Luka 24
24
Te tū'aka'ou'anga o Iēsū
(Mātaio 28.1-10; Māreko 16.1-8; Ioane 20.1-10)
1I te rā mua o te 'ebedoma, i te 'ākirāta roa ra, kua 'aere atura te au va'ine ki te mēnema ra ma te rākau kakara tā rātou i 'akate'ate'amamao ra. 2Kua kitea'ia e rātou ē, kua 'uri kē'ia te toka mei te mēnema ra. 3Ē tei tō rātou tomo'anga ki roto ra, kāre 'ua te kōpapa o te 'Atu ra ko Iēsū. 4I a rātou e kō'iri'iriā 'ua ra i tēianei mea ra, tē tū 'ua maira e rua tangata i vaitata i a rātou ma te kāka'u kakā. 5Nō tō rātou mataku, kua tūpou i'ora te au va'ine i tō rātou mata ki raro i te one, ē kua tuatua maira ngā tangata ra ki a rātou, “'E a'a kōtou i kimi ei i tei ora i rotopū i tei mate ra? 6#Māt 16.21; 17.22,23; 20.18,19; Mār 8.31; 9.31; 10.33,34; Luk 9.22; 18.31-33Kāre aia i konei. Kua tū'aka'ou ake nei ra aia ki runga! E 'akama'ara i tāna i tuatua mai ki a kōtou ra, i aia i no'o i Galilea ra, 7i te nā kō'anga mai ē, ‘Ka tuku'ia atu te Tamaiti a te Tangata nei ki te rima o te aronga rave 'ara e tikāi, ē e 'akasātauro'ia, ē kia tae ki te pō toru ra e tū 'aka'ou mai ei.’ ”
8I reira tō rātou ma'ara'anga i aua tuatua nāna ra. 9Kua 'oki maira rātou mei te mēnema maira, ē kua 'akakitekite maira rātou i te au mea kātoatoa ra ki te tino nga'uru mā ta'i ra, ē ki te kātoatoa rava 'oki. 10Ko te au va'ine, ko Māria i Māgadala, ko Ioana, ē ko Māria te metua va'ine o Iākōbo, ma ēta'i kē atu i kāpiti'ia ki a rātou ra. Nā rātou 'oki i 'akakitekite mai i aua mea ra ki te au 'āpōsetolo. 11Kāre rā te 'au 'āpōsetolo i 'irinaki i tā te au va'ine ra, nō te mea, mei te tuatua tā'eke 'ua ra te reira tuatua i tō rātou manako'anga. 12Kāreka a Pētero, tū akera aia ki runga ē 'oro atura ki te mēnema ra, ē i te piko'anga atu aia ki raro, kua kite atura aia i te au kāka'u va'ī e vai anake 'ua ra. Ē kua 'oki maira aia ma te ūmeremere i roto i aia 'ua'orāi i tei tupu ra.
I runga i te mataara ki Ēmausa
(Māreko 16.12-13)
13Ē inā, i taua rā rāi kua 'aere atura tēta'i tokorua o te au pipi ki tēta'i 'ōire, ko Ēmausa te ingoa, e 'itu maire te mamao mei Iērūsalēma mai. 14Ē tē tuatua 'ua ra rāua i aua mea rava rāi i tupu ra. 15I a rāua e tuatua ra ma te 'uri'uri manako i ēia mea ra, kua 'akavaitata mai a Iēsū i reira a'o, ē kua 'aere kāpiti atura ma rāua katoa. 16Kua 'akakore'ia rā te kite i tō rāua mata, ē kāre atura rāua i kite ē ko ia tēia. 17Kua ui maira a Iēsū ki a rāua, “'E a'a tēnā na tā kōrua e tuatua nei, i a kōrua e 'aere ana?”
Kua tū 'ua i'ora rāua ma te iri'ea. 18Kua pa'u atura tēta'i i a rāua, ko Keleopa te ingoa, nā kō atura ki aia, “Ko koe anake 'ua pa'a te tangata kē e no'o i Iērūsalēma nei tei kore i kite i te au mea i tupu ki reira i ēia ngā rā?”
19Kua ui maira aia, “'E a'a ia mea?”
Kua pa'u atura rāua, “Nō runga i a Iēsū o Nāzarēta ra. 'E peroveta 'oki aia ē te mana i te tuatua ma te rave'anga i mua i te aroaro o te Atua ē te tangata kātoatoa 'oki. 20Ē tō tātou kau ta'unga nunui ē te au tūtara i te tuku'anga atu i aia kia 'akautunga'ia kia mate, ē kua 'akasātauro atu rātou i aia. 21I manako mātou ē, ko ia te ka 'akaora i a Īserā'ela nei. Ē tēia 'oki tēta'i: ko te toru o te rā i rave'ia ai aua mea ra, 22ē i pō'itirere mātou i ēta'i va'ine i ō mātou nei, ko tei 'aere atu i te 'ākirāta ki te mēnema ra, 23kāre rā rātou i kite ana i tōna kōpapa. Kua 'oki maira rātou, ē kua 'akakite maira ki a mātou ē, i kite ana rātou i ēta'i 'āngela i roto i tēta'i 'ōrama tei 'akakite mai ē kua ora ake nei aia. 24I reira, 'aere atura ēta'i o mātou ki te mēnema ra, ē kua kite atura mei tā te au va'ine rāi i 'akakite mai, ko ia rā kāre rātou i kite ana.”
25Kua nā kō maira a Iēsū ki a rāua, “Auē ia ngā tangata 'āuouō ē te ngākau mārie i te 'irinaki i te au mea kātoatoa tā te au peroveta i 'akakite maira! 26Kāre āina kia 'akapērā'ia tō te Mesia ra mate e tikāi, ka tomo atu ei aia ki roto i tōna kakā?” 27'Akamārama maira aia ki a rāua mei a Mōse mai ē mei te au peroveta kātoatoa mai i te au tuatua kātoatoa nōna 'ua'orāi i tātā'ia ra.
28E vaitata atura rātou ki te 'ōire tā rātou e 'akakoro ra, kua 'aka'aere mamao atura a Iēsū i aia. 29Kua mānono atura rā rāua i aia, nā kō atura, “E no'o anake tātou, kua a'ia'i 'oki ē tē pō atura te rā.” I reira, kua tāpae atura aia, e no'o i'ora ki a rāua ra. 30Ē i tōna no'o'anga ē rāua katoa ki te kaingākai ra, kua rave akera aia i te varāoa, kua 'akameitaki atura, vāvā'i i'ora, tuku atura ki a rāua ra. 31'Akapu'era'ia akera ō rāua mata i reira, ē kua kite atura rāua ē ko ia tikāi; ē e ngaro kē atura aia mei mua i a rāua. 32Kua uiui akera rāua ki a rāua 'ua'orāi, “Kāre āina i ma'ana mai ana ō tāua ngākau i aia e tuatua maira ki a tāua i te arāta'a ra ē te 'akataka mai ki a tāua i te tuatua i tātā'ia ra?”
33Kua tū akera rāua ki runga ē kua 'oki atura i taua 'ati'anga rāi ki Iērūsalēma, ē roko'ia atura e rāua te tino nga'uru mā ta'i ra, tē putuputu ra ma tō rātou katoa, 34nā kō atura, “'E tika tikāi tēia! Kua tū'aka'ou ake nei te 'Atu ē kua 'akaāri mai i aia ki a Simona!”
35I reira kua taki atura rāua i te au mea tei tupu i te arāta'a ra, ē tō Iēsū kitea'anga e rāua i tōna vāvā'i'anga i te varāoa ra.
Tē 'akaāri nei a Iēsū i aia 'ua'orāi ki tāna au pipi
(Mātaio 28.16-20; Māreko 16.14-18; Ioane 20.19-23; 'Anga'anga 1.6-8)
36I ngā pipi e taki ra i tei tupu, ko Iēsū 'ua'orāi i tū mai i rotopū i a rātou, ē kua nā kō maira ki a rātou, “'Ei 'au ki a kōtou.”
37Kua pō'itirere akera rātou ma te mataku i te manako'anga ē 'e tūpāpaku tei kitea e rātou. 38Kua tuatua maira aia ki a rātou, “'E a'a kōtou i mataku ei? Ē 'e a'a te manako 'ēkōkō i tupu ei ki roto i ō kōtou ngākau na? 39Ka 'ākara mai ana i ōku rima ē ōku vaevae. Ko au 'ua'orāi 'oki tēia! Ka 'ā'ā mai ana i āku kia kite kōtou. Kāre 'oki ō te tūpāpaku kiko ē te ivi, mei tā kōtou e kite mai i āku nei.”
40Ē i tōna tuatua'anga atu i tēia, kua 'akaāri atura aia i ōna rima ē ōna vaevae ki a rātou. 41Ē i a rātou kāre i 'irinaki tikāi ake i tēia mea nei nō te rekareka ē te ūmeremere, kua ui maira a Iēsū ki a rātou, “'E 'apinga āinei tā kōtou i konei 'ei kai?” 42Kua tuku atura rātou i tēta'i mānga ika tunutunu nāna, 43ē kua rave i'ora aia, kai i'ora i te reira ki mua i a rātou ra.
44Kua tuatua maira aia ki a rātou, “Ko tāku tēia i 'akakite atu ana ki a kōtou, i āku i te no'o'anga ki ō kōtou nei ē, ‘Ka 'akatupu'ia tikāi te au mea kātoatoa tei tātā'ia nōku nei ki roto i te Ture a Mōse, ē tā te au peroveta ra, ē te au Salamo ra.’ ”
45Kua 'akamārama atura aia i tō rātou ngākau kia nakiro tikāi rātou i te tuatua i tātā'ia ra. 46Kua nā kō maira aia ki a rātou, “Ko tēia 'oki tei tātā'ia ra: Ka tākinga kino'ia te Mesia ē ka tū'aka'ou mai mei te mate mai i te pō toru ra, 47ē ka tūtū 'aere'ia te tuatua o te tatarā'ara nō te 'akakore'angā 'ara i roto i tōna ingoa ki te au 'iti tangata rava rāi, ē kia 'akamata'ia mei Iērūsalēma atu nei. 48Ē ko kōtou rāi 'oki te au kite i ēia mea nei. 49#Anga 1.4Ē inā, nāku e tono mai ki a kōtou i tā taku Metua i taputo'u maira. E no'o rā kōtou ki roto i te 'ōire nei kia 'akakī roa'ia mai kōtou e te mana nō runga mai.”
Tō Iēsū 'oki'anga ki te rangi
(Māreko 16.19-20; 'Anga'anga 1.9-11)
50 #
Anga 1.9-11
I muri ake i tō Iēsū arataki'anga atu i tāna au pipi ki va'o, e vaitata a'o atu ki Bētānia ra, kua taki akera aia i ōna rima ki runga, ē kua 'akameitaki maira i a rātou. 51I aia e 'akameitaki maira i a rātou ra, i rave'ia mai ei aia ē 'apaina'ia atura ki runga i te rangi. 52Ē kua 'akamori 'aere atura rātou i aia ē 'oki atura ki Iērūsalēma ma te rekareka ma'ata. 53Ē kua no'o tāmou 'ua rāi rātou ki roto i te 'iero nō te 'akameitaki i te Atua.
Currently Selected:
Luka 24: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Luka 24
24
Te tū'aka'ou'anga o Iēsū
(Mātaio 28.1-10; Māreko 16.1-8; Ioane 20.1-10)
1I te rā mua o te 'ebedoma, i te 'ākirāta roa ra, kua 'aere atura te au va'ine ki te mēnema ra ma te rākau kakara tā rātou i 'akate'ate'amamao ra. 2Kua kitea'ia e rātou ē, kua 'uri kē'ia te toka mei te mēnema ra. 3Ē tei tō rātou tomo'anga ki roto ra, kāre 'ua te kōpapa o te 'Atu ra ko Iēsū. 4I a rātou e kō'iri'iriā 'ua ra i tēianei mea ra, tē tū 'ua maira e rua tangata i vaitata i a rātou ma te kāka'u kakā. 5Nō tō rātou mataku, kua tūpou i'ora te au va'ine i tō rātou mata ki raro i te one, ē kua tuatua maira ngā tangata ra ki a rātou, “'E a'a kōtou i kimi ei i tei ora i rotopū i tei mate ra? 6#Māt 16.21; 17.22,23; 20.18,19; Mār 8.31; 9.31; 10.33,34; Luk 9.22; 18.31-33Kāre aia i konei. Kua tū'aka'ou ake nei ra aia ki runga! E 'akama'ara i tāna i tuatua mai ki a kōtou ra, i aia i no'o i Galilea ra, 7i te nā kō'anga mai ē, ‘Ka tuku'ia atu te Tamaiti a te Tangata nei ki te rima o te aronga rave 'ara e tikāi, ē e 'akasātauro'ia, ē kia tae ki te pō toru ra e tū 'aka'ou mai ei.’ ”
8I reira tō rātou ma'ara'anga i aua tuatua nāna ra. 9Kua 'oki maira rātou mei te mēnema maira, ē kua 'akakitekite maira rātou i te au mea kātoatoa ra ki te tino nga'uru mā ta'i ra, ē ki te kātoatoa rava 'oki. 10Ko te au va'ine, ko Māria i Māgadala, ko Ioana, ē ko Māria te metua va'ine o Iākōbo, ma ēta'i kē atu i kāpiti'ia ki a rātou ra. Nā rātou 'oki i 'akakitekite mai i aua mea ra ki te au 'āpōsetolo. 11Kāre rā te 'au 'āpōsetolo i 'irinaki i tā te au va'ine ra, nō te mea, mei te tuatua tā'eke 'ua ra te reira tuatua i tō rātou manako'anga. 12Kāreka a Pētero, tū akera aia ki runga ē 'oro atura ki te mēnema ra, ē i te piko'anga atu aia ki raro, kua kite atura aia i te au kāka'u va'ī e vai anake 'ua ra. Ē kua 'oki maira aia ma te ūmeremere i roto i aia 'ua'orāi i tei tupu ra.
I runga i te mataara ki Ēmausa
(Māreko 16.12-13)
13Ē inā, i taua rā rāi kua 'aere atura tēta'i tokorua o te au pipi ki tēta'i 'ōire, ko Ēmausa te ingoa, e 'itu maire te mamao mei Iērūsalēma mai. 14Ē tē tuatua 'ua ra rāua i aua mea rava rāi i tupu ra. 15I a rāua e tuatua ra ma te 'uri'uri manako i ēia mea ra, kua 'akavaitata mai a Iēsū i reira a'o, ē kua 'aere kāpiti atura ma rāua katoa. 16Kua 'akakore'ia rā te kite i tō rāua mata, ē kāre atura rāua i kite ē ko ia tēia. 17Kua ui maira a Iēsū ki a rāua, “'E a'a tēnā na tā kōrua e tuatua nei, i a kōrua e 'aere ana?”
Kua tū 'ua i'ora rāua ma te iri'ea. 18Kua pa'u atura tēta'i i a rāua, ko Keleopa te ingoa, nā kō atura ki aia, “Ko koe anake 'ua pa'a te tangata kē e no'o i Iērūsalēma nei tei kore i kite i te au mea i tupu ki reira i ēia ngā rā?”
19Kua ui maira aia, “'E a'a ia mea?”
Kua pa'u atura rāua, “Nō runga i a Iēsū o Nāzarēta ra. 'E peroveta 'oki aia ē te mana i te tuatua ma te rave'anga i mua i te aroaro o te Atua ē te tangata kātoatoa 'oki. 20Ē tō tātou kau ta'unga nunui ē te au tūtara i te tuku'anga atu i aia kia 'akautunga'ia kia mate, ē kua 'akasātauro atu rātou i aia. 21I manako mātou ē, ko ia te ka 'akaora i a Īserā'ela nei. Ē tēia 'oki tēta'i: ko te toru o te rā i rave'ia ai aua mea ra, 22ē i pō'itirere mātou i ēta'i va'ine i ō mātou nei, ko tei 'aere atu i te 'ākirāta ki te mēnema ra, 23kāre rā rātou i kite ana i tōna kōpapa. Kua 'oki maira rātou, ē kua 'akakite maira ki a mātou ē, i kite ana rātou i ēta'i 'āngela i roto i tēta'i 'ōrama tei 'akakite mai ē kua ora ake nei aia. 24I reira, 'aere atura ēta'i o mātou ki te mēnema ra, ē kua kite atura mei tā te au va'ine rāi i 'akakite mai, ko ia rā kāre rātou i kite ana.”
25Kua nā kō maira a Iēsū ki a rāua, “Auē ia ngā tangata 'āuouō ē te ngākau mārie i te 'irinaki i te au mea kātoatoa tā te au peroveta i 'akakite maira! 26Kāre āina kia 'akapērā'ia tō te Mesia ra mate e tikāi, ka tomo atu ei aia ki roto i tōna kakā?” 27'Akamārama maira aia ki a rāua mei a Mōse mai ē mei te au peroveta kātoatoa mai i te au tuatua kātoatoa nōna 'ua'orāi i tātā'ia ra.
28E vaitata atura rātou ki te 'ōire tā rātou e 'akakoro ra, kua 'aka'aere mamao atura a Iēsū i aia. 29Kua mānono atura rā rāua i aia, nā kō atura, “E no'o anake tātou, kua a'ia'i 'oki ē tē pō atura te rā.” I reira, kua tāpae atura aia, e no'o i'ora ki a rāua ra. 30Ē i tōna no'o'anga ē rāua katoa ki te kaingākai ra, kua rave akera aia i te varāoa, kua 'akameitaki atura, vāvā'i i'ora, tuku atura ki a rāua ra. 31'Akapu'era'ia akera ō rāua mata i reira, ē kua kite atura rāua ē ko ia tikāi; ē e ngaro kē atura aia mei mua i a rāua. 32Kua uiui akera rāua ki a rāua 'ua'orāi, “Kāre āina i ma'ana mai ana ō tāua ngākau i aia e tuatua maira ki a tāua i te arāta'a ra ē te 'akataka mai ki a tāua i te tuatua i tātā'ia ra?”
33Kua tū akera rāua ki runga ē kua 'oki atura i taua 'ati'anga rāi ki Iērūsalēma, ē roko'ia atura e rāua te tino nga'uru mā ta'i ra, tē putuputu ra ma tō rātou katoa, 34nā kō atura, “'E tika tikāi tēia! Kua tū'aka'ou ake nei te 'Atu ē kua 'akaāri mai i aia ki a Simona!”
35I reira kua taki atura rāua i te au mea tei tupu i te arāta'a ra, ē tō Iēsū kitea'anga e rāua i tōna vāvā'i'anga i te varāoa ra.
Tē 'akaāri nei a Iēsū i aia 'ua'orāi ki tāna au pipi
(Mātaio 28.16-20; Māreko 16.14-18; Ioane 20.19-23; 'Anga'anga 1.6-8)
36I ngā pipi e taki ra i tei tupu, ko Iēsū 'ua'orāi i tū mai i rotopū i a rātou, ē kua nā kō maira ki a rātou, “'Ei 'au ki a kōtou.”
37Kua pō'itirere akera rātou ma te mataku i te manako'anga ē 'e tūpāpaku tei kitea e rātou. 38Kua tuatua maira aia ki a rātou, “'E a'a kōtou i mataku ei? Ē 'e a'a te manako 'ēkōkō i tupu ei ki roto i ō kōtou ngākau na? 39Ka 'ākara mai ana i ōku rima ē ōku vaevae. Ko au 'ua'orāi 'oki tēia! Ka 'ā'ā mai ana i āku kia kite kōtou. Kāre 'oki ō te tūpāpaku kiko ē te ivi, mei tā kōtou e kite mai i āku nei.”
40Ē i tōna tuatua'anga atu i tēia, kua 'akaāri atura aia i ōna rima ē ōna vaevae ki a rātou. 41Ē i a rātou kāre i 'irinaki tikāi ake i tēia mea nei nō te rekareka ē te ūmeremere, kua ui maira a Iēsū ki a rātou, “'E 'apinga āinei tā kōtou i konei 'ei kai?” 42Kua tuku atura rātou i tēta'i mānga ika tunutunu nāna, 43ē kua rave i'ora aia, kai i'ora i te reira ki mua i a rātou ra.
44Kua tuatua maira aia ki a rātou, “Ko tāku tēia i 'akakite atu ana ki a kōtou, i āku i te no'o'anga ki ō kōtou nei ē, ‘Ka 'akatupu'ia tikāi te au mea kātoatoa tei tātā'ia nōku nei ki roto i te Ture a Mōse, ē tā te au peroveta ra, ē te au Salamo ra.’ ”
45Kua 'akamārama atura aia i tō rātou ngākau kia nakiro tikāi rātou i te tuatua i tātā'ia ra. 46Kua nā kō maira aia ki a rātou, “Ko tēia 'oki tei tātā'ia ra: Ka tākinga kino'ia te Mesia ē ka tū'aka'ou mai mei te mate mai i te pō toru ra, 47ē ka tūtū 'aere'ia te tuatua o te tatarā'ara nō te 'akakore'angā 'ara i roto i tōna ingoa ki te au 'iti tangata rava rāi, ē kia 'akamata'ia mei Iērūsalēma atu nei. 48Ē ko kōtou rāi 'oki te au kite i ēia mea nei. 49#Anga 1.4Ē inā, nāku e tono mai ki a kōtou i tā taku Metua i taputo'u maira. E no'o rā kōtou ki roto i te 'ōire nei kia 'akakī roa'ia mai kōtou e te mana nō runga mai.”
Tō Iēsū 'oki'anga ki te rangi
(Māreko 16.19-20; 'Anga'anga 1.9-11)
50 #
Anga 1.9-11
I muri ake i tō Iēsū arataki'anga atu i tāna au pipi ki va'o, e vaitata a'o atu ki Bētānia ra, kua taki akera aia i ōna rima ki runga, ē kua 'akameitaki maira i a rātou. 51I aia e 'akameitaki maira i a rātou ra, i rave'ia mai ei aia ē 'apaina'ia atura ki runga i te rangi. 52Ē kua 'akamori 'aere atura rātou i aia ē 'oki atura ki Iērūsalēma ma te rekareka ma'ata. 53Ē kua no'o tāmou 'ua rāi rātou ki roto i te 'iero nō te 'akameitaki i te Atua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.