Luki 20
20
Yesufeʼmo, ina laʼmo hunoʼaeʼmo, yagaika apatesana vekae, huteno lekana paino kateʼniye, huʼa ge huʼa afi geʼnaya gemae
(Mt 21:23-27; Mk 11:27-33)
1Mago afinaʼmo Yesuʼa Yu vayaʼai alopa mono nopiʼmo uno haino alagepa faigoko gemo alino apaya maleʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi vayatama vayanagi huʼa eʼa, 2haiya agufa alagena yakamo yagaika apatesana yaʼmo aliʼnekaeʼmo mani kavaʼmo nehane. Ina laʼmo ani kavaʼmo huvo, huno kaha paiʼniye, huʼa ge huʼa afi geʼnagenoʼaeʼmo, 3inagi nagaeʼeʼmo mago gemo lapafi gesugetapaeʼmo naha paiyo. 4Yoniʼa aniʼmo faleno apatesiyafeʼmo Gotiʼa lekana paino ateʼnifi vayaʼmogi lekana paiʼa ateʼnae, huno ge huno apafi geʼnigeʼapaeʼmo 5apakaiʼapimo ge huge afige huʼapaeʼmo, geʼaleʼmo na agufa gemo huta ha paigune. Gotiʼa lekana paino ateʼniye, huta hisunana na kava higetapaeʼmo geʼaeʼmo lapakesamo afita fatago osuʼnae, huno laha paigiye. 6Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa 7geʼaleʼmo aeʼa atagaina huʼa ha paiʼapaeʼmo, oʼafiʼnone, huʼa ha paiʼnagenoʼaeʼmo, 8naha opaiʼnayaʼmofeʼmo haiya agufa alagena yaʼmo yagaiʼa neʼapataya vayaʼmogi neʼaliya agufa alagena yaʼmo aliʼneʼnaeʼmo ani kavaʼmo nehufi huʼna lapa opaiguve, huno hapa paiʼniye.
Hosu vayaʼmogimo hoyaleʼmo yagaiʼnaya kavafeʼmo aeno kalafefa gemo huʼniya gemae
(Mt 21:33-46; Mk 12:1-12)
9 #
Aiy 5:1
Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleteno mago vayaʼmogi yagaiʼa ateʼnisageno nofi alagamo afu lesigeno agaiʼamo mago nofi alagaʼamo alisigeʼa apakaemo mago nofi alagaʼamo alisayafeʼmo apavaleno apateteno afagi kotegamo uno yatala afinaʼmo maiʼniye. 10#2 Sit 36:15-16Nofi alagamo ago afu leʼnigenoʼaeʼmo agaemo mago nofi alagamo alisiyafeʼmo aliʼyaʼamo neʼaliya vekamo alino ateʼnigeno uʼniye. Uʼnigeʼapaeʼmo hoyaʼaleʼmo yagaiʼnaya vayaʼmogimo atafauʼa amagiteʼapaeʼmo, afaʼa ataleka uvo, huʼa ha paiʼnageno oʼalino afaʼa ataleno eʼniye. 11Agaemo alu vekamo aliʼyaʼamo neʼaliya vekamo alino ateʼnigeno uʼniyana ani agufa kavaʼmo huʼa amagiteʼa agaetegamo hosu kavaʼmo huteʼa aliʼa atalageno oʼalino afaʼa eʼniye. 12Halate mago alu vekamo alino ateʼnigeno uʼnigeʼapaeʼmo lusi kava huʼa amagiʼnageno kolaʼamoʼmo huʼnigeʼa malaga alini uʼa yaga auʼa ataleʼnae. 13Hoyamo afoʼamoʼmo hunoʼaeʼmo, nagaemo na agufa kavaʼmo hisuve. Nahau nayamopafiʼmo nahauʼniya mafaʼneʼnimo aliʼna atesugeno visigeʼapaeʼmo geʼamo afaʼa afigae, huno agesamo afiʼniye. 14Huʼniyaʼmonanafa hoyaʼaleʼmo yagaiʼnaya vayaʼmogi mafaʼneʼamo eʼnigeʼa ageteʼapaeʼmo apakaiʼapimo ge huge afige huʼapaeʼmo, ani vekamoʼmo afoʼamo yaʼmo aligiyaʼmofeʼmo amagigetao muki yaʼamo lagaemo aligune, huʼa huteʼa 15asagauli uʼa malaga ataleʼneʼa kamitimo amagiʼnae. Hoyamo afoʼamoʼmo apakaetegamo na agufa kavaʼmo hugiye. 16Eno hoyaʼaleʼmo yagaiʼnaya vayaʼmo kamitimo apamagiteno mago alu vayaʼmo alino apamigiye, huno hapa paiʼnigeʼa afiteʼapaeʼmo, haʼao, fiku yanageno ani agufa kavaʼmo lagaetegamo afole aigiye, huʼa ha paiʼnageno 17#Sam 118:22Yesuʼa aulu hapaeno apaketenoʼaeʼmo, mukufiʼmo avoʼmo kae maleʼniya gemoʼmo haiya agufa aepaʼamo haneʼniye. Ani gemoʼmo hunoʼaeʼmo,
yafatetiʼmo noʼmo nekiya vayaʼmogimo mago noʼmo nekiya yafafeʼmo huʼapaeʼmo, afa ina agufa yafane, huʼa huteʼa aliʼa yaga auʼa ataleʼnayana ani yafaʼmo hogote yafaʼmo alino hamaleno ateʼniye.
18 #
Aiy 8:14-15
Haiya vayaʼmogi ani yafateʼmo asagauʼa aisafigeno aino katali katalu huno apatalegaiyaʼmonanafa ani yafaʼmoʼa haiya vayaʼai apakufaleʼmo asagauno aisifigeno aino lata paino aise aise huno atalegaiye, huno huʼniye, huno Yesuʼa hapa paiʼniye. 19#Lu 19:47-48Keʼaepa gemo avoʼmo kaeʼa aliʼa apaya neʼmalaya vayaʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo huʼapaeʼmo, ani aeno kalafefa gemo lagaefekeʼmo huʼniye, huʼa huteʼa ani afinaʼmo kalavusi huʼa atesayafeʼmo huʼnayaʼmonanafa afa vayaʼaifeʼmo koli huʼnae.
Takesi monimo amisupiye, huʼa ge huʼa afi geʼnaya gemae
(Mt 22:15-22; Mk 12:13-17)
20 #
Lu 11:54
Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae. 21Apakaemo, tisao, huʼa, lagaemo ago kageʼnonana lama gemo alagepa huka alika apaya neʼmalane. Goti geʼamo akame hisaya kateʼmo visaya kavafeʼmo lama gekaletiʼmo alika apaya neʼmalanageta kageʼnone. 22Humi atesayafeʼmo lagaemo Goti keʼaepa geʼamo akame hisunafeʼmo takesi monimo gamani vekamo yagaino nelateya vekamo Sisana amisupi oʼamisune, huʼa ge huʼa afi geʼnageno 23huʼnaya gemo afitenoʼaeʼmo, 24ani laga monimo aliniteta nave liyo. Ani laga monileʼmo ina la augosaʼe agiʼeʼmo avoʼmo kae maleʼnaya agimo haneʼniye, huno ge huno apafi geʼnigeʼapaeʼmo, Sisa agiʼe augosaʼeʼmo haneʼniye, huʼa ha paiʼnagenoʼaeʼmo, 25Sisa yaʼamo Sisana amiteta Goti yaʼamo Gotina amiyo, huno hapa paiʼnigeʼa 26afiteʼapaeʼmo hapau aiteʼa ge osuʼa maiʼnae. Apakaemo vayaʼai apaulagaleʼmo geʼaleʼmo huʼa atafauʼa atesayafeʼmo huʼnayana huʼa atafauʼa oʼateʼnae.
Yesufeʼmo vayaʼmo faliteʼa he tisaya kavafeʼmo ge huʼa afi geʼnaya gemae
(Mt 22:23-33; Mk 12:18-27)
27Mago vayaʼmogi faliʼnaya vayaʼaifeʼmo huʼapaeʼmo, he otigae, huʼa nehaya vayaʼai apakiʼapimo Satiyusi mono vayaʼmogeʼa Yesutegamo eʼnae. 28Eʼa Yesufeʼmo huʼapaeʼmo, Tisao, huʼa, Moseseʼa lagaefeʼmo avoʼmo kaenoʼaeʼmo, mago vekamoʼmo aʼmo aliteno mafaʼnemo alino oʼateno falitesigenoʼaeʼmo konagaʼamoʼmo ani a kanomo aliteno agae aimuʼyaleʼmo mafaʼnemo alino apategaiye. Fiku yanageʼa faliʼniya vekamo nofi vayaʼamo faliʼa hano hugae, huno laha paiʼniye. 29Mago afinaʼmo seveniʼa konagamo maiʼnae. Nepuʼapimoʼmo aʼmo aliteno mafaʼnemo alino oʼateno ataleno falitegeno 30aganaʼamoʼmo kogu aʼmo aliteno ani kavaʼmo huno mafaʼnemo alino oʼateno faliʼniye. 31Ani kavaʼmo huno napa tali konagaʼamoʼmo ani a kanomo aliteno faliʼniye. Ani kavaʼmo huʼa seveniʼa konagamogimo ani a kanomo aliteʼa ataleʼa falite falite huʼnayaʼmonanafa mafaʼnemo aliʼa oʼateʼa faliʼnae. 32Henagaʼamo ani a kanomo faliʼniye. 33Seveniʼa konagamogimo ani a kanomo aliʼnayaʼmofeʼmo faliʼnayatetiʼmo he tisagenoʼaeʼmo ani a kanomo ina lateʼmo maigiye, huʼa ge huʼa afi geʼnagenoʼaeʼmo, 34ma mopafi vayaʼmogimo aʼmo alige aʼmafaʼnemogimo veleʼmo maige nehae. 35Gotiʼa mago vayaʼaifeʼmo hunoʼaeʼmo, saufa afinaʼmo faliʼnayategatiʼmo he tiʼa maisaya agufa kavaʼmo huʼa maiʼnae, huno agesamo neʼafiya vayaʼmo he tisaya afinaʼmo aʼmo oʼalige veleʼmo oʼmaige hugae. 36#1 Yo 3:1-2Ofaliʼa enisole vayakana huʼa maisayafekeʼmo Goti mafaʼneʼamo maiʼnayaʼmofeʼmo faliʼnayatetiʼmo halate he tisayana alagi ofaligae. 37Moseseʼa aise yosafiʼmo ata leʼniya kavafeʼmo ava gemo huno avoʼmo kae maleʼniyana faliʼnaya vayaʼmo he tigae, huno avoʼmo kae maleʼniye. Moseseʼa hunoʼaeʼmo,
Ala kava neʼmo Emalehamu Gotiʼamoʼmo maige Aisiki Gotiʼamoʼmo maige Yekopu Gotiʼamoʼmo maige huno maiʼniye,
huno avoʼmo kae maleʼniye. 38#Lo 14:8-9Agaemo alagi faliʼnaya vayaʼmogi Gotiʼapimoʼmo oʼmaiʼnifa afaʼa maiʼnaya vayaʼmogi Gotiʼapimoʼmo maiʼniye. Muki vayaʼamogimo Gotitefeʼmo afaʼa maiʼnae, huno agesamo neʼafiye, huno hapa paiʼnigeʼapaeʼmo 39mago vayaʼmo keʼaepa gemo avoʼmo kaeʼa aliʼa apaya neʼmalaya vayaʼmogimo, Tisao, huʼa, geʼapileʼmo alagepa huka aeka atagaina huka nehane, huʼa ha paiʼnae. 40Apakaemo magoʼe huʼa loka huʼa ge huʼa afi gesayafeʼmo koli huteʼa ge huʼa afi okeʼa afaʼa maiʼnae.
Yesuʼa Kalaisi vekaeʼmo ge huno apafi geʼniya gemae
(Mt 22:41-46; Mk 12:35-37)
41Yesuʼa hunoʼaeʼmo, haiya agufa kavaʼmo huno Kalaisi vekamoʼmo Nevini akamelegati aginago vekaʼamo maigiye, huʼa nehae. 42-43#Sam 110:1Neviniʼa agaiʼamo Samu mukufiʼmo hunoʼaeʼmo,
Ala kava neʼmoʼa Ala kava neʼnieʼmo hunoʼaeʼmo, lamaga nahaopaleʼmo fai maime maime neʼugeʼnao kame vayakamo apamagiteʼna aliʼna kaiyamo afeʼalumelaga apatesugeʼa maigae,
huno ha paiʼniye. 44Neviniʼa ani geeʼmo hunoʼaeʼmo, Kalaisi vekaeʼmo Ala kava neʼnie, huno ha paiʼniyaʼmofeʼmo haiya agufa kavaʼmo huno Kalaisi vekamoʼa Nevini akamelegati aginagoʼamo maiʼniye, huno ge huno apafi geʼniye.
Yesuʼa keʼaepa gemo aliʼa apaya neʼmalaya vayaʼaifeʼmo huʼniya gemae
(Mt 23:1-36; Mk 12:38-40; Lu 11:37-54)
45Muki vayaʼai apaulagaleʼmo geʼamo neʼafiya vayaʼaifeʼmo ina ge huno hapa paiʼniye, 46Keʼaepa gemo avoʼmo kaeʼa aliʼa apaya neʼmalaya vayaʼmogimo hosu kavaʼmo nehayanagi alagepa hutapa yagaiyo. Apakufamo avaleliʼa haisayafeʼmo yatala kukenamo vaiteʼa umenitata nehaya kavafeʼmo hapauʼniye. Maketi kumateʼmo maiʼnaya vayaʼmogi ge apamamaeteʼa amuse huʼa neʼapataya kavafekeʼmo nehapaiye. Muki mono noʼafiʼmo hogote siyateʼmo maige yagita nehayategamo ala apaki vayaʼmo neʼmaiya yateʼmo maige hisayafekeʼmo hapauʼniye. 47Apakaemo kogu aʼne anagaʼaifeʼmo humi apateteʼa kagemi yaʼapimo kumayaʼmo aliteʼa aigofe gemo huʼa yatala nunumuʼmo nehae, huno hapa paiʼniye.
Currently Selected:
Luki 20: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Luki 20
20
Yesufeʼmo, ina laʼmo hunoʼaeʼmo, yagaika apatesana vekae, huteno lekana paino kateʼniye, huʼa ge huʼa afi geʼnaya gemae
(Mt 21:23-27; Mk 11:27-33)
1Mago afinaʼmo Yesuʼa Yu vayaʼai alopa mono nopiʼmo uno haino alagepa faigoko gemo alino apaya maleʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi vayatama vayanagi huʼa eʼa, 2haiya agufa alagena yakamo yagaika apatesana yaʼmo aliʼnekaeʼmo mani kavaʼmo nehane. Ina laʼmo ani kavaʼmo huvo, huno kaha paiʼniye, huʼa ge huʼa afi geʼnagenoʼaeʼmo, 3inagi nagaeʼeʼmo mago gemo lapafi gesugetapaeʼmo naha paiyo. 4Yoniʼa aniʼmo faleno apatesiyafeʼmo Gotiʼa lekana paino ateʼnifi vayaʼmogi lekana paiʼa ateʼnae, huno ge huno apafi geʼnigeʼapaeʼmo 5apakaiʼapimo ge huge afige huʼapaeʼmo, geʼaleʼmo na agufa gemo huta ha paigune. Gotiʼa lekana paino ateʼniye, huta hisunana na kava higetapaeʼmo geʼaeʼmo lapakesamo afita fatago osuʼnae, huno laha paigiye. 6Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa 7geʼaleʼmo aeʼa atagaina huʼa ha paiʼapaeʼmo, oʼafiʼnone, huʼa ha paiʼnagenoʼaeʼmo, 8naha opaiʼnayaʼmofeʼmo haiya agufa alagena yaʼmo yagaiʼa neʼapataya vayaʼmogi neʼaliya agufa alagena yaʼmo aliʼneʼnaeʼmo ani kavaʼmo nehufi huʼna lapa opaiguve, huno hapa paiʼniye.
Hosu vayaʼmogimo hoyaleʼmo yagaiʼnaya kavafeʼmo aeno kalafefa gemo huʼniya gemae
(Mt 21:33-46; Mk 12:1-12)
9 #
Aiy 5:1
Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleteno mago vayaʼmogi yagaiʼa ateʼnisageno nofi alagamo afu lesigeno agaiʼamo mago nofi alagaʼamo alisigeʼa apakaemo mago nofi alagaʼamo alisayafeʼmo apavaleno apateteno afagi kotegamo uno yatala afinaʼmo maiʼniye. 10#2 Sit 36:15-16Nofi alagamo ago afu leʼnigenoʼaeʼmo agaemo mago nofi alagamo alisiyafeʼmo aliʼyaʼamo neʼaliya vekamo alino ateʼnigeno uʼniye. Uʼnigeʼapaeʼmo hoyaʼaleʼmo yagaiʼnaya vayaʼmogimo atafauʼa amagiteʼapaeʼmo, afaʼa ataleka uvo, huʼa ha paiʼnageno oʼalino afaʼa ataleno eʼniye. 11Agaemo alu vekamo aliʼyaʼamo neʼaliya vekamo alino ateʼnigeno uʼniyana ani agufa kavaʼmo huʼa amagiteʼa agaetegamo hosu kavaʼmo huteʼa aliʼa atalageno oʼalino afaʼa eʼniye. 12Halate mago alu vekamo alino ateʼnigeno uʼnigeʼapaeʼmo lusi kava huʼa amagiʼnageno kolaʼamoʼmo huʼnigeʼa malaga alini uʼa yaga auʼa ataleʼnae. 13Hoyamo afoʼamoʼmo hunoʼaeʼmo, nagaemo na agufa kavaʼmo hisuve. Nahau nayamopafiʼmo nahauʼniya mafaʼneʼnimo aliʼna atesugeno visigeʼapaeʼmo geʼamo afaʼa afigae, huno agesamo afiʼniye. 14Huʼniyaʼmonanafa hoyaʼaleʼmo yagaiʼnaya vayaʼmogi mafaʼneʼamo eʼnigeʼa ageteʼapaeʼmo apakaiʼapimo ge huge afige huʼapaeʼmo, ani vekamoʼmo afoʼamo yaʼmo aligiyaʼmofeʼmo amagigetao muki yaʼamo lagaemo aligune, huʼa huteʼa 15asagauli uʼa malaga ataleʼneʼa kamitimo amagiʼnae. Hoyamo afoʼamoʼmo apakaetegamo na agufa kavaʼmo hugiye. 16Eno hoyaʼaleʼmo yagaiʼnaya vayaʼmo kamitimo apamagiteno mago alu vayaʼmo alino apamigiye, huno hapa paiʼnigeʼa afiteʼapaeʼmo, haʼao, fiku yanageno ani agufa kavaʼmo lagaetegamo afole aigiye, huʼa ha paiʼnageno 17#Sam 118:22Yesuʼa aulu hapaeno apaketenoʼaeʼmo, mukufiʼmo avoʼmo kae maleʼniya gemoʼmo haiya agufa aepaʼamo haneʼniye. Ani gemoʼmo hunoʼaeʼmo,
yafatetiʼmo noʼmo nekiya vayaʼmogimo mago noʼmo nekiya yafafeʼmo huʼapaeʼmo, afa ina agufa yafane, huʼa huteʼa aliʼa yaga auʼa ataleʼnayana ani yafaʼmo hogote yafaʼmo alino hamaleno ateʼniye.
18 #
Aiy 8:14-15
Haiya vayaʼmogi ani yafateʼmo asagauʼa aisafigeno aino katali katalu huno apatalegaiyaʼmonanafa ani yafaʼmoʼa haiya vayaʼai apakufaleʼmo asagauno aisifigeno aino lata paino aise aise huno atalegaiye, huno huʼniye, huno Yesuʼa hapa paiʼniye. 19#Lu 19:47-48Keʼaepa gemo avoʼmo kaeʼa aliʼa apaya neʼmalaya vayaʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo huʼapaeʼmo, ani aeno kalafefa gemo lagaefekeʼmo huʼniye, huʼa huteʼa ani afinaʼmo kalavusi huʼa atesayafeʼmo huʼnayaʼmonanafa afa vayaʼaifeʼmo koli huʼnae.
Takesi monimo amisupiye, huʼa ge huʼa afi geʼnaya gemae
(Mt 22:15-22; Mk 12:13-17)
20 #
Lu 11:54
Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae. 21Apakaemo, tisao, huʼa, lagaemo ago kageʼnonana lama gemo alagepa huka alika apaya neʼmalane. Goti geʼamo akame hisaya kateʼmo visaya kavafeʼmo lama gekaletiʼmo alika apaya neʼmalanageta kageʼnone. 22Humi atesayafeʼmo lagaemo Goti keʼaepa geʼamo akame hisunafeʼmo takesi monimo gamani vekamo yagaino nelateya vekamo Sisana amisupi oʼamisune, huʼa ge huʼa afi geʼnageno 23huʼnaya gemo afitenoʼaeʼmo, 24ani laga monimo aliniteta nave liyo. Ani laga monileʼmo ina la augosaʼe agiʼeʼmo avoʼmo kae maleʼnaya agimo haneʼniye, huno ge huno apafi geʼnigeʼapaeʼmo, Sisa agiʼe augosaʼeʼmo haneʼniye, huʼa ha paiʼnagenoʼaeʼmo, 25Sisa yaʼamo Sisana amiteta Goti yaʼamo Gotina amiyo, huno hapa paiʼnigeʼa 26afiteʼapaeʼmo hapau aiteʼa ge osuʼa maiʼnae. Apakaemo vayaʼai apaulagaleʼmo geʼaleʼmo huʼa atafauʼa atesayafeʼmo huʼnayana huʼa atafauʼa oʼateʼnae.
Yesufeʼmo vayaʼmo faliteʼa he tisaya kavafeʼmo ge huʼa afi geʼnaya gemae
(Mt 22:23-33; Mk 12:18-27)
27Mago vayaʼmogi faliʼnaya vayaʼaifeʼmo huʼapaeʼmo, he otigae, huʼa nehaya vayaʼai apakiʼapimo Satiyusi mono vayaʼmogeʼa Yesutegamo eʼnae. 28Eʼa Yesufeʼmo huʼapaeʼmo, Tisao, huʼa, Moseseʼa lagaefeʼmo avoʼmo kaenoʼaeʼmo, mago vekamoʼmo aʼmo aliteno mafaʼnemo alino oʼateno falitesigenoʼaeʼmo konagaʼamoʼmo ani a kanomo aliteno agae aimuʼyaleʼmo mafaʼnemo alino apategaiye. Fiku yanageʼa faliʼniya vekamo nofi vayaʼamo faliʼa hano hugae, huno laha paiʼniye. 29Mago afinaʼmo seveniʼa konagamo maiʼnae. Nepuʼapimoʼmo aʼmo aliteno mafaʼnemo alino oʼateno ataleno falitegeno 30aganaʼamoʼmo kogu aʼmo aliteno ani kavaʼmo huno mafaʼnemo alino oʼateno faliʼniye. 31Ani kavaʼmo huno napa tali konagaʼamoʼmo ani a kanomo aliteno faliʼniye. Ani kavaʼmo huʼa seveniʼa konagamogimo ani a kanomo aliteʼa ataleʼa falite falite huʼnayaʼmonanafa mafaʼnemo aliʼa oʼateʼa faliʼnae. 32Henagaʼamo ani a kanomo faliʼniye. 33Seveniʼa konagamogimo ani a kanomo aliʼnayaʼmofeʼmo faliʼnayatetiʼmo he tisagenoʼaeʼmo ani a kanomo ina lateʼmo maigiye, huʼa ge huʼa afi geʼnagenoʼaeʼmo, 34ma mopafi vayaʼmogimo aʼmo alige aʼmafaʼnemogimo veleʼmo maige nehae. 35Gotiʼa mago vayaʼaifeʼmo hunoʼaeʼmo, saufa afinaʼmo faliʼnayategatiʼmo he tiʼa maisaya agufa kavaʼmo huʼa maiʼnae, huno agesamo neʼafiya vayaʼmo he tisaya afinaʼmo aʼmo oʼalige veleʼmo oʼmaige hugae. 36#1 Yo 3:1-2Ofaliʼa enisole vayakana huʼa maisayafekeʼmo Goti mafaʼneʼamo maiʼnayaʼmofeʼmo faliʼnayatetiʼmo halate he tisayana alagi ofaligae. 37Moseseʼa aise yosafiʼmo ata leʼniya kavafeʼmo ava gemo huno avoʼmo kae maleʼniyana faliʼnaya vayaʼmo he tigae, huno avoʼmo kae maleʼniye. Moseseʼa hunoʼaeʼmo,
Ala kava neʼmo Emalehamu Gotiʼamoʼmo maige Aisiki Gotiʼamoʼmo maige Yekopu Gotiʼamoʼmo maige huno maiʼniye,
huno avoʼmo kae maleʼniye. 38#Lo 14:8-9Agaemo alagi faliʼnaya vayaʼmogi Gotiʼapimoʼmo oʼmaiʼnifa afaʼa maiʼnaya vayaʼmogi Gotiʼapimoʼmo maiʼniye. Muki vayaʼamogimo Gotitefeʼmo afaʼa maiʼnae, huno agesamo neʼafiye, huno hapa paiʼnigeʼapaeʼmo 39mago vayaʼmo keʼaepa gemo avoʼmo kaeʼa aliʼa apaya neʼmalaya vayaʼmogimo, Tisao, huʼa, geʼapileʼmo alagepa huka aeka atagaina huka nehane, huʼa ha paiʼnae. 40Apakaemo magoʼe huʼa loka huʼa ge huʼa afi gesayafeʼmo koli huteʼa ge huʼa afi okeʼa afaʼa maiʼnae.
Yesuʼa Kalaisi vekaeʼmo ge huno apafi geʼniya gemae
(Mt 22:41-46; Mk 12:35-37)
41Yesuʼa hunoʼaeʼmo, haiya agufa kavaʼmo huno Kalaisi vekamoʼmo Nevini akamelegati aginago vekaʼamo maigiye, huʼa nehae. 42-43#Sam 110:1Neviniʼa agaiʼamo Samu mukufiʼmo hunoʼaeʼmo,
Ala kava neʼmoʼa Ala kava neʼnieʼmo hunoʼaeʼmo, lamaga nahaopaleʼmo fai maime maime neʼugeʼnao kame vayakamo apamagiteʼna aliʼna kaiyamo afeʼalumelaga apatesugeʼa maigae,
huno ha paiʼniye. 44Neviniʼa ani geeʼmo hunoʼaeʼmo, Kalaisi vekaeʼmo Ala kava neʼnie, huno ha paiʼniyaʼmofeʼmo haiya agufa kavaʼmo huno Kalaisi vekamoʼa Nevini akamelegati aginagoʼamo maiʼniye, huno ge huno apafi geʼniye.
Yesuʼa keʼaepa gemo aliʼa apaya neʼmalaya vayaʼaifeʼmo huʼniya gemae
(Mt 23:1-36; Mk 12:38-40; Lu 11:37-54)
45Muki vayaʼai apaulagaleʼmo geʼamo neʼafiya vayaʼaifeʼmo ina ge huno hapa paiʼniye, 46Keʼaepa gemo avoʼmo kaeʼa aliʼa apaya neʼmalaya vayaʼmogimo hosu kavaʼmo nehayanagi alagepa hutapa yagaiyo. Apakufamo avaleliʼa haisayafeʼmo yatala kukenamo vaiteʼa umenitata nehaya kavafeʼmo hapauʼniye. Maketi kumateʼmo maiʼnaya vayaʼmogi ge apamamaeteʼa amuse huʼa neʼapataya kavafekeʼmo nehapaiye. Muki mono noʼafiʼmo hogote siyateʼmo maige yagita nehayategamo ala apaki vayaʼmo neʼmaiya yateʼmo maige hisayafekeʼmo hapauʼniye. 47Apakaemo kogu aʼne anagaʼaifeʼmo humi apateteʼa kagemi yaʼapimo kumayaʼmo aliteʼa aigofe gemo huʼa yatala nunumuʼmo nehae, huno hapa paiʼniye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.