Cenisihs 16
16
Seraii, Hekaar Itahsh Entashinsowaatc
1Seraii (Sarai) tahsh Eparaman (Abram) kaakii onaapemitc kaawiin okii kashkihtoohsiin ciayaahtamawaatc onaapeman apinoonciisha'. Okii ayaawaan tahsh ihkwewi opamiihtaaken Iicipahkiink wenciinitc, Hekaar (Hagar) eishinihkaasonitc. 2Seraii tahsh okii'inaan onaapeman Eparaman, “Inashke hsa kaaTipenciketc kaawiin nimpakitinikohsii ciayaawimak apinoonciisha'. Taka naasihkaw kaapamiihtawitc ihkwe ciwiihpematc; maakishaa mii 'imaa keontinakwaa apinoonciishak,” okii'inaan. Eparam tahsh kii‑inentam i'i kaakii ihkitonitc Seraiiwan. 3Miitahsh Seraii kaakii miinaatc onaapeman ciwiiwinitc ini Hekaaroon. Aasha mitaahso pipoon o'o ishi ahpii Eparam kii‑ishitaakopan i'imaa Kenan (Canaan) ahkiink. 4Eparam okii naasihkawaan Hekaaroon ekii wiihpemaatc, miihsh kaaishi kikishkawaawahsonitc. Ahpii tahsh ekihkentaminitc ekikishkawaawahsonitc, mii 'i kaaishi maacii aanawenimaanitc otookimaahkwemini.
5Seraii tahsh okii'inaan onaapeman Eparaman, “Taka'i kaashi maanshi tootaakooyaan kiin kika pakamishkaakoon. Niin iitok kikii miinin a'a ihkwe kaapamiihtawitc, inashke tahsh noonkom ekihkentank ekikishkawaawahsotc, nintaanawenimik. Taka kaaTipenciketc kika onaahkonikonaan kiinawint kaashi niishiyank awekwen kaakwayahkohcikekwen!” okii'inaan.
6Onaapeman tahsh Eparaman okii'ikoon, “Kiin iitok kitipenimaa a'a anohkii'aakan citootawatc aaniin iko keshi minwaapantaman,” okii'ikoon. Seraii tahsh kaawiin kwayahk okiih tootawaahsiin Hekaaroon, miihsh kaaishi maaciipa'iwenitc.
7Otencalimini kaaTipencikenitc tahsh okii otihsikoon Hekaar eayaatc pikwatahkamik eshi moohkiciwaninik nipi. Mii hsa 'iweni moohkiciwinipi kaakii ayaanik ciikihkana enamoninik weti pikwatahkamik Shoor (Shur) ecikaatenik. 8Miitahsh kaa'ikotc, “Hekaar, wetanohkii'aakanimihk Seraii, aaniinti kaahpi onciiyan, aaniinti kaye eshaayan?” okii'ikoon.
O'o tahsh okii ishi nahkwehtawaan, “Nimaaciipa'iwaanaa ohsha nintookimaahkwem Seraii,” okii'inaan.
9O'o tahsh okii'ikoon otencalimini kaaTipencikenitc, “Kiiwe naasihkaw kitookimaahkwem, pisaan pakitinintison citipenimihk,” okii'ikoon. 10Miitahsh kaa‑aniikotc, “Ninka ishi'aak hsa kipiiwesiimak ciani kihci paahtiinowaatc, kaawiin takashki'aahsiiwak ciakimintwaa keahpiihci paahtiinowaatc.” 11Okii ani'ikoon tahsh, “Inashke hsa kikikishkawaawahs, kwiiwisenhs tahsh kika ayaawaa. Ishmeyal (Ishmael) hsa kika ishinihkaanaa, aaniihsh kaaTipenciketc kikii noontaak i'i kaashi kakwaatakentaman. 12Mii hsa keishi'ayaatc taapishkoo kaa‑aahkawisihsik maanshimihtatim; kahkina hsa awiyan oka shiinkenimaan, kahkina kaye awiyan oka shiinkenimikoon. Kaawiin hsa taishitaahsii eshi'ayaanitc wiicihkiweya',” kii‑ihkitowan.
13Miitahsh Hekaar kaaishi wiinaatc kaaTipencikenitc kaakiih kanoonikotc ekii ishinihkaanaatc, “Kiin Kishemanitoo kaawaapamiyan,” ekii ihkitotc “Ewaapamak tahsh Kishemanitoo, shaakooc itahsh keyaapi nimpimaatis?” kii‑ihkito. 14Miitahsh i'iwe onta'ipaan kaaonci ishinihkaatek, Piiyar Lahaai Orooi (Beer Lahai Roi). Miitahsh ehkitoomakahk “Otoonta'ipaanink Pemaatisitc Kaawaapamitc.” I'imaa tahsh nahsawaya'ii Katesh (Kadesh) ootenaank, Piirat (Bered) kaye kii‑ishi'ayaa i'i onta'ipaan.
15 #
Gal 4.22. Hekaar (Hagar) tahsh okii ayaawaan kwiiwisenhsan keokosihsinitc Eparaman (Abram). Ishmeyal (Ishmael) tahsh okii ishinihkaanaan. 16Eparam tahsh nihshwaahsimitanashininkotwaahso (86) kiihtahso pipoonwe Hekaaroon kiinihtaawikihtamaakotc ini Ishmeyalwan.
Currently Selected:
Cenisihs 16: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Cenisihs 16
16
Seraii, Hekaar Itahsh Entashinsowaatc
1Seraii (Sarai) tahsh Eparaman (Abram) kaakii onaapemitc kaawiin okii kashkihtoohsiin ciayaahtamawaatc onaapeman apinoonciisha'. Okii ayaawaan tahsh ihkwewi opamiihtaaken Iicipahkiink wenciinitc, Hekaar (Hagar) eishinihkaasonitc. 2Seraii tahsh okii'inaan onaapeman Eparaman, “Inashke hsa kaaTipenciketc kaawiin nimpakitinikohsii ciayaawimak apinoonciisha'. Taka naasihkaw kaapamiihtawitc ihkwe ciwiihpematc; maakishaa mii 'imaa keontinakwaa apinoonciishak,” okii'inaan. Eparam tahsh kii‑inentam i'i kaakii ihkitonitc Seraiiwan. 3Miitahsh Seraii kaakii miinaatc onaapeman ciwiiwinitc ini Hekaaroon. Aasha mitaahso pipoon o'o ishi ahpii Eparam kii‑ishitaakopan i'imaa Kenan (Canaan) ahkiink. 4Eparam okii naasihkawaan Hekaaroon ekii wiihpemaatc, miihsh kaaishi kikishkawaawahsonitc. Ahpii tahsh ekihkentaminitc ekikishkawaawahsonitc, mii 'i kaaishi maacii aanawenimaanitc otookimaahkwemini.
5Seraii tahsh okii'inaan onaapeman Eparaman, “Taka'i kaashi maanshi tootaakooyaan kiin kika pakamishkaakoon. Niin iitok kikii miinin a'a ihkwe kaapamiihtawitc, inashke tahsh noonkom ekihkentank ekikishkawaawahsotc, nintaanawenimik. Taka kaaTipenciketc kika onaahkonikonaan kiinawint kaashi niishiyank awekwen kaakwayahkohcikekwen!” okii'inaan.
6Onaapeman tahsh Eparaman okii'ikoon, “Kiin iitok kitipenimaa a'a anohkii'aakan citootawatc aaniin iko keshi minwaapantaman,” okii'ikoon. Seraii tahsh kaawiin kwayahk okiih tootawaahsiin Hekaaroon, miihsh kaaishi maaciipa'iwenitc.
7Otencalimini kaaTipencikenitc tahsh okii otihsikoon Hekaar eayaatc pikwatahkamik eshi moohkiciwaninik nipi. Mii hsa 'iweni moohkiciwinipi kaakii ayaanik ciikihkana enamoninik weti pikwatahkamik Shoor (Shur) ecikaatenik. 8Miitahsh kaa'ikotc, “Hekaar, wetanohkii'aakanimihk Seraii, aaniinti kaahpi onciiyan, aaniinti kaye eshaayan?” okii'ikoon.
O'o tahsh okii ishi nahkwehtawaan, “Nimaaciipa'iwaanaa ohsha nintookimaahkwem Seraii,” okii'inaan.
9O'o tahsh okii'ikoon otencalimini kaaTipencikenitc, “Kiiwe naasihkaw kitookimaahkwem, pisaan pakitinintison citipenimihk,” okii'ikoon. 10Miitahsh kaa‑aniikotc, “Ninka ishi'aak hsa kipiiwesiimak ciani kihci paahtiinowaatc, kaawiin takashki'aahsiiwak ciakimintwaa keahpiihci paahtiinowaatc.” 11Okii ani'ikoon tahsh, “Inashke hsa kikikishkawaawahs, kwiiwisenhs tahsh kika ayaawaa. Ishmeyal (Ishmael) hsa kika ishinihkaanaa, aaniihsh kaaTipenciketc kikii noontaak i'i kaashi kakwaatakentaman. 12Mii hsa keishi'ayaatc taapishkoo kaa‑aahkawisihsik maanshimihtatim; kahkina hsa awiyan oka shiinkenimaan, kahkina kaye awiyan oka shiinkenimikoon. Kaawiin hsa taishitaahsii eshi'ayaanitc wiicihkiweya',” kii‑ihkitowan.
13Miitahsh Hekaar kaaishi wiinaatc kaaTipencikenitc kaakiih kanoonikotc ekii ishinihkaanaatc, “Kiin Kishemanitoo kaawaapamiyan,” ekii ihkitotc “Ewaapamak tahsh Kishemanitoo, shaakooc itahsh keyaapi nimpimaatis?” kii‑ihkito. 14Miitahsh i'iwe onta'ipaan kaaonci ishinihkaatek, Piiyar Lahaai Orooi (Beer Lahai Roi). Miitahsh ehkitoomakahk “Otoonta'ipaanink Pemaatisitc Kaawaapamitc.” I'imaa tahsh nahsawaya'ii Katesh (Kadesh) ootenaank, Piirat (Bered) kaye kii‑ishi'ayaa i'i onta'ipaan.
15 #
Gal 4.22. Hekaar (Hagar) tahsh okii ayaawaan kwiiwisenhsan keokosihsinitc Eparaman (Abram). Ishmeyal (Ishmael) tahsh okii ishinihkaanaan. 16Eparam tahsh nihshwaahsimitanashininkotwaahso (86) kiihtahso pipoonwe Hekaaroon kiinihtaawikihtamaakotc ini Ishmeyalwan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society