Marcos 11
11
Sa Pagdiyà Hi Jesus Ta Jerusalem
(Marcos 11:1-11; Mateo 21:1-11; Lucas 19:28-40; Juan 12:12-19)
1Nakauma en si Jesus daw sa mga tinun-an din diyà ta Betpage daw ta Betania diyà ta Buntud ta Ulibu saena ubay en ta Jerusalem. Dayun sinugù hi Jesus sa daruwa ha tinun-an din 2ha tagyanaen, “Umuna kaw en diyà tayà ha banuwa. Ku makauma kaw diyà maahà nuy sa intagkes ha nati hu asnu ha harì pa gayed agkalulanan. Hukada nuy haena daw tuyuka dini ta kanak. 3Ku amin manginginsà inyu, ‘Imbà nuy hayana agtimua?’ ikagiyi nuy, ‘Agkinahanglanen haini hu Ginuu ba laus din dà daan ig-ulì.’”
4Aman huminipanaw haena su mga sinugù dayun naahà dan sa nati hu asnu ha intagkes duun hu pultahan. Su aghukadan dan en haena, amin tagtiyadeg 5amin tagtiyadeg diyà ha minikagi, “Inu hayana sa agbuhaten nuy? Imbà nuy aghukada sa hiket tayana ha nati hu asnu?” 6Tinubag dan haena sumalà hu inikagi kandan hi Jesus aman intugut haena kandan. 7Tinuyuk dan su nati hu asnu diyà ki Jesus daw binalhenan dan hu mga bisti dan dayun luminulan si Jesus duun. 8Madakel ha mga etaw sa migbuklad hu mga bisti dan duun ku dalan ha ag-agiyan hi Jesus daw sa duma migbuklad hu mga palwa ha natimù dan duun hu mga uma. 9Sa madakel ha mga etaw ha nakalibut diyà ki Jesus nangulahì ha tagyanaen,
“Dayeen gayed sa Dios. Panalanginan haini sa nakauma ha sinugù hu Dios. 10Panalanginan sa Harì ha Kaliwat hi David ha nakauma iman dini. Dayeen gayed sa Dios ha diyà ta langit.”
11Su makauma si Jesus diyà ta Jerusalem sumineled haena diyà ta Timplu. Inahà din sa alan diyà, ba tumenged ta agkahapun en luminikù dà diyà ta Betania duma taena ha sampulù daw daruwa ha tinun-an din.
Sa Pagtungayaw Hi Jesus Hu Kayu Ha Igira
(Marcos 11:12-14; Mateo 21:18-19)
12Su maisab ha aldaw ha taghipanaw say Jesus sa napuun diyà ta Betania agkauhul gayed si Jesus. 13Diyà ta kadiyuan naahà din sa kayu ha igira ha malabung gayed aman inahà din ku amin ba taena bunga. Ba su makaubay en hurà din naahà ha bunga ta kenà pa haena tingpamunga. 14Dayun inikagiyan hi Jesus su kayu, “Sugud iman hurà en gayed makakaen hu bunga nu.” Saena napaliman daan hu mga tinun-an din.
Sa Pagseled Hi Jesus Ta Timplu
(Marcos 11:15-19; Mateo 21:12-17; Lucas 19:45-48; Juan 2:13-22)
15Su makauma say Jesus diyà ta Jerusalem sumineled haena diyà ta Timplu daw pan-abuga sa mga tagbabaligyà daw sa tagpamalit duun. Pinamantang din sa mga lamisahan taena ha tagpamaylu hu salapì daw sa mga pinun-ayà hu tagbabaligyà hu mga salapati, 16daw hurà din gayed tinugutan ha mag-uwit hu bisan inu duun taena ha Timplu. 17Dayun tinudluan din sidan, “Hurà ba nakasulat ha lalang hu Dios ha tagyanaen, ‘Sa Timplu ku iyan alampuanan hu kaet-etawan ha nangapuun duun hu bisan hindu.’ Ba saini binuhat nuy ha kampu hu mga tulisan.”
18Su mapaliman haena hu mga labaw ha sinaligan hu paghalad daw hu mga manunudlù hu Kasuguan, nan-ahà sidan hu paagi ha mapatay dan si Jesus ta agkahaldekan dan haena tumenged ta nangabeleng gayed sa kaet-etawan hu katudluanan din.
19Su agkahapun en, uminawà say Jesus diyà ta Jerusalem.
Sa Pagkagangu Hu Kayu Ha Igira
(Marcos 11:20-26; Mateo 21:20-22)
20Su maselem en ha taghipanaw say Jesus diyà ta dalan naahà dan su kayu ha igira ha nagangu en bisan sa gamut din. 21Nahenhenaan hi Pedro haena aman inikagiyan din si Jesus, “Manunudlù, ahaa nu hayana sa kayu ha tinungayawan nu ta nagangu en labi.”
22Si Jesus tuminubag, “Salig kaw duun hu Dios. 23Laus gayed sa ag-ikagiyen ku inyu ha bisan sin-u sa umikagi tayana ha bubungan, ‘Agbul ka diyà ta dagat’ daw harì magduwa-duwa saena mahimu gayed. 24Aman ag-ikagiyen ku inyu ha ku manayù kaw duun hu Dios tuuwi haena ha madawat nuy ta ig-ila din gayed inyu. 25Ku mag-ampù kaw daw amin nakasalà diyan ta inyu pasayluwen nuy haena ta daw mapasaylu daan hu Amay nuy diyà ta langit sa inyu ha mga salà.” 26Ba ku harì nuy pasayluwen harì daan pasayluwen hu Dios ha Amay nuy sa inyu ha mga salà.
Sa Katenged Hi Jesus
(Marcos 11:27-33; Mateo 21:23-27; Lucas 20:1-8)
27Nakauma dà paman say Jesus diyà ta Jerusalem. Su taghiphipanaw si Jesus diyà ta Timplu duminiyà ta kandin sa mga labaw ha sinaligan hu paghalad daw sa mga manunudlù hu Kasuguan daw sa mga magulang. 28Ininsaan dan si Jesus, “Inu sa katenged nu daw sin-u sa mig-ila ikaw hu kagahem hu pagbuhat taena?”
29Ba tinubag sidan hi Jesus, “Ag-insaan ku daan inyu. Ku matubag nuy haini ikagiyen ku inyu sa katenged ku hu pagbuhat taena. 30Sin-u man sa mig-ila ki Juan ha Tagpamautismu hu kagahem hu pagbautismu? Iyan ba sa Dios daw ku etaw dà ba?”
31Miglalang-lalang sidan, “Ku kagi taw iman ha iyan sa Dios insaan kuy kandin ku imbà hurà taw tuuwi si Juan. 32Ba ku ikagiyen taw daan ha etaw dà mapaukan kuy hu mga etaw ha tuminuu gayed ha prupita si Juan.” 33Aman iyan dà tubag dan diyà ki Jesus, “Hanaw ta.”
Inikagiyan sidan hi Jesus, “Ku iyan hayana harì ku daan inyu ag-ikagiyen ku sin-u sa mig-ila kanak hu kagahem hu pagbuhat taena.”
Currently Selected:
Marcos 11: bkd
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Marcos 11
11
Sa Pagdiyà Hi Jesus Ta Jerusalem
(Marcos 11:1-11; Mateo 21:1-11; Lucas 19:28-40; Juan 12:12-19)
1Nakauma en si Jesus daw sa mga tinun-an din diyà ta Betpage daw ta Betania diyà ta Buntud ta Ulibu saena ubay en ta Jerusalem. Dayun sinugù hi Jesus sa daruwa ha tinun-an din 2ha tagyanaen, “Umuna kaw en diyà tayà ha banuwa. Ku makauma kaw diyà maahà nuy sa intagkes ha nati hu asnu ha harì pa gayed agkalulanan. Hukada nuy haena daw tuyuka dini ta kanak. 3Ku amin manginginsà inyu, ‘Imbà nuy hayana agtimua?’ ikagiyi nuy, ‘Agkinahanglanen haini hu Ginuu ba laus din dà daan ig-ulì.’”
4Aman huminipanaw haena su mga sinugù dayun naahà dan sa nati hu asnu ha intagkes duun hu pultahan. Su aghukadan dan en haena, amin tagtiyadeg 5amin tagtiyadeg diyà ha minikagi, “Inu hayana sa agbuhaten nuy? Imbà nuy aghukada sa hiket tayana ha nati hu asnu?” 6Tinubag dan haena sumalà hu inikagi kandan hi Jesus aman intugut haena kandan. 7Tinuyuk dan su nati hu asnu diyà ki Jesus daw binalhenan dan hu mga bisti dan dayun luminulan si Jesus duun. 8Madakel ha mga etaw sa migbuklad hu mga bisti dan duun ku dalan ha ag-agiyan hi Jesus daw sa duma migbuklad hu mga palwa ha natimù dan duun hu mga uma. 9Sa madakel ha mga etaw ha nakalibut diyà ki Jesus nangulahì ha tagyanaen,
“Dayeen gayed sa Dios. Panalanginan haini sa nakauma ha sinugù hu Dios. 10Panalanginan sa Harì ha Kaliwat hi David ha nakauma iman dini. Dayeen gayed sa Dios ha diyà ta langit.”
11Su makauma si Jesus diyà ta Jerusalem sumineled haena diyà ta Timplu. Inahà din sa alan diyà, ba tumenged ta agkahapun en luminikù dà diyà ta Betania duma taena ha sampulù daw daruwa ha tinun-an din.
Sa Pagtungayaw Hi Jesus Hu Kayu Ha Igira
(Marcos 11:12-14; Mateo 21:18-19)
12Su maisab ha aldaw ha taghipanaw say Jesus sa napuun diyà ta Betania agkauhul gayed si Jesus. 13Diyà ta kadiyuan naahà din sa kayu ha igira ha malabung gayed aman inahà din ku amin ba taena bunga. Ba su makaubay en hurà din naahà ha bunga ta kenà pa haena tingpamunga. 14Dayun inikagiyan hi Jesus su kayu, “Sugud iman hurà en gayed makakaen hu bunga nu.” Saena napaliman daan hu mga tinun-an din.
Sa Pagseled Hi Jesus Ta Timplu
(Marcos 11:15-19; Mateo 21:12-17; Lucas 19:45-48; Juan 2:13-22)
15Su makauma say Jesus diyà ta Jerusalem sumineled haena diyà ta Timplu daw pan-abuga sa mga tagbabaligyà daw sa tagpamalit duun. Pinamantang din sa mga lamisahan taena ha tagpamaylu hu salapì daw sa mga pinun-ayà hu tagbabaligyà hu mga salapati, 16daw hurà din gayed tinugutan ha mag-uwit hu bisan inu duun taena ha Timplu. 17Dayun tinudluan din sidan, “Hurà ba nakasulat ha lalang hu Dios ha tagyanaen, ‘Sa Timplu ku iyan alampuanan hu kaet-etawan ha nangapuun duun hu bisan hindu.’ Ba saini binuhat nuy ha kampu hu mga tulisan.”
18Su mapaliman haena hu mga labaw ha sinaligan hu paghalad daw hu mga manunudlù hu Kasuguan, nan-ahà sidan hu paagi ha mapatay dan si Jesus ta agkahaldekan dan haena tumenged ta nangabeleng gayed sa kaet-etawan hu katudluanan din.
19Su agkahapun en, uminawà say Jesus diyà ta Jerusalem.
Sa Pagkagangu Hu Kayu Ha Igira
(Marcos 11:20-26; Mateo 21:20-22)
20Su maselem en ha taghipanaw say Jesus diyà ta dalan naahà dan su kayu ha igira ha nagangu en bisan sa gamut din. 21Nahenhenaan hi Pedro haena aman inikagiyan din si Jesus, “Manunudlù, ahaa nu hayana sa kayu ha tinungayawan nu ta nagangu en labi.”
22Si Jesus tuminubag, “Salig kaw duun hu Dios. 23Laus gayed sa ag-ikagiyen ku inyu ha bisan sin-u sa umikagi tayana ha bubungan, ‘Agbul ka diyà ta dagat’ daw harì magduwa-duwa saena mahimu gayed. 24Aman ag-ikagiyen ku inyu ha ku manayù kaw duun hu Dios tuuwi haena ha madawat nuy ta ig-ila din gayed inyu. 25Ku mag-ampù kaw daw amin nakasalà diyan ta inyu pasayluwen nuy haena ta daw mapasaylu daan hu Amay nuy diyà ta langit sa inyu ha mga salà.” 26Ba ku harì nuy pasayluwen harì daan pasayluwen hu Dios ha Amay nuy sa inyu ha mga salà.
Sa Katenged Hi Jesus
(Marcos 11:27-33; Mateo 21:23-27; Lucas 20:1-8)
27Nakauma dà paman say Jesus diyà ta Jerusalem. Su taghiphipanaw si Jesus diyà ta Timplu duminiyà ta kandin sa mga labaw ha sinaligan hu paghalad daw sa mga manunudlù hu Kasuguan daw sa mga magulang. 28Ininsaan dan si Jesus, “Inu sa katenged nu daw sin-u sa mig-ila ikaw hu kagahem hu pagbuhat taena?”
29Ba tinubag sidan hi Jesus, “Ag-insaan ku daan inyu. Ku matubag nuy haini ikagiyen ku inyu sa katenged ku hu pagbuhat taena. 30Sin-u man sa mig-ila ki Juan ha Tagpamautismu hu kagahem hu pagbautismu? Iyan ba sa Dios daw ku etaw dà ba?”
31Miglalang-lalang sidan, “Ku kagi taw iman ha iyan sa Dios insaan kuy kandin ku imbà hurà taw tuuwi si Juan. 32Ba ku ikagiyen taw daan ha etaw dà mapaukan kuy hu mga etaw ha tuminuu gayed ha prupita si Juan.” 33Aman iyan dà tubag dan diyà ki Jesus, “Hanaw ta.”
Inikagiyan sidan hi Jesus, “Ku iyan hayana harì ku daan inyu ag-ikagiyen ku sin-u sa mig-ila kanak hu kagahem hu pagbuhat taena.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.