Marcos 9
9
1Dayun inikagiyan sidan hi Jesus, “Laus gayed sa ag-ikagiyen ku inyu ha amin tagtiyadeg inyu dini iman ha harì pa matay na maahà dan en sa gamhanan ha pagharì hu Dios.”
Sa Pagkahalin Hi Jesus
(Marcos 9:2-13; Mateo 17:1-13; Lucas 9:28-36)
2Su maiwas en sa haenem ha aldaw dinuma hi Jesus si Pedro, si Santiago, daw si Juan duun hu matangkaw ha bubungan ha iyan dà sidan. Duun hu atubangan dan tigkan nahalin si Jesus. 3Sa pinaksuy din tagpangaluanlag ha hurà en gayed agkailingan taena hu kaputì. 4Tigkan daan nakahiwal diyà ta kandan si Elias daw si Moises ha nakiglalang ki Jesus.
5Dayun minikagi si Pedro diyà ki Jesus, “Manunudlù, maayad ta dini kay. Buhatan day iman inyu hu tatulu ha lawig ta daw matukid kaw ki Moises daw ki Elias.” 6Ba hurà katun-i hi Pedro ku inu sa tag-ikagiyen din ta tungkay gayed sidan nangahaldekan.
7Dayun amin gabun ha nakabungkus kandan daw amin lageng ha napuun duun ku gabun ha tagyanaen, “Iyan en haini Batà ku ha pinalanggà aman magpaliliman kaw kandin.”
8Su maghelaw-helaw sidan iyan dan dà naahà si Jesus.
9Su tagtubang en sidan diyà ta alug binalaudan sidan hi Jesus ha harì dan itultul haena sa naahà dan duun hu bisan sin-u hangtud ha mabanhaw sa Batà hu Etaw. 10Pigtiman-an dan gayed haena daw miglalang-lalang sidan ku inu sa kahulugan taena ha pagkabanhaw hu minatay.
11Ininsaan dan si Jesus, “Imbà sa mga manunudlù hu Kasuguan tag-ikagi ha kinahanglan ha si Elias makauna gayed dini dì hu Misiyas?”
12Si Jesus tuminubag, “Laus gayed ha mauna dini si Elias ta daw mapamandayan din sa alan. Hurà nuy ba diay katun-i sa insulat ha lalang hu Dios ha tagyanaen, ‘Sa Batà hu Etaw kinahanglan gayed ha mag-antus hu madakel ha mga pasipala daw pagtameyes.’ 13Ba ikagiyen ku inyu ha nakadini en si Elias daw pinasipalahan dan haena sumalà hu agkabayaan dan, ta iyan en haena intagnà duun hu insulat ha lalang hu Dios mahitenged kandin.”
Sa Pagbugaw Hu Mabalaw Ha Busaw
(Marcos 9:14-29; Mateo 17:14-21; Lucas 9:37-43)
14Su makauma say Jesus duun hu duma ha mga tinun-an naahà dan sa madakel tungkay ha mga etaw ha nakalibut ku mga tinun-an daw sa mga manunudlù hu Kasuguan ha nakigsawalà kandan. 15Su maahà hu mga etaw si Jesus nangabeleng gayed sidan aman inagpas dan haena sinal-aw hu pagdawat kandin.
16Dayun ininsaan hi Jesus su mga tinun-an din, “Inu man sa pigsawalaan nuy taena ha mga manunudlù hu Kasuguan?”
17Amin etaw ha tuminubag kandin ha tagyanaen, “Manunudlù, inuwit ku su batà ku dini ta ikaw ta tinaguan hu busaw ha pakaemaw. 18Kada dumiyà sa busaw ta kandin agpakadaghà haini diyà ta bugtà. Tagbulà-bulà sa bàbà din daw tagkangget daan sa mga ngipen din daw agkabidbid. Hinangyù kud sa mga tinun-an nu ha ipaguwà dan su busaw ba hurà dan gayed kahimu.”
19Minikagi si Jesus, “Sinyu ha mga etaw sa harì agtuu, nalugay en sa pagduma-dumahà taw. Inu pa diay kalugay sa pag-angat ku ha tumuu kaw en kanak? Uwita dini hayana sa batà.”
20Aman inuwit dan haena. Su maahà ku busaw si Jesus sagunà din pinasipalahan su batà aman nabidbid daw nakadaghà diyà ta bugtà dayun naligid-ligid ha tagbulà-bulà sa bàbà din.
21Ininsaan hi Jesus su amay taena, “Kan-u dà haini migsugud?”
Tuminubag haena, “Sugud dà hayana su atiyuay pa. 22Kapila en hayana ipaagbul hu busaw duun hu hapuy daw duun hu wahig ta daw mapatay din. Ba ku mabaluy nu ngaay kahid-uwi kay daw buligi kay ikaw.”
23Si Jesus minikagi, “Sumalà ikaw ta sa alan agkahimu hu etaw ha amin din gayed pagtuu.”
24Sagunà migpakiluuy su amay taena ha batà hu kagi, “Agtuu a gayed aman buligi a ikaw ha maisaban sa pagtuu ku.”
25Su maahà hi Jesus ha ag-agpas en diyà ta kandan sa madakel tungkay ha mga etaw binaldeng din su busaw ha tagyanaen, “Sikaw sa pakaemaw daw pakabengel ha busaw, awà ka diyan daw harì kad en aglikù.”
26Nakapangulahì haena sa busaw daw nabidbid daan su batà dayun guminuwà su busaw diyà ta kandin. Su batà bà su minatay en aman abi hu mga etaw ha minatay en labi. 27Ba inibitan hi Jesus sa alima taena daw banguna aman nakahitindeg.
28Su makaseled si Jesus duun hu balay ha iyan dà sidan hu mga tinun-an din ininsaan dan haena, “Imbà day hurà kabugaw su busaw ha tuminagù ku batà?”
29Tuminubag si Jesus, “Saena ha kalasi hu busaw mabugaw pinaagi dà gayed hu pag-ampù.”
Sa Ikaduwa Ha Pag-ikagi Hi Jesus Mahitenged Hu Kamatayen Din
(Marcos 9:30-32; Mateo 17:22-23; Lucas 9:44-45)
30Si Jesus daw sa mga tinun-an din duminayun daw diyà sidan nakaagi ta prubinsya ta Galilea. Harì agkabayaan hi Jesus ha matun-an hu mga etaw ku hindu sidan 31tumenged ta agtudluan din sa mga tinun-an din. Inikagiyan din sidan, “Siak sa Batà hu Etaw laus ad en itugyan duun hu aghimatay kanak ba duun hu ikatulu ha aldaw mabanhaw a dà.” 32Ba hurà dan kasabut sa kahulugan taena ha inikagi din daw nahaldek daan sidan hu pagpanginginsà kandin mahitenged taena.
Sa Labaw Duun Hu Mga Tinun-an
(Marcos 9:33-37; Mateo 18:1-5; Lucas 9:46-48)
33Nakauma si Jesus daw sa mga tinun-an din diyà ta Capernaum. Su makaseled en sidan duun hu balay ininsaan hi Jesus su mga tinun-an din, “Inu man sa pigsawalaan nuy diyà ta dalan?” 34Ba hurà en sidan magtubag ta iyan dan pigsawalaan ku sin-u sa labaw kandan.
35Mininuu si Jesus daw umawa su sampulù daw daruwa ha tinun-an din daw ikagiyi sidan, “Bisan sin-u sa agkabayà ha iyan mauna kinahanglan ha magpahudiyan daw suluguen hu alan.”
36Dayun tinimù hi Jesus sa sabuwa ha atiyuay ha batà daw gibaha duun hu atubangan ku mga tinun-an din daw ikagiyi sidan, 37“Bisan sin-u sa agdawat hu batà iling taini tumenged kanak agdawat daan kanak, daw saena ha agdawat kanak agdawat daan hu migsugù kanak.”
Sa Harì Agsupak Ki Jesus
(Marcos 9:38-41; Lucas 9:49-50)
38Minikagi si Juan diyà ki Jesus, “Manunudlù, amin day naahà ha etaw ha migbugaw daan hu mga busaw pinaagi hu ngaran nu aman binaldeng day haena ta kenà taw man duma.”
39Ba tuminubag si Jesus, “Harì nuy haena agbaldenga ta hurà bisan sin-u ha tagbuhat hu belenganen pinaagi hu ngaran ku ha makahimu daan hu pagtameyes kanak. 40Ta sa etaw ha harì agsupak kanuy duma taw daan. 41Laus gayed sa ag-ikagiyen ku inyu ha bisan sin-u sa makapainum hu bisan nangkatasa dà ha wahig diyan ta inyu tumenged ta sumusunud kaw kanak balesan gayed haena hu Dios.
Sa Agkahimu Ha Panulay
(Marcos 9:42-48; Mateo 18:6-9; Lucas 17:1-2)
42“Bisan sin-u haena sa iyan agkahimu ha igpakasalà hu nakatuu en kanak maayad pa ngaay ku hiketan sa lieg din hu adagi ha batu din duun hu adagi ha batu daw leneda diyà ta dagat. 43Ku iyan igpakasalà nuy sa alima nuy tampeda en haena. Maayad pa ku pungkul kaw ba amin nuy kinabuhì ha hurà din katapusan dì sa daruwa sa alima nuy ba ilambeg kaw diyà ta Impirnu 44ha duun sa uled ha harì gayed agpatay daw sa hapuy ha harì en agkapedengan. 45Daw ku iyan igpakasalà nuy sa paa nuy tampeda en haena. Maayad pa ku pungkul kaw ba amin nuy kinabuhì ha hurà din katapusan dì sa daruwa sa paa nuy ba ilambeg kaw diyà ta Impirnu 46ha duun sa uled ha harì gayed agpatay daw sa hapuy ha harì en agkapedengan. 47Daw ku iyan daan igpakasalà nuy sa sabuwa ha mata nuy lugita en haena. Maayad pa ha sabuwa dà sa mata nuy ba pagharian kaw hu Dios dì sa daruwa sa mata nuy ba ilambeg kaw diyà ta Impirnu 48ha duun sa uled ha harì gayed agpatay daw sa hapuy ha harì en agkapedengan.
49“Sa alan ha mga etaw sulayan gayed pinaagi hu hapuy iling hu halad ha ag-asinan.
50“Sa asin maayad, ba ku maawà en sa kapait din hurà din en gayed nanam. Aman siguruwi sa pagdapità hu kada sabuwa inyu ha malinawen gayed.”
Currently Selected:
Marcos 9: bkd
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Marcos 9
9
1Dayun inikagiyan sidan hi Jesus, “Laus gayed sa ag-ikagiyen ku inyu ha amin tagtiyadeg inyu dini iman ha harì pa matay na maahà dan en sa gamhanan ha pagharì hu Dios.”
Sa Pagkahalin Hi Jesus
(Marcos 9:2-13; Mateo 17:1-13; Lucas 9:28-36)
2Su maiwas en sa haenem ha aldaw dinuma hi Jesus si Pedro, si Santiago, daw si Juan duun hu matangkaw ha bubungan ha iyan dà sidan. Duun hu atubangan dan tigkan nahalin si Jesus. 3Sa pinaksuy din tagpangaluanlag ha hurà en gayed agkailingan taena hu kaputì. 4Tigkan daan nakahiwal diyà ta kandan si Elias daw si Moises ha nakiglalang ki Jesus.
5Dayun minikagi si Pedro diyà ki Jesus, “Manunudlù, maayad ta dini kay. Buhatan day iman inyu hu tatulu ha lawig ta daw matukid kaw ki Moises daw ki Elias.” 6Ba hurà katun-i hi Pedro ku inu sa tag-ikagiyen din ta tungkay gayed sidan nangahaldekan.
7Dayun amin gabun ha nakabungkus kandan daw amin lageng ha napuun duun ku gabun ha tagyanaen, “Iyan en haini Batà ku ha pinalanggà aman magpaliliman kaw kandin.”
8Su maghelaw-helaw sidan iyan dan dà naahà si Jesus.
9Su tagtubang en sidan diyà ta alug binalaudan sidan hi Jesus ha harì dan itultul haena sa naahà dan duun hu bisan sin-u hangtud ha mabanhaw sa Batà hu Etaw. 10Pigtiman-an dan gayed haena daw miglalang-lalang sidan ku inu sa kahulugan taena ha pagkabanhaw hu minatay.
11Ininsaan dan si Jesus, “Imbà sa mga manunudlù hu Kasuguan tag-ikagi ha kinahanglan ha si Elias makauna gayed dini dì hu Misiyas?”
12Si Jesus tuminubag, “Laus gayed ha mauna dini si Elias ta daw mapamandayan din sa alan. Hurà nuy ba diay katun-i sa insulat ha lalang hu Dios ha tagyanaen, ‘Sa Batà hu Etaw kinahanglan gayed ha mag-antus hu madakel ha mga pasipala daw pagtameyes.’ 13Ba ikagiyen ku inyu ha nakadini en si Elias daw pinasipalahan dan haena sumalà hu agkabayaan dan, ta iyan en haena intagnà duun hu insulat ha lalang hu Dios mahitenged kandin.”
Sa Pagbugaw Hu Mabalaw Ha Busaw
(Marcos 9:14-29; Mateo 17:14-21; Lucas 9:37-43)
14Su makauma say Jesus duun hu duma ha mga tinun-an naahà dan sa madakel tungkay ha mga etaw ha nakalibut ku mga tinun-an daw sa mga manunudlù hu Kasuguan ha nakigsawalà kandan. 15Su maahà hu mga etaw si Jesus nangabeleng gayed sidan aman inagpas dan haena sinal-aw hu pagdawat kandin.
16Dayun ininsaan hi Jesus su mga tinun-an din, “Inu man sa pigsawalaan nuy taena ha mga manunudlù hu Kasuguan?”
17Amin etaw ha tuminubag kandin ha tagyanaen, “Manunudlù, inuwit ku su batà ku dini ta ikaw ta tinaguan hu busaw ha pakaemaw. 18Kada dumiyà sa busaw ta kandin agpakadaghà haini diyà ta bugtà. Tagbulà-bulà sa bàbà din daw tagkangget daan sa mga ngipen din daw agkabidbid. Hinangyù kud sa mga tinun-an nu ha ipaguwà dan su busaw ba hurà dan gayed kahimu.”
19Minikagi si Jesus, “Sinyu ha mga etaw sa harì agtuu, nalugay en sa pagduma-dumahà taw. Inu pa diay kalugay sa pag-angat ku ha tumuu kaw en kanak? Uwita dini hayana sa batà.”
20Aman inuwit dan haena. Su maahà ku busaw si Jesus sagunà din pinasipalahan su batà aman nabidbid daw nakadaghà diyà ta bugtà dayun naligid-ligid ha tagbulà-bulà sa bàbà din.
21Ininsaan hi Jesus su amay taena, “Kan-u dà haini migsugud?”
Tuminubag haena, “Sugud dà hayana su atiyuay pa. 22Kapila en hayana ipaagbul hu busaw duun hu hapuy daw duun hu wahig ta daw mapatay din. Ba ku mabaluy nu ngaay kahid-uwi kay daw buligi kay ikaw.”
23Si Jesus minikagi, “Sumalà ikaw ta sa alan agkahimu hu etaw ha amin din gayed pagtuu.”
24Sagunà migpakiluuy su amay taena ha batà hu kagi, “Agtuu a gayed aman buligi a ikaw ha maisaban sa pagtuu ku.”
25Su maahà hi Jesus ha ag-agpas en diyà ta kandan sa madakel tungkay ha mga etaw binaldeng din su busaw ha tagyanaen, “Sikaw sa pakaemaw daw pakabengel ha busaw, awà ka diyan daw harì kad en aglikù.”
26Nakapangulahì haena sa busaw daw nabidbid daan su batà dayun guminuwà su busaw diyà ta kandin. Su batà bà su minatay en aman abi hu mga etaw ha minatay en labi. 27Ba inibitan hi Jesus sa alima taena daw banguna aman nakahitindeg.
28Su makaseled si Jesus duun hu balay ha iyan dà sidan hu mga tinun-an din ininsaan dan haena, “Imbà day hurà kabugaw su busaw ha tuminagù ku batà?”
29Tuminubag si Jesus, “Saena ha kalasi hu busaw mabugaw pinaagi dà gayed hu pag-ampù.”
Sa Ikaduwa Ha Pag-ikagi Hi Jesus Mahitenged Hu Kamatayen Din
(Marcos 9:30-32; Mateo 17:22-23; Lucas 9:44-45)
30Si Jesus daw sa mga tinun-an din duminayun daw diyà sidan nakaagi ta prubinsya ta Galilea. Harì agkabayaan hi Jesus ha matun-an hu mga etaw ku hindu sidan 31tumenged ta agtudluan din sa mga tinun-an din. Inikagiyan din sidan, “Siak sa Batà hu Etaw laus ad en itugyan duun hu aghimatay kanak ba duun hu ikatulu ha aldaw mabanhaw a dà.” 32Ba hurà dan kasabut sa kahulugan taena ha inikagi din daw nahaldek daan sidan hu pagpanginginsà kandin mahitenged taena.
Sa Labaw Duun Hu Mga Tinun-an
(Marcos 9:33-37; Mateo 18:1-5; Lucas 9:46-48)
33Nakauma si Jesus daw sa mga tinun-an din diyà ta Capernaum. Su makaseled en sidan duun hu balay ininsaan hi Jesus su mga tinun-an din, “Inu man sa pigsawalaan nuy diyà ta dalan?” 34Ba hurà en sidan magtubag ta iyan dan pigsawalaan ku sin-u sa labaw kandan.
35Mininuu si Jesus daw umawa su sampulù daw daruwa ha tinun-an din daw ikagiyi sidan, “Bisan sin-u sa agkabayà ha iyan mauna kinahanglan ha magpahudiyan daw suluguen hu alan.”
36Dayun tinimù hi Jesus sa sabuwa ha atiyuay ha batà daw gibaha duun hu atubangan ku mga tinun-an din daw ikagiyi sidan, 37“Bisan sin-u sa agdawat hu batà iling taini tumenged kanak agdawat daan kanak, daw saena ha agdawat kanak agdawat daan hu migsugù kanak.”
Sa Harì Agsupak Ki Jesus
(Marcos 9:38-41; Lucas 9:49-50)
38Minikagi si Juan diyà ki Jesus, “Manunudlù, amin day naahà ha etaw ha migbugaw daan hu mga busaw pinaagi hu ngaran nu aman binaldeng day haena ta kenà taw man duma.”
39Ba tuminubag si Jesus, “Harì nuy haena agbaldenga ta hurà bisan sin-u ha tagbuhat hu belenganen pinaagi hu ngaran ku ha makahimu daan hu pagtameyes kanak. 40Ta sa etaw ha harì agsupak kanuy duma taw daan. 41Laus gayed sa ag-ikagiyen ku inyu ha bisan sin-u sa makapainum hu bisan nangkatasa dà ha wahig diyan ta inyu tumenged ta sumusunud kaw kanak balesan gayed haena hu Dios.
Sa Agkahimu Ha Panulay
(Marcos 9:42-48; Mateo 18:6-9; Lucas 17:1-2)
42“Bisan sin-u haena sa iyan agkahimu ha igpakasalà hu nakatuu en kanak maayad pa ngaay ku hiketan sa lieg din hu adagi ha batu din duun hu adagi ha batu daw leneda diyà ta dagat. 43Ku iyan igpakasalà nuy sa alima nuy tampeda en haena. Maayad pa ku pungkul kaw ba amin nuy kinabuhì ha hurà din katapusan dì sa daruwa sa alima nuy ba ilambeg kaw diyà ta Impirnu 44ha duun sa uled ha harì gayed agpatay daw sa hapuy ha harì en agkapedengan. 45Daw ku iyan igpakasalà nuy sa paa nuy tampeda en haena. Maayad pa ku pungkul kaw ba amin nuy kinabuhì ha hurà din katapusan dì sa daruwa sa paa nuy ba ilambeg kaw diyà ta Impirnu 46ha duun sa uled ha harì gayed agpatay daw sa hapuy ha harì en agkapedengan. 47Daw ku iyan daan igpakasalà nuy sa sabuwa ha mata nuy lugita en haena. Maayad pa ha sabuwa dà sa mata nuy ba pagharian kaw hu Dios dì sa daruwa sa mata nuy ba ilambeg kaw diyà ta Impirnu 48ha duun sa uled ha harì gayed agpatay daw sa hapuy ha harì en agkapedengan.
49“Sa alan ha mga etaw sulayan gayed pinaagi hu hapuy iling hu halad ha ag-asinan.
50“Sa asin maayad, ba ku maawà en sa kapait din hurà din en gayed nanam. Aman siguruwi sa pagdapità hu kada sabuwa inyu ha malinawen gayed.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.