é azee' bąąh ályaa lá nidi, doo ła'da náábidoołááł át'ée da, 44éí asdzání hane'dę́ę́' niníyáago ha'éé' bijánil yideelchid; t'áá áko dił bighánílínígíí ásdįįd. 45Áko Jesus ájíní, Háishą' shideelchid? Áko t'áá ałtso, Doo nidinishchid da, dadííniidgo, Peter índa hoł naakaígíí ádaaní, Bóhólníihii, jó, diné ninás'áago daniłjizh. 46Nidi Jesus ájíní, Ła' shizhdeelchid, háálá bee adziilii shits'áhoníle'go baa ákoniizį́į́'. 47Áko éí asdzání doo na'ádízhnóół'į́į́' át'éégóó hoł bééhoozingo, hatah hoditłidgo Jesus baazhníyá, áko biyaajį' nitsizhdinígo'go diné t'áá ałtso dabinááł biniinaa bizhdeelchidígíí, áádóó t'áá áko nááho'diilzáhígíí bee bił hojoolne'. 48Áádóó asdzání ábizhdííniid, Shitsi', ne'oodlą' bee doo ánít'éhí da násínídlį́į́'; nił hózhǫ́ǫgo náádááł.
49Áko Jesus t'ah yáłti'go, áłah ná'ádleehgo á dah názhnídaahígíí haghandę́ę́' diné ła' níyáago áháłní, Nitsi' daaztsą́; Na'nitiní éí t'áadoo kót'é náábidi'níní. 50Nidi Jesus díidíígíí yidiizts'ą́ą'go áhodííniid, T'áadoo nił yé'í; t'óó iinídlą́ągo shaa dzíínílí, áko náábidi'doodlááł. 51Áádóó Jéí'iras bighandi jiníyáago, diné náánáła' doo bił yah azhdookahgóó bee hojiił'a', t'áá hazhó'ó Peter áádóó James áádóó John índa at'ééd bizhé'é áádóó bimá t'éiyá. 52Áko t'áá ałtso at'ééd éí yaa ák'idadiit'aahgo daacha, nidi ábizhdííniid, T'áadoo daahchaí, háálá at'ééd doo daaztsą́ą da, nidi t'óó ałhosh. 53Áko daaztsą́ągo bił béédahózingo t'óó haa daadloh. 54Nidi bíla' jiiłtsoodgo hadzoodzíi'go ájíní, At'ééd, nídiidááh. 55Áko bii' sizíinii biih náálwodgo t'áá áko nídii'na', áádóó ba'nołtsóód bizhdííniid. 56Áko ashchíinii t'óó bił ahayóí, nidi ábizhdííniid, Áhóót'įįdígíí t'ááká diné ła' bił hoołne' lágo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).