Aepa Gemae 42
42
Yosefe nepuʼamogimo eʼa Isipi kotetiʼmo vitimo miya faiʼnaya gemae
1Yekopuʼa Isipi kotegamo vitimo afaʼa haneʼniye, huʼa huʼnaya gemo afitenoʼaeʼmo agaemo mafaʼne anagaʼaeʼmo, na kava higetapaeʼmo iʼaulagafi oʼaulagafi nehae. 2#Aep 43:8Nagaemo Isipi kotegamo vitimo haneʼniye, huʼa huʼnaya gemo afiʼnove. Lapakaemo ani kotegatiʼmo uta lamitapa vitimo mago miya faiyo, fiku yanageta neʼyafeʼmo laga tesigeta faligune, huno huʼniye. 3Inagi Yosefeʼa naya loleʼa nepuʼamogimo Kenani kotegatiʼmo Isipi kotegamo vitimo miya faisayafeʼmo uʼa lamiʼnae. 4Uʼa lamiʼnayaʼmonanafa Yekopuʼa Yosefe aganaʼamoʼmo Menisamenimo ateʼnigeno apakaeʼeʼmo oʼuʼniye. Yekopuʼa agesa afinoʼaeʼmo, fiku yanageno katega visiyategamo hanageke yaʼmo aligiye, huno agesamo afiʼniye. 5#Ap 7:11-12Apakaemo Isaleli mafaʼne anagaʼmo muki vayaʼmo vitimo miya faisayafeʼmo uʼnae. Kenani koteʼmo lusi kafu kavaʼmo afole aiʼniyaʼmofeʼmae.
6Yosefeʼa muki Isipi koʼaleʼmo hogote vekamo neʼyagaiya vekamo maiʼnigeʼa agaetetiʼmo uʼa vitimo miya faiʼnae. Yosefe nepuʼamogimo agaetegamo eʼa avaʼyi huteʼapaeʼmo agae aulagaleʼmo apaleʼya faiteʼa ape huʼnae. 7#Mt 15:23-26Yosefeʼa nepuʼamogimo ago apakeʼniyaʼmonanafa oʼapakeʼnegekana huno maiʼneno alu vekagana huno lokiya gefatiʼmo huʼniye. Agaemo hunoʼaeʼmo, Lapakaemo haiya kotegatiʼmo eʼnae, huno ge huno apafi geʼnigeʼapaeʼmo, Kenani kotegatiʼmo viti miya faisunafeʼmo eʼnone, huʼa ha paiʼnae. 8Yosefeʼa nepuʼamogimo ago apakeʼniyaʼmonanafa apakaemo oʼageʼnae. 9Agaemo hogoteno ageʼniya alagamunaʼaeʼmo agesamo afinoʼaeʼmo lapakaemo lamasa huta lagetetapae haiya haopalegamo lokiya vaino ohaneʼnifi hutapa lagesayafeʼmo eʼnae, huno huʼniye. 10Huno huʼnigeʼapaeʼmo, haʼao, Ala vekae, huʼa, aliʼyakamo neʼaluna vayakamo maiʼneta neʼyaʼmo miya faisunafekeʼmo eʼnone. 11Lagaemo mukiʼamo magoke vekamo mafaʼne anagaʼmo maiʼnone. Lagaemo lama ge vayaʼmo maiʼnonanageta lamasa hisunafeʼmo oʼmeʼnone, huʼa ha paiʼnae. 12Agaemo hunoʼaeʼmo, haʼao, huno, haiya haopalegamo lokiya vaino ohaneʼnifi hutapa lagesayafeʼmo eʼnae, huno huʼnigeʼapaeʼmo 13Lagaemo tuolofuʼa konagamo maiʼnone. Lagaemo magoke vekamo Kenani kotegamo maiʼniya vekamo mafaʼne anagaʼmo maiʼnone. Laganatimoʼmo hemenimo afotimoʼeʼmo maiʼnegaiye. Hemenimo maiʼnegaiyaʼmonanafa mago laganatimoʼmo oʼmaiʼnifa ago afela heʼniye, huʼa ha paiʼnae. 14Inagi Yosefeʼa halate hunoʼaeʼmo, Nagaemo ago lapa paiʼnove. Lapakaemo lamasa hisaya vayakeʼmo eʼnae. 15Nagaemo mago kavatetiʼmo lapamalageka huguve. Lapakanatapimoʼmo mani koteʼmo oʼmesiyana nagaemo Kini vekamo Felo agiʼaletiʼmo huʼnaeʼmo, mani kotetiʼmo ataletapa halate oʼugae. 16Lapakaepatiʼmo mago vekamo alitapa ategeno uno lapakanatapimoʼmo avalelino eno. Lapakaemo magoʼamo kalavusi huʼnisageʼna lama ge huʼnafi aigofe huʼnafi, huʼna agegauve. Nagaemo getapilefeʼmo amalageka huna agesugenoʼaeʼmo lama gemo ohaneʼnisiyana inagi nagaemo Kini vekamo Felo agiʼaletiʼmo alagi lama ge huʼnaeʼmo, lamasa huta lagesayafe eʼnae, huʼna huguve, huno hapa paiʼniye. 17Inagi Yosefeʼa mukiʼamo kalavusi huno apategeʼa loleʼe magoʼe felugamo kalavusifi maiʼnae.
18Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae. 19Lapakaemo alagi lama gemo nehisayana lapakaepatiʼmo magoke vekamo kalavusi huʼnisigetapa magoʼamogitapamo afamo anagatapimo apaka netegaiyanagetapa vitimo miya faita alinitapa ugae. 20Utetapaeʼmo lapakanatapimoʼmo avalelitapa nagaetegamo eyo. Lama gemo nehae, huʼna agesuvaʼmoʼmo ofaligae, huno huʼnigeʼapaeʼmo ani gelefeʼmo he, huʼa huteʼa akame huʼnae. 21Apakaemo ge huge afige huʼapaeʼmo, alagi lama ge huta lagaemo konagatimotegamo hosu kavaʼmo huʼnonaʼmofeʼmo lagaiti vaikeʼmo aligune. Lagaemo ageʼnonana lusi kana aliteno ha maesunafeʼmo lahaoke heno aukaya huʼniyaʼmonanafa geʼamo oʼafiʼnonaʼmofeʼmo mani lusi kana yaʼmo lagaetegamo afole aiʼniye, huʼa huʼnae. 22Lumeniʼa hunoʼaeʼmo, Nagaemo lapa paiʼnaeʼmo, ani mafaʼnelegamo mago hosu kavaʼmo osiyo, huʼna ago lapa paiʼnovaʼmonanafa geʼnimo oʼafiʼnae. Oʼafiʼnayaʼmofeʼmo Gotiʼa agoti huno nelategetaeʼmo kolaʼalefeʼmo hosu yaʼmo neʼalune, huno huʼniye. 23Yosefe nepuʼamogimo Himulu gefatiʼmo gege huʼa maiteʼapaeʼmo Yosefe oʼafiʼnegaiye, huʼa apakesamo afiʼnae. Yosefeʼeʼmo gege huʼnaya afinaʼae afinaʼaeʼmo Isipi gefatikeʼmo huʼnigenoʼaeʼmo mago vekamoʼmo alino afe leno hapa paiʼniyaʼmofeʼmae. 24Yosefeʼa huʼnaya gemo afitenoʼaeʼmo apataleno agaiʼageʼmo uno aviʼyaʼmo huteno ataleno halate eno apakaeʼeʼmo gege hutenoʼaeʼmo aliʼyaʼamo neʼaliya vayaʼaifeʼmo huʼnigeʼa Simiyoniʼmo konagaʼamogi apaulagaleʼmo nofi kiʼa ateʼnae.
Yosefe nepuʼamogimo halate Kenani kotegamo uʼnaya gemae
25 #
Mt 5:44
Huʼnigeno Yosefeʼa aliʼyaʼamo neʼaliya vayaʼaifeʼmo hapa painoʼaeʼmo, Kuʼapifiʼmo vitimo alita ku aitapa apatetetapa moniʼapimo afaʼa ago atetapa ku aitapa apatetetapa kategamo uʼapaeʼmo nesaya neʼyaʼeʼmo apamige hiyo, huno huʼnigeʼa ani kavaʼmo huʼnae. 26Nepuʼamogimo viti kuʼapimo aliʼa nokimo agotofuleʼmo maleteʼa uʼnae. 27Henagaʼamo havaesaya yateʼmo uʼa avaʼyi huteʼapaeʼmo mago konagaʼapimoʼmo kuʼafatiʼmo neʼyaʼmo alino nokiʼamo amisiyafeʼmo huʼniyategamo kuʼamo avayaleʼmo moniʼaʼeʼmo haneʼnigeno ageʼniye. 28#Emo 3:6Agaemo konagaʼamogifeʼmo hapa painoʼaeʼmo, Miya faiʼnova moniʼnimo halate kuʼnifi aiʼa nateʼnae. Ageyo, huno, kuʼnifiʼmo haneʼniye, huno huʼnigeʼapaeʼmo apaipamoʼmo lusi kava huno atete huʼnigeʼa koli huʼneʼapaeʼmo, mani kavaʼmo Gotiʼa lagaetegamo na agufa kavaʼmo huʼniye, huʼa huʼnae.
29Apakaemo Kenani kotegamo uʼa avaʼyi huteʼapaeʼmo afoʼapimo Yekopufeʼmo muki apakaetega afole aiʼniya kavafeʼmo huʼa ha paiʼnae. 30Apakaemo huʼapaeʼmo, Isipi kote neʼyagaiya vekamoʼmo lokiya gefatiʼmo hunoʼaeʼmo, Lapakaemo lamasa huta lagesayafeʼmo eʼnae, huno huʼnigetaeʼmo 31lagaemo geʼaleʼmo aeta atagaina huta ha paitaeʼmo, lagaemo lama ge vayaʼmo maiʼneta lagaemo lamasa hisunafeʼmo oʼmeʼnone. 32Lagaemo magoke vekamo tuolofuʼa mafaʼne anagaʼmo maiʼnone. Laganatimo mago vekamo ago afela hetegeno mago laganatimoʼmo afotimoʼeʼmo Kenani kotegamo maiʼnegaiye, huta ha paiʼnone. 33Isipi kote neʼyagaiya vekamoʼmo hunoʼaeʼmo, Ani kavaʼmo hisageʼnaeʼmo nagaemo lama ge vayaʼmo maiʼnae, huʼna lapakegauve. Lapakaepatiʼmo mago vekamo nagaeʼeʼmo maigiye. Lapakaemo magoʼamo afamo anagatapimo neʼyafe apaka netegaiyanagi alinitapa viyo. 34Lapakaemo utapa lapakanatapimoʼmo avalelitapa nagaetegamo eyo. Ani kavaʼmo hisageʼnaeʼmo lamasa hisaya vayaʼmo eʼnae, huʼna osuʼna lama gemo nehaya vayaʼmo eʼnae, huʼna huguve. Inagi nagaemo konagatapimoʼmo afaʼa avaleʼna lapamisugetapa lapauʼnisiya kavaʼmo mani koteʼmo afaʼa hugae, huno huʼniye, huʼa ha paiʼnae.
35Inagi apakaemo ani kava huʼa kuʼapifatiʼmo vitimo he nefiʼapaeʼmo ageʼnayana moni hayaʼapimo haneʼnigeʼa apakaeʼe afoʼapimoʼeʼmo ageteʼapaeʼmo hapau aiteʼa koli huʼnae. 36#1 Sam 27:1Afoʼapimoʼmo Yekopuʼa hunoʼaeʼmo, Lapakae huʼnaya kavatetiʼmo lole mafaʼneʼnilaʼmo afela heʼnaʼae. Hogoteno Yosefeʼmo afela hetegeno hemenimo Simiyoniʼmo afela heʼnigetapaeʼmo halate hemenimo Menisemenimo avalelitapa visayafeʼmo huʼnae. Muki mani kavaʼamo nagaetegamo kame nehaya kavane, huno hapa paiʼniye. 37Lumeniʼa afoʼamofeʼmo ha painoʼaeʼmo, Mafaʼnekamo avaleka nagaemo namigeʼna afaʼa yagaiʼna ateteʼna avaleliʼna kagaetegamo halate egauve. Nagaemo avaleliʼna oʼmesugekaeʼmo mafaʼneʼnilaʼmo kamitimo anamagisanageʼana faligaʼae, huno huʼniye. 38Yekopu hunoʼaeʼmo, Mafaʼneʼnimo lapakaeʼeʼmo uno olamigiye. Nepuʼamoʼmo ago falitegeno maiʼniyaʼmofeʼmae. Fiku yanageno kategatiʼmo hanageke yaʼmo alisiyana nagaemo lusi kava huʼna nahau hisuva kavaʼmo namisageʼna faliʼnaya vayaʼmo uʼa neʼmaiya kotegamo uguve, huno hapa paiʼniye.
Currently Selected:
Aepa Gemae 42: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aepa Gemae 42
42
Yosefe nepuʼamogimo eʼa Isipi kotetiʼmo vitimo miya faiʼnaya gemae
1Yekopuʼa Isipi kotegamo vitimo afaʼa haneʼniye, huʼa huʼnaya gemo afitenoʼaeʼmo agaemo mafaʼne anagaʼaeʼmo, na kava higetapaeʼmo iʼaulagafi oʼaulagafi nehae. 2#Aep 43:8Nagaemo Isipi kotegamo vitimo haneʼniye, huʼa huʼnaya gemo afiʼnove. Lapakaemo ani kotegatiʼmo uta lamitapa vitimo mago miya faiyo, fiku yanageta neʼyafeʼmo laga tesigeta faligune, huno huʼniye. 3Inagi Yosefeʼa naya loleʼa nepuʼamogimo Kenani kotegatiʼmo Isipi kotegamo vitimo miya faisayafeʼmo uʼa lamiʼnae. 4Uʼa lamiʼnayaʼmonanafa Yekopuʼa Yosefe aganaʼamoʼmo Menisamenimo ateʼnigeno apakaeʼeʼmo oʼuʼniye. Yekopuʼa agesa afinoʼaeʼmo, fiku yanageno katega visiyategamo hanageke yaʼmo aligiye, huno agesamo afiʼniye. 5#Ap 7:11-12Apakaemo Isaleli mafaʼne anagaʼmo muki vayaʼmo vitimo miya faisayafeʼmo uʼnae. Kenani koteʼmo lusi kafu kavaʼmo afole aiʼniyaʼmofeʼmae.
6Yosefeʼa muki Isipi koʼaleʼmo hogote vekamo neʼyagaiya vekamo maiʼnigeʼa agaetetiʼmo uʼa vitimo miya faiʼnae. Yosefe nepuʼamogimo agaetegamo eʼa avaʼyi huteʼapaeʼmo agae aulagaleʼmo apaleʼya faiteʼa ape huʼnae. 7#Mt 15:23-26Yosefeʼa nepuʼamogimo ago apakeʼniyaʼmonanafa oʼapakeʼnegekana huno maiʼneno alu vekagana huno lokiya gefatiʼmo huʼniye. Agaemo hunoʼaeʼmo, Lapakaemo haiya kotegatiʼmo eʼnae, huno ge huno apafi geʼnigeʼapaeʼmo, Kenani kotegatiʼmo viti miya faisunafeʼmo eʼnone, huʼa ha paiʼnae. 8Yosefeʼa nepuʼamogimo ago apakeʼniyaʼmonanafa apakaemo oʼageʼnae. 9Agaemo hogoteno ageʼniya alagamunaʼaeʼmo agesamo afinoʼaeʼmo lapakaemo lamasa huta lagetetapae haiya haopalegamo lokiya vaino ohaneʼnifi hutapa lagesayafeʼmo eʼnae, huno huʼniye. 10Huno huʼnigeʼapaeʼmo, haʼao, Ala vekae, huʼa, aliʼyakamo neʼaluna vayakamo maiʼneta neʼyaʼmo miya faisunafekeʼmo eʼnone. 11Lagaemo mukiʼamo magoke vekamo mafaʼne anagaʼmo maiʼnone. Lagaemo lama ge vayaʼmo maiʼnonanageta lamasa hisunafeʼmo oʼmeʼnone, huʼa ha paiʼnae. 12Agaemo hunoʼaeʼmo, haʼao, huno, haiya haopalegamo lokiya vaino ohaneʼnifi hutapa lagesayafeʼmo eʼnae, huno huʼnigeʼapaeʼmo 13Lagaemo tuolofuʼa konagamo maiʼnone. Lagaemo magoke vekamo Kenani kotegamo maiʼniya vekamo mafaʼne anagaʼmo maiʼnone. Laganatimoʼmo hemenimo afotimoʼeʼmo maiʼnegaiye. Hemenimo maiʼnegaiyaʼmonanafa mago laganatimoʼmo oʼmaiʼnifa ago afela heʼniye, huʼa ha paiʼnae. 14Inagi Yosefeʼa halate hunoʼaeʼmo, Nagaemo ago lapa paiʼnove. Lapakaemo lamasa hisaya vayakeʼmo eʼnae. 15Nagaemo mago kavatetiʼmo lapamalageka huguve. Lapakanatapimoʼmo mani koteʼmo oʼmesiyana nagaemo Kini vekamo Felo agiʼaletiʼmo huʼnaeʼmo, mani kotetiʼmo ataletapa halate oʼugae. 16Lapakaepatiʼmo mago vekamo alitapa ategeno uno lapakanatapimoʼmo avalelino eno. Lapakaemo magoʼamo kalavusi huʼnisageʼna lama ge huʼnafi aigofe huʼnafi, huʼna agegauve. Nagaemo getapilefeʼmo amalageka huna agesugenoʼaeʼmo lama gemo ohaneʼnisiyana inagi nagaemo Kini vekamo Felo agiʼaletiʼmo alagi lama ge huʼnaeʼmo, lamasa huta lagesayafe eʼnae, huʼna huguve, huno hapa paiʼniye. 17Inagi Yosefeʼa mukiʼamo kalavusi huno apategeʼa loleʼe magoʼe felugamo kalavusifi maiʼnae.
18Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae. 19Lapakaemo alagi lama gemo nehisayana lapakaepatiʼmo magoke vekamo kalavusi huʼnisigetapa magoʼamogitapamo afamo anagatapimo apaka netegaiyanagetapa vitimo miya faita alinitapa ugae. 20Utetapaeʼmo lapakanatapimoʼmo avalelitapa nagaetegamo eyo. Lama gemo nehae, huʼna agesuvaʼmoʼmo ofaligae, huno huʼnigeʼapaeʼmo ani gelefeʼmo he, huʼa huteʼa akame huʼnae. 21Apakaemo ge huge afige huʼapaeʼmo, alagi lama ge huta lagaemo konagatimotegamo hosu kavaʼmo huʼnonaʼmofeʼmo lagaiti vaikeʼmo aligune. Lagaemo ageʼnonana lusi kana aliteno ha maesunafeʼmo lahaoke heno aukaya huʼniyaʼmonanafa geʼamo oʼafiʼnonaʼmofeʼmo mani lusi kana yaʼmo lagaetegamo afole aiʼniye, huʼa huʼnae. 22Lumeniʼa hunoʼaeʼmo, Nagaemo lapa paiʼnaeʼmo, ani mafaʼnelegamo mago hosu kavaʼmo osiyo, huʼna ago lapa paiʼnovaʼmonanafa geʼnimo oʼafiʼnae. Oʼafiʼnayaʼmofeʼmo Gotiʼa agoti huno nelategetaeʼmo kolaʼalefeʼmo hosu yaʼmo neʼalune, huno huʼniye. 23Yosefe nepuʼamogimo Himulu gefatiʼmo gege huʼa maiteʼapaeʼmo Yosefe oʼafiʼnegaiye, huʼa apakesamo afiʼnae. Yosefeʼeʼmo gege huʼnaya afinaʼae afinaʼaeʼmo Isipi gefatikeʼmo huʼnigenoʼaeʼmo mago vekamoʼmo alino afe leno hapa paiʼniyaʼmofeʼmae. 24Yosefeʼa huʼnaya gemo afitenoʼaeʼmo apataleno agaiʼageʼmo uno aviʼyaʼmo huteno ataleno halate eno apakaeʼeʼmo gege hutenoʼaeʼmo aliʼyaʼamo neʼaliya vayaʼaifeʼmo huʼnigeʼa Simiyoniʼmo konagaʼamogi apaulagaleʼmo nofi kiʼa ateʼnae.
Yosefe nepuʼamogimo halate Kenani kotegamo uʼnaya gemae
25 #
Mt 5:44
Huʼnigeno Yosefeʼa aliʼyaʼamo neʼaliya vayaʼaifeʼmo hapa painoʼaeʼmo, Kuʼapifiʼmo vitimo alita ku aitapa apatetetapa moniʼapimo afaʼa ago atetapa ku aitapa apatetetapa kategamo uʼapaeʼmo nesaya neʼyaʼeʼmo apamige hiyo, huno huʼnigeʼa ani kavaʼmo huʼnae. 26Nepuʼamogimo viti kuʼapimo aliʼa nokimo agotofuleʼmo maleteʼa uʼnae. 27Henagaʼamo havaesaya yateʼmo uʼa avaʼyi huteʼapaeʼmo mago konagaʼapimoʼmo kuʼafatiʼmo neʼyaʼmo alino nokiʼamo amisiyafeʼmo huʼniyategamo kuʼamo avayaleʼmo moniʼaʼeʼmo haneʼnigeno ageʼniye. 28#Emo 3:6Agaemo konagaʼamogifeʼmo hapa painoʼaeʼmo, Miya faiʼnova moniʼnimo halate kuʼnifi aiʼa nateʼnae. Ageyo, huno, kuʼnifiʼmo haneʼniye, huno huʼnigeʼapaeʼmo apaipamoʼmo lusi kava huno atete huʼnigeʼa koli huʼneʼapaeʼmo, mani kavaʼmo Gotiʼa lagaetegamo na agufa kavaʼmo huʼniye, huʼa huʼnae.
29Apakaemo Kenani kotegamo uʼa avaʼyi huteʼapaeʼmo afoʼapimo Yekopufeʼmo muki apakaetega afole aiʼniya kavafeʼmo huʼa ha paiʼnae. 30Apakaemo huʼapaeʼmo, Isipi kote neʼyagaiya vekamoʼmo lokiya gefatiʼmo hunoʼaeʼmo, Lapakaemo lamasa huta lagesayafeʼmo eʼnae, huno huʼnigetaeʼmo 31lagaemo geʼaleʼmo aeta atagaina huta ha paitaeʼmo, lagaemo lama ge vayaʼmo maiʼneta lagaemo lamasa hisunafeʼmo oʼmeʼnone. 32Lagaemo magoke vekamo tuolofuʼa mafaʼne anagaʼmo maiʼnone. Laganatimo mago vekamo ago afela hetegeno mago laganatimoʼmo afotimoʼeʼmo Kenani kotegamo maiʼnegaiye, huta ha paiʼnone. 33Isipi kote neʼyagaiya vekamoʼmo hunoʼaeʼmo, Ani kavaʼmo hisageʼnaeʼmo nagaemo lama ge vayaʼmo maiʼnae, huʼna lapakegauve. Lapakaepatiʼmo mago vekamo nagaeʼeʼmo maigiye. Lapakaemo magoʼamo afamo anagatapimo neʼyafe apaka netegaiyanagi alinitapa viyo. 34Lapakaemo utapa lapakanatapimoʼmo avalelitapa nagaetegamo eyo. Ani kavaʼmo hisageʼnaeʼmo lamasa hisaya vayaʼmo eʼnae, huʼna osuʼna lama gemo nehaya vayaʼmo eʼnae, huʼna huguve. Inagi nagaemo konagatapimoʼmo afaʼa avaleʼna lapamisugetapa lapauʼnisiya kavaʼmo mani koteʼmo afaʼa hugae, huno huʼniye, huʼa ha paiʼnae.
35Inagi apakaemo ani kava huʼa kuʼapifatiʼmo vitimo he nefiʼapaeʼmo ageʼnayana moni hayaʼapimo haneʼnigeʼa apakaeʼe afoʼapimoʼeʼmo ageteʼapaeʼmo hapau aiteʼa koli huʼnae. 36#1 Sam 27:1Afoʼapimoʼmo Yekopuʼa hunoʼaeʼmo, Lapakae huʼnaya kavatetiʼmo lole mafaʼneʼnilaʼmo afela heʼnaʼae. Hogoteno Yosefeʼmo afela hetegeno hemenimo Simiyoniʼmo afela heʼnigetapaeʼmo halate hemenimo Menisemenimo avalelitapa visayafeʼmo huʼnae. Muki mani kavaʼamo nagaetegamo kame nehaya kavane, huno hapa paiʼniye. 37Lumeniʼa afoʼamofeʼmo ha painoʼaeʼmo, Mafaʼnekamo avaleka nagaemo namigeʼna afaʼa yagaiʼna ateteʼna avaleliʼna kagaetegamo halate egauve. Nagaemo avaleliʼna oʼmesugekaeʼmo mafaʼneʼnilaʼmo kamitimo anamagisanageʼana faligaʼae, huno huʼniye. 38Yekopu hunoʼaeʼmo, Mafaʼneʼnimo lapakaeʼeʼmo uno olamigiye. Nepuʼamoʼmo ago falitegeno maiʼniyaʼmofeʼmae. Fiku yanageno kategatiʼmo hanageke yaʼmo alisiyana nagaemo lusi kava huʼna nahau hisuva kavaʼmo namisageʼna faliʼnaya vayaʼmo uʼa neʼmaiya kotegamo uguve, huno hapa paiʼniye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.