Cenisihs 27
27
Cekap Kiihkakayeshi'aatc Oteten
1Ekii ani ayishihsenik tahsh Aaisik (Isaac) wiinke kiiahkiwensiiwi, kaawiin kaye aahpici kiiwaapihsii. Okii antomaan okosihsan Iihswaan (Esau) ekii'inaatc, “Iihswaa.”
Miitahsh kaaishi nahkwehtaakotc, “O'omaa nintayaa,” okii'ikoon.
2Aaisik kii‑ihkito, “Inashke, aasha wiinke nintahkiwensiiw, kaawiin ninkihkentansiin aaniin ahpii kiishikahk kenipoyaan. 3Taka noonkom maaciish kimihtikwaap, kipihkwahkoon kaye ci‑ishaayan pikwatahkamik ciantawencikehtamawiyan. 4Kiishitepoonihshiihkan tahsh kaye kaaminohpitamaan miicim, piitamawihshiihkan itahsh. Ahpii tahsh kii‑ishkwaa miiciyaan, kika miinin tahsh i'i ishkwaac kaawii ishi shaweniminaan cipwaa nipoyaan,” okii'inaan.
5Oripehka (Rebekah) tahsh okiih pisintawaan Aaisikoon ehkakanoonaanitc Iihswaan. Ahpii tahsh kaa‑ani maacaanitc Iihswaan pikwatahkamik ekii ishaanitc eantawencikenitc, 6Oripehka okii'inaan okosihsan Cekapoon (Jacob), “Inashke, ninkii noontawaa kitete ehkakanoonaatc kihsayenhsan Iihswaan. Miitahsh o'o kaa'inaatc, 7‘Piitamawihshin aya'aawihsh cikiishitepooshiyan miicim kaaminohpitamaan, cimiiciyaan. Ninka kakwecimaa tahsh kaaTipenciketc cishawenimihk enaahsamiitc cipwaa nipoyaan,’ ” okii'inaan. 8Oripehka tahsh kiiani ihkito, “Ninkosihs, pisintawihshin, ishihciken kaye kaawii'ininaan. 9Ishaan weti kaashi ohko ayaawaatc maanatihkwak, kakiikin tahsh niishin maanatihkoonsak kaa‑aancipowaatc, piitamawihshiihkan itahsh. Ninka oshihtaawaan tahsh i'i miicim kitete kaaminohpitank. 10Ishiwitawaahkan tahsh kitete i'i miicim, cikakwecimaatc Kishemanitoon cishawenimihk cipwaa ishkwaa pimaatisitc,” kii‑ihkito.
11Cekap tahsh okii'inaan omaamaan, “Inashke, kikihkenimaa iitok Iihswaa ehmiishaahkonawetc, niin tahsh ehmiishisihsiwaan. 12Kehcinaac iitok ninka kotinik nintete. Inashke tahsh okayeshinkeshk ninka ishinaakosiwaan enaahsamiitc. Macakimikoowin hsa ninka kashkihtamaas, kaawiin wiin shawentaakosiwin,” kii‑ihkito.
13Omaamaan tahsh o'o okii'ikoon, “Ninkosihs, taka keshi macakimikooyan niin ninka pakamishkaakon. Ishihciken tahsh kaa'ininaan, maacaan, naasihkamawihshin iki maanatihkoonsak,” okii'ikoon. 14Cekap tahsh kiiani maacaa ekii naasihkawaatc maanatihkoonsa' ekiih piitamawaatc omaamaan, cioshihtoonitc miicim kaakii minohpitaminitc oteten. 15Oripehka tahsh okii otaahpinaanan okikishkikanini Iihswaan kaakiih sasiihkisinitc okosihsan, kaakii ayaanikin owaahkaa'ikanink. Miitahsh kaaishi pihsihkamoonaatc Cekapoon okosihsan kaakii oshiimenshimaawinitc. 16Okiih pihsihkamoonaan tahsh kaye onihkinink maanatihkoonsiwayaana' cimiishaahkonihkenitc. Ohkwekaniniink kaye kaakii ishi miishisihsinik okii ahtamawaan maanatihkoonsiwayaana'. 17Okii miinaan tahsh kaye okosihsan Cekapoon kaakii minohpikwaninik miicim kaakii oshihtootc, pahkweshikanan kaye okiih tako miinaan.
18Cekap tahsh okiih pi naasihkawaan Aaisikoon oteten ekii'inaatc, “Nintete.”
O'o tahsh okii'ikoon, “Kinootawin, awenen a'a mayaa ninkosihs eyaawiyan?” kii‑ihkitowan.
19Cekap tahsh okii ishi nahkwehtawaan, “Niin Iihswaa kaasasiihkisitc kikosihs. Ninkii ishihcike tahsh kaakii ishi anooshiyan. Pasikwiin itahsh, cionapiyan cimiiciyan o'o kaakii nihtooyaan, kiin hsa cishawenimiyan,” okii'inaan.
20Aaisik (Isaac) tahsh okii'inaan okosihsan, “Aaniin tahsh kaaonci aahpici kitaahtapi nihtaakeyan?”
Cekap tahsh kii‑ihkito, “KaaTipenciketc kaaoKishemanitoomiyan ninkii wiici'ik ci‑ishihsewak,” kii‑ihkito.
21Aaisik tahsh okii'inaan Cekapoon, “Ninkosihs taka pehsho piishaan, kiwii saaminin ewii anta kihkeniminaan taka kiin tepwe ninkosihs Iihswaa (Esau) eaawiwanen,” okii'inaan. 22Cekap tahsh pehsho okii naasihkawaan oteten Aaisikoon, ekiih saaminikotc ekii ihkitonitc tahsh, “Intikonaa Cekap enihtaakosiyan, shaakooc tahsh ini kinihkan miimayaa eshi mihkoociinikaatekin taapishkoo Iihswaa onihkan.” 23Kaawiin tahsh okii nihsitawenimaahsiin ehCekapowinitc aniihsh kii‑ishi miishaahkonihkewan taapishkoo okosihsan Iihswaan. Miitahsh kaaishi shawenimaatc. 24Aaisik tahsh kiiani ihkito, “Kiin ina tepwe ninkosihs Iihswaa?”
Cekap tahsh kii‑ihkito, “Kekeht niin nintinow.”
25Aaisik tahsh kiiani ihkito, “Ninkosihs, piitamawihshin tahsh i'i kaakii nihtooyan ciwiihsiniyaan, cishaweniminaan tahsh kayehpii.” Miitahsh Cekap kaaishi miinaatc ciwiihsininitc, shoominaapooni kaye okiih tako miinaan ciminihkwenitc. 26Cekap okii'ikoon oteten, “Ninkosihs, taka pehsho piishaan ciociimiyan.” 27#Heb 11.20. Pehsho tahsh okii naasihkawaan ekii ociimaatc. Ahpii tahsh kaaminaantaminitc kikishkikanan kaakiih kikishkank aaniin eshi maakwaninikin, miitahsh kaakiih shawenimikotc ekii'ikotc, “Mii hsa 'i tepwe eshi maakositc a'a ninkosihs kaaishi maakwaninik i'i pikwatahkamik, kaaTipencikenitc kaakii shawentaminitc. 28Taka kaye Kishemanitoo kika miinik kaakimiwaninik kiishikonk kaaonciinik, taka kaye oka oshihtoonan kikihtikewahkamikoon ciwenooci nihtaawikihcikemakaninikin. Taka kaye niipiwa' kika miinik pahkweshikanan, shoomina' kaye keonci oshihtooyan shoominaapo. 29#Gen 12.3. Pemaatisiwaatc kaye kika pamiihtaakook, kahkina kaye kaapepahkaanwewaanakisiwaatc pemaatisiwaatc kika ociciinkwanapiihtaakook. Kika okimaahkantawaak kaye tipinawe kitinawemaakanak, i'i kaye kimaamaa okosihsa' kika ociciinkwanapiihtaakook. Kemacakimihkwaa hsa tamacakimaawak, keshawenimihkwaa hsa tahsh tashawentaakosiwak,” kii‑ihkitowan.
Iihswaa Ekii'antawentank Kewiin Cishawentaakositc
30Miitahsh kaa‑ani ishihsek Aaisik (Isaac) kaaishkwaa shawenimaatc Cekapoon (Jacob), ekii ani maacaanitc tahsh kaakii ishi'ayaatc. Kaawiin tahsh tashinaanaake kii‑ishihsehsinini mii 'i aasha Iihswaan (Esau) okosihsan kaakiih pi takohshininitc ekii ishkwaa antawencikenitc. 31Iihswaa tahsh kewiin okiih kiishisaan miicim kaakii minohpitaminitc oteten, ekiih piitamawaatc kaye. Miitahsh kaa'inaatc “Nintete, pasikwiin, miicin o'o miicim kaakii nihtooyaan, miitahsh kaye cishawenimiyan,” okii'inaan.
32Aaisik (Isaac) tahsh kii‑ihkito, “Awenen itahsh kiin?”
Iihswaa kii‑ihkito, “Niin Iihswaa, nihtam kaakii nihtaawikitc kikosihs,” kii‑ihkito.
33Aaisik (Isaac) tahsh wiinke kiihkihci nininkaanimisi misiwe ekii wahkawihsetc ekii ihkitotc, “Awenen tahsh a'a kaakiih piintikawitc aya'aawihshan kaakii nihsaatc? Aasha tahsh ninkii ishkwaa wiihsin cipwaa takohshinan, aasha kaye ninkiih shawenimaa. Miitahsh iko 'i nehpic keshi shawentaakositc,” kii‑ihkito.
34Ahpii tahsh Iihswaa kaanoontank eihkitonitc oteten, wiinke tahsh kiihkihci kishiiwe ehmawitc, ekiih kihci mincinawesitc, ekii'inaatc oteten, “Nintete, shawenimihshin, keniin hsa kaye shawenimihshin,” ekii inatemotc.
35Aaisik tahsh kii‑ihkito, “Kiicihkiwensi ohsha kiihpiishaa ekii wayeshi'itc. Kikii mahkamik i'i kaawii ishi shawentaakosiwatipan,” kii‑ihkito.
36 #
Gen 25.29-34. Iihswaa tahsh kii‑ihkito, “Tepwe hsa kwayahk kii‑ishinihkaanaawintipan ahpii Cekap kiiwiinsotc, aaniihsh mii 'i ehkitoomakaninik owiinsowin i'i kaapi wayeshimitc aasha niishwaa. Ekii otaahpinamawitc kaawiih tipinawewisiwakipan niin nihtam ekii nihtaawikiwak, inashke tahsh kaye ninkiih kiimooci mahkamik kaawii ishi shawentaakosiwakipan.” Miitahsh kaa‑ani ihkitotc, “Kaawiin ina kikii ishkonansiin kekoon cishawentaakosiyaan?”
37Aaisik tahsh okii ishi nahkwehtawaan Iihswaan, “Aasha ohsha ninkii ishi'aa ciokimaahkantawihk, ninkii ishi shawenimaa kaye kahkina otinawemaakana' cipamiihtaakotc, ninkii ishi shawenimaa kaye ciayaawaatc pahkweshikanan, ciayaatc kaye shoominaapo aanti keontaatisitc. Ninkosihs, inashke tahsh kaawiin kekoon keyaapi kitaakiih tootamawihsinoon,” okii'inaan.
38 #
Heb 12.17. Iihswaa tahsh okii'inaan oteten, “Nintete, kiimihcipeshikwan ina kishawencikewin? Nintete, taka keniin shawenimihshin.” Miitahsh kaaishi kishiiwetc ekii mawitc.
39 #
Heb 11.20. Miitahsh Aaisik, kaa'inaatc Iihswaan,
“Inashke tahsh kiin,
aanti keshi kapehshiyan o'omaa ahkiink,
kaawiin kekoon kika nihtaawikihtoohsiin,
kaawiin kaye kiishikonk taonci shaapopiihsinoon keshi kihtikeyan.
40 #
Gen 36.8. Kipashipa'ikewihkomaaniink hsa kiin kika ontaatis,
kika pamiihtawaa hsa kaye kiicihkiwensi.
Ahpii tahsh ani tipenintisoyan,
mii hsa 'i kaawiin awahshime kika tipenimikohsii.”
41Iihswaa tahsh okii nishkenimaan Cekapoon aaniihsh oteten okii miinaani oshawentaakosiwin. Miitahsh kaainentank, “Aasha iitok kekaa mihsawaa taishkwaa pimaatisi nintete cimawimak, miitahsh i'i ahpii kenihsak Cekap,” kii‑inentam.
42Ahpii tahsh Oripehka (Rebekah) kaanoontank aaniin kaaihkitonitc Iihswaan, shemaak okii antomaan Cekapoon ekii'inaatc, “Pisintawihshin, kihsayenhs Iihswaa iinsan inentam ewiih tipa'amawihk, ewii nihsihk. 43Inashke tahsh ninkosihs na'ihtawihshin o'o kaa'ininaan, pasikwiin, weti Heran (Haran) ootenaank ahpa'iwen, nintawemaa Lepan (Laban) kaashi ayaatc. 44Awi wiici'ayaam acina, ciahkawaa'atc kihsayenhs ciaahtekitaasotc. 45Paanimaa tahsh kiihpoonentank kaakiih tootawatc, awiya ninka ishinisha'waa cinaasihkawihk. Wekonen tahsh keonci wani'akwaapan minciniish ninkosihsak peshikwan ehkiishikaninik,” okii'inaan.
Aaisik Kii'ishinisha'waatc Cekapoon Ci'ishaanitc Kaakii'ishi'ayaanitc Lepanoon
46Oripehka (Rebekah) tahsh okii'inaan Aaisikoon (Isaac), “Etatawe hsa nintonci wiiyakishkentam ehpimaatisiyaan iki onci ihkwewak Heht (Heth) kaatinowinitc. Kiishpin tahsh kewiin Cekap (Jacob) wiiwitc ini tino ihkwewan, mii 'i anihshaa cipimaatisiyaan,” okii'inaan.
Currently Selected:
Cenisihs 27: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Cenisihs 27
27
Cekap Kiihkakayeshi'aatc Oteten
1Ekii ani ayishihsenik tahsh Aaisik (Isaac) wiinke kiiahkiwensiiwi, kaawiin kaye aahpici kiiwaapihsii. Okii antomaan okosihsan Iihswaan (Esau) ekii'inaatc, “Iihswaa.”
Miitahsh kaaishi nahkwehtaakotc, “O'omaa nintayaa,” okii'ikoon.
2Aaisik kii‑ihkito, “Inashke, aasha wiinke nintahkiwensiiw, kaawiin ninkihkentansiin aaniin ahpii kiishikahk kenipoyaan. 3Taka noonkom maaciish kimihtikwaap, kipihkwahkoon kaye ci‑ishaayan pikwatahkamik ciantawencikehtamawiyan. 4Kiishitepoonihshiihkan tahsh kaye kaaminohpitamaan miicim, piitamawihshiihkan itahsh. Ahpii tahsh kii‑ishkwaa miiciyaan, kika miinin tahsh i'i ishkwaac kaawii ishi shaweniminaan cipwaa nipoyaan,” okii'inaan.
5Oripehka (Rebekah) tahsh okiih pisintawaan Aaisikoon ehkakanoonaanitc Iihswaan. Ahpii tahsh kaa‑ani maacaanitc Iihswaan pikwatahkamik ekii ishaanitc eantawencikenitc, 6Oripehka okii'inaan okosihsan Cekapoon (Jacob), “Inashke, ninkii noontawaa kitete ehkakanoonaatc kihsayenhsan Iihswaan. Miitahsh o'o kaa'inaatc, 7‘Piitamawihshin aya'aawihsh cikiishitepooshiyan miicim kaaminohpitamaan, cimiiciyaan. Ninka kakwecimaa tahsh kaaTipenciketc cishawenimihk enaahsamiitc cipwaa nipoyaan,’ ” okii'inaan. 8Oripehka tahsh kiiani ihkito, “Ninkosihs, pisintawihshin, ishihciken kaye kaawii'ininaan. 9Ishaan weti kaashi ohko ayaawaatc maanatihkwak, kakiikin tahsh niishin maanatihkoonsak kaa‑aancipowaatc, piitamawihshiihkan itahsh. Ninka oshihtaawaan tahsh i'i miicim kitete kaaminohpitank. 10Ishiwitawaahkan tahsh kitete i'i miicim, cikakwecimaatc Kishemanitoon cishawenimihk cipwaa ishkwaa pimaatisitc,” kii‑ihkito.
11Cekap tahsh okii'inaan omaamaan, “Inashke, kikihkenimaa iitok Iihswaa ehmiishaahkonawetc, niin tahsh ehmiishisihsiwaan. 12Kehcinaac iitok ninka kotinik nintete. Inashke tahsh okayeshinkeshk ninka ishinaakosiwaan enaahsamiitc. Macakimikoowin hsa ninka kashkihtamaas, kaawiin wiin shawentaakosiwin,” kii‑ihkito.
13Omaamaan tahsh o'o okii'ikoon, “Ninkosihs, taka keshi macakimikooyan niin ninka pakamishkaakon. Ishihciken tahsh kaa'ininaan, maacaan, naasihkamawihshin iki maanatihkoonsak,” okii'ikoon. 14Cekap tahsh kiiani maacaa ekii naasihkawaatc maanatihkoonsa' ekiih piitamawaatc omaamaan, cioshihtoonitc miicim kaakii minohpitaminitc oteten. 15Oripehka tahsh okii otaahpinaanan okikishkikanini Iihswaan kaakiih sasiihkisinitc okosihsan, kaakii ayaanikin owaahkaa'ikanink. Miitahsh kaaishi pihsihkamoonaatc Cekapoon okosihsan kaakii oshiimenshimaawinitc. 16Okiih pihsihkamoonaan tahsh kaye onihkinink maanatihkoonsiwayaana' cimiishaahkonihkenitc. Ohkwekaniniink kaye kaakii ishi miishisihsinik okii ahtamawaan maanatihkoonsiwayaana'. 17Okii miinaan tahsh kaye okosihsan Cekapoon kaakii minohpikwaninik miicim kaakii oshihtootc, pahkweshikanan kaye okiih tako miinaan.
18Cekap tahsh okiih pi naasihkawaan Aaisikoon oteten ekii'inaatc, “Nintete.”
O'o tahsh okii'ikoon, “Kinootawin, awenen a'a mayaa ninkosihs eyaawiyan?” kii‑ihkitowan.
19Cekap tahsh okii ishi nahkwehtawaan, “Niin Iihswaa kaasasiihkisitc kikosihs. Ninkii ishihcike tahsh kaakii ishi anooshiyan. Pasikwiin itahsh, cionapiyan cimiiciyan o'o kaakii nihtooyaan, kiin hsa cishawenimiyan,” okii'inaan.
20Aaisik (Isaac) tahsh okii'inaan okosihsan, “Aaniin tahsh kaaonci aahpici kitaahtapi nihtaakeyan?”
Cekap tahsh kii‑ihkito, “KaaTipenciketc kaaoKishemanitoomiyan ninkii wiici'ik ci‑ishihsewak,” kii‑ihkito.
21Aaisik tahsh okii'inaan Cekapoon, “Ninkosihs taka pehsho piishaan, kiwii saaminin ewii anta kihkeniminaan taka kiin tepwe ninkosihs Iihswaa (Esau) eaawiwanen,” okii'inaan. 22Cekap tahsh pehsho okii naasihkawaan oteten Aaisikoon, ekiih saaminikotc ekii ihkitonitc tahsh, “Intikonaa Cekap enihtaakosiyan, shaakooc tahsh ini kinihkan miimayaa eshi mihkoociinikaatekin taapishkoo Iihswaa onihkan.” 23Kaawiin tahsh okii nihsitawenimaahsiin ehCekapowinitc aniihsh kii‑ishi miishaahkonihkewan taapishkoo okosihsan Iihswaan. Miitahsh kaaishi shawenimaatc. 24Aaisik tahsh kiiani ihkito, “Kiin ina tepwe ninkosihs Iihswaa?”
Cekap tahsh kii‑ihkito, “Kekeht niin nintinow.”
25Aaisik tahsh kiiani ihkito, “Ninkosihs, piitamawihshin tahsh i'i kaakii nihtooyan ciwiihsiniyaan, cishaweniminaan tahsh kayehpii.” Miitahsh Cekap kaaishi miinaatc ciwiihsininitc, shoominaapooni kaye okiih tako miinaan ciminihkwenitc. 26Cekap okii'ikoon oteten, “Ninkosihs, taka pehsho piishaan ciociimiyan.” 27#Heb 11.20. Pehsho tahsh okii naasihkawaan ekii ociimaatc. Ahpii tahsh kaaminaantaminitc kikishkikanan kaakiih kikishkank aaniin eshi maakwaninikin, miitahsh kaakiih shawenimikotc ekii'ikotc, “Mii hsa 'i tepwe eshi maakositc a'a ninkosihs kaaishi maakwaninik i'i pikwatahkamik, kaaTipencikenitc kaakii shawentaminitc. 28Taka kaye Kishemanitoo kika miinik kaakimiwaninik kiishikonk kaaonciinik, taka kaye oka oshihtoonan kikihtikewahkamikoon ciwenooci nihtaawikihcikemakaninikin. Taka kaye niipiwa' kika miinik pahkweshikanan, shoomina' kaye keonci oshihtooyan shoominaapo. 29#Gen 12.3. Pemaatisiwaatc kaye kika pamiihtaakook, kahkina kaye kaapepahkaanwewaanakisiwaatc pemaatisiwaatc kika ociciinkwanapiihtaakook. Kika okimaahkantawaak kaye tipinawe kitinawemaakanak, i'i kaye kimaamaa okosihsa' kika ociciinkwanapiihtaakook. Kemacakimihkwaa hsa tamacakimaawak, keshawenimihkwaa hsa tahsh tashawentaakosiwak,” kii‑ihkitowan.
Iihswaa Ekii'antawentank Kewiin Cishawentaakositc
30Miitahsh kaa‑ani ishihsek Aaisik (Isaac) kaaishkwaa shawenimaatc Cekapoon (Jacob), ekii ani maacaanitc tahsh kaakii ishi'ayaatc. Kaawiin tahsh tashinaanaake kii‑ishihsehsinini mii 'i aasha Iihswaan (Esau) okosihsan kaakiih pi takohshininitc ekii ishkwaa antawencikenitc. 31Iihswaa tahsh kewiin okiih kiishisaan miicim kaakii minohpitaminitc oteten, ekiih piitamawaatc kaye. Miitahsh kaa'inaatc “Nintete, pasikwiin, miicin o'o miicim kaakii nihtooyaan, miitahsh kaye cishawenimiyan,” okii'inaan.
32Aaisik (Isaac) tahsh kii‑ihkito, “Awenen itahsh kiin?”
Iihswaa kii‑ihkito, “Niin Iihswaa, nihtam kaakii nihtaawikitc kikosihs,” kii‑ihkito.
33Aaisik (Isaac) tahsh wiinke kiihkihci nininkaanimisi misiwe ekii wahkawihsetc ekii ihkitotc, “Awenen tahsh a'a kaakiih piintikawitc aya'aawihshan kaakii nihsaatc? Aasha tahsh ninkii ishkwaa wiihsin cipwaa takohshinan, aasha kaye ninkiih shawenimaa. Miitahsh iko 'i nehpic keshi shawentaakositc,” kii‑ihkito.
34Ahpii tahsh Iihswaa kaanoontank eihkitonitc oteten, wiinke tahsh kiihkihci kishiiwe ehmawitc, ekiih kihci mincinawesitc, ekii'inaatc oteten, “Nintete, shawenimihshin, keniin hsa kaye shawenimihshin,” ekii inatemotc.
35Aaisik tahsh kii‑ihkito, “Kiicihkiwensi ohsha kiihpiishaa ekii wayeshi'itc. Kikii mahkamik i'i kaawii ishi shawentaakosiwatipan,” kii‑ihkito.
36 #
Gen 25.29-34. Iihswaa tahsh kii‑ihkito, “Tepwe hsa kwayahk kii‑ishinihkaanaawintipan ahpii Cekap kiiwiinsotc, aaniihsh mii 'i ehkitoomakaninik owiinsowin i'i kaapi wayeshimitc aasha niishwaa. Ekii otaahpinamawitc kaawiih tipinawewisiwakipan niin nihtam ekii nihtaawikiwak, inashke tahsh kaye ninkiih kiimooci mahkamik kaawii ishi shawentaakosiwakipan.” Miitahsh kaa‑ani ihkitotc, “Kaawiin ina kikii ishkonansiin kekoon cishawentaakosiyaan?”
37Aaisik tahsh okii ishi nahkwehtawaan Iihswaan, “Aasha ohsha ninkii ishi'aa ciokimaahkantawihk, ninkii ishi shawenimaa kaye kahkina otinawemaakana' cipamiihtaakotc, ninkii ishi shawenimaa kaye ciayaawaatc pahkweshikanan, ciayaatc kaye shoominaapo aanti keontaatisitc. Ninkosihs, inashke tahsh kaawiin kekoon keyaapi kitaakiih tootamawihsinoon,” okii'inaan.
38 #
Heb 12.17. Iihswaa tahsh okii'inaan oteten, “Nintete, kiimihcipeshikwan ina kishawencikewin? Nintete, taka keniin shawenimihshin.” Miitahsh kaaishi kishiiwetc ekii mawitc.
39 #
Heb 11.20. Miitahsh Aaisik, kaa'inaatc Iihswaan,
“Inashke tahsh kiin,
aanti keshi kapehshiyan o'omaa ahkiink,
kaawiin kekoon kika nihtaawikihtoohsiin,
kaawiin kaye kiishikonk taonci shaapopiihsinoon keshi kihtikeyan.
40 #
Gen 36.8. Kipashipa'ikewihkomaaniink hsa kiin kika ontaatis,
kika pamiihtawaa hsa kaye kiicihkiwensi.
Ahpii tahsh ani tipenintisoyan,
mii hsa 'i kaawiin awahshime kika tipenimikohsii.”
41Iihswaa tahsh okii nishkenimaan Cekapoon aaniihsh oteten okii miinaani oshawentaakosiwin. Miitahsh kaainentank, “Aasha iitok kekaa mihsawaa taishkwaa pimaatisi nintete cimawimak, miitahsh i'i ahpii kenihsak Cekap,” kii‑inentam.
42Ahpii tahsh Oripehka (Rebekah) kaanoontank aaniin kaaihkitonitc Iihswaan, shemaak okii antomaan Cekapoon ekii'inaatc, “Pisintawihshin, kihsayenhs Iihswaa iinsan inentam ewiih tipa'amawihk, ewii nihsihk. 43Inashke tahsh ninkosihs na'ihtawihshin o'o kaa'ininaan, pasikwiin, weti Heran (Haran) ootenaank ahpa'iwen, nintawemaa Lepan (Laban) kaashi ayaatc. 44Awi wiici'ayaam acina, ciahkawaa'atc kihsayenhs ciaahtekitaasotc. 45Paanimaa tahsh kiihpoonentank kaakiih tootawatc, awiya ninka ishinisha'waa cinaasihkawihk. Wekonen tahsh keonci wani'akwaapan minciniish ninkosihsak peshikwan ehkiishikaninik,” okii'inaan.
Aaisik Kii'ishinisha'waatc Cekapoon Ci'ishaanitc Kaakii'ishi'ayaanitc Lepanoon
46Oripehka (Rebekah) tahsh okii'inaan Aaisikoon (Isaac), “Etatawe hsa nintonci wiiyakishkentam ehpimaatisiyaan iki onci ihkwewak Heht (Heth) kaatinowinitc. Kiishpin tahsh kewiin Cekap (Jacob) wiiwitc ini tino ihkwewan, mii 'i anihshaa cipimaatisiyaan,” okii'inaan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society