Mateo 12
12
Sa Tagbayà Hu Aldaw Hu Paghimlay
(Mateo 12:1-8; Marcos 2:23-28; Lucas 6:1-5)
1Amin aldaw hu Sabadu ha nakaagi say Jesus duun hu uma. Tumenged ta agkangauhul en sa mga tinun-an din namanimù sidan hu bunga taena ha mga pamulahen duun daw kinaen dan. 2Ba su maahà haena hu mga Parisiyu inikagiyan dan si Jesus, “Ahaa sa mga tinun-an nu ta nasupak dan gayed sa Kasuguan mahitenged hu Aldaw hu Paghimlay.”
3Ba tuminubag si Jesus, “Hurà nuy ba diay kabasa haena sa binuhat hi David su mangauhul sidan hu mga duma din? 4Sumineled haena duun ku Tabirnakulu daw kan-a su supas ha inhalad duun hu Dios dayun inilahan din su mga duma din bisan ku para dà ngaay haena hu mga sinaligan hu paghalad. 5Daw hurà nuy pa ba diay daan kabasa duun hu Kasuguan ha sa mga sinaligan hu paghalad duun hu Timplu harì daan sidan taghimlay duun hu Aldaw hu Paghimlay? Ba hurà sidan makasalà. 6Ikagiyen ku inyu ha amin nakadini ta inyu ha labaw pa dì hu Timplu. 7Sa lalang hu Dios tagyanaen, ‘Magmahid-uwen kaw hu mga duma nuy ta iyan haini tungkayan ku agkabayaan dì hu mga halad nuy.’ Ku natun-an nuy pa ngaay haena harì kaw ngaay maghukum hu mga etaw ha hurà din salà. 8Ta siak sa Batà hu Etaw iyan a tagbayà hu Aldaw hu Paghimlay.”
Sa Pagbulung Hu Kimay
(Mateo 12:9-14; Marcos 3:1-6; Lucas 6:6-11)
9Duminayun si Jesus diyà ta simbahan 10daw amin daan etaw diyà ha kimay. Diyà daan sa mga etaw ha tagpan-ahà hu katarengan ta daw makasumbung dan si Jesus aman ininsaan dan, “Igtugut ba hu Kasuguan ha mamulung kuy hu agkadaluwan ku Aldaw hu Paghimlay?”
11Si Jesus tuminubag, “Ku amin nuy karniru ha mahulug duun hu bangbang ku Aldaw hu Paghimlay saena butwaen nuy gayed dì ba? 12Mahal pa gayed sa etaw dì hu karniru, aman ku agbulig kuy hu etaw duun hu Aldaw hu Paghimlay saena harì pakasupak hu Kasuguan.”
13Dayun inikagiyan din haena sa kimay, “Bunhata sa alima nu.” Aman binunhat din haena dayun sagunà naulian. 14Su mga Parisiyu namangguwà daw miglalang-lalang sidan ku in-inuwen dan sa kahimatayi ki Jesus.
Si Jesus Sa Pinilì Hu Dios
15Tumenged ta natun-an hi Jesus sa agbuhaten hu mga Parisiyu minawà haena diyà. Madakel ha mga etaw sa namanduma kandin daw naulian din sa alan ha agkangadaluwan, 16ba binalaudan sidan hi Jesus ha harì dan gayed haena ikagiyen ku sin-u. 17Nahitabù haena ta daw matuman sa lalang hu Dios pinaagi ki Isaias sa prupita ha tagyanaen,
18“Iyan haini suluguen ha pinilì ku daw tungkay ku gayed palanggà ha tigkabayà-bayà ku. Paulinan ku haini hu Balaan ha Ispiritu daw isangyaw din sa matareng ha paghukum ku duun hu alan ha kaet-etawan. 19Harì haini makigsawalà ba manayù-nayù sa pag-ikagi din, daw harì daan bà dà tagpapalpaliman hu mga etaw. 20Harì din bà dà agbalia sa sedsed ha nabalukù daw harì din daan bà dà agpedengi sa sulù ha tagpedek-pedek en, ba agbuligan din haena sa maluya sa pagsalig din duun hu Dios ta daw harì sidan bà dà kalaag. Harì din haena ag-endaan pagbuhat hangtud ha sa pagkamatareng makalekep en duun hu bisan hindu. 21Iyan haini paghinamen hu alan ha kaet-etawan.”
Sa Labaw Dì Ki Satanas
(Mateo 12:22-32; Marcos 3:20-30; Lucas 11:14-23)
22Amin etaw ha nabuta daw naemaw tumenged ta tinaguan hu busaw saena inuwit hu mga etaw diyà ki Jesus. Naulian din haena aman sagunà nakaindan daw nakaikagi. 23Sa alan ha mga etaw ha nakaahà taena tungkay nangabeleng daw nakaikagi sidan, “Iyan en gid haini su intagnà ha Misiyas ha Kaliwat hi David.”
24Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”
25Natun-an hi Jesus sa henà-henà dan aman inikagiyan din sidan, “Sa ginharian ha tagsasabà sa mga etaw duun agkabengkag gayed, daw sa pamilya daw ku banuwa ba ha magsasabà mabengkag daan haena. 26Aman ku sabaen hi Satanas sa mga sakup din sa ginharian din mabengkag gayed. 27Ku laus pa ngaay sa inikagi nuy ha sa gahem ku hu pagbugaw taena ha mga busaw in-ila kanak hi Beelsebul, sin-u diay sa mig-ila hu gahem taena ha mga duma nuy ha tagpamugaw daan hu mga busaw? Pinaagi hu mga buhat dan natun-an taw ha sayep sa tag-ikagiyen nuy. 28Saini ha gahem ku duun gayed napuun hu Balaan ha Ispiritu. Iyan haena igkatun-i taw ha iman tagharì en sa Dios dini ta kanuy.
29“Henhenaa nuy ha hurà bisan sin-u sa makaseled duun hu balay hu mabis-ay ha etaw hu pag-agaw hu mga butang din ku harì din unahen bakusen su mabis-ay ha etaw daw human din katimù sa mga butang duun taena ha balay.
30“Bisan sin-u sa kenà ku duma iyan gayed agsupak kanak, daw saena ha harì agbulig kanak iyan ag-abug hu mga etaw. 31Aman ag-ikagiyen ku inyu ha mabaluy pa ha mapasaylu sa alan ha mga salà hu etaw bisan sa pagtameyes hu duma, ba sa pagtameyes hu Balaan ha Ispiritu harì gayed mapasaylu. 32Bisan sin-u haena sa magtameyes kanak siak sa Batà hu Etaw mabaluy pa ha pasayluwen, ba sa magtameyes hu Balaan ha Ispiritu harì en gayed mapasaylu iman daw hangtud hu hurà din katapusan.
Sa Bunga Hu Pamulahen
(Mateo 12:33-37; Lucas 6:43-45)
33“Sa maayad ha kayu pulus dà gayed maayad sa bunga din, ba sa madaet ha kayu madaet en daan sa bunga din. Agkakilala taw sa kayu pinaagi hu bunga din. 34Sinyu sa mga bunsalagan, in-inuwen nuy pag-ikagi hu maayad ha mga madaet kaw man? Ta ku inu sa duun hu henà-henà hu etaw iyan daan haena agkaikagi din. 35Sa maayad ha etaw maayad daan sa agkaikagi din, ba sa madaet ha etaw madaet daan sa pag-ikagi din. 36Ikagiyen ku inyu ha asem ku Aldaw hu Paghukum sa kada sabuwa inyu agpanubag duun hu Dios mahitenged taena ha nangaikagi nuy ha hurà din pulus, 37ta sa alan ha mga naikagi nuy iyan dà maghukum inyu ku silutan kaw ba daw ku harì.”
Sa Tagpan-ahà Hu Belenganen
(Mateo 12:38-42; Marcos 8:11-12; Lucas 11:29-32)
38Amin mga manunudlù hu Kasuguan daw mga Parisiyu ha minikagi diyà ki Jesus, “Manunudlù, ipaahà kay ikaw hu timaan ha belenganen.”
39Ba tuminubag si Jesus, “Sa mga etaw iman ha madaet sa mga buhat dan daw nakadiyù en duun hu Dios iyan tagpan-ahà hu mga belenganen. Ba iyan dà makapaahà ku inyu ha timaan sa naul-ulahan hi Jonas ha prupita 40ta si Jonas linam-ed hu adagi ha sedà ba duun hu tatulu ha aldaw imbula dà. Siak sa Batà hu Etaw makaduun a daan hu alima hu kamatayen ba sugud taena payanaen hu tatulu ha aldaw mabanhaw a dà. 41Asem ku Aldaw hu Paghukum sukmatan kaw hu silut taena ha mga taga-Ninive ta mighinulsul sidan hu mga salà dan su mapaliman dan sa intultul hi Jonas. Ba iman dini en sa labaw pa dì ki Jonas ba harì nuy agdawaten. 42Sukmatan kaw daan asem hu silut taena ha rayna ta Sheba ta madiyù sa hinipanawan din hu pagpaliliman hu katudluanan hi Harì Solomon. Ba iman dini en sa matatau pa dì ki Solomon ba harì nuy agtuuwan.
Sa Busaw Ha Agpan-ahà Hu Ag-ulian Din
(Mateo 12:43-45; Lucas 11:24-26)
43“Ku umawà en sa busaw duun hu etaw ha tinaguan din aghipanaw haena ta agpan-ahà hu agtimaan din. Ba ku harì en makaahà 44agkahenhenaan din ha lumikù dà duun taena ha pigtimaan din su anay. Ku maahà din dà haena ha hurà en duun tagtimà daw limpyu en 45agpangembang su busaw hu pitu ha duma din ha ayuwà pa madaet dì kandin daw taguan dan dà paman haena sa etaw. Aman ayuwà pa malegen sa kahimtang taena ha etaw dì su anay. Iyan daan haena maul-ulahan hu madaet ha mga etaw iman.”
Sa Kadumahan Hi Jesus
(Mateo 12:46-50; Marcos 3:31-35; Lucas 8:19-21)
46Su kamulu pa si Jesus tag-ikagi duun taena ha madakel ha mga etaw nakauma si Inay din daw sa mga suled din ta amin dan ag-ikagiyen kandin, ba diyà dà sidan tagtiyadeg ta guwà. 47Amin etaw ha uminikagi diyà ki Jesus, “Si Inay nu daw sa mga suled nu diyà tagtiyadeg ta guwà ta amin dan kun ag-ikagiyen ikaw.”
48Ba si Jesus tuminubag, “Iman ikagiyen ku inyu ku sin-u sa inay ku daw sa mga suled ku.” 49Dayun intuen din sa mga sumusunud din daw ikagi, “Taini en sa inay ku daw sa mga suled ku 50ta bisan sin-u sa tagtuman hu agkabayaan hu Amay ku diyà ta langit iyan en haena inay ku daw mga suled ku.”
Currently Selected:
Mateo 12: bkd
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Mateo 12
12
Sa Tagbayà Hu Aldaw Hu Paghimlay
(Mateo 12:1-8; Marcos 2:23-28; Lucas 6:1-5)
1Amin aldaw hu Sabadu ha nakaagi say Jesus duun hu uma. Tumenged ta agkangauhul en sa mga tinun-an din namanimù sidan hu bunga taena ha mga pamulahen duun daw kinaen dan. 2Ba su maahà haena hu mga Parisiyu inikagiyan dan si Jesus, “Ahaa sa mga tinun-an nu ta nasupak dan gayed sa Kasuguan mahitenged hu Aldaw hu Paghimlay.”
3Ba tuminubag si Jesus, “Hurà nuy ba diay kabasa haena sa binuhat hi David su mangauhul sidan hu mga duma din? 4Sumineled haena duun ku Tabirnakulu daw kan-a su supas ha inhalad duun hu Dios dayun inilahan din su mga duma din bisan ku para dà ngaay haena hu mga sinaligan hu paghalad. 5Daw hurà nuy pa ba diay daan kabasa duun hu Kasuguan ha sa mga sinaligan hu paghalad duun hu Timplu harì daan sidan taghimlay duun hu Aldaw hu Paghimlay? Ba hurà sidan makasalà. 6Ikagiyen ku inyu ha amin nakadini ta inyu ha labaw pa dì hu Timplu. 7Sa lalang hu Dios tagyanaen, ‘Magmahid-uwen kaw hu mga duma nuy ta iyan haini tungkayan ku agkabayaan dì hu mga halad nuy.’ Ku natun-an nuy pa ngaay haena harì kaw ngaay maghukum hu mga etaw ha hurà din salà. 8Ta siak sa Batà hu Etaw iyan a tagbayà hu Aldaw hu Paghimlay.”
Sa Pagbulung Hu Kimay
(Mateo 12:9-14; Marcos 3:1-6; Lucas 6:6-11)
9Duminayun si Jesus diyà ta simbahan 10daw amin daan etaw diyà ha kimay. Diyà daan sa mga etaw ha tagpan-ahà hu katarengan ta daw makasumbung dan si Jesus aman ininsaan dan, “Igtugut ba hu Kasuguan ha mamulung kuy hu agkadaluwan ku Aldaw hu Paghimlay?”
11Si Jesus tuminubag, “Ku amin nuy karniru ha mahulug duun hu bangbang ku Aldaw hu Paghimlay saena butwaen nuy gayed dì ba? 12Mahal pa gayed sa etaw dì hu karniru, aman ku agbulig kuy hu etaw duun hu Aldaw hu Paghimlay saena harì pakasupak hu Kasuguan.”
13Dayun inikagiyan din haena sa kimay, “Bunhata sa alima nu.” Aman binunhat din haena dayun sagunà naulian. 14Su mga Parisiyu namangguwà daw miglalang-lalang sidan ku in-inuwen dan sa kahimatayi ki Jesus.
Si Jesus Sa Pinilì Hu Dios
15Tumenged ta natun-an hi Jesus sa agbuhaten hu mga Parisiyu minawà haena diyà. Madakel ha mga etaw sa namanduma kandin daw naulian din sa alan ha agkangadaluwan, 16ba binalaudan sidan hi Jesus ha harì dan gayed haena ikagiyen ku sin-u. 17Nahitabù haena ta daw matuman sa lalang hu Dios pinaagi ki Isaias sa prupita ha tagyanaen,
18“Iyan haini suluguen ha pinilì ku daw tungkay ku gayed palanggà ha tigkabayà-bayà ku. Paulinan ku haini hu Balaan ha Ispiritu daw isangyaw din sa matareng ha paghukum ku duun hu alan ha kaet-etawan. 19Harì haini makigsawalà ba manayù-nayù sa pag-ikagi din, daw harì daan bà dà tagpapalpaliman hu mga etaw. 20Harì din bà dà agbalia sa sedsed ha nabalukù daw harì din daan bà dà agpedengi sa sulù ha tagpedek-pedek en, ba agbuligan din haena sa maluya sa pagsalig din duun hu Dios ta daw harì sidan bà dà kalaag. Harì din haena ag-endaan pagbuhat hangtud ha sa pagkamatareng makalekep en duun hu bisan hindu. 21Iyan haini paghinamen hu alan ha kaet-etawan.”
Sa Labaw Dì Ki Satanas
(Mateo 12:22-32; Marcos 3:20-30; Lucas 11:14-23)
22Amin etaw ha nabuta daw naemaw tumenged ta tinaguan hu busaw saena inuwit hu mga etaw diyà ki Jesus. Naulian din haena aman sagunà nakaindan daw nakaikagi. 23Sa alan ha mga etaw ha nakaahà taena tungkay nangabeleng daw nakaikagi sidan, “Iyan en gid haini su intagnà ha Misiyas ha Kaliwat hi David.”
24Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”
25Natun-an hi Jesus sa henà-henà dan aman inikagiyan din sidan, “Sa ginharian ha tagsasabà sa mga etaw duun agkabengkag gayed, daw sa pamilya daw ku banuwa ba ha magsasabà mabengkag daan haena. 26Aman ku sabaen hi Satanas sa mga sakup din sa ginharian din mabengkag gayed. 27Ku laus pa ngaay sa inikagi nuy ha sa gahem ku hu pagbugaw taena ha mga busaw in-ila kanak hi Beelsebul, sin-u diay sa mig-ila hu gahem taena ha mga duma nuy ha tagpamugaw daan hu mga busaw? Pinaagi hu mga buhat dan natun-an taw ha sayep sa tag-ikagiyen nuy. 28Saini ha gahem ku duun gayed napuun hu Balaan ha Ispiritu. Iyan haena igkatun-i taw ha iman tagharì en sa Dios dini ta kanuy.
29“Henhenaa nuy ha hurà bisan sin-u sa makaseled duun hu balay hu mabis-ay ha etaw hu pag-agaw hu mga butang din ku harì din unahen bakusen su mabis-ay ha etaw daw human din katimù sa mga butang duun taena ha balay.
30“Bisan sin-u sa kenà ku duma iyan gayed agsupak kanak, daw saena ha harì agbulig kanak iyan ag-abug hu mga etaw. 31Aman ag-ikagiyen ku inyu ha mabaluy pa ha mapasaylu sa alan ha mga salà hu etaw bisan sa pagtameyes hu duma, ba sa pagtameyes hu Balaan ha Ispiritu harì gayed mapasaylu. 32Bisan sin-u haena sa magtameyes kanak siak sa Batà hu Etaw mabaluy pa ha pasayluwen, ba sa magtameyes hu Balaan ha Ispiritu harì en gayed mapasaylu iman daw hangtud hu hurà din katapusan.
Sa Bunga Hu Pamulahen
(Mateo 12:33-37; Lucas 6:43-45)
33“Sa maayad ha kayu pulus dà gayed maayad sa bunga din, ba sa madaet ha kayu madaet en daan sa bunga din. Agkakilala taw sa kayu pinaagi hu bunga din. 34Sinyu sa mga bunsalagan, in-inuwen nuy pag-ikagi hu maayad ha mga madaet kaw man? Ta ku inu sa duun hu henà-henà hu etaw iyan daan haena agkaikagi din. 35Sa maayad ha etaw maayad daan sa agkaikagi din, ba sa madaet ha etaw madaet daan sa pag-ikagi din. 36Ikagiyen ku inyu ha asem ku Aldaw hu Paghukum sa kada sabuwa inyu agpanubag duun hu Dios mahitenged taena ha nangaikagi nuy ha hurà din pulus, 37ta sa alan ha mga naikagi nuy iyan dà maghukum inyu ku silutan kaw ba daw ku harì.”
Sa Tagpan-ahà Hu Belenganen
(Mateo 12:38-42; Marcos 8:11-12; Lucas 11:29-32)
38Amin mga manunudlù hu Kasuguan daw mga Parisiyu ha minikagi diyà ki Jesus, “Manunudlù, ipaahà kay ikaw hu timaan ha belenganen.”
39Ba tuminubag si Jesus, “Sa mga etaw iman ha madaet sa mga buhat dan daw nakadiyù en duun hu Dios iyan tagpan-ahà hu mga belenganen. Ba iyan dà makapaahà ku inyu ha timaan sa naul-ulahan hi Jonas ha prupita 40ta si Jonas linam-ed hu adagi ha sedà ba duun hu tatulu ha aldaw imbula dà. Siak sa Batà hu Etaw makaduun a daan hu alima hu kamatayen ba sugud taena payanaen hu tatulu ha aldaw mabanhaw a dà. 41Asem ku Aldaw hu Paghukum sukmatan kaw hu silut taena ha mga taga-Ninive ta mighinulsul sidan hu mga salà dan su mapaliman dan sa intultul hi Jonas. Ba iman dini en sa labaw pa dì ki Jonas ba harì nuy agdawaten. 42Sukmatan kaw daan asem hu silut taena ha rayna ta Sheba ta madiyù sa hinipanawan din hu pagpaliliman hu katudluanan hi Harì Solomon. Ba iman dini en sa matatau pa dì ki Solomon ba harì nuy agtuuwan.
Sa Busaw Ha Agpan-ahà Hu Ag-ulian Din
(Mateo 12:43-45; Lucas 11:24-26)
43“Ku umawà en sa busaw duun hu etaw ha tinaguan din aghipanaw haena ta agpan-ahà hu agtimaan din. Ba ku harì en makaahà 44agkahenhenaan din ha lumikù dà duun taena ha pigtimaan din su anay. Ku maahà din dà haena ha hurà en duun tagtimà daw limpyu en 45agpangembang su busaw hu pitu ha duma din ha ayuwà pa madaet dì kandin daw taguan dan dà paman haena sa etaw. Aman ayuwà pa malegen sa kahimtang taena ha etaw dì su anay. Iyan daan haena maul-ulahan hu madaet ha mga etaw iman.”
Sa Kadumahan Hi Jesus
(Mateo 12:46-50; Marcos 3:31-35; Lucas 8:19-21)
46Su kamulu pa si Jesus tag-ikagi duun taena ha madakel ha mga etaw nakauma si Inay din daw sa mga suled din ta amin dan ag-ikagiyen kandin, ba diyà dà sidan tagtiyadeg ta guwà. 47Amin etaw ha uminikagi diyà ki Jesus, “Si Inay nu daw sa mga suled nu diyà tagtiyadeg ta guwà ta amin dan kun ag-ikagiyen ikaw.”
48Ba si Jesus tuminubag, “Iman ikagiyen ku inyu ku sin-u sa inay ku daw sa mga suled ku.” 49Dayun intuen din sa mga sumusunud din daw ikagi, “Taini en sa inay ku daw sa mga suled ku 50ta bisan sin-u sa tagtuman hu agkabayaan hu Amay ku diyà ta langit iyan en haena inay ku daw mga suled ku.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.