Juan 7
7
Sa Pagduun Hi Jesus Hu Agsaulugen
1Su maiwas haena duminayun si Jesus duun hu mga banuwa ha sakup ta Galilea. Tinuyù din gayed ha makadiyù diyà ta prubinsya ta Judea ta natun-an din ha aghimatayan diyà hu mga agalen hu Judio. 2Ba su dani en agsaulugen sa Panahun hu Mga Lawig 3minikagi sa mga suled hi Jesus diyà ta kandin, “Dumuun ka taena ha agsaulugen diyà ta Judea ta daw maahà hu mga sumusunud nu sa mga belenganen ha tagbuhaten nu. 4Ta sa etaw ha agkabayà ku mabantug harì din gayed igheles sa mga buhat din. Tumenged ta tagbuhat ka hu mga belenganen maayad ha ipaahà nu haena duun hu kaet-etawan.” 5Inikagi dan haena ki Jesus ta harì dan agtuuwan bisan ku tungkay dan en ha suled.
6Aman tinubag sidan hi Jesus, “Kenà pa haini iyan natugun ha panahun ha magpakilala a hu mga etaw. Bisan inu dà ha panahun agkabaluy en ha buhaten nuy sa agkabayaan nuy 7ta harì kaw man agkuntrahen hu mga etaw dini ta kalibutan. Ba siak tumenged hu tigtudlù ku agkatun-an dan ha madaet sa tagbuhaten dan aman agkuntrahen a kandan. 8Una kaw en duun taena ha agsaulugen ta kenà pa haini panahun ha dumiyà a.” 9Aman diyà dà migtimà si Jesus ta Galilea.
10Ba su humipanaw en su mga suled din luminupug dà si Jesus kandan, ba hurà duma hu mga etaw ta daw harì dan matun-an. 11Duun taena ha agsaulugen pinan-ahà si Jesus hu mga agalen hu Judio aman in-insà dan ku hindu en duun.
12Tagsubayen si Jesus hu mga etaw ha nangaamul-amul diyà. Sa duma kandan tag-ikagi, “Maayad haena ha etaw” ba sa duma tag-ikagi daan, “Kenà haena maayad ta bà din dà aglimbungi sa mga etaw.” 13Ba bà dà sidan tagmuya-muya ta agkangahaldek sidan hu mga agalen hu Judio.
Sa Pagpanudlù Hi Jesus Duun Hu Timplu
14Su agliwaraan en sa pagsaulug duminuun si Jesus taena ha Timplu dayun nanudlù. 15Sa mga agalen hu Judio tungkay nabeleng daw mig-ikagi sidan, “Hindu gid napuun sa natun-an taini ha etawa ha kenà man daan matangkaw sa natunghaan din?”
16Aman tuminubag si Jesus, “Sa tigtudlù ku kenà kanak dà ha henà-henà ba duun gayed napuun hu Dios ha iyan migsugù kanak. 17Bisan sin-u sa agkabayà tagtuman taena ha agkabayaan hu Dios matun-an din gayed ku sa tigtudlù ku kanak dà ba daw ku duun ba napuun hu Dios. 18Sa etaw ha kandin dà ha henà-henà sa tigtudlù din agkabayà ha dayeen hu mga etaw, ba sa etaw ha agkabayà ha iyan dayeen sa migsugù kandin saena agkasaligan sa tigtudlù din ta hurà duun bidù. 19Si Moises mig-ila inyu hu Kasuguan ba hurà bisan sabuwa inyu ha tagtuman taena. Ta ku tagtuman kaw pa hu Kasuguan harì nuy ngaay mahenhenaan ha himatayan a inyu.”
20Tuminubag haena sa mga etaw, “Agkalibeg ka man gid. Sin-u sa taghenà-henà hu paghimatay ikaw?”
21Ba inikagiyan sidan hi Jesus, “Su anay nangabeleng kaw tumenged hu sabuwa ha belenganen ha binuhat ku. 22Si Moises migsugù inyu ha sirkunsidahan gayed sa mga batà nuy ha maama, ba saena ha tulumanen kenà diyà napuun ki Moises ta daan dà haena duun hu mga gin-apuan nuy. Tagbuhaten nuy haena bisan duun hu Aldaw hu Paghimlay. 23Ku nabaluy nuy haena buhata duun hu Aldaw hu Paghimlay ta daw harì masupak sa Kasuguan hi Moises, imbà a inyu agkapauki ta pigbulung ku haena sa etaw duun hu Aldaw hu Paghimlay? 24Harì kaw mag-ikagiyà ha madaet sa buhat hu etaw ku harì nuy pa masusi. Henhenaen nuy enà daw iyan nuy maikagi sa laus mahitenged kandin.”
Sa Pagsawalà Ku Si Jesus Iyan En Ba Su Misiyas
25Su mapaliman hu mga taga-Jerusalem haena sa inikagi hi Jesus sa duma kandan minikagi, “Kenà ba iyan haini su etaw ha tagpan-ahaen hu mga agalen ta aghimatayan dan? 26Ahaa nuy ta kamulu en tagpanudlù duun hu mga etaw daw harì man agbaldengen hu mga agalen. Iyan ta ku natun-an dan en ha iyan haini su Misiyas. 27Ba sa laus ha Misiyas harì taw agkatun-an ku hindu agkapuun, ba saini natun-an taw dà sa kapuun din.”
28Aman su tagpanudlù pa si Jesus duun hu Timplu minikagi haini, “Nakilala ad gayed inyu daw natun-an nuy en ku hindu a napuun. Hurà a dini hu kanak dà ha pagbayà ta sa migsugù kanak iyan sa laus ha Dios daw harì nuy haena agkakilala. 29Ba siak nakilala ku ta diyà a napuun ta kandin daw iyan daan migsugù kanak.”
30Agdakepen dan en ngaay si Jesus ba harì dan agkahimu ta kenà pa haena iyan natugun ha panahun. 31Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”
32Amin mga Parisiyu ha nakapaliman hu muya-muya mahitenged ki Jesus aman sa mga Parisiyu daw sa mga labaw ha sinaligan hu paghalad migsugù hu mga bantay taena ha Timplu ha dakepen dan si Jesus.
33Ba minikagi si Jesus, “Harì en tungkay malugay ag-awaan kud inyu ta ag-ulì ad en duun hu migsugù kanak. 34Pan-ahaen a inyu ba harì ad en inyu matulen ta harì kaw makaduun hu agpayanan-an ku.”
35Migpainsaay sa mga agalen hu Judio, “Hindu gid diay duun agpayanaen imbà taw harì agkatulen? Iyan ta ku agduun hu mga Griego ha mga etaw ha diyà daan tagtimà sa mga duma taw ha Judio ta agtudluan din daan sidan. 36Inu gid sa kahulugan taena ha inikagi din ha bisan ku pan-ahaen taw ba harì en gayed matulen daw harì kuy en makaduun hu agpayanan-an din?”
37Su katapusan ha aldaw hu pagsaulug ha iyan tungkay mahinengdanen huminitindeg si Jesus daw ikagi, “Bisan sin-u sa agkalauwan dumini ta kanak ta igpainum ku. 38Sa insulat ha lalang hu Dios tagyanaen, ‘Sa wahig ha pakaila hu kinabuhì agtugà duun hu bisan sin-u ha agtuu kanak.’” 39Ta sa wahig ha sinubay din iyan sa Balaan ha Ispiritu ha agkadawat hu bisan sin-u ha tumuu ki Jesus. Ba duun taena ha panahun hurà pa iila sa Balaan ha Ispiritu ta hurà pa ligtu si Jesus diyà ta langit.
40Su mapaliman hu mga etaw sa inikagi hi Jesus sa duma kandan minikagi, “Laus gayed ha iyan en haena su tagsalapen taw ha Prupita.”
41Sa duma minikagi, “Iyan en haena su Misiyas.”
Ba sa duma minikagi daan, “Kenà ta harì mahimu ha diyà kapuun sa Misiyas ta Galilea 42ta sa insulat ha lalang hu Dios tagyanaen ha sa Misiyas kaliwat hi Harì David daw diyà gayed ibatà ta Bethlehem ha iyan banuwa hi David.” 43Aman hurà makag-iling sa henà-henà hu mga etaw mahitenged ki Jesus. 44Sa duma kandan agkabayà en ngaay ha dakepen si Jesus ba harì dan haena agkahimu.
Sa Mga Agalen Harì Agtuu
45Su makalikù en sa mga bantay ha agdakep ngaay ki Jesus ininsaan sidan hu mga Parisiyu daw hu mga labaw ha sinaligan hu paghalad, “Imbà nuy hurà kadakep si Jesus?”
46Ba tuminubag sidan, “Hurà gayed etaw ha makagtudlù iling kandin.”
47Inikagiyan sidan hu mga Parisiyu, “Nalimbungan kaw en ba daan kandin? 48Hurà gayed sabuwa ha agalen daw Parisiyu ha tuminuu kandin. 49Saini ha kaet-etawan hurà dan katun-i sa Kasuguan aman silutan gayed sidan hu Dios.”
50Dayun si Nicodemo sa sabuwa ha Parisiyu ha nakiglalang ki Jesus su anay nanginginsà, 51“Igtugut ba hu Kasuguan taw ha hukuman sa etaw hu silut ku harì pa makapangatarengan ta daw matun-an taw sa binuhat din?”
52Ba tuminubag sa mga duma din ha Parisiyu, “Taga-Galilea ka ba diay daan? Susiya nu sa lalang hu Dios ta daw matun-an nu ha hurà prupita ha diyà agkapuun ta Galilea.”
53Dayun naman-ulì sidan alan duun hu mga balay dan.
Currently Selected:
Juan 7: bkd
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Juan 7
7
Sa Pagduun Hi Jesus Hu Agsaulugen
1Su maiwas haena duminayun si Jesus duun hu mga banuwa ha sakup ta Galilea. Tinuyù din gayed ha makadiyù diyà ta prubinsya ta Judea ta natun-an din ha aghimatayan diyà hu mga agalen hu Judio. 2Ba su dani en agsaulugen sa Panahun hu Mga Lawig 3minikagi sa mga suled hi Jesus diyà ta kandin, “Dumuun ka taena ha agsaulugen diyà ta Judea ta daw maahà hu mga sumusunud nu sa mga belenganen ha tagbuhaten nu. 4Ta sa etaw ha agkabayà ku mabantug harì din gayed igheles sa mga buhat din. Tumenged ta tagbuhat ka hu mga belenganen maayad ha ipaahà nu haena duun hu kaet-etawan.” 5Inikagi dan haena ki Jesus ta harì dan agtuuwan bisan ku tungkay dan en ha suled.
6Aman tinubag sidan hi Jesus, “Kenà pa haini iyan natugun ha panahun ha magpakilala a hu mga etaw. Bisan inu dà ha panahun agkabaluy en ha buhaten nuy sa agkabayaan nuy 7ta harì kaw man agkuntrahen hu mga etaw dini ta kalibutan. Ba siak tumenged hu tigtudlù ku agkatun-an dan ha madaet sa tagbuhaten dan aman agkuntrahen a kandan. 8Una kaw en duun taena ha agsaulugen ta kenà pa haini panahun ha dumiyà a.” 9Aman diyà dà migtimà si Jesus ta Galilea.
10Ba su humipanaw en su mga suled din luminupug dà si Jesus kandan, ba hurà duma hu mga etaw ta daw harì dan matun-an. 11Duun taena ha agsaulugen pinan-ahà si Jesus hu mga agalen hu Judio aman in-insà dan ku hindu en duun.
12Tagsubayen si Jesus hu mga etaw ha nangaamul-amul diyà. Sa duma kandan tag-ikagi, “Maayad haena ha etaw” ba sa duma tag-ikagi daan, “Kenà haena maayad ta bà din dà aglimbungi sa mga etaw.” 13Ba bà dà sidan tagmuya-muya ta agkangahaldek sidan hu mga agalen hu Judio.
Sa Pagpanudlù Hi Jesus Duun Hu Timplu
14Su agliwaraan en sa pagsaulug duminuun si Jesus taena ha Timplu dayun nanudlù. 15Sa mga agalen hu Judio tungkay nabeleng daw mig-ikagi sidan, “Hindu gid napuun sa natun-an taini ha etawa ha kenà man daan matangkaw sa natunghaan din?”
16Aman tuminubag si Jesus, “Sa tigtudlù ku kenà kanak dà ha henà-henà ba duun gayed napuun hu Dios ha iyan migsugù kanak. 17Bisan sin-u sa agkabayà tagtuman taena ha agkabayaan hu Dios matun-an din gayed ku sa tigtudlù ku kanak dà ba daw ku duun ba napuun hu Dios. 18Sa etaw ha kandin dà ha henà-henà sa tigtudlù din agkabayà ha dayeen hu mga etaw, ba sa etaw ha agkabayà ha iyan dayeen sa migsugù kandin saena agkasaligan sa tigtudlù din ta hurà duun bidù. 19Si Moises mig-ila inyu hu Kasuguan ba hurà bisan sabuwa inyu ha tagtuman taena. Ta ku tagtuman kaw pa hu Kasuguan harì nuy ngaay mahenhenaan ha himatayan a inyu.”
20Tuminubag haena sa mga etaw, “Agkalibeg ka man gid. Sin-u sa taghenà-henà hu paghimatay ikaw?”
21Ba inikagiyan sidan hi Jesus, “Su anay nangabeleng kaw tumenged hu sabuwa ha belenganen ha binuhat ku. 22Si Moises migsugù inyu ha sirkunsidahan gayed sa mga batà nuy ha maama, ba saena ha tulumanen kenà diyà napuun ki Moises ta daan dà haena duun hu mga gin-apuan nuy. Tagbuhaten nuy haena bisan duun hu Aldaw hu Paghimlay. 23Ku nabaluy nuy haena buhata duun hu Aldaw hu Paghimlay ta daw harì masupak sa Kasuguan hi Moises, imbà a inyu agkapauki ta pigbulung ku haena sa etaw duun hu Aldaw hu Paghimlay? 24Harì kaw mag-ikagiyà ha madaet sa buhat hu etaw ku harì nuy pa masusi. Henhenaen nuy enà daw iyan nuy maikagi sa laus mahitenged kandin.”
Sa Pagsawalà Ku Si Jesus Iyan En Ba Su Misiyas
25Su mapaliman hu mga taga-Jerusalem haena sa inikagi hi Jesus sa duma kandan minikagi, “Kenà ba iyan haini su etaw ha tagpan-ahaen hu mga agalen ta aghimatayan dan? 26Ahaa nuy ta kamulu en tagpanudlù duun hu mga etaw daw harì man agbaldengen hu mga agalen. Iyan ta ku natun-an dan en ha iyan haini su Misiyas. 27Ba sa laus ha Misiyas harì taw agkatun-an ku hindu agkapuun, ba saini natun-an taw dà sa kapuun din.”
28Aman su tagpanudlù pa si Jesus duun hu Timplu minikagi haini, “Nakilala ad gayed inyu daw natun-an nuy en ku hindu a napuun. Hurà a dini hu kanak dà ha pagbayà ta sa migsugù kanak iyan sa laus ha Dios daw harì nuy haena agkakilala. 29Ba siak nakilala ku ta diyà a napuun ta kandin daw iyan daan migsugù kanak.”
30Agdakepen dan en ngaay si Jesus ba harì dan agkahimu ta kenà pa haena iyan natugun ha panahun. 31Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”
32Amin mga Parisiyu ha nakapaliman hu muya-muya mahitenged ki Jesus aman sa mga Parisiyu daw sa mga labaw ha sinaligan hu paghalad migsugù hu mga bantay taena ha Timplu ha dakepen dan si Jesus.
33Ba minikagi si Jesus, “Harì en tungkay malugay ag-awaan kud inyu ta ag-ulì ad en duun hu migsugù kanak. 34Pan-ahaen a inyu ba harì ad en inyu matulen ta harì kaw makaduun hu agpayanan-an ku.”
35Migpainsaay sa mga agalen hu Judio, “Hindu gid diay duun agpayanaen imbà taw harì agkatulen? Iyan ta ku agduun hu mga Griego ha mga etaw ha diyà daan tagtimà sa mga duma taw ha Judio ta agtudluan din daan sidan. 36Inu gid sa kahulugan taena ha inikagi din ha bisan ku pan-ahaen taw ba harì en gayed matulen daw harì kuy en makaduun hu agpayanan-an din?”
37Su katapusan ha aldaw hu pagsaulug ha iyan tungkay mahinengdanen huminitindeg si Jesus daw ikagi, “Bisan sin-u sa agkalauwan dumini ta kanak ta igpainum ku. 38Sa insulat ha lalang hu Dios tagyanaen, ‘Sa wahig ha pakaila hu kinabuhì agtugà duun hu bisan sin-u ha agtuu kanak.’” 39Ta sa wahig ha sinubay din iyan sa Balaan ha Ispiritu ha agkadawat hu bisan sin-u ha tumuu ki Jesus. Ba duun taena ha panahun hurà pa iila sa Balaan ha Ispiritu ta hurà pa ligtu si Jesus diyà ta langit.
40Su mapaliman hu mga etaw sa inikagi hi Jesus sa duma kandan minikagi, “Laus gayed ha iyan en haena su tagsalapen taw ha Prupita.”
41Sa duma minikagi, “Iyan en haena su Misiyas.”
Ba sa duma minikagi daan, “Kenà ta harì mahimu ha diyà kapuun sa Misiyas ta Galilea 42ta sa insulat ha lalang hu Dios tagyanaen ha sa Misiyas kaliwat hi Harì David daw diyà gayed ibatà ta Bethlehem ha iyan banuwa hi David.” 43Aman hurà makag-iling sa henà-henà hu mga etaw mahitenged ki Jesus. 44Sa duma kandan agkabayà en ngaay ha dakepen si Jesus ba harì dan haena agkahimu.
Sa Mga Agalen Harì Agtuu
45Su makalikù en sa mga bantay ha agdakep ngaay ki Jesus ininsaan sidan hu mga Parisiyu daw hu mga labaw ha sinaligan hu paghalad, “Imbà nuy hurà kadakep si Jesus?”
46Ba tuminubag sidan, “Hurà gayed etaw ha makagtudlù iling kandin.”
47Inikagiyan sidan hu mga Parisiyu, “Nalimbungan kaw en ba daan kandin? 48Hurà gayed sabuwa ha agalen daw Parisiyu ha tuminuu kandin. 49Saini ha kaet-etawan hurà dan katun-i sa Kasuguan aman silutan gayed sidan hu Dios.”
50Dayun si Nicodemo sa sabuwa ha Parisiyu ha nakiglalang ki Jesus su anay nanginginsà, 51“Igtugut ba hu Kasuguan taw ha hukuman sa etaw hu silut ku harì pa makapangatarengan ta daw matun-an taw sa binuhat din?”
52Ba tuminubag sa mga duma din ha Parisiyu, “Taga-Galilea ka ba diay daan? Susiya nu sa lalang hu Dios ta daw matun-an nu ha hurà prupita ha diyà agkapuun ta Galilea.”
53Dayun naman-ulì sidan alan duun hu mga balay dan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.