ᓬᐅᒃ 12
12
ᑫᑯ ᐃᔑᓈᑯᓯᑫᒃ ᐅᒥᓍᓂᑎᓰᒃ ᑳᐃᓍᓂᑎᓱᐙᒡ
(Matthew 10.26-27)
1 # Mat 16.6; Mark 8.15. ᒦᑕᔥ ᐊᐲ ᐃᐃᐌ ᓃᐱᐗᐞ ᒥᑖᔂᒃ ᐁᐱ ᒫᐗᒋᐃᑎᓂᒡ ᐐᑫ ᐁᑮ ᓰᒋᔥᑯᑖᑎᓂᒡ ᑮᐊᓂ ᑕᑕᑯᑳᓂᑎᐗᐞ ᑲᔦ᙮ ᒦᔥ ᒋᓴᔅ ᑳᑮᒫᒌ ᑲᑲᓅᓈᒡ ᐅᑭᑭᓄᐊᒪᐙᑲᓇᐞ ᐁᑮᐃᓈᒡ: ᐊᔮᒀᒥᓯᒃ ᒋᐃᔑᓈᑯᓯᓯᐌᒃ ᐯᕒᐊᓰᒃ Pharisees ᑳᐃᓍᓂᑎᓱᐙᒡ ᐅᒥᓍᑎᓰᒃ᙮ ᑖᐱᔥᑰ ᐅᐱᓯᑲᓀᔅ ᒥᓯᐌ ᑳᐃᔖᒪᑲᒃ ᐊᓈᒥᕽ ᐸᑴᔑᑲᓂᕽ, ᒦ ᐃ ᐁᔑᓈᑾᓂᓂᒃ ᐅᐱᒫᑎᓯᐎᓂᐙ᙮ 2#Mark 4.22; Luke 8.17. ᑫᑰᓐ ᓴ ᐱᑯ ᑳᐊᑾᓇᐃᑳᑌᒃ ᑕᒧᔐ ᓈᑯᒋᑳᑌ, ᑫᑰᓐ ᑲᔦ ᑳᑮᒨᑌᑖᐗᒃ ᑕᑭᑫᑖᑾᓐ᙮ 3ᐋᓃᓐ ᐃᓴ ᑯ ᐁᑭᑐᔦᒃ ᑮᑎᐱᑲᒃ ᑕᓅᑖᑳᓂᐗᓐ ᑮᔑᑲᒃ᙮ ᐋᓃᓐ ᑲᔦ ᐁᔑᑮᒨᒋ ᑮᑭᑐᔭᓐ ᐸᑫᒋᑲᓂᕽ ᐗᑭᒋ ᐙᑳᐃᑲᓂᑳᕽ ᑕᐅᒋ ᑭᔒᐌ ᑕᔑᒋᑳᑌ᙮
ᐊᐌᓀᓐ ᑫᑯᓯᓐᒡ
(Matthew 10.28-31)
4ᒦᑕᔥ ᐁᓂᓇᑰᒃ, ᑫᑯ ᑕᔥ ᐐᓐ ᑯᓵᑫᒀᓂᒃ ᐃᑭ ᑳᓂᑑᐙᒡ ᐐᔭᐎᒫ, ᐁᑲᔥᑭᑑᓯᒀ ᑕᔥ ᐊᐗᔑᒣ ᒋᐊᓂ ᐃᔑᒋᑫᐙᒡ᙮ 5ᑭᐐᑕᒪᐎᓂᓂᒻ ᐃᑕᔥ ᐊᐌᓀᓐ ᑫᑯᓭᑭᐸᓐ᙮ ᑯᓯᒃ ᑭᔐᒪᓂᑑ, ᐐᓐ ᐄᑐᒃ ᑳᑲᔥᑭᑑᒡ ᑮᐃᔥᒀ ᓂᓵᒡ ᐊᐎᔭᓐ ᒋᐃᔑ ᐌᐱᓈᒡ ᒪᒋ ᐃᔥᑯᑌᕽ᙮ ᑌᐺ ᑕᔥ ᑭᐐᑕᒪᐎᓂᓂᒻ ᒋᑯᓭᒃ ᑭᔐᒪᓂᑑ᙮ 6ᑳᐐᓐ ᐃᓇ ᓈᓇᓐ ᒥᔅᑯᒥᓂᑫᓯᐗᒃ#12.6 ᒥᔅᑯᒥᓂᑫᓯᐗᒃ ᑳᑭᑎᒫᑭᓯᐙᒡ ᑮᓂᑖ ᐊᑖᐌᐗᒃ ᑳᐊᑳᔒᔑᓂᒡ ᐱᓀᔒᔕᓐ ᒋᐊᒸᐙᒡ, ᐋᓃᔥ ᑮᐌᑕᑭᓱᐗᓐ᙮ ᓃᔓ ᐲᐙᐱᑰᔅ ᐃᓇᑭᓱᓰᐗᒃ? ᔖᑰᒡ ᐃᑕᔥ ᑳᐐᓐ ᐊᐙᒡ ᐯᔑᒃ ᐅᐗᓃᑫᑖᑯᓰᓐ ᑭᔐᒪᓂᑑᓐ᙮ 7ᐃᓇᔥᑫ ᑕᔥ ᑮᓇᐙ ᑳᑕᓱ ᐯᔑᑾᑭᓐ ᑮᓂᓯᓯᐙᓐ ᑲᑭᓇ ᑭᑫᒋᑳᑌᐗᓐ ᐁᑕᓯᑭᓐ᙮ ᑫᑯ ᑕᔥ ᑮᓇᐙ ᓭᑭᓯᑫᒃ, ᓇᐗᒡ ᑮᓇᐙ ᑭᑭᒋ ᐃᓀᑖᑯᓯᒻ ᐊᐲᒡ ᐐᓐ ᐃᑭ ᒥᔅᑯᒥᓂᑫᓯᐗᒃ!
ᐋᓃᓐ ᒋᓴᔅ ᐁᓈᒡ ᐃᓂᐌᓂᐗᓐ ᑳᐃᑭᑐᓂᒡ ᐁᑭᑫᓂᒥᑯᒡ
(Matthew 10.32-33; 12.32; 10.19-20)
8ᒦᑕᔥ ᐁᓂᓇᑰᒃ, ᐊᐊᐌ ᓴ ᑫᐐᔑᒡ ᐁᑭᑫᓂᒥᒡ ᐁᓈᓴᒦᓂᒡ ᐯᒫᑎᓯᓂᒡ, ᒦ ᐃ ᑫᓃᓐ ᐃᓂᓂ ᐅᑯᓯᓴᓐ ᓂᑲ ᐐᓈ ᐁᑭᑫᓂᒪᒃ ᐁᓈᓴᒦᓂᒡ ᑭᔐᒪᓂᑑᓐ ᐅᑌᒐᓬᐃᒥᓂ᙮ 9ᐊᐊ ᑕᔥ ᐐᓐ ᑳᐋᓇᐌᓂᒥᒡ ᐁᓈᓴᒦᓂᒡ ᐯᒫᑎᓯᓂᒡ, ᒦᑕᔥ ᑫᐐᓐ ᐯᔑᑾᓐ ᑫᔑ ᐋᓇᐌᑖᑯᓯᒡ ᐁᓈᓴᒦᓂᒡ ᑭᔐᒪᓂᑑᓐ ᐅᑌᒐᓬᐃᒥᓂ᙮
10 # Mat 12.32; Mark 3.29. ᐊᐎᔭ ᐱᑯ ᑫᒪᒋ ᐃᓈᒡ ᐃᓂ ᐃᓂᓂ ᐅᑯᓯᓯᒫᓐ ᑕᐴᓀᑕᒪᐙᑲᓂᐎ᙮ ᐊᐎᔭ ᑕᔥ ᐐᓐ ᒪᒋ ᐃᓈᒡ ᑭᔐᒪᓂᑑᓐ ᐅᑕᒑᑯᓂ ᑳᐐᓐ ᑕᐴᓀᑕᒪᐙᓰ᙮
11 # Mat 10.19-20; Mark 13.11; Luke 21.14-15. ᐊᐲ ᓴ ᐃᔑᐎᓂᑰᔦᒃ ᐁᑕᔑ ᒫᐗᒋᐃᑎᐙᒡ ᐁᐐ ᑎᐹᑯᓂᓀᒀ ᐁᓈᓴᒦᐙᒡ ᐌᑭᒫᐌᑖᑯᓯᐙᒡ, ᐃᑭ ᑲᔦ ᑭᒋᐅᑭᒫᒃ, ᑫᑯ ᐐᓐ ᐗᐙᓀᑕᑫᒃ ᐋᓃᓐ ᑫᐃᔑ ᓈᑕᒫᓱᔦᒃ, ᐋᓃᓐ ᑲᔦ ᑫᐃᑭᑐᔦᒃ᙮ 12ᑭᔐᒪᓂᑑ ᐅᑕᒑᑾᓐ ᐅᔕ ᑭᑲ ᑭᑭᓄᐊᒫᑯᐙ ᐋᓃᓐ ᑫᐃᑭᑐᔦᒃ ᐃᐃ ᐊᐲ᙮
ᑮᐊᐌᒋᑳᓱᒡ ᐃᓂᓂ ᑫᑮᐹᑎᓯᓂᒡ ᑳᑮᐊᐯᓂᒧᒡ ᐅᐌᓅᑎᓯᐎᓐ
13ᐯᔑᒃ ᑕᔥ ᐃᓂᓂᐗᓐ ᑮᐅᒋ ᑮᑭᑐᐗᓐ ᐃᐃᒫ ᐁᔑ ᐹᑏᓄᓈᓂᐗᓂᓂᕽ ᐁᑮᐃᑯᒡ: ᐅᑭᑭᓄᐊᒫᑫ, ᑕᑲ ᑲᓅᔥ ᓃᒋᑭᐌᓯ ᒋᓀᓈᐎᓇᒪᐎᒡ ᐃᐃᐌᓂ ᒥᓂᒃ ᑫᑰᓐ ᑳᑮᓇᑲᑕᒪᐎᔭᒥᓐᒡ ᓂᑌᑌᓈᓐ ᐊᐲ ᑳᑮᐃᔥᒀ ᐱᒫᑎᓯᒡ᙮
14ᒋᓴᔅ ᑕᔥ ᐅᑮᐃᔑ ᓇᑴᑕᐙᓐ, ᓃᒋᐱᒫᑎᔅ: ᐊᐌᓀᓐ ᑳᐃᓇᑭᒥᒡ ᒋᑎᐹᑯᓂᐌᔮᓐ, ᑯᒫ ᑲᔦ ᒋᐅᓀᑕᒫᓐ ᐋᓃᓐ ᑫᔑ ᓀᓈᐎᓇᒫᑎᔦᒃ ᐃᓂ ᑳᑮᓇᑲᑕᒫᑰᔦᒃ? 15ᒦᑕᔥ ᑳᐃᓈᒡ ᑲᑭᓇ ᐃᐃᒫ ᑳᑮᐊᔮᓂᒡ: ᐊᔮᒀᒥᓯᒃ, ᑲᓇᐌᓂᑎᓱᒃ ᒋᐊᔪᓵᒥᓯᓯᐌᒃ, ᐋᓃᔥ ᑳᐐᓐ ᐊᐎᔭ ᐅᒋ ᐱᒫᑎᓯᓰ ᐋᓃᓐ ᒥᓂᒃ ᑫᑰᓐ ᐁᔮᒡ, ᒥᓴᐙ ᑯ ᐋᓇ ᑭᒋ ᐌᓅᑎᓯᒡ᙮
16ᒋᓴᔅ ᑕᔥ ᐅᑮᐐᑕᒪᐙᐞ ᐅᐅ ᐊᐌᒋᑲᓐ: ᐋᐱᑎᕽ ᑮᐊᔮ ᐃᓂᓂ ᐁᑮᐌᓅᑎᓯᒡ, ᐅᑭᑎᑫᐗᑲᒥᒃ ᐁᑮᒥᓄ ᓂᑖᐎᑭᒋᑫᒪᑲᓂᓂᒃ᙮ 17ᒦᔥ ᐄᓴᓐ ᑳᐃᓀᑕᕽ: ᐋᓃᓐ ᑕᔥ ᑫᐃᔑᒋᑫᔮᓐ? ᑳᐐᓐ ᐊᐗᔑᒣ ᓂᑕᔮᓰᓐ ᐊᑖᓱᐎᑲᒥᒃ ᑫᔑ ᐊᑑᔮᓐ ᑳᓂᑖᐎᑭᑭᓐ ᓂᑭᑎᑫᐗᑲᒥᑯᕽ᙮ 18ᒦᔥ ᐄᓴᓐ ᑳᐃᑎᓱᒡ: ᒦᐅᐌ ᑫᐃᔑᒋᑫᔮᓐ, ᓂᑲ ᐲᑯᐱᑑᓇᓐ ᓂᑖᑖᓱᐎᑲᒥᑰᓐ, ᒦᔥ ᒋᐅᔑᑑᔮᓐ ᑯᑕᒃ ᓇᐗᒡ ᒋᒪᒥᒑᑭᓐ ᑫᔑ ᑲᓇᐌᑕᒫᓐ ᑲᑭᓇ ᑳᓂᑖᐎᑭᑭᓐ ᓂᑭᑎᑫᐗᑲᒥᑯᕽ, ᐃᓂ ᑲᔦ ᑯᑕᒃ ᑫᑰᓇᓐ ᑳᑎᐯᑕᒫᓐ᙮ 19ᒦ ᓴ ᑫᐃᑎᓱᔮᓐ: ᐆᐗ, ᐁᑕᑕᐌ ᑭᒥᓄᓭ, ᓃᐱᐗᐞ ᑫᑰᓇᓐ ᐁᐊᔮᔭᓐ ᑳᐅᓂᔑᔑᑭᓐ, ᑭᓉᔥ ᑕᓱᐱᐴᓐ ᐐᑳ ᒋᓅᑌᓭᓯᐗᓐ᙮ ᒦᔥ ᐃᔑ ᒥᒋ ᐊᔭᔮᓐ, ᒋᐐᓯᓂᔭᓐ, ᒋᒥᓂᑴᔭᓐ ᑲᔦ ᑕᔥ ᒋᒌᑫᑕᒪᓐ ᐁᐱᒫᑎᓯᔭᓐ, ᑮᐃᑭᑐ᙮ 20ᒦᑕᔥ ᑭᔐᒪᓂᑑᓐ ᑳᐃᑯᒡ: ᑮᓐ ᑳᑲᑮᐹᑎᓯᔭᓐ᙮ ᓅᑯᒻ ᑳᐐ ᑎᐱᑲᒃ ᑭᐱᒫᑎᓯᐎᓐ ᑕᐅᑖᐱᓂᑳᑌ᙮ ᐊᐌᓀᓐ ᑕᔥ ᑫᐊᔮᒡ ᐃᓂᐌᓂᐗᓐ ᑮᓐ ᑳᑮ ᑾᔮᒋᑕᒫᓱᔭᓐ ᐁᐐᐊᔮᔭᓐ? ᐅᑮᐃᑰᓐ᙮
21ᒦᔥ ᒋᓴᔅ ᑳᐊᓂ ᐃᑭᑐᒡ: ᒦ ᐅᐌ ᑫᐃᔑᓈᑯᓯᒡ ᐊᐊᐌ ᑳᑾᔮᒋᑕᒫᓱᒡ ᐌᓅᑎᓯᐎᓐ, ᑳᐐᓐ ᐌᓅᑎᓯᓰ ᐁᓈᓴᒦᓂᒡ ᑭᔐᒪᓂᑑᓐ᙮
ᐋᓃᓐ ᑫᔑ ᐊᐯᓂᒧᓄᑕᐎᓐᒡ ᑭᔐᒪᓂᑑ ᒋᑲᓇᐌᓂᒥᓀᒃ
(Matthew 6.25-34)
22ᒦᑕᔥ ᐅᐅ ᒋᓴᔅ ᑳᐃᓈᒡ ᐅᑭᑭᓄᐊᒪᐙᑲᓇᐞ: ᑫᑯ ᐅᒋ ᒥᑯᔥᑳᑌᑕᑫᒃ ᑭᐱᒫᑎᓯᐎᓂᐙᓐ, ᐌᑯᓀᓐ ᑫᒦᒋᔦᒃ, ᐌᑯᓀᓐ ᑲᔦ ᑫᒥᓂᑴᔦᒃ᙮ ᑫᑯ ᑲᔦ ᐅᒋ ᐅᒑᓂᒣᑕᑫᒃ ᑭᐐᔭᐎᐙᓐ, ᐌᑯᓀᓐ ᑲᔦ ᑫᑭᑭᔥᑲᒣᒃ᙮ 23ᓇᐗᒡ ᐅᔕ ᐱᒫᑎᓯᐎᓐ ᑭᒋ ᐃᓀᑖᑾᓐ ᐊᐲᒡ ᐐᓐ ᒦᒋᒻ, ᐃᐃ ᑲᔦ ᒦᔭᐤ ᓇᐗᒡ ᑭᒋ ᐃᓀᑖᑾᓐ ᐊᐲᒡ ᐐᓐ ᑭᑭᔥᑭᑲᓇᓐ᙮ 24ᐃᓇᔥᑫ ᑳᑳᑭᐗᒃ ᑳᐸᐹᒥᓭᐙᒡ, ᑳᐐᓐ ᑭᑎᑫᓰᐗᒃ, ᑳᐐᓐ ᑲᔦ ᒫᐗᒋᒋᑫᓰᐗᒃ᙮ ᑳᐐᓐ ᑲᔦ ᐅᑕᔮᓰᓈᐙ ᒦᒋᒥᑲᒥᒃ, ᐊᑖᓱᐎᑲᒥᒃ ᑲᔦ᙮ ᔖᑰᒡ ᑕᔥ ᑭᔐᒪᓂᑑᓐ ᐅᑕᔕᒥᑯᐙᓐ᙮ ᑳᐐᓐ ᐃᓇ ᑮᓇᐙ ᐊᐗᔑᒣ ᑭᑕᐲᑌᑖᑯᓯᓰᒻ ᐊᐲᒡ ᐃᑭ ᐱᓀᔒᔕᒃ? 25ᑭᓉᔥ ᐃᓇ ᑭᑖᐅᒋ ᐱᒫᑎᔅ ᐁᒥᑯᔥᑳᑌᑕᒪᓐ? ᑫᑫᑦ ᐃᓇ ᑭᓉᔥ ᑕᐱᒫᑎᓯ?
26ᑮᔥᐱᓐ ᑕᔥ ᐁᑲᔥᑭᑑᓯᐌᒃ ᒋᑑᑕᒣᒃ ᐃᐃᐌ ᑳᐊᑳᓯᕽ, ᐌᑯᓀᓐ ᑕᔥ ᐌᒋ ᐅᒑᓂᒣᑕᒣᒃ ᑯᑕᒃ ᑫᑰᓇᓐ? 27#1 Kings 10.4-7; 2 Chron 9.3-6. ᐃᓇᔥᑫ ᐙᐸᑕᒧᒃ ᐙᐱᑾᓃᓐ ᐁᐱᒥᑭᑭᓐ᙮ ᑳᐐᓐ ᐊᓄᑮᒪᑲᓯᓅᓇᓐ, ᑳᐐᓐ ᑲᔦ ᐅᔑᑕᒫᑎᓲᒪᑲᓯᓅᓇᓐ ᑭᑭᔥᑭᑲᓇᓐ᙮ ᑭᐐᑕᒪᐎᓂᓂᒻ ᐃᑕᔥ, ᐊᐴᔥᑫ ᐊᐌ ᑭᒋᐅᑭᒫ ᔂᓬᐊᒪᓐ Solomon ᐋᓇ ᑮᑭᒋ ᐌᓅᑎᓯᒡ, ᑳᐐᓐ ᐃᐃ ᑮᐃᔑ ᒥᓄᓈᑾᓯᓂᓂᐗᓐ ᐅᑭᑭᔥᑭᑲᓇᓐ ᑖᐱᔥᑰ ᐯᔑᒃ ᐅᐅ ᐙᐱᑾᓐ ᑳᐃᔑ ᒥᓄᓈᑾᒃ᙮ 28ᑭᔐᒪᓂᑑ ᐄᑐᒃ ᑳᐱᒋᑯᓇᔦᑑᒡ ᒪᔥᑯᓰᓐ ᐁᔮᓂᑭᓐ ᐱᑾᒐᔭᐄ᙮ ᓅᑯᒻ ᑳᑮᔑᑲᒃ ᐁᔮᓂᑭᓐ ᐃᓂ ᒪᔥᑯᓰᓐ, ᐙᐸᓂᓂᒃ ᑕᔥ ᐁᒪᒍᑌ ᐌᐱᓂᑳᑌᑭᓐ᙮ ᓇᐗᒡ ᐃᑕᔥ ᑮᓇᐙ ᑭᑲ ᐱᒋᑯᓇᔦᐃᑯᐙ᙮ ᐁᑕᑕᐌ ᐊᑳᓭᑖᑾᓐ ᑭᑌᐺᑕᒧᐎᓂᐙ᙮ 29ᑫᑯ ᑕᔥ ᐅᒋ ᒥᑯᔥᑳᑌᑕᑫᒃ ᐌᑯᓀᓐ ᑫᒦᒋᔦᒃ, ᑫᒥᓂᑴᔦᒃ ᑲᔦ? ᑫᑯ ᐅᒑᓂᒣᑕᑫᒃ᙮ 30ᒦᐗᓐ ᐅᓄ ᒨᔕᒃ ᑳᓇᓈᑐᓀᐊᒧᐙᒡ ᐃᑭ ᑳᑭᑫᓂᒫᓯᒀ ᑭᔐᒪᓂᑑᓐ᙮ ᑰᓯᐙ ᐅᔕ ᐅᑭᑫᑖᓐ ᐁᓅᑌᓭᔦᒃ ᐅᓄᐌᓂᐗᓐ᙮ 31ᓇᐗᒡ ᑕᔥ ᐊᑐᓀᐊᒧᐙᒃ ᐅᑑᑭᒫᐎᐎᓐ, ᑭᑲ ᒦᓂᑰᐎᓯᒻ ᑕᔥ ᐅᓄᐌᓂᐗᓐ ᑲᔦ᙮
ᐊᓴᒋᑯᒃ ᑳᐌᓅᑕᒃ ᐌᑎ ᑭᒋᑮᔑᑯᕽ
(Matthew 6.19-21)
32ᑫᑯ ᑕᔥ ᓭᑭᓯᑫᒃ, ᑮᓇᐙ ᑳᐊᑳᓰᓄᔦᒃ ᒫᓇᒑᓂᔐᓴᒃ ᑰᓯᐙ ᐅᔕ ᐅᑎᔑ ᒥᓍᐸᑖᓐ ᒋᒦᓂᓀᒃ ᑫᑮᓇᐙ ᒋᑎᐯᒋᑫᔦᒃ ᐃᐃᒫ ᐅᑎᐯᒋᑫᐎᓂᕽ᙮ 33ᐊᑖᐙᑫᒃ ᑲᑭᓇ ᑭᑕᔭᐄᒥᐙᓐ ᒋᒦᓀᒀ ᑕᔥ ᔔᓂᔮᓐ ᐃᑭ ᑳᑭᑎᒫᑭᓯᐙᒡ᙮ ᑾᔮᒋᑕᒫᓱᒃ ᑕᔥ ᔔᓂᔮᐗᔕᓐ ᐐᑳ ᑫᓅᑌ ᓂᔑᐗᓈᑕᓯᓄᑭᓐ᙮ ᒋᐊᑕᒫᓱᔦᒃ ᑳᑭᒋ ᐃᓀᑕᒣᒃ ᑭᒋᑮᔑᑯᕽ ᐐᑳ ᑫᔑ ᒑᑭᓭᓯᓄᒃ᙮ ᑳᐐᓐ ᐌᑎ ᐅᑮᒨᒋᔥᒃ ᑕᐅᑎᑕᓰ, ᑳᐐᓐ ᑲᔦ ᒦᑾᓇᔥᒃ ᐅᑲ ᓂᔑᐗᓈᒋᑑᓰᓇᓐ᙮ 34ᐋᑎ ᓴ ᐱᑯ ᑫᐊᔮᒃ ᑳᑭᒋ ᐃᓀᑕᒣᒃ, ᒦ ᓴ ᐃᒫ ᑫᐊᔮᑭᓐ ᑭᑌᐃᐙᓐ᙮
ᑳᐁᐯᒦᐙᒡ ᐊᓄᑮᐋᑲᓇᒃ
35 # Mat 25.1-13. ᑭᑭᑯᓇᔦᒃ ᒨᔕᒃ ᒋᐊᔦᐲᒣᔦᒃ, ᒫᓄ ᒋᐙᓴᑯᓀᑭᓐ ᑭᐙᓴᑯᓀᒋᑲᓂᐙᓐ᙮ 36#Mark 13.34-36. ᑖᐱᔥᑰ ᐊᓄᑮᐋᑲᓇᒃ ᑳᓃᐯᐱᐙᒡ ᐁᐲᐋᐙᒡ ᑳᑎᐯᓂᒥᑯᐙᒡ ᒋᐱᑮᐌᓂᒡ ᑳᑮᐃᔖᓂᒡ ᑭᒋ ᐐᑎᑫ ᐐᓯᓂᐎᓂᕽ᙮ ᐊᐲ ᑕᔥ ᐁᐱ ᑕᑯᔑᓂᓂᒡ ᐁᐱ ᐹᐹᐗᐃᑫᓂᒡ ᔐᒫᒃ ᐃᑯ ᐅᐹᑭᑌᓇᒪᐙᐙᓐ ᐃᔥᒀᑌᒻ᙮ 37ᐋᐱᒋ ᓴ ᑕᔕᐌᑖᑯᓯᐗᒃ ᐃᑭ ᐊᓄᑮᐋᑲᓇᒃ ᒥᑳᑯᐙᒡ ᑳᑎᐯᓂᒥᑯᐙᒡ ᐁᐲᐋᐙᒡ ᒋᐱᑕᑯᔑᓂᓂᒡ᙮ ᑭᐐᑕᒪᐎᓂᓂᒻ ᑕᔥ, ᒦᔥ ᑫᔑ ᐱᓯᑲᒥᓂᒡ ᐋᑰᐱᓱᓐ ᐁᐐᐊᔕᒥᑯᐙᒡ᙮ ᐅᑲ ᐊᐱᐃᑯᐙᓐ ᑕᐸᓯ ᑑᐳᐎᓈᑯᕽ ᐁᐐ ᐸᒥᐃᑯᐙᒡ ᒋᐐᓯᓂᐙᒡ᙮ 38ᐋᐱᒋ ᓴ ᑕᔕᐌᑖᑯᓯᐗᒃ ᐃᑭ ᐊᓄᑮᐋᑲᓇᒃ ᐁᒥᑳᑯᐙᒡ ᐁᑾᔮᒌᐙᒡ, ᒥᓴᐙ ᑯ ᐋᐱᑖ ᑎᐱᑲᓂᓂᒃ ᐱᑕᑯᔑᓂᓂᒡ, ᒥᓴᐙ ᑯ ᑲᔦ ᐹᓂᒫ ᓇᐗᒡ ᓈᑫ ᐐᐱ ᑕᑯᔑᓂᓂᒡ! 39#Mat 24.43-44. ᑭᑫᑕᒧᒃ ᐃᑕᔥ ᐅᐅ, ᑮᔥᐱᓐ ᐃᓂᓂ ᑳᑎᐯᑕᕽ ᐙᑳᐃᑲᓐ ᑭᑫᓂᒫᒡ ᐊᐲ ᑎᐸᐃᑲᓐ ᐙᐱ ᑕᑯᔑᓂᓂᒡ ᐅᑮᒨᒋᔥᑲᓐ, ᑳᐐᓐ ᐅᑖ ᐸᑭᑎᓈᓰᓐ ᐃᓂ ᐅᑮᒨᒋᔥᑲᓐ ᒋᐲᑾᐊᒥᓂᒡ ᒋᐱ ᐲᑎᑫᓂᒡ ᐅᐙᑳᐃᑲᓂᕽ᙮ 40ᒦᑕᔥ ᐯᔑᑾᓐ ᑫᑮᓇᐙ ᑫᔑ ᐅᔒᑖᔦᑭᐸᓐ ᒨᔕᒃ, ᐋᓃᔥ ᐃᓂᓂ ᐅᑯᓯᓴᓐ ᑕᐱ ᑕᑯᔑᓅᓐ ᐊᐲ ᑎᐸᐃᑲᓂᕽ ᑫᐲᐃᒫᓯᐌᒃ᙮
ᑾᔭᒃ ᐊᓄᑮᐋᑲᓐ ᑯᒫ ᑲᔦ ᒪᒋᐊᓄᑮᐋᑲᓐ
(Matt 24.45-51)
41ᐲᑕᕒ Peter ᑕᔥ ᑮᐃᔑ ᑲᑴᑗ: ᑌᐯᒋᑫᔭᓐ, ᓃᓇᐎᓐᑦ ᐃᓇ ᐱᑯ ᑳᐐᑕᒪᐎᔮᕽ ᐅᐅ ᐊᐌᒋᑫᐎᓐ, ᑯᒫ ᑲᔦ ᑲᑭᓇ ᐊᐎᔭᒃ ᑳᐐᑕᒪᐗᑣ?
42ᒦᔥ ᑳᑎᐯᒋᑫᒡ ᑳᐃᑭᑐᒡ: ᐊᐌᓀᓐ ᓴ ᐊ ᑾᔭᒃ ᑳᑲᑮᑖᐌᑕᕽ ᐊᓄᑮᐋᑲᓐ? ᒦ ᓴ ᐊᐊᐌ ᑳᒦᓂᑯᒡ ᐅᑑᑭᒫᒪᓐ ᑳᒫᒑᓂᒡ, ᒋᑎᐯᓂᒫᒡ ᑯᑕᒃ ᐊᓄᑮᐋᑲᓇᐞ ᒋᐊᔕᒫᒡ ᐊᐲ ᐅᒋᒋᓭᓂᒃ ᒋᐐᓯᓂᓈᓂᐗᓂᓂᒃ᙮ 43ᐋᐱᒋ ᓴ ᑕᔕᐌᑖᑯᓯ ᐊᐊ ᐊᓄᑮᐋᑲᓐ ᒥᑳᑯᒡ ᐅᑑᑭᒫᒪᓐ ᐱᑮᐌᓂᒡ ᐁᐃᔑᒋᑫᒡ ᑳᑮᐃᓇᓄᑮᐃᑎᐸᓐ᙮ 44ᑫᑫᑦ ᓴ ᑭᑎᓂᓂᓂᒻ, ᐊᐊ ᐊᓄᑮᐋᑲᓐ ᐅᑲ ᒦᓂᑰᓐ ᐅᑑᑭᒫᒪᓐ ᑲᑭᓇ ᐅᑕᔭᐄᒥᓂ ᒋᓈᓈᑲᒋᑑᒡ᙮ 45ᑮᔥᐱᓐ ᑕᔥ ᐐᓐ ᐊᐊ ᐊᓄᑮᐋᑲᓐ ᐃᓀᑕᕽ: ᑳᐐᓐ ᓴ ᐐᐸ ᑕᑕᑯᔑᓰ ᓂᑑᑭᒫᒻ᙮ ᒦᑕᔥ ᐃᔑᒫᒌ ᐸᐸᑭᑌᐙᒡ ᐅᐐᑕᓄᑮᒫᑲᓇᐞ ᑳᐃᓂᓃᐎᓂᒡ, ᐃᐃ ᑲᔦ ᑳᐃᑴᐎᓂᒡ᙮ ᒦᔥ ᐁᔑ ᐐᓯᓂᒡ, ᐁᔑ ᒥᓂᑴᒡ ᑲᔦ, ᑕᑯ ᑲᔦ ᐁᑮᐗᔥᑴᐲᒡ᙮ 46ᐊᐊ ᑕᔥ ᐊᓄᑮᐋᑲᓐ ᑕᑕᑯᔑᓅᓐ ᐅᑑᑭᒫᒪᓐ ᓂᑯᑎᕽ ᑮᔑᑲᓂᓂᒃ ᐊᐲ ᐁᐲᐋᓯᒃ, ᐁᑭᑫᓂᒫᓯᒃ ᐋᓃᓐ ᐊᐲ ᑕᓱ ᑎᐸᐃᑲᓀᔮᓂᒃ ᑫᑕᑯᔑᓂᓂᒡ᙮ ᐅᑑᑭᒫᒪᓐ ᑕᔥ ᐅᑲ ᐲᓯᔓᑰᓐ ᒋ ᐃᔑᐌᐱᓂᑯᒡ ᐁᔑ ᐊᔮᓂᒡ ᑳᑌᐺᑕᓯᓂᒃ᙮ 47ᐊᐊ ᑕᔥ ᐊᓄᑮᐋᑲᓐ ᑳᑮ ᑭᑫᑕᕽ ᐅᑑᑭᒫᒪᓐ ᐋᓃᓐ ᑳᔑ ᓇᑕᐌᓂᒥᑯᒡ ᒋᑑᑕᕽ, ᐃᔑ ᑾᔮᒌᓯᒃ ᑕᔥ ᒋᐐ ᑑᑕᕽ, ᐁᔑ ᐊᑕᐌᓂᒥᑯᒡ ᐅᑑᑭᒫᒪᓐ ᒋᐃᔑᒋᑫᒡ ᑕᐐ ᑲᒀᑕᑭᐋ ᐹᑏᓍ ᒋᑭᒋ ᐸᐸᔕᔐᐅᓐᒡ᙮ 48ᐊᐊ ᑕᔥ ᐐᓐ ᐊᓄᑮᐋᑲᓐ ᑳᑭᑫᑕᓯᒃ ᐋᓃᓐ ᐁᔑ ᐊᑕᐌᓂᒥᑯᒡ ᐅᑑᑭᒫᒪᓐ, ᑑᑕᕽ ᐃᑕᔥ ᑫᑰᓐ ᑫᑮᐅᒋ ᐸᐸᔕᔐᐅᑎᐸᓐ, ᔖᑰᒡ ᐸᑮ ᐁᑕ ᑕᐸᔕᔐᐙ᙮ ᐊᐊ ᓴ ᓃᐱᐗᐞ ᑳᒦᓂᑰᐎᓯᒡ ᐊᑕᐌᓂᒫ ᓃᐱᐗᐞ ᒋᐸᑭᑎᓂᑫᒡ᙮ ᐊᐊ ᑲᔦ ᑭᒋ ᓃᐱᐗᐞ ᑳᒦᓂᓐᒡ ᐊᑕᐌᑖᑯᓯ ᐊᐗᔑᒣ ᐐᓐ ᓃᐱᐗᐞ ᒋᐸᑭᑎᓂᑫᒡ᙮
ᒋᓴᔅ ᑮᐱᒥᓂᔕᐅᓐᒡ ᐊᔮᒪᑲᓐ ᒪᐎᓀᔥᑯᑖᑎᐎᓐ
(Matthew 10.34-36)
49ᓂᑮ ᐲᔖ ᐁᐐ ᓴᑲᐊᒫᓐ ᐅᐅᐌ ᐊᑭ, ᐋᓃᓐ ᐁᐲᒋ ᒥᓴᐌᑕᒫᓐ ᐋᔕ ᒋᐱᔅᑲᓀᑭᐸᓐ! 50#Mark 10.38. ᐊᔮ ᑲᒀᑕᑫᑕᒧᐎᓐ ᑳᐐ ᓰᑲᐊᑖᑰᔮᓐ, ᐁᑕᑕᐌ ᑕᔥ ᓂᑑᒋ ᒥᑯᔥᑳᑌᑕᒻ ᐁᐲᑑᔮᓐ ᒋᐃᔥᒀᓭᒃ᙮ 51ᑭᑎᓀᑕᒻ ᐃᓇ ᐁᑮ ᐲᑑᔮᓐ ᐱᓵᓂᓯᐎᓐ ᐅᐅᒫ ᐊᑮᕽ? ᑳᐐᓐ ᐱᓵᓂᓯᐎᓐ ᓂᑮ ᐲᑑᓰᓐ, ᐃᐃ ᒪᐎᓀᔥᑯᑖᑎᐎᓐ ᓂᑮ ᐲᑑᓐ᙮ 52ᐅᐅ ᑕᔥ ᐃᔑᓅᑯᒻ ᓈᓇᓂᐙᒡ 5 ᐊᐎᔭᒃ ᐯᔑᒃ ᑖᐎᓂᕽ ᐃᔑᑖᐙᒡ ᑕᒪᐎᓀᔥᑯᑖᑎᐗᒃ᙮ ᓂᓯᓐ 3 ᐃᑭ ᐅᑲ ᒪᐎᓀᔥᑲᐙᐙᐞ ᐃᐃ ᑯᑕᒃ ᓃᔑᓐ 2 ᐁᔮᓂᒡ᙮ ᐃᑭ ᑳᓃᔑᐙᒡ 2 ᐅᑲ ᒪᐎᓀᔥᑲᐙᐙᐞ ᐃᐃ ᑳᓂᓯᓂᒡ 3᙮ 53#Micah 7.6. ᐅᑌᑌᒫ ᐅᑲ ᒪᐎᓀᔥᑲᐙᓐ ᐅᑯᓯᓴᓐ, ᐅᑯᓯᓯᒫ ᐅᑲ ᒪᐎᓀᔥᑲᐙᓐ ᐅᑌᑌᓐ᙮ ᐅᒫᒫᒫ ᐅᑲ ᒪᐎᓀᔥᑲᐙᓐ ᐅᑕᓂᓴᓐ, ᐅᑖᓂᓯᒫ ᐅᑲ ᒪᐎᓀᔥᑲᐙᓐ ᐅᒫᒫᓐ᙮ ᐅᓯᑯᓯᒫ ᐅᑲ ᒪᐎᓀᔥᑲᐙᓐ ᐅᔑᒥᓴᓐ, ᐅᔑᒥᓯᒫ ᐅᑲ ᒪᐎᓀᔥᑲᐙᓐ ᐅᓯᑯᓴᓐ᙮
ᒋᓂᓯᑐᑕᒧᐙᐸᓐ ᐋᓃᓐ ᑫᐃᔑᐌᐸᓂᓂᒃ
(Matthew 16.2-3)
54ᒋᓴᔅ ᑕᔥ ᐅᑮᐃᓈᐞ ᐯᒫᑎᓯᓂᒡ: ᐊᐲ ᐁᐙᐸᑕᒣᒃ ᐗᑶ ᐁᐱ ᓵᑳᓇᑾᒃ ᓂᑳᐲᐊᓄᕽ ᐃᓇᑫ, ᒦ ᐃ ᐁᑭᑐᔦᒃ ᐁᐐ ᑭᒥᐗᕽ, ᒦᔥ ᑌᐺ ᐁᔑ ᑭᒥᐗᕽ᙮ 55ᐊᐲ ᑲᔦ ᐁᑭᑫᑕᒣᒃ ᔖᐗᓄᕽ ᐁᐅᒋᓄᐌᒃ, ᒦ ᐃ ᒦᓇᐙ ᐁᑭᑐᔦᒃ ᐁᐐ ᑭᔖᑌᒃ, ᒦᔥ ᑌᐺ ᐁᔑ ᑭᔖᑌᒃ᙮ 56ᑮᓇᐙ ᑳᐐᓐ ᓂᓂᓯᑐᑕᓰᒥᓐ ᑳᐃᓍᓂᑎᓱᔦᒃ, ᐁᑲᓇᐙᐸᑕᒣᒃ ᐅᐅᐌ ᐊᑭ, ᑲᔦ ᑕᔥ ᐃᔥᐱᒥᕽ ᑮᔑᑯᕽ ᐁᐃᓈᐱᔦᒃ ᑭᑑᒋ ᑭᑫᑖᒻ ᑳᐐᐊᓂ ᐃᔑᐌᐸᒃ᙮ ᐋᓃᓐ ᑕᔥ ᐐᓐ ᐌᒋ ᑭᑫᑕᓯᐌᒃ ᐋᓃᓐ ᑫᐃᑕᒣᒃ ᐅᐅᐌ ᓅᑯᒻ ᑳᐊᓂ ᐃᔑᐌᐸᒃ!
ᑾᔭᑯᑕᒪᐤ ᑳᒪᐎᓀᐅᒃ
(Matthew 5.25-26)
57ᐌᑯᓀᓐ ᐃᑕᔥ ᑮᓇᐙ ᐱᑯ ᐌᒋ ᐅᓀᑕᓯᐌᒃ ᑾᔭᒃ ᒋᑮᐃᔑᒋᑫᔦᑭᐸᓐ? 58ᑮᔥᐱᓐ ᐊᐎᔭ ᐐᑎᐹᑯᓂᒃ ᐁᓀᐱᑕᓯᓇᐊᒪᐗᒡ, ᐃᔑᐎᓂᒃ ᑕᔥ ᐃᐃᒫ ᑎᐹᑯᓂᑫᐎᑲᒥᑯᕽ, ᒥᓂᒃ ᐃᑯ ᐁᑯ ᑲᔥᑭᑑᔭᓐ ᑯᒋᑑᓐ ᒋᑾᔭᑯᑕᒪᐗᒡ ᒋᑆ ᐃᔑᐎᓂᒃ ᐌᑎ ᑎᐹᑯᓂᑫᐎᑲᒥᑯᕽ᙮ ᑮᔥᐱᓐ ᐅᐅᐌ ᐃᔑᒋᑫᓯᐗᓐ ᑭᑲ ᐃᔑᐎᓂᒃ ᐁᓈᓴᒦᓂᒡ ᑎᐹᑯᓂᑫᐎᓂᓂᐗᓐ ᒦᑕᔥ ᑫᐃᔑ ᐸᑭᑎᓇᒪᐙᒡ ᔑᒫᑲᓂᔕᓐ ᑲᔦ ᒋᐲᒋ ᐌᐱᓂᑯᔭᓐ ᑭᐸᐅᑏᐎᑲᒥᑯᕽ᙮ 59ᒦᔥ ᐃᐃᒫ ᑫᐊᔮᔭᓐ, ᑳᐐᓐ ᑭᑲ ᓵᑲᐊᓰ ᐹᓂᒫ ᐃᔥᒀ ᑎᐸᐃᑫᔭᓐ ᑕᓱ ᐲᐙᐱᑰᔅ ᑳᑮᐃᓈᑯᓂᑰᔭᓐ, ᑮᐃᑭᑐ ᒋᓴᔅ᙮
Currently Selected:
ᓬᐅᒃ 12: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᓬᐅᒃ 12
12
ᑫᑯ ᐃᔑᓈᑯᓯᑫᒃ ᐅᒥᓍᓂᑎᓰᒃ ᑳᐃᓍᓂᑎᓱᐙᒡ
(Matthew 10.26-27)
1 # Mat 16.6; Mark 8.15. ᒦᑕᔥ ᐊᐲ ᐃᐃᐌ ᓃᐱᐗᐞ ᒥᑖᔂᒃ ᐁᐱ ᒫᐗᒋᐃᑎᓂᒡ ᐐᑫ ᐁᑮ ᓰᒋᔥᑯᑖᑎᓂᒡ ᑮᐊᓂ ᑕᑕᑯᑳᓂᑎᐗᐞ ᑲᔦ᙮ ᒦᔥ ᒋᓴᔅ ᑳᑮᒫᒌ ᑲᑲᓅᓈᒡ ᐅᑭᑭᓄᐊᒪᐙᑲᓇᐞ ᐁᑮᐃᓈᒡ: ᐊᔮᒀᒥᓯᒃ ᒋᐃᔑᓈᑯᓯᓯᐌᒃ ᐯᕒᐊᓰᒃ Pharisees ᑳᐃᓍᓂᑎᓱᐙᒡ ᐅᒥᓍᑎᓰᒃ᙮ ᑖᐱᔥᑰ ᐅᐱᓯᑲᓀᔅ ᒥᓯᐌ ᑳᐃᔖᒪᑲᒃ ᐊᓈᒥᕽ ᐸᑴᔑᑲᓂᕽ, ᒦ ᐃ ᐁᔑᓈᑾᓂᓂᒃ ᐅᐱᒫᑎᓯᐎᓂᐙ᙮ 2#Mark 4.22; Luke 8.17. ᑫᑰᓐ ᓴ ᐱᑯ ᑳᐊᑾᓇᐃᑳᑌᒃ ᑕᒧᔐ ᓈᑯᒋᑳᑌ, ᑫᑰᓐ ᑲᔦ ᑳᑮᒨᑌᑖᐗᒃ ᑕᑭᑫᑖᑾᓐ᙮ 3ᐋᓃᓐ ᐃᓴ ᑯ ᐁᑭᑐᔦᒃ ᑮᑎᐱᑲᒃ ᑕᓅᑖᑳᓂᐗᓐ ᑮᔑᑲᒃ᙮ ᐋᓃᓐ ᑲᔦ ᐁᔑᑮᒨᒋ ᑮᑭᑐᔭᓐ ᐸᑫᒋᑲᓂᕽ ᐗᑭᒋ ᐙᑳᐃᑲᓂᑳᕽ ᑕᐅᒋ ᑭᔒᐌ ᑕᔑᒋᑳᑌ᙮
ᐊᐌᓀᓐ ᑫᑯᓯᓐᒡ
(Matthew 10.28-31)
4ᒦᑕᔥ ᐁᓂᓇᑰᒃ, ᑫᑯ ᑕᔥ ᐐᓐ ᑯᓵᑫᒀᓂᒃ ᐃᑭ ᑳᓂᑑᐙᒡ ᐐᔭᐎᒫ, ᐁᑲᔥᑭᑑᓯᒀ ᑕᔥ ᐊᐗᔑᒣ ᒋᐊᓂ ᐃᔑᒋᑫᐙᒡ᙮ 5ᑭᐐᑕᒪᐎᓂᓂᒻ ᐃᑕᔥ ᐊᐌᓀᓐ ᑫᑯᓭᑭᐸᓐ᙮ ᑯᓯᒃ ᑭᔐᒪᓂᑑ, ᐐᓐ ᐄᑐᒃ ᑳᑲᔥᑭᑑᒡ ᑮᐃᔥᒀ ᓂᓵᒡ ᐊᐎᔭᓐ ᒋᐃᔑ ᐌᐱᓈᒡ ᒪᒋ ᐃᔥᑯᑌᕽ᙮ ᑌᐺ ᑕᔥ ᑭᐐᑕᒪᐎᓂᓂᒻ ᒋᑯᓭᒃ ᑭᔐᒪᓂᑑ᙮ 6ᑳᐐᓐ ᐃᓇ ᓈᓇᓐ ᒥᔅᑯᒥᓂᑫᓯᐗᒃ#12.6 ᒥᔅᑯᒥᓂᑫᓯᐗᒃ ᑳᑭᑎᒫᑭᓯᐙᒡ ᑮᓂᑖ ᐊᑖᐌᐗᒃ ᑳᐊᑳᔒᔑᓂᒡ ᐱᓀᔒᔕᓐ ᒋᐊᒸᐙᒡ, ᐋᓃᔥ ᑮᐌᑕᑭᓱᐗᓐ᙮ ᓃᔓ ᐲᐙᐱᑰᔅ ᐃᓇᑭᓱᓰᐗᒃ? ᔖᑰᒡ ᐃᑕᔥ ᑳᐐᓐ ᐊᐙᒡ ᐯᔑᒃ ᐅᐗᓃᑫᑖᑯᓰᓐ ᑭᔐᒪᓂᑑᓐ᙮ 7ᐃᓇᔥᑫ ᑕᔥ ᑮᓇᐙ ᑳᑕᓱ ᐯᔑᑾᑭᓐ ᑮᓂᓯᓯᐙᓐ ᑲᑭᓇ ᑭᑫᒋᑳᑌᐗᓐ ᐁᑕᓯᑭᓐ᙮ ᑫᑯ ᑕᔥ ᑮᓇᐙ ᓭᑭᓯᑫᒃ, ᓇᐗᒡ ᑮᓇᐙ ᑭᑭᒋ ᐃᓀᑖᑯᓯᒻ ᐊᐲᒡ ᐐᓐ ᐃᑭ ᒥᔅᑯᒥᓂᑫᓯᐗᒃ!
ᐋᓃᓐ ᒋᓴᔅ ᐁᓈᒡ ᐃᓂᐌᓂᐗᓐ ᑳᐃᑭᑐᓂᒡ ᐁᑭᑫᓂᒥᑯᒡ
(Matthew 10.32-33; 12.32; 10.19-20)
8ᒦᑕᔥ ᐁᓂᓇᑰᒃ, ᐊᐊᐌ ᓴ ᑫᐐᔑᒡ ᐁᑭᑫᓂᒥᒡ ᐁᓈᓴᒦᓂᒡ ᐯᒫᑎᓯᓂᒡ, ᒦ ᐃ ᑫᓃᓐ ᐃᓂᓂ ᐅᑯᓯᓴᓐ ᓂᑲ ᐐᓈ ᐁᑭᑫᓂᒪᒃ ᐁᓈᓴᒦᓂᒡ ᑭᔐᒪᓂᑑᓐ ᐅᑌᒐᓬᐃᒥᓂ᙮ 9ᐊᐊ ᑕᔥ ᐐᓐ ᑳᐋᓇᐌᓂᒥᒡ ᐁᓈᓴᒦᓂᒡ ᐯᒫᑎᓯᓂᒡ, ᒦᑕᔥ ᑫᐐᓐ ᐯᔑᑾᓐ ᑫᔑ ᐋᓇᐌᑖᑯᓯᒡ ᐁᓈᓴᒦᓂᒡ ᑭᔐᒪᓂᑑᓐ ᐅᑌᒐᓬᐃᒥᓂ᙮
10 # Mat 12.32; Mark 3.29. ᐊᐎᔭ ᐱᑯ ᑫᒪᒋ ᐃᓈᒡ ᐃᓂ ᐃᓂᓂ ᐅᑯᓯᓯᒫᓐ ᑕᐴᓀᑕᒪᐙᑲᓂᐎ᙮ ᐊᐎᔭ ᑕᔥ ᐐᓐ ᒪᒋ ᐃᓈᒡ ᑭᔐᒪᓂᑑᓐ ᐅᑕᒑᑯᓂ ᑳᐐᓐ ᑕᐴᓀᑕᒪᐙᓰ᙮
11 # Mat 10.19-20; Mark 13.11; Luke 21.14-15. ᐊᐲ ᓴ ᐃᔑᐎᓂᑰᔦᒃ ᐁᑕᔑ ᒫᐗᒋᐃᑎᐙᒡ ᐁᐐ ᑎᐹᑯᓂᓀᒀ ᐁᓈᓴᒦᐙᒡ ᐌᑭᒫᐌᑖᑯᓯᐙᒡ, ᐃᑭ ᑲᔦ ᑭᒋᐅᑭᒫᒃ, ᑫᑯ ᐐᓐ ᐗᐙᓀᑕᑫᒃ ᐋᓃᓐ ᑫᐃᔑ ᓈᑕᒫᓱᔦᒃ, ᐋᓃᓐ ᑲᔦ ᑫᐃᑭᑐᔦᒃ᙮ 12ᑭᔐᒪᓂᑑ ᐅᑕᒑᑾᓐ ᐅᔕ ᑭᑲ ᑭᑭᓄᐊᒫᑯᐙ ᐋᓃᓐ ᑫᐃᑭᑐᔦᒃ ᐃᐃ ᐊᐲ᙮
ᑮᐊᐌᒋᑳᓱᒡ ᐃᓂᓂ ᑫᑮᐹᑎᓯᓂᒡ ᑳᑮᐊᐯᓂᒧᒡ ᐅᐌᓅᑎᓯᐎᓐ
13ᐯᔑᒃ ᑕᔥ ᐃᓂᓂᐗᓐ ᑮᐅᒋ ᑮᑭᑐᐗᓐ ᐃᐃᒫ ᐁᔑ ᐹᑏᓄᓈᓂᐗᓂᓂᕽ ᐁᑮᐃᑯᒡ: ᐅᑭᑭᓄᐊᒫᑫ, ᑕᑲ ᑲᓅᔥ ᓃᒋᑭᐌᓯ ᒋᓀᓈᐎᓇᒪᐎᒡ ᐃᐃᐌᓂ ᒥᓂᒃ ᑫᑰᓐ ᑳᑮᓇᑲᑕᒪᐎᔭᒥᓐᒡ ᓂᑌᑌᓈᓐ ᐊᐲ ᑳᑮᐃᔥᒀ ᐱᒫᑎᓯᒡ᙮
14ᒋᓴᔅ ᑕᔥ ᐅᑮᐃᔑ ᓇᑴᑕᐙᓐ, ᓃᒋᐱᒫᑎᔅ: ᐊᐌᓀᓐ ᑳᐃᓇᑭᒥᒡ ᒋᑎᐹᑯᓂᐌᔮᓐ, ᑯᒫ ᑲᔦ ᒋᐅᓀᑕᒫᓐ ᐋᓃᓐ ᑫᔑ ᓀᓈᐎᓇᒫᑎᔦᒃ ᐃᓂ ᑳᑮᓇᑲᑕᒫᑰᔦᒃ? 15ᒦᑕᔥ ᑳᐃᓈᒡ ᑲᑭᓇ ᐃᐃᒫ ᑳᑮᐊᔮᓂᒡ: ᐊᔮᒀᒥᓯᒃ, ᑲᓇᐌᓂᑎᓱᒃ ᒋᐊᔪᓵᒥᓯᓯᐌᒃ, ᐋᓃᔥ ᑳᐐᓐ ᐊᐎᔭ ᐅᒋ ᐱᒫᑎᓯᓰ ᐋᓃᓐ ᒥᓂᒃ ᑫᑰᓐ ᐁᔮᒡ, ᒥᓴᐙ ᑯ ᐋᓇ ᑭᒋ ᐌᓅᑎᓯᒡ᙮
16ᒋᓴᔅ ᑕᔥ ᐅᑮᐐᑕᒪᐙᐞ ᐅᐅ ᐊᐌᒋᑲᓐ: ᐋᐱᑎᕽ ᑮᐊᔮ ᐃᓂᓂ ᐁᑮᐌᓅᑎᓯᒡ, ᐅᑭᑎᑫᐗᑲᒥᒃ ᐁᑮᒥᓄ ᓂᑖᐎᑭᒋᑫᒪᑲᓂᓂᒃ᙮ 17ᒦᔥ ᐄᓴᓐ ᑳᐃᓀᑕᕽ: ᐋᓃᓐ ᑕᔥ ᑫᐃᔑᒋᑫᔮᓐ? ᑳᐐᓐ ᐊᐗᔑᒣ ᓂᑕᔮᓰᓐ ᐊᑖᓱᐎᑲᒥᒃ ᑫᔑ ᐊᑑᔮᓐ ᑳᓂᑖᐎᑭᑭᓐ ᓂᑭᑎᑫᐗᑲᒥᑯᕽ᙮ 18ᒦᔥ ᐄᓴᓐ ᑳᐃᑎᓱᒡ: ᒦᐅᐌ ᑫᐃᔑᒋᑫᔮᓐ, ᓂᑲ ᐲᑯᐱᑑᓇᓐ ᓂᑖᑖᓱᐎᑲᒥᑰᓐ, ᒦᔥ ᒋᐅᔑᑑᔮᓐ ᑯᑕᒃ ᓇᐗᒡ ᒋᒪᒥᒑᑭᓐ ᑫᔑ ᑲᓇᐌᑕᒫᓐ ᑲᑭᓇ ᑳᓂᑖᐎᑭᑭᓐ ᓂᑭᑎᑫᐗᑲᒥᑯᕽ, ᐃᓂ ᑲᔦ ᑯᑕᒃ ᑫᑰᓇᓐ ᑳᑎᐯᑕᒫᓐ᙮ 19ᒦ ᓴ ᑫᐃᑎᓱᔮᓐ: ᐆᐗ, ᐁᑕᑕᐌ ᑭᒥᓄᓭ, ᓃᐱᐗᐞ ᑫᑰᓇᓐ ᐁᐊᔮᔭᓐ ᑳᐅᓂᔑᔑᑭᓐ, ᑭᓉᔥ ᑕᓱᐱᐴᓐ ᐐᑳ ᒋᓅᑌᓭᓯᐗᓐ᙮ ᒦᔥ ᐃᔑ ᒥᒋ ᐊᔭᔮᓐ, ᒋᐐᓯᓂᔭᓐ, ᒋᒥᓂᑴᔭᓐ ᑲᔦ ᑕᔥ ᒋᒌᑫᑕᒪᓐ ᐁᐱᒫᑎᓯᔭᓐ, ᑮᐃᑭᑐ᙮ 20ᒦᑕᔥ ᑭᔐᒪᓂᑑᓐ ᑳᐃᑯᒡ: ᑮᓐ ᑳᑲᑮᐹᑎᓯᔭᓐ᙮ ᓅᑯᒻ ᑳᐐ ᑎᐱᑲᒃ ᑭᐱᒫᑎᓯᐎᓐ ᑕᐅᑖᐱᓂᑳᑌ᙮ ᐊᐌᓀᓐ ᑕᔥ ᑫᐊᔮᒡ ᐃᓂᐌᓂᐗᓐ ᑮᓐ ᑳᑮ ᑾᔮᒋᑕᒫᓱᔭᓐ ᐁᐐᐊᔮᔭᓐ? ᐅᑮᐃᑰᓐ᙮
21ᒦᔥ ᒋᓴᔅ ᑳᐊᓂ ᐃᑭᑐᒡ: ᒦ ᐅᐌ ᑫᐃᔑᓈᑯᓯᒡ ᐊᐊᐌ ᑳᑾᔮᒋᑕᒫᓱᒡ ᐌᓅᑎᓯᐎᓐ, ᑳᐐᓐ ᐌᓅᑎᓯᓰ ᐁᓈᓴᒦᓂᒡ ᑭᔐᒪᓂᑑᓐ᙮
ᐋᓃᓐ ᑫᔑ ᐊᐯᓂᒧᓄᑕᐎᓐᒡ ᑭᔐᒪᓂᑑ ᒋᑲᓇᐌᓂᒥᓀᒃ
(Matthew 6.25-34)
22ᒦᑕᔥ ᐅᐅ ᒋᓴᔅ ᑳᐃᓈᒡ ᐅᑭᑭᓄᐊᒪᐙᑲᓇᐞ: ᑫᑯ ᐅᒋ ᒥᑯᔥᑳᑌᑕᑫᒃ ᑭᐱᒫᑎᓯᐎᓂᐙᓐ, ᐌᑯᓀᓐ ᑫᒦᒋᔦᒃ, ᐌᑯᓀᓐ ᑲᔦ ᑫᒥᓂᑴᔦᒃ᙮ ᑫᑯ ᑲᔦ ᐅᒋ ᐅᒑᓂᒣᑕᑫᒃ ᑭᐐᔭᐎᐙᓐ, ᐌᑯᓀᓐ ᑲᔦ ᑫᑭᑭᔥᑲᒣᒃ᙮ 23ᓇᐗᒡ ᐅᔕ ᐱᒫᑎᓯᐎᓐ ᑭᒋ ᐃᓀᑖᑾᓐ ᐊᐲᒡ ᐐᓐ ᒦᒋᒻ, ᐃᐃ ᑲᔦ ᒦᔭᐤ ᓇᐗᒡ ᑭᒋ ᐃᓀᑖᑾᓐ ᐊᐲᒡ ᐐᓐ ᑭᑭᔥᑭᑲᓇᓐ᙮ 24ᐃᓇᔥᑫ ᑳᑳᑭᐗᒃ ᑳᐸᐹᒥᓭᐙᒡ, ᑳᐐᓐ ᑭᑎᑫᓰᐗᒃ, ᑳᐐᓐ ᑲᔦ ᒫᐗᒋᒋᑫᓰᐗᒃ᙮ ᑳᐐᓐ ᑲᔦ ᐅᑕᔮᓰᓈᐙ ᒦᒋᒥᑲᒥᒃ, ᐊᑖᓱᐎᑲᒥᒃ ᑲᔦ᙮ ᔖᑰᒡ ᑕᔥ ᑭᔐᒪᓂᑑᓐ ᐅᑕᔕᒥᑯᐙᓐ᙮ ᑳᐐᓐ ᐃᓇ ᑮᓇᐙ ᐊᐗᔑᒣ ᑭᑕᐲᑌᑖᑯᓯᓰᒻ ᐊᐲᒡ ᐃᑭ ᐱᓀᔒᔕᒃ? 25ᑭᓉᔥ ᐃᓇ ᑭᑖᐅᒋ ᐱᒫᑎᔅ ᐁᒥᑯᔥᑳᑌᑕᒪᓐ? ᑫᑫᑦ ᐃᓇ ᑭᓉᔥ ᑕᐱᒫᑎᓯ?
26ᑮᔥᐱᓐ ᑕᔥ ᐁᑲᔥᑭᑑᓯᐌᒃ ᒋᑑᑕᒣᒃ ᐃᐃᐌ ᑳᐊᑳᓯᕽ, ᐌᑯᓀᓐ ᑕᔥ ᐌᒋ ᐅᒑᓂᒣᑕᒣᒃ ᑯᑕᒃ ᑫᑰᓇᓐ? 27#1 Kings 10.4-7; 2 Chron 9.3-6. ᐃᓇᔥᑫ ᐙᐸᑕᒧᒃ ᐙᐱᑾᓃᓐ ᐁᐱᒥᑭᑭᓐ᙮ ᑳᐐᓐ ᐊᓄᑮᒪᑲᓯᓅᓇᓐ, ᑳᐐᓐ ᑲᔦ ᐅᔑᑕᒫᑎᓲᒪᑲᓯᓅᓇᓐ ᑭᑭᔥᑭᑲᓇᓐ᙮ ᑭᐐᑕᒪᐎᓂᓂᒻ ᐃᑕᔥ, ᐊᐴᔥᑫ ᐊᐌ ᑭᒋᐅᑭᒫ ᔂᓬᐊᒪᓐ Solomon ᐋᓇ ᑮᑭᒋ ᐌᓅᑎᓯᒡ, ᑳᐐᓐ ᐃᐃ ᑮᐃᔑ ᒥᓄᓈᑾᓯᓂᓂᐗᓐ ᐅᑭᑭᔥᑭᑲᓇᓐ ᑖᐱᔥᑰ ᐯᔑᒃ ᐅᐅ ᐙᐱᑾᓐ ᑳᐃᔑ ᒥᓄᓈᑾᒃ᙮ 28ᑭᔐᒪᓂᑑ ᐄᑐᒃ ᑳᐱᒋᑯᓇᔦᑑᒡ ᒪᔥᑯᓰᓐ ᐁᔮᓂᑭᓐ ᐱᑾᒐᔭᐄ᙮ ᓅᑯᒻ ᑳᑮᔑᑲᒃ ᐁᔮᓂᑭᓐ ᐃᓂ ᒪᔥᑯᓰᓐ, ᐙᐸᓂᓂᒃ ᑕᔥ ᐁᒪᒍᑌ ᐌᐱᓂᑳᑌᑭᓐ᙮ ᓇᐗᒡ ᐃᑕᔥ ᑮᓇᐙ ᑭᑲ ᐱᒋᑯᓇᔦᐃᑯᐙ᙮ ᐁᑕᑕᐌ ᐊᑳᓭᑖᑾᓐ ᑭᑌᐺᑕᒧᐎᓂᐙ᙮ 29ᑫᑯ ᑕᔥ ᐅᒋ ᒥᑯᔥᑳᑌᑕᑫᒃ ᐌᑯᓀᓐ ᑫᒦᒋᔦᒃ, ᑫᒥᓂᑴᔦᒃ ᑲᔦ? ᑫᑯ ᐅᒑᓂᒣᑕᑫᒃ᙮ 30ᒦᐗᓐ ᐅᓄ ᒨᔕᒃ ᑳᓇᓈᑐᓀᐊᒧᐙᒡ ᐃᑭ ᑳᑭᑫᓂᒫᓯᒀ ᑭᔐᒪᓂᑑᓐ᙮ ᑰᓯᐙ ᐅᔕ ᐅᑭᑫᑖᓐ ᐁᓅᑌᓭᔦᒃ ᐅᓄᐌᓂᐗᓐ᙮ 31ᓇᐗᒡ ᑕᔥ ᐊᑐᓀᐊᒧᐙᒃ ᐅᑑᑭᒫᐎᐎᓐ, ᑭᑲ ᒦᓂᑰᐎᓯᒻ ᑕᔥ ᐅᓄᐌᓂᐗᓐ ᑲᔦ᙮
ᐊᓴᒋᑯᒃ ᑳᐌᓅᑕᒃ ᐌᑎ ᑭᒋᑮᔑᑯᕽ
(Matthew 6.19-21)
32ᑫᑯ ᑕᔥ ᓭᑭᓯᑫᒃ, ᑮᓇᐙ ᑳᐊᑳᓰᓄᔦᒃ ᒫᓇᒑᓂᔐᓴᒃ ᑰᓯᐙ ᐅᔕ ᐅᑎᔑ ᒥᓍᐸᑖᓐ ᒋᒦᓂᓀᒃ ᑫᑮᓇᐙ ᒋᑎᐯᒋᑫᔦᒃ ᐃᐃᒫ ᐅᑎᐯᒋᑫᐎᓂᕽ᙮ 33ᐊᑖᐙᑫᒃ ᑲᑭᓇ ᑭᑕᔭᐄᒥᐙᓐ ᒋᒦᓀᒀ ᑕᔥ ᔔᓂᔮᓐ ᐃᑭ ᑳᑭᑎᒫᑭᓯᐙᒡ᙮ ᑾᔮᒋᑕᒫᓱᒃ ᑕᔥ ᔔᓂᔮᐗᔕᓐ ᐐᑳ ᑫᓅᑌ ᓂᔑᐗᓈᑕᓯᓄᑭᓐ᙮ ᒋᐊᑕᒫᓱᔦᒃ ᑳᑭᒋ ᐃᓀᑕᒣᒃ ᑭᒋᑮᔑᑯᕽ ᐐᑳ ᑫᔑ ᒑᑭᓭᓯᓄᒃ᙮ ᑳᐐᓐ ᐌᑎ ᐅᑮᒨᒋᔥᒃ ᑕᐅᑎᑕᓰ, ᑳᐐᓐ ᑲᔦ ᒦᑾᓇᔥᒃ ᐅᑲ ᓂᔑᐗᓈᒋᑑᓰᓇᓐ᙮ 34ᐋᑎ ᓴ ᐱᑯ ᑫᐊᔮᒃ ᑳᑭᒋ ᐃᓀᑕᒣᒃ, ᒦ ᓴ ᐃᒫ ᑫᐊᔮᑭᓐ ᑭᑌᐃᐙᓐ᙮
ᑳᐁᐯᒦᐙᒡ ᐊᓄᑮᐋᑲᓇᒃ
35 # Mat 25.1-13. ᑭᑭᑯᓇᔦᒃ ᒨᔕᒃ ᒋᐊᔦᐲᒣᔦᒃ, ᒫᓄ ᒋᐙᓴᑯᓀᑭᓐ ᑭᐙᓴᑯᓀᒋᑲᓂᐙᓐ᙮ 36#Mark 13.34-36. ᑖᐱᔥᑰ ᐊᓄᑮᐋᑲᓇᒃ ᑳᓃᐯᐱᐙᒡ ᐁᐲᐋᐙᒡ ᑳᑎᐯᓂᒥᑯᐙᒡ ᒋᐱᑮᐌᓂᒡ ᑳᑮᐃᔖᓂᒡ ᑭᒋ ᐐᑎᑫ ᐐᓯᓂᐎᓂᕽ᙮ ᐊᐲ ᑕᔥ ᐁᐱ ᑕᑯᔑᓂᓂᒡ ᐁᐱ ᐹᐹᐗᐃᑫᓂᒡ ᔐᒫᒃ ᐃᑯ ᐅᐹᑭᑌᓇᒪᐙᐙᓐ ᐃᔥᒀᑌᒻ᙮ 37ᐋᐱᒋ ᓴ ᑕᔕᐌᑖᑯᓯᐗᒃ ᐃᑭ ᐊᓄᑮᐋᑲᓇᒃ ᒥᑳᑯᐙᒡ ᑳᑎᐯᓂᒥᑯᐙᒡ ᐁᐲᐋᐙᒡ ᒋᐱᑕᑯᔑᓂᓂᒡ᙮ ᑭᐐᑕᒪᐎᓂᓂᒻ ᑕᔥ, ᒦᔥ ᑫᔑ ᐱᓯᑲᒥᓂᒡ ᐋᑰᐱᓱᓐ ᐁᐐᐊᔕᒥᑯᐙᒡ᙮ ᐅᑲ ᐊᐱᐃᑯᐙᓐ ᑕᐸᓯ ᑑᐳᐎᓈᑯᕽ ᐁᐐ ᐸᒥᐃᑯᐙᒡ ᒋᐐᓯᓂᐙᒡ᙮ 38ᐋᐱᒋ ᓴ ᑕᔕᐌᑖᑯᓯᐗᒃ ᐃᑭ ᐊᓄᑮᐋᑲᓇᒃ ᐁᒥᑳᑯᐙᒡ ᐁᑾᔮᒌᐙᒡ, ᒥᓴᐙ ᑯ ᐋᐱᑖ ᑎᐱᑲᓂᓂᒃ ᐱᑕᑯᔑᓂᓂᒡ, ᒥᓴᐙ ᑯ ᑲᔦ ᐹᓂᒫ ᓇᐗᒡ ᓈᑫ ᐐᐱ ᑕᑯᔑᓂᓂᒡ! 39#Mat 24.43-44. ᑭᑫᑕᒧᒃ ᐃᑕᔥ ᐅᐅ, ᑮᔥᐱᓐ ᐃᓂᓂ ᑳᑎᐯᑕᕽ ᐙᑳᐃᑲᓐ ᑭᑫᓂᒫᒡ ᐊᐲ ᑎᐸᐃᑲᓐ ᐙᐱ ᑕᑯᔑᓂᓂᒡ ᐅᑮᒨᒋᔥᑲᓐ, ᑳᐐᓐ ᐅᑖ ᐸᑭᑎᓈᓰᓐ ᐃᓂ ᐅᑮᒨᒋᔥᑲᓐ ᒋᐲᑾᐊᒥᓂᒡ ᒋᐱ ᐲᑎᑫᓂᒡ ᐅᐙᑳᐃᑲᓂᕽ᙮ 40ᒦᑕᔥ ᐯᔑᑾᓐ ᑫᑮᓇᐙ ᑫᔑ ᐅᔒᑖᔦᑭᐸᓐ ᒨᔕᒃ, ᐋᓃᔥ ᐃᓂᓂ ᐅᑯᓯᓴᓐ ᑕᐱ ᑕᑯᔑᓅᓐ ᐊᐲ ᑎᐸᐃᑲᓂᕽ ᑫᐲᐃᒫᓯᐌᒃ᙮
ᑾᔭᒃ ᐊᓄᑮᐋᑲᓐ ᑯᒫ ᑲᔦ ᒪᒋᐊᓄᑮᐋᑲᓐ
(Matt 24.45-51)
41ᐲᑕᕒ Peter ᑕᔥ ᑮᐃᔑ ᑲᑴᑗ: ᑌᐯᒋᑫᔭᓐ, ᓃᓇᐎᓐᑦ ᐃᓇ ᐱᑯ ᑳᐐᑕᒪᐎᔮᕽ ᐅᐅ ᐊᐌᒋᑫᐎᓐ, ᑯᒫ ᑲᔦ ᑲᑭᓇ ᐊᐎᔭᒃ ᑳᐐᑕᒪᐗᑣ?
42ᒦᔥ ᑳᑎᐯᒋᑫᒡ ᑳᐃᑭᑐᒡ: ᐊᐌᓀᓐ ᓴ ᐊ ᑾᔭᒃ ᑳᑲᑮᑖᐌᑕᕽ ᐊᓄᑮᐋᑲᓐ? ᒦ ᓴ ᐊᐊᐌ ᑳᒦᓂᑯᒡ ᐅᑑᑭᒫᒪᓐ ᑳᒫᒑᓂᒡ, ᒋᑎᐯᓂᒫᒡ ᑯᑕᒃ ᐊᓄᑮᐋᑲᓇᐞ ᒋᐊᔕᒫᒡ ᐊᐲ ᐅᒋᒋᓭᓂᒃ ᒋᐐᓯᓂᓈᓂᐗᓂᓂᒃ᙮ 43ᐋᐱᒋ ᓴ ᑕᔕᐌᑖᑯᓯ ᐊᐊ ᐊᓄᑮᐋᑲᓐ ᒥᑳᑯᒡ ᐅᑑᑭᒫᒪᓐ ᐱᑮᐌᓂᒡ ᐁᐃᔑᒋᑫᒡ ᑳᑮᐃᓇᓄᑮᐃᑎᐸᓐ᙮ 44ᑫᑫᑦ ᓴ ᑭᑎᓂᓂᓂᒻ, ᐊᐊ ᐊᓄᑮᐋᑲᓐ ᐅᑲ ᒦᓂᑰᓐ ᐅᑑᑭᒫᒪᓐ ᑲᑭᓇ ᐅᑕᔭᐄᒥᓂ ᒋᓈᓈᑲᒋᑑᒡ᙮ 45ᑮᔥᐱᓐ ᑕᔥ ᐐᓐ ᐊᐊ ᐊᓄᑮᐋᑲᓐ ᐃᓀᑕᕽ: ᑳᐐᓐ ᓴ ᐐᐸ ᑕᑕᑯᔑᓰ ᓂᑑᑭᒫᒻ᙮ ᒦᑕᔥ ᐃᔑᒫᒌ ᐸᐸᑭᑌᐙᒡ ᐅᐐᑕᓄᑮᒫᑲᓇᐞ ᑳᐃᓂᓃᐎᓂᒡ, ᐃᐃ ᑲᔦ ᑳᐃᑴᐎᓂᒡ᙮ ᒦᔥ ᐁᔑ ᐐᓯᓂᒡ, ᐁᔑ ᒥᓂᑴᒡ ᑲᔦ, ᑕᑯ ᑲᔦ ᐁᑮᐗᔥᑴᐲᒡ᙮ 46ᐊᐊ ᑕᔥ ᐊᓄᑮᐋᑲᓐ ᑕᑕᑯᔑᓅᓐ ᐅᑑᑭᒫᒪᓐ ᓂᑯᑎᕽ ᑮᔑᑲᓂᓂᒃ ᐊᐲ ᐁᐲᐋᓯᒃ, ᐁᑭᑫᓂᒫᓯᒃ ᐋᓃᓐ ᐊᐲ ᑕᓱ ᑎᐸᐃᑲᓀᔮᓂᒃ ᑫᑕᑯᔑᓂᓂᒡ᙮ ᐅᑑᑭᒫᒪᓐ ᑕᔥ ᐅᑲ ᐲᓯᔓᑰᓐ ᒋ ᐃᔑᐌᐱᓂᑯᒡ ᐁᔑ ᐊᔮᓂᒡ ᑳᑌᐺᑕᓯᓂᒃ᙮ 47ᐊᐊ ᑕᔥ ᐊᓄᑮᐋᑲᓐ ᑳᑮ ᑭᑫᑕᕽ ᐅᑑᑭᒫᒪᓐ ᐋᓃᓐ ᑳᔑ ᓇᑕᐌᓂᒥᑯᒡ ᒋᑑᑕᕽ, ᐃᔑ ᑾᔮᒌᓯᒃ ᑕᔥ ᒋᐐ ᑑᑕᕽ, ᐁᔑ ᐊᑕᐌᓂᒥᑯᒡ ᐅᑑᑭᒫᒪᓐ ᒋᐃᔑᒋᑫᒡ ᑕᐐ ᑲᒀᑕᑭᐋ ᐹᑏᓍ ᒋᑭᒋ ᐸᐸᔕᔐᐅᓐᒡ᙮ 48ᐊᐊ ᑕᔥ ᐐᓐ ᐊᓄᑮᐋᑲᓐ ᑳᑭᑫᑕᓯᒃ ᐋᓃᓐ ᐁᔑ ᐊᑕᐌᓂᒥᑯᒡ ᐅᑑᑭᒫᒪᓐ, ᑑᑕᕽ ᐃᑕᔥ ᑫᑰᓐ ᑫᑮᐅᒋ ᐸᐸᔕᔐᐅᑎᐸᓐ, ᔖᑰᒡ ᐸᑮ ᐁᑕ ᑕᐸᔕᔐᐙ᙮ ᐊᐊ ᓴ ᓃᐱᐗᐞ ᑳᒦᓂᑰᐎᓯᒡ ᐊᑕᐌᓂᒫ ᓃᐱᐗᐞ ᒋᐸᑭᑎᓂᑫᒡ᙮ ᐊᐊ ᑲᔦ ᑭᒋ ᓃᐱᐗᐞ ᑳᒦᓂᓐᒡ ᐊᑕᐌᑖᑯᓯ ᐊᐗᔑᒣ ᐐᓐ ᓃᐱᐗᐞ ᒋᐸᑭᑎᓂᑫᒡ᙮
ᒋᓴᔅ ᑮᐱᒥᓂᔕᐅᓐᒡ ᐊᔮᒪᑲᓐ ᒪᐎᓀᔥᑯᑖᑎᐎᓐ
(Matthew 10.34-36)
49ᓂᑮ ᐲᔖ ᐁᐐ ᓴᑲᐊᒫᓐ ᐅᐅᐌ ᐊᑭ, ᐋᓃᓐ ᐁᐲᒋ ᒥᓴᐌᑕᒫᓐ ᐋᔕ ᒋᐱᔅᑲᓀᑭᐸᓐ! 50#Mark 10.38. ᐊᔮ ᑲᒀᑕᑫᑕᒧᐎᓐ ᑳᐐ ᓰᑲᐊᑖᑰᔮᓐ, ᐁᑕᑕᐌ ᑕᔥ ᓂᑑᒋ ᒥᑯᔥᑳᑌᑕᒻ ᐁᐲᑑᔮᓐ ᒋᐃᔥᒀᓭᒃ᙮ 51ᑭᑎᓀᑕᒻ ᐃᓇ ᐁᑮ ᐲᑑᔮᓐ ᐱᓵᓂᓯᐎᓐ ᐅᐅᒫ ᐊᑮᕽ? ᑳᐐᓐ ᐱᓵᓂᓯᐎᓐ ᓂᑮ ᐲᑑᓰᓐ, ᐃᐃ ᒪᐎᓀᔥᑯᑖᑎᐎᓐ ᓂᑮ ᐲᑑᓐ᙮ 52ᐅᐅ ᑕᔥ ᐃᔑᓅᑯᒻ ᓈᓇᓂᐙᒡ 5 ᐊᐎᔭᒃ ᐯᔑᒃ ᑖᐎᓂᕽ ᐃᔑᑖᐙᒡ ᑕᒪᐎᓀᔥᑯᑖᑎᐗᒃ᙮ ᓂᓯᓐ 3 ᐃᑭ ᐅᑲ ᒪᐎᓀᔥᑲᐙᐙᐞ ᐃᐃ ᑯᑕᒃ ᓃᔑᓐ 2 ᐁᔮᓂᒡ᙮ ᐃᑭ ᑳᓃᔑᐙᒡ 2 ᐅᑲ ᒪᐎᓀᔥᑲᐙᐙᐞ ᐃᐃ ᑳᓂᓯᓂᒡ 3᙮ 53#Micah 7.6. ᐅᑌᑌᒫ ᐅᑲ ᒪᐎᓀᔥᑲᐙᓐ ᐅᑯᓯᓴᓐ, ᐅᑯᓯᓯᒫ ᐅᑲ ᒪᐎᓀᔥᑲᐙᓐ ᐅᑌᑌᓐ᙮ ᐅᒫᒫᒫ ᐅᑲ ᒪᐎᓀᔥᑲᐙᓐ ᐅᑕᓂᓴᓐ, ᐅᑖᓂᓯᒫ ᐅᑲ ᒪᐎᓀᔥᑲᐙᓐ ᐅᒫᒫᓐ᙮ ᐅᓯᑯᓯᒫ ᐅᑲ ᒪᐎᓀᔥᑲᐙᓐ ᐅᔑᒥᓴᓐ, ᐅᔑᒥᓯᒫ ᐅᑲ ᒪᐎᓀᔥᑲᐙᓐ ᐅᓯᑯᓴᓐ᙮
ᒋᓂᓯᑐᑕᒧᐙᐸᓐ ᐋᓃᓐ ᑫᐃᔑᐌᐸᓂᓂᒃ
(Matthew 16.2-3)
54ᒋᓴᔅ ᑕᔥ ᐅᑮᐃᓈᐞ ᐯᒫᑎᓯᓂᒡ: ᐊᐲ ᐁᐙᐸᑕᒣᒃ ᐗᑶ ᐁᐱ ᓵᑳᓇᑾᒃ ᓂᑳᐲᐊᓄᕽ ᐃᓇᑫ, ᒦ ᐃ ᐁᑭᑐᔦᒃ ᐁᐐ ᑭᒥᐗᕽ, ᒦᔥ ᑌᐺ ᐁᔑ ᑭᒥᐗᕽ᙮ 55ᐊᐲ ᑲᔦ ᐁᑭᑫᑕᒣᒃ ᔖᐗᓄᕽ ᐁᐅᒋᓄᐌᒃ, ᒦ ᐃ ᒦᓇᐙ ᐁᑭᑐᔦᒃ ᐁᐐ ᑭᔖᑌᒃ, ᒦᔥ ᑌᐺ ᐁᔑ ᑭᔖᑌᒃ᙮ 56ᑮᓇᐙ ᑳᐐᓐ ᓂᓂᓯᑐᑕᓰᒥᓐ ᑳᐃᓍᓂᑎᓱᔦᒃ, ᐁᑲᓇᐙᐸᑕᒣᒃ ᐅᐅᐌ ᐊᑭ, ᑲᔦ ᑕᔥ ᐃᔥᐱᒥᕽ ᑮᔑᑯᕽ ᐁᐃᓈᐱᔦᒃ ᑭᑑᒋ ᑭᑫᑖᒻ ᑳᐐᐊᓂ ᐃᔑᐌᐸᒃ᙮ ᐋᓃᓐ ᑕᔥ ᐐᓐ ᐌᒋ ᑭᑫᑕᓯᐌᒃ ᐋᓃᓐ ᑫᐃᑕᒣᒃ ᐅᐅᐌ ᓅᑯᒻ ᑳᐊᓂ ᐃᔑᐌᐸᒃ!
ᑾᔭᑯᑕᒪᐤ ᑳᒪᐎᓀᐅᒃ
(Matthew 5.25-26)
57ᐌᑯᓀᓐ ᐃᑕᔥ ᑮᓇᐙ ᐱᑯ ᐌᒋ ᐅᓀᑕᓯᐌᒃ ᑾᔭᒃ ᒋᑮᐃᔑᒋᑫᔦᑭᐸᓐ? 58ᑮᔥᐱᓐ ᐊᐎᔭ ᐐᑎᐹᑯᓂᒃ ᐁᓀᐱᑕᓯᓇᐊᒪᐗᒡ, ᐃᔑᐎᓂᒃ ᑕᔥ ᐃᐃᒫ ᑎᐹᑯᓂᑫᐎᑲᒥᑯᕽ, ᒥᓂᒃ ᐃᑯ ᐁᑯ ᑲᔥᑭᑑᔭᓐ ᑯᒋᑑᓐ ᒋᑾᔭᑯᑕᒪᐗᒡ ᒋᑆ ᐃᔑᐎᓂᒃ ᐌᑎ ᑎᐹᑯᓂᑫᐎᑲᒥᑯᕽ᙮ ᑮᔥᐱᓐ ᐅᐅᐌ ᐃᔑᒋᑫᓯᐗᓐ ᑭᑲ ᐃᔑᐎᓂᒃ ᐁᓈᓴᒦᓂᒡ ᑎᐹᑯᓂᑫᐎᓂᓂᐗᓐ ᒦᑕᔥ ᑫᐃᔑ ᐸᑭᑎᓇᒪᐙᒡ ᔑᒫᑲᓂᔕᓐ ᑲᔦ ᒋᐲᒋ ᐌᐱᓂᑯᔭᓐ ᑭᐸᐅᑏᐎᑲᒥᑯᕽ᙮ 59ᒦᔥ ᐃᐃᒫ ᑫᐊᔮᔭᓐ, ᑳᐐᓐ ᑭᑲ ᓵᑲᐊᓰ ᐹᓂᒫ ᐃᔥᒀ ᑎᐸᐃᑫᔭᓐ ᑕᓱ ᐲᐙᐱᑰᔅ ᑳᑮᐃᓈᑯᓂᑰᔭᓐ, ᑮᐃᑭᑐ ᒋᓴᔅ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society