Luka 16
16
Wən məkpaŋga na ɗef muluvuluvu
1Zezu anah sit gewleɗ nan na: Ɗəf məs arya tay də məgəɗ wəza nani. Ɗii apsənən na: Məgəɗ wəza nokuŋ tay ray gən arya noko. 2Məs arya ayaka, apsən na: Mi adawnahaŋ suwən aka wənnok vaŋkəŋ di? Aŋɗan su arya nawa, dərɓagani kəsok na məgəɗ wəza naw ɓa. 3Məgəɗ wəza aɗumonək amakrani: Mbar nədaɗɗa di. Yaŋ kana daya naw bo atafək wəza nawəŋ di? Winse nəɓapna ɓa wəŋgla wil waduwəni. 4Hahãh nəsənək an nədaɗɗa vi ɗii meɓɓet dətaf wən gən eŋgil enet da, an məgilguwi səka wəza nawa. 5Ayek ɗii məs dəgəmaŋ dəmən aza Ɗəfdaya nan pakə. Apsən an dabəŋ na: Dəmən na daya naw gbəmgbari akok di? 6Azlanək na: Mel goŋgoŋ səkatə. Yaŋ məgəɗ wəza apsən na: Go'u agəm ɗerewel noko aver kaklaw sle. 7Yaŋ apsən ɗəf maɓɓan na: Dəmən na daya naw gbəmgbari akok di? Azlanək na: Sak na alkəmari səkat sle. Məgəɗ wəza apsən na: Agəm ɗerewel noko, aver səkat poɗo. 8Daya afetik aka məgəɗ wəza nan matakataka naka, vi agəɗək də kukete awalaŋ ziti. Vi ɗii na duniya adayaŋgək kiyit ɗii na təki babar də wəɗɗa wəza də kuket awalaŋ ziti.
9Intatə nah sukum: Məgəɗ bayna də arya na duniya. Pay an arya nokum agraka watafkumən a təki ana suwa ha faɗə. 10Məs dəgəɗ mogon də zəga suɗike, wagəɗ mogon də zəga metiŋgine'e. Ɗəf məs dəgəɗ matakataka də zəga suɗike wagəɗ matakataka də zəga metiŋgine'e. 11An kəɗɗaŋ wəza mogon də arya ana duniya məppan sukum ɓa, naway nappan sukum arya an təstəs di? 12An kəɗɗaŋ mogon də arya net ɗii meɓɓet ɓa, naway napsukum, məs kədaw rəhaŋ ka arya nokum di?
13Gawla tay naɗɗa wəza viyit ɗii gugiriɗ sula ɓa, vi wazel ɗəf aŋka, waŋglu ɗəf andaka, wagakdakan ɗəffaŋka, wazelen ɗəf andaka. Kəɓapaŋ na wəɗɗa wəza sən Maŋgəlva də wəgay sit wənnet deleɗ pak ɓa.
Wən mbərən na Zezu
(Matiye 11.12-13; 5.31-32 / Markus 10.11-12)
14Farisiyenɗe* məŋglaŋ deleɗ adan apprəmən wənnəska, amasaŋgək akani. 15Zezu apsit na: Mokum aka kəsoŋ gən ɗii təstəs amaheret ɗiiyi, amma Maŋgəlva asənək mokrokum, vi an məs ɗii adawlaŋ va zəga metiŋgin, zəga nan tay də sləman aba Maŋgəlva ɓa.
16Ma henziŋ na Moyis də ɗerewel net məs kleŋɗe anziyək hagap pay na Zaŋ məgəɗ baptem. Daga pay nan bo halabara nenek na məlĩ na Maŋgəlva apelke, ko naway pak agayək də sembe vi dətoŋ gən adəv məlĩ nani. 17Wəgrak disiŋ də dəlva fuŋ tay tuwãh, va wəzzan ma masin taka sədəv ma henziŋɗe ɓa.
18Ko naway duɗak dət ɗak nani, agəmək maɓɓata, mana'a agəɗə, ɗəf də gəm guluk məs tuɗak də zilta, mana'a agəɗe'e.
Məs arya də Lazar
19Ɗəf maɓɓan tay məs arya, məzu gul lukutɗe lelekeɗekɗe mogeti. Pay pak taya dəv zəga mogon də arya. 20Məs saha an məs adawyaŋ na Lazar, tay voŋ amaddambani, 21vi kawzəm məs an dədaw bəta səmba va məs aryaŋka. Kərɗe tahəŋ wəzoŋ wətarna huwa nani. 22Məs saha amtəka, maslayɗe aslanənka akanənək aza Abraham a disiŋ. Məs arya amtəka, məndəkəni. 23Ha a təki net ɗii mimtiti, aslanək harani, taya dəv təki nawzəm saha awlak Lazar tay də Abraham a təki taka faraɗa. 24Aŋgəzlək vamvəlla, amna: Aw Abraham awla səsahuwa. Asləŋ Lazar də gul gən van aret iŋkile, dəde gən wəlɓan su hərzləmwa, vi əntatə zəm saha diiɗa adəv offoŋka. 25Amma Yaŋ Abraham azlan səna: Wətuwa, aɗumon pay kədawsok laŋka, istat də arya diiɗa sawɓa, amma Lazar a zəmək saha pay pak va asan laŋka. Awla kakaŋka, tay də maɗulani, nok tam istatə zəm saha. 26An day əmpana, vov tay məza meŋge nan ɓa aka walaŋgəmə ɗəf dəŋgəl wəsilyan səzamə kawmbat azokum aɓapna ɓa, walla məs dəŋgəl wəsilyan səzokum kazan azamə, aɓapna ɓa. 27Məs arya amna: Intatə komok kana aw Abraham asləŋ Lazar ana affu da. 28Vi milmiŋgiɗu tahəŋ sle, dənah sit gən wənəŋ pakə, vi ndəɗaŋ bo adazoŋ atəki nawzəm sahaŋ ɓa. 29Yaŋ Abraham azlan sən na: Moyis dit məs kleŋɗe pak tahəŋ vi karban sit wənna, say dəpprəmən gəni. 30Məs arya amna: Vaski ɓa, aw Abraham, an ɗəf disil səkəti əmtayi na, watubiyaŋ. 31Abraham apsən na: An dəpprəmən ma Moyis dit məs kleŋɗe ɓa, asna ko ɗəf disil səkəti əmta ataf nənna ɓa.
Currently Selected:
Luka 16: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Luka 16
16
Wən məkpaŋga na ɗef muluvuluvu
1Zezu anah sit gewleɗ nan na: Ɗəf məs arya tay də məgəɗ wəza nani. Ɗii apsənən na: Məgəɗ wəza nokuŋ tay ray gən arya noko. 2Məs arya ayaka, apsən na: Mi adawnahaŋ suwən aka wənnok vaŋkəŋ di? Aŋɗan su arya nawa, dərɓagani kəsok na məgəɗ wəza naw ɓa. 3Məgəɗ wəza aɗumonək amakrani: Mbar nədaɗɗa di. Yaŋ kana daya naw bo atafək wəza nawəŋ di? Winse nəɓapna ɓa wəŋgla wil waduwəni. 4Hahãh nəsənək an nədaɗɗa vi ɗii meɓɓet dətaf wən gən eŋgil enet da, an məgilguwi səka wəza nawa. 5Ayek ɗii məs dəgəmaŋ dəmən aza Ɗəfdaya nan pakə. Apsən an dabəŋ na: Dəmən na daya naw gbəmgbari akok di? 6Azlanək na: Mel goŋgoŋ səkatə. Yaŋ məgəɗ wəza apsən na: Go'u agəm ɗerewel noko aver kaklaw sle. 7Yaŋ apsən ɗəf maɓɓan na: Dəmən na daya naw gbəmgbari akok di? Azlanək na: Sak na alkəmari səkat sle. Məgəɗ wəza apsən na: Agəm ɗerewel noko, aver səkat poɗo. 8Daya afetik aka məgəɗ wəza nan matakataka naka, vi agəɗək də kukete awalaŋ ziti. Vi ɗii na duniya adayaŋgək kiyit ɗii na təki babar də wəɗɗa wəza də kuket awalaŋ ziti.
9Intatə nah sukum: Məgəɗ bayna də arya na duniya. Pay an arya nokum agraka watafkumən a təki ana suwa ha faɗə. 10Məs dəgəɗ mogon də zəga suɗike, wagəɗ mogon də zəga metiŋgine'e. Ɗəf məs dəgəɗ matakataka də zəga suɗike wagəɗ matakataka də zəga metiŋgine'e. 11An kəɗɗaŋ wəza mogon də arya ana duniya məppan sukum ɓa, naway nappan sukum arya an təstəs di? 12An kəɗɗaŋ mogon də arya net ɗii meɓɓet ɓa, naway napsukum, məs kədaw rəhaŋ ka arya nokum di?
13Gawla tay naɗɗa wəza viyit ɗii gugiriɗ sula ɓa, vi wazel ɗəf aŋka, waŋglu ɗəf andaka, wagakdakan ɗəffaŋka, wazelen ɗəf andaka. Kəɓapaŋ na wəɗɗa wəza sən Maŋgəlva də wəgay sit wənnet deleɗ pak ɓa.
Wən mbərən na Zezu
(Matiye 11.12-13; 5.31-32 / Markus 10.11-12)
14Farisiyenɗe* məŋglaŋ deleɗ adan apprəmən wənnəska, amasaŋgək akani. 15Zezu apsit na: Mokum aka kəsoŋ gən ɗii təstəs amaheret ɗiiyi, amma Maŋgəlva asənək mokrokum, vi an məs ɗii adawlaŋ va zəga metiŋgin, zəga nan tay də sləman aba Maŋgəlva ɓa.
16Ma henziŋ na Moyis də ɗerewel net məs kleŋɗe anziyək hagap pay na Zaŋ məgəɗ baptem. Daga pay nan bo halabara nenek na məlĩ na Maŋgəlva apelke, ko naway pak agayək də sembe vi dətoŋ gən adəv məlĩ nani. 17Wəgrak disiŋ də dəlva fuŋ tay tuwãh, va wəzzan ma masin taka sədəv ma henziŋɗe ɓa.
18Ko naway duɗak dət ɗak nani, agəmək maɓɓata, mana'a agəɗə, ɗəf də gəm guluk məs tuɗak də zilta, mana'a agəɗe'e.
Məs arya də Lazar
19Ɗəf maɓɓan tay məs arya, məzu gul lukutɗe lelekeɗekɗe mogeti. Pay pak taya dəv zəga mogon də arya. 20Məs saha an məs adawyaŋ na Lazar, tay voŋ amaddambani, 21vi kawzəm məs an dədaw bəta səmba va məs aryaŋka. Kərɗe tahəŋ wəzoŋ wətarna huwa nani. 22Məs saha amtəka, maslayɗe aslanənka akanənək aza Abraham a disiŋ. Məs arya amtəka, məndəkəni. 23Ha a təki net ɗii mimtiti, aslanək harani, taya dəv təki nawzəm saha awlak Lazar tay də Abraham a təki taka faraɗa. 24Aŋgəzlək vamvəlla, amna: Aw Abraham awla səsahuwa. Asləŋ Lazar də gul gən van aret iŋkile, dəde gən wəlɓan su hərzləmwa, vi əntatə zəm saha diiɗa adəv offoŋka. 25Amma Yaŋ Abraham azlan səna: Wətuwa, aɗumon pay kədawsok laŋka, istat də arya diiɗa sawɓa, amma Lazar a zəmək saha pay pak va asan laŋka. Awla kakaŋka, tay də maɗulani, nok tam istatə zəm saha. 26An day əmpana, vov tay məza meŋge nan ɓa aka walaŋgəmə ɗəf dəŋgəl wəsilyan səzamə kawmbat azokum aɓapna ɓa, walla məs dəŋgəl wəsilyan səzokum kazan azamə, aɓapna ɓa. 27Məs arya amna: Intatə komok kana aw Abraham asləŋ Lazar ana affu da. 28Vi milmiŋgiɗu tahəŋ sle, dənah sit gən wənəŋ pakə, vi ndəɗaŋ bo adazoŋ atəki nawzəm sahaŋ ɓa. 29Yaŋ Abraham azlan sən na: Moyis dit məs kleŋɗe pak tahəŋ vi karban sit wənna, say dəpprəmən gəni. 30Məs arya amna: Vaski ɓa, aw Abraham, an ɗəf disil səkəti əmtayi na, watubiyaŋ. 31Abraham apsən na: An dəpprəmən ma Moyis dit məs kleŋɗe ɓa, asna ko ɗəf disil səkəti əmta ataf nənna ɓa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.