Luk 17
17
Laxakapmek
(Mt 18:6-7, 21-22; Mk 9:42)
1Iesu ga lok ti luvuttadi loklok ka anasa ren keretna, “Leveloklok tong pen mo naba vot ti lox asubu limixin ti laxakapmek; ketla naba lok kapmek tinotno ri tara do na lox i na leveloklok. 2I epovo do diba sevut li tangsangan tavatkinem to at laxaka ren la diba dong asi i uto xopok at laras; lavanga na lok tara at laxamdak kakalik dina beles at laxakapmek la na suma lebelemamao at ne Moroa. 3At nai mina lok tatao avukat nemi!
Mo do netam na lok laxakapmek, una vaase sox i, la mo do neni na leeng, una domampe mo laxakapmek teren. 4La mo do neni na lok tavanuti teveng kakapmek keneng at leges aleng tu, la na vosiga amisix u la na lok, ‘A leeng basinge laxakapmek tarak’, una domampe laxakapmek teren.”
Lunuunu I Xakalik Ngan Liit Mastet
5Luvuttadi vavang diga lok ti Leeme Silok keretna, “Una lox asilok lunuunu atnama.”
6La Leeme Silok ga vorang i ridi xeretna, “Mo do mina ruuna lunuunu i xakalik ngan liit at lamastet, mi epovo xusu mina tong i ri na luuna do, ‘Una remsup eburu mi levenixe ram la una tu tou at laras!’ La ni ba ronga res atnimi.”
Lugugu At Lasaxaruki
7La ne Iesu ga lok bok tidi xeretna, “Mo dola tara atnimi i ruuna lasaxaruki i gugu to xataamang kopla ik lok tatao laxasipsip la do neni namlong boro xataamang, kereva uba tong i rin do, ‘Soso ude la una anan?’ 8Kopmen tinotno! Ketla uba tong i rin do, ‘Una lox agagas li leveluxa rak, la una siga loxontamon avukat taram la una ngangais ia ana anan la ana inin. Melemu ba una anan la una inin. 9Kereva, nom laradi ba tong loklox avukat bok ti lasaxaruki mila neni ga lox epovo lai laradi gomgo ga tong i rin? Kopmen tinotno. 10Nemi bok kuren; mo do mira lok pam lempanga nenia a tong i rinimi, i epovo do mina lok, ‘Nema lavasaxaruki gamasa mene; ma lok pam leven gugu atnama.”
Iesu Ga Lox Aroo Lasangaun Luvuttadi Mekmeres
11At lavatpas teren to Jerusalem, Iesu gat pas at lapdopdo xantubu at lunep Samaria la Galili. 12Neni gat pas uto at lara lemenemen la neni ga ekip tangarang mi lasangaun luvuttadi, lanmeres gu ga nemen atdi. Diga ru ro vaxalom, 13la diga xup keretna, “Iesu, Leeme Silok! Una balamu nama!”
14Iesu ga ven di la ga lok tidi, “Minat pas la mina lox ase labantuxu atnimi ro at lavamaasa.”
Diga vas kaxat la to at langas nedi axap diga lox avukat.
15Se lara atdi ga ven i do ga lox avukat, gamlong, la gap kup silok mi leemi asu mi ne Moroa. 16Neni ga xis tiktikbu mi luvatgulom teren saparap luxangkedek at ne Iesu, la ga tong aorong tin. Mo laradi neni boro Samaria.
17La ne Iesu ga sue i xeretna, “Lasangaun nedi luvuttadi diga lox avukat, lavasik bok ua? 18Tila ba la na laradi boro Samaria, neni xusuk mun legesara imlong kusu na tong loklox avukat ti ne Moroa?” 19La ne Iesu ga lok bok tin, “Katu kaxat la una onon; lunuunu ram ira lox avukat pam u.”
Lovotpot At Linintoo
(Mt 24:23-28, 37-41)
20At lara laaleng lentaba lubung Parisi diga sue ne Iesu do at laaleng salai Linintoo at ne Moroa naba vot. La ne Iesu ga vorang i ridi xeretna, “Linintoo at ne Moroa kopmen na vot mi toloklok katling kusu miba ven i, 21kopla tara noxo lok tinimi do, ‘Mina ven ba i, ana nga i!’ kopla na tong i do, ‘Ano nga i!’ mila Linintoo at ne Moroa i nemen keneng at lebelen limixin.”
22La ne Iesu ga lok ti luvuttadi loklok ka anasa ren keretna, “Laaleng naba vot la miba vara i do mina ven manga ia, Laradi Mevana; ketla mi noxo ven ia. 23La lentaba diba lok tinimi, ‘Mina ven ba i no!’ Kopla, ‘Mina ven i nade!’ Ketla nemen mita vas su xusu mina ven tia, 24mila lovotpot tarak naba lok petpes; lavanga na mam la na so gamgames to vana at lamavangkap la na so xat boro at tenep la uto at tara tenep; la maba lok mun kuren ti Laradi Mevana ap mo laaleng teren. 25Ketla avot be nenia anaba xip losongsongot aleng la limixin at nai levenaleng diba sok tixirixes aleng ia.
26Loklok at limixin ba lok ngan gano at levenaleng at ne Noa, la naba lok bok kuren at laaleng at lovotpot tarak. 27Limixin axap diga anan la diga inin, la lavatlok la lavakin diga epot, se at nom laaleng ne Noa ga beles ti lavattaaxup la laran ga vot la ga sev amet nedi axap.
28Ga lok ngan bok levenaleng at ne Lot. Limixin axap diga anan la diga inin, diga unun panga la diga sesep bok mi lempanga, digatlotlo taamang la digak paxaru laraugu. 29At nom laaleng ne Lot ga on basinge lemenemen Sodom, laxao silok ga vot boro vana at laxalibet la ga sev amet nedi axap.
30Naba lok mun kuren at nom laaleng, nenia, Laradi Mevana, ana ru asuvos. 31Ap mo laaleng laradi do na nemen to mavana at langkut at loogu ren, neni noxo vubeles bok ba ro at loogu ren kusu na lok kaka lempanga ren mo i nemen go; kuren mun do laradi nak lok to xataamang, neni noxomlong uto at loogu ren. 32Mina doxoma latkin at ne Lot! 33Do nege i lok do na ranga alis lorooro ren, neni naba sang apkav i; la do nege na soxepe lorooro ren, neni naba ranga alis i. 34A tong i rinimi do, ap mo laxanimin tegepura dubak midi at teges ora; lubung angelo diba lok ka tara, la tegesara naba nemen alu. 35Tegeputkin duba sep povovorok levempeven piao; lubung angelo diba lok ka lara la tara naba nemen alu. 36[Tegepu radi duba gugu to xataamang; lubung angelo diba lok ka legesara, la tara naba nemen alu.”]
37La luvuttadi loklok ka anasa diga sue i, “Leeme Silok, na lempanga ba ravasu ua?”
La ne Iesu ga vorang i ridi xeretna, “Ap mo loxot lempatmaalom diba vot buru e, kusu dina anan labantuxu at laradi ga met.”
Currently Selected:
Luk 17: mmx
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Luk 17
17
Laxakapmek
(Mt 18:6-7, 21-22; Mk 9:42)
1Iesu ga lok ti luvuttadi loklok ka anasa ren keretna, “Leveloklok tong pen mo naba vot ti lox asubu limixin ti laxakapmek; ketla naba lok kapmek tinotno ri tara do na lox i na leveloklok. 2I epovo do diba sevut li tangsangan tavatkinem to at laxaka ren la diba dong asi i uto xopok at laras; lavanga na lok tara at laxamdak kakalik dina beles at laxakapmek la na suma lebelemamao at ne Moroa. 3At nai mina lok tatao avukat nemi!
Mo do netam na lok laxakapmek, una vaase sox i, la mo do neni na leeng, una domampe mo laxakapmek teren. 4La mo do neni na lok tavanuti teveng kakapmek keneng at leges aleng tu, la na vosiga amisix u la na lok, ‘A leeng basinge laxakapmek tarak’, una domampe laxakapmek teren.”
Lunuunu I Xakalik Ngan Liit Mastet
5Luvuttadi vavang diga lok ti Leeme Silok keretna, “Una lox asilok lunuunu atnama.”
6La Leeme Silok ga vorang i ridi xeretna, “Mo do mina ruuna lunuunu i xakalik ngan liit at lamastet, mi epovo xusu mina tong i ri na luuna do, ‘Una remsup eburu mi levenixe ram la una tu tou at laras!’ La ni ba ronga res atnimi.”
Lugugu At Lasaxaruki
7La ne Iesu ga lok bok tidi xeretna, “Mo dola tara atnimi i ruuna lasaxaruki i gugu to xataamang kopla ik lok tatao laxasipsip la do neni namlong boro xataamang, kereva uba tong i rin do, ‘Soso ude la una anan?’ 8Kopmen tinotno! Ketla uba tong i rin do, ‘Una lox agagas li leveluxa rak, la una siga loxontamon avukat taram la una ngangais ia ana anan la ana inin. Melemu ba una anan la una inin. 9Kereva, nom laradi ba tong loklox avukat bok ti lasaxaruki mila neni ga lox epovo lai laradi gomgo ga tong i rin? Kopmen tinotno. 10Nemi bok kuren; mo do mira lok pam lempanga nenia a tong i rinimi, i epovo do mina lok, ‘Nema lavasaxaruki gamasa mene; ma lok pam leven gugu atnama.”
Iesu Ga Lox Aroo Lasangaun Luvuttadi Mekmeres
11At lavatpas teren to Jerusalem, Iesu gat pas at lapdopdo xantubu at lunep Samaria la Galili. 12Neni gat pas uto at lara lemenemen la neni ga ekip tangarang mi lasangaun luvuttadi, lanmeres gu ga nemen atdi. Diga ru ro vaxalom, 13la diga xup keretna, “Iesu, Leeme Silok! Una balamu nama!”
14Iesu ga ven di la ga lok tidi, “Minat pas la mina lox ase labantuxu atnimi ro at lavamaasa.”
Diga vas kaxat la to at langas nedi axap diga lox avukat.
15Se lara atdi ga ven i do ga lox avukat, gamlong, la gap kup silok mi leemi asu mi ne Moroa. 16Neni ga xis tiktikbu mi luvatgulom teren saparap luxangkedek at ne Iesu, la ga tong aorong tin. Mo laradi neni boro Samaria.
17La ne Iesu ga sue i xeretna, “Lasangaun nedi luvuttadi diga lox avukat, lavasik bok ua? 18Tila ba la na laradi boro Samaria, neni xusuk mun legesara imlong kusu na tong loklox avukat ti ne Moroa?” 19La ne Iesu ga lok bok tin, “Katu kaxat la una onon; lunuunu ram ira lox avukat pam u.”
Lovotpot At Linintoo
(Mt 24:23-28, 37-41)
20At lara laaleng lentaba lubung Parisi diga sue ne Iesu do at laaleng salai Linintoo at ne Moroa naba vot. La ne Iesu ga vorang i ridi xeretna, “Linintoo at ne Moroa kopmen na vot mi toloklok katling kusu miba ven i, 21kopla tara noxo lok tinimi do, ‘Mina ven ba i, ana nga i!’ kopla na tong i do, ‘Ano nga i!’ mila Linintoo at ne Moroa i nemen keneng at lebelen limixin.”
22La ne Iesu ga lok ti luvuttadi loklok ka anasa ren keretna, “Laaleng naba vot la miba vara i do mina ven manga ia, Laradi Mevana; ketla mi noxo ven ia. 23La lentaba diba lok tinimi, ‘Mina ven ba i no!’ Kopla, ‘Mina ven i nade!’ Ketla nemen mita vas su xusu mina ven tia, 24mila lovotpot tarak naba lok petpes; lavanga na mam la na so gamgames to vana at lamavangkap la na so xat boro at tenep la uto at tara tenep; la maba lok mun kuren ti Laradi Mevana ap mo laaleng teren. 25Ketla avot be nenia anaba xip losongsongot aleng la limixin at nai levenaleng diba sok tixirixes aleng ia.
26Loklok at limixin ba lok ngan gano at levenaleng at ne Noa, la naba lok bok kuren at laaleng at lovotpot tarak. 27Limixin axap diga anan la diga inin, la lavatlok la lavakin diga epot, se at nom laaleng ne Noa ga beles ti lavattaaxup la laran ga vot la ga sev amet nedi axap.
28Ga lok ngan bok levenaleng at ne Lot. Limixin axap diga anan la diga inin, diga unun panga la diga sesep bok mi lempanga, digatlotlo taamang la digak paxaru laraugu. 29At nom laaleng ne Lot ga on basinge lemenemen Sodom, laxao silok ga vot boro vana at laxalibet la ga sev amet nedi axap.
30Naba lok mun kuren at nom laaleng, nenia, Laradi Mevana, ana ru asuvos. 31Ap mo laaleng laradi do na nemen to mavana at langkut at loogu ren, neni noxo vubeles bok ba ro at loogu ren kusu na lok kaka lempanga ren mo i nemen go; kuren mun do laradi nak lok to xataamang, neni noxomlong uto at loogu ren. 32Mina doxoma latkin at ne Lot! 33Do nege i lok do na ranga alis lorooro ren, neni naba sang apkav i; la do nege na soxepe lorooro ren, neni naba ranga alis i. 34A tong i rinimi do, ap mo laxanimin tegepura dubak midi at teges ora; lubung angelo diba lok ka tara, la tegesara naba nemen alu. 35Tegeputkin duba sep povovorok levempeven piao; lubung angelo diba lok ka lara la tara naba nemen alu. 36[Tegepu radi duba gugu to xataamang; lubung angelo diba lok ka legesara, la tara naba nemen alu.”]
37La luvuttadi loklok ka anasa diga sue i, “Leeme Silok, na lempanga ba ravasu ua?”
La ne Iesu ga vorang i ridi xeretna, “Ap mo loxot lempatmaalom diba vot buru e, kusu dina anan labantuxu at laradi ga met.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.