MARK 13
13
Kin bii' sohodizin ádooldįįłígíí t'áá bítséedi baa hojoolne'
(Mt. 24:1,2; Lk. 21:5,6)
1Áko Jesus bídahooł'aahii yił kin bii' sohodizin bił haz'ą́ą́dóó ch'íjíkáahgo hódahooł'aahii ła' áháłní, Shoo, Na'nitiní, dooládó' tséda, áádóó dooládó' daakinda! 2Áko Jesus áhodííniid, Díí kin ayóó ádaat'éhígíísh yíní'į́? Kwe'é tsé doo ła' t'áá ałk'i dah si'ą́ą da dooleeł, nidi t'áá ałtso naa'ahidoolkał.
Ach'į' nahwii'náa dooleełígíí alą́ąjį' baa hojoolne'
(Mt. 24:3-14; Lk. 21:7-19)
3Nít'éé' Dził Álivz binániidi kin bii' sohodizin binaashiijí dzineezdáago, Peter áádóó James áádóó John índa Andrew t'áá sáhí nidahódééłkidgo ádaaní, 4Baa ch'íhwííní'ánígíishą' hahgo ákódadoonííł bee nihił hólne', áádóó díidí ádahodooníłígíishą' k'adę́ę t'áá ałtso ádaanéehgo ha'át'íí bee bééhózin dooleeł? 5Áko Jesus hach'į' ayá'niiłti'go ání, Ádaa ádahołyą́, áko diné doo ła' yóó'adanihidínóo'ah da. 6Lą'í shízhi' yee ádadójíigo nidahidookah, Shí Christ ásht'į́! daaníigo, áko lą'í yóó'adeidínóo'ah. 7Áko da'anaa' índa anaa' baa dahane'go dadoohts'a'go t'áadoo nitsidaahkaaí, háálá díidí ts'ídá ádahodoonííł, nidi t'ah doo nihoogháah da doo. 8Háálá ał'ąą dine'é ałch'į' nídahidiibáah doo, áádóó łahgo nihokáá' bee bóhólníihgo bił haz'áanii índa náánáła' nihokáá' bee bínááhólníihgo bił nááhást'áanii yił ałch'į' nídahidiibáah dooleeł, índa łahgóó ni' nídahidi'náah doo, áádóó dahodichin índa ach'į' nidahwii'náa doo; díidíígíí ti'hoo'nííh bee dadeezt'i'ii ádaat'é.
9Nidi nihí ádaa ádahołyą́, háálá aa nídahat'į́įjį' adanihidiyoo'ish, áádóó kin bii' áłah nída'adleehí biyi'góó nídanihiniłhał doo; shiniinaa naat'áanii índa aláahgo naat'áanii naazdáágóó bidááhdę́ę́' nisoozį́įgo shá nidahołne' doo. 10Áádóó ał'ąą dine'é t'áá ałtso hane' yá'át'éehii áłtsé ts'ídá bee bił dahodoonih. 11Áádóó aa nídahat'į́įjį' adanihidiyoo'ishgo, t'áá bítséedi ha'át'íhída dadidoohniiłígíí t'áadoo biniinaa ádił nídahodołchiłí; áajį' ahoolzhiizhgo índa t'áá nihiih yilyáhígíí éí bee hadoohdzih, háálá nihí doo hadoohdzih da, nidi Níłch'i Diyinii éí hanihidiyoołdzih.#Mt. 10:17-20; Lk. 12:11,12. 12Áádóó ashiiké t'áá ła' hajíí'áazhgo ła' bidi'yoolyéełjį' niná'ahididoot'ááł, áádóó azhé'é nilíinii ba'áłchíní ninéididoo'ááł, índa áłchíní bishchíinii yidááhdę́ę́' nídahidiikáahgo nahodi'dootsiłjį' ninádahodii'aah dooleeł; 13shízhi' biniinaa diné t'áá ałtso nihik'ee dadiniih doo. Nidi t'áá háiida t'áá nihoníyáajį' ha'ólníhígíí éí yisdádooltééł.#Mt. 10:22.
Ayóó át'éego ach'į' nahwii'náa doo
(Mt. 24:15-28; Lk. 21:20-24)
14Nidi (díí t'áá jółta'ígíí háni' bik'izh'diitįįh) doo yildingóó ni'iiłchxǫǫhii#Dan. 9:27; 11:31; 12:11. [éí Daniel, Diyin God yá halne'ii, yaa ch'íhoní'ánígíí] doo sizį́į da dooleeł yę́ęgi sizį́įgo daołtsą́ągo, áyąądą́ą́' Judíyagi kéédahat'íinii bíni'dii dziłjį' choda'iidooł'įįł, 15áko ła'da bikin bighą́ą'di naagháago wóne'dę́ę́' t'áadoo le'é ch'íidoolééł biniyé doo yah anídoolwoł da, 16áádóó ła'da dá'ák'ehgi naagháago bi'éétsoh t'ááká t'ą́ą́' yaa náolyeed lágo.#Lk. 17:31. 17Áko éí beiníłką́ągo dadzooltsánígíí índa awéé' dahałt'o'ígíí doo hasht'e'ígóó doo há hojooba' haz'ą́ą da doo! 18Áko éí haigo doo áhodooníił daígíí bíká sodadołzin. 19Háálá éí beiníłką́ągo Diyin God t'áá ałtsoní áyiilaadóó wóshdę́ę́' díí jį́įjį' ach'į' nahwii'ná ákót'éii t'ah doo yiiltséeh da yę́ę, k'ad índa,#Dan. 12:1; Rev. 7:14. áádóó ts'ídá doo ákónáádoo'níił da. 20Áko Bóhólníihii éí yoołkáłígíí doo áłts'ísí ánáyiidlaagóogo nihokáá' dine'é doo ła' doodzih da, nidi atah yiyiizláa'ii, t'áá bí yitayiizlá'ígíí biniinaa éí yoołkáłígíí áłts'ísí ánáyiidlaa. 21Áádóó diné ła'da, Shoo, kǫ́ǫ́ Christ naaghá, éí doodaléi', Shoo, níláhjí naaghá, danihiłníigo t'áadoo deinohdlání. 22Háálá Christ ádahodil'íinii índa t'óó ádahodil'į́įgo dahalne'ii dahodooleełgo álílee k'ehgo bee éédahózinii índa bik'ee t'óó ił ahayóigo ádahooníiłii ádeił'į́į doo, áko yídaneel'ą́ą́ ládą́ą́' Diyin God atah yiyiizlá'ígíí nidi yóó'adeidínóo'ah. 23Nidi ádaa ádahołyą́, jó'akon, díí t'áá ałtso t'ah doo ádahanééhdą́ą́' bee nihił hashne'.
Diné Silį́į'ii nídoodáłígíí
(Mt. 24:29-31; Lk. 21:25-28)
24Nidi éí yoołkáłígíí biyi' ach'į' nahwii'ná bighá yooską́ą́dóó bik'ijį' jį́honaa'éí bił chahodoołhił,#Is. 13:10; Joel 2:10,31; 3:15; Rev. 6:12. áádóó ooljéé' doo adiníłdíin da dooleeł,#Is. 13:10; Ezek. 32:7; Joel 2:10; 3:15. 25índa yádiłhił biyi'dę́ę́' sǫ' nidahindéeh doo,#Is. 34:4; Joel 2:10; Rev. 6:13. índa yót'ááh hiníláii biyi'di bee dahółdzilígíí dadoogał.#Joel 2:10. 26Ákohgo índa Diné Silį́į'ii k'os bił yildohgo#Dan. 7:13; Rev. 1:7. áádóó bee adziil ayóó át'éii índa ats'ádi'nílííd yił yigáałgo deizdoołtsééł. 27Áadi índa bidiyingo nidaal'a'í iidiyooł'aałgo t'áá dį́į́'góó ni' nidanees'ą́ą́dę́ę́' índa yá nidanees'ą́ą́dę́ę́' atah yiyiizláa'ii áłah ádeidoolííł.
Fig sikaadii néitsóhígíí binahjį' na'nitin
(Mt. 24:32-35; Lk. 21:29-33)
28Fig sikaadii binahjį' hane' bee ak'idi'dootį́įłii nihił béédahoozįįh: jó, éí bits'áoz'a' dit'ódí yileeh áádóó índa bit'ąą' néitsóohgo, k'adę́ę ch'ínáshį́įhgo nihił béédahózin łeh. 29Díidíígíí bidahoolníiłgo danół'į́įgo Diné Silį́į'ii k'ad t'áá áyídídę́ę́' nihich'éédą́ą'jį' nidi, bił ahoolzhiizh lá danohsingo nihił béédahózin doo. 30T'áá aaníígóó ánihidishní, Díí oochíłígíí doo bił yóó'ahodoogáał da, díidí t'áá ałtso ádaadzaago índa. 31Yádiłhił índa nahasdzáán bił yóó'ahodoogááł, nidi shizaad t'éiyá doo bił yóó'ahodoogáał da.
Ákwii yoołkáłígíí índa oolkiłígíí diné ła'da doo hoł bééhózin da
(Mt. 24:36-44)
32Nidi ákwii yoołkáłígíí índa oolkiłígíí diné ła'da doo hoł bééhózin da, yá'ąąshdi diyingo nidaal'a'í nidi dooda, aYe' nidi dooda, nidi aTaa' t'éiyá bił bééhózin.#Mt. 24:36. 33Nihoolzhíísh doo nihił béédahózin daígíí bąą ádaa ádahołyą́, hada'ísídół'į́į́' áádóó sodadołzin. 34Diné Silį́į'ii éí díigi át'é: diné ła' haghan bits'ą́ą́' náánáła' kéyahgóó dashdiiyáago há nidaal'a'í t'ááłá'í nítínígo, Díí ninaanish dooleeł, dabizhdííniidgo hook'ee nizhnínil, áádóó ch'é'étiin yaa áhályáanii, Hazhó'ó ha'ísííd, bizhdííniid.#Lk. 12:36-38. 35Éí bąą hada'ísídół'į́į́', háálá éí kin bee bóhólníihii nídoodááł bijínígíí doo nihił béédahózin da, i'íí'ą́ągo daats'í, tł'é'ííłníi'go daats'í, naa'ahóóhai biką'í ádííniidgo daats'í, abínígo daats'í nídoodááł. 36Doo hada'ísídół'į́į́'góó t'áadoo hooyání nídoodáałgo, da'ołhoshgo nihik'ídoogááł. 37Áko díí ánihidishnínígíí éí t'áá ádzíłtso áhodishní, Hada'ísídół'į́į́'.
Currently Selected:
MARK 13: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
MARK 13
13
Kin bii' sohodizin ádooldįįłígíí t'áá bítséedi baa hojoolne'
(Mt. 24:1,2; Lk. 21:5,6)
1Áko Jesus bídahooł'aahii yił kin bii' sohodizin bił haz'ą́ą́dóó ch'íjíkáahgo hódahooł'aahii ła' áháłní, Shoo, Na'nitiní, dooládó' tséda, áádóó dooládó' daakinda! 2Áko Jesus áhodííniid, Díí kin ayóó ádaat'éhígíísh yíní'į́? Kwe'é tsé doo ła' t'áá ałk'i dah si'ą́ą da dooleeł, nidi t'áá ałtso naa'ahidoolkał.
Ach'į' nahwii'náa dooleełígíí alą́ąjį' baa hojoolne'
(Mt. 24:3-14; Lk. 21:7-19)
3Nít'éé' Dził Álivz binániidi kin bii' sohodizin binaashiijí dzineezdáago, Peter áádóó James áádóó John índa Andrew t'áá sáhí nidahódééłkidgo ádaaní, 4Baa ch'íhwííní'ánígíishą' hahgo ákódadoonííł bee nihił hólne', áádóó díidí ádahodooníłígíishą' k'adę́ę t'áá ałtso ádaanéehgo ha'át'íí bee bééhózin dooleeł? 5Áko Jesus hach'į' ayá'niiłti'go ání, Ádaa ádahołyą́, áko diné doo ła' yóó'adanihidínóo'ah da. 6Lą'í shízhi' yee ádadójíigo nidahidookah, Shí Christ ásht'į́! daaníigo, áko lą'í yóó'adeidínóo'ah. 7Áko da'anaa' índa anaa' baa dahane'go dadoohts'a'go t'áadoo nitsidaahkaaí, háálá díidí ts'ídá ádahodoonííł, nidi t'ah doo nihoogháah da doo. 8Háálá ał'ąą dine'é ałch'į' nídahidiibáah doo, áádóó łahgo nihokáá' bee bóhólníihgo bił haz'áanii índa náánáła' nihokáá' bee bínááhólníihgo bił nááhást'áanii yił ałch'į' nídahidiibáah dooleeł, índa łahgóó ni' nídahidi'náah doo, áádóó dahodichin índa ach'į' nidahwii'náa doo; díidíígíí ti'hoo'nííh bee dadeezt'i'ii ádaat'é.
9Nidi nihí ádaa ádahołyą́, háálá aa nídahat'į́įjį' adanihidiyoo'ish, áádóó kin bii' áłah nída'adleehí biyi'góó nídanihiniłhał doo; shiniinaa naat'áanii índa aláahgo naat'áanii naazdáágóó bidááhdę́ę́' nisoozį́įgo shá nidahołne' doo. 10Áádóó ał'ąą dine'é t'áá ałtso hane' yá'át'éehii áłtsé ts'ídá bee bił dahodoonih. 11Áádóó aa nídahat'į́įjį' adanihidiyoo'ishgo, t'áá bítséedi ha'át'íhída dadidoohniiłígíí t'áadoo biniinaa ádił nídahodołchiłí; áajį' ahoolzhiizhgo índa t'áá nihiih yilyáhígíí éí bee hadoohdzih, háálá nihí doo hadoohdzih da, nidi Níłch'i Diyinii éí hanihidiyoołdzih.#Mt. 10:17-20; Lk. 12:11,12. 12Áádóó ashiiké t'áá ła' hajíí'áazhgo ła' bidi'yoolyéełjį' niná'ahididoot'ááł, áádóó azhé'é nilíinii ba'áłchíní ninéididoo'ááł, índa áłchíní bishchíinii yidááhdę́ę́' nídahidiikáahgo nahodi'dootsiłjį' ninádahodii'aah dooleeł; 13shízhi' biniinaa diné t'áá ałtso nihik'ee dadiniih doo. Nidi t'áá háiida t'áá nihoníyáajį' ha'ólníhígíí éí yisdádooltééł.#Mt. 10:22.
Ayóó át'éego ach'į' nahwii'náa doo
(Mt. 24:15-28; Lk. 21:20-24)
14Nidi (díí t'áá jółta'ígíí háni' bik'izh'diitįįh) doo yildingóó ni'iiłchxǫǫhii#Dan. 9:27; 11:31; 12:11. [éí Daniel, Diyin God yá halne'ii, yaa ch'íhoní'ánígíí] doo sizį́į da dooleeł yę́ęgi sizį́įgo daołtsą́ągo, áyąądą́ą́' Judíyagi kéédahat'íinii bíni'dii dziłjį' choda'iidooł'įįł, 15áko ła'da bikin bighą́ą'di naagháago wóne'dę́ę́' t'áadoo le'é ch'íidoolééł biniyé doo yah anídoolwoł da, 16áádóó ła'da dá'ák'ehgi naagháago bi'éétsoh t'ááká t'ą́ą́' yaa náolyeed lágo.#Lk. 17:31. 17Áko éí beiníłką́ągo dadzooltsánígíí índa awéé' dahałt'o'ígíí doo hasht'e'ígóó doo há hojooba' haz'ą́ą da doo! 18Áko éí haigo doo áhodooníił daígíí bíká sodadołzin. 19Háálá éí beiníłką́ągo Diyin God t'áá ałtsoní áyiilaadóó wóshdę́ę́' díí jį́įjį' ach'į' nahwii'ná ákót'éii t'ah doo yiiltséeh da yę́ę, k'ad índa,#Dan. 12:1; Rev. 7:14. áádóó ts'ídá doo ákónáádoo'níił da. 20Áko Bóhólníihii éí yoołkáłígíí doo áłts'ísí ánáyiidlaagóogo nihokáá' dine'é doo ła' doodzih da, nidi atah yiyiizláa'ii, t'áá bí yitayiizlá'ígíí biniinaa éí yoołkáłígíí áłts'ísí ánáyiidlaa. 21Áádóó diné ła'da, Shoo, kǫ́ǫ́ Christ naaghá, éí doodaléi', Shoo, níláhjí naaghá, danihiłníigo t'áadoo deinohdlání. 22Háálá Christ ádahodil'íinii índa t'óó ádahodil'į́įgo dahalne'ii dahodooleełgo álílee k'ehgo bee éédahózinii índa bik'ee t'óó ił ahayóigo ádahooníiłii ádeił'į́į doo, áko yídaneel'ą́ą́ ládą́ą́' Diyin God atah yiyiizlá'ígíí nidi yóó'adeidínóo'ah. 23Nidi ádaa ádahołyą́, jó'akon, díí t'áá ałtso t'ah doo ádahanééhdą́ą́' bee nihił hashne'.
Diné Silį́į'ii nídoodáłígíí
(Mt. 24:29-31; Lk. 21:25-28)
24Nidi éí yoołkáłígíí biyi' ach'į' nahwii'ná bighá yooską́ą́dóó bik'ijį' jį́honaa'éí bił chahodoołhił,#Is. 13:10; Joel 2:10,31; 3:15; Rev. 6:12. áádóó ooljéé' doo adiníłdíin da dooleeł,#Is. 13:10; Ezek. 32:7; Joel 2:10; 3:15. 25índa yádiłhił biyi'dę́ę́' sǫ' nidahindéeh doo,#Is. 34:4; Joel 2:10; Rev. 6:13. índa yót'ááh hiníláii biyi'di bee dahółdzilígíí dadoogał.#Joel 2:10. 26Ákohgo índa Diné Silį́į'ii k'os bił yildohgo#Dan. 7:13; Rev. 1:7. áádóó bee adziil ayóó át'éii índa ats'ádi'nílííd yił yigáałgo deizdoołtsééł. 27Áadi índa bidiyingo nidaal'a'í iidiyooł'aałgo t'áá dį́į́'góó ni' nidanees'ą́ą́dę́ę́' índa yá nidanees'ą́ą́dę́ę́' atah yiyiizláa'ii áłah ádeidoolííł.
Fig sikaadii néitsóhígíí binahjį' na'nitin
(Mt. 24:32-35; Lk. 21:29-33)
28Fig sikaadii binahjį' hane' bee ak'idi'dootį́įłii nihił béédahoozįįh: jó, éí bits'áoz'a' dit'ódí yileeh áádóó índa bit'ąą' néitsóohgo, k'adę́ę ch'ínáshį́įhgo nihił béédahózin łeh. 29Díidíígíí bidahoolníiłgo danół'į́įgo Diné Silį́į'ii k'ad t'áá áyídídę́ę́' nihich'éédą́ą'jį' nidi, bił ahoolzhiizh lá danohsingo nihił béédahózin doo. 30T'áá aaníígóó ánihidishní, Díí oochíłígíí doo bił yóó'ahodoogáał da, díidí t'áá ałtso ádaadzaago índa. 31Yádiłhił índa nahasdzáán bił yóó'ahodoogááł, nidi shizaad t'éiyá doo bił yóó'ahodoogáał da.
Ákwii yoołkáłígíí índa oolkiłígíí diné ła'da doo hoł bééhózin da
(Mt. 24:36-44)
32Nidi ákwii yoołkáłígíí índa oolkiłígíí diné ła'da doo hoł bééhózin da, yá'ąąshdi diyingo nidaal'a'í nidi dooda, aYe' nidi dooda, nidi aTaa' t'éiyá bił bééhózin.#Mt. 24:36. 33Nihoolzhíísh doo nihił béédahózin daígíí bąą ádaa ádahołyą́, hada'ísídół'į́į́' áádóó sodadołzin. 34Diné Silį́į'ii éí díigi át'é: diné ła' haghan bits'ą́ą́' náánáła' kéyahgóó dashdiiyáago há nidaal'a'í t'ááłá'í nítínígo, Díí ninaanish dooleeł, dabizhdííniidgo hook'ee nizhnínil, áádóó ch'é'étiin yaa áhályáanii, Hazhó'ó ha'ísííd, bizhdííniid.#Lk. 12:36-38. 35Éí bąą hada'ísídół'į́į́', háálá éí kin bee bóhólníihii nídoodááł bijínígíí doo nihił béédahózin da, i'íí'ą́ągo daats'í, tł'é'ííłníi'go daats'í, naa'ahóóhai biką'í ádííniidgo daats'í, abínígo daats'í nídoodááł. 36Doo hada'ísídół'į́į́'góó t'áadoo hooyání nídoodáałgo, da'ołhoshgo nihik'ídoogááł. 37Áko díí ánihidishnínígíí éí t'áá ádzíłtso áhodishní, Hada'ísídół'į́į́'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).