Luka 12
12
E 'akamatakite'anga nō runga i te tū tāpikipiki
(Mātaio 10.26-27)
1 #
Māt 16.6; Mār 8.15 I te putuputu'anga mai tēta'i urupū tangata 'e manotini i reira, tē takataka'i 'ua rātou i a rātou 'ua'orāi, kua 'akamata atura a Iēsū i te tuatua nā mua ki tāna au pipi, “E matakite i te 'ōpue a te au Phārīsea, 'e tū tāpikipiki te reira. 2#Mār 4.22; Luk 8.17Kāre 'oki 'e mea tāpoki'ia e toe i te 'akakite'ia mai, mē kāre rā, i tāngaro'ia e toe i te kitea'ia mai. 3Nō te mea ē, ko tā kōtou e tuatua i roto i te pōiri ra, e 'akarongo'ia ia i te mārama ra; ē tā kōtou e kō'umu'umu ra ki roto i te taringa i roto i te au pi'a, e kāpiki 'ua'ia ki runga a'o i te au 'are ra.”
Ko 'ai kia mataku'ia
(Mātaio 10.28-31)
4“Ē tē karanga atu nei au ki a kōtou, e taku au 'oa, auraka e mataku i te aronga e tā mai i te kōpapa nei, ē muri i'o i te reira, kāre atu rāi ā rātou e rauka. 5E 'akaāri atu rā au ki a kōtou i tā kōtou e mataku: e mataku kōtou i aia tei aia te mana kia 'uri atu i a kōtou ki te pō ra, i muri ake i te tā'ia'anga o te kōpapa ra. Koia mou, tāku e 'akakite atu ki a kōtou na, e mataku kōtou i aia.
6“Kāre āinei e rima manu rikiriki i 'oko'ia ki ngā tene e rua nei? Ē kāre rāi tēta'i i ngaro i te Atua. 7Ē kua 'ope 'oki te rauru o tō kōtou ūpoko na i te tatau'ia. Auraka māri kōtou e mataku; 'e ma'ata atu tō kōtou meitaki i tō te au kōpekapeka 'e mānganui.”
Te 'a'aki'anga ē te 'u'una'anga i te Mesia
(Mātaio 10.32-33; 12.32; 10.19-20)
8“Tēia rāi taku tuatua ki a kōtou, ko tei 'a'aki i āku ki mua i te aroaro o te tangata nei, e 'a'aki katoa te Tamaiti a te Tangata i aia ki mua i te aroaro o te au 'āngela a te Atua. 9Kāreka tei 'u'una i āku ki mua i te aroaro o te tangata nei, ko te ka 'u'una katoa'ia ki mua i te aroaro o te au 'āngela a te Atua.
10 #
Māt 12.32; Mār 3.29 “Ko tei tuatua 'akakino i te Tamaiti a te Tangata nei, 'e tika ia kia 'akakore'ia te reira; kāreka tei 'akakino i te Vaerua Tapu ra, kāre rava te reira e 'akakore'ia.
11 #
Māt 10.19,20; Mār 13.11; Luk 21.14,15 “Ē kia arataki'ia kōtou ki te au sūnago ki mua i te aroaro o te au 'akavā ē te au tūtara ra, auraka e apiapi i te tū ē te a'a atu o tā kōtou pa'u'anga, mē kāre, 'e a'a tā kōtou ka tuatua; 12nā te Vaerua Tapu e 'āpi'i mai i a kōtou i taua 'ati'anga rāi i tei tau kia karanga atu kōtou.”
Te parabole o te tangata 'apinga nui nēneva
13Kua tuatua maira tēta'i nō taua urupū tangata ra ki a Iēsū, “E te Pū'āpi'i, e tuatua ake ana koe ki tōku tuakana kia tu'a mai aia i tō māua 'apinga.”
14Kua karanga atura a Iēsū ki aia, “E tama, nā 'ai au i 'akariro 'ei 'akavā ē 'ei tu'a 'apinga ki ō kōtou nei?” 15Kua karanga atura aia ki te au tangata, “E 'ākara meitaki ē e matakite i a kōtou i te morimori 'apinga. Kāre 'oki ē tei roto i te nui o tōna 'apinga tō tēta'i tangata ora.”
16Kua taki atura a Iēsū i tēianei parabole, nā kō atura, “'E kāinga 'ua ma'ata tō tēta'i tangata 'apinga nui. 17Kua nā kō akera aia i te 'akaeatu'anga ki roto i aia 'ua'orāi, ‘'E a'a tāku e rave? Kāre 'oki aku vairanga e ō mai ei tāku au kai?’ 18Kua nā kō akera aia, ‘Tēia tāku ka rave: e vāvā'i au i tōku au 'are vairangā kai nei, ka 'akatū atu ei 'ei au mea mama'ata ake, 'ei reira au e 'akaputuputu ei i tāku au kai rava rāi ma tōku au 'apinga, 19ē ka karanga atu ei ki tōku vaerua, E te vaerua ē, 'e 'apinga ma'ata nō te au mata'iti 'e mānganui. E 'akangāro'i mārie, e kaikai, e inu, ē kia rekareka mārie.’ 20Kua tuatua maira rā te Atua ki aia, ‘E tērā ra nēneva ē! 'Ei tēianei rāi pō e tikina'ia mai ei tō'ou vaerua. Nō 'ai i'ora tēnā na au 'apinga tā'au i 'akaputuputu na?’
21“Ko te tū ia o te tangata i 'akaputuputu i te 'apinga nōna 'ua'orāi, ē kāre i ma'ata tōna 'apinga i mua i te Atua ra.”
E 'irinaki ki te Atua
(Mātaio 6.25-34)
22Kua karanga atura 'oki a Iēsū ki tāna au pipi, “Inā 'oki, tē 'akakite atu nei au ki a kōtou, auraka e apiapi i tō kōtou ora, tā kōtou e kai, ē tō kōtou kōpapa i te 'akakāka'u'anga. 23'E ma'ata atu te ora i te kai; ē te kōpapa, 'e ma'ata atu ia i te kāka'u. 24E 'akama'ara i te au manu: kāre rātou e rūrū, ē kāre 'oki e kokoti; kāre 'ua ō rātou pi'a vairangā 'apinga, ē kāre 'oki 'e 'are vairangā kai. Tē 'āngai rāi te Atua i a rātou. Kāre āina ē, 'e meitaki ma'ata atu tō kōtou i tō te au manu o te reva ra? 25Ko 'ai 'oki i a kōtou na e apiapi nei, ka rauka i te 'akatere atu i tōna ora'anga e 'okota'i ake ora? 26Mei te mea ē, kāre e rauka i a kōtou i te rave i tēta'i mea meangiti rava, 'e a'a i reira kōtou ka apiapi atu ei i te au mea kē atu? 27#1 Arik 10.4-7; 2 Par 9.3-6E 'akama'ara i te au lili, tē pē'ea nei tō rātou tupu. Kāre rātou e 'anga'anga, ē kāre 'oki e 'iro. Tē karanga atu nei rā au ki a kōtou, kāre roa a Sōlomona i tōna mānea 'ope i kāka'u'ia mei tēta'i o rātou nei. 28Mei te mea ē, i pērā te Atua i te 'akamānea'anga i te rākau rikiriki o te koro, e vai nei i tēia rā, ē āpōpō e 'uri'ia ki roto i te umu, kāre āinei ma'ata atu tāna 'ākono'anga i a kōtou, e te aronga 'akarongo meangiti nei ē!
29“Auraka kōtou e kimi i tā kōtou ka kai, ē tā kōtou ka inu; auraka e apiapi. 30Ko tā te au 'ētene 'oki ia o tēianei ao e kimi nei. Inā, kua kite tō kōtou Metua ē ka 'inangaro kōtou i aua mea ra. 31Inārā, e kimi kōtou i tōna bāsileia ē e 'ōronga katoa'ia mai aua mea ra ki a kōtou na.”
Te au 'apinga nui o te rangi ra
(Mātaio 6.19-21)
32“Auraka e mataku, e te 'ānana iti ē. 'E mea mareka'ia e tō kōtou Metua i te 'ōronga mai i te bāsileia nō kōtou. 33E 'oko atu i tō kōtou au 'apinga ē e 'ōronga atu ki te puta'ua. E ma'ani i te au kiri moni nā kōtou 'ua'orāi tē kore e piro vave, ē i tēta'i 'apinga nui i te rangi ra tē kāre roa e pou, i te ngā'i e kāre te keiā e tae atu, ē kāre te 'ū'ū e tākinokino atu. 34Nō te mea 'oki ē, ko te ngā'i i vai'o'ia ai tō kōtou na 'apinga nui, tei reira katoa ia tō kōtou ngākau.”
Te au tāvini vai te'ate'amamao
(Mātaio 24.42-44)
35 #
Māt 25.1-13
“Kia tātua'ia tō kōtou taukupu, ē kia vai kakā 'ua tā kōtou au mōrī. 36#Mār 13.34-36Kia vai te'ate'amamao kōtou mei te aronga e tatari i tō rātou pū i te 'oki'anga mai mei te 'akaipoipo'anga ra, ē kia tae mai aia ē te tōpāpā mai, kāre e vata rātou i te 'e'eu atu i te pā ki aia. 37'E ao tō te reira au tāvini i te 'oki'anga mai tō rātou pū, tē tāpapa ra. Koia mou tāku e karanga atu ki a kōtou na, ka tātua aia i aia 'ua'orāi, ē ka tuku atu i a rātou ki te kaingākai ra ma te 'aere mai e raverave atu i te kai nā rātou. 38Ē kia tae mai aia i te pō, i mua ake i te tuaero mē kāre i muri ake, ē ka roko'ia mai ē te pērā ra, 'e ao tō te reira au tāvini! 39#Māt 24.43,44Kia mārama ra kōtou i tēia: nāringa te pū ngutu'are i kite ē 'e a'a te ora e tae mai ei te keiā, kāre aia e 'akatika 'ua atu i tōna 'are kia tomo 'ua'ia mai. 40Ē nō reira, kia vai te'ate'amamao rāi kōtou, nō te mea, i te ora manakokore'ia e kōtou na e tae mai ei te Tamaiti a te Tangata.”
Te tāvini 'irinaki'ia ē te tāvini 'irinakikore'ia
(Mātaio 24.45-51)
41Kua ui atura a Pētero ki a Iēsū, “E te 'Atu, tē tuatua mai āina koe i tēnā na parabole ki a mātou nei, mē ki te tangata kātoatoa āina?”
42Kua pa'u maira te 'Atu, “Ko 'ai te 'aka'aere 'irinaki'ia ē te pakari tā te pū ka tuku ki runga a'o i tōna au tāvini 'ei tu'a i tā rātou tu'anga kai i te ora tau ra? 43'E ao tō te reira tāvini tei roko'ia mai e te pū i tōna 'oki'anga mai ē te pērā ra. 44Tika tikāi tāku e karanga atu ki a kōtou na, ka 'akariro aia i taua tāvini ra 'ei tiaki i tōna au 'apinga rava rāi. 45Inārā, mē tuatua te reira tāvini ki aia 'ua'orāi ē, ‘'E roa tikāi tōku pū i te tae'anga mai,’ i reira aia kua 'akamata atura i te pāpā i te au tāvini tāne ē te au tāvini va'ine, ē te kaikai ma te inuinu e kona 'ua atu, 46ka tae mai te pū o taua tāvini ra i tēta'i rā manakokore'ia e ia ra, ē i tēta'i ora kiteakore'ia e ia. Ka 'akautunga ma'ata aia i taua tāvini ra ē ka tuku atu i aia ki rotopū tikāi i te aronga 'akarongokore katoa ra.
47“Ko te tāvini rā tei kite i te 'inangaro o tōna pū ē kāre rāi e 'akate'ate'amamao, mē kāre ra, kāre e rave i tā te pū e 'inangaro ra, ka pāpā'ia ia 'e mānganui te pāpā'anga. 48Kāreka te tāvini tei kore i kite ra, rave atura rā i te mea tau kia pāpā'ia, 'e iti 'ua tōna pāpā'anga'ia. I tēta'i 'ua atu tangata tei tuku'ia atu te mea ma'ata ra, 'e mea ma'ata katoa ia te ka umuumu'ia mai; ē tā te tangata 'oki i tuku'ia atu te mea ma'ata ra kia 'ākono'ia, 'e ma'ata katoa atu te ka pati'ia atu ki aia ra.”
Ko Iēsū te tumu o te mavete'anga
(Mātaio 10.34-36)
49“I 'aere mai au e 'apai mai i te a'i ki te ao nei. I tōku 'inangaro tikāi kua kā takere ei te reira! 50#Mār 10.38'E bāpetīto'anga ra tōku kia bāpetīto'ia au nei, ē nā te oti roa e kore ei tōku ngunguru'anga. 51Tē manako na āina kōtou ē, i 'aere mai au e 'akatupu i te 'au i te 'enua nei? Kāre rava! Tē karanga atu nei rā au ki a kōtou ē, 'e mavete'anga rā. 52Nō te mea, mei tēianei atu, ka mavete ngā tangata tokorima i te ngutu'are 'okota'i: ko te tokotoru ra ka 'akakē tika mai ki te tokorua, ē ko te tokorua 'oki ka 'akakē mai ki te tokotoru. 53#Mik 7.6E 'akakē te metua tāne ki te tamaiti, ē te tamaiti ki te metua tāne; e 'akakē te metua va'ine ki te tamā'ine, ē te tamā'ine ki te metua va'ine; e 'akakē te metua 'ōngai va'ine ki te 'unōnga va'ine, ē te 'unōnga va'ine ki te metua 'ōngai va'ine.”
Te nakiro'anga i te tuātau
(Mātaio 16.2-3)
54Kua karanga katoa atura a Iēsū ki te tangata tini, “Kia 'ākara kōtou i te tumurangi i te kake'anga mai i te 'opunga rā, kua nā kō i'ora kōtou, ‘Tēnā ka ua,’ ē koia tika rāi. 55Ē kia 'arara mai te matangi tonga kua tuatua i'ora kōtou, ‘Ka riro i te vera,’ e riro atura 'oki ē ko te reira. 56E tērā ra au tangata tāpikipiki ē! Tē kite na kōtou i te 'ākara i te tū o te rangi ē te 'enua nei. 'E a'a i kore ei kōtou i kite i te 'akapāpū i te au tuātau?”
E 'aka'au i a kōrua ko te tangata tei 'oro i a koe
(Mātaio 5.25-26)
57“'E a'a 'oki kōtou 'ua'orāi na i kore ei i 'ākara i tei tika? 58Kia 'aere kōrua ko tēta'i tangata tei 'oro i a koe ki te 'akavā'anga ra, i tō kōrua 'aerenga ra e tīmata pakari i te 'aka'au atu i a kōrua, kia kore aia e mārō atu i a koe ki te 'akavā nui ra, ē kia kore te 'akavā nui e tuku atu i a koe ki te 'akavā, ē kia kore te 'akavā e titiri atu i a koe ki roto i te 'are 'āuri. 59E 'akakite atu au ki a koe, kāre rava koe e tukuna'ia mai ki va'o e 'ope 'ua atu tō'ou utunga i te tūtakina'ia ki te tene 'openga.”
Currently Selected:
Luka 12: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Luka 12
12
E 'akamatakite'anga nō runga i te tū tāpikipiki
(Mātaio 10.26-27)
1 #
Māt 16.6; Mār 8.15 I te putuputu'anga mai tēta'i urupū tangata 'e manotini i reira, tē takataka'i 'ua rātou i a rātou 'ua'orāi, kua 'akamata atura a Iēsū i te tuatua nā mua ki tāna au pipi, “E matakite i te 'ōpue a te au Phārīsea, 'e tū tāpikipiki te reira. 2#Mār 4.22; Luk 8.17Kāre 'oki 'e mea tāpoki'ia e toe i te 'akakite'ia mai, mē kāre rā, i tāngaro'ia e toe i te kitea'ia mai. 3Nō te mea ē, ko tā kōtou e tuatua i roto i te pōiri ra, e 'akarongo'ia ia i te mārama ra; ē tā kōtou e kō'umu'umu ra ki roto i te taringa i roto i te au pi'a, e kāpiki 'ua'ia ki runga a'o i te au 'are ra.”
Ko 'ai kia mataku'ia
(Mātaio 10.28-31)
4“Ē tē karanga atu nei au ki a kōtou, e taku au 'oa, auraka e mataku i te aronga e tā mai i te kōpapa nei, ē muri i'o i te reira, kāre atu rāi ā rātou e rauka. 5E 'akaāri atu rā au ki a kōtou i tā kōtou e mataku: e mataku kōtou i aia tei aia te mana kia 'uri atu i a kōtou ki te pō ra, i muri ake i te tā'ia'anga o te kōpapa ra. Koia mou, tāku e 'akakite atu ki a kōtou na, e mataku kōtou i aia.
6“Kāre āinei e rima manu rikiriki i 'oko'ia ki ngā tene e rua nei? Ē kāre rāi tēta'i i ngaro i te Atua. 7Ē kua 'ope 'oki te rauru o tō kōtou ūpoko na i te tatau'ia. Auraka māri kōtou e mataku; 'e ma'ata atu tō kōtou meitaki i tō te au kōpekapeka 'e mānganui.”
Te 'a'aki'anga ē te 'u'una'anga i te Mesia
(Mātaio 10.32-33; 12.32; 10.19-20)
8“Tēia rāi taku tuatua ki a kōtou, ko tei 'a'aki i āku ki mua i te aroaro o te tangata nei, e 'a'aki katoa te Tamaiti a te Tangata i aia ki mua i te aroaro o te au 'āngela a te Atua. 9Kāreka tei 'u'una i āku ki mua i te aroaro o te tangata nei, ko te ka 'u'una katoa'ia ki mua i te aroaro o te au 'āngela a te Atua.
10 #
Māt 12.32; Mār 3.29 “Ko tei tuatua 'akakino i te Tamaiti a te Tangata nei, 'e tika ia kia 'akakore'ia te reira; kāreka tei 'akakino i te Vaerua Tapu ra, kāre rava te reira e 'akakore'ia.
11 #
Māt 10.19,20; Mār 13.11; Luk 21.14,15 “Ē kia arataki'ia kōtou ki te au sūnago ki mua i te aroaro o te au 'akavā ē te au tūtara ra, auraka e apiapi i te tū ē te a'a atu o tā kōtou pa'u'anga, mē kāre, 'e a'a tā kōtou ka tuatua; 12nā te Vaerua Tapu e 'āpi'i mai i a kōtou i taua 'ati'anga rāi i tei tau kia karanga atu kōtou.”
Te parabole o te tangata 'apinga nui nēneva
13Kua tuatua maira tēta'i nō taua urupū tangata ra ki a Iēsū, “E te Pū'āpi'i, e tuatua ake ana koe ki tōku tuakana kia tu'a mai aia i tō māua 'apinga.”
14Kua karanga atura a Iēsū ki aia, “E tama, nā 'ai au i 'akariro 'ei 'akavā ē 'ei tu'a 'apinga ki ō kōtou nei?” 15Kua karanga atura aia ki te au tangata, “E 'ākara meitaki ē e matakite i a kōtou i te morimori 'apinga. Kāre 'oki ē tei roto i te nui o tōna 'apinga tō tēta'i tangata ora.”
16Kua taki atura a Iēsū i tēianei parabole, nā kō atura, “'E kāinga 'ua ma'ata tō tēta'i tangata 'apinga nui. 17Kua nā kō akera aia i te 'akaeatu'anga ki roto i aia 'ua'orāi, ‘'E a'a tāku e rave? Kāre 'oki aku vairanga e ō mai ei tāku au kai?’ 18Kua nā kō akera aia, ‘Tēia tāku ka rave: e vāvā'i au i tōku au 'are vairangā kai nei, ka 'akatū atu ei 'ei au mea mama'ata ake, 'ei reira au e 'akaputuputu ei i tāku au kai rava rāi ma tōku au 'apinga, 19ē ka karanga atu ei ki tōku vaerua, E te vaerua ē, 'e 'apinga ma'ata nō te au mata'iti 'e mānganui. E 'akangāro'i mārie, e kaikai, e inu, ē kia rekareka mārie.’ 20Kua tuatua maira rā te Atua ki aia, ‘E tērā ra nēneva ē! 'Ei tēianei rāi pō e tikina'ia mai ei tō'ou vaerua. Nō 'ai i'ora tēnā na au 'apinga tā'au i 'akaputuputu na?’
21“Ko te tū ia o te tangata i 'akaputuputu i te 'apinga nōna 'ua'orāi, ē kāre i ma'ata tōna 'apinga i mua i te Atua ra.”
E 'irinaki ki te Atua
(Mātaio 6.25-34)
22Kua karanga atura 'oki a Iēsū ki tāna au pipi, “Inā 'oki, tē 'akakite atu nei au ki a kōtou, auraka e apiapi i tō kōtou ora, tā kōtou e kai, ē tō kōtou kōpapa i te 'akakāka'u'anga. 23'E ma'ata atu te ora i te kai; ē te kōpapa, 'e ma'ata atu ia i te kāka'u. 24E 'akama'ara i te au manu: kāre rātou e rūrū, ē kāre 'oki e kokoti; kāre 'ua ō rātou pi'a vairangā 'apinga, ē kāre 'oki 'e 'are vairangā kai. Tē 'āngai rāi te Atua i a rātou. Kāre āina ē, 'e meitaki ma'ata atu tō kōtou i tō te au manu o te reva ra? 25Ko 'ai 'oki i a kōtou na e apiapi nei, ka rauka i te 'akatere atu i tōna ora'anga e 'okota'i ake ora? 26Mei te mea ē, kāre e rauka i a kōtou i te rave i tēta'i mea meangiti rava, 'e a'a i reira kōtou ka apiapi atu ei i te au mea kē atu? 27#1 Arik 10.4-7; 2 Par 9.3-6E 'akama'ara i te au lili, tē pē'ea nei tō rātou tupu. Kāre rātou e 'anga'anga, ē kāre 'oki e 'iro. Tē karanga atu nei rā au ki a kōtou, kāre roa a Sōlomona i tōna mānea 'ope i kāka'u'ia mei tēta'i o rātou nei. 28Mei te mea ē, i pērā te Atua i te 'akamānea'anga i te rākau rikiriki o te koro, e vai nei i tēia rā, ē āpōpō e 'uri'ia ki roto i te umu, kāre āinei ma'ata atu tāna 'ākono'anga i a kōtou, e te aronga 'akarongo meangiti nei ē!
29“Auraka kōtou e kimi i tā kōtou ka kai, ē tā kōtou ka inu; auraka e apiapi. 30Ko tā te au 'ētene 'oki ia o tēianei ao e kimi nei. Inā, kua kite tō kōtou Metua ē ka 'inangaro kōtou i aua mea ra. 31Inārā, e kimi kōtou i tōna bāsileia ē e 'ōronga katoa'ia mai aua mea ra ki a kōtou na.”
Te au 'apinga nui o te rangi ra
(Mātaio 6.19-21)
32“Auraka e mataku, e te 'ānana iti ē. 'E mea mareka'ia e tō kōtou Metua i te 'ōronga mai i te bāsileia nō kōtou. 33E 'oko atu i tō kōtou au 'apinga ē e 'ōronga atu ki te puta'ua. E ma'ani i te au kiri moni nā kōtou 'ua'orāi tē kore e piro vave, ē i tēta'i 'apinga nui i te rangi ra tē kāre roa e pou, i te ngā'i e kāre te keiā e tae atu, ē kāre te 'ū'ū e tākinokino atu. 34Nō te mea 'oki ē, ko te ngā'i i vai'o'ia ai tō kōtou na 'apinga nui, tei reira katoa ia tō kōtou ngākau.”
Te au tāvini vai te'ate'amamao
(Mātaio 24.42-44)
35 #
Māt 25.1-13
“Kia tātua'ia tō kōtou taukupu, ē kia vai kakā 'ua tā kōtou au mōrī. 36#Mār 13.34-36Kia vai te'ate'amamao kōtou mei te aronga e tatari i tō rātou pū i te 'oki'anga mai mei te 'akaipoipo'anga ra, ē kia tae mai aia ē te tōpāpā mai, kāre e vata rātou i te 'e'eu atu i te pā ki aia. 37'E ao tō te reira au tāvini i te 'oki'anga mai tō rātou pū, tē tāpapa ra. Koia mou tāku e karanga atu ki a kōtou na, ka tātua aia i aia 'ua'orāi, ē ka tuku atu i a rātou ki te kaingākai ra ma te 'aere mai e raverave atu i te kai nā rātou. 38Ē kia tae mai aia i te pō, i mua ake i te tuaero mē kāre i muri ake, ē ka roko'ia mai ē te pērā ra, 'e ao tō te reira au tāvini! 39#Māt 24.43,44Kia mārama ra kōtou i tēia: nāringa te pū ngutu'are i kite ē 'e a'a te ora e tae mai ei te keiā, kāre aia e 'akatika 'ua atu i tōna 'are kia tomo 'ua'ia mai. 40Ē nō reira, kia vai te'ate'amamao rāi kōtou, nō te mea, i te ora manakokore'ia e kōtou na e tae mai ei te Tamaiti a te Tangata.”
Te tāvini 'irinaki'ia ē te tāvini 'irinakikore'ia
(Mātaio 24.45-51)
41Kua ui atura a Pētero ki a Iēsū, “E te 'Atu, tē tuatua mai āina koe i tēnā na parabole ki a mātou nei, mē ki te tangata kātoatoa āina?”
42Kua pa'u maira te 'Atu, “Ko 'ai te 'aka'aere 'irinaki'ia ē te pakari tā te pū ka tuku ki runga a'o i tōna au tāvini 'ei tu'a i tā rātou tu'anga kai i te ora tau ra? 43'E ao tō te reira tāvini tei roko'ia mai e te pū i tōna 'oki'anga mai ē te pērā ra. 44Tika tikāi tāku e karanga atu ki a kōtou na, ka 'akariro aia i taua tāvini ra 'ei tiaki i tōna au 'apinga rava rāi. 45Inārā, mē tuatua te reira tāvini ki aia 'ua'orāi ē, ‘'E roa tikāi tōku pū i te tae'anga mai,’ i reira aia kua 'akamata atura i te pāpā i te au tāvini tāne ē te au tāvini va'ine, ē te kaikai ma te inuinu e kona 'ua atu, 46ka tae mai te pū o taua tāvini ra i tēta'i rā manakokore'ia e ia ra, ē i tēta'i ora kiteakore'ia e ia. Ka 'akautunga ma'ata aia i taua tāvini ra ē ka tuku atu i aia ki rotopū tikāi i te aronga 'akarongokore katoa ra.
47“Ko te tāvini rā tei kite i te 'inangaro o tōna pū ē kāre rāi e 'akate'ate'amamao, mē kāre ra, kāre e rave i tā te pū e 'inangaro ra, ka pāpā'ia ia 'e mānganui te pāpā'anga. 48Kāreka te tāvini tei kore i kite ra, rave atura rā i te mea tau kia pāpā'ia, 'e iti 'ua tōna pāpā'anga'ia. I tēta'i 'ua atu tangata tei tuku'ia atu te mea ma'ata ra, 'e mea ma'ata katoa ia te ka umuumu'ia mai; ē tā te tangata 'oki i tuku'ia atu te mea ma'ata ra kia 'ākono'ia, 'e ma'ata katoa atu te ka pati'ia atu ki aia ra.”
Ko Iēsū te tumu o te mavete'anga
(Mātaio 10.34-36)
49“I 'aere mai au e 'apai mai i te a'i ki te ao nei. I tōku 'inangaro tikāi kua kā takere ei te reira! 50#Mār 10.38'E bāpetīto'anga ra tōku kia bāpetīto'ia au nei, ē nā te oti roa e kore ei tōku ngunguru'anga. 51Tē manako na āina kōtou ē, i 'aere mai au e 'akatupu i te 'au i te 'enua nei? Kāre rava! Tē karanga atu nei rā au ki a kōtou ē, 'e mavete'anga rā. 52Nō te mea, mei tēianei atu, ka mavete ngā tangata tokorima i te ngutu'are 'okota'i: ko te tokotoru ra ka 'akakē tika mai ki te tokorua, ē ko te tokorua 'oki ka 'akakē mai ki te tokotoru. 53#Mik 7.6E 'akakē te metua tāne ki te tamaiti, ē te tamaiti ki te metua tāne; e 'akakē te metua va'ine ki te tamā'ine, ē te tamā'ine ki te metua va'ine; e 'akakē te metua 'ōngai va'ine ki te 'unōnga va'ine, ē te 'unōnga va'ine ki te metua 'ōngai va'ine.”
Te nakiro'anga i te tuātau
(Mātaio 16.2-3)
54Kua karanga katoa atura a Iēsū ki te tangata tini, “Kia 'ākara kōtou i te tumurangi i te kake'anga mai i te 'opunga rā, kua nā kō i'ora kōtou, ‘Tēnā ka ua,’ ē koia tika rāi. 55Ē kia 'arara mai te matangi tonga kua tuatua i'ora kōtou, ‘Ka riro i te vera,’ e riro atura 'oki ē ko te reira. 56E tērā ra au tangata tāpikipiki ē! Tē kite na kōtou i te 'ākara i te tū o te rangi ē te 'enua nei. 'E a'a i kore ei kōtou i kite i te 'akapāpū i te au tuātau?”
E 'aka'au i a kōrua ko te tangata tei 'oro i a koe
(Mātaio 5.25-26)
57“'E a'a 'oki kōtou 'ua'orāi na i kore ei i 'ākara i tei tika? 58Kia 'aere kōrua ko tēta'i tangata tei 'oro i a koe ki te 'akavā'anga ra, i tō kōrua 'aerenga ra e tīmata pakari i te 'aka'au atu i a kōrua, kia kore aia e mārō atu i a koe ki te 'akavā nui ra, ē kia kore te 'akavā nui e tuku atu i a koe ki te 'akavā, ē kia kore te 'akavā e titiri atu i a koe ki roto i te 'are 'āuri. 59E 'akakite atu au ki a koe, kāre rava koe e tukuna'ia mai ki va'o e 'ope 'ua atu tō'ou utunga i te tūtakina'ia ki te tene 'openga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.