Mwanduso 21
21
Kwelekigwa kwa Isaka
1Mndewa Mulungu kamtemela mate Sala fana viyamulongele. 2Sala kapata wimo na kamwelekela Bulahimu mwana viyakalile mulala. Imwana kelekigwa lusita luja Mulungu loyalongile kezakwelekigwa. 3Bulahimu kamtanga zina jake Isaka, 4Isaka viyakalile na siku nane, Bulahimu kamwingiza ulungwana fana Mulungu viyamulagilize. 5Bulahimu kamweleka Isaka viyakalile na miyaka gana. 6Sala kalonga, “Mndewa Mulungu kanigalila deng'ho na seko. Chila yondayahulike mbuli ino kezaseka na niye.” 7Maabaho Sala kongezela kulonga, “Yelihi yahadahile kumulongela Bulahimu kuwa niye Sala nizakong'heza wana? Mbali nimwelekela mwana wa chilume muna ulala wake.”
8Imwana kakula, na siku viyalekezigwe kong'ha, Bulahimu katenda dugila kulu.
Hajili na Ishumaili wowingigwa
9Siku dimwe Sala kamuwona Ishumaili mwana wa Bulahimu yoyelekigwe na Hajili Mmisili, koseka. 10Sala kawawona na kamulongela Bulahimu, “Msegeze mtumwa ino na mwanage. Mwana wa mwanamke mtumwa hadaha kuhazi hamwe na mwanangu Isaka.” 11Mbuli ino imguma luholozi ng'hani Bulahimu, kwaviya Ishumaili nayo iviya kakala mwanage. 12Mbali Mulungu kamulongela Bulahimu, “Sekeuwe na luholozi kwa ichimu cha mwana ino na Hajili mami yake. Mbuli yoyose yondayakulongele Sala uitende, kwaviya kufosela Isaka kwizakuwa na welesi wonikulaganile. 13Iviya nizampatila wana wengi, mwana wa mtumwa wako wa chike, nizamwing'ha makabila mengi kwaviya iyo nayo mwanago.”
14Igolo yake imitondo Bulahimu kamwing'ha Hajili ndiya na nongo imemile mazi. Kamtwika mwanage mdiyega na kumuwinga hamwe na mami yake. Wasegela na wengila muna dibwilingu da Belisheba. 15Mazi viyamalile yose muna inongo, kamuleka imwana hasi ya mbiki mguhi. 16Nayo kahita kumgwazo utali wa magulu gana. Kuno kolongelela kuna umoyo wake, “Sidaha bule kumuwona mwanangu viyodanganika.” Hajili viyakalile kumgwazo kandusa kulila kwa dizi kulu.
17Mulungu kamuhulika imwana kolila, msenga wa Mulungu kulawa kuulanga kamulongela Hajili, “Kuna uzidilwa waki Hajili? Sekeudumbe kwa viya Mulungu kahulika imbwanga viyolila. 18Ima na umwinule imwana vinogile, mana nizamtenda yawe wasaho wa makabila mengi.” 19Maabaho Mulungu kamgubula yameso Hajili, nayo kawona sima da mazi. Kahita na kaimemeza mazi inongo na kamwing'ha mwanage. 20Mulungu kawa hamwe na imwana, nayo kakula, kakala muna dibwilingu da Palani, iviya kakala galu wa kutowa misale. 21Kakala kuna dibwilingu da Palani, mami yake kamsolela muke kulawa isi ya Misili.
Lagano da Bulahimu na Abimeleki
22Chipindi icho Abimeleki hamwe na Fikoli mkulu wa wakalizi wake, kamulongela Bulahimu, “Mulungu kahamwe na weye kwa chila chinhu chiutenda. 23Ivo ilahile kwa zina da Mulungu kuwa hwizanivwizila niye na wanangu na welesi wangu. Fana niye viniwile mwaminika kumwako, ivo na weye uwe mwaminika kumwangu na kwa isi yuukala.”
24Bulahimu kalonga, “Noilaha.”
25Maabaho Bulahimu kamulongela Abimeleki kwa ichimu cha sima diya dowamuhokile watumwa wa Abimeleki. 26Mbali Abimeleki kamulongela, “Niye sivimanyile bule yelihi yoyatendile vino. Na weye hunilongele bule mbuli zino, hebu sinahulika mbuli zino mbaka diyelo.” 27Maabaho Bulahimu kasola ng'hondolo na ng'ombe lume na kamgolela Abimeleki, nawo waidi weka lagano. 28Bulahimu kawabagula wanang'hondolo wa chike saba, 29Abimeleki kamuuza Bulahimu, “Habali kutenda ivo?”
30Bulahimu kamwidika, “Wanang'hondolo wano wa chike saba, nokwing'ha kwa mkono wangu mwenyewo muladi iwe ukalangama kuwa niye iyo nihimbile sima dino.” 31Hanhu baho hatangigwa Belisheba, fambulo jake, “Sima da kuilahila.”
32Viwakomeleze kutenda lagano uko Belisheba, Abimeleki na Fikoli yakalile mkulu wake wa wakalizi wasegela kubwela kuna iisi ya Wafilisiti. 33Bulahimu kahanda mbiki woutangigwa tamalisiki uko Belisheba na katambika kwa zina da Mndewa Mulungu, Mulungu wa siku zose. 34Bulahimu kakala muna iisi ya Wafilisiti kwa siku nyingi.
Currently Selected:
Mwanduso 21: Ching'hwele
Highlight
Share
Copy
Want to have your highlights saved across all your devices? Sign up or sign in
NT © 2014 Pioneer Bible Translators and The Word for the World
OT © 2019 Pioneer Bible Translators
Mwanduso 21
21
Kwelekigwa kwa Isaka
1Mndewa Mulungu kamtemela mate Sala fana viyamulongele. 2Sala kapata wimo na kamwelekela Bulahimu mwana viyakalile mulala. Imwana kelekigwa lusita luja Mulungu loyalongile kezakwelekigwa. 3Bulahimu kamtanga zina jake Isaka, 4Isaka viyakalile na siku nane, Bulahimu kamwingiza ulungwana fana Mulungu viyamulagilize. 5Bulahimu kamweleka Isaka viyakalile na miyaka gana. 6Sala kalonga, “Mndewa Mulungu kanigalila deng'ho na seko. Chila yondayahulike mbuli ino kezaseka na niye.” 7Maabaho Sala kongezela kulonga, “Yelihi yahadahile kumulongela Bulahimu kuwa niye Sala nizakong'heza wana? Mbali nimwelekela mwana wa chilume muna ulala wake.”
8Imwana kakula, na siku viyalekezigwe kong'ha, Bulahimu katenda dugila kulu.
Hajili na Ishumaili wowingigwa
9Siku dimwe Sala kamuwona Ishumaili mwana wa Bulahimu yoyelekigwe na Hajili Mmisili, koseka. 10Sala kawawona na kamulongela Bulahimu, “Msegeze mtumwa ino na mwanage. Mwana wa mwanamke mtumwa hadaha kuhazi hamwe na mwanangu Isaka.” 11Mbuli ino imguma luholozi ng'hani Bulahimu, kwaviya Ishumaili nayo iviya kakala mwanage. 12Mbali Mulungu kamulongela Bulahimu, “Sekeuwe na luholozi kwa ichimu cha mwana ino na Hajili mami yake. Mbuli yoyose yondayakulongele Sala uitende, kwaviya kufosela Isaka kwizakuwa na welesi wonikulaganile. 13Iviya nizampatila wana wengi, mwana wa mtumwa wako wa chike, nizamwing'ha makabila mengi kwaviya iyo nayo mwanago.”
14Igolo yake imitondo Bulahimu kamwing'ha Hajili ndiya na nongo imemile mazi. Kamtwika mwanage mdiyega na kumuwinga hamwe na mami yake. Wasegela na wengila muna dibwilingu da Belisheba. 15Mazi viyamalile yose muna inongo, kamuleka imwana hasi ya mbiki mguhi. 16Nayo kahita kumgwazo utali wa magulu gana. Kuno kolongelela kuna umoyo wake, “Sidaha bule kumuwona mwanangu viyodanganika.” Hajili viyakalile kumgwazo kandusa kulila kwa dizi kulu.
17Mulungu kamuhulika imwana kolila, msenga wa Mulungu kulawa kuulanga kamulongela Hajili, “Kuna uzidilwa waki Hajili? Sekeudumbe kwa viya Mulungu kahulika imbwanga viyolila. 18Ima na umwinule imwana vinogile, mana nizamtenda yawe wasaho wa makabila mengi.” 19Maabaho Mulungu kamgubula yameso Hajili, nayo kawona sima da mazi. Kahita na kaimemeza mazi inongo na kamwing'ha mwanage. 20Mulungu kawa hamwe na imwana, nayo kakula, kakala muna dibwilingu da Palani, iviya kakala galu wa kutowa misale. 21Kakala kuna dibwilingu da Palani, mami yake kamsolela muke kulawa isi ya Misili.
Lagano da Bulahimu na Abimeleki
22Chipindi icho Abimeleki hamwe na Fikoli mkulu wa wakalizi wake, kamulongela Bulahimu, “Mulungu kahamwe na weye kwa chila chinhu chiutenda. 23Ivo ilahile kwa zina da Mulungu kuwa hwizanivwizila niye na wanangu na welesi wangu. Fana niye viniwile mwaminika kumwako, ivo na weye uwe mwaminika kumwangu na kwa isi yuukala.”
24Bulahimu kalonga, “Noilaha.”
25Maabaho Bulahimu kamulongela Abimeleki kwa ichimu cha sima diya dowamuhokile watumwa wa Abimeleki. 26Mbali Abimeleki kamulongela, “Niye sivimanyile bule yelihi yoyatendile vino. Na weye hunilongele bule mbuli zino, hebu sinahulika mbuli zino mbaka diyelo.” 27Maabaho Bulahimu kasola ng'hondolo na ng'ombe lume na kamgolela Abimeleki, nawo waidi weka lagano. 28Bulahimu kawabagula wanang'hondolo wa chike saba, 29Abimeleki kamuuza Bulahimu, “Habali kutenda ivo?”
30Bulahimu kamwidika, “Wanang'hondolo wano wa chike saba, nokwing'ha kwa mkono wangu mwenyewo muladi iwe ukalangama kuwa niye iyo nihimbile sima dino.” 31Hanhu baho hatangigwa Belisheba, fambulo jake, “Sima da kuilahila.”
32Viwakomeleze kutenda lagano uko Belisheba, Abimeleki na Fikoli yakalile mkulu wake wa wakalizi wasegela kubwela kuna iisi ya Wafilisiti. 33Bulahimu kahanda mbiki woutangigwa tamalisiki uko Belisheba na katambika kwa zina da Mndewa Mulungu, Mulungu wa siku zose. 34Bulahimu kakala muna iisi ya Wafilisiti kwa siku nyingi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT © 2014 Pioneer Bible Translators and The Word for the World
OT © 2019 Pioneer Bible Translators