Mateo 15
15
Sa Tulumanen Hu Mga Parisiyu
(Mateo 15:1-9; Marcos 7:1-13)
1Amin mga Parisiyu daw mga manunudlù hu Kasuguan ha nangapuun ta Jerusalem ha namandiyà ki Jesus daw ikagiyi, 2“Imbà supaka hu mga tinun-an nu sa tulumanen ha imbilin kanuy hu mga gin-apuan taw? Ta harì en sidan agpamangenaw ta alima dan ku agkaen.”
3Ba si Jesus tuminubag, “Imbà nuy daan supaka sa Kasuguan hu Dios ta daw iyan nuy dà matuman sa inyu ha tulumanen? 4Ta inikagi hu Dios, ‘Tahura sa mga laas nuy’ daw ‘Saena ha tagpanungayaw hu mga laas din kinahanglan ha himatayan.’ 5Ba kagi nuy ha agkabaluy ha bà nuy dà ikagiyi sa mga laas nuy, ‘Taini ngaay sa igbulig ku inyu ba ighalad ku duun hu Dios’ aman harì kaw pakabulig hu mga laas nuy. 6Saena ha binuhat nuy kenà gayed pagtahud hu mga laas. Aman tumenged taena ha tulumanen nuy binuhat nuy ha hurà pulus hu Kasuguan hu Dios. 7Bà kaw dà gayed tagpasibù-sibù. Laus gayed sa intagnà hi Isaias mahitenged inyu ha tagyanaen,
8‘Saini ha mga etaw tag-ikagi ha tagtahuran a kandan ba sa henà-henà dan hurà dini ta kanak. 9Sa pagsimba dan kanak hurà din pulus daw sa katudluanan dan bà dà mga tulumanen ha binuhat hu etaw.’”
Sa Igpakasalà Hu Etaw
(Mateo 15:10-20; Marcos 7:14-23)
10Inamul-amul hi Jesus sa mga etaw daw ikagiyi sidan, “Magpaliliman kaw gayed daw sabuta nuy haini. 11Sa igpakasalà hu etaw kenà iyan sa agkangakaen din ba iyan sa mga madaet ha lalang ha aggawas duun hu bàbà din.”
12Dayun uminubay diyà ta kandin sa mga tinun-an din hu kagi dan, “Hurà nu ba katun-i ha nangasilag su mga Parisiyu taena ha inikagi nu?”
13Ba si Jesus tuminubag, “Aghilamunen sa agtubù ha hurà ipamula hu Dios ha Amay ku. 14Bay-ani nuy sa mga Parisiyu ta agkailing sidan hu buta ha tagkipit daan hu duma din ha buta na bà dà sidan agkangahulug duun hu bangbang.”
15Minikagi si Pedro diyà ki Jesus, “Saysaya nu kanay haena sa pananglitan nu.”
16Inikagiyan sidan hi Jesus, “Hurà kaw pa ba diay daan makasabut? 17Harì nuy ba diay agkatun-an ha sa agkangakaen hu etaw bà dà agsagad diyà ta getek din dayun agkaawà dà haena? 18Ba sa agkaikagi hu etaw diyà gayed agkapuun ta gahinawa din daw iyan haena igpakasalà din. 19Ta duun hu gahinawa agkapuun sa madaet ha henà-henà, sa pagpangimatay daw sa pagpanapaw, sa pagbuhat hu malaw-ay daw sa pagpanakaw, sa pagbutang-butang daw sa pagdaet hu dengeg. 20Iyan haena igpakasalà hu etaw, ba saena ha tulumanen hu pagpangenaw ta alima daw human kaen kenà iyan igpakasalà hu etaw.”
Sa Pagtuu Hu Bahi Ha Kenà Judio
(Mateo 15:21-28; Marcos 7:24-30)
21Uminawà diyà si Jesus daw duminuun hu lugar ha ubay ta Tiro daw ta Sidon. 22Amin diyà bahi ha sa mga kapuun din su anay taga-Canaan ha duminiyà ki Jesus daw hangyù, “Ginuu ha Kaliwat hi David, kahid-uwi a ikaw. Agkatungkayan sa laga-laga ku ta tinaguan hu busaw.”
23Ba si Jesus hurà en magtubag. Aman sa mga tinun-an din pinagayukan dan si Jesus, “Ipaawà hayana sa taglupugà kanuy ha bahi ta pinakauleg.”
24Inikagiyan hi Jesus su bahi, “Iyan dà pinaelegan kanak hu Dios sa mga kaliwatan hi Israel ta agkailing sidan hu nangalaag ha mga karniru.”
25Ba saena ha bahi bà dà luminuhud duun hu atubangan hi Jesus ha tagyanaen, “Ginuu, buligi a gayed ikaw.”
26Minikagi si Jesus, “Kenà maayad ku agawen sa tagkan-en hu batà daw ipakaen hu mga asu.”
27Tuminubag su bahi, “Ginuu, laus gayed hayana ba bisan sa mga asu pakakaen daan hu mumu duun hu lamisa taena ha agalen dan.”
28Inikagiyan hi Jesus su bahi, “Tungkay gayed adagi sa pagtuu nu aman sa agpanayuen nu kanak buhaten ku.” Sagunà naulian su laga-laga ku bahi.
Sa Pagbulung Hu Madakel Ha Mga Etaw
29Minawà si Jesus diyà daw duun minagi ku kilid taena ha Danaw ta Galilea. Dayun duminuun hu buntud daw pinuu. 30Namandiyà daan ta kandin sa madakel tungkay ha mga etaw ha tag-uuwit hu mga pigket daw mga buta, mga piang daw mga emaw daw amin pa daan madakel gayed ha agkangadaluwan. Impan-ugsak dan haena duun hu atubangan hi Jesus dayun nangaulian sidan. 31Su maahà haena hu mga etaw tungkay sidan nangabeleng ta pakaikagi en su emaw daw pakahipanaw en daan su pigket, pakaindan en su buta daw naulian daan su piang. Aman dinayè dan sa Dios ha iyan Dios hu kaliwatan hi Israel.
Sa Pagpakaen Ku Haepat Ha Libu Ha Mga Etaw
(Mateo 15:32-39; Marcos 8:1-10)
32Inamul hi Jesus sa mga tinun-an din daw ikagiyi sidan, “Agkahid-uwan ku haini sa mga etaw ta tatulu en ha aldaw sa pagduma-dumahà dan kanuy daw hurà dan en gayed agkakaen. Harì ku agkabayaan ha ipaulì ku sidan ha hurà dan makaen ta kan ku tasien sidan diyà ta dalan.”
33Ba tuminubag su mga tinun-an din, “Hindu kay duun makatimù hu igpakaen kandan ta pinakabulung-bulung haini ha lugar daw madakel tungkay sidan?”
34Ininsaan sidan hi Jesus, “Pila ha buuk sa supas nuy?”
Tuminubag sidan hu “Pitu dà ha buuk daw amin daan atitiyuay ha sedà ha pila dà daan ha buuk.”
35Impapinuu hi Jesus sa mga etaw diyà ta bugtà. 36Tinimù din su pitu ha supas daw su sedà dayun ampui haena. Su makapenga en mag-ampù pinangebing din daw sugua su mga tinun-an din ha ipakaen haena hu mga etaw. 37Su mangabuhì en sidan pinangamul hu mga tinun-an su nasamà duun, saena pitu pa ha ambung. 38Haepat ha libu sa kadakelen hu mga maama ha nangakakaen daw amin pa mga bahi daw mga batà.
39Su ipaulì hi Jesus su mga etaw luminulan hu kandin duun hu barutu payanaen diyà ta Magadan.
Currently Selected:
Mateo 15: bkd
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Mateo 15
15
Sa Tulumanen Hu Mga Parisiyu
(Mateo 15:1-9; Marcos 7:1-13)
1Amin mga Parisiyu daw mga manunudlù hu Kasuguan ha nangapuun ta Jerusalem ha namandiyà ki Jesus daw ikagiyi, 2“Imbà supaka hu mga tinun-an nu sa tulumanen ha imbilin kanuy hu mga gin-apuan taw? Ta harì en sidan agpamangenaw ta alima dan ku agkaen.”
3Ba si Jesus tuminubag, “Imbà nuy daan supaka sa Kasuguan hu Dios ta daw iyan nuy dà matuman sa inyu ha tulumanen? 4Ta inikagi hu Dios, ‘Tahura sa mga laas nuy’ daw ‘Saena ha tagpanungayaw hu mga laas din kinahanglan ha himatayan.’ 5Ba kagi nuy ha agkabaluy ha bà nuy dà ikagiyi sa mga laas nuy, ‘Taini ngaay sa igbulig ku inyu ba ighalad ku duun hu Dios’ aman harì kaw pakabulig hu mga laas nuy. 6Saena ha binuhat nuy kenà gayed pagtahud hu mga laas. Aman tumenged taena ha tulumanen nuy binuhat nuy ha hurà pulus hu Kasuguan hu Dios. 7Bà kaw dà gayed tagpasibù-sibù. Laus gayed sa intagnà hi Isaias mahitenged inyu ha tagyanaen,
8‘Saini ha mga etaw tag-ikagi ha tagtahuran a kandan ba sa henà-henà dan hurà dini ta kanak. 9Sa pagsimba dan kanak hurà din pulus daw sa katudluanan dan bà dà mga tulumanen ha binuhat hu etaw.’”
Sa Igpakasalà Hu Etaw
(Mateo 15:10-20; Marcos 7:14-23)
10Inamul-amul hi Jesus sa mga etaw daw ikagiyi sidan, “Magpaliliman kaw gayed daw sabuta nuy haini. 11Sa igpakasalà hu etaw kenà iyan sa agkangakaen din ba iyan sa mga madaet ha lalang ha aggawas duun hu bàbà din.”
12Dayun uminubay diyà ta kandin sa mga tinun-an din hu kagi dan, “Hurà nu ba katun-i ha nangasilag su mga Parisiyu taena ha inikagi nu?”
13Ba si Jesus tuminubag, “Aghilamunen sa agtubù ha hurà ipamula hu Dios ha Amay ku. 14Bay-ani nuy sa mga Parisiyu ta agkailing sidan hu buta ha tagkipit daan hu duma din ha buta na bà dà sidan agkangahulug duun hu bangbang.”
15Minikagi si Pedro diyà ki Jesus, “Saysaya nu kanay haena sa pananglitan nu.”
16Inikagiyan sidan hi Jesus, “Hurà kaw pa ba diay daan makasabut? 17Harì nuy ba diay agkatun-an ha sa agkangakaen hu etaw bà dà agsagad diyà ta getek din dayun agkaawà dà haena? 18Ba sa agkaikagi hu etaw diyà gayed agkapuun ta gahinawa din daw iyan haena igpakasalà din. 19Ta duun hu gahinawa agkapuun sa madaet ha henà-henà, sa pagpangimatay daw sa pagpanapaw, sa pagbuhat hu malaw-ay daw sa pagpanakaw, sa pagbutang-butang daw sa pagdaet hu dengeg. 20Iyan haena igpakasalà hu etaw, ba saena ha tulumanen hu pagpangenaw ta alima daw human kaen kenà iyan igpakasalà hu etaw.”
Sa Pagtuu Hu Bahi Ha Kenà Judio
(Mateo 15:21-28; Marcos 7:24-30)
21Uminawà diyà si Jesus daw duminuun hu lugar ha ubay ta Tiro daw ta Sidon. 22Amin diyà bahi ha sa mga kapuun din su anay taga-Canaan ha duminiyà ki Jesus daw hangyù, “Ginuu ha Kaliwat hi David, kahid-uwi a ikaw. Agkatungkayan sa laga-laga ku ta tinaguan hu busaw.”
23Ba si Jesus hurà en magtubag. Aman sa mga tinun-an din pinagayukan dan si Jesus, “Ipaawà hayana sa taglupugà kanuy ha bahi ta pinakauleg.”
24Inikagiyan hi Jesus su bahi, “Iyan dà pinaelegan kanak hu Dios sa mga kaliwatan hi Israel ta agkailing sidan hu nangalaag ha mga karniru.”
25Ba saena ha bahi bà dà luminuhud duun hu atubangan hi Jesus ha tagyanaen, “Ginuu, buligi a gayed ikaw.”
26Minikagi si Jesus, “Kenà maayad ku agawen sa tagkan-en hu batà daw ipakaen hu mga asu.”
27Tuminubag su bahi, “Ginuu, laus gayed hayana ba bisan sa mga asu pakakaen daan hu mumu duun hu lamisa taena ha agalen dan.”
28Inikagiyan hi Jesus su bahi, “Tungkay gayed adagi sa pagtuu nu aman sa agpanayuen nu kanak buhaten ku.” Sagunà naulian su laga-laga ku bahi.
Sa Pagbulung Hu Madakel Ha Mga Etaw
29Minawà si Jesus diyà daw duun minagi ku kilid taena ha Danaw ta Galilea. Dayun duminuun hu buntud daw pinuu. 30Namandiyà daan ta kandin sa madakel tungkay ha mga etaw ha tag-uuwit hu mga pigket daw mga buta, mga piang daw mga emaw daw amin pa daan madakel gayed ha agkangadaluwan. Impan-ugsak dan haena duun hu atubangan hi Jesus dayun nangaulian sidan. 31Su maahà haena hu mga etaw tungkay sidan nangabeleng ta pakaikagi en su emaw daw pakahipanaw en daan su pigket, pakaindan en su buta daw naulian daan su piang. Aman dinayè dan sa Dios ha iyan Dios hu kaliwatan hi Israel.
Sa Pagpakaen Ku Haepat Ha Libu Ha Mga Etaw
(Mateo 15:32-39; Marcos 8:1-10)
32Inamul hi Jesus sa mga tinun-an din daw ikagiyi sidan, “Agkahid-uwan ku haini sa mga etaw ta tatulu en ha aldaw sa pagduma-dumahà dan kanuy daw hurà dan en gayed agkakaen. Harì ku agkabayaan ha ipaulì ku sidan ha hurà dan makaen ta kan ku tasien sidan diyà ta dalan.”
33Ba tuminubag su mga tinun-an din, “Hindu kay duun makatimù hu igpakaen kandan ta pinakabulung-bulung haini ha lugar daw madakel tungkay sidan?”
34Ininsaan sidan hi Jesus, “Pila ha buuk sa supas nuy?”
Tuminubag sidan hu “Pitu dà ha buuk daw amin daan atitiyuay ha sedà ha pila dà daan ha buuk.”
35Impapinuu hi Jesus sa mga etaw diyà ta bugtà. 36Tinimù din su pitu ha supas daw su sedà dayun ampui haena. Su makapenga en mag-ampù pinangebing din daw sugua su mga tinun-an din ha ipakaen haena hu mga etaw. 37Su mangabuhì en sidan pinangamul hu mga tinun-an su nasamà duun, saena pitu pa ha ambung. 38Haepat ha libu sa kadakelen hu mga maama ha nangakakaen daw amin pa mga bahi daw mga batà.
39Su ipaulì hi Jesus su mga etaw luminulan hu kandin duun hu barutu payanaen diyà ta Magadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.