Aepa Gemae 29
29
Yekopuʼmo Lepanitegamo uno avaʼyi huʼniya gemae
1Inagi Yekopuʼmo yegemo haine neʼeya haopalega vayaʼai mopaleʼmo uno avaʼyi huʼniye. 2Hutenoʼaeʼmo ageʼniyana mago ani keli kotu haneʼniya yateʼmo loleʼe magoʼe sipisipi anagaʼmo maiʼnageno apakeʼniye. Ani ani keli kotuʼmo avayaleʼmo alopa yafatetiʼmo aiʼa akani maleʼnageno ageʼniye. Muki afinaʼmo ani kotupatiʼmo ani he fiʼa sipisipi anagaʼmo apamiʼnae. 3Muki sipisipimo aliʼa anupa huʼa maiʼnageʼapaeʼmo sipisipileʼmo neʼyagaiya vayaʼmogimo ani keli kotuʼmo avayaletiʼmo yafaʼmo aliʼa heleve huʼa ataleʼneʼa ani he fiʼa sipisipi anagaʼmo apamiʼnae. Apamiteʼapaeʼmo halate yafaʼmo aliʼa ani keli kotuʼmo avayaleʼmo aiʼa akani maleteʼa huʼnae. 4Inagi Yekopuʼa hunoʼaeʼmo, Nao vayane, huno, Lapakaemo haiya kotega vayane, huno ge huno apafi geʼnigeʼapaeʼmo, Lagaemo Halani taonifi vayaʼmo maiʼnone, huʼa ha paiʼnae. 5Agaemo ge huno apafi geʼniye. Neho mafaʼnemo Lepaniʼmo ageʼnafiye, huno huʼnigeʼapaeʼmo, He, ageʼnone, huʼa huʼnae. 6Lepaniʼmo alagepa huno maiʼnifiye, huno ge huno apafi geʼnigeʼapaeʼmo, He, alagepa huno maiʼniye. Ago, huʼa, Lepani a mafaʼnemo Lesoʼmo sipisipi anagaʼamo apavalelino neʼe, huʼa ha paiʼnae. 7Inagi Yekopuʼa hunoʼaeʼmo, ageyo, huno, Afaʼa saufa kanamo haneʼniye. Sipisipi anagaʼmo noʼapifiʼmo alita anupa hutapa apatesaya kanamo osuʼniye. Ani he fitapa sipisipi anagaʼmo apamitetapa halate apavalelitapa vigeʼa uʼa kahaumo neyo, huno hapa paiʼniye. 8Haʼao, huʼa, muki sipisipi anagaʼmo alita anupa huta apateʼnisunageʼa ani keli kotuʼmo avayaleti yafaʼmo aliʼa heleve huʼa ataleʼnisageta sipisipi anagatimo ani he fita apamigune, huʼa ha paiʼnae.
9Yekopuʼa apakaeʼeʼmo gege nehigenoʼaeʼmo Lesoʼa afoʼamo sipisipi anagaʼmo apavalelino eʼniye. Agaemo sipisipiʼaiteʼmo neʼyagaiya a mafaʼnemo maiʼniyaʼmofeʼmae. 10Yekopuʼa ageyana itaʼamo asaʼamo Lepani a mafaʼnemo Lesoʼmo sipisipi anagaʼamo apavalelino eʼnigeno agetenoʼaeʼmo uno ani keli kotuʼmo avayaletiʼmo yafaʼmo alino heleve huno ataleʼneno aniʼmo he fino itaʼamo asaʼamo Lepani sipisipi anagaʼmo apamiʼnigeʼa neʼnae. 11Yekopuʼa Lesoʼmo uno haeno neʼneno lusi kava huno alopa gefatiʼmo aviʼyaʼmo huʼniye. 12Yekopuʼa Lesofeʼmo, nagaemo afokamo asaʼamo Lipeka mafaʼnemo maiʼnove, huno ha paiʼnigenoʼaeʼmo Lesoʼa nagu nagu huno uno afoʼamofeʼmo ha paiʼniye.
13Lepaniʼa ani asaʼamo mafaʼnemo Yekopu huʼniya kavafeʼmo ava gemo afitenoʼaeʼmo nagu nagu huno uno Yekopuʼmo anu kiteno haeno neteno noʼalegamo avalelino eʼniye. Yekopuʼa muki agaetegamo afole aiʼniya kavafeʼmo ava ge huno ha paiʼniye. 14#2 Sam 5:1Lepaniʼa ha painoʼaeʼmo, Alagi lama ge huve, kagaeʼe nagaeʼeʼmo magoke kolaʼmo maiʼnoʼae. Nagae nagufaʼe nayamufaʼeʼmo maiʼnane, huno ha paitegeno Yekopuʼa agaeʼeʼmo magoke kai agufa afinaʼmo maiʼniye.
Yekopuʼmo Lepani aliʼyaʼmo aliʼniya gemae
15Lepaniʼa Yekopufeʼmo hunoʼaeʼmo, nagaepatiʼmo kagaemo maiʼnanaʼmofeʼmo afa aliʼyaʼmo alisapiye. Haʼao. Na agufa miyaʼmo alisapigi naha paiyo, huno afi geʼniye. 16Lepaniʼa lole a mafaʼneʼalaʼmo maiʼnaʼae. Yege a mafaʼnemo agimo Liyaʼae aganaʼamo agimo Lesoʼmae. 17Liya aulagamoʼmo lokiya oʼvaiʼniyaʼmonanafa Lesoʼmo alagepa huno maiʼnigeʼa alagepa apaulagamo neʼagaya a mafaʼnemo maiʼniye. 18Yekopuʼa Lesofekeʼmo hau ayamopafiʼmo hauʼnigenoʼaeʼmo, Nagaemo seveniʼa kafugamo aliʼyakamo alisugeka henaga a mafaʼnekamo Lesoʼmo avaleka namisanageʼna aliguve, huno ha paiʼniye. 19Lepaniʼa hunoʼaeʼmo, Alagepa kavaʼmo haneʼniyanageʼna kagaekeʼmo afaʼa avaleʼna kamiguve. Fiku yanageʼna alu nofi vekamo avaleʼna amiguvanagi nagaeʼeʼmo maiyo, huno ha paiʼniye. 20#Hos 12:12; Sal 8:6-7Inagi Yekopuʼa Lesotefeʼmo seveniʼa kafugamo Lepani aliʼyaʼamo neʼalinoʼaeʼmo lusi kava huno hau ayamopafiʼmo hauʼniyaʼmofeʼmo ani seveniʼa kafugaeʼmo afaʼa aise yane, huno agesa afiʼniye.
21Ani seveniʼa kafugamo Yekopuʼmo aliʼyaʼmo ago alino hano huteno Lepanifeʼmo hunoʼaeʼmo, ani seveniʼa kafugamo ago hano huʼnigi a mafaʼnekamo avaleka namigeʼna alino, huno huʼniye. 22#Yag 14:10-18; Le 19:9Inagi Lepaniʼa alopa neʼyaʼmo yagita huteno muki vayaʼaifeʼmo ge huʼnigeʼa eʼa neʼnae. 23Ani haniʼilagamo Lepaniʼa Liyaʼmo avalelino uno Yekopu havaeʼniya yateʼmo ateʼnigeʼana Yekopuʼeʼmo magokepi lokaeʼana havaeʼnaʼae. 24Lepaniʼa aliʼyaʼamo neʼaliya a kanomo Silipana avalelino uno Liya ha maeno aliʼyaʼamo alisiyafeʼmo amiʼniye. 25#Mai 11:31; Le 3:19Netepiʼmo Yekopuʼa ageʼniyana Liyakeʼmo havaeʼnigeno agetenoʼaeʼmo Lepanifeʼmo hunoʼaeʼmo, Ani kavaʼmo na kavaʼmo nagaetegamo huʼnane. Nagaemo Lesotefeʼmo aliʼyakamo oʼaliʼnofiye. Haiya kava higekaeʼmo humi nateʼnane, huno afi geʼniye. 26Lepaniʼa hunoʼaeʼmo, Lagaemo mani koteʼmo atoʼapimogi afaʼa maiʼnageʼa apakanaʼapimogi hogoteʼa vele noʼmaiye. 27#Mon 18:18Hemenimo veyalave maisayafeʼmo magoke salemo neʼyaʼmo neʼa maigae. Ani salemo hano hutesigekaeʼmo aganaʼamoʼeʼmo aligane. Kagaemo magoʼe huka seveniʼa kafugamo aliʼyaʼnimo alitesanageta Lesoʼmo avaleta kamisunageka aligane, huno ha paiʼniye. 28Yekopuʼa ani kava huno magoke salemo agava maiʼnigeno Lepaniʼa a mafaʼneʼamo Lesoʼmo avalelino uno amiʼniye. 29Lepaniʼa aliʼyaʼamo neʼaliya a kanomo Milihaʼmo avalelino uno Leso aliʼyaʼamo alisiyafeʼmo amiʼniye. 30Inagi Yekopuʼa Lesofeʼmo lusi kava huno hau ayamopafiʼmo hauʼnigeno magokepi lokaeno havaeteno Liyafeʼmo aiseʼamo hauʼniye. Agaemo Lepaniteʼmo magoʼe huno seveniʼa kafugamo aliʼyaʼmo aliʼniye.
Yekopuʼa alino apateʼniya mafaʼne anagaʼai apakiʼapimo haneʼniya gemae
31-32Ala kava neʼmoʼa ageʼniyana Yekopuʼmo Liyafeʼmo ohauʼnigeno Liyaʼmo ha maeʼnigeno aipaguʼeʼmo maiteno ve mafaʼnemo agiʼamo Lumeniʼmo alino ateʼniye. Agaemo hunoʼaeʼmo, Ala kava neʼmoʼa neʼaluva kana yaʼnimo ago ageʼniye. Hemenimo anauʼnimoʼmo nagaefeʼmo haugiye, huno huʼniye. Mafaʼnemo alino ateʼniyaʼmonanafa Lesoʼmo anamo maiʼniye. 33Henagaʼamo Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Ala kava neʼmoʼa nagaefeʼmo ohauʼniya kavaʼmo agetenoʼaeʼmo magoʼe huno ve mafaʼnemo namiʼniye, huno huteno agiʼamo Simiyoniʼae huno ateʼniye. 34Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Nagaemo ve mafaʼneʼamo loleʼe magoʼeʼmo aliʼna apateʼnovaʼmofeʼmo anauʼnimoʼmo nagaefekeʼmo haugiye, huno huteno agiʼamo Livaiʼae huno ateʼniye. 35Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Hemenimo Ala kava neʼmo agiʼaleʼmo aliʼna asaga huguve, huno huteno agiʼamo Yutaʼae huno ateʼniye. Ina kava huno magoʼe huno mafaʼnemo alino oʼapateʼniye.
Currently Selected:
Aepa Gemae 29: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aepa Gemae 29
29
Yekopuʼmo Lepanitegamo uno avaʼyi huʼniya gemae
1Inagi Yekopuʼmo yegemo haine neʼeya haopalega vayaʼai mopaleʼmo uno avaʼyi huʼniye. 2Hutenoʼaeʼmo ageʼniyana mago ani keli kotu haneʼniya yateʼmo loleʼe magoʼe sipisipi anagaʼmo maiʼnageno apakeʼniye. Ani ani keli kotuʼmo avayaleʼmo alopa yafatetiʼmo aiʼa akani maleʼnageno ageʼniye. Muki afinaʼmo ani kotupatiʼmo ani he fiʼa sipisipi anagaʼmo apamiʼnae. 3Muki sipisipimo aliʼa anupa huʼa maiʼnageʼapaeʼmo sipisipileʼmo neʼyagaiya vayaʼmogimo ani keli kotuʼmo avayaletiʼmo yafaʼmo aliʼa heleve huʼa ataleʼneʼa ani he fiʼa sipisipi anagaʼmo apamiʼnae. Apamiteʼapaeʼmo halate yafaʼmo aliʼa ani keli kotuʼmo avayaleʼmo aiʼa akani maleteʼa huʼnae. 4Inagi Yekopuʼa hunoʼaeʼmo, Nao vayane, huno, Lapakaemo haiya kotega vayane, huno ge huno apafi geʼnigeʼapaeʼmo, Lagaemo Halani taonifi vayaʼmo maiʼnone, huʼa ha paiʼnae. 5Agaemo ge huno apafi geʼniye. Neho mafaʼnemo Lepaniʼmo ageʼnafiye, huno huʼnigeʼapaeʼmo, He, ageʼnone, huʼa huʼnae. 6Lepaniʼmo alagepa huno maiʼnifiye, huno ge huno apafi geʼnigeʼapaeʼmo, He, alagepa huno maiʼniye. Ago, huʼa, Lepani a mafaʼnemo Lesoʼmo sipisipi anagaʼamo apavalelino neʼe, huʼa ha paiʼnae. 7Inagi Yekopuʼa hunoʼaeʼmo, ageyo, huno, Afaʼa saufa kanamo haneʼniye. Sipisipi anagaʼmo noʼapifiʼmo alita anupa hutapa apatesaya kanamo osuʼniye. Ani he fitapa sipisipi anagaʼmo apamitetapa halate apavalelitapa vigeʼa uʼa kahaumo neyo, huno hapa paiʼniye. 8Haʼao, huʼa, muki sipisipi anagaʼmo alita anupa huta apateʼnisunageʼa ani keli kotuʼmo avayaleti yafaʼmo aliʼa heleve huʼa ataleʼnisageta sipisipi anagatimo ani he fita apamigune, huʼa ha paiʼnae.
9Yekopuʼa apakaeʼeʼmo gege nehigenoʼaeʼmo Lesoʼa afoʼamo sipisipi anagaʼmo apavalelino eʼniye. Agaemo sipisipiʼaiteʼmo neʼyagaiya a mafaʼnemo maiʼniyaʼmofeʼmae. 10Yekopuʼa ageyana itaʼamo asaʼamo Lepani a mafaʼnemo Lesoʼmo sipisipi anagaʼamo apavalelino eʼnigeno agetenoʼaeʼmo uno ani keli kotuʼmo avayaletiʼmo yafaʼmo alino heleve huno ataleʼneno aniʼmo he fino itaʼamo asaʼamo Lepani sipisipi anagaʼmo apamiʼnigeʼa neʼnae. 11Yekopuʼa Lesoʼmo uno haeno neʼneno lusi kava huno alopa gefatiʼmo aviʼyaʼmo huʼniye. 12Yekopuʼa Lesofeʼmo, nagaemo afokamo asaʼamo Lipeka mafaʼnemo maiʼnove, huno ha paiʼnigenoʼaeʼmo Lesoʼa nagu nagu huno uno afoʼamofeʼmo ha paiʼniye.
13Lepaniʼa ani asaʼamo mafaʼnemo Yekopu huʼniya kavafeʼmo ava gemo afitenoʼaeʼmo nagu nagu huno uno Yekopuʼmo anu kiteno haeno neteno noʼalegamo avalelino eʼniye. Yekopuʼa muki agaetegamo afole aiʼniya kavafeʼmo ava ge huno ha paiʼniye. 14#2 Sam 5:1Lepaniʼa ha painoʼaeʼmo, Alagi lama ge huve, kagaeʼe nagaeʼeʼmo magoke kolaʼmo maiʼnoʼae. Nagae nagufaʼe nayamufaʼeʼmo maiʼnane, huno ha paitegeno Yekopuʼa agaeʼeʼmo magoke kai agufa afinaʼmo maiʼniye.
Yekopuʼmo Lepani aliʼyaʼmo aliʼniya gemae
15Lepaniʼa Yekopufeʼmo hunoʼaeʼmo, nagaepatiʼmo kagaemo maiʼnanaʼmofeʼmo afa aliʼyaʼmo alisapiye. Haʼao. Na agufa miyaʼmo alisapigi naha paiyo, huno afi geʼniye. 16Lepaniʼa lole a mafaʼneʼalaʼmo maiʼnaʼae. Yege a mafaʼnemo agimo Liyaʼae aganaʼamo agimo Lesoʼmae. 17Liya aulagamoʼmo lokiya oʼvaiʼniyaʼmonanafa Lesoʼmo alagepa huno maiʼnigeʼa alagepa apaulagamo neʼagaya a mafaʼnemo maiʼniye. 18Yekopuʼa Lesofekeʼmo hau ayamopafiʼmo hauʼnigenoʼaeʼmo, Nagaemo seveniʼa kafugamo aliʼyakamo alisugeka henaga a mafaʼnekamo Lesoʼmo avaleka namisanageʼna aliguve, huno ha paiʼniye. 19Lepaniʼa hunoʼaeʼmo, Alagepa kavaʼmo haneʼniyanageʼna kagaekeʼmo afaʼa avaleʼna kamiguve. Fiku yanageʼna alu nofi vekamo avaleʼna amiguvanagi nagaeʼeʼmo maiyo, huno ha paiʼniye. 20#Hos 12:12; Sal 8:6-7Inagi Yekopuʼa Lesotefeʼmo seveniʼa kafugamo Lepani aliʼyaʼamo neʼalinoʼaeʼmo lusi kava huno hau ayamopafiʼmo hauʼniyaʼmofeʼmo ani seveniʼa kafugaeʼmo afaʼa aise yane, huno agesa afiʼniye.
21Ani seveniʼa kafugamo Yekopuʼmo aliʼyaʼmo ago alino hano huteno Lepanifeʼmo hunoʼaeʼmo, ani seveniʼa kafugamo ago hano huʼnigi a mafaʼnekamo avaleka namigeʼna alino, huno huʼniye. 22#Yag 14:10-18; Le 19:9Inagi Lepaniʼa alopa neʼyaʼmo yagita huteno muki vayaʼaifeʼmo ge huʼnigeʼa eʼa neʼnae. 23Ani haniʼilagamo Lepaniʼa Liyaʼmo avalelino uno Yekopu havaeʼniya yateʼmo ateʼnigeʼana Yekopuʼeʼmo magokepi lokaeʼana havaeʼnaʼae. 24Lepaniʼa aliʼyaʼamo neʼaliya a kanomo Silipana avalelino uno Liya ha maeno aliʼyaʼamo alisiyafeʼmo amiʼniye. 25#Mai 11:31; Le 3:19Netepiʼmo Yekopuʼa ageʼniyana Liyakeʼmo havaeʼnigeno agetenoʼaeʼmo Lepanifeʼmo hunoʼaeʼmo, Ani kavaʼmo na kavaʼmo nagaetegamo huʼnane. Nagaemo Lesotefeʼmo aliʼyakamo oʼaliʼnofiye. Haiya kava higekaeʼmo humi nateʼnane, huno afi geʼniye. 26Lepaniʼa hunoʼaeʼmo, Lagaemo mani koteʼmo atoʼapimogi afaʼa maiʼnageʼa apakanaʼapimogi hogoteʼa vele noʼmaiye. 27#Mon 18:18Hemenimo veyalave maisayafeʼmo magoke salemo neʼyaʼmo neʼa maigae. Ani salemo hano hutesigekaeʼmo aganaʼamoʼeʼmo aligane. Kagaemo magoʼe huka seveniʼa kafugamo aliʼyaʼnimo alitesanageta Lesoʼmo avaleta kamisunageka aligane, huno ha paiʼniye. 28Yekopuʼa ani kava huno magoke salemo agava maiʼnigeno Lepaniʼa a mafaʼneʼamo Lesoʼmo avalelino uno amiʼniye. 29Lepaniʼa aliʼyaʼamo neʼaliya a kanomo Milihaʼmo avalelino uno Leso aliʼyaʼamo alisiyafeʼmo amiʼniye. 30Inagi Yekopuʼa Lesofeʼmo lusi kava huno hau ayamopafiʼmo hauʼnigeno magokepi lokaeno havaeteno Liyafeʼmo aiseʼamo hauʼniye. Agaemo Lepaniteʼmo magoʼe huno seveniʼa kafugamo aliʼyaʼmo aliʼniye.
Yekopuʼa alino apateʼniya mafaʼne anagaʼai apakiʼapimo haneʼniya gemae
31-32Ala kava neʼmoʼa ageʼniyana Yekopuʼmo Liyafeʼmo ohauʼnigeno Liyaʼmo ha maeʼnigeno aipaguʼeʼmo maiteno ve mafaʼnemo agiʼamo Lumeniʼmo alino ateʼniye. Agaemo hunoʼaeʼmo, Ala kava neʼmoʼa neʼaluva kana yaʼnimo ago ageʼniye. Hemenimo anauʼnimoʼmo nagaefeʼmo haugiye, huno huʼniye. Mafaʼnemo alino ateʼniyaʼmonanafa Lesoʼmo anamo maiʼniye. 33Henagaʼamo Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Ala kava neʼmoʼa nagaefeʼmo ohauʼniya kavaʼmo agetenoʼaeʼmo magoʼe huno ve mafaʼnemo namiʼniye, huno huteno agiʼamo Simiyoniʼae huno ateʼniye. 34Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Nagaemo ve mafaʼneʼamo loleʼe magoʼeʼmo aliʼna apateʼnovaʼmofeʼmo anauʼnimoʼmo nagaefekeʼmo haugiye, huno huteno agiʼamo Livaiʼae huno ateʼniye. 35Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Hemenimo Ala kava neʼmo agiʼaleʼmo aliʼna asaga huguve, huno huteno agiʼamo Yutaʼae huno ateʼniye. Ina kava huno magoʼe huno mafaʼnemo alino oʼapateʼniye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.